رواية اذا انتثر دمع عينك -38
مشت دانيا و وراها نوف ..إلا طلال نادى : نوووف ممكن ..
دانيا سمعت عمها وتعمدت تمشي وتتركهم ..
نوف أحتارت تلف لطلال ولا تلحق دانيا .. بس بالأخير لفت لطلال : نعم ؟؟ ..
طلال ركب على الخيل ورمى عليها شي : أتمنى تقبلينها مني .. ( ولف بالخيل واختفى عن أنظارها ) ..
نوف ناظرت بالشي اللي رماه عليها .. شافت ميداليه بحرف الـ N بشكل حلو وسنبل .. فكرت شوي واستحت لمجرد التفكير ان طلال يحبها .. وعلى طول حطت الميدالية بشنطتها ومشت للكبينة .. وكل هاللي صار دانيا شافته من بعيد واضحكت على شكل صديقتها ..
&&&&&&&&&&&&&&&&&&&&&&
في الليل على الساعة تسع بعد ماتعشو واستانسوا ..
جالسين الكل برا حولين طاولة ..
سارة اللي لحد الحين محترة من ياسر : يلاه ..
البنات كلهم ماعدا نوف : يلااا ..
سارة قربت من ياسر ويدينها ورا ظهرها : ياااسر
ياسر لف لها : نعم ؟؟ ..
سارة طلعت يدها من ورا ظهرها وماسكة بالونة فيها ماي ضربتها بقوة فوق راس ياسر .. لمن انفجرت وصار شعره كله ماي ..
ياسر مغمض عيونه وفاتح فمه : حقيييييييرة ..
روان رمت على تركي البالونه جهة ظهره وانفجرت وصاروا ملابسه ماي ..
ياسر وتركي عصبوا : هـــــــــي ..
أم مشاري : روان سارة ..
بو أحمد : خليهم .. يستاهل حاط سمك بشناط البنات ..
ياسر انقهر : يبـــــه ..
الكل : هههههههههه ..
ملاك ورهف وسمر بدو يستخدمون مسدسات الماي على ياسر وتركي ..
ودانة ودانيا ومسك يرمون البالونات .. وياسر وتركي يركضون والبنات وراهم والكل يضحك ..
مسك قربت من فارس : أخوي العزيز ..
فارس بتهديد وقف : هاااا مسسك اعقليـ آآآآآآآآآ هين أوريك ..
مسك صفقت بعد مارمت البالونه على فارس : آخر حبة للي تحبه ..
فارس أخذ المسدس من دانيا وقام يركض ورا مسك يرش عليها .. وهي تحاول تحتمي بأي أحد ..
مشاري أخذ المسدس من دانة : أفااا .. فويرس اعقل ..
فارس لف عليه : نعم ..
مشاري رش على وجه فارس : كلام الشيوخ ماينعاد ..
وانقلبت الأية قام فارس يلحق مشاري ..
الكل : ههههههههههههه ..
بو مشاري : ما ادري متى بيعقلون هالعيال ..
بوفارس مبتسم : ولا راح يعقلون ..
بعدها راحوا الشباب كلهم لكبينتهم .. يبدلون ملابسهم ..
فارس تلفت : شباب وين مشعل ؟؟ ..
الكل قام يتلفت بعيونه بين الموجودين .. ولا لقوه ..
فارس وقف : والله أمي لتذبحني .. تظن أن أسيل طول المدة معاي .. وانا اقول لها مع مشعل .. ومشعل الحين مو موجود هنا .. وينه ؟؟ ..
رامي اتصل على جوال أخوه مشعل : هدي أعصابك هذا أتصل عليـ هلا مشعل .. وينك فيه اختفيت من العصغ (العصر) .. تعشينا وخلصنا وانت مختفي .. طيب .. لاتتأخغ (لاتتأخر) .. باي ..
ريان : وينه فيه ؟؟ ..
رامي : دقايق وهو جاي ..
وبعد خمس دقايق شافوا طيف مشعل راكب على الخيل يقرب منهم بهدوء ..
نزل مشعل من الخيل وفي حضنه أسيل ومدها لفارس : ودها لأمك نامت من زمان ..
فارس أخذها وعلى طول راح يوديها عند أمه .. ورجع ..
سامي : وين رحت فيه .. طولت كثير ..
مشاري : اقلقتنا عليك ..
تركي : صحيح اختفيت فجأة وين رحت ؟؟ ..
مشعل مارد بس اكتفى ببتسامة ومد لجام الخيل : رائد خذ الخيل ..
أخذ رائد الخيل و وداها مكانها ..
يوسف ماسك الكام : مشعل سماااااايل ..
مشعل لف له وابتسم ..
يوسف : يلا شباب خلونا نستهبل ..
مشعل توسعت ابتسامته أكثر وعيونه شوي فيها النوم من التعب : رامي تعال ..
وحط ذراعه على كتف رامي وقرب خده لخد رامي وهم مبتسمين بقوة لدرجة أن أسنانهم كلها تقريبا باينة ..
يوسف صورهم : ههههههههه ولا دعاية سيقنل ..
الكل : ههههههههههه ..
وقام الكل يستهبل ويصورون ..
&&&&&&&&&&&&&
الساعة 11 الليل .. الكل جالس بالكباين يريحون ..
سمر ماسكة كيس : مسك قومي معاي عند البحر ..
مسك وقفت : يلاه ..
في طريقهم جا مشاري معاهم ..
وجلسوا كلهم قريب من البحر ..
سمر فتحت الكيس و رمت كل اللي فيه على الرمل ..
مشاري ابتسم : تسترجعين الطفولة ..
سمر ابتسمت وهي تلعب بأدوات الرمل وتسوي جبل : عادي ..
مسك جلست مع سمر يحفرون ويسون حركات بالرمل .. ومشاري يراقبهم ويسولف معاهم ..
مسك : تعال مشاري سو معانا ..
مشاري قرب من عندهم : وش أسوي ..
سمر تأشر له : سو حفرة هنا .. عشان نعبيها ماي بعدين ..
مشاري بدا يحفر معاهم و كل شوي كل واحد يقول نكته ويضحكون ..
فجأة جاو فارس ورائد وجلسوا جنبهم .. وبصوت واحد : وش تسووون ..
سمر ومسك ماردو عليهم منشغلين بالرمل ..
مشاري رد بعد ماخلص حفر : خلصت .. أبد قاعدين نلعب .. ونسولف ..
وعم الصمت والهدوء .. ماعدا صوت موج البحر اللي معطي الجو لحن كلاسكي ..
بعد فترة مشاري شبك يده بيد مسك : مسك قومي نتمشى شوي ..
مسك انفضت يدنها من الرمل : أوك .. سمر لاتكملين الحفرة حقتي برجع بعد شوي ..
سمر منشغلة بالرمل : أوك ..
مشاري ابتسم : هذا إذا رجعت ..
ومشوا ..
ظلت سمر بروحها بعد خمس دقايق رفعت نظرها .. انتبهت لرائد و فارس .. كانوا يناظرونها بنظرات .. بالنسبة لسمر كانت هالنظرات وحدة واستحت منهم .. لكن اللي ماتعرفه سمر أن واحد منهم يناظرها على أنها أخته .. والثاني على أنها اللي يحبها .. وكل واحد أنتبه للثاني ونزل نظره عنها ..
سمر بتردد وهي تحفر : أأ .. ممكن واحد منكم يعبي الدلو ماي حق أصبه بالحفرة ..
فارس أخذ الدلو .. وبما أنه البحر قريب منهم بسرعة رجع .. وحطه جنب سمر : مصدقة الحين أنك بتصبينه بالحفرة ..
سمر أخذت الدلو وصبت الماي كله بالحفرة .. وناظرت فارس باستغراب : إيه .. ليه ..؟؟ ..
رائد ابتسم وأشر للحفرة : طلي بالحفرة بعد دقيقة ..
سمر طلت بالحفرة وماأخذت نص دقيقة : يووووه .. الماي راح .. الرمل شربه ..
فارس : مو لازم تملينها ماي .. بتتعبين كذا .. بدون فايدة ..
سمر برطمت وهي تناظر الحفرة ..
رائد أخذ كيسة جنبه وقرب شوي من الحفرة ودخلها داخل الحفرة وغطاها بشوي رمل : الحين تقدرين تصبين فيها ماي بدون مايروح ..
سمر قامت بتاخذ الدلو إلا فارس أخذ الدلو قبلها : عنك .. (وراح ملأ الدلو ماي ورجع) .. خذي ..
سمر صبت الماي بالحفرة .. واستانست أن الماي ظل ..
رائد مسك الكريك البلاستيكي : ممكن ..
سمر رفعت راسها بعدين نزلته .. وهي ترتب اللي سوته بالرمل : خذها بدون استئذان ..
رائد سوا جبل بالرمل وكتب عليه حرف R كبير .. وفارس سوا شكل جيتار بالرمل وكتب جنبه F ..
بعد ربع ساعة قامت سمر : أإ ..أ .. تبغون الأدوات ولا ؟؟ ..
رائد وفارس : لا خلاص ..
سمر جمعت أدوات الحفر : أوك .. يلا باي ..
اثنينهم ناظروها تعطيهم ظهرها : باي ..
رائد لف لفارس : نقوم ..
فارس : يلاه عشان بكرا نرجع ..
عند البنات في الغرفة ..
كلهم نامو .. عدا دانيا ونوف مبسطين يسولفون وياكلون جلكسيات وحلويات ..
دانيا تنبش بشنطة نوف .. وطلعت الميدالية مع جوال نوف : شهالحركات .. صار عندك معجبين .. ركبي الميدالية بالجوال ..
نوف عرفت ان دانيا تتبيله عليها وتدري أن الميداليه من عمها طلال .. سحبت الجوال والميدالية : بلا حركات بزارة .. ورجعي الميدالية لعمك ..
دانيا : أفاااااااااااااا تردين هدية من عمي طلول مسدح البنات .. أفااا .. ماتوقعتها منك .. وهو اللي قال (وتقلد على صوت عمها) .. أتمنى تقبلينها مني .. هاتي بس اركبها لك بالجوال إذا ماتعرفين .. (وسحبت الجوال وركبت الميداليه) .. وهـ بس فديت عموو ذوقه شي ..
نوف تراقب حركات دانيا بهدوء ..
بعد عشر دقايق صار هدوء في غرفة البنات .. نامو كلهم ..
&&&&&&&&&&&&&&&&&&&&&
عند الشباب ..
كانو نفس الشي كلهم نايمين .. إلا مشعل و رامي .. جالسين يتكلمون بهدوء ..
مشعل لف على سامي اللي يتقلب بفراشه ويكح بالخفيف : أستخدم البخاخ ..
سامي أخذ البخاخ واستخدمه وعيونه مسكرة وبصوت كله نوم : تكلمني كني بزر ..
مشعل ابتسم : إيه ولاتنسى فرش أسنانك إذا مافرشتهم خخ ..
سامي مارد عليه لأنه نام ..
رامي بهدوء وهو يقلب جواله بين يدينه : تقدم لها مرة ثانية .. يمكن توافق ..
مشعل تنهد : شفيك انت وسامي .. تحنون فوق راسي على هالموضوع .. دانيا رفضتني وخلاص .. مو لازم أرجع أخطبها مرة ثانية وسكر السالفة ..
رامي سكت احتراما لأخوه : تصبح على خير ..
مشعل رجع راسه لورا : وأنت من أهله ..
ونامو .. عدا طلال اللي كان معطيهم ظهره ويظنون أنه نايم .. بس هو كان صاحي .. لانه كان يفكر بنوف .. هل راح تقبل الميدالية منه .. سمع كلام رامي ومشعل .. واستغرب من رفض دانيا ..
لأنهم ماعرفوا رد دانيا لحد الحين .. وانقهر منها .. ليه ترفض ولد أخوه .. مافيه عيب والكمال لله .. بس قال في نفسه .. أكيد عندها سبب .. ونام بعد تعب ..
&&&&&&&&&&&&&&&&&&&&&&&
في اليوم الثاني في الصباح ..
رجع الكل لبيوتهم .. وعرفوا بخبر ولادة ربى مرت فيصل وهزؤ ريان لأنه خبى الخبر ولا علمهم .. بس الفرحة طغت عليهم .. بقدوم فرد جديد .. وهي الهنوف ..
والبنات ماقصروا طاروا من الفرح عليها ..
عند رُبى في بيت اهلها حق أيام نفاسها ..
البنات جالسين حولين ربى .. وداقينها سوالف .. وكان موجود فيصل جنبهم ..
دانيا مدت يدها : أشوفها بنت اخوي فصول ..
فيصل : أحم .. تقصدين ابو الهنوف .. مافيه فيصل بعد اليوم ..
الكل : ههههههههههههه ..
دانيا : يالمجرم مو أنا قلت سمها دانيا ..
فيصل : تبغين بنتي تصير منحوسة طول عمرها ..
الكل : ههههههه ..
دانة أخذت الهنوف من أختها بلطف .. وباستها : تهبببل مرة حمرة .. شكل لون بشرتها بيصير أبيض ..
سارة حركت شعرها الخفيف : أحس أنها بتطلع تشبه ربى أكثر ..
فيصل ببتسامة : إذا كذا .. بتطلع قمر ..
البنات كلهم يسون نفسهم مستحين : أحم كح كح ..
فيصل وربى :ههههههه ..
فيصل بنص عين : يقالكم الحين أنتوا يالمستحين ..
رهف : يمكن مو بشرتها بيضا .. مو الحين تحكمين على لون البشره بعد كم شهر يبان ..
روان وملاك يصورون الهنوف ..
فيصل : روينه مليك .. تعالوا صوريني مع أحم بنتي ..
ملاك : ياخوي ترا مو أنت أول واحد تجي له بنت ..
فيصل ناظر بنته بحزن : ما أدري كيف مليك بتصير عمه لبنتي الجميلة ..
الكل : ههههههههه ..
روان : الله ما اقدر أنا على الأب الحنون ..
فيصل باس بنته وأعطاها ربى : أكييد ..
أسيل اللي في حضن أمها : ماما .. أبغى أثوف (أشوف) النونو ..
الكل : ههههههههههه ..
سمر : ماهو أنتي نونو بكبرك ..
رهف : يووه حسافه ماراح تحضرين زواج مسك ياربى ..
ربى ببتسامه : ماعليه صوري يامسك وأشوف صورك والفيديو ..
مسك ببتسامة : ماطلبتي شي ..
وظلوا عندهم شوي .. وطول المدة الحريم يعطون ربى نصايح .. أكلي حلبة زينة .. شربي أعشاب يقولون ترد العافية بسرعة ووو إلخ ..
بعدين مشوا .. عشان ربى ترتاح ..
مشاري بعد ماركبوا رهف و روان ومسك معاه بالسيارة : هاه شرايكم فيها ؟؟ ..
روان : أنت شفتها ..
مشاري : أكييد فيصل مابقى أحد ما وراه صورتها ..
مسك : من حقه أول بيبي له ..
رهف : مشاري .. تزوج بسرعة حتى أحنا نبغى بيبي ..
مشاري ابتسم : إنشالله ..
مسك غاصت بعباتها من الحيا ..
بعد كم يوم ..
مسك مع البنات مرتبشين بالسوق .. يجهزون لها لأن زواجها بعد اسبوعين .. وبالموت لقت لها موديل حق تفصله حق عرسها .. والبنات نفس الشي ..
ومعصبين على مشاري لأنه فاجأهم بموعد العرس .. وهو مستانس ولا عليه ومروق ويقول .. أنا عادي عندي أبغيها باللي فيها بس أنتوا مكبرين الموضوع .. والشباب مانعينه انه يشوفها قبل العرس ..
&&&&&&&&&&&&&&&&&&
في يوم السبت ..
قبل وقت صلاة الظهر بـ نص ساعة ..
عند بيت بويوسف ..
كان يوسف وتركي جالسين بالصالة يناظرون التلفزيون .. وأم يوسف بغرفتها ..
دخل بويوسف البيت وشافهم : قوموا بدلوا ملابسكم .. عشان تصلون بالمسجد بدل البيت .. كنكم بنات ..
قاموا اثنينهم وبدلوا ملابسهم ..
طلع تركي من غرفته لابس ثوب بدون شماغ وجلس بالصالة يناظر التلفزيون بصمت ..
أما يوسف طلع من غرفته وهو لابس جينز وتي شيرت ..
بويوسف شافه : من صدقك بتروح المسجد بهاللبس ..
يوسف ناظر ملابسه : إيه لأني بعد المسجد بروح المجمع اتمشى مع الشباب ..
تركي كتم ضحكته ..
بويوسف باستهزاء : صحيح .. أقول أنقلع وبدل الثياب والبس ثوب .. بسرعة..
يوسف دق تحية العساكر : على أمرك ..
بعد خمس دقايق طلع يوسف من غرفته لابس ثوب بدون شماغ .. ومسوي بشعره سبايكي ..
بويوسف شافه ومسكه من رقبته ولصقه بالجدار وطلع مشط صغير من جيب ثوبه وقام يمشط شعر يوسف : حركات الصياعة اتركها عنك ..
يوسف ابتسم على جنب : أووه بو يوسف يعرف يمشط ..
بويوسف بعد ماعدل شعر يوسف من السباكي .. سطر يوسف : عدل كلامك .. وهالمرة من أقولك شي تسويه عدل .. يلا مشينا ..
يوسف حك خده وهو يناظر ابوه وماسك ابتسامته لا يكفخه ابوه : طيب أعصابك .. مايسوى والله ..
&&&&&&&&&&&&&&&&&&
عند بيت بو احمد ..
كان ياسر جالس بالصاله منقهر بعد ما ضربه أبوه لأنه صلى صلاة الظهر متأخر لانه كان جالس على الكمبيوتر .. وابو أحمد كل شي عنده ولا الصلاة .. ياسر كانت دموعه متعلقه بعيونه بس يكابر ..
دانيا ودانة كانوا جالسين بالصالة ..
دانيا مروقه : يسييِّر بتصيح بتصيح ..
دانة : صيح وفك عمرك ليه تكابر ..
ياسر كان جالس على الكنب وعيونه صايرة حمره .. ودموعه متعلقة برمشه وماسكهم .. مايبغى يبكي .. وملتفت يناظر التلفزيون ..ويهز رجله من القهر : مابصيح ..
دانة شافت دمعة ياسر نزلت : شوف نزلت دمعة شوف ..
ياسر لف لها وقام يمسح تحت عينه .. وبهدوء : وينها .. مافيه شي .. (ورجع يناظر التلفزيون وهو على نفس قهره)..
دانيا : تستاهل هذا اللي يأخر الصلاة عن وقتـ
ياسر لف عليها بقوة لدرجة أن دمعته اللي بعينه طارت بالهوا .. وصرخ فيها وهو واقف : سكــتــــــــي .. ( ومر جنبها وهو ماسك نفسه .. ويوم قرب من غرفته حط يده ييمسح دموعه اللي قامت تنزل أوتوماتيكيا .. ودخل غرفته وقفل الباب ) ..
دانة : دانيا لاتحطين عقلك بعقله ..
دانيا : خليه هالمغرور .. يستاهل .. عشان مايتمادى أكثر ..
دانة : إلا تعالي .. أحمد بيرجع قبل عرس مسك ولا ؟؟ ..
دانيا : والله ما أدري .. بس أتمنى يجون ..
&&&&&&&&&&&&&&&&
مرت الأيام بسرعة ..
قبل العرس بيوم .. يوم الأثنين ..
عند بيت بومشاري ..
مشاري بيطير من الفرحة .. جالس بغرفته ويحسب الساعات والدقايق على نار لمن يجي بكرة .. و روان ورهف نامو عشان يصحصحون حق بكرة عدل ..
وطبعا امه وأبوه استلموه نصايح قبل الزواج .. وهو سرحان يفكر شنو بيكون شعوره بكرة ..
رهف وهي نايمة رن جوالها بنغمة مسج .. وبما أن نومها خفيف انتبهت .. فتحت المسج .. ومكتوب فيه ..
"" روح حلوة ،، وإحساس نادر .. شخص صعب مثلة تلاقي ..
في قلبه وفـآ ،، محبـّه ،، وَ طيبـة !
و
ألف ترليون مبروك لأخوك الدوب وعقبالك ""
رهف قرت المسج واغلقت الجوال بلا مبالاة وفي نفسها "" صدق أن مليكوه ماعندها سالفة "" .. ونامت ..
&&&&&&&&&&&&&&&&&&&&&
أما عند بيت بوفيصل ..
كان ريان منسدح بغرفته .. ويفكر بكلام ملاك .. يوم قالت له أن رهف تحبه .. فكر يبادلها الشعور .. هو من قبل يحس بالإعجاب فيها فقط لاغير .. فرسل لها مسج .. بس ماردت عليه .. ونام ..
&&&&&&&&&&&&&&&&&&&&&
في بيت بوجهاد ..
نوف في سريرها تفكر "" معقولة يحبني أنا ؟؟ .. ومتى شافني أو عرفني فيها عشان يخطبني أنا .. شكله يمزح .. ولا ليه ؟؟ ليه عطاني ميدالية .. والله أن عمهم غريب .. يارب اكتب لي الخير "" ..
&&&&&&&&&&&&&&&&&&&&&
عند بيت بوفارس .. في الليل الساعة 9 الليل ..
مسك مرة متوترة وجالسة بالصالة على أعصابها .. ورائد وطلال وسارة وفارس جالسين معاها ..
رائد ببتسامة : والله وكبرتي يامسك وبتعرسين قبلي ..
طلال : صدقت .. ماني مصدق والله أنها بتفارقنها ..
سارة : إيه بعيدن بيفضى البيت بدونها .. مين أتهاوش معاه ..
مسك شوي وتصيح : سكتوا ولا بكنسل العرس وكل شي ..
الكل : ههههههههههههه ..
فارس جلس جنب اخته : حبيتي أختي أنتي ماعليك منهم .. وأنتوا سكتوا هي متوترة لاتزيدونها ..
مسك حضنت فارس اخوها وقعدت تصيح من التوتر .. وفارس بدوره مسح على ظهرها يهديها ..
سارة قربت من عند مسك وحضنها وعيونها دمعت : يالدووبة .. سكتي ولا بتصيحيني ..
رائد وطلال ناظروا بعض وابتسموا ..
فارس : مسك قومي نامي الحين .. وراك جلسة من الصبح ..
مسك قامت بهدوء مع اختها سارة لفوق يجلسون مع بعض ..
بقى بالصالة رائد وطلال وفارس ..
فارس رجع راسه لورا : ما اصدق أن اختي بتطلع من البيت ..
رائد : شعور يضيق الخلق وجربته .. يوم أختي ام فارس تزوجت ..
فارس بغصة : أحس انها مرة صغيرة .. شكلي بكلم مشاري يأجل شوي ..
طلال ضحك : هههههه .. أجلس لاتخرب عليهم .. يالأخ الحنون انت ..
فارس قام متضايق انه بيفارق اخته وماعاد تكون معاهم بالبيت : بنام .. (وراح غرفته)
طلال ناظر رائد وهو مسيح نفسه على الكنب : رائد ..
رائد لف عليه ..
طلال : حتى أحنا .. أنا افكر اتزوج ..
رائد ابتسم : شكلك غرت من مشاري ..
طلال بادله الإبتسامة : يمكن ..
رائد قام : قوم بس نتمشى بالسيارة ..
طلال قام : جبتها بوقتها ..
&&&&&&&&&&&&&&&&&
في بيت بو مشعل على الساعة 12 بالليل ..
الكل نايم ..
دخل حديقة بيتهم ويحس بهم في قلبه .. توجه للمغاسل الخارجية وفتح صنبور المغسلة .. وانحنى .. خلى الماي يجري على شعره و وجهه .. واختلطت دموعه بالماي .. لمن صار راسه كأنه سابح .. ويكلم نفسه بهمس : يبــه وينك .. وينك ؟ خليتيني بهمي على هالدنيا وحيد .. وينك .. ابغاك تساعدني .. توجه فتح باب الصالة بهدوء ودخل وهو تعبان وحاله متبهذل ..
أم مشعل شافت ولدها وقامت وهي خايفة عليه : يمـه وين رحت فيه .. تأخرت كثير ..
. ناظر أمه مبتسم وعيونه تنطق ألم وحزن .. ماتوقع أنها جالسة لهالحزة .. وتنتظره .. طاحت دمعه ضعيفة من عينه .. وخصلات من شعره تنقط قطرات ماي جهة جبهته .. ورقبته .. وبهمس : كـح أنا تعباااان كح كــح وتعبااان كثير يــمه ..
نهــــــآآية البارت الســـ والثـلـــــــــــــآثين ــآدس .. ^^
أرائكم وتوقعاتكم تهمني ..^^
&&&&&&&&&&&&&&&&&&&&
~| البــآرت السـ والثلـآثـين ـآبع |~
أم مشعل شافت ولدها وقامت وهي خايفة عليه : يمـه وين رحت فيه .. تأخرت كثير ..
. ناظر أمه مبتسم وعيونه تنطق ألم وحزن .. ماتوقع أنها جالسة لهالحزة .. وتنتظره .. طاحت دمعه ضعيفة من عينه .. وخصلات من شعره تنقط قطرات ماي جهة جبهته .. ورقبته .. وبهمس : كـح أنا تعباااان كح كــح وتعبااان كثير يــمه ..
أم مشعل قربت منه ومسحت على شعره المبلول وتبعد كم خصلة عن وجهه .. وعيونه تناظر الأرض بحزن وماسك دموعه بمحاجرها .. وجسمه يرجف شوي من البرد الي يحس فيه بعد ماغسل شعره بالماي ..
أم مشعل بحنية فتحت ذراعينها : مشعـل .. تعال يمه تعال ..
مشعل وكأنه طفل أعطوه عبء يتحمله أكبر من طاقته .. وينتظر منها هالشي من مدة .. حضنها بدون تردد ومغض عيونه يحاول مايبكي .. ويشاهق بصمت .. مايبغى يزيد على أمه ..
أم مشعل تطبطب وتمسح على ظهره وفي نفسها "" والله ماتستاهل ياوليدي اللي يصير فيك .. والله ماتستاهل .. متحمل مسؤلية فوق طاقتك .. "" ..
مشعل هدئ بعد فترة وبهمس تسمعه أمه بعد ماقرر قراره .. وتعب من التفكير : يمـه .. خطبي دانيآ مرة ثانية .. (وسكت شوي وكمل ) .. لــي ..
وخفف من احتضانه لها .. لمن تركها .. وصعد الدرج على غرفته بهدوء شديد .. بدون حتى مايلتف لأمه ..
أم مشعل شافته .. وسمعت كلامه .. تنهدت بهدوء وهي معزمة تخطب دانيا بكرة في زواج مسك ..
&&&&&&&&&&&&&&&&&&&&
فوق عند مشعل في غرفته ..
جالس فوق سريره متربع .. ومدخل اطرف اصابعه بين خصلات شعره .. ويفكر باللي قاله لأمه .. هل هو تسرع ولا ؟؟ .. لا بس هو تعب من التفكير .. حتى يوم اختفى بالبحر ومعاه أسيل كان يفكر باتخاذ قرار نهائي .. وهذا قراره وقاله لأمه ..
&&&&&&&&&&&&&&&&&&&
عند بيت بوأحمد ..
وبالخصوص في غرفة دانة ودانيا ..
دانيا جالسة على سريرها وتقرا رواية .. أما دانة منسدحة على سريرها ومتلحفة وتناظر السقف ..
دانة : دانيا ..
دانيا مندمجة : هااه ..
دانة تناظر السقف بتفكير : ليه رفضتي مشعل ؟؟ ..
دانيا انتبهت لكلام أختها : هااه ..!!!..
دانة لف وجهها لأختها : من قال هاااه سمع ..
دانيا ناظرت الرواية بارتباك وتحاول تقرا بس مو مركزة : وليه تسألين ..
دانة : أنا أسألك جد ترا ..
دانيا بملل رمت الرواية بالأرض جنب سريرها وطفت النور وانسدحت : لأسباب خاصة فيني .. أوك .. ولوسمحتي دنوو لاتفتحين هالسالفة مرة ثانية ترا مليت منك ومن أسألتك عنها .. تصبحين على خير ..
دانة احترمت اختها : وانتي من أهله ..
&&&&&&&&&&&&&&&&&&
مر كل شي والوقت بسرعة البرق بشكل ماتصورته ..
اليوم .. اليييوم اللي يسمونه
ليله العمر
و
الفرح ..
اليوم زواجها مع مشاري ..
رمشت بعيونها كذا مرة تستوعب وين هي فيه ..
كان جالسة بالغرفة المخصصة للعروس بالقاعة .. وترتجف من الإرتباك ومساكة بيدينها باقة الورد الجوري الأحمر المنسق بطريقة جذابة .. وفستانها اللي يدل على ذوق رفيع .. كان ماسك عند الصدر .. على شكل فتحة التفاحة وتحته من داخل قماش فضي يلمع .. وضيق لمن الخصر .. ومن عند الخصر يتوسع .. وفي مناطق متفرقه ممسوك بزمة دائرية بكرستالات .. وذيل طوله متر .. وطرحتها الشيفون اللي تلمع مثبته من ورا في شعرها بدبوس كرستالي اللي مسوينه لها كيرلي ورافعينه لورا بطريقة حلوة .. الفستان كان مرة روعة وسنبل .. ومكياجها كان بين الفوشي والأسود .. وروج وردي .. وطبعا مع الإكسسوارات صايرة مسك مرة تطير العقل ..
7
7
.. صورة للفستان ..
مسك بارتباك : أأ .. سارة صغري على التكيف ..
سارة اللي كانت لابسة فستان لفوق الركبة بشوي .. بقماش شيفون فيه لماع لونه اسود .. يبتدي طبقات من تحت الصدر .. وهو علاق على الكتوف وعلى جهة السير الأيسر فيه وردة بيضا مع رمادي .. كان فستانها سنبل مررررة .. حتى البنات استغربوا أنها راح تلبسه في عرس أختها.. وعصبوا عليها .. بس هي عاندت وقالت عاجبني وكيفي .. وطلعت فيه خطيرة .. وتاركة شعرها على كتوفها ومسويه فيه رولات كبار (يعني يشبه الكيرلي بس طريقة اللف كبيرة) .. ومكياجها رمادي فيه لمعة .. وهالشي خلا عيونها العسيلة الفاتحة تبان بقوة .. مع روج وردي .. وطبعا مع الإكسسوارات .. صايرة تهبببل وكيوووت بالمرة ..
7
7
.. صورة للفستان وشوفوا أطراف الشعر للي مافهم على شكل الشعر ^^ ..
سارة ابتسمت وجلست جنب اختها وشبكت ذراعها فيها : عشان نصير في أفريقيا من الحر .. بس ارتجاف .. والله ما اصدق يامسك أنك بتتركيني ..
مسك تداري عبرتها لاتنزل : سارة واللي يعافيك اللي فيني مكفيني ..
سارة تركتها وبمزح : بس بس لاتصيحين بعد نص ساعة بيدخل مشاري ..
مسك فتحت عيونها اللي انرسمت بالكحل وصايرة خوقاقية : حلللفي .. كم الساعة .. بدري تو الناس ..
سارة : أعصابك شوي شوي .. ريلاكس ريلاكس .. مو تو الناس الحين الساعة 10 الليل ..
مسك تناظر جدار المرايا اللي قبالها : كيف شكلي .. أحس ما ادري فيه شي ناقص ..
دانة اللي جالسة جنب مسك وترتب لها فستانها وطرحتها : قمر والله تهبلين .. ماشالله عليك .. مافيه شي ناقص إلا مشاري .. (وغمزت لها) ..
دانة كانت لابسة فستان طويل لونه رصاصي .. من عند الصدر على شكل التفاحة محدد بكرستالات وعلاق على الرقبة .. ويتخصر على الجسم لمن الخصر .. و ملموم من عند الجهة اليسرى بكرستالة .. وشعرها مسويته كيرلي .. ومع الإكسسوارات .. ومكياجها الدخاني بدرجاته .. مع الكحل الخليجي .. صايرة جنااان ..
7
7
.. صورة للفستان ..
مسك تركت باقة الورد على فخذها وحطت يدينها على وجها بلطف وبخجل : لاتحرجوني اكثر .. أنا بروحي متوترة ..
سارة ودانة : هههههههههههههههه ..
&&&&&&&&&&&&&&&
عند بقية البنات في القاعة ..
البنات داقينها رقص .. وقالبين المسرح فوق تحت من زود الرقص وكل وحدة تقول الزين عندي ..
وقفوا رقص بعد ماوقفت الأغنية ..
سمر تاخذ نفس : بنات خلونا ناخذ بريك .. ربع ساعة على الاقل ..
سمر كانت لابسة فستان طويل سنبل .. لونه ذهبي وفوقه شيفون أبيض منقط بذهبي .. ماسك عند الصدر .. ومن تحت الصدر قطعه ملفوفة لمن فوق البطن لونها ذهبي وبعدها ينساب الفستان على جسمها بنعومة .. مسوية شعرها الكستانئي الغامق ستريت لمن خصرها .. وتاركته على كتوفها بحرية .. ومكياجها الهادئ بين الذهبي والرصاصي الخافت .. والروج الوردي على شفايفها الصغيرة المملوءة .. والإكسسوارات .. طالعة مرة خطيرة ..
7
7
.. صورة للفستان ..
ملاك خلعت كعبها العالي (وأنتوا بكرامه) : صدقتي .. رجلي احسها بدت تألمني ..
ملاك كانت لابسة فستان طويل لونه بشري .. ماسك عن الصدر .. وملفلف على جسمها لمن الخصر .. وملموم عند الجهة اليسرى من خصرها بعدين تبتدي زمات وكشكشات للفستان بشكل عشوائي .. وشعرها مسويته كيرلي وحاطة مشبك كرستالي من على جنب شعرها .. ومكياجها يبتدي ببني غامق ويتدرج للفاتح مع لمعة بالذهبي .. والإكسسوارات .. صايرة حلوة وتجذب ..
7
7
.. صورة للفستان ..
روان : مليك خبلة .. تخلعين كعبك قدام خلق الله ..
روان كانت لابسة فستان أحمر قصير لمن فوق الركبة بشوي .. كان فستانها مرررة مرررة سنبل نفس سارة .. هي وسارة متفقين على السنبل وطالع أشكالهم شي .. كان فستانها ماسك من عند الصدر .. وتحته زمة .. وينساب بنعومة .. ومن جهة كتفها الأيمن .. ومن نفس القماش مركب كـ سير معلق على كتفها مزموم .. شعرها مجعدته كيرلي ومسوية لها غرة (قذلة) ستريت .. ومكياجها الأسود مع الوردي .. وروجها الأحمر الصارخ .. وإكسسواراتها .. صاير شكلها سنبل وجرئ وكيوووووت بالمرة في نفس الوقت ..
7
7
.. صورة للفستان ..
ملاك بلا مبالاة : عادي ..
رهف ببتسامة من قلب : بنات ما اصدق أن مشاريوه الدب اليوم زواجه ولا مين بياخذ .. مسوك .. وناااسة ..
رهف كانت لابسة فستان فوشي طويل .. علاق على الكتوف .. ومن عند الصدر مفتوح بشكل سبعة .. ومن ورا صاير علامة إكس بشرايط ذهبية .. ومن تحت الصدر ملفوف بقطعة قماش ذهبية لمن فوق البطن .. وبعدها ينساب بنعومة .. ومن على جنب مفتوح لمن نص الفخذ .. ومجعدة شعرها بالخفيف .. وتاركته على كتوفها براحة .. ومكياجها الفوشي الهادئ مع الفضي اللامع ..وروجها الوردي مع القلوس .. وإكسسواراتها .. صايرة حلوة وملفته للأنظار بلون فستانها ..
7
7
.. صورة للفستان ..
ملاك : مو بس وناسة إلا أنواااع الفلايل .. عقبال ريانوه يارب ..
رهف مسكت ملاك : تعالي أنتي يالسخيفة .. ليه ترسلين مسج في آخر الليل .. وقسم أنك فاضية ..
ملاك عقدت حواجبها : أي مسج ..
رهف : اللي تباركين لي زواج مشاري ..
ملاك مازالت معقده حواجبها .. فجأة ابتسمت وتوسعت ابتسامتها اكثر : إيييييييييييه .. والله مو أنا .. يمكن ريانووه .. إلا أكييد ريانوه ..
دانيا : شسالفة ؟؟ .. اعترفي .. ياما تحت السواهي دواهي ..
دانيا كانت لابسة فستان ابيض لمن الركبة .. يشبه فستان رهف من فوق عند الصدر .. علاق على الكتوف .. ومن عند الصدر مفتوح بشكل سبعة .. ومن ورا صاير علامة إكس بشرايط فضية .. ومن تحت الصدر ملفوف بقطعة من نفس الفماش الأبيض وعليه قطع صغيرة تلمع مرايا لمن فوق البطن .. وبعدها ينساب بنعومة .. وحاطة لها مكياج وردي مع دخاني .. ومرولة شعرها (يعني كيرلي بس لفات كبار) .. وتاركته على كتوفها بحرية .. ومع الإكسسوارات .. طالعة شي خطييير ..
7
7
.. صورة للفستان ..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك