رواية بصدري وجع كنت احسبه نام يا صدري -31
سطام : مشتاق لـ ربعي بطلع .. المهم قولي لـ الجوري ..
امجاد : أنت كله تضايقت لاجلها ..
وهو يناظرها : لو صارت معك هالحركه اعتقد ماكان رضيتي فيها ..!
طلع .. ورجعت تناظره من دريشة غرفة نومهم وهو يركب سيارته وشوي وطلع من الحوش .. رجعت تكمل بوناسه ترتيب الشقه ..
.
.
.
بيت عساف ..
شافها حاطه عبايتها على يدها : حلو أنك جاهزه لاننا راح نسافر الحين ..
ناظرته بتعقيده حواجب : ومن قال راح اسافر معاك ..!
بضيق وهو يأخذ الجواز ويطلع جوزاها : أنا .. الله يرضى عليك لاتعاندين ..
: مابي .. والحين بطلع لـ صديقاتي ..
رفع راسه : قلت لك من قبل انسي صديقاتك ..
: عشانك أتركهم ..!
بنظره : ماستاهل ..
بضحكه: ماتسوى شوز كيف بـ صديقاتي ..
للمره الثالثه تقولها له ..المرتين الفايتة بالجوال وهالمره قباله ..!
يعني ماتعضت بالتهديد وهو محذرها من قبل بلحظه رمى الجوازات و ماحس الا بيده ترتفع وتوسم خدها بكف قوي جداً تركها تطيح من طولها على الارض وهو يشد شعرها : والله يارتيل لو تعيدينها لاذبحك ..
قومها وهو يسحب الشطنة وينزل من الباب الخلفي للجناح ..
وهو يصرخ فيها : إلبسسسي عبايتك ..
توها تفوق من الكف :موب لابسه ..
وهو يكلم السواق : جيب السيارة من الباب الخلفي للفيلا بسسرعة ..
دخلها لداخل الفيلا لاجل مايشوفها السواق ..شاف السواق :خلالاص روح ..
رمى الجوازات وشطنتها داخل السيارة وهو يلبسها العباية بالقوه والشيله إلين سحبها للسيارة وطلع من الفيلا ..
بعصبيه: مشكلتك للحين ماشفتني شي مني ..أجل لو وريتك الوجه الثاني وش سواتك .. تعبت منك لنا كم يوم مع بعض وأسلوبك قلة حييا .. مهوب اسلوب بنت متربية ..!
صرخت فيه: آيييه مو متربية دام اللي رباني قطني عليك ..وباعني بأرخص الاثمان ..
وهو يناظرها بنظره ويحرق قلبها أكثر : لا باعك بـ عشرة مليون ..
صدمة تمر فيها ..
وهو يزيد : وتمهيد صفقات بالسوق .. وكتبت لك فيلا شكبرها معاها أرض .. و إشياء ملها أول من تالي ..
بصدمة: تكذب ..
وهو يضحك : اسألي أبوك ياحلوه ..أجل راح يطلقك من الزفت كذا ..!
ماستوعبت الصدمة اببداً ..ولاراح تستوعبها رجعت ظهرها على المرتبة وهو يناظر أكثر للقزاز وكانت كلها تضليل كامل ..ارتاح لاجل مايشوفها غيره ..
بعد فترة حست بأنها مهيب متغطيه عدلت غطاها وتغطت ..استغرب سكنت فجأة ماردت , ماعقلت , ماهاوشت ..!
وقف سيارته داخل المواقف الخاصة في مطار الرياض ..لف لـ روى وأخذ الجوازات وحط الشطنه بحضنها : انزلي اشوف ..
أخذ غترته وعدلها وهو يمشي مع فتحتها للباب ضغط زر الريموت وصك السيارة ودخل للمطار ..
لحظات وهم بالطائرة ..دخلت وجلست وهي بتبعات صدمات موب صدمة..
شافت الاهتمام الواضح بعيون الكل لـ عساف ..ياكرهها لـ حياة الترف والغنى اللي تسبب أبوها وعساف من خلالها بتعاستها ..
ماحب يكلمهاولاراح تعطيه وجهه اصلاً ..!
.
.
.
السوق ..
سلطانه : تأخرت رتيل ..!
الجوري : مم خايفه عليها تتوقعون رفض تطلع ..؟
الجوهره : هالحقير توقعوا منه أي شي ..المشكلة جوالها مغلق ..!
سلطانه : خلاص بنات خل نطلع بالي انشغل ولالي قدرة بالتسوق ..
الجوهره : آوككي سوس راح تأخذين لعمي سعد شي ؟
سلطانه تذكرت : آييه ياقلبي يحب الموكا والكوكيز ..
مرت أخذت له وطلعوا من المجمع لسيارة سلطانه ..
.
.
.
بيت أبو سطام ..
من وصلت الجوري وطلعت لـ شقتها ..
صدمة ونظرات غربيه ..
امجاد وهي تعدل البلايز بالدولاب ابتسمت من شافتها ..: صارت شقتي ..
بنظره : أي شققتك هذي شقتي ..!
أمجاد تعلك : والله شققتي ..عندك شي كلمي سطام ..
:اطلعي برآ ..
امجاد تعلك أكثثر : اطلعي أنتي برى هالشقه ..وخلاص سطام وهو نقل كل شي معاي لـ هنا .. أنتي ماراح تجيبين عيال لاجل يكون عندك شقه ..!
وسطام راح يكون معاي دائما لاجل كذا يبي له بيت مهوب ششقه ..
صرخت فيها : اننننطمممي حلالك الشقه دام رجلك وطتها مابييها ..ويكون بعلمك مثل ماباعك بسيارة راح يبعيك ثاني مره .. أنتي مينا صلاً لاجل تكوني ضرتي ..
لاجمال ولاشهاده صاحيه ولا أناقه.. بسس حلالك شن وافق طبقه ..هنييالكم ببعضكم ..
عطتها نظره احتقار وقالت كلمه ولفت لها : يكون بعلمك قالها مره بأنه مايحبك ولو رجع لك الحين لاجل تجيبين عيال يعني تفريخ عيال ..!
طلعت من الشقه عقب ماسحبت عبايتها وشنطتها ..
ضربت برجلها على الارض وهي معصبه وتدق عليه وهو مايرد ..
جلست الجوري بالصالة التحتيه وعيونها بدأت تغرق دموع وهي تحط يدينها على وجهها ..
دخلت عمتها وسهى من برى .. وشافت الجوري وهي تجلس وتقولها شفيها ..حطتها بحضنها وهي تتكلم ..
عصبت على ولدها وحركته بحقها ..
سهى رحمتها وطلعت لـ امجاد ..
شقتهم ..
سهى : شوفي أنتي بنت خالي بس ترى الظلم يرجع حرام عليكم .. البنت موب ناقصتكم لاجل تنكدون عليها ..
امجاد : سهى ترى أنا بنت خالك ..!
سهى بقهر : هالحركة ماحبها لو كنتي أختي ..!
انقهرت وطلعت من الشقه ..
جلست امجاد بقهر وش تحس فيه سهى راح توقف مع الجوري ..!
حاولت تتقرب للجوري وتجلس جنبها , بفترة حست ممكن تصدها وتهاوشها ماعرفت بأن الجوري محتاجه أي شخص كائن من كان ترتمي بأحضانه من همومها وضيقتها اللي ماعاد يوسعها جوفها الصغير اللي تعب وهويتحمل من كل شخص يعني له شي ..!
.
.
بيت سلطانه ..
عجزت وهي تدق على رتيل ومغلق ..
دخل سعود وكان مستانس وهو يجلس قبالها : توظفت وفي أكبر مستشفيات الرياض ووظيفه حكومية ..
بـ ابتسامه ميته: حلو موتته الثمان سنين جابت نتيجه ..
يوفقك ربي ..
ماتت كل ابتسامته وفرحته وتحولت لـ تحطيم واكتئاب وقبالها بـ سكوت تام ..
رجعت تدق ومغلق ..
دقت على الجوهره وقالت لها بأنها نفس الشي تدق ومغلق ..
وهو يناظرها : مايهمك هالخبر ؟
لفت وهي تنزل جوالها جنبها : لا ..
: ماكانت الهقوه هالرد ..!
رفعت راسها : وش متوقع أضممك واتعلق فيك مثل قبل لما كنت صغيره وافرح بشكل هستري واتمسسك فيك .. لا سعود خلاص كبرت وحسيت على نفسي .. البارح افكر بسفرتك بشكل جدي لقيت معاك الحق ..
ابتسم وجلس قبالها وبأمل : يعني ماعادك بـ زعلانه ..؟
وهي تناظره بنظره غريبه لـ سعود لكن لها تدل على شفقه كبيره على نفسها بكل ضياع السنين اللي فاتت شلون انخدعت ..!
وهي تأشر على نفسها : أنا كنت عديمة كرامه ..!
تدري ليه ياخوي ؟!
وهو يناظرها ..
بـ إلم على حالها : كنت بجد عديمة كرامة .. كنت وراك بكل لحظه ومعاك ..ماتنلام يالعزيز لو كرهتني وتركت الدار والديرة ..
بنفس وأقسى منها عقب هالحكي : مصدقة سعود كان ذا تفكيره..!!
برمت حواجبها بشده : ثمان سنين تأكد لي هالشي كل لحظه ..!
: أخوك مافكر ولاخالطه نسيان ..
ضحكت بنفس تعقيده الحاجب : صح صح .. أنا ثمان سنين نسيتك وأنت تذكرني ..ماقلت لك الغلط كله علي أنا .. والا أنت محششوم طعت أمي وأبوي ماسويت شي غلط ..
وقف : ماراح تفهميني اببداً ..!
ابتسمت بحزن : عارفة لان كل واحد مننا عاش تجربه مختلفه كلياً عن الثاني ..كيف تبينا نحس بتجربة كلن مننا ..صعب ياسعود ..
وهو يناظرها وساكت وكل مادخل غرفتها لازم تموج عيونه بالدمع ..
: ماسمعت عن طعنات الاحباب ..!
اللي ضـرى قلبه على .. طعن الأحباب
ماظـنـتي طـعـنـة عـدوه || تضـره
لآ لآ تتطمـن حيـل .. يا أعز الأصحاب
مـجروح لكن حالـتي ||مستـقره
دمعت عيوونه وطلع ..دخل مبتسم ومستانس وطلع وعيونه باكيه ومتكدر..!
ناظرته دانية وهي متأزمه : قلت لك لاتروح .. هالروحه راح تضايقك وتضايق سوس..!
حط نفسه بحضن زوجته وهو يبكي مثل كل مره يكون بينهم ناقش ..!
تعب وتعبت سلطانه .. وأتعبوا معهم دانيه ..
.
.
.
لندن ..
من وصلوا لـ مطار لندن وركب سيارته الخاصة مع المرافقين عند الطيران الخاص ومن آقلعت الطائرة من الرياض العصر وهي ماتكلمت ولا أكلت والحين مرت 7 ساعات تقريباً وهي على حالها وساكته تماماً ..
:فيك شي ؟
ماردت عليه ..
رجع ظهره للمرتبة وسكت عنها ولو إن باله مشغول ..
قرابة النصف ساعة دخلوا للفيلا ..
طلعها معاه لـ جناحهم الخاص من دخلت حست بذكريات تنعاد ..
ماتحركت لحركته وقف وهو يناظرها ومستغرب ..ماعرف بأن هالمكان يعني لها ذكريات مؤلمه ..!
:شفيك ؟
لفت وهي تنقل عيونها بالجناح ..هنا صحت ولقته قبالها ..هنا عرفها بنفسه , هنا كان راح يعتدي عليها بس حده بأنها أخت صديقه ..!!
هنا تألمت هنا بسببه تزوجت من طارق وبسببه هو تطلقت منه ..
ذكريات كثيرة اختلطت وشوشت النظر عندها وهي تشوف كل ضباضي آمامها..
لحظات وسقطت مغشى عليها ..
كان متأكد مهيب بخير من سكوتها وحتى نظراتها خاصة من دخلوا للفيلا..
مرت عليها لحظات عصيبه إلين بدأت تسترجع وعيها .. ومع ذلك كل شي أمامها لازال بنفس السواد ..
قام وهو يكلم المرافقين : أبي دكتورة بسرعة ..
رجع لها وهو يبعد العبايه توه ينتبه على عبايتها وحتى على ثوبه ..عدلها زين وباين أنها تتألم ..
حس بألمها وفك الازارار العليا ..وهو يمسح على شعرها وشوي وجهها.. ودها تبعده عنه بس ماعاد بالحيل حيل ..
ناظر ساعة ربع ساعه مرت ..مامدى قام الا بدق باب الجناح ..
فحصتها الدكتورة مع الممرضه ..
تكلم مع الدكتورة ..ورفض نقلها للمستشفى وهو يقولها بأن عنده غرفه مجهزه طبياً ..
نقل رتيل لها وجلس عند راسها وهو يناظر المغذي وهي تتألم لما دخلوه لكفها..مسح على شعرها بحب وحنان ..شكر الدكتورة وقالها تكون موجودة بحيث تكون قريبه أذا احتاجت رتيل شي..
طلعت الدكتورة والممرضة وهو جلس قريب منها ..
وهي تبعد يده بهدوء وتعب : وخر ..
بهدوء بعد عنها وجلس على الصوفا وعينه عليها وعلى المغذي ..
.
.
.
الرياض ..
بيت أبو سطام ..
2 الفجر ..
دخل على إن الكل نايم ..وكان يتسحب لاجل محد يحس فيه والباب الخلفي مسكر بالمفاتيح وهي مع آمجاد من أخذتها بالعصر ..
وهي جالسة تنتظره بالصالة وعيونها حمر من البكى وبصدرها حرقه من هالتصرف..
:سطام ..
لحظات ووقف وهو يبلع ريقه :صاحيه ..
وهي توقف وتكف دموعها : عين المظلوم ماتنام من حر ماتشوفه ..
هزته كلمتها وعيونها اللي تغص بالدمع ..
: لييه تسوي كذا ؟ الضنا وحرمتني منه بتصرفك .. والزواج وتزوجت .. والجروح وكل مالها تزيد منك .. والحين أخذت الشقه ..!
شهقت ..والحرقة بكل شي فيها ..
نزلت آم سطام اللي كانت تنتظر ولدها ولانامت هزأت ولدها وهو ساكت ..
امه وهي تناظره وتهاوشه : حسافة تربيتي وحبي ودلعي لك خربك وخلاك آناني وماتفكر الا براحتك .. !
حاس بغلطته وساكت ومندق ..ولايقدر اصلاً يرفع صوته فوق صوت آمه لانها معروفة بشخصيتها القوية ..
بحده: تطلع الحين وتلم كل أغراضك بغرفه الجوري لو هي إشياء تافهه ..
ناظر امه: ليه طيب ؟
بحده أكبر : البنت كارهتك ماتبي شي بالغرفه من ريحتك .. !
ناظر الجوري ودموعها سكاكين تقطع بصدره ..
امه : اطلع بسرعه لغرفتك وخذ كل غرض لك فيها ..تعالى معاي يالجوري ..
أخذتها عمتها وطلعت معها للغرفه وسطام وراهم ..
دخلت آمه معاهم للغرفة : خذ أغراضك وروح لـ شقتك ..
وهو متردد : أبي الجوري شوي وحدنا ..
امه: الجوري أنا بالجناح بس دقي علي لو احتجي شي ..
طلعت امه ومشى لاجل يصك الباب مسكته وأنفها أحمر : من هاللحظه ماعاد يتسكر علينا باب ولايجمعنا غطا واحد ..
: آسف الحين تبين ترجعين للشقه من عيوني ....
قاطعته : لاشكراً .. تنهى فيها ..
مسح دموعها : لمستك ماعاد تأثر فيني ابداً ..!
فلاتفكر تسوي فيها الحنون .. صدقني بداخلك شخص مليئ بالشر ..
بتعجب : أنا ..!
رفعت راسها للسما وهي تهمس (يالله) وتالي ناظرته : شوف مابي منك شي سوى أنك توديني بيت أبوي وتطلقني بس الله يخليك نفذ هالطلب لي ..
: ماراح أطلقك ..
راح تجن منه: لييه طيب ؟!
أنت متزوج واللي تحبها بعد .. تضيع وقتك بعيد عنها ليه ..!
لاتمثل الوفا لانه مايصلح عليك ..!
لآتمِثلْ ليِ وتَقولْ إنكّ وفيِ !
لآتعيشَ الدورْ مآيِصلحْ علييكِ
بنظرات : أدري كل تصرفاتي توحي لك بأني شخص موب وافي ولو أبرر لك ماراح تقتنعين ..!
الجوري :طلقني وانتهينا ..
سطام : كذا ماراح أطلقك .. ماتعرفين أبوك راح يزوجك أي شخص ويمكن يكون موب زين ..
لفت وضحكت غصب عنها : آآآه سطام بليز لاتقول هالححكي من ثاني ..
بنبره) مستحيل أعاني مع أي شخص آخر كثر معاناتي معاك ..! (
وهو يقرب لها : لاتقولين رجال ثاني لاني ماراح أطلقك .. حياتي اللي أنتي مو فيها مابيها ..
: قلت لك لاتقرب لانك ماعاد تأثر فيني واللي خلقني ..
رفع حاجب وبنظره : شايفه كم عمرك ياحلوه لاجل تقولين ماراح تأثر فيني ..!
راح انام الحين والصباح تنفاهم ومعها تكونين تغير مودك ..
: ماراح تنام هنا .. اطلع للزفت ..
وهو يناظرها : لا بنام .. زوجتي ولك الحق مثل مالها حق .. وأنا بعد لي حق ..
: اطلع برى ..
وهو يناظرها : منيب طالع ..
طلعت هي وتركته مامداها الا وهو يمسكها : تعالي للغرفه ..
: فككك يدي ..
مافك وهو يحاول يسحبها ..
خلاص هي خاربه والكل يعرف حياتهم ماعاد فيها سر يتخبئ .. نادات عمتها بصوت مسموع .. طلعت لها بسرعه وفكتها من ولدها : انقلع لشقتك اشششوف ..
سطام : يييمه خلينا ..
امه صرخت عليه : قلت لك انقلع لشقتك ..
تذمر بشكل واضح وطلع ..
دخلتها عمتها للغرفه معها وجلست معها : بيرجع لك لكن لاتبكين لاجل أي شي , خلي دمعتك غاليه لاتنزلينها لو لـ ولدي ..
مسحت بدموعها وهي تشرق فيها من ثاني ..ضاقت عمتها ولمتها لها أكثر لاجل تهدى لو شوي ..
.
.
.
اليوم الثاني ..
بيت آهل لمار ..
كان يناظر أخوه ومستغرب من طلبه بهالتوقيت بالذات ..!
.
.
.
عَنْ أَبي هُرَيْرَةَ رَضِيَ اللهُ عَنْهُ أَنَّ رَسُولَ اللهِ صَلَّى اللهُ عَلَيْهِ وَسَلَّمَ قَالَ : « مَنْ جَلَسَ مَجْلِساً كَثُرَ فِيهِ لَغَطُهُ ، فَقَالَ قَبْلَ أَنْ يَقُومَ مِنْ مَجْلِسِهِ ذَلِكَ : سُبْحَانَكَ اللَّهُمَّ وَبِحَمْدِكَ ، أَشْهَدُ أَنْ لا إِلهَ إِلَّا أَنْتَ أَسْتَغْفِرُكَ وَأَتْوبُ إِلَيْكَ ، إِلَّا غُفِرَ لَهُ مَا كَانَ في مَجْلِسِهِ ذَلِكَ » .
اقتباس من الكاتبة
اقتباس:
مسسساكم أزرق ..
مشششتاقتكم حححيل ..
هذا البارت وي رب يعجبكم ..
بروح آشوف الهلال بدأ الشوط الثاني ي ررررب نفوز ي ررب ..
بأذن الله تعالى راح أنزل بارت قريب حححيل بحال فوز الهلال بأذن الله والله يوفقنا ..
عَنْ أَبي هُرَيْرَةَ رَضِيَ اللهُ عَنْهُ أَنَّ رَسُولَ اللهِ صَلَّى اللهُ عَلَيْهِ وَسَلَّمَ قَالَ : « مَنْ جَلَسَ مَجْلِساً كَثُرَ فِيهِ لَغَطُهُ ، فَقَالَ قَبْلَ أَنْ يَقُومَ مِنْ مَجْلِسِهِ ذَلِكَ : سُبْحَانَكَ اللَّهُمَّ وَبِحَمْدِكَ ، أَشْهَدُ أَنْ لا إِلهَ إِلَّا أَنْتَ أَسْتَغْفِرُكَ وَأَتْوبُ إِلَيْكَ ، إِلَّا غُفِرَ لَهُ مَا كَانَ في مَجْلِسِهِ ذَلِكَ » .
البارت الثلاثين ..
بيت آهل لمار ..
فهد وهو يناظره : تبي تتزوج بنت عمنا فجر؟! شمعنى هالوقت بالذات طرت لك الفكره ؟
عبدالعزيز وهو ينتهد ويناظر أخوه :هما هي بنت عمي ..ودي بها والحمدلله مكون نفسي ومافيه شي يأخرني عن الزواج أكثر خاصة بأن عمري الحين 26 ..
فهد : عبدالعزيز أنت فاهمني شمعنى فجر وأنت ماكنت تبي من قبل الاقارب ..!
عبدالعزيز ينتهد من ثاني : فهد جيت لاجل تبارك لي بهالخطوه ونروح بكره نخطبها مهوب تحقق معاي ..
: منيب مقتنع لان بالسالفة سالفة ..!
عبدالعزيز وهو يناظر أخوه : قصدك انتقم من أخوها فيها ؟!
ماعلق فهد ..
عبدالعزيز : فهد قرصة الاذن لابد تجي لمساعد لاجل يحس باللي يسويه بأختنا ..
بتعجب : تقوم تعالج الخطأ بخطأ أكبر.. بنت عمك يتيمه مثلها مثل لمار ضعيفه مالها غير دمعتها تقوم تجازيها بالسيئة وتعذبها لاجل تقرص مساعد .. صدمتني بتفكيرك..!
:فهد ماراح يتأدب مساعد الا لما يشوف سواته بـ لمار في أخته ..
عصب فهد : أي تفكير تمتلك ؟!
ماربيتك على طبع الانتقام ياعبدالعزيز ولاتوقعت بيوم تجي وتفكر وتقول هالحكي ..
دنق وسكت ..
فهد وهو يقوم من مكانه ويجلس قباله : عبدالعزيز فكر بعقلك البنت حالها من حال خواتنا لاتقسى عليها لاجل مايرجع الدين .. الدنيا ياخوك راح تجيبها يافيك ي في أعز ناسك ..
سكت ..
فهد : راجع نفسك .. ومتأكد بأنه تفكير عابر جا ببالك والا أنت مايطلع منك العيب والتصرفات هذي ..
اعتذر لاخوه : آسف ..
:لاتعتذر لي .. اعتذر لنفسك على هالتفكير ..عبدالعزيز الانتقام شي مميت ينهي وينهش الجسد والروح والفكر ماراح ينتهجه الا ناس في خلل واضح في أخلاقهم ..وعضيد أخوه مهوب كذا ابداً ..
فرك يدينه ببعضها وهو ساكت..
فهد : تبيها وتعزها وترزها وتحطها على راسك وتخاف قبل كل شي الله فيها وفي تصرفاتك معها اخطبها لك الليلة ..
سكت للحظات وتالي ناظر فهد : أبيها ..
بارك له فهد هالخطوة ودعا له بالتوفيق ..
ابتسم عبدالعزيز : تعال نبشر الوالدة ..
قام معه فهد ونزلوا لامهم وخواتهم ..
فهد وهو يجلس جنب امه ويدلي يده على أكتافها ومبتسم : جنتي عزوز بغى يأخذ رأيك بموضوع ..
ابتسمت امه بحنانها المعهود لعيالها ولجلسه فهد جنبها وابتسامته : عساه خير ..
وهو مبتسم : أكيد يالغاليه ..
عبدالعزيز ب ابتسامه: نويت اتزوج ..
استبشر وجهها : تقولها صادق ..؟
فرح لفرحتها أكثر : ان شاء الله ..
امه : ي بعد عيني .. الله يوفقك مابغى واحد منكم يعرس ..
ناظرت فهد وبعتب : ورى ماتطيعني واخطب لك مع أخوك وافرح فيك يافهد ..
مسك كفها وباسه : ولدك ماله بالحريم ابداً .. الحين خلينا نفرح بـ عزوز وتراه بيخطب بنت عمنا فجر ..
ابتسمت : عز ماخترت ياضناي .. الف مبروك
عبدالعزيز: الله يبارك فيك يالغالية ..
لمار : مببروك عزوز والله يوفقكم ..
ابتسم لاخته : الله يبارك فيك يالغالية ..
فهد :أجل وين أسيل صجنتا الا نعرس ..
ضحكت امه : تلاقيها بالمطبخ تقطع الحلا .. جات سناعة أسيل لما جات الاختبارات..
ضحكوا أخوانها وقام فهد لها ..
دخل للمطبخ وهو يشوفها تسولف مع الشغالة وتقطع الحلا أخذ قطعه ولفت لاخوها وهم يضحكون ..
فهد: سنعه ماشاء الله ..
ضحكت : فهود مليت من الكتب ووع خلاص ..
ضحك بقوة : يافكني ي أفكك يالكتاب ..
وهي تضحك : بجججد فهودي .. عارف حسيت بحالة نفسيه لو كملت المذاكرة ..آآه متى راح اخلص من الدراسة ..
: راح تكملين جامعة ..أبي نسبه بثاني وثالث وكلها فوق 95%
أسيل : فهههود مابي جامعة يالله متحمله الثانوي ..
ضحك وهو يمسك آنفها : راح تدخلين جامعة إن الله أراد ..
شال صحن الحلا وشالت صينية القهوة ..
نزلها وطلع لاجل يصحي عزام من جا من الجامعة 10 الصباح نايم والحين قربنا يأذن العشا ..
دخل لغرفه عزام وطفى المكيف وهو ينزل الريموت جنبه : عزام قوم ..
ماتحرك نومه ي ثقله .. جلس إلين صحى وجلس ..
:تعال تقهوى ..
عزام وهو يفرك عيونه ويد ثانيه بالكدش : وشو ؟
قومه أخوه : تعال غسل أنت صليت المغرب ..
عزام : اذن ..
فهد ابتسم : صلوا الناس وقضوا وأنت تسأل اذن ..
قام لاجل يوضي وصلى المغرب وهو ينتظره إلين خلص ..
عزام : ننزل ..
وقف معه فهد ونزلوا لاجل يتقهون مع امهم وأخواتهم وعبدالعزيز ..ابتسم لما سمع خبر خطبه عبدالعزيز : خخططير .. مبببروك والله وعقبالي ..
فهد وهو يتقهوى ويأخذ الحلا من لمار : شد حيلك بالدراسة واشتغل وعقب نفكر نزوجك ..
: سلامات ..
ضحكت امهم : وهو صادق فهد انجح بالاول وبعدين من ذا الاعمى اللي بيعطيك بنته عز الله من أول ملاسنه طلقتها ولدي ولاتعلمني بعصبيتك ..
ضحكوا أخوانه عليه وعلى تعليق امهم ..
عزام وهو يأخذ الحلا من لمار : آفا ييمه هالحين ماتبين تفرحيني فيني وتقولين هالاعذار ..
امه تسلك له : آييه آييه ..
عبدالعزيز : فهد راح تكلم عيال عمنا الليلة أو بكرة ؟
فهد وهو مبتسم : يقولك خير البر عاجله .. شوي وبكلمهم وراح نمرهم عقب صلاة العشا ..
.
.
.
بريطانيا ..
فيلا عساف ..
تعب معها رافضة تأكل ,تتعالج, تتكلم ..
ضاقت فيه أنفاسه منها ومن تعبها الواضح عليها وشكله هالمره نفس أكثر من أنه جسد ..!
: شاللي تبينه بس ؟!
ارحميني يابنت الناس ماسويت خير فيني ولافيك من خذتك .. يأخذه من قلب تحدى كل جزء فيني وكسب هالتحدي وخذاك ..
منسدحه ويدها تحت خدها وهي ضامه نفسها وكفها الثاني ماسك فيه المغذي وساكته تماماً ..
دق جواله وكانت امه تتطمن عليهم لانه عطاهم خبر بأنهم راح يسافرون وهي كانت مسيره عند جيرانهم ..
: الحمدلله يمه حنا بخير ..
امه : ي الله لك الحمد ..متى وصلتم ؟
عساف : البارح بالليل بس منيب متذكر بالضبط ..
امه : الحمدلله على وصولكم بالسلامه ..عساف وراه صوتك متغير ؟
وهو يفرك عيونه بتعب وارهاق واضح جداً : اببداً يالغاليه مافيني الا العافية بس خبرك السفر ..
امه مهيب متطمنه : دايم تسافر ولاجا بصوتك مثل هالتغيير ..
: صدقيني يالغالية مافيني الا العافية ..
امه ابداً مهيب متطمنه : طيب وين رتيل ؟
: خذيها يمه معاك ..
حط الجوال بقربها وهو ماسكه : كلمي أمي ..
ماردت عليه ولاتجاوبت حط الجوال على أذنها ولاتجاوبت معه ابداً ..
يرص على أسنانه : كلمي أمي ..
كانت غايبه تماماً عن هالعالم من كل شي تجمع عليها ..
حط الجوال على أذنه : يمه رتيل تعبانه شوي ..
امه : أنا اقول صوتك مهوب طبيعي ..شفيها ؟
عساف : تغير أجواء يمه خبرك هنا برد بعكس جو الرياض ..
امه: بسيطه ان شاء الله .. انتبه لها ولنفسك ..
عساف : ان شاء الله يمه ..
سكر من امه ورجع جنونه له وهو يناظرها وهي بنفس وضعها امتدت يده لشعرها وهو يصرخ فيها ويضربها : امممي تبي تكلمك وأنتي رافضضضه (صرخ أكثثر) حيييوانه ماتحححترمين اححد ولاتقدرين احد ..
ماكانت تقاوم لانها متعبه جداً تنفس بسرعة وهي يبعد عنها ويقوم من السرير :زفففت وغبييه وعنييده قلت لك من قبل الا امي وخواتي ..
لف وهو يسمع انين وتعب يندى له الجبين رجع بسسرعه وهو يششوفها تأشر له تبي انفاس ..صرخ من روعته ودخلت الدكتورة الممرضة وهو مخنوق بعبرته : عطوها تنفسس تكفون تكففون ..
جلس وهو يشد شعره من الجوانب ومندق ماقدر يناظر ..
رفع عينه وهو يشوفها تستفرغ دم تمتم بخوف وصوت متقطع : لي..لييه؟
مرت قرابة الثلث ساعة وهو مغطي نصف وجهه إلين سمع صوت الدكتورة وهي تكلمه عن سوء حالتها ..ابلغها تجيب كادر طبي مناسب لحالتها ..
طلعت الدكتورة وكلم الخدم .. نظفوا الغرفة والمفارش عقب مانقلها لـ غرفه ثانية وتالي رجعها وهو يناظر البنت صايرة جثه هامده بيدينه ..
والسبب مين ؟
هو وأبوها ..!
ياااه ي ظلم وجور الاقراب ..باعها بـ عشر مليون ولااهتم بمشاعرها وأحاسيسها وشعورها لمين ..
زوجها بحبيب قلبها غصب عنها وذلها بهالطريقة .. حبيته وعشقته ولاجل فلوس طلقهم من بعض ..
تركها نصفين هنا جسد وهناك روح وآحساس وشعور وقلب متعطش للحياة ويعشيها بكل مافيها من لحظات جميله ..
.
.
.
الرياض ..
بيت أهل مساعد ..
مساعد : أنسابي هنا فهد وعبدالعزيز ..
امه : الله يحيهم ..
مساعد : فجر حضري قهوة ..
امه: روح لاتتركهم وحدهم ..
مساعد : لافي معهم .. عجلي بالقهوة ..
مشى للمجلس وجلس : ي الله حيهم ..
ابتسم فهد : الله يسلمك ..
مساعد : كيف الاهل ..؟
:الحمدلله ..
مساعد وهو يمرر يده على الكنب جنبه : مديم ان شاء الله ..
كان الوقت كله سوالف إلين جات القهوة تقهوا ..نزل فهد الفنجان وهو يعدل شماغه: الليلة جاينكم وطالبين القرب منكم في فجر لـ عبدالعزيز ..
ابتسم لافي : يشرفنا ياولد العم هالطلب واعتبرها حليله له ..
ابتسم عبدالعزيز واستانس ..
فهد : تسلم لكن خذ لنا رأيها ولها الحق ..
لافي : مالها كلمة عقب أخوانها ..
فهد ب ابتسامه: اسألها .. نبي الامور من البداية تكون بالرضا مهيب حلوه حياتها الخاصة تحس مالها رأي فيها ..
مساعد ابتسم ي فخره بهالنسيب دايم حريص على شعور الغير لو كانت السوالف ماتمد له بصله ولو كانت له مصالح بالسالف هالا أنه يهمه شعور الغير قبل شعوره..
مساعد : خلال هاليومين بنرجع لكم بالرد وبأذن الله تعالى مايكون الا خير ..
.
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك