رواية بصدري وجع كنت احسبه نام يا صدري -33
الفجر ..
بيت سلطانه ..
آذن وهي تسمعه لان ماجا عيونها النوم .. مشت لاجل توضي وتالي صحت دانية قامت وقالت لها تصحي سعود ..
دخلت دانيه للغرفه وجلست على طرف السرير :سعود ..قوم حبيبي صلاة الفجر آلحقها قبل ماتقيم الصلاة ..
تحرك وجلس : طيب ..
وقفت واستوقفها سؤاله المستغرب : نمت هنا ؟!
وهي تناظره ورحمته : آيييه .. كنت تنتظر سلطانه ونمت ..
فرك وجهها : وينها الحين ؟ ووين نامت ؟
:مانامت وكانت بالصاله العلوية والحين راحت تصلي ..
طلع مع دانيه من غرفة أخته وشافها تصلي ..ناظرها شوي ومشى لاجل يلحق الصلاة ..
خلصت من صلاتها وقامت لغرفتها وهي تقرأ الورد اليومي لها عقب صلاة الفجر ..
(وقرآن الفجر إن قرآن الفجر كان مشهوداً ) الإسراء آية 78
قال رسول الله صلى الله عليه وسلم
.( لان يهدى الله بك رجلا واحدا خيرلك من حمر النعم )...
*جدول الورد اليومي ..
يساهم بالتذكير ببعض الأعمال التي يمكن للفرد أن يقوم بها في نهاره أو في ليله وحتى قبل نومه
الــــــورد اليـــومى
وقد قمت بإختيار أعمال معينه تتكرر يومياً في أوقات مختلفة وهي:
بعد صلاة الفجر ..
ما المانع ان نجلس ربع ساعه لقراءة:::
صفحه واحدة من القران الكريم
ثم ...* أذكار الصباح.
( اجعلها كورد يومى تكون ذاكرا لله عزوجل حتى لاتكتب من الغافلين )
بعد صلاة الظهر
( ختام الصلاة ثم الدعاء ثم قراءة صفحه من القران الكريم )
بعد صلاة العصر
( ختام الصلاة ثم الدعاء ثم قراءة صفحه من القران الكريم )
ثم قراءة أذكار المساء
بعد صلاة المغرب اوالعشاء
*محاوله قراءة كتاب صغير مفيد. او الاستماع لشريط مفيد
* قراءة القرآن مع تفسيره.ولو صفحه واحدة يوميا
* ذكرالله بماورد فى الكتاب والسنه:
و أقصد هنا أن يختلي الفرد بنفسه ولو لدقائق يجلس فيه ليذكر الله سبحانه وتعالى و يسبحه ويحمده ويستغفره ، فلك أن تخصص لذلك بعض الوقت 10 دقائق - 15 دقيقه - 30 دقيقه وأن تختم خلوتك هذه بدعاء صالح لك وللمؤمنين ، قال الرسول صلى الله عليه و سلم: ( أفضل العباده الدعاء ) سلسلة الاحاديث الصحيحه 1579..
* حفظ جزء من القرآن.
وليكن ثلاث ايات يوميا والافضل ان تكون بعد صلاة الفجر لخلو الذهن وصفاءة من اى شوائب
.
.
.
بريطانيا ..
بيت عساف
آخر الليل ..
من قامت وعينه تشوفها ولاتحرك يبيها تأخذ راحتها .. شافها وهي تأخذ الملابس الجديدة اللي جابها لها وسحبت آقرب آقرب واحد ودخلت وهي تأخذ شاور لاجل تخف الحرارة بجسمها والالم من الكلى وراسها من ضربه ..
كل شي فيها وبداخلها يبكي ..
كلم الخدم وقومهم لاجل يسوون لها آكل ساخن ..ورجع حط راسه ..أخذت وقت وطلعت وهي تدور عبايتها ولاشافتها تبي تصلي طلعت من الغرفه وقلبه مأكله عليها يبي يشوف شتبي ويعطيها ..
طلعت من هالغرفه ومشت وهي تتكئ على الجدار إلين وصلت للجناح شافتها عبايتها مرميه هناك أخذتها وصلت كل الفروض اللي فاتتها ..
خلصت من صلواتها وأخذت الجوال من شطنتها وهي تتكئ على الدرج إلين نزلت للصالة ..جلست وهي تشوف الساعه 2 الفجر فكرت أكيد الحين 5 أو 6 بالرياض ويمكن سلطانه صاحيه ..
فتحت جوالها وهي تشوف مكالمات كثيرة من صديقاتها ورسايل كلها تسألها وينها ؟
شافت التلفون ومعه الشغاله وهي تكلمها وجابت لها التلفون وتقولها تجيب لها أكل وأي عصير ..
دقت من التلفون ومادق : آففف ..
سحبت جوالها من ثاني وحاولت تدق ومسك معها الخط ..
رجعت ظهرها وهي تشوف الخدم يجيبون الاكل ناظرهم بغرابة ولاسألت لان سلطانه ردت : رتيييو وينك ؟
بصوت تعبان للآخر : في لندن ..
جلست سلطانه : تمززحين متى سافرتي ؟
وهي بدأت تأكل : قبل آمس المغرب سافرت .. سوس طالبتك تعالي لي لندن انا تعبانه حيييل ..
من غير تفكير ولبت هالطلب : من عيوني أجيييك ..صوتك ي بعدهم تعبان ..!
رتيل نزلت الملعقه : أنا مو تعبانه بس .. هالكلمة تظلم اللي فيني .. تكفين لاتبطين علي ..
سلطانه : الليلة منيب نايمة الا بلندن ..
بكت وهي تتكلم بكلام موب مفهوم من شهقاتها ..
سلطانه ضاق صدرها : عيوني أنتي لاتبكين بجيييك بس لاتبيكن حتى الحين بروح آشوف حجز وأجيك .. لاتبكين ياعيون صديقتك ..
رتيل وهي تكف دموعها: آنتتظرك أول ماتحجزين للندن عطيني موعد أقلاعها وهبوطها ..
سلطانه : من عيوني ..
رتيل : بسسكر واحجزي طيب سلطانه محتاجتك والله ..
هلت دموعها من صوت رتيل الباكي المخنوق : الحين بحجز وبرجع أقولك ..
سكرت منها وهي تحط كفها على شفايفها وشرقت بدموعها من فرحتها بجية سلطانه ..
تجرأ اخيراً ونزل لاجل يشوفها شافها تبكي جلس ولاتحرك لعلها تهدى ..عيونه تراقبها إلين هدأت وعقب فترة خذت عصير وبدأت تشرب منه بهدوء ..
.
.
.
الرياض ..
بيت سلطانه ..
سعود يناظرها : وين تسافرين ؟
سلطانة :لندن ..
: مع مين ؟
وهي ترفع راسها وتناظره : وحدي ..
طير عيونه فيها : مستحيل وحدك ..
: متعوده اسافر وحدي دائما من السعودية للندن ومن السعودية لكندا ..متعوده من مبطي على هالشي وغصب عني لاماعندي محارم ..
بتعجب : وأنا وين رحت ؟
بعد فترة صمت بسيطه: كنت ميت ..
طلعت لغرفتها وطلع وراها : سلطانه ماتكلم عن الماضي اتكلم عن الحين .. سفر وحدك مستحيل ..
: شوف سعود لاتسوي فيها الولي علي .. عمري 23 سنة يعني لا أنت ولا أبوي ولا خال ولا عم لكم كلمة علي ..فاهم اطلع برى ..
شاف للمره الاولى عصبيتها طريقتها بالحكي وهي مترفزه .. صوتها الحاد ..أحمرار وجهها من غضبها من كلامه ورفضه ..
:سلططططانه ..
بحده أكبر : سعود أطللللع اشوف برى ..
مسك يدها بقوة وبعصبيه على دخول دانيه ولا انتبه لها وهي يصرخ : شوفي حركات المسترجلات اتركيها فاهمه ..
بعض الجروح إن جت من أغراب عادي
الجرح موت الجرح لا جا من أحباب
.
.
.
عَنْ أَبي هُرَيْرَةَ رَضِيَ اللهُ عَنْهُ أَنَّ رَسُولَ اللهِ صَلَّى اللهُ عَلَيْهِ وَسَلَّمَ قَالَ : « مَنْ جَلَسَ مَجْلِساً كَثُرَ فِيهِ لَغَطُهُ ، فَقَالَ قَبْلَ أَنْ يَقُومَ مِنْ مَجْلِسِهِ ذَلِكَ : سُبْحَانَكَ اللَّهُمَّ وَبِحَمْدِكَ ، أَشْهَدُ أَنْ لا إِلهَ إِلَّا أَنْتَ أَسْتَغْفِرُكَ وَأَتْوبُ إِلَيْكَ ، إِلَّا غُفِرَ لَهُ مَا كَانَ في مَجْلِسِهِ ذَلِكَ » .
البارت الثاني والثلاثين
بيت سلطانه ..
كل كلماتهم وجروحهم لها شكل .. وجرح العزوه غير ..
ماعرفت بأي شكل تقابل هالجرح ؟!
كيف ترد على أخوها ؟!
لحظات وكبريائها اللي متعوده عليه بهالمواقف منها الاقراب رجع لها نفضت يد أخوها ودفته وهي يناظرها بصدمه ..
بعصبيه وهي ترص على آسنانها : مسترجله لان ماعندي رجال ..كلهم رخوم كلهم آشباه بالرجال فاهم ..
رفع يده ودفتها لوجهه وهي تناظره بقوة : سعود فوق لنفسك ترى سلطانه ماجابته آمه اللي يضربها ..حدكم وضربكم وآهانتكم إلين عمر 17 وآنتهت وعقبها ماحد تجرأ يمد يده علي لان لو مدها كسرتها له ..
صرخ فيها : سسسلطانه ..
فزت دانيه منهم وهي تحاول تمسك سعود ونفض يدها : دانيه اطلعي برى ..
دانيه : سعود اطلع الحين خلاص ..
بعصبيه : داااانيه اطلعي اقولك ..
دانيه : سسسعود خلاص شفيكم .. سلطانه خلالاص ..
سلطانه وهي تبعد : دانيه خذيه واطلعوا من غرفتي ..ببدل واطلع لشغلي ..
ناظر اخته للحظات وسحبته دانيه : خلاص سعود اطلع ..
طلعته .. صكت الباب بقوة وتكت عليه وهي تثني رجلها والثانيه واقفه عليها وتبكي : آآآآه ياسعود ..
جمعت نفسها ومشت لاجل تبدل تأخذ شاور وتصحصح ..
أخذت شاور سريع وأخذت ملابس وحطتها بشنطة السفر ..ناظرت ساعتها رحلتها العصر يمديها تروح للشغل وتأخذ آجازه ..
أخذت عبايتها وشطنتها وهي تحط الجواز فيها وطلعت من غرفتها ..
استوقفها صوت سعود : وين رايحة ؟
: لو الحين طالعه للمطار ماتقدر تكلمني وتمنعني .. لكني طالعه لشغلي ..
تركته وطلعت من بيتها ..
جلس على الكنبه ويدينه على وجهه ..
.
.
.
بريطانيا ..
فيلا عساف ..
غسلت وجهها أكثر من مره وهي ترص جنبها من الالم وقلبها آستغربت كلها ترجع دم..
: رتيل ..
لفت بسرعة وهي تشوفه ..
: ترجيع دم مهوب زين ويمكن يكون مرض خطير .. خلينا نروح نسوي فحوصات ..
نشفت وجهها وطلعت للصاله وهي ترد :الحمدلله .. راضيه لو فيني مرض خطير على قولتك ..
يناظرها بدهشه : لييه لييه حرام عليك أنا أبيك وأحبك ..
بنظرات : أنا لا أبيك ولا أحبك ولا أبي هالحياة بكبرها ..
صرخ فيها : حححرام عليك والله حححرام .. أنا زوجك مش عارفة حقوق واحترام الزوج ..
صوتها مجروح : حلو حلو عارف الحقوق والاحترام .. (بغصه) وتفريق زوجين ذا بأي حق كان ؟!
تأخذ وحدها من زوجها ذا أي احترام ؟!
(صرخت بصوتها المجروح) : لاتتكلم عن هالاششياء لاجل ماتندم .. ولاتتكلم عن الاحترام لانك موب من آهله ..
(ارتخي صوتها) تدري متى أكرهني لما آتذكر بأنك زوجتك وأنك احتليت هالجسد بالغصب ..احتقرني بوقتها بشكل مم نوكومنت بججد نوكومنت ..!
: أنتي وشو مخلوقة من وشو ..!
بسخرية : وأنت لما فرقت بيني وبين طارق كان مخلوق من وشو ؟!
ياشيخ الله حسيبك تشوفها بخواتك ..
صرخ وهي يحط يده على فمها : الا خوووواتي فاهمه الا هم ..
دفت يده : بتشوفها صدقني بتشوفها ولانيب محللتك ..
: رتتتيل ..
: تأثرت آششوف .. عندك ثلاث خوات دلال وشاهه وشيما الصغيرة اللي توها متزوجه صح بتششوفها الدنيا دين .. لو أنت وأبوي أقوياء فيه اللي أقوى منكم ..
: طيب تمني الشر لي بس خواتي لا ..
وهي يدينه على جنوبها : شوف اللي سويته ببنات الناس ..شلون لما يجي بخواتك ..
ناظرت جوالها وهو يدق : آهنن سوس ... ججد .. آوكككي فديتك فديييتك والله ..أوكي يعني 11 ..
سكرت منها وبوجهها طيف ابتسامه ي حبها لصديقاتها ..
مسك يدينها : رتيل اسمعيني للحظات ب احساسك وعقلك ..
فكت يدينها بهدوء : بسمعك بس لاتمسك يديني ..
انخق صوته : لييه ؟
: ماحبك ماطيق لمستك ..
حس بضيق أكبر : لييه ؟
بقسوة : لاتنسى اللي سويته فيني .. من سنه ثالث وأنت وراي بالجامعة برغم أنك طالب دراسات عليا يعني مكانك موب عندي وكنت تتجرأ وتسوي تصرفاتك ونظراتك وعزايمك .. كملتها بالخطف وغيرت نظرتي في عيون الكل ..بسببك أنت تزوجت طارق غصب عني وعنه بس ربي جمع قلوبنا وتجي بكل جبروت هالدنيا وتعرض على أبوي ملايين وتطلقني منه .. وتبيني أحببك والله ياعساف لو تعرف بأن كل جزء بجسمي يكرهك مارضيتها على نفسك ..
: مستعد أعوضك ..
: وش نوع التعويض ؟
حس ب آمل بسيط : لو تطلبين ثروتي كلها عطيتك والحين ..
ضحكت : شفت ماعندك غير الفلوس .. ماعرفت بأن ممكن تستعبد الفلوس قلوب كل البشر الا رتيل ..
وقفت لاجل تقطع الحوار بينهم وهو يوقف معها ويحاول يساعدها : منيب حاجة مساعدتك ..
: رتيل أنتي تعبانه خليني آساندك ..
:لا ..
طلعت من الدرج ولا سمع لها وتركها .. تضايقت منه نزلها على السرير :ياكرهك ياخي ..
: تكفين خلاص امسكي لسانك ..
تركها وطلع من الغرفه وهو ينسدح بصالة الجناح ويغمض عيونه بشده من إلم راسه وهو يقول : آآآه يممه وينك ..
متعود كل ماجاه الصداع نزل لامه وأخذته بأحضانها لو رجال طول بعرض ..
شد أكثر وهو يتألم ..
عكسها آنسدحت وهي مثله تتألم وإلمها جامع كل أنواع الالم ..
مازآل بداخلي دمعه ..
وجرح وصرخه مكتومة ..
ومازال الالم غافي..
هدوئي يخدع الظاهر
هدوء آنسانه مصدومة ..!
.
.
.
بيت آهل سطام ..
الساعة 10 الصباح ..
كانت جالسة تفطر مع عمتها ويسولفون ..نزل من شقته وسلم على امه وجلس جنب الجوري : شخباركم ؟
تناظره وش هالادامي ولاكأن شي صاير ..
امه: الحمدلله .. غريبه صاحي هالوقت ؟
: وراي شغل الوالد كل شوي يدق ..جوري بجي ونطلع نتغدا برى ..
وهي تفطر بهدوء : لا ..
وقف عن الاكل وناظرها :ليه ؟
الجوري : كذا ..
: وانا أبي نطلع سوى ..
الجوري: خذ بنت خالك واطلعوا سوى .. وفكنا ..
بنظره : وأنا أبيك ..
امه : طيب البنت مالها رغبه بالطلعه ..تغصبها ليه ؟!
يناظر آمه : طيب يمه وليه ماتوافق نطلع ..!
آمه: شوف عمايلك وتالي قول ليه ..!
سكت ووقف : بطلع وكيفك الشرهه مهيب عليك علي أنا ..!
الجوري : آدري أنا الغلطانه .. أنت ماتغلط محشوم ..
بنظره قهر ناظرها وطلع ..
آمه : الله يهديه هالولد ..
الجوري : لاتزعلين عمتي من طريقتي بالتعامل معه..
ابتسمت عمتها : أدبيه ولدي مايبي له الضحك والغنج مثل قبل تصرفاته وانا امه ماتروق لي ..
ابتسمت لعمتها ..: طيب راح نطلع لعمه البندري ..
عمتها: آيييه عقب العصر بشوي راح نطلع لها ..
نزلت سهى من غرفتها :يممه وين السواق ؟
آمها : أكيد بالملحق .. ليه ؟
وهي تلبس عبايتها : عندي محاضرة آخيره ..بتدأ بعد ساعه من الحين ..
آمها: طيب روحي بعد نص الساعه ..
سهى وهي تلبس الشيله : بروح آفطر مع البنات وبعد بمر توتا ..يلا سي يآ
طلعت وبقت الجوري وعمتها يسولفون عن الطلعه للبندري وشاللي يأخذونه معهم بالروحه لها..
.
.
.
بيت آهل لمار ..
يفرك يدينه ببعضها وهو يتكلم مع عمته ..
عمته: غلاتك يامساعد من غلا فهد وأخوانه وزعلي منك زعل الام من عيالها ..
:صدقيني يالغاليه بأنه شي موب مقصود .. ولمار مكانها بمحاجر عيوني بس ودي آشوفها ..
عمته وقفت : تعال معي ماطاعت تنزل لكن آطلع لها ..
ماصدق خبر وطلع مع عمته ..دلته الغرفه ودخل لها ..رفعت راسها مع فتح الباب :مسساعد..
وهو يصك الباب : آييه ياعيونه ..
تقدم لها وجلس على السرير قبالها وهو ثاني رجل تحته : وش هالقلب لحبيبك ؟!
تناظره : أنت البادي بكل شي ..
وهو يناظرها : أدري والغلط فيني من راسي لساسي واعتذر لك واللي تامرين فيه آجيبه لك (آستوقفه شعرها القصير وآلف علامه تعجب انرسمت على وجهه)
مسك شعرها بهدوء وصوته مفجوع: وينه ؟
دنقت ودموعها بدأت : أنت السبب ..
:وشلون ؟
ناظرته : نسيت ضربك وخاصة اللي بالراس ..!
سكت ..
وهي تناظره وتمسح دموعها : كرهتك كثير بلحظتها وكل ماطرت علي هذيك اللحظات أكرهك ..
مسك كفوفها : معاك الحق وكل الحق اللي سويته مهوب هين ابداً .. لكن يشفع لي حبي بقلبك وطفلاً تشيله أرحامك ..
جاها على الوتر الحساس وقامت من سريرها وهي تتكتف وتناظره : مساعد لاتدخل لي من هالاماكن لاني لو ضعفت لك وراي رجال ماراح يسكتون ابداً ..
: أدري وقالوا لي عن كل الشروط ..
لمار: شروط أخواني غير شروطي ..مساعد أبي التغيير منك أنت .. أدري ممكن نرجع لبعضنا وببيت وحدي لكن أنت من اللي يضمنك لي .. وأنت معاي بشخصيه بشقتنا ومع قبال آهلك بشخصيه ثانيه ..
صدمة : أنا كذا ؟!!
لمار : آيييه وأكثر .. أنت ماتشوف نفسك ابداً ..
وقف إلين صار قبالها لمسها وقربها له وضعفت له وهي محتاجته بالحيل خاصة مع فترة الوحام مشتاقة حنانه ودلعه وخوفه عليها ..ضاعت بأحضانه أكثر ..باسها ويدينه على بطنها : كلنا محتاجين بعضنا خلينا نرجع .. نفرح بالحمل سوى لمار مهما لقيتي من حنان أخوانك مب مثلي (قالها بثقه عقب ماشافها مالت لاحضانه بسرعه)
بعدت عنه بهدوء وهي ميته شوق لاحضانه ورجع عقلها وحكمها : سسوري مساعد..
بضيق : لييه بس ..!
كانت مبعده عنه : لو رجعنا لبعضنا الحين راح ترجع بنفس تصرفاتك .....
فتح الباب على الاخر عزام وهو معصب : خيير الا خ جاي ولا داخل غرفة أختي ..
خزه بنظره : خير ماتدق الباب قبل ماتدخل ..!
عزام : مابقى الاهي فوق يالحبيب ذا بيتنا ..
مساعد بنظره : ويقال بأن أختك مع زوجها بغرفتها عيب ياشاطر ..
دخلت آم فهد : عزام وبعدين معاك ..!
عزام : اطلع آششوف ..
امه: عزام اطلع لغرفتك ..
عزام يناظر مساعد : اطلع آششوف ..
مساعد وهو ضايق من تصرف عزام سحب نفسه وطلع بسرعه من بيت عمه ..
لحقته عمته وهي تعتذر له ابتسم لها : عادي ياعمه .. بكلم فهد وآمر وقت ثاني..
استأذن وطلع ..
رجعت آمه وماشافت عزام : وينه ؟
لمار : مدري ..
طلعت آمها وهي تناظر من الستاير شافته وهو يركب سيارته حسته ناحف عن قبل حتى العوراض مو محددها وتاركها وهو موب من طبعه ..أشياء كثيرة متغيره فيه..
غاب عن نظرها : ربي يحفظك ..
غرفه عزام وهو يفك الشوز : آييه مايطب بيتنا .. يأكل تراب مسوي يحب لمار ويضربها ..
آمه : عزام هالمره منيب قايله لفهد لكن خل تكررها ..ولد عمك وزوج أختك وأبو ضناها احترامه من احترامك لاختك وتقديرك لها ..
: يممه لو يسوي فهد اللي يسويه منيب هاجد عن مساعد ..
عصبت آمه منه: طيب ياعزام خل فهد أجل يوريك ..
تركته قام صك الباب : الله يعين من الحين على محاضرة فهد ..
رمى نفسه على السرير عقب الاختبارات وتعبها ونام ..
.
.
.
الظهر ..
بيت سلطانه ..
دخلت من الشغل والاجازة بيدها ..
دخل سعود لغرفتها : شتبي ؟
بضيق : ماراح تسافرين وحدك ؟
وهي ترفع راسها وتناظره : شو ياولد آمي وأبوي دام حطيت السفره براسي راح آسافر .. فنصيحة لوجه الله سبحانه لاتحاول وتفكر تمنعني أو تسافر أنت معاي لاني محتاجه آغير جو لان تضايقت ..
: كارهة أخوك ؟
:لاتنقل الشعور اللي بداخلك لي وتلبسني آياه .. لو نسيتك نسيتك من ثمان سنين وانتهينا ..ولو كرهتك ماشفتنا عايشين ببيت واحد ..!
:سلطانه ..
: الله يصبر سلطانه .. خلاص سعود خلك بحالك وزوجتك وعيالك ..
دخلت لاجل تبدل وجلس وهو يناظر مكانها طلعت وهي تشوفه ..
ناظرها للحظات وطلع ..
رتبت كل أغراضها وهي تتفقد الاغراض .. ناظرات شطنتها وشافت الجواز والاوراق المهمه ..
ناظرت جوالها وشافت مصعب ابتسمت للحظه ..:هلا ..
وهو مبتسم : أنا بمجلسكم ..
ضحكت : تمزح ؟
ضحك : لا والله جد .. تعالي ..
: آوككي ..
نزلت دخلت شافت أخوها ومصعب جالسين سلمت وجلست ..
وهو مبتسم : هاجاهزه للسفر ؟
تناظره : عرفت ؟
: آييه من الصبح ..
تركهم سعود وقام جلس على الطاولة الصغيره قبالها ..
: ترى بسافر ولاتفكر ترفض ..
ابتسم : ترى حجزت لي معاك ..
رفعت حاجب ..
وهو بعده مبتسم : لاتخافين بوديك المكان اللي تبينه وبجلس معاك من بعيد لبعيد..
ابتسمت: اصلاً سفرتي هناك لاجل صديقتي ..
استغرب: شفيها ؟
وهي ضايقه : تعبانه بسافر لاجل آجلس معاها ..
وهو يطمنها: آن ششاء الله تساهيل ..
سلطانه: ي رب ..
دخل سعود وهو معاه صواني للغدا ..ابتسم : وراك مقرب من أختي ..
ضحك مصعب وهو يجلس جنبها : خلني ..
ضحك سعود وطلع ..
وقفت سلطانه : بطلع آساعد دانية بالغدا ..
طلعت على دخول آخوها ..قلط مصعب للغدا وهم يسولفون ..
سعود بضيق: طيب ليه رفضت آسافر معها ؟
مصعب : شسالفه بالضبط لان من قلت لها بسافر ماعترضت ..!
سعود : لاني رفضت فكرة سفرها وحدها
مصعب : كان قلت بسافر معاك ولاكان رفضت ..
سعود : مدري شاللي صار .. تقل منيب أخوها ..
سكت مصعب ماحب يضايق سعود أكثر وكمل غدا : تغدا ي رجال وبأذن الله تنحل ..
.
.
.
العصر ..
غرفتها ..
سعود : آفا سلطانه طيب خذيها من آخوك ..
: مو متعوده أخذ فلوس من آحد ..
سعود : بس أنا أخوك ..موب أي أحد ..
بقسوه وهي تلبس عبايتها : أخوي مسمى حالك من حال أخوانك وخواتك الباقين (تقصد أخوانها وخواتها من أمهم وأبوهم )
:تقارنني فيهم ..!
: وشاللي يفرقك عنهم .. على الاقل هم ماتأذيت منهم ..!
طلعت من غرفتها وهي تشيل شطنتها كان راح يشيلها : قلت لك من قبل 8 سنين تعودت آسوي كل شي ..هماي مسترجله على قولتك يعني هذي خفيفه بالنسبة للنوعيات اللي مثلي ..!
خنقته العبره : طيب وأنا شقلت ..!
بجرح كايد : تبيني آذكرك بالجرح ..!
لبست الشيله ونزلت وسلمت علي عيال أخوها ودانية وطلعت ..
ركب مصعب السيارة عقب ماسلم على سعود وحط الشنطة بالسيارة ..
صدت آخوها بقسوة مالها مثيل ورفضت يضمها قبل السفر ..
: ماقدر آجاملك وآغصب نفسي على شي ماتبيه ..
نزلت دموع أخوها قبالها وآخترقت ذقته ..قست قلبها أكثر وغطت وجهها وركبت..آندهش أخوها من قسوتها ..عيونه تراقب سيارة مصعب وهي تطلع من الحوش جلس على درج الحوش مثل كل مره دموعه تشاركه رفض سلطانه له..
.
.
.
الطيارة ..
كان جالس جنبها : قلت لاهلي بأني مسافر وحتى نبهت سعود وكان منتبه للنقطه ذي وبرجع ولا أحد راح يأخذ خبر بسفرنا سوى تعرفين إلسنتهم ..
ابتسمت : مايهمني حكي الناس ..
ابتسم : مايقدم ولايأخر حكيهم بس فيه ناس يتأثرون منه ..
: صح بس الافضل مانعطيهم مجال لاجل يتضايقونا ..
: الله يعين ..وجهك مرهق بالحيل ..
:مانمت من آمس ..
:آووف ليه ؟
: آشياء كثيرة وحتى مافيني النوم ..
مصعب : طيب نامي رحلتنا طويلة ..
تناظره : وين آنام ..!
ابتسم لنظرتها : شوفينا درجة آولى يعني خذي راحتك محد يشوف .. تبين آفتح لك المرتبة لاجل تنامين ..
:لا ..
مدها لها وعدلها :نامي ي العنيده ..
لمس شعرها بحنان إلين شافها بدأت تنام من فعل الارهاق وقل النوم .. ابتسم وهو يمتع عيونه بشوفها ..
.
.
.
بيت آهل الجوهره ..
تعبت وهي تدق ومايرد ..
فقدت الامل وجات بتصك ورد ..
: ريااان ..
: وش تبين ؟
: وصلت الشرقية ؟
وهو يجلس بنوم : الحين أنا بـ احد دول الخليج ..
وهي مقهوره وهي تسمع وينه :ماششاء الله ..
:كيفي ولاتسوين فيها ..
:صيع براحتك ياريان طيب اصلاً روحتك للديرة ذي معروف غرضها بجد ذيل الكلب عمره مايعتدل .. وبروح لابوي وبقوله كل شي حقيير وتافه وكريهه ..وعقب ماترجع تطلقني ..
صكت بوجهه وهي تحط وجهها على السرير وتبكي : خاين من يومه همه كل هالاشياء الغبيه ..
.
.
.
الرياض ..
بيت جدان كادي ..
تناظر محمد : لاتقول ..
محمد يضحك : والله جد .. شفيك خفتي برجع لك بعون الله ..
دمعت : لاتضحك تراك سخيف .. أنت عارف أنك رايح وهناك كله أشياء تخوف ..
جلس قبالها : كدو غلاي ..
مسح دموعها : هالولد لاعب في نفسيتك لعب ..
تعلقت برقبته بشكل مفاجئ : سخخخيف مابيه محمد لاتروح ..
ضمها أكثر : بيبي أنتي ..يرضيك مالبي نداء الوطن ..
وهي تحت رقبته : ولايرضيني تروح مني ..
مستحيل يقدر يقنعها كل ليلة تناقشه وتسأله ويحاول ينسيها هالشي ..
رفعت راسها : ها بتروح ؟
ابتسم : الوطن ياكادي لو يطلب عمري آفديه فيه ..الوطن فوق كل آعتبار..
قامت من مكانها : آففف خايفه ..
وقف قبالها : وكلي آمرنا لله .. كل هالهواجيس من آبليس .. وناسيه إنك حامل لاتتنرفزين ..
حطت يدينها على بطنها وهي تتذكر : ترى عندي موعد بكرة الصباح ..
ابتسم : جد حلو خلينا نتطمن عليه قبل ماسافر ..
كادي : محمد ..
:ي قلبه ..
: آففف لاتتركني ..
ضحك وضمها : ي قلبها دلوعة محمد شوفي كل ماتجي لي فرصه بطير لك الرياض
:مابببي آبيك معي دايم .. ودي آنام بحضنك وتدلعني وتتحمل غبائي ونرفزتي
ضحك من قلبه على حكيها وعفسها وجهها : هاتتتك ..
شالها وجلس وهي بحضنه : دلوعتي أنتي كل لحظه دقي على وبسمعك وكأني آشوفك لان صورتك محفوره بقلبي ..
:أدري تحبني وتموت فيني بس حتى أنا أحبك ..
:طيب قد آيش ..؟
وهي تفكر: قد كل شي بالحياة ..حمودي بسألك الحين أنت بجد بجد تحبني والا بس شهر العسل مثل ماالكل يقول ..
: آعششقك ولايخالطك في كلامي الشك والريب .. أنا عاششقك بشكل الله يسستر علي منه (قالها وهو يضحك)
لعبت بشعرها : أحلى شي ..
وهو يفل شعرها أكثر : لاتفكينه قبال ناس غرب ..
:من عيوني .. تعال ننزل لجداني ..
وقفوا ونزلوا شافهم سلمان وضيق وحركه غريبه منه بالنسبة لمحمد فك يدين محمد من خصرها ..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك