رواية افهم ترانا لايقين لبعضنا كنك نهائي الكأس وانا هلالي -2
سامي :افا قطوتي مودها اخترب بس مصيرك تجين تقولين لي وش فيك
ركضت ساره لغرفتها ودموعها على خدها ماتدري ايش فيها
دخلت غرفتها وجلست تستغفر توضت وصلت الضحى لعل هاالضيقه تروح ..
خذت جوالها تكلم ريم
ريم : يامزعجه
ساره تحاول تتصنع الضحكه :احلى ازعاج صح
ريم :شبعانه من النوم اجل وتنغصين علي يااحلوه
ساره :ريم فيك شي
ريم بفهاوه :فيني وش فيني
ساره :اقصد صاير لك شي شي مضايقك
ريم :ماشاءالله وش هاالرومنسيه اللي نزلت عليك من ربي
ساره بعصبيه :ريم فيك ولا
ريم :بسم الله علي لا مافيني شي السوري شفيك ياقلبي
ساره :لابس ضايق خلقي وفجأه حسيت بكتمه وخفت في احبابي شي
ريم :متأثره من الافلام انتي تعوذي من الشيطان حبيبتي كلمتي منار
ساره :ادق عليها من امس ماترد حتى من شوي دقيت برضوا ماردت
ريم :لاتخافين علي انا جنيه مب صاير لي شي ان شاءالله
ساره :طيب ريمي كملي نومك
ريم :يلا ولاتضيقين خاطرك ..
.................................................. ...........................
الساعه 11 ونصف الصباح
سامي :ليش ماتقول وين رايح
طلال :بتشوف الحين
سامي بقله صبر :ساعه ونص على الطريق ماصار مشوار
طلال :خلاص هذا المكان وصلنا هدي نفسك
وصل سامي لاستراحه بعيده عن النااس وفي مكاان يخووف
سامي مستغرب :طلال ايش ها المكان المهجور
طلال: انزل بسرعه وتعرف
نزل سامي حاط يده على قلبه دخل الاستراحه مجرد دخوله صكرو الباب من وراه وقفله واحد من اللي كان موجودين باالاستراحه
سامي التفت على الباب وقرصه قلبه ..دخل داخل يسمع اصوات رجال
سامي :طلال ممكن تقول وش اللي قاعد يصير
طلال : سامي احنااا هناا مجااهدين نجاهد هاالكفااار الله يلع....
سامي : وش قااعد تقول وتخربط انت ووجهك
طلال :نجااهد
سامي : ههه من جدك انت نجاهد كفار لا يكون موديني فلسطين
طلال مارد عليه والتفت على ابو جهاد : ابو جهااد هذا رفيقي سامي اللي قلت لك
ابو جهااد :هلا اخي سامي جعللك الله من الشهدااء
سامي :الله لايقوله دامني اني بستشهد على يدك
ابوجهاد:تجاهل رد سامي وحاول انها يفهمه بكل شي
(سامي انجن ومنصدم ووده يضحك على خبالهم : انتوا وش قااعدين تقولون يعني اصير باالعربي) ارهاابي) مب مجااهد جايبني هناا علشان امااشيك انت والشله الفاسده اللي معك
طلال عصب :احمد ربك غيرك يتمنى الشهاده وانت مجااهد وهذاا واجب عليناا نفدي روحناا نصره لديننا وانت معناا ياسامي باالطيب ولا باالغصب
وانا لولا حبي لك كاان ماتمنيت لك الخير
سامي : اي خير اقول وفر حبك لنفسك وانت ويا كلامك اللي كنه واحد بصف خامس يكتب تعبير لعبوا بعقللك يالدلخ هااالارهاابين وانا مابي اموت على خاتمه سيئه اقتلي درزن حريم وبزاارين علشان استشهد ياخي انتم من لاعب عليكم (قرب بجهه طلال ) لايكثر الكلام وقم طلعني
طلال وهو رايح ولا معتبر كلام سامي شي :
.?ابوجهاد يبي يهدي الأوضآع..?طلب من جماعته ياخذون سامي لغرفه ويقفلون عليه لين يهدى بعد ماسوى هاالازعاج عندهم..?_
العصر ..
ريم :ياازين هاالريحه والله نفسك ياايمى في الاكل روعه
ام ياسر:طيب حبيبتي نادي اخوانك على السفره
ريم :طيراننن
بدر دخل المطبخ طبعا ماذكرت عن بدر شي
بدر عمره 15 رفيق ريم بمغامراتها عند موهبه بحركات غريبه باالدباب يستعرض في حارتهم وله جمهوره
:غريبه ريم مصحصحه ورايقه هاالوقت
ريم :شيختكم غايبه اليوم
بدر :طيب خذي جوالك من زمان يدق ومن ادبي واخلاقي مارفعت السماعه الامرتين ..
ريم :ياالدب من اللي امرك ترفع السماعه
بدر :اشغلني منسدح على الكنب انعس لي شوي وهاالازعاج منه
ريم :عطني ولاعاد اشوفك راد على احد
بدر :على عيني ياستي
خذت الجوال وشياطين الجن فوق راسها من هاالتولين المزعجه
رفعت السماعه :ريم ,, اقول تراك احرجتيني عندي اهلي
تولين .شسوي محتاجه اكلمك
ريم .ماني فاضيه لك
تولين : ابي انتحر
ريم ببرود واستهبال.علميني السبب اللي يخليك تتنتحرين علشان اشوف كان يستاهل انك تنتحرين اولا
تولين:ليش ماحد يحبني ليش هاالدنيا قاسبه علي
ريم : سكتت تسمع
تولين بصوت في العبره :حتى البنت اللي ارتحت لها واعتبرها صديقه تجرحني بكل مره كل الدنيا ضدي
ريم ارحمتها .وسعي صدرك يابنت وفليها بها الدنيا وطنشي ترى اذا متي تتحسفين انك ماوسعتي صدرك
تولين ماسكه ضحكتها على هبال ريم.بس الحياه قاسيه
ريم .طيب ايش اسوي يعني بحياتك اذا هي قاسيه
تولين بصوت مرتفع انتي اقسى من حياتي كلها
ريم : طيب انتي حيرتيني جد من وين جبتي رقمي
تولين :كنت ضايقه حيل ولعبت باالارقام وطلعتي انتي
ريم :طيب عادي عندك تتعرفين على اي احد
تولين :باين عليك بنت ناس وابيك صديقه لي
ريم احتارت وحست انها تعاطفت معها:طيب خليني اشوفك واتعرف عليك اكثر
تولين توهقت :طيب افكر واح المكان اللي نتقابل فيه ..
,,,
سعود يفكر ومحتار
خالد :من اللي ماخذ عقلك
سعود :مافيني شي بس مصدع
خالد :مامليت من لعبتك البايخه
سعود جت على باله منار قام مسرع تذكر انه ماتغدى ولاحتى منار ومستحيل خالد يعطيها شي
خالد :وين وين طاير
سعود :ابجيب لي غدى جوعاااان يااخي وانت ساحب علي
خالد :انا متغدي في بيتنا اليوم
سعود :جا ابوك من بريطانيا
خالد :اي جاء
سعود :طيب بشر امك
خالد :ههه حتى وانت مصدع ماعندك احترام
ابراهيم (ابو خالد) رجال غني وراعي سفريات ومعطي عياله حريه وانفتاح ..متزوج ناديه بعد وفاه الجوهره
ناديه زوجه ابراهيم : من سوريا ودايم تسافر مع ابو خالد
اخوانه محمد :عمره 20 سنه مسافر لامريكا يكمل دراسته هو واخته سمر عمرها 19 سنه
ريما وديما بنات ناديه صغار ويسافرون مع امهم
خالد مايرجع لقصرهم الا برجعه ابوه من السفر اما الايام الباقيه في شقته مع ربعه
.................................................. ...
الساعه 12 الليل ..
ساره جالسه في الصاله تنتظر سامي اليوم كله مارجع للبيت
نواف :ساره بتغبين بعد بكره ليش مانمتي
(نواف اخو ساره عمره 17 سنه
ساره :نواف مارجع سامي
نواف :هذا انا ادق عليه مقفل يمكن راح لشرقيه ويااحد من ربعه لاتضيقين خاطرك
ام حمد (الجده )تمشي بعصاه باالصاله
ساره ركضت تمسكها :يمه مانمتي الساعه 12
ام حمد (مدري يابنتي خايفه على سامي اول مره وليدي يسوي كذا باالعاده يدق
ساره تطمن جدتها :يمكن خربان جواله وهو طالع من احد ربعه تطمني يمه روحي نامي واول مايجي اخليه يحب راسك ويعتذر
......
.....................................................
البارت 4 _
في اليوم الثاني ..
ريم :يمه اسمحي اليوم بطلع للمول ويا وحده من صديقاتي
ام ياسر :طيب ياقلبي بس لاتتأخرين
ريم تحب راس امها :فديتك على خشمي والله
دخلت غرفتها تكلم منار وساره يطلعون معها لاكن مافي رد ضاق صدرها
...................................
سمع صوت سوالف (خالته مها ) في الصاله الجانبيه.. استغل فرصه انشغالها
التفت يدور عبايتها ويطلع بسرعه
لمياء|.... سعودووه ... .شسوي ؟
بلع ريقه بقوه .:روعتيني ياالنسره رووعتيني انا ابي اعرف انتي شلون تطلعين فجأه ..
نوف اللي طالعه من المطبخ لمادرت ان سعود متواجد.حست انها مشتاقه له ولخفه دمه وجنونه ركضت وتخبت وراء الباب تسمع كلامه مع لمياء..وقلبها يدق بقوه,,
في الصاله ,,لمياء يدها على خصرها ومطلعه لسانها.بعصبيه.: ماطلعت فجأه بس انت اللي مدري ايش تدور تبي تشوف نوف بنت خالتي هاا اعترف؟
سعود يده على راسه .لاحووول ولاقوه الابالله الحين من حاط في بالك اني المغرم الولهان ياشيخه طيري انتي ويا هاالمراهقه.
نوف فتحت عيونها بقوه من الصدمه حست بسكين دخل قلبها حطت يدها على فمها تمنع شهقاتها ركضت لغرفه لمياء ودموعها على خدها صكت باب الغرفه بقوه حطت راسها على المخده تكتم صوت صياحها,
لميا خافت ان نوف سمعت شي لانها كانت باالمطبخ طنشت سعود وراحت للمطبخ تركض
عائله
سعود..
ابو يوسف يشتغل في شركه معروفه وراتبه عالي انسان طيب وكريم
ام يوسف .. قضت عمرها في تربيه عيالها حنونه عليهم
يوسف متزوج وعنده ولدين مازن ومالك
عفاف :عمرها 20 طموحه تدرس لغه عربيه
لمياء :عمرها 17 دلوعه اخر العنقود
................
الجازي خاله سعود عيالها
نوف :عمرها 17دلوعه وتحب تهتم بنفسها ومظهرهاا تتبع الموضه في كل شي
متوسطه الطول وملامحها حاده وجميله تشبه امهاا كثير
نوال : عمرها 19 شخصيه غامضه وقويه ..عايشه بعزله عن اهلها وغالب وقتها على النت ولا طالعه مع صديقااتهاا ..
سالم :23 موظف في ارامكو ..
..........................................
خالته مها 25 تشبه كثير لام سعود حبوب وفرفوشه وتعطي كل واحد على جوه ...
,,,
اخذ سعود عبايه خالته مها اللي بعمره ونفس طوله التفت على الشنطه واخذها مشى بخطوات سريعه للباب حط يده على راسه
اوووه تذكرت ابي كعب عالي وشلون اجيبيه الحين.هذا. طلع بره وفتح باب سيارته حط العبايه ودخل يدور اي شي يلبسه
لقى كعب عالي وشكله انيق عند باب المطبخ اخذه بسرعه وطلع من البيت
رفع الجوال يدق على خالد...
خالد: هلا بالمزيون
سعود يعض على شفايفه: والله ان ابوي صادق يوم قال تراك مزيون انتبه من خويك خالد لايستخدمك استخدام غير مشروع
خالد حس الدنيا حمراا وزرقا عجز يمسك اعصابه من الخبل سعود وبصراخ: يااااابن الذين
سعود قطع كلامه بصوت يخوف :افتح الشقه لابلغ الهيئه انك مجتمع مع الطفيليات (يقصد خوياته )
خالد عارف ان سعود لو جاء براسه شي يسويه خاصه لو كان تحدي متهور ومايفكر باالعواقب ,,
|في الشقه|
خالد منسدح على الكنب ويضحك على سعود : والله البنت بتخق على كعب سندريلا بدل وجهك ..
سعود بغرور ويده على شعره : هي خلها تشوف وجهي الوسيم ويصير خير
خالد:تكفى لاتقول إن خوياتك قطعو اصابعهم بالسكين يوم شافو جمالك ووسامة وجهك اليوسفي
سعود بغرور مصطنع ,مالي خويات وانت عارف ان كلهم خاقات علي بس ماقد عطيت احد وجه جالس اعذبهم من بعيد لبعيد (وابتسم)
خالد,اااااخ ياالقهرررر من اللي لاعب بعقلك انهم خااقااات عليك وش المميز فيك
سعود يحط عينه بعين خالد ويحول بعيونه بشكل مضحك ويضخم صوته: الثقل الثقل يضيع عقوول البنااات خاصه لاكان واحد مزيون مثلي
خالد بصراخ لاتروعني بعيونك بسم الله
الحين قل قسم انك جاد تبي تلبس هاالعبايه وتقابلها,
سعود : قم بس امش معي خل الكلام ولاماتبي تروح معي ترى موعدنا بعد العشاء في مول,,(.....)
خالد :لا انا معك في السلم والحرب بس البس البرقع خلني اشوف عيونك ثم افكر اخاويك للمول اولا
سعود بااستهبال يلبس الطرحه ويحط البرقع عند المرايا :لعنبوك ياخالتي ايش هاالبرقع يكشف اكثر مايستر لايفوتك ياخالد العوارض اللي طالعه
خالد يضحك اخ يابطني هههههه تكفى البس العبايه خل نوسع صدرنا عليك..
سعود: شايفني مهرج انت ووجهك قل لي الحين ايش اسوي لو اني داري كان جبت غطا جدتي منيره يستر عوارضي
اما خالتي مها شغلها عندي بعدين اقول ماودك تاخذه من حبيبه القلب ويأشر على الغرفه اللي في الزاويه..
خالد بضيقه :اسكت تراني متحملها على شانك ولاجايه تنشبني في مصيبتها ياخي فكنا وقلها اني ولد
سعود يأشر بأصبعه بمعنى لا وبأبتسامه :انا احب السهل الممتنع
خالد :وش قصدك
سعود,تفهم بعدين الحين خل احد خوياتك تجيب لي برقع
خالد :شرايك تحط لك مكياج بعد
سعود يفكر ,ااممم والله فكرتك مهب شينه لاكن خوياتك منحرفات اخاف منهن الصراحه
خالد بصراااخ ,,,واااانت ايش تسمي تصرفك هذاااا هاااا يابو عقل متعوج
سعود ببرود ,صدق في عقل متعوج ,
خالد قام على سعوود يطقه ويرمي المخدات عليه بقهر وسعود يضحك وازعاجهم مالي الشقه,
فتحت منار باب غرفتها وهي تسمع ازعاج خالد وسعود
منار في نفسها ( اه نفسي اضحك بهبال مثلهم ليتني خبله ولا صار في هالشي تغارقت دموعها وهي تشوف خالد يضحك من قلب وقفت تطالع فيه من وراء الباب,,
سعود منسدح على الارض وفوقه خالد يضربه بالمخده ,,
انتبه سعود لمنار الواقفه ورا الباب وشاف دموعها ضاق بخاطره وحاول يغر الجو شوي صرخ ينادي ,,منااااار تعالي وخري حبيب قلبك <كان يدري ان منار تموت على خالد بس تحول الحب لكره
خالد وقف عن الضرب والتفت على وراء
شاف منار الواقفه وباين عليها متوتره
ركضت منار لغرفتها وقفلت الباب رمت نفسها على السرير تصيح على حظها من هاالدنيا ودها تصرخ بااعلى صوتها تمنت لو احد يجي يواسيها محتاجه لحنان امها اللي فقدته حتى صديقاته تحاول تتجنبهم خوف انهم يكتشفونها عند خالد ماتدري وين تروح ماعندها عايله ولاسند عايلتها في قريه بعيده عن الرياض وحتى لو راحت لهم يمكن يقبرونها عقب اللي سوته ..
في الصاله خالد ماسك رقبه سعود ,قسم بالله ياالسخيف لو ماتبطل حركاتك التافهه لا اقول لها انك ماخذ رقم ريم من جوالها وتلعب عليها وتقلد صوت بنوته دلوعه <سعود عنده موهبه تقليد صوت البنات
سعود حس بملامح خالد الجديه :خلاص ترى هلي ومعجباتي يبوني وخر عني لاتذبحني
خالد ترك سعود وقام دخل يتحمم
في المول,,,,
وقفت سياره خالد عند المواقف
فتح الباب ونزل سعود وهو عليه عبايه الكتف والطرحه والبرقع التفت لخالد اللي متضايق حاول يوسع صدره صديقه ولايحب الضيق مرسوم على وجهه :خالد
خالد :مطنشه
سعود قرب من خالد وضمه متعمد خصوصا ان عليه عبايه وقدام الناس
خالد وقف مصدوم وسعود بحضنه ميت ضحك
خالد بصوت واطي عصبي :وخر عني ياكلب شيقولون الناس عني ياالمنحرف
سعود يتدلع بعيونه :عادي زوج وزوجته
خالد حس باالغثيان من عيون سعود باالبرقع دف سعود باالقوه ,:ترى حامت كبدي منك انقلع بهاالبرقع ياالسحليه
سعود بضحك يسمعه الشرق والغرب
خالد نط وسد فم سعود :قصر ضحكك لاتفضح عمرك
سعود حس على نفسه :يوه نسيت نفسي
مشى خالد قدام وطنشه ركض سعود وراه
سعود ::خالد امسك يدي اخاف اطيح بهالكعب..
خالد انهد حيله وبأستسلام مسك يد سعود
و ماسك ضحكته عليه اللي يمشي بالكعب وكنه يمشي على صابون
دخلوا داخل ..
سعود :هافي شكلي شي غلط؟
خالد,,لا كل شي تمام صاير لبنانيه
سعود ضحك وصدق نفسه انه لبنانيه..مع انه مقتنع انه يقصد بنقاليه بس انزل لسانه
خالد :اللي بيشوفك وانت لاصق فيني بيشك انك خويتي
رفع الجوال سعود ودق على ريم
ريم في السياره .. هلا دخلتي
تولين: ايوه تو وصلت
ريم .. خلاص انا قريبه
تولين :انتظرك باالكفي باي
رجع سعود ومسك يد خالد
خالد,, قسم بالله جاني تضارب مشاعر وانت لاصق فيني
سعود يضحك,,تحمل شده وتزول
جاء وراهم ثلاث شباب وابتدوا يعلقون عليهم
,,,ياعيني على الرومانسيه خفي عليه يابنت
الثاني اه ياليتني مكانه
سعود ساكت وخايف انه ينكشف لانهم شباب وبيميزون هذي بنت اولا
سعود همس لخالد :هييه انت ارفع صوتك على هاالمراهقين اللي وراء عاجبك يتغزلون فيني وانت ساكت
خالد:لايكون صدقت اني زوجك ياالمتخلف
سعود بصراخ:ياااغبي نروووح فيها لا عرفوا
وقفوا الشباب الثلاثه من صرخه سعود
خالد حس انه باالحلقه الاخيره من المغامره التفت يشوف رده فعلهم لاكن لقى اصنام ثلاثه وراء واقفه
سعود يبي ينقذ الموقف قبل لا يصير صلصه من هاالشباب
وقف قدامهم ومعه شنطه خالته المليانه
وبأعلى صوته ياكلاااابه, خذى الشنطه وخبط راس الاول
فجأه طاح على الارض اغمى عليه
التفت على الاثنين وقال بصوت بنت دلوعه
اووووكيييه من دوره الحين
الشباب يناظرون سعود ويناظرون صديقهم
انزلوا ياخذون صديقهم وراحوا يركضون
خالد مسك سعود مع كتفه بقوه:خبل انت ها قلي خبللللللل
سعود :وخر يدك ولاكان لولا الله ثم انا كان انت في جيب الهيئه راح وخلا خالد
وصل للكفي بسلام ..دخل وجلس ينتظر ريم
اما خالد فراح يرقم البنات كاالعاده
سعود يفتح شنطه خالته ويدور مرايا وهو مقرر انه مايكشف وجهه بس يطلع عيونه..
شم ريحه عطر قويه في الشنطه دخل يده لقى العطر مكسور ( ياويلي من هاالخاله بتذبحني كسرت عطرها ,,الا وشلون انكسر ذا ,,جلس يذكر (هاااا اييييه هههه انكسر على راس ذاك الولد واغمى عليه والله اني بالغت شوي الله يهديني مدري هو حي او مات بس حتى لازم ادافع عن عرضي)
رن جواله ..
تولين: اهلين عمري
ريم: وين مكانك
تولين,, في الكفي اول مكان على اليسار
دقايق دخلت ريم وهي مبتسمه:هلا والله
قام سعود لريم : حس بخوف بقرب ريم له.
قربت ريم تسلم ومسكت يد سعود ..تجمع الدم بوجهه لما قربت ريم خدها حس انه بحلم ولا يشوف له فلم اما في الواقع ماصدق ابد ولاقد جرب رغم البنات ينجون عليه بس مكنسلهم
كانت ريم تسألها عن اخبارها بس طارت الحروف من فمه جلس يهز راسه عرف بذيك اللحظه انه من اصول هنديه,,
حطت ريم شنطتها على الطاوله وبدت تعدل من شكلها
رجع سعود لمكانه وعينه على ريم
كشفت ريم وجهها وشعرها وبأبتسامه تطالع تولين
كان المكان مغلق عليهم
سعود حس بدوخه فك فمه من زود الخقه لما شاف الشعر الاسود الطويل والعيون والزين اللي قدامه استحت ريم من نظرات تولين القويه
ريم تغير الجو,,اممم تولين شفيك ساكته
سعود حاول يجمع شجاعته عدل من جلسته ..ها لا عادي بس شوي مستحي منك ها اقصد مستحيه
ريم بعربجيه ودفاشه شوي ,طيب اكشفي مافي احد الا انا
تولين .لا مااقدر ان شاءالله مره ثانيه
ريم تغمض عيونها بااستهبال ,,ويعني تخلين شوفتك على التقسيط
تولين,, لا بس مقشره بشرتي ولااقدر اكشف
ريم نطت مستغربه ,,هااامقشره؟
سعود حس ان حجمه تقلص لحد الذره بدى يعصر مخه يارب مب خطا علي يحاول يتذكر االكلمه اللي حفظها صم من موقع في النت
ريم يدها على خدها .اهاااااا تقصدين تقشيررر والله لو انك بطاطس عاد مقشره ههههه
سعود باحراج ويحاول يصرف: هههه معليش زله
ريم ترجع ظهرها على الكرسي,, .يعني مااقدر اشوفك خساره
تولين ,,المره الجايه تفضلي اشربي قهوتك
ريم تضحك في نفسها : ليش هاالنظرات شكلها خاقه علي ههه ياشيني بعد وياثقتي,,وليش لابسه قفاز العبايه وتاكل بها ,سكتت ماحبت تحرج تولين
سعود وهو ياكل دونات باالقفاز اللي مستر يده لاينكشف انه رجال من الشعر
ولااقتنع من خالد انه يشيل شعره بااالحلاوه وقال له بجيب لك سودانيه تشيل شعره وتسوي دلكه تذكر سعود هاالسالفه وضحك بصوت مسموع
ريم ,ضحكيني معك
تولين ,لابس تذكرت شي ,
جلسوا يسالفون
سعود عينه على ريم اللي حس انه تملكت قلبه وهو ماخذ هاالشي تسليه ومغامره من مغامراته ولايدري عن السبب اللي خلاه يستمر في هاالشي حس بمغص يزيد عليه ولايدري ايش السبب
سعود بنفسه: ياربي ايش اسوي شلون بروح دوره المياه وانا بها الكعب لازم اصبر
رجع يكمل السوالف وهو منسجم مع ريم لاكن المغص رجع له
استأذن من ريم دقايق وراح لدوره مياه
طلع يمشي وهو يدعي على خالد اللي خطه مشغول يدور مكان دوره المياه لمحها من بعيد ارتاح لما شافها وده يركض لها
بس بحكم الكعب يمشي خطوه خطوه دخل داخل وحمد ربه انها فاضي فجأه طلع رجال من دوره المياه وكان مطوع التفت سعود لجهه الباب المفتوح
هنا حس انه تبخر من هاالوجود لما شاف هاالمطوع
المطوع:يااختي الله يهديك هذي دوره مياه رجال اطلعي الله يستر عليك ويهديك
سعود واقف متجمد يحاول يحرك رجله اللي اثقلت من الخوف فجأه ركض ولايدري شلون ركض حس ان رجله سبقته وهو لحقها
وصل للباب وطلع بسرعه..
التفت عليه حارس امن كان واقف مع رجلين من الهيئه يتكلم معهم استغربوا من هاالبنت طالعه من دوره مياه خاصه برجال وشكلها مرتبكه
الحارس اتجه بسرعه لها,, وقفي اختي
سعود اللي مازال يركض الدنيا ظلمه عنده ماعاد يتخيل له الا جيب الهيئه,,
الحارس قرب ,, صاير شي اختي وليش طالعه من دوره مياه رجال
سعود تكلم بصوته ونسى يقلد البنت والله اني ماادري بعدها انتبه ورجع لصوت البنت الدلوعه والله مدري انها لرجال
تدخل الرجال المطوع اللي كان بدوره المياه
المطوع ,,ابو محمد خل البنت الله يستر عليك هي غلطانه
الحارس مستغرب خلا سعود يروح في طريقه..
راح سعود وكان وده يحب راس هاالمطوع اللي فكه من البلوه اللي بيطيح فيها ..وقف في مكان بعيد وجلس على الكرسي ياخذ نفس
اه ياربي شلون ابدخل دوره مياه نساء يالليل,,,,,,,طيب ليش الحين انا متردد فرصه وجتني ,, قام مسرع
دخل دوره مياه نساء وغرف قياس
شاف الزحمه في نفسه(يااااامكثرهم صدق ان الحريم بيستولون على العالم الحين من اللي بيعرس على هاالبنات
اذا الرجال نصف عدد االحريم (والله اني فاضي احل قضايا وانا بها الورطه,, دخل داخل وطارت عيونه على البنات
اخ يابنات ديرتي يقطعن القلب اخ ياقلبي لاتطق خلاص اليوم ميت ميت الله لايعوق بشر قطع تفكيره
,,لوسمحتي تتنظرين احد
لف سعود على البنت وجلس يطالع فيها حس ان عيونه عورته من بياض وجههاالناصع (اماهاالبياض ماتأثرت من عوامل التعريه اللي باالسعوديه)
البنت اللي كانت تنتظر االرد منه ارتاعت من كلامه ,,تف تف بسم الله علي منك ياربي حسوده حسوده
سعود ,درى ان البنت سمعت كلامه فقرر ينحاش مايبي يبدى بالشر مع الاساس هو اللي بادي,,
طلع من الحمام والبرقع مايل ياربي اخ وشلون ابزين البرقع من جديد
راح عند المرايا وبدا يزين نفسه بعين والعين الثانيه يناظر البنات حس ان الوضع عجبه ووده يجلس هنا لاكن تأخر على ريم
جت بجنبه وحده محلقه
شعرها وحاطه سبايكي لبسها رجالي من البويات
سعود شهق, شك باالوضع وصار يناظر فيها بقوه ويلتفت على الناس: لف بسرعه يسألها على اساس انه ولد
( الحين وراك داخل بقسم الحريم ياالهطفه استح على وجهك ماخفت شفني داخل بس على الاقل متخفي مب مثلك غاسل وجهك .(وكان سعود يكلمها بصوته وبجديه)
صرخت البويه معصبه ومرتاعه من اسلوب سعود: خيرر ان شاءالله معصبه على شنو مافهمت شي من اللي قلتي؟
سعود بضحك وببرود ,,لا ماشاءالله تقلد البنات بعد
البويه معبسه وجهها:,,شتبين انتي شقاعده تقولين؟
جت بنوته ناعمه تمسك يد البويه بقوه وكانت لابسه برمودا كحلي وبدي اخضر غامق عليه رسمه مغنيه اجنبيه ورافعه شعرها بشكل نعوم
سعود رجعت له حاله الخقه مره ثانيه وجلس يطالع هاالبنوته ومطنش البويه اللي تكلمه
البويه بطريقه استرجاليه :انا هنا اكلمك
سعود طلع من الاجواء الرومنسيه والتفت على البويه :قسم بالله انك منتهي انت فاصل ماتخاف من الهيئه تقضبك الباب للجيب لا وبعد خويه ياابن الذين انا مخلي خويتي هناك وخايف ومتلحف بها العبايه وانت قدام خلق الله وانت تسكع معها بدوره مياه الله اكبر عليك
البويه وخرت يدها من صديقتها وهي معصبه ولافهمت الكلام اللي قاله سعود ومستغربه من صوته :,,تكلمت ببرود اظاهر يابنت ان ودك احد يسكتك بكف
سعود رجع ويقول بنفسه :الحين ذي بنت ولا ولد خكري اوووه رااسي صدع حسبي على ابليسك اقول لازم احط رجلي وانحاش ابتنازل عن كل شي اليوم طلع مسرع وترك البويه وراه
اسرع وراح للكفي
ريم .تأخرتي
تولين ,مره زحمه اخوي داق علي لازم اطلع
ريم .والله تو الوقت
تولين .معليش مااقدر
ريم,قامت بأبتسامه, اممم اجل مااعتبر هذي طلعه اوعديني مره ثانيه لازم اشوفك
سعود مع ان ريم عربجيه ودفشه بأاسلوبها الا انه حس بشعور حلو وهو معها شعور يجذب ريم له
:يالله اجل نطلع سواء واوعدك
تولين اعطت ريم كيس كبير وطلعوا سواء
عند المصعد ريم :يوه تولين مره زحمه خلينا ننزل مع الدرج الكهربائي
تولين: طيب ننزل
حط سعود رجله على الدرج ونزل بامان حس بفرحه ان ماصار شي لما وصل لدرجه قبل الاخيره طاح الكيس منه
مد يده ياخذ الكيس فجأه حس انه طاح الا طاح صدق خالد كان يراقب سعود وهو ينزل وحاس انه بيطيح شغل كام الفديو ولقط طيحته وهو ميت من الضحك
انسدح سعود على الارض جت ريم عند سعود
سعود حس ان البرقع ارتفع عن وجهه ولاقدر يرفع يده من الالم لان يده تحت ظهره معكوفه
ريم واقفه مصدومه وهي تناظر ملامح سعود ولاعارف ايش هو ايش صار ملامح رجال عوارض وشوارب في داخله تكرر كلمه رجال وهي مب مستوعبه
قام سعود بسرعه حس زي الكهرب نفض قلبه عدل البرقع وهو يدعي ان ماتصير فضيحه على لسان ريم
ريم بعدت وعيونه حيرانه وبأرتباك :م م من انت
سعود :وشفيك الحمدالله انا تولين اظاهر ان خبطتي اثرت على مسامير مخك
ريم بأرتباك وصوت مخنوق :ر ر ر جال وتأشر على خدها ش ش ششعر
سعود :ها شعر عادي انا عندي كثافه شعر زياده اميمتي الله يصلحها متوحمه على قطو شيرازي يومها حامل بي علشان كذا شعري بها الزود وبعدين مافي فرق من الرجال والنساء كلهم يطلع فيهم شعر حتى الحريم من تالي طلع فيهم شنب
ريم تغارقت دموعها بقوه وايدينها تنتفض,,
سعود حس ان انتهى كل جهده وراح على الفاضي فكر ينحاش كعادته لاكن لازم ينهي هاالشي مع ريم قطع تفكيره صراخ ريم
ريم: مييييين انت ياحماااار لااااتكذب علي
سعود تلفت يدور خالد ويدعي ربه الفرج لان ريم مراح تفوتها .
حس بكف قوي على وجهه من ريم :لف وجهه على ريم وعيونها مليانه دموع حط عيونه بعيونها الغرقانه دموع
نزل راسه سعود وهو محتار ايش يقول وايش يسوي لاكن حله الوحيد الهروب فسخ الكعب واستعد للهجه بس لازم يقول لريم شي
ريم اللي مصدومه ودموعها تزيد قرب سعود منها
ريم رجعت :وخر عني ياوقح
سعود بأرتباك :ريم انا اسف ,بعدها اخذ نفسه وطلع وهو يركض لجهه البوابه
والحراس واقفين يشوفون هاالبنت اللي جايه من الداخل فاصخه الكعب وكان معهم نفس الحارس اللي شافه طالع من دوره المياه
وقف الحارس بوجهه سعود,,,(سعود عرف اان نهايته قربت بس مااستسلم ,, غير طريقه والحراس يركضون وراه
سعود ياربي وش اسوي وينك ياخالد حسبي الله عليك الجوال بيده يدق على خالد
خالد مرتبك :اركب مع اي لموزين وان ابلحقك بسرعه
سعود : دخل دبناهمز وطلع مع البوابه لشارع وقف ليموزين واسرع وراح,,
وقف الحارس وهو محتار من هاالبنت ايش سالفتها
سعود يكلم خالد ,انا بنزل في فندق(,,,,,) ,,وتعال خذني من هناك (صك السماعه)
التفت على السواق حس بوجهه شي بس مايدري غير انه تذكر انه صرخ عليه انه يسرع ..
السواق يناظر سعود بعيون مفتوحه بقوه
سعود في نفسه (وش فيه وجه هالسواق)
حس ان السواق نظراته غريبه استغرب من انه زاد من سرعته اكثررر..
سعود ياخذ نفس وطنش السواق التفت على الشباك يدور الفندق
صرخ بااعلى شي لما قرى اللوحه انه غير الطريق اللي قال له
اما السواااق فزاد من السرعه وقفل الابواب
هنا سعود حس ان يشوف فلم هندي والبطله مخطوفه.
سعود عينه على الطريق وفكره متشتت من سرعه السواق جلس يفكر نزل عيونه على رجله ,,هنا تذكر انه راكب مع السواق قدام وهو عليه العبايه والبرقع وفي الواقع ان البنت تركب وراء (تذكر نظرات السواق له بس استغرب من هاالسواق ماانتبه لصوته معقوله صوتي مافي فرق بينه وبين البنات حتى لو ماقلدت تذكر حتى ان البويه ماحست باالوضع مع انه كان يكلمها رغم كذا مافهمت )بعدها صرخ سعود بكل قوته والتفت على السواق وقرب وجهه له وفتش البرقع
السواق شاف وجه سعود جته صدمه قويه انه رجااال >صار يتمايل باالسواقه يمين يسار
سعود مسك الدركسون ووقف السياره على جنب ,,
السياره هدوووء والسواق مازال مصدوم
يناظر بوجه سعود
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك