رواية بصدري وجع كنت احسبه نام يا صدري -19
مسكت كفه:ليه كمية الدم سحبتها منك موب زين..
ابتسم : مو مهم أهم شي عندي صحتك ..
ابتسمت بتعب: الله يخليك لي..
ابتسم :الدكتورة تقول بكرة راح تكتب لك خروج..
الجوري:آحسن مليت من هنا..ممم سطام مادقت أمي من آمس ؟
كذب عليها: الا دقت بس كنتي نايمة..
ابتسمت بفرحة:بججد .. طيب شقالت ؟
رحمها: تتطمن عليك وكانت خايفة عليك ..
براحة أكبر: شعور حلو امك تخاف عليك ..
:أكيد تحبك بس بعضهم مايحب يبدي حبه واهتمامه..
الجوري:وش الفايدة أجل من حبهم كان ماحسينا فيه وحسينا بالعكس..!
سطام: معك حق بهذي..
الجوري:تعبتك معاي من جيت هنا وأنت معي..
:المهم سلامتك وبعدين أنا زوجك ..
ابتسمت له وهي مخدوعة جداً فيه ..!
.
.
.
المسا..
ببيت سلطانة ..
المطبخ ..
خالتها : لا .. حتى جدتك موافقة والولد كم مرة يتقدم لك ..
سلطانة: لا ..
خالتها: سلطانة ي ضناي شاللي ينقصك لاجل ماتتزوجين ..!
خلاص اسم الله عليك كبرتي .. وهو شاريك يبيك كل مرة تقولين لا ويرجع ..بالله مثله ينرد..
سلطانة :لا خالتي زواج مستحيل..
خالتها خديجة:ياحبيبتي ليه مستحيل.. لاتحطين حياة أمك وأبوك مثال امامك .. شوفيني وشوفي خالتك أم ابراهيم الحمدلله مافيه آحسن من حياتنا .. وحتى أمك الحين متزوجة ومرتاحة وأبوك بعد ..
خالتها: بقولهم يعطوننا مهله لاجل نفكر وهالمره مب رافضته ..
طلعت خالتها من المطبخ ..
خالتها خديجة: فكري فيها الله لايضرك جميلة ومتعلمة وتبين تجلسين كذا ..
سلطانة :خالتي كل ذا مايهمني .. زواج مستحيل أتزوج ..أنا رسمت لي حياة خاصة شغلي أهم شي فيها ..
خالتها: الى متى شغل ها ؟ الشغل مصيرك تتقاعدين وتجلسين بالبيت وبعدين لاأنيس ولاضنا ولا شي.. وقتها راح تبكين بدال الدم دمع ..!
لانك وقتها راح تكونين في الخمسين يعني حتى لو فكرتي في الزواج راح تتزوجين لكن ماراح تجيبين عيال .. سلطانة الله يرضى عليك فكري بالعقل اتركي عنادك وتفكيرك المحدود ..!
سلطانة ماكأنها سمعت شي: خالتي خلي نطلع لهم ..
لمى مسكت سلطانة :تعالي راح توافقين ..
سلطانة بتلبد :لا ..
سحبتها وطلعوا من المطبخ ..ابتسمت لهم وجلست ..
جدتها: هذي سلطانة وان شاء الله هالمره مافيه الا قبول ومصعب ماينرد ..
أم مصعب : سلطانة يمه مصعب يبيك وشاريك ..فكري في الموضوع..ولاتنسين أنه صديق سعود الله يرحمه ..ويحبك على حب سعود ..
جات هالكلمة على الجرح ..
(صديق سعود يعني من ريحة الغالي ..!)
كأنها عادت التفكير في السالفة لاجل سعود اللي تحب حتى آسمه وتحب كل شي يمد له بصله ..
.
.
.
بيت أهل مساعد ..
طاح ولد أخوه ونزف آنفه ..
زوجة لافي ركضت وهي متروعة على ولدها :يييمه يممه ولدي..
مشت غسلت وجهه بمويه باردة ورجعت وهي تجلسه في حضنها ..صارخت على خواته لانهم مانتبهوا له ..
بنتها: مانتبهنا .. وبعدين محد كان قريب منه وهو ملقوف ..
امها: طيب حسابكم في البيت ..
ماحبت لمار أسلوبها مع بناتها قبال الكل مهما يكن لابد تحترمهم ..
نزلت وجلست تلاعب ولد غادة الصغير..
زوجة لافي : لمار كنتي هنا لما طاح ولدي؟
لمار : آييه ..
انقهرت : ورى مانتبهي له ..
بنظرة غريبة: مانتبهت ..
زوجة لافي : مفروض تنتبهين الله يهديك للعيال ..
طلعت عن هدوئها: على فكرة أنا موب مسؤوله عن عيالك أو عيال غيرك ..!
أم مساعد تناظرهم تشوف وين الحوار بينهم راح يوصل ..؟
زوجة لافي: الا مسؤولة ونص , ذولاي عيال أخو رجلك ..
وقفت لماروهي تنزل ولد غادة: الجدال معاك عقيم لانك انسانه عقليتك صغيرة جداً (قالتها وهي تأشر بين الابهام والسبابه)
طلعت من الصالة لشقتها ..وهي تسمع سبها وحكيها ..
غادة: خلالاص الله يهديك .. وبعدين البنت مالها ذنب لو طاح ولدك ..
زوجة لافي: الا مرة أخوك مغروره ومتكبرة على بالها مافيه وحده مزيونه مثلها..
منى:وش جاب الزين الحين ..!
زوجة لافي: أشوفكم كلكم تدافعون عنها..
منى: لا ماندافع لكن الله يهديك البنت في حالها وأنتي تتهاوشين ..
وقفت وهي معصبة :اروح بيت اهلي احسن ..
غادة عصبت منها: أنتي من جيتي ومزاجك زفت الظاهر لافي جبرك تجين هنا ..
كلمت لافي وهي معصبه وتقط حكي على لمار وخواته وطلعت ..
فجر تسمع الباب يتسكر: مريضضضة مريضضضة ..
امها تضايقت وساكتة تبي تشوف كلن واحد من عيالها شاللي راح يسويه ..
دخل مساعد :وش السالفة ؟
امه: روح شف مرتك ..والحين راح اكلم أخوك الثاني يشوف حرمته ..
مساعد: ليه وش صاير؟
امه: حرمتك وحرمة أخوك يتهاوشون قبالي..
غادة: يمممه وش ذنب لمار..
امها: الا حتى هي طولت لسانها .. الله يحفظ أخوانك الكبار كلن لاهي بحياته وكفونا خيرهم وشرهم وماسكين حريمهم .. مهوب مساعد ولافي..!
مشى لامه وباس راسها وكفها: الحين تشوفين جزاها قبال عينك ..
دق على لمار وقالها تنزل بسرعة ..
نزلت وهو واقف قبال الدرج وبعصبية: ليه ترفعين صوتك في حضرة أمي ؟
لمار مستغربة: أنا ؟ لارفعت صوتي واحترمتها وطلعت للشقة فوق..
صرخ فيها :تكذب امي يعني ..
قالها وهو بحركة سحب شعرها وصفقها كف , لانه لازم يبين أنه رجال قبالهم ,لازم يأخذ بحق أمه في نظره , لازم يكون ويكون ويكون الكثير في نظرهم ..
غادة:مسسساعد ..
منى صرخت فيه: انهبلتت ..
بعصبية: ولاكلمة .. تستاهل اللي ترفع صوتها على امي تستاهل ..!
امه سكتت ماتوقعت يسوي كذا..
فكت يدها منه ودموعها تتوعده ماتتركها له ..!
ناظرت عمتها : أنا رفعت صوتي عليك ؟ أنا لاني متربية في بيت اهلي تركت المكان لاجل ماتصير مشكلة .. ومع ذا كله تتهميني ..!
بس الدنيا راح ترجع الدين ..حسبي الله ..حسبي الله ..
قالتها وكلها حرقة من برى ومن داخل على الظلم والضرب اللي تعرضت له ..طلعت وهي تتابع شهقاتها لشقتها ..
غادة : يممه ماتخافين يرجع الدين فينا .. (رجعت ناظرت أخوها) والله ثم والله يامساعد لمار ماقالت شي ولاغلطت بالعكس احترمت امي ولاغلطت مثل زوجة لافي اللي تلفظت بكلام ماله سنع ..
منى جلست : تصرفك ماله داعي .. احساسك وأنت تضربها قبال الكل ..
فجر كانت ساكتة هي وبنات خواتها ماتكلموا ..لان تصرف مساعد صدمة للكل..
جلس وكأنه تندم بس مابين ..:فجر جيبي له كأس مويه ..
قامت وهي خايفة منه ..جابت له شرب ونزل الكوب ويبرر:حتى ولو ماتطلع الشقة وامي بعدها هنا..
منى: مساعد وش هالمثالية ؟ وبعدين عادي هذا مع امي زوجي عادي اطلع لبيتي والكل متجمع ولايصير شي ولايكلمني زوجي ..
قامت امه ..
غادة : يمه على وين ؟
امها: بطلع للمار ..
مساعد وقف : لايمه ماتطلعين ..
امه خافت من دعوتها : لا بطلع لها ..
مساعد :اجلسي .. ماجاها منك غلط أنا اللي غلطت عليها ..وبطلع الحين لمار قلبها أبيض..
طلع وهو متحسف على اللي صار بس ماينفع الندم ..
فتح باب شقتهم ودخل ماسمع لها حس ..ودخل لغرفة نومهم ..
:لمار..
كانت تجمع كم لبس في شطنتها ..!
مسك كفها وفكتها : لاتلمسني أي كلمه تفاهم مع فهد ..
انصدم : كلمتي فهد ..
أنفها وصوتها متغير من البكا: تفاهم مع رجال مثلك .. خل نشوف هالمرجلة اللي مطلعها علي ..
تأزم جداً: لمار حبيبتي ماكنت قاصد بس أمي ..
صكت الشنطة وهي تناظره بدموع : آمك .. ي ليت كلمه قالتها صح بس الله على الظالم .. وأنت ماصدقت تفرد عضلاتك قبال الكل .. بس الحين فهد يجي ..
دق جرس شقتهم ..
مساعد : قلتي له ؟
بعدته عن طريقه فتحت باب الشقة وهي ترتمي في احضان أخوها وتقوله..نظر نظره في مساعد ..!
فهد: البسي عباتك وتعالي..
دخلت للغرفة ..
مساعد: فهد أنت فاهم غلط ..
فهد : لانيب فاهم غلط ولاهم يحزنون .. الكف اللي معلم بخد لمار منيب فهد أن مررته مرور الكرام .. أنت ولد عمنا ولك الحشمية لكن خواتي لاحدن يدوس لهن على طرف ..
جابت شنطتها وعطت أخوها وشالت شنطة يدها وهي تحط عباتها على راسها ..وتطلع مع أخوها ..
صك الباب بقهر : الله يأخذ تهوري ..!
.
.
.
.
سيارة فهد ..
:خلاص لمور لاتبكين والله ياخوك لدفعه ثمن كل دمعه من عيونك .. لاتبكين يانور عيني ..
لمار تبكي من سمعت الحنان بصوته أكثر..
مسك كفها :بس لمور بس بابا ..لاتبكين دام عزوتك فهد ..
.
.
.
ببيت اهل مساعد ..
نزل لامه ..
امه: أخذها فهد ؟
مساعد بضيق: آييه يمه .. شلون عرفتي؟
امه: سيارته وقفت في الحوش ..والحين وش سواتك ؟
يحك شعره : بروح لهم بكرة .. لان الغلط مهوب منها مني..
منى : الحين شوف أخوانها ماراح يمررونها لك ..
مساعد: ماعليك بعطيها رضوة وراح ترجع معاي..
غادة انقهرت منه: الحين لو صار مع وحده مننا كذا راح تمررها مرور الكرام ..
بحمية : لا طبعا .. يتأدب فوضة يضرب..
ضحكت غادة غصب: سبحان الله يعني على خواتك لا .. وعلى زوجتك عادي.. مساعد خلك مع زوجتك نفس اللي تبيه أنت ..
قام :بطلع انام ..
امه: لا اجلس تعشى..
مساعد ضايق: لا يمه مالي رغبة فيه ..
باس راسها وطلع لشقتهم ..
شقتهم ..
رمى نفسه على السرير : أعوذ بالله من ابليس ..
ضاق من تصرفه واختار اقرب حل له النوم ..
.
.
.
ببيت أهل لمار ..
قام عزام معصب..
مسكه فهد :اجلس وتعوذ من الشيطان ..
عزام :خير شايف الدنيا فوضى يستعرض عضلاته قبال أهله ويضربها ..
فهد : ياخي اجلس الله يصلحك ..
جلسها بالغصب وجلس جنبه ..
امهم : الغلط كله من امه ليه تتهم بشي مالهت فيه يد ؟ لكن انا راح أكلمها..
فهد:لايمه .. خلي السالفة بيني وبين مساعد .. مابيها تكبر..
عزام بعصبية:ينقلع ويطلقها .. لمار ماتستاهل واحد دلخ رخمه يمشي على كلام امه ..
عبدالعزيز: يابو الشباب هدي ..
عزام : الا يطلقها ..
فهد:لاحول ولاقوة الا بالله .. وش يطلقها وتوهم متزوجين والمشكلة بسيطة عن ان شاء الله تنحل ..
عزام : منيب ممررها له ..
عبدالعزيز: طيب خل فهد هو يحل المشكلة هو الكبير ..
عزام : لا راح اتكلم معاه ..
قام فهد :بطلع آشوف لمار..
طلع لها ..
غرفتها ..
ضمها :لالا دموع وفهد موجود ..
:قهرني ليه يضرني قبال الكل..
ناظرها وشد كفه: بعد أخوك لاتشيلين هم ..خليه لي.. ماثقين في أخوك؟
:الا..
فهد : صدقيني راح أعلمه كيف بس خليه لي ..
.
.
.
مكه ..
رتيل تناظر الحرم من القزاز وجنبها أخوها عبدالرحمن..
عبدالرحمن : منظرهم خاشع ..
ابتسمت: جداً ..حاسه ب طمائنية غريبة .. ي لبيه يامكه..
دخل للغرفة وأخذ الكام ..
ابتسمت: آوه احترافيه ..
بنفس الابتسامه: عندي فلكر..
:جد
عبدالرحمن: آيييه وحتى في أوقات آصور مباريات والحمدلله تكون احترافيه ..
رتيل:ماشاءالله تبارك الله ..لازم آشوف تصويرك ..
ابتسم: آوككي..
ناظرته وابتسمت له طريقة غريبة في آلتقاط اللقطه ..سكتت وتكتفت تناظر تصويره..
جلس وقت وهو يلقط كم صورة حتى للجناح اللي هم فيه ..
جلس وفتح جهازه..جلست جنبه وهي تشوفه ينزلها ..
ابتسمت بذهول: مجنننون تجنن..
ابتسم :والله ؟
رتيل: والله ..يلا صورني
ابتسم وجلس يصورها :اضحكي ..مابي آبتسامه ميته ..!
صورها وضحكت على كلمته ولقط لها صورة جميلة جداً ..
نزلها على الجهاز : شرأيك ؟
ابتسمت: عجيييبة ..
دق باب جناحهم وفتح عبدالرحمن دخل مشاري وجلس وهو يشوف الصور علق ب آعجاب عليها ..
وتالي سألهم : فكيتم الاحرام ؟
رتيل: آييه ..
وقف: حلو أجل .. حبيت بس اتطمن .. الحين بروح آنوم ..
عبدالرحمن : راح انزل أنا ورتيل نتمشى تحت ..
مشاري: انتبه ل رتيل..
ابتسمت رتيل ..
عبدالرحمن: تراي رجال وأختي في عيوني ..
ضحك مشاري وطلع لجناحه مع زوجته..
جناحهم ..
ديم حاطه كفها على بطنها :مشاري أبي طفل .. عادي الحين نجيب بيبي ..
ابتسم : أكييد , بس ماكنت أبي شي يشغلك عن الدراسة ..
ديم :ي الله وناسة .. راح يصير عندنا طفل..
ابتسم : بس ها لا يأخذ مكاني..
ضحكت :لا شدعوة .. بس يمكن يأخذ شوي..
ضحك: الله يستر لايأخذ مكاني كله ..
:لالا , بس لانه شي جديد راح يدخل حياتنا وحتى أنت ممكن تلهى فيه ..
ضحك أكثر وهو يناظرها : أحد يلهيني عن الفاتنة ديم الله لايحرمني منهابس ..
.
.
.
اليوم الثاني ..
شقة سطام *الجوري..
غطاها وجلس على السرير قبالها : تو مانور البيت ..
بتعب:بوجودك ..
سطام : متأكدة موب تعبانة الحين ولاتنزفين ..
:لا الحمدلله ماعاد فيه نزيف ..حتى الحين خف الالم بشكل كبير..
ابتسم براحة:الحمدلله ..
دق جرس شقتهم وكانت امه جابت شوربة..
جلست على طرف السرير وهي تعطيها :اشربي يمه يبي لك تغذيه ..
ابتسمت بتعب: مانحرم عمتي ماقصرتي..
دق جواله وكانوا ربعه واعتذر منهم ..
امه :لا تغير ولدي يالله لك الحمد..
ضحك: بس تخف الجوري وبرجع اطلع هع..
امه: مالت بس..أبوك يبيك تحت ..
نزل لابوه..
عمتها جلست توصيها على نفسها لاجل تنتبه أكثر وتدير بالها ..
.
.
.
بيت جد كادي..
ناظرته بقهر: محمد ماعندك استلام شي؟
ضحك:لا..
كادي : موسع صدرك عندي ..
وهو يضحك :ماسويت شي جداني هنا ..
ضحكت وكملت تسوي لهم سلطة فواكه ..
دخل سلمان :سلام..
لفت وابتسمت :وعليكم السلام..هلا خالي..
قرب وضمها وبعدت عنه لاجل مايحس محمد وتالي سلم على محمد ..
:الحمدلله على السلامة..
سلمان وهو يجلس: الله يسلمكم ..
كادي: آسو يلك عشا ؟
سلمان: لا الحمدلله .. وين الوالد والوالدة ؟
كادي :تلاقيهم في الصالة ..ماشفتهم ؟
سلمان قام :لا يمكن داخل المجلس ..بروح آسلم عليهم ..
طلع سلمان ..
محمد وقف وراها :حلوه السلطة ..
:محمد اركد ..
ضحك وهو يبوسها بعدته بسرعة:مححممد خالي هنا وجداني..
محمد :ي ساتر تقولين موب زوجتي..
ابتسمت وهي توزع السلطة بصحون : آآخ منك ..
ضحك وهو يساعدها ..
جلست تتكلم معاه وهو مفهي فيها..
حمر وجهها: محمد ..
أخذ نفس :تدرين بكثر ماحبك وأنتي تتكلمين آوقات ودي اقطع كلامك وأقولك أحبببك وأحبببك ..
تدري وش في خاطري لآسمعتك تسولف ؟
خاطري أسكتك وأقول لك أحبك
ضحكت ب احراج : يمممه منك ..
بصدق:لاني أحبك ..
تغير مودها: حمودي ..
ابتسم:خلاص منيب قايل أحبك ..لاجل ماتجيك هالواسيس..
شال الصينية معها ودخلها للصالة عند جدانها وخالها..
عطت كلن صحن وجلست جنب جدتها ..وهي تأكل وتداري جدانها وتعطيهم ماي وتقرب لهم أغراضهم..
.
.
.
ببيت أهل لمار ..
العشا..
مساعد : غلطت ومعترف بغلطي ولها اللي تبيه..
عزام وقف: شوف لو جلست هنا لحظه فيها راح تصير مذبحه هنا ..!
طلع من المجلس وارتاح فهد ..
عبدالعزيز: اللي يغبن أنك ليه تضربها قبال أهلك ؟ ترضاها على خواتك ؟
مساعد :كنت معصب..
عبدالعزيز: معصب وتضرب أختي .. وليتها غلطانة ..
مساعد : ماتتكرر إن شاء الله .. بس أبيها تجي معاي ..
عبدالعزيز: قبل ماتطلع أختي من هالبيت تبني لها فيلاً وحدها ولما تكون مرة أخوك بمكان اختي مالها مكان فيه .. لان اختي أرفع من أنها تجلس معاها ..
مساعد: مهوب من السنع ذا ..!
فهد:أجل اللي سويته أنت سنع ..!
مساعد : طيب والعزايم ماتحضر مرتي مهيب حلوه ابداً ..
عبدالعزيز: ولاتصرفك بعد .. هذا وتوكم مالكم شهرين ويمكن آقل وسويت كذا ..!
مساعد: بالنسبة للبيت راح أبني لها بس مهوب اليوم ..
عبدالعزيز: عندكم أراضي ماشاء الله أختار لك أي أرضيه وابني لاختي فيها بيت لاجل تخلص من كل شر..
مساعد:هالامور اتفاهم فيها مع لمار ..
فهد: وأحنا أخوانها أدرى بمصلحتها .. ولاتنسى أن البيت مكتوب بالعقد يعني شرط ولازم تنفذه ..
:طيب لكم اللي تبونه بس ودي آشوفها..
فهد:عبدالعزيز نادي لمار..
قام عبدالعزيز وناداها ودخلت مع أخوها ..
دخل عزام وجلس وبراسه شر : الكف اللي معلم بخد لمار تهقى رجولة ..!
مساعد تأزم : كنت معصب ..
عزام :الا شفت الوالدة وخواتك وآشتغل الهياط ..
فهد قام :تعال عزام ..
طلعه معاه ..
برى المجلس: حاسب على الكلام , غلط صح , لكن احترمه هو في بيتنا ..
عزام بعصبية:بطلع من البيت لو جلست دخلت وتوطيت في بطنه..
فهد: اطلع الله يحفظك ..
ارتاح لما شافه طلع لاجل ماتصير مشكلة أكبر..
رجع للمجلس ونادى عبدالعزيز ..
مساعد :آسف ..
مسحت دموعها وهي ساكتة ..
تحرك وجلس جنبها :أنتي عارفة حبي لك بس الشيطان اعماني ..
بهدوء: مساعد محتاجة ابعد عنك هالفترة ..
بضيق: وأنا مقدر آبعد عنك ..
:محتاجة ابعد عنك لاني تعبانة منك ومن تصرفاتك ..
مساعد: الى متى ؟
لمار: فترة ..
مساعد: راح اخليك هالاسبوع..
ماردت عليه ..
دخل فهد :شاللي صار ؟
مساعد ناظره : تبي تجلس هنا فترة ترتاح ..
فهد: حلو , آبعدو فترة عن بعضكم لعلها تهدى الاعصاب..
وقف مساعد : طيب آجل استأذن ..
فهد: اجلس تعشى معنا..
مساعد: لاتسلم ..
طلع ومعه فهد وطول وهو يتكلم معاه ..
دخل وجلس جنب لمار ..
امهم:شصار؟
فهد: ماصار الا كل خير , انحلت المشكلة وتعهد مساعد ببيت للمار ولمار ماتحتك في المجالس اللي فيها مرة لافي..ولمار راح تجلس معنا إلين تهدأ أعصابها ..
كانت ساكتة وتفكر ليه ماقالت على الاقل ل فهد عن تصرفات مساعد معاها اللي تخوفها جداً ..بس الحين حست ماينفع تحكي ليه ماتدري ؟!
.
.
.
.
آمريكاً ..
شقتهم ..
ريان :باقي كم شهر وآخلص دراسة..
الجوهرة :الله يوفقك ..بكرة راح تبدأ الدورة اللي أخذتها ولمدة 3 شهور..
ريان :حلو ..
الجوهرة لازم تسأله :ريان بسألك شاللي غير شخصيتك ؟
كنت معي بأول شهر مافيه آحسن منك قمه بكل شي شاللي غيرك..
جلس وناظرها: بكون معاك صريح وصراحتي راح تجرحك,لي صديقة هنا تعني كل شي لي , هي جميلة جداً بس أنتي مملوحة يعني موب من مستوى جمالها ..
(تتساقط دموعها وهي تسمع كلامه اللي يسم البدن)
يكمل:جاملت معاك شهر وشوي بس عذراً الجوهرة ماقدر اجامل أكثر..شخصيتي ماعاد تقدر تجاملك أكثر.. صعب أعطيك شعور ماحس فيه ..ماتتصورين شكثر كنت أعاني لما أكون معاك بصورة الزوج المحب والعاشق..!
:ليه طيب ماقلت من بدري ؟ ليه مارفضت الزواج ؟
ريان :لان الوالد الح علي الا أتزوجك..
بدموع:وأنت موب رجال وترفض ..!
ريان : لاتغلطين دامنا في جلسة صراحة ..
مسحت دموعها :قصدك جلسة تجريح ..!
تسلل ضيق لنفسه : ماكان قصدي أجرحك .. بس هذا الواقع ..تبين آعيشك بوهم طول العمر ..
: ليتك قلت من أول ليلة ولا عشت معي بقناع مزيف ..
ريان : المهم بأني قلت لك ..
بحزن: عقب مابنيت لك شي بداخلي ..
تمتم بضيق: ماكنت آقصد ..ماكنت ..!
الجوهرة من غير تفكير : آبي آرجع للسعودية
ريان ناظرها بصدمة : لا وين ترجعين للسعودية , تونا متزوجين ..!
الجوهرة :لانك راح تطلقني ..
ابتسم وتلقائياً : طلاق لا..
وقفت :لا راح تطلق ..
رفع راسه وناظرها: نكون واقعين الحين آمهاتنا وأبائنا يحبون بعض لا طبعا .. أنا وأنتي مثلهم ..الطلاق في سلمنا عيب..
:أذا أنت ماشفت حب واحترام في بيتكم أنا عكسك .. فلا تفكر آجلس مع انسان مايبني ..
ريان : وشي مهم الجوهرة أنتي ماتهتمين بنفسك وتبرزين جمالك ابداً ..أنا كرجل أبي أثنى بكل ماتعينه الكلمة ..
تماسكت نفسها مع جرحه لها كل شوي : لان في قلبك وحده , مهما تجملت ماراح تشوفني شي ..
وقف : لا بالعكس , بس أنتي يبي لك اهتمام بغض النظر عن أن في قلبي وحده..
:ريان بليز خل ننفصل ..
وهو قريب منها: لا , قلت لك الطلاق في سلمنا عيب ..
بعصبية: وأنا ماعندي أي استعداد اعيش مع آنسان يصلي مره ويتركها عشر , آنسان يشرب خمر , آنسان مخاوي بنات , آنسان مايبني ..
سكت للحظات :شوفي راح نعيش مع بعض مثل مابي .. ونصيحة آشتري مصلحتك خذي الدورة لانها راح تفيدك وراح تتنهي مع آنتهاء دراستي ..
دخل للغرفة وهو تاركها وراه غارقة في همومها وجروحها ..جلست على الصوفا وهو ترجع راسها وتتساقط دموعها على كل جرح جاها منه ..
.
.
.
الاستراحة ..
كان مصدوم ..
مفجوع ..
مذهول ذهول حزن ..
سطام دموعه خانته :لحظه لحظه أنت وياه ..ثامريتوفى وأنا مدري ..!
الكل ساكت ..
صرخ في الكل وطاح من طوله ..
.
.
.
بيت سلطانة ..
خالتها : ها فكرتي ؟
ناظرت خالتها بهدوء تام وهي تقول قرارها الاخير ..
***
عَنْ أَبي هُرَيْرَةَ رَضِيَ اللهُ عَنْهُ أَنَّ رَسُولَ اللهِ صَلَّى اللهُ عَلَيْهِ وَسَلَّمَ قَالَ : « مَنْ جَلَسَ مَجْلِساً كَثُرَ فِيهِ لَغَطُهُ ، فَقَالَ قَبْلَ أَنْ يَقُومَ مِنْ مَجْلِسِهِ ذَلِكَ : سُبْحَانَكَ اللَّهُمَّ وَبِحَمْدِكَ ، أَشْهَدُ أَنْ لا إِلهَ إِلَّا أَنْتَ أَسْتَغْفِرُكَ وَأَتْوبُ إِلَيْكَ ، إِلَّا غُفِرَ لَهُ مَا كَانَ في مَجْلِسِهِ ذَلِكَ » .
البارت العشرين ..
بيت سلطانة ..
:أنا موافقة ..
زغردت خالتها وهي تضمها ومستانسه ..
لمى: ليه وافقتي ؟
امها: آنثبري ماصدقت وافقت والولد شاريها ..
:لاجل سعود بس وافقت , لانه من ريحته ..
خالتها: تدرين راح اكلم أمك وتدري..
سلطانة :لا ,خالتي اتركيها ..اصلاً هالموضوع مايهمها ..
خالتها :لا راح تفرح ..خل اكلمها.. أكيد أنها صاحية الحين ..
دقت عليها..وهي حاطه سبيكر ..وتقول لها السالفة ..ضحكت أمها ب استخفاف :راح تتزوج اخيراً ..وهي اللي رفضت الدكتور والمهندس , اكيد وافقت على واحد خكري بما أنها مسترجلة ..!
صكت أختها في وجهها وبكت خالتها ..
ابتسمت سلطانة بحزن وهي تمسح دموع خالتها :قلت لك خالتي لاتدقين ..بس ماعليه ..
خالتها ضاقت من تصرف وحكي اختها: لاتتضايقين..
ابتسمت: عادي متعودة على حكي أمي ..
خالتها :مصيرها ترد للصواب..
سلطانة: مايهم ..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك