رواية افهم ترانا لايقين لبعضنا كنك نهائي الكأس وانا هلالي -22
نوف تناظره وبداخله تتسأل من هذا ولاهمها انها كاشفه عنده
عبدالعزيز ابتسم لها وهو متعود على الجنس الناعم بس مامر عليه جمال مثل جمال نوف
ارتبكت من ابتسامته وارتبكت اكثر لما لمحت سعود طالع من المطبخ سحبت نفسها بدون ماينتبه ودخلت داخل
الاثنيــن _واشنطن ..
حست بجوالها يدق فتحت عيونها بتعب واخذت الجوال انصدمت جون بكل وقاحه يتصل فيها رفعت السماعه وهي تصرخ عليه
جون يكلمها بأستهتار ويطلب منها تطلع من فلته الحين قبل لايبلغ الشرطه تجي تطردها من البيت وصك السماعه وهو يضحك طالعت الجوال وهي حاسه باالظلم كل شي انتهى الحين !!وقفت تمشي تايهه باالغرفه ماتدري وين تروح مافي الاخوها محمد غمضت عينها بخوف وهي تتذكر عصبيته اكيد راح يتشمت فيني طلبت من الخدم يلمو اغراضها واغراض خالد
نزلت للصاله منكسره بدل ماكانت متعوده على الشموخ والغرور جلست على طرف الكنب وهي متردده تتصل بمحمد او تروح له وتواجه كل شي بنفسها بعدها وقفت وهي تتحسس محفظتها طلعتها حصلت مبلغ تقدر تتصرف به هااليومين اخذت سياره واسعه حتى تكفي لها وخالد مع الاغراض تطمنت على الاغراض بالسياره ودخلت تنادي الخدم اعطتهم حقهم من الفلوس الباقيه وانهت الخدمه معهم الكل طلع الا توني
سمر تقرب منها:توني اسفه لاكن مااقدر اخليك تبقين عندي هاالفتره
توني تبوس سمر تحس انها بنتها الصغيره حركت على شعرها بأبتسامه وطلبت ان يكون بينهم اتصال
سمر تطالع فلتها بضيق مافي يدها شي غير انها صارت ضحيه لمشاعرها اخذت نفس وهي تودع فلتها بعدها طلعت بأتجاه محمد
ارتاحت سمر ان محمد طالع من البيت دخلت اغراضها عند الباب وانحرجت تدخلها داخل خايفه انه يرفض وجودها سحبت الكرسي تدف خالد حتى وصلت للصاله الجانبيه تطمنت عليه وجلست على الكنب تنتظر رجعه محمد ..
ماتوقعت راح يصير وضعها بيوم كذا حاولت تقوي نفسها لاجل تواجه محمد اللي دايم تدخل معه بمشاكل ..
حطت راسها على وساده الكنب تستسلم لاحزانها رفعت عينها تطالع خالد تحس بعيونه الم نظراته متشتته وقفت تقرب منه وهي تعدل جلست حتى يرتاح اكثر
...سمرر؟!!
سمر لفت راسها لمحمد اللي وراها
محمد مستغرب :غريبه ايش اللي جابك مو انتي قلتي ماني بحاجه لك
سمر تشبك ايدينها ببعض وهي تجمع الكلام
قرب محمد لخالد يتطمن عليه
سمر واقفه متردده كيف تقول له كل شي
محمد رجع لسمر :فيك شي في شي صاير ليش وجهك تعبان كذا
سمر :هـآ..؟ شوي تعبانه
محمد يرفع حواجبه :تعبانه.؟
سمر حست انها بدت تضعف اكثر
محمد:سمر تكلمي ..!
سمر منزله راسها :محمد..؟
محمد:همم
سمر :معليش راح اجلس معك هنا ايام
محمد :تجلسين..؟
سمر بضيق:قلت ايام وراح اطلع
محمد يقرب ويمسك كتفها:ليش
سمر تبعد يده وتجلس وهي تتهرب من الجوواب
محمد بأستغراب:: خلاص خذي راحتك بعدها طلع يأمر الخدامه تجهز غرفه سمر وخالد
سمر انقهرت بداخلها هي السبب خلت محمد يكرهها حتى خالد و محمد من كانوا صغار وهم مايجتمعون الا بمشكله
كان دايم بمشاكل مع اهله بعدها طنشهم وعاش لوحده وهو شايل عليهم بقلبه كثير ...
ابهــآ..
عبدالعزيز على باله نوف من طلع من عند سعود امس فرك يده بحماس :والله ماتروح منى بس ماادري هذي اخته ولا من تكون لازم اعرف عنها كل شي كيف كيف ..؟ ايه لقيتها مافي غير شريفه اختي تروح لهم وتتعرف عليهم ومنها اقدر اجيب اسمها قام بسرعه وفتح الباب
شريفه تضرب ابره السكر لامها
عبدالعزيز :شريفه
شريفه:همم
عبدالعزيز :لاخلصتي تعالي بغرفتي
شريفه :خلصت تبي شي
عبدالعزيز يأشر عليها تجي وقفت وقربت عنده
عبدالعزيز : صديقي وهله جايين ن الرياض ضيوف علينا باالديره وانا ابيك تشلين قهوه وشاهي العصر وتطلعين تكرمينهم وتتعرفين عليهم مره وحده
شريفه :حياهم الله في بيتنا ليش مايجون
عبدالعزيز :بيتنا يفشل وهم ناس اغنياء وبخير روحي لهم احسن
شريفه تفكر :خلاص ابكلم ام عايض تجي عند امي وانا اروح لهم
عند سعود..
عفاف :اشتهيت الشوي اللي امس شرايك تشوي لنا
سعود :جاز لك الوضع اني اطبخ واني مستريحه ويااختك
عفاف :ههه ياناكر الجميل ماساعدتك امس
سعود وهو يتثاوب : قومي حركي يدك واشوي لنا
عفاف :اي لو زوجتك كان تطامر تطبخ لها
سعود :الحين وش حارق رزك وانتي لمياء تغارون منها وهي ماجت
عفاف ببتسامه:خلينا نتذكرك باالخير باالعزوبيه نقول اي سعود كان يسوي ويسوي
سعود:ليش غاسله يدك مني بعد الزواج
عفاف:يمكن تتغير علينا
سعود يقرصها مع كتفها:تعوذي من الشيطان ولااشوفك قايله كذا
عفاف :اح عورتني
سعود يطالع جواله :غريبه ايش عنده داق بهاالوقت والله مالي خلق ارد عليك لاكن عزيمتك امس خلتني انحرج رفع السماعه:هلا
عبدالعزيز:هلا والله سعود شخبارك
سعود :والله الحمدالله نحمده
عبدالعزيز :لايكون نايم
سعود:لا جالس مع الاهل
عبدالعزيز :اي على طاري الاهل اهلي لزموا علي الا يجون يضيفونكم ويتعرفون على هلك مره وحده
سعود :حياكم الله والله احرجتونا بكرمكم يااخوي
عبدالعزيز : ماسوينا الاالواجب وقدركم اكبر من كذا ان شاءالله على العصر بتكون اختي عندكم
عند ساره..
احتارت ساره بأنها تقنع ريم تروح لعمتها عارفه قد ايش حاقده عليها فكرت بندى هي اللي اكيد بتروح لها ارسلت لها (ندى عمتك طالبه احد فيكم يزورها محتاجه تتكلم معكم بموضوع مهم ) انتظرت رد ندى بعدها جت الرساله(اهلين ساره ياليت والله اقدر ازورها لاكن اهلي رافضين باالمره)
انقهرت سارره ان حتى ندى ماتقدر ردت عليها (حاولي بأمك يمكن ترضى اذا كان الامر ضروري )
ندى تفكر بأن امها مستحيل ترضى :ياربي ايش اسوي مافي حل غير اني اطلع لها بدون مماتدري امي بس اسمع هاالشي الضروري يمكن يكون في مصلحتنا ردت على ساره(اعطيني عنوانهم بس لاتخبرين ريم انا راح اطلع مع جاسم لوحدنا بدون علم احد )
ساره ابتسمت وارسلت العنوان لندى ...
دخل سعود للغرفه ينام له شوي قبل لايجي عبدالعزيز ويا اهله ..تذكر الشي اللي كان ناسيه طلع الشريحه من شنطته ودخلها بجواله بعدها ارسل لحاتم يعطيه رقم ابو خالد بدون مايدري انه سعود حط الجوال على صدره وهو يحاول ينام وينتظر رد حاتم جاء رد حاتم بسرعه (مين انت..؟
سعود انقهر :الحين ايش اقوله...؟ بقوله اي اسم وخلاص(انا سيف واحد من اصدقائه..
جلس وهو متأمل انه يرسل الرقم سمع صوت المسج وفتحه بسرعه ( بس ماعمري سمعت بأن خالد عنده صديق اسمه سيف اللي اعرفه سعود مب سيف لايكون انت سعوووود..؟ هاهاها في الاحلام يابابا اعطيك الرقم ومره ثانيه خلك رجال وتعال واجهني وذاك الحين اعطيك الرقم
سعود يقرا الرساله وبداخله يتمنى يذبحه مارد عليه دخل شريحته الثانيه واستسلم للنوم دقايق ودخلت عفاف :سعوود
سعود:هممم
عفاف : اخت عبدالعزيز جت واخوها ينتظرك باالمجلس
سعود:يووه مب قايل يجي العصر
عفاف:اذن العصر من زمان قووم يله
سعود يوقف :طيب طيب
دخلت شريفه وهي تتذكر كلام اخوها انه ناوي يخطب اللي شافها بالصدفه وقال لها مواصفاتها
عفاف :نورتينا والله
شريفه :نوركم وعكسناه
ام يوسف :ليش الوالده ماجت معك
شريفه :والله الوالده مريضه وماتقدر ياخاله
ام يوسف: الله يخليها لكم يارب
دخلت لمياء تسلم عليها وتعرفها على نفسها
شريفه تسولف وياهم وتتعرف عليهم احتارت انها مالقت وحده بمواصفات اللي شافها عبدالعزيز
دخلت نوف وقربت تسلم على شريفه
شريفه انبسطت بداخلها اي هذي اللي يقولها
ام يوسف :هذي نوف بنت اختي
شريفه :ماشاءالله الله يخليها لامها
نوف تبتسم لها :تشرفنا فيك
شريفه حست انها دخلت معهم بسرعه :وانا اكثر
مرت ساعتين وبعدها طلعت بعد ماودعتهم وخذت رقم نوف وعفاف ولمياء
عبدالعزيز ينتظرها باالسياره دقايق وطلعت :وينك تأخرتي ها عرفتي البنت
شريفه :اي عرفتها
عبدالعزيز: ها كيف شفتيها
شريفه :كلهم حبوبات دخلت معهم وخذت ارقامهم بعد
عبدالعزيز يبتسم بداخله بفرحه انه راح يقدر يوصل لرقمها :ايش اسمها البنت
شريفه :هي بنت خالتهم
عبدالعزيز :اها يعني ماهي اخت سعود ايش اسمها طيب
شريفه بحسن نيه :والله قمر اللي راح تخطبها اسمها نوف
عبدالعزيز يبتسم بخبث :نوف حلووو..؟!طيب اهلها طيبن وخذتي ارقامهم كلها
شريفه :كلهم اجاويد خذت ارقام البنات متقاربات لعمري
الثلاثاء _الساعه 12 الظهر ...
لمياء مجافيها النوم حست ان نوف تتحرك من سريرها غمضت عينها تمثل على نوف انها نايمه حتى تأكد الشكوك اللي براسها بعد مادرت ان امها وجدتها طالعين مع سالم لسوق شعبي ..وعفاف نايمه
سعود باالصاله فاتح على التلفزيون وجالس لحاله وباله عند ريم ..كان البيت هادي الا من صوت التلفزيون
قامت نوف بكسل غسلت وجهها بدلت ملابسها رسمت عيونها بحكل ازرق بعدها طلعت .. لمحت سعود معطيها ظهرها وجالس رجعت للغرفه وهي تفكر ابتسمت ابتسامه خفيفه وهي تتذكر اللي صار امس سحبت الطرحه وغطت وجهها علشان ترضيه لفت راسها تتأكد ان لمياء وعفاف نايمين
طلعت بهدوء ووقفت بوسط الصاله تكلم سعود :وين جدتي
سعود طالعها بحجابها واستغرب انها متحجبه وجدتهم ماهي موجوده رجع عينه للتلفزيون كلمها ببرود:طالعين مع سالم
رجعت لوراء ودخلت المطبخ فتحت الثلاجه وهي تطالع الكيس مليان شكولاتات اخذته وصفته بصحن بشكل حلو واخذت القهوه وطلعت حطتهم على الطاوله وجلست بمسافه بعيده شوي ..
نوف:كيفك اليوم ..؟
سعود يوقف: خذي راحتك انا طالع ..
نوف قربت عنده بجرائه كانت مغطيه وجهها اما جسمها فمكشوف بفستان سماوي نصف الساق
مايدري ايش يسوي هاالبنت تهزه من داخل بحركاتها وكلامها ودلعها حتى ضحكتها ..
نزلت نوف راسها كأن حجابها طاح من غير قصد حتى انكشف وجهها ابتسمت له وركزت نظراتها وهي تحرك رموشها الطويله بخفيف :انا ابيك تاخذ راحتك انت
لمياء تطالعهم من وراء الباب من غير مايحسون ...
سعود ماقدر ينزل عينه عنها طالع عيونها وفي باله مواقف ريم كلها معه كلها كانت لحظات قاسيه عمره ماحست فيه وفي قلبه قطع تفكيره يد نوف على صدره فتح عيونه بقوه مصدوم من حركتها
نوف والدموع على خدها وبصوت هادي حنون:سعود احبك
حس بأنه مستسلم لها بلع ريقه وهو يطالع دموعها وكلمتها تتردد بداخله
نوف تطالع عيون سعود تدور فيها اي مشاعر حست انها ودها ترمي نفسها بحضنه حتى لو كان ماهو ملكها الحين رفعت يدها الثانيه على صدره وضمته لها بسرعه !!......
البارت 21 ...
وأنا بعد / والله مثلك ~ تألمت
مثلك تعبت و كنت جداً أعاني !
لكن / قسم بالله إني تعلمت
ما عاد أكدّر خاطرك لو ثواني !!
لمياء ماقدرت تتحمل اكثر من كذا خلاص كل حاجه غامضه بعيونها صارت واضحه مثل الشمس غمضت عينها وهي تتسأل بنفسها ايش تسوي تتدخل بها الموضوع ولاهاالشي مايخصها وبدون تفكير طلعت بسرعه للصاله وهي منهاره ماتحب الخيانه وشلون تشوف هاالشي قدام عيونها وبصوت عالي :سعووووووووود؟
سعود ونوف على صدره صرخه لمياء رجعته لعقله رفع يده بسرعه ودف نوف من حضنه بقووووه حتى طاحت على الارض
نوف حست بألم فتحت عيونها مصدومه من حركه سعود حست باالاهاآآنه رجع الهدوء للصاله ونظرات الصدمه متبادله بينهم
سعود يطالع لمياء بأرتباك يحاول يجمع الحروف وينطق بأي شي لاكن موقادر
لمياء ودموعها على خدها وتهز راسها بأستنكار:ليش تسوي كذا ياسعود ليش مو انت متزوج ..؟؟
سعود بصراخ:بسسس يالمياء لاتفهمين غلط
لمياء: لاتظن اني جاهله باالاشياء اللي تسوونه انت وياها
سعود حس بقهر حتى لو تكلم ماراح تصدقه موقفه الحين سخيف وغبي فتح الباب وصكره وراه بقوه و طلع بسرعه من البيت
عفاف قامت مرتاعه وطلعت بسرعه:ايش صاير؟
نوف على الارض ماقدرت ترفع راسها لحد الحين ماهي مستوعبه اللي سواه سعود كسر فيها كبريائها وقلبها كانت تظن انها قدرت تملك قلبه
لمياء بقرف تأشر على نوف: انا كل يوم اكرهك تدرين ليش لانك وحده ماتربت ماعندها دين ولاحتى حياااء اصحي ياماما ماحنا باافلام انتي وعشيقك ابطالها ..
عفاف مو فاهمه اي شي قربت من نوف :نوف فهميني ايش اللي صار
نوف ساكته تحاول تلم روحها المجروحه وتوقف
عفاف:نووووف قولي لي ايش بينك وبين لمياء
لمياء تركتهم وطلعت ..
نوف تهز راسها بمعنى مافي شي وقفت وجلست على الكنب وهي تهدي نفسها بعدها اخذت جوالها تدق على سالم يرجعها للرياض اليوم ماتجلس ولادقيقه ......
حس الم بجنبه من امس وهو يتردد عليه مر على غرفه ريم وهو يسمع المسجل معليه على صوته ضرب الباب بخفيف وفتحه
ريم منسدحه على بطنها وفاتحه على المسن
ابتسم لها ودخل :ايش الصوت قصري عليه
ريم تنط من على السرير وتطفي المسجل :وين طالع له
جاسم :اقدم على وظيفه
ريم : وااو جسوم اول راتب لي
جاسم :لا اجمع راتبي علشان اساعد امي باالمهر
ريم نزلت عينها بسرعه ورجعت للمسن ماتقبلت جاسم يكون لساره
جاسم:ايش فيك
ريم :لا بس معي وحده باالمسن تكلمني بشي ضروري
جاسم :يعني اعتبرها طرده
ريم:ههه لا اجلس سولف علي وانا بسولف معها
جاسم : لا ابطلع الحين وقف بعدها مسك جنبه
ريم تطالعه:جسوم ايش فيك
جاسم يكمل طريقه :لا شوي يألمني جنبي بعدها طلع
صكرت ريم المحادثه وطلعت من الغرفه لياسر
ياسر جالس تحت مع ندى بعد خمس دقايق صعد لغرفته
ريم على الكنب تنتظره..
ياسرمال من وجود ريم اللي ماراح تخليه من الاسئله ماهو ناقصها:بسم الله ايش جابك هنا
ريم تبتسم بتحدي:ماراح اطلع من هنا لو تجيب تريله تشيلني حتى تعلمني بكل شي
ياسر :ياحبك للعناد بعدين تعالي ليش اكلم سعود ومايرد علي
ريم اختفت ابتسامتها :وانا شدراني عن اذنك اخليك تنام
ياسر يطالعها مستغرب :وين اللي تقول ماراح تطلع
ريم تجاهلته ودخلت غرفتها ...
جلست على السرير بحزن :مايرد عليك ياياسر..؟ يعني خلاص تخلى عني. ياربي ليش صايره اشتاق له واول مااطيق اتصاله ايش جاني انا صايره مااتحمل بعده ابد .؟ فتحت الجوال تطالع اسمه ومن غير شعور دقت على رقمه وهي تنتظر صوته
سعود بسيارته يدور باالشوارع ماوده يرجع للبيت من بعد مااسمع اللي قالته لمياء انقهر من نوف استغلت ضعفه وجرحه من ريم حقر نفسه كثيييير ومايدري ليش مستسلم لها صرخ بصوت عالي وهو يسمع صوت الجوال يووووووووه (بظنه انهم اهله وطنشهم)
ريم نزلت الجوال من اذنها وهي تطالع اسمه بحسره انه مارد حست انها ودها تبكي حتى ترتاح حطت راسها على المخده:آآه ايش سويت فيني ياسعود ليه ترووح عني بعد مااصرت ابيك انا ماادري ايش شعوري من ناحيتك بس صايره افقدك واشتااق لك امااا احبك فمااااادري والله ماادري بس ارجع لــــي دست راسها باالمخده اكثر وهي تكتم شهقاتها ...
الساعه 3 العصر ...
الحارس تأكد من ان منار ماطلعت وموجوده باالشقه اجرى اتصال بسعود لاكن مافي رد حاول كذا مره
سعود :اووووف وبعدين اخذ الجوال وعبس بحواجبه وهو يشوف رقم الحارس :الو
الحارس: اهلن ياسعود ازيك
سعود:الحمدالله
الحارس :منار موجوده باالشقه من امبارح بس ماحبيتش اتصل فيك حتى اضمن بأنها ماخرجت ..
سعود:منار رجعت مره ثانيه
الحارس:ايوه
سعود:خلاص انتبه لاتطلع مره ثانيه انا مسافر ايام وراجع مفهووم
الحارس:حاضر ياسيدي ..
سعود:شف الحين تطلب لها غدا وعشاء على مااجي وادفع لك حقك
الحارس : ان شاءالله
صكر منه وهو مستغرب من منار ايش قصتها تجي وتطلع وترجع مره ثانيه رجع عينه على الجوال يطالع المكالمات الفائته فجأه بردت يده
قرا الاسم عشرين مره يتأكد :ريم رر ييم ؟؟
مسك راسه يتأكد اكثر :الا ريم ريم اتصلت ررررررريم ضحك بصوت عالي من زمان ماضحك مثل كذا رجع يطالع اسمها من جديد
نزلت ريم بعد ماهدت نفسها حاولت تكون طبيعيه حتى تفتك من تعليقات بدر اللي ماتنتهي دخلت الصاله وهي مستغربه انها مافيها احد
رجع جاسم وانتظر ندى عند الباب
ريم لمحت ندى مخبيه شي وراها وتطلع بسرعه مع الباب وقفت وهي تشوفها بعدها مشت بهدوء وراها
ندى تلبس عبايتها بسرعه لاجل تطلع مع جاسم
ريم وراها :وووين ترووحين
ندى فزت مرتاعه:بسم الله هربانه منك ومسكتيني
ريم :افا ياالخاينه ماتبين اطلع معك والله زهقاانه
ندى بأرتباك :طالعه اتمشى انا وجاسم مانبي ازعاجك
ريم :اها ..؟واذا قلت مافي مفر مني ايش بتسوين
ندى:يووه روحي بعيد
ريم تمسك يد ندى بقوه : مافي طلعه بدوني ابطلع معكم حرام اموت مخنووووقه
ندى خايفه ان ريم تكشفها حاولت تفك يدها وتطلع بسرعه
وريم ماسكتها بقوه فجأه سكتت وهي تطالع جوالها
ارخت يدها حتى تركت ندى
ندى بأستغراب:ريم ايش فيك ؟
ريم تطالع ندى وتطالع الرقم اللي يدق عليها وبربكه:س س سعوود
ندى :هههههههههه دفت ريم لبعيد :ردي عليه بسرعه بااااااي طلعت وصكرت الباب وركبت مع جاسم وهي مبسوطه ان سعود اتصل
ريم رجعت ظهرها على الجدار ومازالت تطالع اسمه ماهي مصدقه ابد ابد حتى انقطع رجع يدق مره ثانيه وهي تحاول تقوي نفسها مدت يدها وهي ترتجف ورفعت السماعه ..
سعود والفرحه باين على صوته وبمزح :هذا رقم ريم ..؟
ريم بقهر:لااا
سعود :هههههههههههههه
ريم بدى قلبها يدق ابتسمت بخفيف
سعود يحب يرفع ضغطها كاالعاده: ريم انتي داقه علي
ريم بعصبيه وتتحلطم بينها وبين نفسها مالت عليه ميته شوق وهو يسأل هالسؤال البايخ:لا كنت ابي ادق على السباك ودقيت عليك
سعود وهو مشتاق لصوتها صحيح على دفاشه لاكن فيه شوي دلع ونعومه: ليش في وجه تشابه هههههههههههه
ريم حست انها انبسطت على ضحكته صوته وبرائته والبحه بصوته شوقتها له كثييير
سعود سكت من ضحكه وقرب السماعه له اكثر كأنه يتخيل انه راح يقرب منها وبهدوء:ريم ..؟
ريم حست بخجل من صوته ولاقدرت ترد عليه
سعود فتح باب السياره ونزل يمشي على العشب وياخذ نفس برااحه وهو ناسي كل شي صار:ريم وينك ..؟
ريم بصوت هادي :معك
سعود بحزن:متصله تبين استعجل بطلاقك..؟
سكتت حست باالعبره خنقتها تمنت تصرخ وتقول لا انا ابيك ابيك انت وبس
سعود سكت وهو يسمع انفاسها
ريم نطقتها بصعوبه ودموعها سبقتها :سعود
سعود يحس ان اسمه معها شي ثاني فز قلبه وبكل حب :لبيه ياقلب سعود
ريم تجمع الدم بوجهها ماتدري ليش احتاجت تشوفه بهاااللحظه مسحت دمعتها بطرف اصبعها :فقدتك واتصلت فيك
سعود كان يمشي فجأه وقف وكأنه يتخيل اللي تقوله:ايش
ريم تحاول تعدل صوتها لايبين انها تبكي
سعود:ريم ايش قلتي
مسحت دموعها اللي تنزل اكثر تحس مشاعرها متلخبطه حيل
بعدها ابتسم :ريم فقدتيني انا ياسعود ها..؟
ماقدرت تتمالك نفسها وتكتم شهقاتها ماتبيه يحس فيها وهي تبكي ضغطت على السماعه وقطعت الخط
سعود بضيق وهو يسمع الخط انقطع طالع الجوال :لايكون جالس احلم انا ووجهي
سدت يدها الثنتين على وجهها وهي تصيح وتهدي نفسها بنفسها ماتدري ايش صار لها ..من سمعت صوته,,؟
طلع بدر اللي يسمع صوت ريم من بعيد ويدور عليها شافها متسنده على الجدار قرب لها
بدر :ريم ليش جالسه بها الحر
ريم تخفي دموعها :اشم هواء
بدر يطالع السماء :الاتشمين غبره من زين الجو (لمح دموعها )تصيحين..؟
ريم :لا هاالغبره اللي تقول عنها دخلت بعيني
بدر يرفع حواجبه وهو مكذبها :اها علينااا
ريم دق جوالها وقفت تحرك رجلها بتدخل داخل
قرب بدر سحب جوالها من بين يدينها وركض داخل
ريم تركض وراه وهي تصرخ عليه
بدر :الو
سعود:مين
بدر:انت ايش مسوي بزوجتك مقطعه نفسها من البكاء
سعود بخوف :ايش
ريم انحرجت من كلام بدر سحبت الجوال منه وهي تهدده باالحركات بعدها رقت لغرفتها وتاركه سعود على الخط
سعود:الو
سعود:ريييم وينك
ريم تبين صوتها طبيعي حتى تكذب كلام بدر :الو
سعود وباين عليه الخوف:ريم صاير فيك شي
ريم :لا
سعود: واللي قاله بدر وليش انقطع الخط
ريم : شوي كنت امشي وماانتبهت للدرج وطحت
سعود:بسم الله عليك توجعتي ...؟
ريم حاسه ان سعود خايف عليها :لا شوي بس
سعود :مره ثانيه انتبهي لطريقك مب تطالعين السقف وانتي تمشين ههه
ريم تضحك بخفيف:طيب
سعود انبسط على ضحكتها :فديت هاالضحكه ريم انا راح اجي لرياض بكره مااقدر اتحمل اجلس اكثر من كذا انا تعباان ومحتااج لك ومشتاق لك ابيك كلك ابنسى كل شي صار بينا من اليوم مااقدر خلااااص يكفي تدرين من اسعد وااحد بهاالدنيا ياريم انا انااااا واقسسم بالله احبك ومجنون فيك وبأقرب طياره جااايك
ريم احمرت خدودها تحاول تهدي نفسها وهي تسمع هالكلام وتتكلم بداخلها حتى انا محتاج لك اكثر
باالسياره....
جاسم :هذا العنوان
ندى تتأكد بعد مااخذت الوصف من ساره :ايوه
قفل جاسم السياره ونزل قرب عند الجرس ضغط عليه وهو يأشر على ندى انها تنزل
نزلت ندى ووقفت بجنبه دقايق سمعوا صوت احد :مين..؟
ندى تطالع جاسم بأرتباك
جاسم :ردي
ندى :انا ندى ..
عهد ابتسمت بفرحه وفتحت الباب
دخلت ندى وهي تطالع عهد
عهد تسلم عليها :هلاو مرحبا زارتنا البركه
ندى بحياء:تسلمين والله امممم
عهد حست فيها :في احد معك
ندى :اخوي جاسم
عهد استغربت اول مره تسمع فيه :خلاص خليه يتفضل انا بدخل وامي بتكون باالغرفه اللي بالصاله
ندى تهز راسها انتظرتها حتى دخلت داخل بعدها دخل جاسم واتجهوا لام رآآشد
ام راشد جالسه على فراشها اللي باالارض وعينها على ندى تناظرها بهدوء حتى قربت لها وباست راسها
جاسم واقف حس بشي يرده انه يسلم عليها اكتفى يطالعهم بصمت
ندى:شخبارك عمه
ام راشد ماهي مصدقه ان ندى قدامها نزلت من عيونها دموع وهي تتذكر اخوهاا
ندى ارتبكت وهي تشوف دموعها
ام راشد تطالع جاسم :هذا جاسم.؟
ندى :اي ..بعدها رفعت راسها تأشر على جاسم يسلم على عمته
نزل جاسم لمستوى عمته و باس راسها بهدوء
ام راشد وهي تمسح دموعها:الله يرحمك ياخوي
ندى حست باالعبره وقدرت تمنعها بصعوبه
ام راشد تمسك يد ندى : ابوك يشبه لك كثير يابنيتي ربي يتجاوز عنه
دخلت عهد وهي مغطيه وجهها حطت القهوه على الارض منحرجه بوجود جاسم
ام راشد :عهد نادي هديل وتعالوا ابيكم تسمعون اللي بقول ...
عهد :طيب يمه طلعت بسرعه تنادي هديل دقايق ودخلوا
عبدالعزيز ركض لجوال اخته قبل لاتكشفه فتح الارقام بسرعه حتى وصل لرقم نوف نقله لجواله وطلع وهو يتأمله ويتذكر شكلها ويبتسم
:ماتوقعت بهاالسهوله يجي رقمك شكل الدعوه سهله ضغط على رقمها ينتظر الرد لاكن كانت نوف تبكي عند اخوها بأن مشتاقه لامها ولاتقدر تستغنى عنها سالم كاالعاده مصدق اخته
عبدالعزيز :ايوه حركاتكم ياالبنات ماتردون على ارقام غريبه بس مايخالف ندق عشرين الف مليونن هههه اهم شي نذوق طعم هالكيكه
طلع سالم يحجز اقرب طياره ويرجع هو ونوف
قامت نوف تفتح الغرفه لاجل تجهز ملابسها لاكن بداخلها لمياء مقفله على نفسها ضربت بعصبيه:افتحي اخذ لبسي واغراضي
لمياء تفتح الباب بدون نفس اعطت نوف نظره احتقار ودخلت تجلس على السرير
نوف اتجهت للدولاب تجمع اغراضها وهي كاتمه عبرتها ماتبي تبكي اكثر عند لمياء
رجع سعود للبيت وهو مبسوط نسى كل شي كان يعكر مزاجه
:السلام عليكم
ام يوسف :هلا وليدي ..
سعود يحب راس امه وباين على وجه ان مرتاح :يمه بكره راجعين للرياض
عفاف مستغربه :سعود تو جينا نرجع بها السرعه
سعود يجلس على الكنب :عندي شغل ولازم نرجع
عفاف مبوزه قامت ودخلت للغرفه تعطي خبر للمياء
عفاف:لمياء بكره راجعين للرياض
لمياء مطنشتها
عفاف تطالع نوف :نوف خليك معنا اليوم وبكره نرجع سواء
نوف مطنشتها
عفاف انقهرت: اكلم نفسي الظاهر
نوف توقف :انا طيارتي المغرب وماعندي استعداد ااجلها
عفاف انقهرت من اسلوب نوف :براحتك حبيبتي
طلعت نوف للصاله وهي تشوف سعود مبسوط ويسولف ويضحك ركزت نظراتها عليه بحزن ولاكأنه جرحها بسكين بقلبها
سعود اعطاها نظره ورجع يكمل كلامه مع امه
نوف عصرت يدها بقهر وحقد حست بأنها نفسها ترد له الاهانه
سعود وقف ودخل للمطبخ يشرب عصير اللي باالثلاجه
دخلت نوف وراه وهي شاده على اسنانها بقهروتحاول تهدي نفسها عن البكاء : لاتظن اني اسكت على اهانتك لي والله راح اردها لك لاكن في اعز مخلوق عندك واعتقد تعرف من اقصدها ياعديم الاحساس وراح تشوف من هي نوف اللي اهنتها بعدها طلعت بدون ماتسمع رده
سعود وقف وهو يطالعها تركض ويتذكر كلامها ابتسم على تفكيرها الغبي ورفع العصير يشربه
دخلت نوف الحمام محتاجه تفرغ هاالضيقه اللي بداخله ماتبي احد ينتبه لدموعها قربت عند الغساله تبكي بقهر وهي تطالع وجهها باالمرايا :ليش تسوي كذا ليش بعد مامسكت خيط الامل تقطعه بسكينك ضربت يدها باالغساله بقوه هي تترجف من البكاء جوالها ازعجها باالرقم الغريب مدت يدها سحبت الجوال بجيب بنطلونها وهي تطالع نفس الرقم رفعت السماعه بصوت هادي:الو
عبدالعزيز ابتسم:الو
نوف مستغربه:ايوه
عبدالعزيز : كيفك ياحلوه
نوف :مين وياي..؟
عبدالعزيز :عبدالعزيز
نوف:عبدالعزيز..؟مااعرفك
عبدالعزيز بأبتسامه:راح تعرفيني مع الايام
نوف :ماني رايقه لك قطعت الخط وطلعت من الحمام (اعزكم الله)
ام راشد : بأبري ذمتي ورب المخاليق شاهد علي ياعيالي انا ادري ان كل دليل ضدي ويشهد علي لاكن دام اني بريئه ومظلومه فربي بينصر المظلوم وذي ثقتي به وبقول كل شي صار لاجل اريح قلبي :
اخوي كان رافض اتزوج ولد عمي بس جاء كل شي غصب عنه بوصيه من ابوي قبل لايتوفى انه يزوجني ولد عمي تزوجته وعشت معه مرتاحه كنا متافهمين وياه لاكن كان يشد علي يبي اخذ ورثي من اخوي ماقدرت اطلب من اخوي عارفه انه ماخذه لمصلحتي بس بعد كم شهر تغير علي ابو راشد ودخلنا بمشاكل وصلت انه هددني انه بيتزوج علي انقهرت بذاك الوقت وصرت وراء اخووي ابي حلالي واخوي يرفض وانا وراه حتى تقاطعت معه ولادخلت بيته وفي يوم من الايام طلب من ابو راشد اني اروح لاخوي واخذ هاالاوراق معي ماادري من وين جابها طلب مني اجلس معه واتسامح وياه واذا غفل حطيت باالشاهي منوم وابصم بيده على الاوراق حاولت اراقب البيت اشوف ام ياسر متى بتطلع واستغليت الفرصه ودخلت وياه فرح بشوفتي واكرمني ويوم دق جواله اخذت بيالته ودسيت فيها المنوم صكر السماعه ورجع يسولف وياي وانا انتظر يشرب الشاهي بعد دقايق طاح على الارض وفقد وعيه خذت يده ابصم على الاوراق وسحبت نفسي بسرعه واطلع الا ام ياسر تتمسك فيني وتجمع الجيران حتى دخلت الشرطه واكتشفوا ان اللي بالشاهي سم ..؟؟!!
الجميع انصدم وهم يسمعون كلام ام راشد
بلعت ريقها وهي تتذكر الموقف وبدا صوتها تخنقه العبره قتلت اخوي بيدي هاالثنتين التفتت على ندى وهي ترتجف اي انا اللي قتلته ياعل روحي الموت بس ربي ماينسى حق المظلوم كان ابو راشد يكذب علي بأنه منوم واني راح اطلع من الجريمه مثل الشعره من العجينه ظلمني حسبي الله عليه انرميت باالسجن وانا احاول ادافع عن نفسي الكل تخلى عني بعد اللي صار بأيام جاني خبر انه تزوج علي ذقت المر وانا بين السجون وشردو عيالي مني بسبته
هديل وقفت وهي تستوعب الكلام :ابوي اللي سوى كذا
ام راشد تهز راسه بمعنى اي مافي اي شي يثبت عليه انا خلاني اذبح الغالي بيدي استاهل اللي جاني من المرض
ام راشد تتأمل ملامح جاسم اللي باين عليه مااستوعب :ياولدي ابو راشد بعد مااعرف انا قدرنا نوصل لكم ترك عياله وترك كل شي انا خبيت عن الكل لان لو بتكلم مافي اي شي يشهد لاكن من بعد مادريت عن اللي سواه ابو راشد اصريت اني اقول لكم كل شي روح لامك ياولدي وتسمح لها مني وقول عن كل اللي قلته علها تبيح لي وتسامحني قبل لاتجيني المنيه
ندى ساكته تطالع ام راشد بصدمه وهي مو قادره تصدق هاالكلام بسرعه
ام راشد تمسك يد ندى :والله شاهد علي يابنتي كل كلمها نطقتها هي الحق وجاء اليوم اللي نصرني ربي فيه وبين صدقي
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك