رواية اذا انتثر دمع عينك -31
دانة ماطلعت منها أي حركة من الروعة حتى عيونها مارمشتهم .. عدا قفصها الصدري اللي يرتفع وينزل ..
رامي مر على شفايفه شبح ابتسامة .. ورفع يده وهو ضام أصابعه : شغايك (شرايك) .. مو الحين أنسب وقت أغجع (أرجع) لك الكف اللي عطيتيني إياه ؟؟..
دانة انتفضت بالخفيف .. و عطت الباب ظهرها ولصقت فيه وهي تناظر يد رامي المرفوعة وهي خايفه .. ولا ردت ..
رامي رفع حاجبه ومتسم نص ابتسامة : السكوت علامة الغضا (الرضا) ..
دانة ناظرته بهدوء وهي شوي بتبكي بس ماسكة نفسها وبصوت مهزوز وتعلقت بأخر امل لها : بب..بلييزز نزززلنــي ..
رامي فتح قبضة يده وحرك يده بسرعة ودانة سكرت عيونها بقوة وهي تتنفس بصعوبة وترجف .. انتظرت عشر ثواني تستوعب .. حست بيد ناعمة على خدها تتحسسه مثل الأطفال .. فتحت عيونها ببطئ شديد .. شافت عيونه اللي انعكس عليها شوي ضوا من برا السيارة تناظرها وشفايفه مرتسمه عليهم ابتسامة هادئة .. ارتجف فكها السفلي وتنتفض .. ومو قادرة تستوعب شي .. ماضربها ؟؟ لييه ؟؟ ..
رامي ببتسامة هادية ويده على خدها : ليــه أجغح (أجرح) خـدن حساااس ..
دانة ناظرته بعيون فيها دموع ماسكتهم عشان ماتنزل .. ومن قهرها وخوفها منه .. عطته كــــــــف ..
رامي راسه لف لجهة اليمين بعد كف دانة له .. وعيونه مبين عليها الإستغراب .. سحب يده من على خدها وحطه على خده ولف عليها .. وبهمس مرعب : تضغبيني (تضربيني) ؟؟ ..
دانة استجمعت قوتها : إيه أضربك إذا تعديت حدودكــ .
رامي فجأة وبدون سابق انذار عطاها كف سكتها .. ومسك يدها اللي ضربته فيها .. وبصوت مرعب أكثر من قبل وهدوء مخيف : أنا تنازلت عن هذاك الكف .. لأن عندي طغقي (طرقي) الخاصة عشان أخذه .. أما هذا الكف اللي الحين أخذتيه .. عشان اللي سويتيه هنا الحين ( وأشر على خده ) .. ولاتفكغين (ولاتفكرين) سامعتني ولا تفكغيرن مجغد تفكيغ (ولا تفكيرين مجرد تفكير) أنك تمدين يدك علي يا دانة .. مو اني أول كف ماغجعته (مارجعته) لك تمدين يدك مرة ثانية .. لا يا دانة .. حطيني في بالك .. ولا أكسغ (أكسر) لك يدك فاهمة ..
دانة تكابر ماتبغى دمعتها تنزل بعد الكف .. ومنزلة راسها وهي ترجف .. ولا ردت عليه ..
رامي شد على يدها بقوة وعلا صوته : فاااااهمة ..
دانة بصوت مهزوز وانكسار وفيه بحة شوي لأنها على وشك البكاء وبصوت أقرب للهمس : فاهمة ..
رامي خف الضغط على يدها .. ولانت ملامحه .. وبصوت هامس وحنون : خايفة ؟؟..
دانة ماردت تداري دمعتها ..
رامي بصوت فيه شوي ندم : دانة .. خايفــة ؟؟ ..
دانة بانكسار عشان يرجعها لأنها تدري أن العناد مايفيد معاه .. بهمس : إيوا ..
رامي فك قبضته بهدوء عن يدها .. سحب نشاف لها ومده بوجهها بدون مايتكلم .. لأنه يدري أنها يمكن بأي لحظة يقول لها شي بتطيح دموعها ..
دانة اخذته بهدوء وحاولت تمسح الدموع قبل مايطحون ويخربون مكياجها الناعم ..
طلع رامي من السيارة وركب مكانه مرة ثانية وهو متضايق .. أخذ شنطتها ومدها لها : خذي ..
دانة اخذت شنطتها وهي ساكته وغطت وجهها .. وحاولت تهدي نفسها قد ماتقدر اليوم عرس أخوها ..
رامي حرك سيارته لجهة القاعة مرة ثانية ويحس بهم على قلبه .. فتح بعض الأدراج اللي قباله ولقى زقارة وحدة و ولاعة .. مع أنه قطع التدخين من فترة .. بس يحس أنه الحين محتاجه مرة .. أخذ الزقارة و ولعها وفتح النافذة .. وقام يدخن بهدوء وهو يسوق .. والدخان يمر برئتينه ويطلع من فمه أو خشمه .. بعد دقيقة وصل للقاعة وفتح أبواب السيارة : وصلنا ..
دانة تناظره وهي حاضنه شنطتها ولا ردت ولا فتحت الباب ..
رامي استغرب منها لف عليها شافها تناظره .. قال في نفسه يمكن ما سمعته : دانة وصلنا .. انزلي ..
دانة بهدوء وهي حاطة يدها على مقبض باب السيارة وتناظر أصابعه الحاضنه الزقاره : لاتدخن .. (وسكتت شوي) .. يضرك .. ( افتحت الباب وانزلت ودخلت القاعة ) ..
رامي يناظر مكانها اللي كانت جالسة فيه لفترة .. بعدين حرك سيارته جهة قاعة الرجاجيل .. ونزل من سيارته ورمى زقارته بالأرض وداس عليها .. تذكر أنه دخن .. ولو عرف مشعل بهالشي ياويله .. فتح باب سيارته بسرعة وبخ على نفسه عطر الي من عشرين متر يشمه .. ودخل القاعة ..
أول مادخل رامي القاعة صارت هدوء .. رامي تقريبا أول مرة يحضر عرس خليجي من سبع سنوات أو أكثر .. فارتبك من الهدوء اللي خيم على المكان فجأة .. عيونه دارت بالمكان لمن أستقرت على الشباب اللي يناظرونه .. راح لهم بهدوء وسلم عليهم ..
رامي همس لريان وهو يسلم عليه : هـي شفيهم ذولي يناظغوني (يناظروني) كذا ثوبي فيه شي ..
طلال اللي كان واقف جنب ريان سمع رامي .. ضحك : ههه لا أتوقع أن عيونك الملونين وشكل خلقتك غير عن اخوانك ولا بعد أجنبي لابس ثوب وشماغ عشان كذا يمكن استغربو ا شوي .. قم معاي أعرفهم عليك عشان يعرفون أنك عربي خخ ..
رامي ناظر عمه وهو رافع حاجب : أجل لو سمعوني أتكلم إنجليزي شنو سوو ..
يوسف : يقولون أجنبي ماركة خخ ..
مشعل : تعال تعال ..
رامي قرب منه : هلا ..
مشعل : شفيك تأخرت ربع ساعة ؟؟ ..
رامي ارتبك : هاا .. لا بس كنت أدور غرض بالسيارة ..
مشعل : راميووه ..
رامي : كيفك لاتصدق ..
مشعل : لا أنا أقصد الحين هالريحة اللي أشمها من نفسك ..
رامي ارتبك أكثر :أي غيحة (ريحه) .. هذا العطغ (العطر) ..
مشعل رفع حاجب يستهزأ بمعنى صحيييح ؟ ..
رامي : مشعل .. خلاص ..
مشعل : اخر مرة أحذرك من الدخان فاهم .. ويلا رح سلم على الرجاجيل أشوف ..
رامي : طيب طيب أعصابك ..
&&&&&&&&&&&&&&&&&&&
البنات كلهم جلسوا بطاولة وحدة بعد ماسلموا .. وجلسوا يسالفون ..
سمر انتبهت : بناات وين دانة ؟؟ ..
مسك : إيه صدق أنا فاقدتها من أول مادخلنا ..
ملاك : إيه والله ماشفتها في الغرفة يوم نتعدل ..
سارة و روان يناظرون بعض باستغراب ..
رهف تلفتت يمين وشمال : ماشفتها وينها ؟؟ ..
دانيا قامت : أختي وينـ .
صوت دانة من ورا أختها دانيا : هذاني هنا ..
دانيا لفت على أختها بتفحص : وينك طيرتي قلبي ؟؟ ..
دانة : هذاني قدامك ..
دانيا : وين كنتي ؟؟ ..
دانة بصدق لانها كانت تحاول تمسك نفسها قبل لاتطلع لهم : كنت بالغرفة أعدل مكياجي واضبط شكلي ..
كانت دانة لابسة فستان سكري طويل من فوق ماسك عند الصدر وفيه شوي شك من دون سيور و ضيق لمن الخصر بعدها ينساب بنعومة لتحت وفيه فتحة من على جنب لمن الركبة ولابسة كعب لونه فضي .. وشعرها مسويته تسريحة نفس دانيا كيرلي كله ومرفوع بطريقة حلوة .. وطلعة لها خلصة طويلة ناعمة من على جنب عينها .. ومسوية لها مكياج ناعم باللون الأسود عليه لمعة بالفضي .. وحاطة روج وردي حلو مع قلوس صايرة رووعة ..
سارة تبغى تغير الجو : أقول وين اللي قالوا بيرقصون من أول مايجون .. مابقى على زفة العروس إلا ساعة تقريبا ..
البنات قاموا عشان يرقصون ..
وصعدوا كلهم المسرح وقاموا يرقصون رقص .. و وسعوا صدورهم .. وكل وحدة تقول الزين عندي ..
الحريم طول المدة يطالعون فيهم وكل مايقولون لوحدة من امهات البنات أنهم بيخطبونهم .. يقولون محجوزين لولد عمهم خخخ ..
بعد فترة .. نزلوا نص البنات بعد ماتعبوا من الرقص واللي هم ( سارة و دانة و رهف و سمر ) وجلسوا بطاولة بروحهم ومعاهم ربى مرت فيصل .. أما الباقي يرقصون ..
نزلت دانيا عن المسرح وراحت عند نوف وسلمت عليها وهي مرة مستانسة ..
نوف لابسة فستان أسود لمن الركبة من فوق طوق وبعدها ينساب على جسمها بسلاسة .. وكعب فضي ناعم وكانت مسوية شعرها ستريت لمن نص ظهرها وحاطة لها روج وردي مع قلوس وكحلة ومسكرا بس بدون ظل أو كريم اساس لان بشرتها بيضا صافية وعيونها عسليات شبه فاتحة ..
نوف : ألف ألف مبرووك .. عقبالك ..
دانيا ابتسم لصديقتها : وأنتي قبلي ..
نوف تسبل عيونها : توني صغنونة ..
دانيا : أمشي اجلسي مع بنات خوالي هناك ..
وجلسوا على الطاولة وسالفوا ..
دانيا قامت : أنا بقوم ارقص تقومين ؟ ..
نوف : لا بعد شوي ..
دانيا قامت : أوك ..
رهف : أنتي أخت جهاد صديق فارس صح ؟ ..
نوف ابتسمت : إيوا ..
سمر حطت يدها على بطن ربى : يالبي يهبل أحس اللي بيطلع بيكون امير أو أميرة ..
ربى : ليه ؟؟ ..
سمر : لأن فستانك احسه مثل الأميرات روووعة ..
سارة : هههه حلو تفكيرك ..
كان فستان ربى لونه عنابي حلو .. فيه أكام وسيعة من الشيفون الشفاف .. وقصة تحت الصدر فيها شك وكرستالات .. ومن تحت القصة كله كلوووش وسيع فيه شيفون مع القماش بارز بطنها الكبير لمن تحت .. ومسوية شعرها كيرلي وحاطة فيه مشبك كرستالي صغير .. ومكياج وردي حلو وناعم .. صاير مررررة حلووة وكيوت ..
رهف : بس جد حلو ستايلك ياشيخة .. ارفقي بحال فيصل لمن تولدين ..
ربى ابتسمت بحيا : بلا مجاملات ..
جات أم فارس لسارة : سارة قومي جيبي الحلا من أخوك فارس ..
سارة : يمـه خلي وحدة من الخدامات ..
أم فارس : كلهم مشغولين .. بسرعة روحي من الباب الثاني مافيه احد بيطق الباب خليه يدخل يحط كرتون الحلا ويطلع ..
سارة مسكت جوالها وقامت : طيب ..
طلعت سارة من الباب الثاني وماكان في احد .. وجلست تلعب بالجوال تنتظر فارس يجي .. اندق الباب ..
سارة مركزة باللعبة في الجوال فتحت الباب وهي تناظر جوالها .. دخل من على جنب وحط الكرتون على الطاولة ..
سارة رفعت راسها له : أخبار أحمدوه هناك ؟؟ ..
فارس مارد عليها ..
سارة راحت عنده ولفته ودارت حول نفسها : شرايـــ .. أأأ .. إإ .. (تقلب لون وجهها أصفر من الفشيلة) ..
. اول ما سمع صوتها يوم يحط الكرتون تفاجأ أن مو الخدامة اللي فتحت له الباب .. لأن فارس قاله يروح بداله والخدامة هي اللي بتفتح له .. وماحب يلف ويحرجها بس هي اللي لفته لجهتها .. انبهر بشكلها .. بس بسرعة صد عنها وطلع ..
سارة أول ماطلع قلبها يدق دق مو مصدقة أنه شافها بزينتها وبدون عباية .. دخلت القاعة بسرعة وحمدت ربها أنه ماكان أحد هناك وشافها ..
أم فارس شافت بنتها : ها جابه الحلى ..
سارة : إيه .. (ومشت وجلست على الطاولة .. وجلست طول المدة تفكر ..)
نوف : شفيها ساكتة .. سارة سااارة ..
سارة انتبهت لها : هلا .. (وناظرت نوف بتفحص وفي نفسها "" جهااد شافني ياويلي ياويييلي .. يووه هذي اخته ياربي فشييلللله فشيلله ..)
وجلسوا يسالفون وقاموا يرقصون .. وعلى قولة ملاك طلعوا الزيران اللي فيهم .. وسارة نست الموقف مع الرقص والفلة ..
من جهة ثانية عند جهاد ..
دخل مجلس الرجاجيل .. وجلس يفكر "" جهاد أنساها .. أنت تخون صديقك إذا جلست تفكر فيها .. بس ما أقدر والله أنها حلوووة .. جهااد أعقل .. أنت ماترضى أحد يشوف وحدة من خواتك .. انساها كلها بنت .. بنت عادي .. انسى .. ""..
ظل نص ساعة بعدين قام يمشي .. اتصل على امه ..
جهاد : هلا يمه .. أنا بمشي .. لالا بس شوي دايخ .. يمه مافيني إلا العافية بس أبغى انام .. ونوف .. طيب .. هلا .. يعني نوف ماراح تجي .. ومن بيجيبها بعدين .. أوكي أنا برا باي "" ..
فارس سمعه : على وين تو الناس ؟؟ ..
جهاد وقف : لا بس بروح البيت بنام .. شكلي مانمت زين اليوم ..
يوسف مرة : يؤ حسافة .. اجلس شوي ..
جهاد : والله أعتذر .. تآمرون على شي ؟؟ ..
فارس ويوسف : سلامتك ..
جهاد : أجل يلا مع السلامة ..
&&&&&&&&&&&&&&&&&&&&&&&&
نرجع لقاعة الحريم ..
قالوا ان العروس بيزفونها .. والحريم كلهم تغطوا لأن فيه تصوير .. وانزفت جُنى في البداية على أبيات شعر عنها بصوت أحمد .. وبعد الأبيات بدت موسيقى سريعة وحلوة وأم جنى زفت بنتها .. لأن جنى هي وحيدة أمها وأبوها .. والكل يزغرط لها ويصفق ويصفر ..
كانت جنى مسوية فستانها من فوق قطعه كلها شكل من جهة الصدر على شكل التفاحة ومن ورا خيوط على شكل إكسات .. ..وظهرها كله باين وفي مسافة كبيرة من بطنها باينة بس مغطيه بشيفون شفاف يلمع .. بعدين من جهة الخصر منفوش طبقات كثيرة فيها كرستالات .. والطرحة حقتها طويلة لتحت .. ومسوية لها تسريحة حلوة مرفوعة ونازلة منها كم خصلة على وجهها .. ومكياجها بين الأسود والسماوي .. وماسكة باقة ورد أبيض وأحمر مرتبة بشكل حلو ..
وصلت للكوشة حقتهم وجلست والمصورة تلتقط لها الصور .. وبعدها قامت الطقاقة تغني ..
دانيا تكلم جنى : أنتي ناوية تاكلين عقل أخوي اليوم ..
جنى ابتسمت بحيا ..
سمر : ألف مبروووك ..
جنى : الله يبارك فيك ..
والبنات قاموا يسلمون عليها .. وهي مرة مستانسة أن البنات من جهة زوجها مرة حبوبين ومرحين ..
وقامو يرقصون البنات طول المدة .. لمن قالوا أن المعرس راح يدخل .. الكل لبس عباياتهم .. ما عدا أم أحمد ودانيا ودانة وسارة لأنها أخته بالرضاعة ..
سمر : سارة ماراح تلبسين عبايتك ؟؟ ..
سارة ابتسمت : يؤ نسيت أقولك .. أنا أحم وبكل فخر .. أختهم بالرضاع ..
سمر ابتسمت : أهآآ ..
دانة : سارة بتجين ولا ؟؟ ..بسرعة أمي ودانيا راحوا ..
سارة مشت : جاية جاية ..
راحت سارة مع دانة لبرا عند الباب برا .. وهناك كان واقف بو أحمد وأحمد وياسر .. استحت شوي لانها أول مرة تفصخ عباياتها قدام بو أحمد وأحمد وحتى ياسر ..
سارة : سلام ..
الكل : وعليكم السلام ..
أحمد مبتسم لانه أول مرة يشوف سارة كذا بدون عباية : ههه هلا بأختي .. هه
سارة : شفيك تضحك ؟؟ ..
أحمد : هه لالا بس مستانس .. و أحس اول مرة أشوفك كذا .. اسمحي لي يعني لحد الحين مو مصدق أنك أختي ..
سارة : لا صدق .. (ولفت حول نفسها ) .. شرايك بأختك .. كشخة صح ؟؟ ..
أحمد لابس البشت الأسود ناظر سارة : إيه ماشالله .. يمـه يلاه متى أدخل ..
سارة بالعمده لياسر : وأنت شرايك ؟؟ ..
ياسر بلع ريقه .. لأنه أول مرة يشوف سارة بدون عباية .. وماتوقع أنها بهالجمال .. ارتبك من سؤالها : هااه .. إييه حلوة حلووة زين ..
سارة مسكت يد ياسر .. هي تدري أنه مرتبك .. بس تبغى تجننه : يلا أنا بوقف جنبك عشان نزف أحمدووه ..
ياسر يناظرها مستغرب ..
سارة : إممم ولا .. أنا بصير بجهة وأنت بجهة أوك .. أووف ولا ما ادري على حسب ..
بو أحمد : ياسر أرجع حرام تشوف مرت أخوك .. أنت كبير ..
ياسر مسكين : يبه عادي لبسوها اي شي بدخل بزف أخوي وبرجع ..
سارة :اووه حسافة يلا المرات الجايه احسن ..
ياسر على قولتهم أسم زعل وطلع برا ..
دانيا جات من داخل : يلا الحين ادخل ..
دخل أحمد على صوت التزغرط والتصفق والتصفر .. أحمد كان لابس الثوب الأبيض .. والغترة مع العقال .. ولابس البشت الأسود .. وعن يمينه أبوه وأمه وعن يساره سارة
ودانة.وقدامه دانيا تزغرط .. والفرحة مو سايعة أحمد أبد ..
وصل للكوشة و وقف قبال جنى .. وهو مو مصدق لحد الحين .. باس جبينها : ألف مبرووك ..
جنى بحيا وبصوت بالموت ينسمع : الله يبارك فيك ..
وسلم عليها بو احمد ..
دانة ودانيا وسارة يرقصون ومستانسين .. دانة مسكت يد أبوها وقامت ترقص معاه .. وام أحمد ترقص بعد ..
سارة شافت بنات عمها على الطاولة .. وأشرت لهم وهي ترقص بـ حررة ..
البنات على الطاولة ..
ملاك : شوفوا شوفوا التبن سوييرة ..
رهف : خليها تجي هنا لا أكفخها ..
سمر : يوه ماعليكم منها اخوها خليها توسع صدرها ..
مسك : ههه أما سويرة فلللته ..
نوف : صدقتي ..
روان : حظها سويرة .. لو حتى أنا مثلها بعد ..
البنات بنفس الوقت يوم تخيلو أن روان تصير أخت ياسر : أعووذ بالله ..
بعد ساعة ونص تقريبا طلع أحمد وجنى من القاعة وتوجهوا لغرفة خاصة عشان يصورون .. ومشوا على فندقهم .. لأن وراهم سفرة بكرة ..
أول ماطلع أحمد وأبوه .. البنات فصخوا ورقوا للمسرح وأدبو سارة خخخ .. وقامو يرقصون .. وعلى الساعة وحدة الناس قاموا يمشون .. لحد الساعة ثنتين مابقى أحد إلا أهل المعرس ..
فجأة دخل وبدون سابق إنذار طلال للقاعة .. والبنات قامو يصارخوون من الفرحة ..
طلال رقى عند المسرح وأخذ المايك من عند الطقاقة : أحم أحم .. ون تو ثري .. أحم تسمعوني ون تو ثري ..
البنات كلهم يصرخون ويصفرون ويصفقون : إييييوا ..
طلال باستهبال وهو شايل شماغه وحاطه على كتفه ومخلي الطاقية وفوقها العقال وشعره الفحمي الطويل مبين .. صاير شكله روعة : لاداعي لاداعي يا أحبائي لا داعي .. (وقلب يتكلم سوري) .. ليكم اسكتو شوي ..
البنات سكتوا ..
طلال يسبل بعيونه .. وشال طاقيته وعقال وحطهم على طاولة صغيرة .. وحرك شعره شوي : إيوا هيك الواحد بيأدر يتكلم .. (ورجع يتكلم سعودي) .. اسمعوا كلها كلمتين .. من تقوم ترقص معاي ؟؟ ..
البنات كلهم قاموا صعدوا المسرح ..
طلال يرجع لورا بطريقة تضحك : يمــه بسم الله فوج .. (ولف على الطقاقة اللي رايحة فيها ملح من اول ماشافته) .. شوفي غني اي شي على ذوقك ..
الطقاقة وقد شمرت عن سواعدها خخ : ولا يهمك .. ( وقامت تدق وتغني ) ..
البنات قاموا يرقصون وطلال يرقص معاهم .. جات أم فيصل لطلال : شف شف وهذا أنا أقول للبنات طلال العاقل .. أثرك أنت الراس الأكبر..
البنات كلهم ومعاهم طلال : هههههههههههه ..
ملاك وقفت : أصلا اللي بيدخل هنا .. بيعلق لافته مكتوب عليها .. مركز دعارة ..
الكل : ههههههه ..
طلال : هههههههه حلوة بس لاتعدينها ..
ورجعوا يرقصون ..
طلال أنتبه لوحدة جالسة في طاولة بعيدة وحاطة يدها على خدها وتناظرهم ومتنقبة .. كلم مسك : أقوول من ذي اللي هناك ؟؟ ..
مسك عقدت حواجبها : إييه ذي صديقة دانيا ..
طلال وقف رقص وسحب دانيا : وجع صديقتك هنا وتخليني استهبل قدامها .. راحت هيبيتي ..
دانيا : ههههههههههه شفيك عادي ..
طلال أشر للطقاقة توقف .. وبالفعل وقفت الطقاقة ..
روان : لييش ..؟؟..
طلال رفع جواله : الجوال .. هلااا .. هااا .. خخخ .. كشفتوني .. لا انا هنا مع البنات .. شنو ؟؟ .. شنو قلة أدب .. بنات أخواني وخواتي حلااااااااااااال حررة فيك .. يلا كسرتوا خاطري .. أقول لهم يلبسون وأدق عليكم .. باي .. بناااااااااااات ..
البنات اللي كانوا كلهم واقفين جنبه : نعم ؟؟ ..
طلال ماسك خط الإستهبال .. شبك يدينه ببعضهم ومسوي نفسه مستحي : شوفوا أحم .. الشباب غاروا مني .. لاني معاكم .. يبغون يدخلون هنا .. شسوي بعمري ..
رهف دقته بكتفه : الحين أي احد بيشوفك تتكلم كذا بيقول خكري ..
طلال ابتسم وتعدل : يلا البسوا الشباب بيدخلون ..
البنات قاموا لبسو عباياتهم ..
دانيا راحت عند صديقتها نوف .. لانها أصرت عليها تظل معاها .. وهي اللي بتوصلها : نوف .. عيال خوالي بيدخلون .. تتضايقين ؟؟ ..
نوف : إممم احس شكلي غلط بينكم ..مافيه مكان كذا اجلس فيه انتظرك ؟؟ ..
دانيا تفكر : إممم .. إيوا دخلي غرفة العروس .. مافيها أحد وماحد بيدخل هناك ..
نوف قامت : أوكي .. وألف مبروك وعقبالك (وغمزت لها) ..
دانيا رفعت يدينها : وانتي قبلي ياااااارب ..
نوف ابتسمت من تحت النقاب ودخلت داخل الغرفة ..
بعد خمس دقايق ..
طلال ماسك جواله : هاا بنات لبستو ؟؟ ..
البنات : إيوا ..
طلال دق دقة بجواله ورفع رائد : هلااا .. يلا ادخلوا لبسوا ..
أمدااه طلال سكر جواله هنا .. إلا دخلوا كل الشباب عشرتهم دخلوا ] مشعل ، رائد ، مشاري ، ريان ، رامي ، فارس ، يوسف ، سامي ، ياسر ، تركي [ .. وصعدوا على المسرح ..
طلال أخذ المايك مرة ثانية وقام يتكلم : وااااو .. وبدأ سرب الطيور يغزو المسرح .. هههههه .. أي وجع رائدووه اتركني .. تعرفون الشباب لازم يحشرون أنفسهم بكل مكان .. ومايخلوني استانس مع البنات ..
رائد سحب المايك بقوة من طلال : مراحب بنااات .. كيف حالكم ؟؟ .. أدري طلالوووه ماقصر فيكم مللكم صح ؟؟ ..
البنات يضحكون ..
طلال : وجع هات المايك ..
رائد فصخ عقاله وشماغه والطاقيه ورماها على وحدة من الطاولات .. وقام يمشي بالمايك لأنه لاسلكي : انقلع .. شرايكم بنات شنو تبغون تسمعون أغاني من صوتي الشجي .. أحم احم طبعا بدون غرور ..
طلال قرب من عند رائد : جيب المايك ..
رائد قام يسرع في المشي عشان ماياخذ طلال المايك : مانيب ..
طلال قام يركض ورا رائد يبغى ياخذ المايك ورائد يركض في القاعة .. صايرة أشكالهم توووووحفة ..
أخيرا وصل رائد للمسرح مرة ثانية وبسرعة خاطفة أخذ يوسف المايك منه : أحم .. يعني أسمحو لي اعلق عليهم .. توم أند جيري على الهوا مباشرة ..
ياسر أخذ المايك من يوسف : ولا بعد هذي وجيه دكاترة جايبين شهادات من أمريكا .. أشك أنهم ماخذينها بالواسطة ..
تركي جنب ياسر : أصلا مايبغى لها ..
هنا طلال ورائد هجموا على ياسر وتركي خخخ .. وصار المايك عند مشاري : أحم احم إلى زوجتي العزيزة ممكن تتقدمين إلى هنا ..
سحب ريان المايك من عند مشاري : روووح زين .. زوجتك العزيزة تجي لك بعدين مو الحين .. بنات شرايكم أي أغنية تبونها ؟؟ ..
سامي سحب المايك من ريان وهو يمد لسانه : جيب جيب مالت عليك .. فين اختي سمر ؟؟ ..
مشعل سحب المايك من عند أخوه سامي : أقول عن المصالة الزائدة .. أحم احم ما أعرف شنو أقول بســ .
فارس سحب المايك منه : أوووف تراكم تفيخون الواحد كل دقيقة المايك عند أحد .. أحم بنات شرايكم فيني اهبل صح ..
البنات فطسو ضحك على حركات الشباب ..
أخذ رامي المايك من فارس .. : هاتوا ما أقول إلا مالت عليكم كل لكم .. خذي أنتي (يكلم الطقاقة) .. وغني شي حلو أوك ..
الطقاقة خلاص خقت على عيون رامي .. وتشوف المزاين قدامها .. قامت بتسوي نفسها حركات قالت مثل رامي : أوك ..
وبدت تغني والشباب أنواع الرقص .. والبنات يشجعونهم .. والطقاقة متحمسة اكثر .. ظلوا على هالوضع ربع ساعة تقريبا ..
تعب شوي من الرقص ومن جو الإغاني .. نزل من المسرح بدون ماحد يحس فيه .. وفكر يطلع برا .. إلا أنه شاف غرفة على جنب .. فخمن أنها غرفة العروس .. قال في نفسه بيستريح فيها شوي وبيرجع لهم ..
فتح الباب وهو يحاول يضبط تنفسه بعد الرقص .. دخل وسكر الباب .. وهو يناظر الأرض جلس على الكنبة .. ومدد يدينه لورا بارتياح .. يحس جسمه تعب بسرعة من زمان مارقص كذا .. رفع راسه .. انصدم .. ماتوقع يكون أحد بهالغرفة أبدا .. شافها بفستانها الأسود الناعم وشعرها المتروك على كتوفها .. وحتى هي باين عليها ملامح الإنصدام بقوة ..
قام بسرعة من الكنبة وهو متلعثم : أأ ..إإ .. أأأسسسف ..
نوف من شدة الروعة راسها قام يدور .. أنتبه لها وحس انها راح تطيح لف وشافها اختل توازنها وطاحت .. وعلى أخر لحظة مسكها عن الأرض ..
نهــــــآآية البارت الثـ والثـلـــــــــــــآثين ـآني .. ^^
أرائكم وتوقعاتكم تهمني ..^^
&&&&&&&&&&&&&&&&&&&&&&&&&&&&&&
~| البــآرت الثـ والثلـآثـين ـآلث |~
فتح الباب وهو يحاول يضبط تنفسه بعد الرقص .. دخل وسكر الباب .. وهو يناظر الأرض جلس على الكنبة .. ومدد يدينه لورا بارتياح .. يحس جسمه تعب بسرعة من زمان مارقص كذا .. رفع راسه .. انصدم .. ماتوقع يكون أحد بهالغرفة أبدا .. شافها بفستانها الأسود الناعم وشعرها المتروك على كتوفها .. وحتى هي باين عليها ملامح الإنصدام بقوة ..
قام بسرعة من الكنبة وهو متلعثم : أأ ..إإ .. أأأسسسف ..
نوف من شدة الروعة راسها قام يدور .. أنتبه لها وحس انها راح تطيح لف وشافها اختل توازنها وطاحت .. وعلى أخر لحظة مسكها عن الأرض ..
استغرب من وجود بنت غير بنات عمه في القاعة .. ناظرها لثواني بدون استيعاب .. بعدها رفع عيونه عنها لفوق وفي يكلم نفسه بقلبه "" اعقل .. غض البصر .. حرام .. هي مو محرمة عليك .. انت ماترضاها على أختك "" .. فكر شوي شنو يسوي .. وفي نفسه "" استغفر الله .. أنا مظطر .. لازم ألمسها عشان أشيلها "" .. واستجمع قوته ورفعها واستقام بوقفته .. بهاللحظة سمع صوت ضحك يقرب شوي شوي من الباب ..
لف وجهه للباب من دون مايحرك جسمه .. انفتح الباب .. وادخلت من طرف الباب وهي تضحك .. أول ماطاحت عيونها عليه وعلى نوف .. ضاع الكلام بلسانها ..
طلال اللي كان واقف وراها ويسولف معاها طل من ورا ظهرها : شفيكـ .. (طير عيونه على نوف ) .. أأإإ .. من ذيـ .
لفت عليه بسرعة ودفته برا بقوة عشان مايشوفها وسكرت الباب .. وعلى طول طاحت عيونها على العباية المحطوطة على جنب .. قربت من عنده وقلبها يدق من اللي قدامها .. ورمتها على نوف اللي بين يدينه .. تحاول تغطيها .. بارتباك أشرت على الكنب : حطها ..
. بنفس الارتباك خاف تظن فيه ظن سوء .. حطها بهدوء على الكنب وصد عنهم .. انتبه لقارورة ماي اخذها ومدها لها وهو صاد : خذي رشي عليها ..
أخذت القارورة .. وبعفوية تلامست أصابعهم .. واثنينهم مرت قشعريرة بجسمهم كانها كهرب ..
.يدها ترجف من لمسته وفتحت القارورة ورشت شوي على نوف وهي تضرب على خدها بهدوء : نووف نووف ردي علي نوووف .. (وأخذت دقيقة وهي تحاول تصحيها) ..
نوف فتحت عيونها بهدوء ..
خاف صار لها شي : أححم .. دانيا .. صحت ولا لأ ؟؟ ..
نوف سمعت صوته .. وانتبهت أنها مو لابسة الشيلة والعباية بس مغطية جسمها .. مسكت يدين دانيا بحرج .. ودانيا فهمت عليها ..
دانيا اخذت نفس وبصوت تحاول تجمعه من الحيا: مشعل لو سمحت ممكن تطلع ؟؟ ..
مشعل ارتاح انها صحت وتحرك لبرا على طول بدون أي كلمة ..
أول ماطلع مشعل تنهدت نوف براحة ممزوج بحرج ..
داخل الغرفة ..
دانيا تعطيها القارورة عشان تشرب ماي : سلامات .. طيرتي لي قلبي يالدووبة .. شصار ؟؟ ..
نوف شرربت شوي وناظرت دانيا بخجل من الموقف : أول شي أنا مو دوبة .. ثانيا .. الله يسلمك ماتشوفين شر ياقلبي .. ثالثا .. ماصار شي ..
دانيا ناظرتها بأطرف عينها : إيه ولد عمي شايلك بين يدينه وأنتي مغمى عليك ولا صار شي ؟؟ ..
نوف باحراج بعفوية : لا .. بس انا كنت واقفة هناك (وتأشر على جهة المرايا) .. أعدل شعري .. بعدين هو دخل (وتأشر على الباب) .. وشكله ماحس فيني لأنه يناظر الأرض .. وجلس على الكنب (وأشرت مكان اللي جالسة فيه دانيا) .. ورفع راسه وارتاع اني موجودة هنا شكله ماتوقع أن أحد هنا ..
دانيا : إيه وبعدين ؟؟ ..
نوف تناظر الأرض : بعدين أنا من زود الروعة حسيت أن راسي يدور وبس .. ما ادري شصار بعدها ..
دانيا : أهآآ ..
نوف خافت ان دانيا فهمت غلط : دنووي شفيك احسك مو مصدقتني .. إذا مو مصدقتني سألــ .
قاطعتها دانيا ببتسامة : لا مايحتاج أسأل ولا شي .. انتي صديقتي الروح بالروح .. وأنا أسفة أني تركتك كذا .. خلاص بجلس معاك الحين لمن نمشي ..
نوف نفخت ريشها بمزح : أحم أكيد بتنثبرين عندي من يحصل له يجلس مع خشتي ..
دانيا ضربتها من عند كتفها : يالواثقة أنتي ..
&&&&&&&&&&
من جه ثانية برا الغرفة ..
مشعل طلع وهو يتنهد بارتياح ..
ناظره طلال بنظرات استفهام : شسالفة ..؟؟
مشعل يبرر وهو يمشي وطلال يمشي جنبه : ماأدري .. دخلت الغرفة على أنه مافيها أحد .. وشفت وحدة داخل .. وهي ارتاعت وطاح مغمى عليها ..
طلال : أهآآ . وصحت هي ولا ؟؟ ..
مشعل : إيه صحت ..
طلال دق مشعل بكوعه بالخفيف ويناظره بأطرف عينه : أجل استانست ..
مشعل وقف ومعقد حواجبه : نعـم ؟؟ ..
طلال وقف قباله وحرك حواجبه : استانست معاها وأنت داخل ..
مشعل بسرعة : شنو لالالا .. لايروح فكرك بعيـ ..
طلال قاطعه : يالدلخ اقصد دانيا مو البنت ..
مشعل سكت لثواني يستوعب : شدخل ؟؟ ..
طلال ابتسم نص ابتسامة : مو أنت خاطبها يالدلخ ؟؟ ..
مشعل فهم : أهآآآ ( وابتسم يوم تذكر رجفة دانيا يوم تلامست أصابعهم ) مالت عليك حسبت عندك سالفة .. ولا أشوفك مسكت علي كلمة الدلخ ..
طلال : إلا عندي سالفة بقول لدانيا عشان ترفضك ( وحرك حواجبه وحط صبعه السبابة على راسه ) .. وثانيا كيفي اقولك دلخ تنك سبيكة اللي هو أنا عمك عمت عيون عدوك ..
مشعل تكتف ورفع حواجبه باستفزاز : أقول تراني اكبر منك .. يااا يــا ياعمي ..
طلال مشى وهو حاط يدينه في جيبه : لو أنك كبر جدي .. بظل عمك غصبن عن خشمك ..
مشعل رفع عقاله من على راسه وقرب من عند طلال بمزح : أنا كبر جدك هاا .. أنا الحين اربيك ياعمي خخ ..
طلال حط رجله وهج جهة المسرح ومشعل يركض وراه .. صايرة اشكالهم تحفة خخ ..
فارس ليوسف وهو يناظرهم : والله حاله .. العجول قاموا يراكضون .. أجل انا ما أنلام ..
يوسف : هههه أشكالهم شــي .. عيدوها بصوركم بلوتوث .. الدكاترة توم أند جيري ..
طلال فتح أول زرارين من ثوبه : أقول مشيعل وأنا عمك عليهم ..
مشعل وقد شمر عن سواعده خخ : عليهم ..
ملاك اخذت المايك من الطقاقة لأنها قامت خلاص مشت : أحم .. هدوووووووووووء .. يالورعااااان هدووووووء ..
اللي كان يتكلم سكت واللي كان يرقص أو يركض وقف وناظروا ملاك اللي صرخت بالمايك ومستغربين من تصرفها ..
تركي يتلفت : مين تقصدين بالورعان ؟ ..
ياسر يأشر على نفسه وعلى الشباب والبنات : تقصدين أحنا ؟؟ ..
ملاك اللي تسبل بعيونها من تحت نقابها (لأن البنات كلهم وبدون استثناء لبسوا نقابهم عن الشباب لأنهم بكامل زينتهم و حرام أنهم يشوفونهم كذا) : إيه .. اسمعوا أعزائي وعزيزاتي ..
رائد قاطعها وهو يصارخ عشان تسمعه : ماأقدر أنا على اعزائي بس ..
ملاك طنشته : رامي .. اسمح لي أقول لك شي ..
البنات والشباب لفو على رامي .. ورامي استغرب وابتسم : إيش ؟؟ ..
ملاك : أحم .. بعطيك إياها من الأخر ..
رامي استغرب اكثر : طيب شنو ؟؟ ..
ملاك : شكلك غللللللط بالشماغ يعني اسمح لي ..
الشباب والبنات كلهم بصوت واحد ناظروا رامي : أوووووووووووووووووووه ..
رامي بنص ابتسامة ورافع حاجبه : يعني كذا أحسن (و فصخ شماغه والكل صفر وصارخ له ) ..
ياسر سحب الطاولة الصغيرة اللي قبال الكوشة ونزل الورد اللي عليها وأشر لتركي بعيونه : ترووك ..
تركي فهم عليه وأخذ له نفس الشي طاولة ونزل الورد عنها : يلا ..
ياسر يناظر رامي : نبغى سعودي عدل .. واااحد اثنين ثلااااثة .. ( وقام يطبل هو وتركي بطريقة سريعة و روووعة) ..
روان وملاك قاموا يصفقون بقوة معاهم ..
يوسف و مشعل يستهبلون ويزغرطون : كلللللللللووووووووووييييييش ..
الكل ضحك وهم بصفقون ويطبلون ..
رامي قام يرقص سعودي أصلي والشباب والبنات مسوين دائرة كبيرة حوله ويشجعونه ..
رائد أشر لطلال براسه .. وطلال فهم عليه .. أخذوا شماغاتهم من أكتافهم ضبطوا شماغاتهم بطريقة حوسة فوق بعضها بس صايرة خوقاقية مع شعورهم المبينة من تحت الشماغ .. و قربوا جنب رامي وقابلوا بعض وقاموا يدقون رقبة ويهزون أكتافهم ويرقصون رقص حلو ..
سارة تصرخ وهي تصفق : طلوول ارحمني عااااد ..
مسك لأختها : خالي راائد جررررح .. رووعة ..
رهف : بنات امسكوني تراني خقيت ..
سمر ابتسمت : بصراحة شي خطيير ..
ملاك و روان يشجعونهم يلااااا يلااااا اوووووه .. عاااشوو .. إيووووا .
دانة تناظر طلال و رائد وعجبها رقصهم .. وناظرت رامي .. وفي نفسها "" من يقول أن هذا رامي اللي بالسيارة "" .. وصرخت لعمها طلال : طلال خف شوي البنات بيتسدحون ..
الكل بدون استثناء ضحك : ههههههههههههههه ..
فارس قرب منهم وتلثم بشماغه وهو يرقص معاهم .. وماسك يد سامي يسحبه معاه .. وسامي يضحك ويرقص معاهم ..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك