رواية انا ما ابا ذهب ولا ابا ألماس وما ابا بعد قلبي -1
رواية أنا ما أبا ذهب ما أبا ألماس و ما أبا بعد قلبي
الكاتبه : أحلى قلم
تجميعي معزوفة خياليه
البارت الأول
بسمــح دمعتــي الموجوعــه وببحــر في سمــاحــزني .. بزرع لي ورده وشــوكة .. وبكتــب حزني الي حــال ،،
نــزلت من فوق الدري وآنــا أركــض يودت أخوي هزيتــه صرخت فيويهه : لا تجذب عــلي قول لي قولي دخيلك إنك تجذب .. أبـــــوس ريلك ياحمدان .. فديتــــك حبيب قلبي إنتــه بس قولي إنك تجذب ..
يود جتفــي قال لي بنبــرةحسيت إنــه بنخنق بعــدها : شيخــه وشهـــق شيخـــه يابعــد ناسي كــلهم مابقيناإلا أنــا وإنت والله .. عظم الله أجرج .. آه آه ..
صرخــت عليه وجثيــت فيالإرض على ركبتي : إنت جذاب جذاب .. جذاااااااااب ياحمدان ..
نــزل لي بمثلالمستوى الي يسلت عليــه : شيخه خلاص والله كفاية الي فيني لاتزيدي علي المواجــع ..
إنفتح الباب مرة وحــده بسرعه شفت شخــص ياي جنبنــا .. ويصرخ : عظم اللهأجــــركم .. آآآآآآآه ..
وقفت وقفت بسرعه بدون ماأحس وصرخت صرخــه : لاتقولعظم الله أجركم أمي وأبوي ويدتي عايشين .. عايشين .. لاتجذب ياخالي اادري بكـ تحبالتمثيل وقاعد تمثل علي إنـــت وحمدان صح صح خــالي مو ؟!!
وبعدهــا طحــت ماليحــال إنســانه بلا روح جثيــــت ع الإرض .. وتسندت ع الحيــط .. دخــلت ويهي داخلركبتي وصكيت عليـــــه ..
ومحــد يسمع إلا صوت شهقاتـــي ..
فقدتالحــب وفقدت النــاس وصرت قطــعه بلا إحساس .. أبيك تضمني ياأبوية .. أبيكتسمعنــي أنغامــك .. ابيــك تذكرني بأمي صدى صوتــها ولمستــها .. ابي أدفــنراســي مع راســك ومع راســها ..
دخــلو عمــاتي وخالاتي والكــل أييواسينــا .. وفي الأخيــر ماأستحمــلت طحــت .. كنــت أسمع بــس أصوات .. صراخ : شــلوهــا ..
لاا لاا زقروا حمدان يشـــــلها ... إن شاء الله ...
وبــس ،،ماأدري شصار فيني .. بطلــت عيني وغمضتهــا .. الشمــس دخــلت عيني وكنت موب قادرةأفتحــها .. استجمعــت قوتــي فتحتــها ،، أطالع المكــان بدهشة أنا ويــــن؟!!
قطــع علي هالتقاطــع حمدان أيــه تذكرت تذكرت إلي صار أمي أبوي يدتـــيراحــو عني خــلوني بروحــي ..
تقرب مني حمدان ضمانــي لصدرة مسح ع شعريبحنــان تمعنت ف ويهه شاحــب أصفر مو كأنــه واحد عمره عشريــن سنة كأنــه عمرهأربعين ..
قال لي بهمس : الحمد لله ع السلامــه ..رديت عليه وصوتي كله غبنــه : الله يسلمــك الغالي .. حمدان فديتــك لا تتخــلى عني .. بديت أبجــي دخيلك مابقىلي حــد في الدنيا كلهم خــلوني .. كلهم مايبونـــــي .. قطع كلامي وخل يده ع حجلي .. : ولا كلمــه خلاص كفايا إلى إنتي فيه .. سكتــي عشان خاطري ..
هــزيت راسيبالإيجاب ،، حمدان متى بطــلع أبــا أروح العــزا ألحين محــد هنــاك ..
رد عليبصوت مخنــوق : الحيــن يلا سيري شلي أغراضــج ..
رديت عليه بصوت واطي : إن شاءالله ..
قمــت حسيــت نفسي بطيــح .. حس بــي حمدان سندنــي حط يده ورا ظهريوالثانية يود بها يديي ،، كأني وحده عاجــزة ..
دخــلنا السيارة ،،شفــت فيهــا شخص .. حمدان : يلا ركبــي هذا هــزاع ..
عقدت حجاتي وقلت :هــــزاع ؟!!
ركبــت السيارة طبعًا في الكرسي إلي بالخلــف .. السلام عليكم
هزاع : وعليكم السلام ،، عظم الله أجرج ياشيخــه ؟!!
ردت لي معاناتي آلاميحسراتــي وناتـــي : أجــرنا و خلاص مااستحمــلت دموعي إنهــارت ع ويهيي .. ماأتكمـــلت ولا كلمــة بس هالعيون قامــت تناظرني في المنظرة .. وكأنهــا تهديني .. بــس أكره أكــره كره هالإنســان .. مابنســى شسويت فيني مابنســى .. وصلت البيتشفت سيارات وايــده دخــلت ودموعي منهمرة .. دخــلت طالعت البيت الي شموعــهمنطفيـــة .. آآآه ..
سلمـــت ع عمــاتي ،، عمــومــي .. بـــس وين وينخــالي ؟!! وينــه ؟!!
إستأذنت منهــم رحت غرفة خــالي مالقيتــه ،، نــزلت تحتسألتهم عنــه قالو لي كان هنية ..
أخذت موبايلـي دقيــت عليــه سمعت صوته بعدأكثر من ست إتصالات : ألوو ..
قلت لهـ : وينـــك ؟!! رد علي بنبرة حنــان : بهالعالم آه .. رديــت عليه قبل مايكمل كلامـه : تعال ألحيــن ألحيــن .. رد عليــهبصوت مبحوح : شيخه لاتضغطين علي أدري إنج خايفه علي بس والله موب قادر أدخــل البيت .. أنتي ماتدرين شنو كانت امج وأبوج بالنسبة لــي .. ربونــي .. علمونــي .. كل شيلوأمي وأبوي كانو عايشين ماسوو لي شي من الي سوه .. ماأقدر ماأقدر أنا بدور ليشقــه . ..
زادت دموعــي شهقاتــي : أدري والله أدري إذا إنت يا ذياب ياأخويياخالي موب قادر أنـــ،،ــا و حمدان شنقول شنقول ؟!! والله اذا رحــت في شقةمابكلمــك طول عمري حرام عليــك .. ،، مشيــت يودت كيلو الباب طلعت بره في الحديقةيسلت ع الكرسي : ذيــاب إنت موب بس خالي إنت أخوي ... وإنت تعرف معزتك عندنــا .. دخيلك تعال دخيلك ..
قال لي بصوت مبحوح : إن شاء الله ألحين بيي كم شيخووه عندنــأ ..
مــرت الأيام وخلصــت أيام العزاء ،، البيــت كأيب عمومينسونــا كل واحـد في حاله سؤال ماسألو علينــا من بعد هالإيام ..
كنــت يالسة فيغرفتي وفاتحــه دفتري ودموعــي تتناثر كأنهــا حبات لؤلؤ ..
وحيــده في عالممنثــور أشبــه ببيــت مسكون ..
وحبده أسيــربلا أم بلا أب بلا جــده ..
لقد ذهبــوا عني دون أي كلمة وداع ..
في غمضـــة عيــن ..
في بلادغــربة ..
في زوبعــه العالم ..
أمي ..
أبي ..
جدتي ..
أينأنتــم ؟!!
هل فرقنــا الزماان ؟!!
هل تتذكــروني ؟!!
هل وهل وهل؟!!
قاطع علي خاطرتي صوت ذياب ،،
لمتى لمتي شا شيخـــه بتقفلي عليج البابوماتبين تاكلين شي أمج وأبوج لو كانو عايشين ماسمحو لج بلي تسوينه ..
صرخت عليه : كا إنت قلت لو كانو عايشين لووو لووو ..
تقرب مني يلس عدالي ع الشبرية : شيخهمحــد عارف شيسوي عشان ترضين .. صار ع وفاتهم الله يرحمهم أكثــر من شهــر ..
عليت صوتي : هذولا امي وأبوي شلون ماتبيني أحزن عليهم ..
رد علي بنفسالنبرة : كلنـــا حزنانين لكــن الحياة ماخلصت .. الحياة تستمر اذا تعزين أمج وابوجقومي معاي قومي خلينــا ننزل كا خالاتج يسألون عنج أخوج الي كافيه الي فيه شوفيهشلون يحاتيج .. همج نفسج ماهميناج أنا وأخوج ..
حضنتـــه بكل قوتي : خالي أناعمري 17 وللحين ماخلصت المدرسة حرام الي يصير فيني حرام .. المدرسة ماقمت أروح .. كل شي ضاع ليش ليش راحو عني ..
رد علي : الي مقدر ومكتـــــوب يا شيخة اذاتعزينــا قومي .. قومي ..
مسحت دموعي : زين ببدل ثيابي وبيي ..
خالي : وعــد .. ابتسمت له : وعــــــــد ..
طــلع خالي من الغرفة وأنا تميت يالســهوبعدين تذكرت اني وعدته ،، دخلت الحمام خذيت شاور ع السريع ولبست ثياب سود طبعاًلأن حزني مابيخلص .. لو أظل طول عمري .. لابسة ثياب ســود ..
نــزلت تحتالكل تم يطالعني : السلام عليـكم ..
حمدان على طول وقف يا صوبي حظني : فديتـــــج ايه جذي نزلي وقعدي معانا كلنا حزنانين ، بس إن مات حد الدنيا ماتتوقفالدنيا بتتواصل .. فديتج كنت بموت وأنا أجوفج جذي ..
ضميته أكثر وأكثر : من يومورايــح بتجوفني قاعده معاكم ..
وقف ذياب خالي : أحم أحم شفتون كل هذا بفظلذياب أفندم ..
الكل ضحــك وأنا بتسمت بــس .. ذيابو دخيلك طلبتــك ..
ذياب : إنتي تطلبين بـــــس تامرين أمر ..
ابتسمت لــه : خذنــا البحر ..
ذياب : بــس البحر من عيوني ..
ابتسمت لــه : سالمـــه عيونــك ..
طالعت الي قاعدينالكل قعد يسولف الى أخوي حمدان كان يطالعني بحنــان كأنه ماشافني من سنين .. تقربتلــه يلست بقربة وخيت راسي ع صدرة .. وهي بدورة يمســح ع شعري ..
همس في أذوني : إشتقــت لج ..
رديــت بمثل نبرة صوتــه : وأنــا أكثــر ..
ابتسم لي ورفعحاجب ونــزل الثاني : متى بتروحيــن المدرسة ..
نزلت راسي : ماأبــي أرووح ..
قال لي بسرعه : ليـــــــش ؟!!
شيخة : بس ماأبي أرووح .. ماأبي ..
حمدان : تعزيني ؟!!
بطلت عيوني : حمدان شهالسؤال أكيد أعزك وأكثر من روحي بعد ..
حمدان : اذا إنتي تقولين تعزيني وأكثر من روحج حظري حالج ومن بكرة تروحينالمدرسة ..
رفعت راسي : إلي تامر عليه ..
ابتسم لي : فديـــــــــــــــــتأختي أنــأ ..
الكل كــان يطالعنــا .. وخــالتي أم عبد الله أكثــر ،، مدريليش ،، وشنو تبي ؟!! الله يعلم ..
خالي ذياب وقف : شوووويخ يلاا حضري حالجبنمشي بعد 10 دقايق ..
هــزيت راسي بالإيجاب : ...
ركبــت داري لبست عباتيع الكتــف .. وطلعت شيلتهــا ولبسها .. ييت جنب المنظرة .. ويهي أصفر .. وعيونيتحتها سواد .. أخرع هاذي موب أنا .. طلعت لي كريم وحطيت ع ويهي .. ونزلت تحت ..
لقيت خالي ينطرني مع حمدان ..
ييت جنبهم .. وقفت ..
خالي ذياب : مشينــا ..
حمدان : مشينا ..
خالي : أووبس لحظة هزاعوو بيي عشان خواتهبشلهم معانا .. الكل بتيمع هناك لعيونج ..
ابسمت لــــــه : وليش ؟!!
خالي : لإنج دلوعه ..
رديت عليه : أنا موب دلوعه ،، بتشكي عليك مـن أبــ .. وسكت
خالي حب يغير الكلمة لأن عرفني : اايه ااشتكي علي من حمدان تفكرين بيظربني خخ ..
سكت عنــه ولا رديـــت ..
حســـيت إنــه قلبي بيحترق ،، خلاص موبحاسيــن فيني ،، آه .. دقايق ووصل هــزاع حتى نظرة ماعطيتــه سلم عليــه بدونماأطالعه رديــت يفكر بنســى مستحيـــل ،،
مستحيــل يالحثاله أنســـى ،، لويقتلونــي مانسيــت لو يعدموني مانسيــت الي سويته لي موب شي هين ياحمدان ،،هنتنـــي ،، دسـت على كرامتــــي ،، إنت أذيتني ..
قاطع تفكيري الصوت اليدوم يعرفني من عيني : ويــــــن وصلتي شووويخ ؟!!
رديت عليه بخوف : هاا اايههني هنيه ..
ابتسم لي وقال : مشينـــا ..
ركبت السيارة مع خالي قعدتجدام لأن حمدان راح مع عزاع و شوق ومهرة ...
طول الطريق وخالي قاعد يقول لي : شويخ خلاص ماأبا أجوفج في دارج ومن بكرة تروحين المدرسة من بدت المدرسة اسبوعينوإنتــي ماسرتي ولا يوم ،، عشان خاطري من بكرة سيري ،،
قاطعته : قال ليحمدان لعيونكم من بكرة بسيـــر ..
خالي : فديتـــج شاطرة طالعه على خالج ،،
طالعته ببتسامه : أونــك إنت شاطر طططططل ..
ذياب خالي : أفااا ،، ماعليهيالدووبة ..
رفعت حاجب ونزلت الثاني : اذا أنا دبة انت شتطلع ؟!! فييل
خالي : ههه ،، قومي يا أم لسان وصلنـــا ..
طلعت لــه لساني وقلت : ويوو سكتك ..
خالي : خخ ،، قولي أحرجتك .. خلاص أنا بسوي رجيييم ..
رديت عليه أبا أطفرهأبا أضحك من زمان ماضحكنــا : سو خفف هالدبة شوي ..
قال لي وهو مطلع لي لسانه : غنزين نزلي صدع راسي من كثر الهرن ..
قلت له : من كثر الهرن ولا ماتبيني أفشلكزياده ..
رفع يده وخاها ع راســه وكأنه قاعد يفكر جاوب علي بغباوة : أممم لثنين ..
قله له وأنا موب قادرة أتكلم : هههههههه والله انك فنتك .. يلا إنزل ..
قال لي بصوت مثل البنات : إن شاء الله عمتي شيخه أي أوامر ثانية ..
ماقدرتمنـــه والله خالي حبوب : ههه
نــزلت شفت هزاع يطالعني ،، نزلت راسي في الإرضومشيت ،، شفت البحــر ،، رحت أمشي لحالي أتأمل هالبحر قوي مايهزة الريح لازم أكونقويـــه ، فلت ع البحر همومي .. كل شي ..
ولنـــــا لقاء في البارت الثاني من : أنا ماأبا ذهب ماأبا ألماس وماأبا بعد قلبي ينداس ..
لو أكتــب الإشعار ،، وأقطــع هدومـي ،، حـزني بيظل يغــرقلما يكفنوني ،، وين الإمان ما لاح ؟؟!! وين الإبو والأم ؟!! وين الأخــو وين راح؟!! وين الخوال ولعمام ؟!! ويــــن ؟!!
البارت الثاني
مشــيت ع البحــر ،، وكأنــي أشوفأمي وأبوي فيــه ، تذكرت كل لحظة كل ثانيــة تذكرت شلون أمي تحمينــي تحظنــيتذكــرت كل شي .. تذكــرت دموع الفرح ليــن أيــب الشهاده بتفوق ؟!! ألحين منوبيفرح لــي منو ؟!! آه يايمة رحتــي ومادريتي شصار حــالي ،، لمنــو أشكي يمــة ،،ومنــو بيحميني من جور ليام ،، منــــــــو يايمة منو منو ؟!!
أخذت حصا وقطيتهابلبحـــر وصرخت والكل دار لي : منـــــو!! منـو !!
تقرب منــي حمدان حظنــي وقاللي بهمس : شويــخ بلاج الغاليه ؟!!
رديـــت عليه بسرعه وأنا أشاهق دموعــي تسيلكأنهــا قطرات ماي تدفق : حمينـي ياحمدان ،، مابقى لــي أحــد مابقى لــي أحد !!
رد علي بسرعه : وأنــــا وين رحــــت أنا أخوج !! كل شي باجي لاج بدنيتــجأنا حمدان حمدان يا شيخـــــــه !!
تقرب منــأ خالي وهــزاع : خيــر وشو صايــر !!
حمدان : لا ماشي والله ،، بــس شيخــه تعبانــه ،، خلونــي معاها لحالنــا ..
ذيــاب : إن شاء الله ..
تحــرك خالي ذياب بقى هــزاع واقف كأنــــه صنم !! يناظرنــــــي وكل نظــرة تقتلنــي أكثـــر !! روح يا أخــــي ماأبا أجوفويهــــــك لك عين بعد الي سويتـــــــه !! لك عيــــــن !! الحثالة الي نفســـكعينهم من على الإرض مايشلونــها ،، حقيـــــر إنت في نظري وطــول عمرك حقيـــروالحقارة تســري بعروقـك ،، ناظــرت الإرض ويهي إحتــرق من نظراتــــك ،، وخــــــرعن دربي !! سيــــــر عن عالمي ،، إبعـــد موب كفايــــــــــ’ــة الي سويتــه !! ولا الحثالة يسون أكثـــــر من جذي وإنـــت واحد منـــــهم يالنذل ،،
عقب غفلةمن أفكاري شفته سايــر من جنبي ، إبتسامتي جفـت من بعد ماكلمني اخويــه حمدان حسيتأني بموت خلاص !!
حمدان : شيخه حرام عليــج تفكرين إن أمج وأبوج بس إنتيه اليمتوفيـن بعالم غير عالج في اودام وايده نفس حالتج وأردى حتى خال أو م ماعندهموإنتــــي جوفي حالتج على النعمه الي عندج موب مفتكرة ، أنا يالس أسوي أي شي عشانأرضيج ، لا قصدي أرضي غرورج ، تفتكرين أنا مو حزنان ، أنا من داخل محطم ، قاعدأظاهر بالقوة وأمشي حياتي على شانج ، عشان تحسين أنه عندج حد ، بس إنتـــي موبمعبرتني موب حاطه لي أي إهتمام ، أنا شو ذنبي أنا وخالي حنا الي قلنـــا لهم روحواولا نبيهم يروحون ، أنا بموت محد حاس فيني إنتي الي إنتي أختي ماقلتي لي من راحوتبي شي خاطــــرك بشي ، قافله على حالج وناسية خالج وأخوج الي الألم ذابحنهم علىفرقاهم وذابحنهم على حالج : بعدي لغرور عنج فكري بنــــا ، فكـري ألف مرة ..
شويـــــخ أنا ماأبي هالدموع أشوفها بعينج والله إنها تعذبني والله ماأقدرأجوفج جي وأنا يالس مكتف ماأدري شسوي ..
فجأة بدون إحساس صرخت عليه : بــــــــس كافي ، كل الكلام الي قلتـه وبعد تبي تكمل ، إنت ماتدري بالوحشــــــةالي بقلبي ، إنت تصور ،وحده ماكملت السابعة عشر وفقدت كل هذول بيوم واحد بغمضةعيــــن إنتو موب حاسيـــن فيني ، حمدان ماتوقعتك شايل علي جذي ، كنت أتمناك تأفبحالي ، حــــــرام عليكم .. ليش موب حاسين فيني موب معبريني ليــــــش ياحمدان ليش !!
أنا أحس روحي جســد بلا روح !! جسدي حاضر بس روحي وين روحي طايرة !! هيهطايــــرة مع أرواحهم ،، في السمـــــا ،، إذا تبي تفتكون منـــــــي جتلونيجتــــــلوني وخل أروح معاهم ، أيــــــلس ،، ماتوقعت قلبك جاسي ياحمدان ماتوقعت ..
شفت يده مرفعـــــــه ومواطاه على خدي وأخيرا حسيــــت بالإلم وأستوعبت لصراخهيه حمدان صطرني ضربني حمدان مد يده علي : جــــب ولا كلمة ولانفـــــــــس ألحينأنا أباج تستوعبين تقولين بي جذي حرام عليج ..
قعد ع الإرض وقم يشيــل الرملالي جنب البحر ويشاهق : أمي وأبويــة بقلبــي ، وأنا وياهم بعالم وفي كل خطوة أخذبجفه رمــــــــل وفلته فوق ونزل عليه بكبرة على شعـره وثيابه وحتى بعينه الي صارتحمـرة من كثر البجي ..
كمل كلامـــه بلوم : حــــرام عليج أنا الي أحاول أوعييجتقولين لي جذي وشو خليتي للغــــريب ياشيخه ..
وهو يضرب بيده ع الإرض : وشوخليتـــــــي للغريب يا شيخه ، وشو ؟!! ردي يالعقالــــــه ردي ؟!! ردي !!
نزلتلمستـواه ضميته وقلت ليه : خلاص حمدان دخيلك لاتسوي بروحــك جذي أنا غلطانه أناغلطانه ..
دزانــي عنــه ووقام قال لي كلمة رنت بإذني رخا راســه وهزاه بالنفي : اذا فات الفوت ماينفع الصوت !! مشاعري من صوبج ماتت يـــا يــا شيخــه ..
قاطعنــا صوت خالي ذياب : بــ،،ــس خلاص قطعتو قلبــي ثنينكم !! خلاص واللهكــافي تسون بروحكم جذي .. خلاص يا عالم ،، أدعو لهم بالرحمة وهو الثاني قام يبجي ..
قاطعه صوت أكرهه ايه هزاع : صل ع النبي ياخوك !! صلو على النبي ،،
الدنياأخذ وعطى وكل واحد الله بيعطية ع قد نيتــه ،،
رديـت عليةو من غير نفس : أنــامع خ0الي وأخوي إنت مادخلــلك بينــا تنفهم !!
هزتني صرخت خالي : شـــــــــــــويخ ،، بلا قلة أدب !!
رديت عليه وكني أأكد كلامي : إيــه هوشدخــلة أنا وياكم نيوز لاكم هو ماله دخــل ..
تقرب مني خالي يود يدي هزاني : تبيــــن الكل يتخلى عنج !! كمــلي بشوف كمـــــلي ،، حرام عليج وهزاع منــــاوفينا ..
ابتسم لي هزاع وكأن بتسامة النصر : تســلم يا خالي ،، واخليكم عراحتــكم !!
خالي : ويـن رايح ايلس واسمع منت واحد غريــــب ،،
رديـــتعليهم : أدري ،، جان قلتو من الإول روحي مانباج منقعــد ،، آســفه لأني ضايقتكم ،ماكان المفروض أطلب منكم شي !!
تقرب منــي خالي أكثر وأكثــر : شويــــــــخويعه إن شاء الله شهالكلام ،، إنتي شو ماتسحسيـــــن ..
صرخت بويهه : إيــــهأنا ماأحس بس إنتو الي فيكم الإحساس !! صح قول صح ..
وأخيـرا حمدان استيقظ منغفلتــه وقال : صح !! بس حنا الي نحس أما إنتــــــي فوحده عديمة إحساس ..
صدمني كلامة هذا حمدان لا مستحيــيل ،، ماأصدق ،، ماأصدق ..
ركضــــــت منجنبهم وكأني ماأشوف حد سمعت حد يناديني : شيخــه شيخه بس أنا مافيسته !!
ركبـــــت السيارة ويلست أبجي ع حــالي !! يالدنيــا أنا شسويت فيج عشانتطعنيني بظهــري شسويت ؟!! أخوي جرحنــــــي ،، خالي كرهنــــــــي شسويتي فينييادينـــــا !!
شهقاتي تطــلع ،، أحاسيس بالمهانــه فاظت ،، حمدان جرحنيبكرامتــي وقدام من هــزاع !! لا مستحيـــــل ألحين يشمت فيني ،،
قاطع علي كلهذا الشيارة ايل تحركــــت ،، ناظرت لعيون الحمرا ،، الدموع المتناثرة هذا خالي ..
أخذت كلينكس طاولتــه ، أخذه بدون مايعيرني إهتمام ،، حسيــت به !! بتعابيرويهه الي بسرعــه تحولت الي ضعــف شموخ وفوقهــا عزة نفس : شيخــه ،، رحمي أخوج !! ماعاد يتحمــــل غرستي سجين بجبده !! رحمــية !!
رديــــت عليه بحزن : جـــانأنــا غرست سجيـــن أهو غرس مليون بجبدي خلاص ماعدت اتحمل ياخالي !! مايصير تسونفيني جذي كلكم توقفون مع هذا أنــــــــا ماكني أخته ولكنك إنت ذياب الي أكثر منأخو !!
رد عليــه وتنفسه الي بدى يزيد وهذا يدل على إنه عصب : اذا كنــــــت أناخالج فأنا خالــــه هو بعد ولاتفتكرين بتحيــــز لج ولا له أنا مع الحــق !!وإنتيأسلوبج معاه أبد هب أسلوب ماتفهمين إنتــــيه شو فيج أختليتي عقلياً ولا !! شويخعقلي ولاتخليـــــن مشاعرج تجاهه تطغي عليج وأنا ولا أدري ليش أصلا ماتشتهينــــهكل هذا على ذيــــج السالفه ؟!!
قاطعته : خالي دخيلك أسكـــــــت حرام عليكأدري بك انت وياه تبون تعذوبي ليش ماتحبوني ليش ؟!! أنا شسويت فيكم ؟!! شسوووويت؟!!
وقف خالي السيارة بنص الطريق : منو قال لج إنا مانحبــج بس تصرفاتجتصرفات يهـــال ؟!!
رديــــت عليه بنفس عصبيته : اذا أنا تصرفاتي تصرفات يهالهو تصرفاته شو تطـــــــــــلع ؟!!
شغل خالي السيارة من يديد وطنشني ،، خليتراسي ع الباب ويلست أبجي لين ماوصلنــا ،،بس وصلنا فتحت الباب مال السيارة وماصكيتهركضت بسرعـــــه لداخل فتحت باب حجرة أمي وأبوي !! جفت صورتهم مع بعض حظنتهـا وقعدأصرخ : ليش رحتو محد يحبنــــــــي محــــــد يحبني ليــــــــــــــــش يايمةويايبة ليش ؟!! حتى ماودعتوني ليش ؟!!
أنا شسويت شسووويت عشان تسون فيني جذي ؟!! يمة دخيلج خذيني وياج عفية ماأبي هالعالم يمة أبي ألاقيج ودموعي سيلان يمة يبـــهلا تتركوني ردو لي والله الي تبونــه بسويه بس دخيلكم لا تخلوني بروحيبهالدنيـــــــأ ،، يمة والله حياتي عايفتها ،، يمة انتي ماتسمعيني ،، يبــه عفيةأنا دلوعتك تسمعني أنت مو رد علي يبة ،، إشتقت لك يبة لاتخليني بروحي محد يحبنيالكل تخلى عني يبة رد علي رد علي ؟!!
دفت راسي بالمخده وعبراتــــــي تهل معاي،، وحزني بخرجي يهون بس بداخلي أبد مايهون أبد أبد ..
وأنا على هذا نمــــتوعبراتــي تهل !! رقدت وحـزين داخل قلبي !! وصلت ليـــن الصبح من التعب وماقمت ايلليــن ياني خالي يقعدني عشان أروح المدرسة : شويـــخ ،، شويــخ قومي إنتي وعدتينيانج تروحين المدرسة ،، شويــخ يلا عاد !!
رفعـــت راسي بس شفت الغرفة داراتالإحداث فيني ووجهيــن شفتهم كأنهم يالسين يمي أو ماقعدت رفعت شعري من على ويهيفركت عيوني وكأني ياهل : قمـــت خلاص ،،
طالعته بنظرة وخا راســه يوم شافهــابيعيني !! رحت داري هنــاك شفت دفتر خواطري مفتوح كتبت فيه : ..
الدينــادينا دل دنيا مهانــــــه ،، والنــــور انحجب بعدكم ياهلـــي ،، أخوي قاسي صار ،،وخالي نص ونص ،، والدنيــا مارأفت بــــي وأنا الي وأنا الي ..
صكتــــهمكاقدرت اكمل !! شأكتــــب ،، أخذتــه دخلته داخل شنطتي مالت المدرسة !!
دخــلتالحمام خذت شاور ع السريــع ،، لبست مريولي الإزرق ،، قعدت تحت المنظــرة شفتالإسود الي تحت عيني خليت لي كريم ع ويهي عشان يخفف آثــار الحــزن !!
لبستعباتي ،، وشيلتي ،، وأخذت شنطتي ونــزلت تحت !! شفت حمدان وذياب يالسيــن ع الطاولةويتكلمون ومن شافوني سكتو ،، إستغربت !!
كملــت خطواتي ليــن نزلت من الدري ،،ولا عطيتهم أي نظرة ولاحاولت أكلمهم يلست ع الكرسي الي في الصالة ،،
لين يانيخالي ذياب : شويــخ ننطرج ماتبين ريوق ؟!!
بدون حتى ماأطالعه قلت له : يهمــكاذا تريقت ولا ماتريقت كله واحد عندكم ؟!! ماأبي شـــــي ،، وشكرا ع السؤال !!
رد عليه وكأني طفــش مني : شويــــــخ !! شهالكلام شهالتخربط أكيد تهمينا ،،لو ماتهمينــا
،،
قاطعتــــــه : أهمـكم وهذا الي تسوونه فيني لو ماأهمكمشسويتو فيني قطيتوني بالطـــــــــريق !!
يلس ع الكرس الي مقابلني وشبك يده معبـعض : شويـخ !! ناظري عيني ناظريهــا ،، لاتخليني احــــزن من الصبح !! حرام عليج،، أنا مالي ذنب بلي يصيـــــر جان تعزيني بيوم من الإيام قومي تريقي !!
ناظرتهبحب وناظرت عيونـــــه أسرتني ،، مو أسرتني مثل مابنيـــه يأسر عيونها شاب ولا شي،، أسرتني منة حزنهـــا من بريقها حرام الي أسويه فيه !!
قمت من ع الكرسي بسرعهوفلت روحي بحظنــــه : خـــالي لاتقول جذي خلاص بقـوم !!
ابتسم لــــــي إبسامهمصطنعــــه أدري إنه حزين : عفيــــه عليج شاطرة !!
يود يدي : يلا قومــــــي !!
قمــت معاه وصلت لطاولة الطعام !! شفت حمدان يناظرني ،، بس مو نظرتـــهالمعتادة نظرة لوم وعتــــــب !!
نزلت عيوني من عليــه يوم جافني سحبت الكرسيوقعدت ،، شفت الزيتون أخذت لي كم وحده ويلست آكل شوي شوي لما سمعت صوت حمدان : يلاجان خلصتي منمشي ،، على طول قمت أخذت شنطتي تذكرت خالي رجعت له كان ع الطاولة وبستهفي خده وقلت له : يلا الغالي في أمان الله ..
ابتسم لي وباسني في خدي : في أمانالكريم الغاليه !!
رحــت ورا حمدان بطلت باب السيارة لقيته سرحان !! صكيت البابوطالعني شغل السيارة ،، طول الطريق وهو ساكــت حتى ماكلمني أنا كنت أطالعه أبيهيقول لي كلمـــة بس !!
وصلت المدرسة وقبل ماأفتح الباب ،، شويـــخ طالع بوكــهطلع لي فلوس و حطاهم بيدي حسيـــت بحنانــه بكل شي حسيت اني المفروض أعتذر منــــهالمفروض أشكرة من بدل الكلام الي قلته لــــــه ع كل الي سواه معاي نزلت دموعي : حمدان آنا آسفة ماكان قصدي أمس يوم في البحــر بس كنت مجبورة أقول جذي ،، موب قادرةانسى ،، ضماني لصدرة : حصل خيــــر ،، ماأبي أجوف هالدموع !! وقال لي بنبرة تهديد : فاهمه ؟!!
مشيت دموعــي وقلت لــه : فاهمـــه يا حمدان !!
طب طب على جتفــي : اذا ييت آخذج من المدرسة بنروح نتغذى في مطعم وبقول لذياب يلحقنــا ،، بعد مايخلصدوام في الشــركة أويكك !!
ابتسمت له : أوكيك ..
فتحت البــااب : يلاافي أمان الله .. ،، طلع لي لسانه وقال : في أمان الكريم ..
صكيتــه ،، توجهــتلبوابــه المدرسة ،، دخـــلت ووعدت نفسي إني أحقق أمنية أمي وأبوية وأكون دايما منالمتفوقات !!
طـق الجــرس وأختبـلت كنت سرحــانه أفكــر ،، توجهت لحجرة المشرفات !! طقيت الباب !!
المشرفه : ادخـــل ..
دخــلت طالعتني وابتسمت : هلابشويخان حياج يمة !!
ابتسمت لهــا : مشكورة ،،
المشرفه : الغاليه اتصل بسخالج وخبرني كل شي : أمم لاتغيبين انزين عشان تعوضين الي فاتج وأنا خبرت المعلماتوقالوا لي بيعيدون لج الدروس ماعدا الإجتماعيات ماتقدر ..
رديــت عليها : مشكورة ،، تعبتج معايــه !!
المشرفه : لاتقولين جذا يمة ،، ألحين تعالي معايهبوديج صفج وبعرفهم بج !!
فرحت وايد وايد وايد : ان شاء الله ..
مشيــت وراها،، وأنا أحمد ربي إنه في معلمات طيبين للحين ويقدرون مشاعر النــ،،ــاس !!
وصلتصفنــا وكان : 3-2 ..
دخــلت المشرفه منال ودخل وراها : السلام عليكم ..
الكل وقف : وعليكم السلام !! الكل يطالعني وانا مستحية وايد ،، وكانت حصة الإجا،، وطبعا توها بادية !!
المشرفــه : هاذي طالبة اليديدة ،، توها ياية اليــومبسبب الظروف أتمنى من الكل يتعود عليها !!
كان قدام في طالبة أعرفهــا صديقتيالروح بروح نظراتها متعلقة بــي تناظرني !! ودموعها انسابت على وجها تقدمــت ويلستجنبها : روابي ؟!! شحالج ؟؟!!
ردت عليه ودموعها متناثرة : بخــــــ،،ــير !! عساج بخيـــر ؟!! تولهت عليج ماتشلين تلفونج ليش ؟!!!
حظنتها : فديتــــــــجتسلمين ..
روابي : فديتـج والله !!
قعــدت وشقعدت الإبلة تشرح ،، وأناطبعاً مارفعت يدي أول يوم موب محضرة الحصص الياية عن شاء الله بحضــر ،، طافت الحصصويا دور الفسحــــــــه ،، الجــــــرس تووووت ..
طالعتني روابي : يلاشويــــــخ !!
رديت عليها بإبتسامه : لا ماابي لاتضايقين منــيه روحي مع ربيعاتج !!
قرصتني في يدي : أصلا أنا كل يوم أرووح مركز مصادر التعلم ماصدقت على اللهإنج يتي معاي !!
ابتسمت لها : عيــــــل يلاا !!
طلعنـــــا وكانت الفسحةطويلة لأن اجتماع عند المعلمــــات قعدنــا صوب الشجـــــر والنافورة ،، وقمنـــانقول شعر الشيخ حمدان أكسـر التيمات لأن ثنتينا هاوين شعــر نكتب ونـــقول !!
يودت يدي : شويـخ تعالي منــروح نلعب كرة ســـلة هوايتنا الثانية عندنا فريقفي المدرسة ..
بسرعه نطيت وقل : صج والله !!
رد علي بحماس : إيــــــــــــهوالله !!
شيخه : عيــــــل يلاا مشـــــي !!
رحنــــا صوب الملاعب ،،شفناهم يلعبون وقفناهم وستأذنــا منهم إنا نلعب معاهم طبعا مامانعو وصرنــا أناوروابي في فريق ،، الكل تيمع يشوفنــا نلعب كنا نلعب بحماس !!
والله يـــــــومحلو وايــد ،، وروعــه موت ،، وخوش فـــــــلة !!
قعدنــــا نلعب ،، وندورونفارر ،، طبعا نتفنن شويـــــه ،، وأخيــرا كنت أبا أسجـل هدف الفوز لكن يافرحهماتمت دزوني وطحـــت ع الإرض غمضت عيوني وصرخت بأعلى صوتــــــــــــــي : آآآآآآآآآآآآآآآآآآآآآي ..
ركضت روابي لصوبــــي سندتني عليها ،، بس أنا موبموتعيه : شويخ شويخ ،، دخيلج فتحي عيونـــج ..
والبنات يصارخون ومحتشرين : شلوها للمشرفـــــــه !!
حملوني ،، وروابي دموعــها تذرف : شويـخ دخيلج لاتيصيرفيج شي شويــخ سامحيني أنا ايل يبتج الملاعب ...
أخذت المشرفه رشت ماي وحطت شويمنهـــا في يدها وصبت على ويهي أوتعيت بس أحس بألم في يدي ،، أخذت المشرفه رش ورشتهعليها ،،
ولفتهــا لي بعدين !! وروابي تطالعني بنظرات لوم وعتـــب لأنس كنت أصرخمتويعه ،،
المشرفه : هالمرة حاسبي يا سيخه ،،
ابتسمت لها إبتسامة صفرا : إنشاء الله ،، مع السلامه ..
يودت يد روابي بيدي اليمين لأن اليسار تألمني ،،وأحس إنها بتنقص ،،
طالعنــا من الإداراة رحنــا صوب ماكنــا يالسين عند الشجروالنافورة : تصدقين أحس حبيت المدرسة ..
ردت علي بسرعه : وأنا حبيتها من يوممايتيها والله ،، نورت !!
شوي والى ياين الي لعبوا معانا في الفرق يتطمنون عليابتسمت لهم وخبرتهم اني بخير وباجر بنرد نلعب الكل استانس واستأذنو !!
خلصتالفسحــــه ،، بسرعه توجهنا لصف ،، وكانت حصة رياضيات بس الملمه قالت ماباعلمنالأنه تعبانه شوي !! طبعا الكل أحتشر يدور له شي أما أنا فقعدت أسولف مع روابـــي !!
والسموحه منكم ،، ه1ا الي طلع معاي ،،
وسلامتكم !!
البارت الثالث ..
تظلموني ،، ولا تبوني أعتــرض ،، فيزمــاني كل شخص غاوي منقرض ،، ليش يادنـــيا ؟؟!! ليش ياعالم ؟!! ليش ياأخوية ؟!! ليـــــــــــــــــــــــــــــــش ؟!!
دق اليــرس مال الحصةالإخيرة تذكرت وعد حمدان ،، خذت شنطتي وسلمت ع روابي نزلت من على الدري بسرعه ،،طلعت من المدرسة لاقيت حمدان واقف مع واحد بس عاطني ظهرة ،، توجهت لسيارة ماهمني شي،، ولا فكرت منو ؟!!
بطلت الباب لقيت ثنتين قاعدين وراء طالعتها دمعت عيونــيرفيجة عمــري الي راحت عني وخلتني بروحي وكلمة عظم الله أجرج ماقالتها لي لا هيولاختهــا مهرة وشوق بنات خالتي بالإسم ،، كانو ربعــــــي كانو كانو أشد عزوتي ،،حسبي الله على الي فرقنــــــــــا ،،
سلمت منغير ماأحط عيوني بعيون مهرةلانها كانت أكثر وحده تحس فيني وريعتي الروح بالروح : السلام عليكم ..
ردو عليبنفس اللهجه : وعليكم السلام ..
وطالعت الشاب الي كان مع حمدان شفتــــــه النذلهزاع ،، شيسوي هنيه ليكون بيي معانا المطعم ،، اذا بيي أنا مستحيل أرووح !! مستحيــــــــــل !!
كانت نظراته معلقة بعيـــوني وكأنها تهدد ،، وفي نفس الوقتعلامة النصـر مرسومة على ويهه ماأدري على شنـــــو ؟!!
طالعته بنضرة إحتقار ،،وركبت السيارة ويلست ،، شوي بس ودخل حمدان وهزاع : السلام عليكم !!
رديت علىحمدان بـــــــس : وعليكم السلام ،، حمدان ليش ماقلتو لي انك وخالي اتصلتو المدرسة؟!!
عقد حمدان حواجبة : أنا ماأتصلت الى أول يوم ،، ليش عاد !!
رديت عليهبحنان : والله ماادري المشرفه قالت يل خالج اتصل قلت أكيد انت وياه ،،
ابتسم لي : والله أنا كنت وياه ويعلم الله شدد على الإسم هزاع أهو الي كان وياه ..
هنيهسكت حسيت حد ربط لساني وقلت بخاطري : هزاع ،، هزاع ماغيرة شيخع فيني عشان يسمعشيقول خالي للمشرفه صج حاشر روحه بكل شي ،،
حمدان : شويخ وين وصلتـــــي؟!!!
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك