رواية بصدري وجع كنت احسبه نام يا صدري -36
شاف سلمان حط كتفه : آنتبه لكادي هي آمانتك خلك قريب منها وطلعها دوم ..
كلمات قالها محمد لـ سلمان حركت نخوه بداخله وشعور غريب ماحسه من قبل ..!
الوليد حب هالحركة والتوصية كثير لعل سلمان يتغير ويحس بكبر الخطأ ..
ودع محمد : انتبه لنفسك والله يحفظك ياخالك وكادي لاتخاف عليها..
طلع ولاهوب قادر يحكي يحبها وهالكلمة ماتجيب ولاتعبر بشي من اللي بقلبه لها..
ظلم الحب لو قال بأنه يحبها وبس .. هي عشق مهاد وطفولة ومراهقه وشباب ..
ركب سيارة خويه ..
عبدالله ابتسم : بترجع بحول الله ..
لف يناظر الطريق وساكت ويبي عيونه ماتذرف الدمع لانه بجد من فراقها ضايق مخنوق متألم كثرها وأكثر ..
.
.
.
بيت أهل لمار ..
فهد : هلا بطويل العمر زين شرفت للبيت ..
عزام وهو يسلم على فهد : كنت ببيت خالتي مع العيال ..
فهد : وليه ماترد على جوالك وتترك خالتي ترد .. وبعدين معاك متى بتكبر ..!
الوالدة آمس مانامت من قلقها عليك وأنت ولاهمك .. عزام كبرت اركد شوي..
عزام : طيب ردت خالتي ..
فهد بعصبيه خفيفه : ليه مارديت أنت ..؟
سكت لانه عرف أنه راح يهاوشه على سالفة مع مساعد ..
فهد : شاللي سويته مع مساعد ؟!
بالله ماتستحي على وجهك تدخل كذا وتطرد الرجال بعد ..!
بيتك طال عمرك لاجل تطرده .. تراه بيت الشايب لو هو تحت الثرى الله يرحمه ..
والله ياعزام وشفني حلفت بالله لو تتكرر سوالفك البايخه مع أي مساعد او غيره مايصير خير ..
عزام قمط من عصبيه أخوه ..
فهد : ادخل لامي وحب راسها ويدينها واعتذر منها اشغلت بالها ..
دخل عبدالعزيز وهو مبتسم ولاحس بالوضع من وناسته : فهد وافقوا ..
مافهم فهد للحظه ..
عبدالعزيز : فجر وافقت على الزواج ..
ابتسم وتحولت عصبية على عزام لروقان وهو يضم عبدالعزيز ويبارك له ..
عبدالعزيز بفرحة: الله يبارك فيك ..
عزام ابتسم ونسى تهزئي فهد وهو يسلم عليه : مبببروك منك المال ومنها العيال..
ضحك عبدالعزيز : تونا تونا ..
فهد : بشر الوالدة ..
مبتسم : بشرتها وهي الاولى ..
ابتسم فهد : زين ماعملت .. ماقالوا لك متى نجيهم ؟
عبدالعزيز: لا لكن قريب بنروح لهم وقلت لمساعد بأنها تسوي التحاليل وأنا كذلك ومنها نجهز وعقب لو الله كتب لنا نملك ..
فهد : زين زين .. الله يوفقك ياخوك ..
عبدالعزيز: عقبالك ي العضيد ..
نزلت لمار وأسيل ..
فهد بخوف على أخته : لمار يابوي لاتنزلين من الدرج بهالسرعة انتبهي لنفسك وللي ببطنك ..
امهم وهي تجلس : الله يبلغني يافهد وأشوفك تكلم وتخاف على زوجتك كذا .. متى ببتزوج شكلي بموت ولاشفت لك زوجة وضنا ..
فهد وهو يتقدم لامه ويجلس على رجوله ويبوس يدينها : تعرفيني يالغالية ماسبق ورفضت لك طلب لكن الحريم مالي فيهم ابداً .. والحين خلينا نفرح بـ عزوز وعقبها يصير خير بالغالية ..
امه: متى كل مره يافهد تقولي يصيرخير ولاشفت شي ..
عزام حب يدخل بالجو ولاتحس آمه وتهزأه كفاية اللي اكله من فهد .. باس راس آمه: آسف يمه..
باسته آمه : آآه ياعزام منك ..الله يصلحك ويهديك ويعقلك ..
ضحك فهد :آمييين يمه ..
.
.
.
الشرقية ..
طارق يضحك : هيي أنت وهو تونا جايين من الشغل منب حيل تنكس اركدوا بالله ..
هاني يتنكس : ي مل قلبببن آآآ
دفه نادر وتنكس مكانه وهو يغني : عندنا اجااازه وبنننخمد وننام ..
ضحك طارق : تكفى لا تنشز كفاية الشغل والكرف ..
هاني رمى نفسه على الكنبه : منب مصدق بأن عندنا اجازه للحين .. كرف كرف كرف ..
طارق:هههههههههههههههههههه متعذبين
نادر : وش متعذبين ياخي قسم بالله بششر من أربعه الفجر نصحى ونرجع للغدا بريك آقل من ساعه ولانطلع الا المغرب .. طيب عارفين الراتب زين لكن بشر .. الله يبيح الدراسة ويحللها ..
طارق بحنين : مشتاق للدراسة تدرون شكلي بكمل دراسات عليا ..
هاني جلس: منت بصاحي ..
طارق : أحب الدراسة وبعدين آنفع لي واعرف نفسي بمجال التدريس أفضل بكثير على الاقل لعله يطلع كم واحد يستفيد مني بالعلم اللي أخذه ..
هاني: طيب وبين بتدرس ؟
طارق : لندن أو كنداً ..
نادر: يعني ميب هنا ؟
طارق: لا التعليم عندنا متواضع جداً ..ممكن آدرس هنا لكن أدرس بالمملكة لا وحتى التخصص مهوب هنا بذيك الدرجة ..
وقف : شباب نناقش بعدين بروح آنوم .. لاتصحوني دامني صليت العشا خلاص بنام..
هاني : الا من ينتظرك بالغرفة ..
ضحك طارق : مهوب شغلك ..
نادر مسوي خايف : طيب يصير آنام عندك صاير آحلم آحلام تخرع يااي(قلد صوت بنيه) وأنت حنون لمني بدال الصور ..
ضحكوا طارق وهاني ..
طارق: ههههههههههههههههههههههه لايكثر بالله .. صرت آشك فيكم مركبين كاميرات أنتم بغرفتي ..
هاني : لاطال عمرك بس الصور ذبحتها بـ أحضانك ..
ضحك نادر: آيييه بجد .. تدري تزوج يارجال تزوج خذ لك وحده خالعه(مصطلح يدل على جمال الشي ) وبتنسى ..
وهو يمشي : مافيه أجممل منها ..
هاني شافه وهو يصك باب غرفته عليه : ماينلام أنت مصدق بيلاقي أجممل منها مافيه البنت خالعه ..
نادر: فيه بجمالها لكن طريقة فراقهم موجعه تركتهم يحبون بعض أكثر ..
هاني : الله يصبرهم آآخ يانادر ولاودي يدري طارق تدري من أخذها عساف صديق أخوها مشاري واللي يقهرك أكثر مامدى خلصت العده الا وأخذها ..
فتح طارق الباب يبي يسألهم واستوقفه طاري اللي خذته ..!
عَنْ أَبي هُرَيْرَةَ رَضِيَ اللهُ عَنْهُ أَنَّ رَسُولَ اللهِ صَلَّى اللهُ عَلَيْهِ وَسَلَّمَ قَالَ : « مَنْ جَلَسَ مَجْلِساً كَثُرَ فِيهِ لَغَطُهُ ، فَقَالَ قَبْلَ أَنْ يَقُومَ مِنْ مَجْلِسِهِ ذَلِكَ : سُبْحَانَكَ اللَّهُمَّ وَبِحَمْدِكَ ، أَشْهَدُ أَنْ لا إِلهَ إِلَّا أَنْتَ أَسْتَغْفِرُكَ وَأَتْوبُ إِلَيْكَ ، إِلَّا غُفِرَ لَهُ مَا كَانَ في مَجْلِسِهِ ذَلِكَ » .
البارت السابع والثلاثين
بيت جدان كادي ..
صرخت من إلمها : آآآآآآآآآآآآآآآآه يممممه ظهري
بكت وهي تتألم بالحيل وتنادي جدتها :جججدتتتتتي ..ججججدتتتتتتتي
دخل الوليد بسرعه لغرفتها : ككككادي ..
شوي وجاوا جدانها رفعها خالها وهي تبكي وتتألم : خاااالي إلم ..
جدتها بسرعه تدور عبايتها : ياويلي على بنتي كيف طحتي ..
عطتها وسندها خالها ونزلت مع خالها وجدتها ..
جدها : اصصبرو بجي معكم ..
الوليد : ماله داعي يبه ..
أبوه بحمقه : الا كادي.. اصصبر ..
أخذ معكازه وطلع معهم ..
طول وقتها كانت تدعي ربي يحفظ البيبي مايهمها هالوقت أي أحد يدري همها يبقى البيبي مهيب حمل تفقد ضناها ومحمد ..
جدتها كانت تسمي عليها وتقرأ عليها لاجل يخف الوجع ..
شوي ووقف خالها قبال المستشفى سندها ونزلوا ..دخلوا للطورائ ..
دخلت معاها جدتها لداخل وراح الوليد للاستقبال وأبوه جالس ينتظر
الوليد بعصبيه : خيير البنت تعبانه وأنا خالها وهذي بطاقتي والمسؤول عنها ..
الموظف : شاللي يثبت أنك خالها ..
ناظره بنظره : آقول بتأخذ الاوراق وتتعالج البنت وعقبها أجيب لك كرت العائلة والا يصير بالعلوم العلوم..
الموظف : ممنوع ..
الوليد بعصبيه : ماتفهم أنت .. او توك متوظف هنا ..!
أقولك بنت أختي وزوجها مسافر وطاحت علينا وجبتها هنا ..
أخذ الموظف البطاقة من الوليد : خلاص ياخوي هد أعصابك ..
الوليد : أنا أدري عنك أقولك البنت تعبانه وحتى أنا جايبها مستشفى خاص يعني أهم شي عندكم الفلوس وبتجيك عقب ماتخلص واتطمن عليها ..
وقع على الاوراق وراح جلس جنب أبوه ..
الدكتورة : راح أحولك لدكتورة نساء لان واضح بأن معاك نزيف خفيف ..
بكت أكثر : ماااابي ..
جدتها : نزيف وشو ؟
الدكتورة : الحين راح نتأكد ياخاله ..
تم نقل كادي وجدتها معاها ..عملوا لها تحاليل طارئه ..
كادي وكفها على بطنها :ججدتي ادعي لي ..
قالت هالكلمه وسكتت وراسها بحجر جدتها وجدتها تدعي لها وتقرأ عليها ..
دق الوليد على امه وردت : الحين خذو تحليل لاجل يتأكدون ..
الوليد : من وشو ؟
امه: مادري ياولدي كل ماقلت ليه قالوا بنتأكد ..
الوليد : طيب يمه طميني ..
امه: إن شاء الله ..
سكرت ودخلوا لاجل يأخذونها وتسوي إشاعه وجدتها تمشي معها لاجل تتطمن عليها..
.
.
.
بيت آبو سطام ..
دخلت ومعاها أكياس كثيره .. جلست وهي توري عمتها الملابس اللي شرتها لاجل المدرسة ..
سهى دخلت وراها وهي توري آمها بعد البلايز والقمصان للجامعه ..
أم سطام : الله يصلحكم ياحبكم للملابس ..
سهى : يممه لو تشوفين أشياء جديدة توها نازله ..
الجوري: بججد عمتي أشياء مرآ حلوه ..
أم سطام : حتى يابناتي الله يصلحكم الاسراف ماحبه الله .. وبعدين مهوب شرط كل يوم بلوزه تختلف عن الثانية ..
سهى : أكيد يمه مهوب كل يوم بلوزه تختلف بس لابد الاناقه ..
أم سطام : الله يهديكم ..
شالوا الاكياس وطلعوا كلن لغرفتها ..
دخلت وهي تنزل الاكياس فزت شي وراها ..
ضحك وهو يضمها :خفتي ؟
فكت نفسها : وش تبي ؟
: خلاص جوري سامحيني ..
عقب نظره : جد ..
أي قلب آملكه لاجل اسامحك ..!
وش هالطيبه فيني لاجل آسامحك بدون مقابل ..!
بسرعه: اللي تبينه بعطيك بس آطلبي ..
الجوري : تطلقني واسامحك ..
: عشم ابليس بالجنه ..
: سطام
خق : ي بعد قلبه
بحده : اطلع برى هالغرفه ..
زعل : الحين آقولك ي بعد قلبي تقومين تقولين اطلع برى ..!
الجوري وهي تشيل أغراضها : لان معروف غرضك من ورى هالحكي .. وبعدين ليه ماتروح شغلك ؟
: اولاً أنتي زوجتي ياحلوه ثانياً توني جاي من عند العيال بالشقه نمت عندهم ..
: كان جلست عندهم وفكيتني ..
وهو يجلس على الطاولة الصغيره ويناظرها وهي ترتب ملابسها : طيب ليه تكرهيني ؟
تتكلم وكأنها تكلم طفل لاجل يزعل ويروح عنها : لانك اصغر بكثير من إن تكون زوجي ..
: ليييه ؟ طيب ليه وافقتي عليه اجل ؟!
بحسره : من قالك وافقت أنا انجبرت على الزواج منك ..
بلمح بصر جلس على الارض قبالها : وشو ؟!!
ناظرته للحظه : آيييه انجبرت توك تدري يعني .. الله يسامح أبوي بس ليته دام هيبي الفكه زوجني لشايب ولا أنت ..
بنظره : لاتقولين هالحكي قبالي فاهمه والا لا ..
دخلت سهى : آآوه سوري على بالي موب موجود سطام ..
الجوري : لا قلبي ادخلي ..
قامت من مكانها وهو تكئ على الدولاب : سهى وين امجاد ؟
ناظرته أخته والجوري ماعطته أي اهتمام ..
سهى : كل مادق عليها ماترد ..
وقف بسرعة : ليكون تعبانة ..
سهى : مدري .. اصلاً متغيره من تزوجتم خلها تراجع نفسها ..
طلع من غرفة الجوري وهي تناظره : بالله أخوك ذا متأكدين عمره 24
ضحكت سهى : الكل يشك وعلى قولة أبوي الكبر كبر العقول مهوب العمر..
الجوري : والله بجد هالشي ..
.
.
.
شقتهم ..
كانت توها تفطر خزته من دخل ورجعت تكمل فطورها الخفيف ..حك شعره وجلس قبالها :سلام ..
ماردت ..
قام جلس جنبها من زعلها قامت من مكانها وتركت الفطور ودخلت لغرفة النوم وهي تصك الباب ..فتح الباب وصكه وراه : آووف زعلانه ..
ماردت عليه ..
ضمها من خصرها : فقديتني على هالزعل ..
بسرعة : لاتتدعي على نفسك ..
وراسه على كتفها وقلب السالفة عليها : تخافين ومارديتي السلام ولاتطمنتي علي البارح ..!
وهي تناظره وترفعه من كتوفها : كنت مع الزفت الجوري ..
: لا ماكنت عندها كنت مع ربعي ونمت عندهم ..
:قول والله ..
: والله ..
امجاد : ليه ماجيت هنا طيب ؟
سطام : أنتي زعلانه وماحب اجلس وعلاقتنا متوترة ..
دمعت : ترى حركتك وأنت تجي من عندها مانسيتها ولاراح آنساها ..
مسح دمعتها وهو يبوسها : غلطه كانت .. وانتي عارفة باني احبك ..
بقهر : كل مره تقول أحبك وأحبك وتروح عندها ..!
تورط ..
امجاد : ليه تروح عندها دام ماتحبها ..؟
سطام : لازم اعدل ..
بعصبيه وغيره : قصدك قلبك مأكلك على جمالها .. مهوب عدل ..
مسك خدها وهو يحاول يمتص غضبها وغيرتها : مجودتي
فزت منه ومن حركاته: سسطام ..
ضحك : بنت بنت ترى بشقتنا ولا أحد معنا ..
ضحكت وصدت ..
ضحك وتالي قال وبجديه :امجاد ترى أحبك لاتحاولين تمسكين الامور الصغيرة وتغاضي عن إشياء كثيرة لاجل مايكثر زعلنا وبعدنا عن بعضنا ..
: المهم بأنك تحبني ..
سطام : قلت من قبل لو ماحبك ماسويت كل شي ودمرت إشياء كثيرة لاجل أخذك..
باسته ..
ضحك وآنفه على آنفها : ناويه تدوخيني أنتي ..
.
.
.
المستشفى ..
دخلوها للتنويم ..
الدكتورة : ياخالتي لازم نعطيها مثبتات للحمل ..
صدمة أخذتها جدتها : حامل ..!
الدكتورة : آيييه والحمل توه ببدايته ..
جدتها للحظات وحست بفرحة : عسى مامعها نزيف ؟
الدكتورة : خفيف بالحيل بس لان توها بالبداية يبي لها عناية مكثفه ..
جدتها لمست شعرها بحنان وهي نايمه : الله يخليه لها ويرد محمد بالسلامة..
دخل الوليد وأبوه على طلوع الدكتورة ..بشرتهم جدتها ..
ابتسم الوليد : بدري ..!
امه وهي مبتسمه : بدري لكن إن شاء الله هالضنا وحملها يتركها تلهى شوي فيه إلين يرجع محمد ..
جدها دنق وهو يبوس راسها : دلوعة شايبها الله يقومها بالسلامة ..
الوليد : توها يمه بالحمل ؟
امه: توها ..
ابتسم خالها : ياحليلها بتصير ام ..
جدها ابتسم وهو يمسح على شعرها وفرحته بهالخبر غير شكل ..
.
.
.
العصر
المشغل ..
لمار : صدقيني راح تطلع حلوه ..
الجوري : شوفي شعرك ماشاء الله سايح(ناعم) وطويل وراح تناسبك بالحيل الغره
الجوهره تناظر شكلها : ودي ..
الجوري : بتطلع إلييمه ..
الجوهره تناظر الكوفيره وابتسمت : تتوقعين تطلع حلوه ؟
ابتسمت : بتطلع ححلوه وراح تطلع الوجه بيبي فيس أكثر ..
الجوهره : طيب آقصه من تحت شوي ؟
الجوري : آيييه ..
الكوفيره : حرام آقصره بالحيل ..
الجوهره : آييه تبين آمي تذبحني
ضحكت الكوفيرة :معها حق ..
الجوهره : خلاص آجل قصي منه شوي ..
بدأت بالقص جلست لمار والجوري ..
لمار : راح تطلع حلوه عليها
الجوري : أكييد ..
دق جوال لمار وكان أخوها فهد ..
: هلا فهد ..
فهد : هلا عيون أخوها .. لمور راح تبطين ؟
لمار تناظر الساعة : لا شوي ..
فهد : حلو .. لان بنروح لبيت عمي لاجل خطبه عبدالعزيز ..
لمار : خلاص بجي على المغرب ..
فهد : خلاص بحفظ الله ..
سكر أخوها منها وهي قامت لـ أسيل ومعها الجوري ..
أسيل : شرأيكم بالقصة ؟
الجوري : تجنننننن
لمار : حححلوه حيل ..
أسيل : بسوي لها سراميك
لمار : لا تكفين خلي دجه الثانوي وستايل الكوريين بنروح الليلة لبيت عمي لاجل خطبه عزوز ..
أسيل : مالي شغل بسوي سراميك لاجل آشوف يضبط أو لا
لمار : أسيل بلا هبال سوي استشوار عادي بس غير كذا لا ..
الجوري : ههههههههههههه خلاص اسمعي الحكي ..
أسيل : طيب طيب ..
سوت آستشوار .. والجوهره تضحك عليها : ماتركوها تسمرك شعرها..
أسيل :ههههههههه بسسويه وآشوف خشتي ..
لمار وهي تنزل جوالها : كدو ماترد ..
الجوري : آييه آدق عليها حتى على جدتها ماترد بعد ..
لمار : عندك رقم خالتها سحر ؟
الجوري : آيييه عندي .. آدق عليها بس آحس فشله ..
لمار : مم ماعرف .. تدرين لما تخلص جوهره تدق لان دوم تكلمها وعادي..
الجوري: آوككي ..
جلسوا يسولفون وهم يناظرون الجوهرة وأسيل اللي تقص والثانية تستشور ..
خلصت الجوهرة القص وهي تناظر شكلها وتضحك : يؤ طلعت كأني بزر
أسيل رفعت راسها : ي لبيييييييييييييييييييييه تهبلييييين
الجوهرة : صدق
أسيل بصدق : والله تجنننننييين ..
الجوري قامت : ماششاء الله تبارك الله ..
لمار : كيييوتا كييييوتا ..
الجوهرة لفت خصله من شعرها بأصبعها وهي تتدلع بـ هستره ..
ضحكوا البنات ..
الكوفيرة : غييرتك القصصة تماماً ..
ابتسمت لها : بفضل الله ثم بفضلك ..
الكوفيرة : طيب شرأيك نشقر حواجبك ..
لمار : لا حواجبها خفيفه ومهيب عريضه ابداً يبي لها رسم ..
الكوفيرة : بس التشقير يكون أحلى ..
الجوري : مم التشقير حرام ..
الكوفيرة : لا الحف حرام بس التشقير عادي ..
الجوري بهدوء : ممم هيئة كبار العلماء وأكثر من سؤال وسمعت الشيخ عبدالعزيز آل الشيخ والشيخ عبدالله المطلق ..
لمار : صح حرام وبعد قريت للشيخ عبدالله الجبرين الله يرحمه ..
***
ما حكم تشقير الحواجب .. وكذلك نتف ما بينهما ؟
لا شكَّ أن النمص والنتف حرام ؛ لأن النبي صلى الله عليه وسلم لَعَنَ (( النامصة والمتنمصة )) فالنمص قص شعر الحواجب أو الوجه فهذا محرم ، أما تشقير الحواجب وتحديدها فهو تغيير لخلق الله .. والمطلوب أن تدع الحواجب وما بينهما ولا تحاول أن تقتدي بالكافرات ومن حولها
سماحة الشيخ عبد العزيز آل الشيخ – حفظه الله –
(نور على الدرب )
هل يجوز تشقير - صبغ – الحاجبين ؟
الحمد لله
اختلف العلماء المعاصرون في حكم تشقير الحواجب هذا ، فمنعته طائفة كما جاء في جواب اللجنة الدائمة للإفتاء عن السؤال التالي :
انتشر في الآونة الأخيرة بين أوساط النساء ظاهرة تشقير الحاجبين بحيث يكون هذا التشقير من فوق الحاجب ومِن تحته بشكل يُشابه بصورة مطابقة للنمص ، من ترقيق الحاجبين ، ولا يخفى أن هذه الظاهرة جاءت تقليداً للغرب ، وأيضاً خطورة هذه المادة المُشقّرة للشعر من الناحية الطبية ، والضرر الحاصل له ، فما حُـكم الشرع في مثل هذا الفعل ؟
وبعد دراسة اللجنة للاستفتاء أجابت :
بأن تشقير أعلى الحاجبين وأسفلهما بالطريقة المذكورة : لا يجوز لما في ذلك من تغيير خلق الله سبحانه ولمشابهته للنمص المحرّم شرعاً ، حيث إنه في معناه ويزداد الأمر حُرمة إذا كان ذلك الفعل تقليداً وتشبهاً بالكفار أو كان في استعماله ضرر على الجسم أو الشعر لقول الله تعالى : { وَلاَ تُلْقُواْ بِأَيْدِيكُمْ إِلَى التَّهْلُكَةِ } ، وقوله صلى الله عليه وسلم : « لا ضرر ولا ضرار » ، وبالله التوفيق .اهـ.
وقال الشيخ عبد الله الجبرين – رحمه الله تعالى - :
أرى أن هذه الأصباغ وتغيير الألوان لشعر الحواجب لا تجوز فقد لعن النبي صلى الله عليه وسلم النامصات والمتنمصات والمغيرات لخلق الله الحديث ، وقد جعل الله من حكمته من وجود الاختلاف فيها . فمنها كثيف ومنها خفيف منها الطويل ومنها القصير وذلك مما يحصل به التمييز بين الناس ، ومعرفة كل إنسان بما يخصه ويعرف به ، فعلى هذا لا يجوز الصبغ لأنه من تغيير خلق الله تعالى .
" فتاوى المرأة " جمع خالد الجريسي ( ص 134 ) .
***
الجوهرة : كله الا الحرام .. الله يبعدنا عن مايغضب الله ..
سكتت الكوفيرة وماعلقت ..
أسيل : طيب أنا احط من مجموعة الحواجب ميك آب آيفر جربيها الجوهره ..
ريتال ( أخت الجوهره) : آيييه يجننن ..
الجوهرة : آييه آعرفها وعندي آحط منها بأوقات ..
الجوهره رجعت تناظر شكلها : بنات جد شكلي حلو ..
الجوري : والله حلو مرآ ..
جلست تناظر شكلها وحست بالتغيير فعلاً مع صبغها لشعرها باللون البني على عسلي مع الغره وتقصيرها لشعرها شوي ..
وهم يلبسون النقابات ..
ريتال : جوهير ترى تعبت ليه نروح للمستشفى الحين .. خلاص بكره
الجوهره تحط عبايتها على راسها : لا .. سويت موعد الليلة بنات بركب كرستاله..
الجوري : ناوية عليه أنتي
الجوهره :هههههههههههههه هي كذا بالضبط ..
طلعوا البنات لمار وأختها والجوري طلعوا مع سواق أهل سطام والجوهره وريتال طلعوا مع أخوهم ..
.
.
.
المستشفى ..
ضاقت وكرهت تصرفها من شافت فرحة جدانها وحست بأنها خدعت الكل بسالفة حملها ..
خالها الوليد يمسح على شعرها : وحده يقولون لها بأنها حامل وتتضايق كذا..
سلمان بضيق أكبر : آييه لان مامر على زواجهم سوى آسبوع وكم يوم..شدعوة عاد..!
الوليد لف وخزه ..
دمعت ومسح خالها دموعها : آفا آفا تشرهين على كلام هالخبل ..
كادي تمسح دموعها : لاخالي بس بجد تعبانة ..
ضاقوا خوالها من هالكلمة بالحيل جلس سلمان على طرف السرير : كادي آسف ماقصد ..
: عادي ياخالي بس تعبانة ..
فرغت كل اللي بداخلها من هموم فرقى والآم وضيقات بأحضان خالها الوليد..
دخل خالها الكبير مع جدها عقب ماصلوا المغرب ..
خالها الكبير : سلامتك ومبروك مبروك الله يتمم عليك ياخالك ..
سلم عليها خالها وهو يجلس جنبها على السرير ..
جدها : الوليد سلمان صليتم ؟
الوليد : آيييه صلينا في مصلى المستشفى ..
خلصت جدتها الصلاة وجالسة على سجادتها ..قام ابراهيم (ولدها الكبير) باس راس آمه :كيفك يمه ..
امه: الحمدلله ..
سندها وقامت ..وصلت لكادي :وراها نور عيون جدتها تبكي ..
قام جدها : كادي تبكي من بكاها ؟
الوليد مبتسم : ي ساتر مهوب احنا .. بس أنها متضايقه
ابعدهم جدها عنها وهو يضمها : حبيبه شايبها وراها تبكي ..ماعاشت ضيقه تحتويك وشايبك حي..
لمها جدها وهي تبكي كانت بجد ضايقه من أشياء كثيرة ..
خالها أبراهيم عقب فترة وهو يشوفها تهدأ بحضن جدها : كادي تبين آجيب لك وحده من البنات تنام وتجلس معاك ..
جدها : آيييه جيب لها ..
خالها ابراهيم : إن شاء الله .. كادي ترى مرة خالك كانت بتمر بس امها الله يعافيها تعبت شوي وراحت لها ..
امه: الله يشفيها سلم عليها لامن مريت ..
ابراهيم : إن شاء الله..
طلع وعقبه سلمان على دخول سحر اللي جلست وهي تقول لـ كادي بإن محمد دق عليها واستغرب بأنها ماترد وحتى جدانهم ..
الوليد : فعلاً تراه دق بس ماقلت له ..
أبوه: أحسن لاجل ماينشغل باله لكن علميه ياكادي بحملك خلي هالخبر يفرح خاطره..
.
.
.
بريطانيا ..
الفندق ..
مايقدر يمر هاليوم بدون مايشوفها يلمسها يضمه له ولو كل شي منها له بدون آحساس لكن يرضيه كل شي ..
وهي تبعد عنه : وش تبي أكثر ؟
وهو يناظرها : نامي هنا ..
تناظره : لا ..
ماتحرك من السرير واكتفى يناظرها : بعرف شي واحد ماتعرفين تلين كلامك معي..!
بجفا أكبر بنبره صوتها : لا ..
بضيق: الله أكبر على قلبك وقسوتك ..
ضحكت بضيق : كم مره أقولك مافيه قلب عندي ..متى راح تقتنع ي آبن الناس ؟
جلس : شاللي تبينه ويرجع ذا القلب ..؟
: ماراح يرجع ..
أخذت ملابسها ودخلت لاجل تأخذ شاور رجع رمى نفسه على السرير : الله يصبرني عليك ..
.
.
.
جناح سلطانه ..
أخوها ضايق من آسلوبها وبرودها : طيب محتاجه فلوس شي ؟
سلطانه: لا ..
سعود : لو احتجت يعطيني خبر ..
سلطانه : الله لايحوجني لـ أحد من خلقه ..
: أنا أخوك ..
سلطانه وهي تناظر من الدريشة : ماعندي أخو ..
سعود حزت بخاطره : واللي يكلمك الحين ؟!
بقسوة : شخص كان يعني لي شي بس الحين ولاشي ..
: الله ..
: سعود بسكر لاني بطلع بعد شوي ..
سعود :صكي بوجهي ماله داعي تستأذنين ..!
: آووك آجل سي يآ ..
صكت الجوال وغافلتها دموعها : آقسى وآقسى وقلبي عندك بالرياض وعيوني تبي شوفتك وأنت تضحك وتلاعب عيالك ..
فكرت بأخوها ومصعب الغايب عنها من البارح ولاسألت عنه ولافكرت تسأل بس مستغربه ..!
.
.
.
بيت آهل سطام ..
نزل مع امجاد وشافها تسولف مع امه عن تغير نيولوك الجوهره .. عض على شفته السلفى بقوة وهو يشوفها لابسه بنطول طويل ضيق وجاكيت ماسك عليها من غير شعرها الكيرلي وكحلها الفاحم وروجها الاحمر ورموشها المضاليل ..
بلع ريقه وهي يجلس قبالها وجنب امجاد اللي فهت هي الثانية باللي قبالهم ..
امه : زين نزلتم لان البندري راح تمرنا وتسهر معنا ..
سهى ضحكت : وش هالتفهيه ؟ يممه شوفيهم
ضحكت آم سطام : شفييكم ؟
ضحكت الجوري وقامت للمطبخ لاجل تشوف القهوة ..
سطام عيونها تتبعها إلين اختفت ..
امجاد كانت الغيره مأكله قلبها قام بسرعة للمطبخ دخلت وهي تشوف الجوري تنزل القهوة وحكت فيها على صرخت الجوري من القهوة ..!
عَنْ أَبي هُرَيْرَةَ رَضِيَ اللهُ عَنْهُ أَنَّ رَسُولَ اللهِ صَلَّى اللهُ عَلَيْهِ وَسَلَّمَ قَالَ : « مَنْ جَلَسَ مَجْلِساً كَثُرَ فِيهِ لَغَطُهُ ، فَقَالَ قَبْلَ أَنْ يَقُومَ مِنْ مَجْلِسِهِ ذَلِكَ : سُبْحَانَكَ اللَّهُمَّ وَبِحَمْدِكَ ، أَشْهَدُ أَنْ لا إِلهَ إِلَّا أَنْتَ أَسْتَغْفِرُكَ وَأَتْوبُ إِلَيْكَ ، إِلَّا غُفِرَ لَهُ مَا كَانَ في مَجْلِسِهِ ذَلِكَ » .
البارت الثامن والثلاثين
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك