رواية ايه احبك قلتها والصدى غطى المكان -18
سلطان : أي شي من ايدج حلو
الهام راحت وهي تتحلف بالبيت كله مخلينها وطالعين
سلطآن . يآربي عليها تجنن
الهام جابت العصير ونزلت لمستواه وتنتظره يتحرك وياخذه ظهرها انكسر
الهام : تفضل
سلطان متعمـــــــــد يحرجها قعد يطالع فيها
الهام ودها تكفخه بالصينيه : سلطان العصير
سلطان : ادري اشوفه
الهام عدلت وقفتها : خلاص اجيب لك غيره
سلطان : لا بس انا احب هالعصير
الهام انجنت : زين ليه ما تاخذه
سلطان : انتظر احد يشربني
الهام لا و الله تبي احد يكت العصير على راسك : انادي خالتي مثلا تشربك ؟
سلطان : لا ليه امي عندي زوجه تشربني
الهام كردت فعل : خلني اشرب نفسي اول
سلطان : خلاص شربيني واشربج
الهام لا بالله يبيني اذبحه .. سلطان خذآآ العصير وقربه لها .. تفشلت الهام وشربت
الهام : شكرا
سلطان : وين اصرفها يلا تراني من الصبح ما شربت شي
الهام مدت له وهو شرب
سلطان : احلى عصير شربته بحياتي
الهام : بالعافيه
سلطان : يعافيج ربي .. اقول الهام ترى تحدد العرس
الهام ما ردت
سلطان : ما سالتيني متى ؟
الهام وجهها الوااان : متى
سلطان : باجر
الهام : بلا هبل
سلطان : ليه ما يصير
الهام : لا
سلطان : ليش
الهام : بس
سلطان : هههههههههههه تهبلين لما تعصبين
الهام تدعي ان احد يجي وتفتك
سلطان فتح احد الاجيآس اللي معاه وطلع علبة لعقد المآس خيآآلي كآن فخم بمعنى الكلمه
مد ايده وحرك شعرها على جنب عشآن يلبسهآ العقد
خذآ العقد و حوط ايدينه على رقبتهآ وقرب من اذنها وهمس : يخلف اللـہْ على [ عقل ] ملڪّٺ ڪّل ٺفڪّيرهـہ
الهام خلاص من دخل وهي ما تعرف تتكلم ريحة عطره شي روعه ]~
الهام : تسلم سلطان
سلطان : تستاهلين كل خير حبيبتي
..
رهف دخلت البيت معصبه تتصل على مي الجهاز مغلق شكلها شايله الخط من الجهاز
رهف : عبييييطه هبله خبلله تونا ما رحنآ تشيل الخط ليش
دخلت غرفتها وصكت الباب بقووه
مها سمعة صك الباب : اوووف مزعجه وربي
قامت مها تشوف رهف دقت الباب ودخلت : خيير رهف بالليل وصكة الباب سوت اعصار شسالفتج
رهف : مها بلا هبل ما فيني شي خلاص اطلعي
مها : هي انتي شسالفتج جايه بشرج هذا جزاي جايه اسالج شفيج حريقه تحرقج وانا شكوو مالت > طلعت معصبه
رهف حذفت نفسها ع السرير : ياربي ناااقصتها انا اوووف
..
يوم الخميس الساعه 7 الصبح
مي بسآبع نومه / جا ابوها يقعدها
سالم : مي مي مي يبآ قومي لا نتاخر
مي : امممممم شوي واقووم
سالم : قومي الحييين يلا على ما تتريقين و تلبسين مشووااار خلصي يبآ
مي قامت : ياربي ان شاء الله مو مدرسه مقعديني من 7
..
برب
رهف ما نامت عدل فكآنت زاهبه ع الساعه 8
راحت غرفة مها ولقتها توها قايمه : مهووووو
مها : خير نعم
رهف : بلا عبط وربي كنت معصبه امس ووو
مها : وو شنو براا لو سمحتي
رهف : بطلع وما بتشوفين رقعة وجهي اسبوعين بس بليز لا تزعلين ياختي قدري والله كنت معصبه
مها : خلاص رضينآ .. أي صح ترى اسيل دزت لي مسج تبي عنوان الشاليهات اللي ماجرينها بعد شهر
رهف وقبل ما تكمل مها : خـــــــــــــير شتبي هذي
مها : مدري عنها بس ما اعرف العنوان خلي مي ترسله لها
رهف : وليه ما اخذته منها اصلاا ما تتجرأ تطلبه من مي تدري بتفشلها
مها : هي انتو شفيكم ع البنت شسوت لكم
رهف : عنوان وما احنا راسلين لها و مسج محنا دازين لها وخل تذلف
مها : اووف اووف كل هذا حقد ابي افهم شبينكم
رهف : مو في حب من الله هالبنت من الله ما تنبلع سخيفه
مها : اقوول انا نازله تحت اسلم على ابووي الله يهديكم بس
نزلت مها وقعدت رهف تتحلطم : عنوان الشاليه مالت عليها المغروره السخيفه
..
بيت سالم
مي نازله من ع الدرج : صبآح الخير ع الناس الحلوين
حصه [ ام سعد ] : يآ صبآح الورد
سعد : ايييه ناس رايحه المطار و بيسافرون وناس رايحه الجامعه
مي : هههههههههههه عندي احساس ان هالسفره ما بتتم
..
بغرفة سالم
مريم : تردون بالسلامه يبآ
سالم : تسلمين حلوتي .. ما اوصيج على دراستج
مريم : لا توصي كل شي تمام ان شاء الله
>وهم نازلين تحت
سالم : مرايم
مريم : نعم يبآ
سالم وكانه تراجع : لا خلاص
مريم : شنوو يبآ
سالم : نسيت شكنت بقول ايه التذاكر نسيتهم ع المكتب جيبيهم لي
مريم : اوك
..
هنآك .. مكآن للمغادره محبب للبعض وموحش للبعض الاخر ]~
المطار
..
الساعه 10 ونص الظهر
كآنو قاعدين على طاوله وحده
سالم / مي / راكان / رهف
رهف وهي تهز رجلها بتوتر : بابا متى الرحله
راكان : بعد نص ساعه نقوم نضبط الجوازات ليه مستعجله
رهف : لا مو عن .. مو مستعجله ولا شي
مي : يبــآ
سالم : نعم يبآ
مي : الخطوط ناخذهم من هني ولا
سالم : لا من هنآك
راكان همس لسالم : مو ملاحظ اننا ابتلشنا
سالم : هههههههههههههههه صاج والله
رهف: شالسالفه
راكان : هههههههههههه ولا شي
مي : والله شكلهم ما يبونا
سالم : من يقول اصلا انتو حلات السفره
رهف : بنحاول نصدق
..
بأحد المجمعات وعلى طاولة كوفي ثآني اجتعو نوره و ساره وأمواج
نوره : وربي جننا هالدكتور يبوووووووي يا كثر ما يتفلسف
سآره : الحمد لله اليوم اوف .. خميس واخذ راحتي
أمواج : هههههههه انا طول السنه ماخذتها اوف
نوره : بنآت ترى تحدد عرس الهام
سآره : جد متى
نوره : نص العطله
أمواج : مستعجل الولد
قرروا البنات بعد ما يخلصون ياخذون نوره معاهم ويردون البيت
..
مريم اتصلت على مهآ وقعدوا يسولفون تغير من جو الدراسه
مهآ : ياربي بس بخلص وربي زهقت
مريم : الاحد اول يوم والله يستر وقسم خايفه
مها : مو اكثر مني بس مليت
مريم : الله يعين
..
بالمطار [ قاعة الانتظار ]
رهف : مي
مي : هلا
رهف كانت بتقولها بعد لندن بيروحون امريكآ لرائد بس ما حبت تخرب جوها : هااا
مي : رهف شفيج
رهف : لا كنت بقولج اممممم ليه مسكره جهازج امس
مي : طفى ما فيه شحن تخيلي اول ما فتحته لقيت مسج من اسيل بنت جيرانا تبي عنوان الشاليه
رهف طفرت : انا بعرف من قال لها
مي : اكيد امي خخخخخ
رهف : تدرين دازه لمها مسج تبي العنوان بعد !
مي بتخوف : كــــــــــح ترى خذيته من ابوي وارسلته لها
رهف : لا لا احلفي بس
مي وهي تبتسم : وقسم
رهف:ولااقول خليها تجي وجودها وعدمه واحد مردها بتطفر لي تجاهلناها وتشيل قشها وتنقششع باللي ما يحفظها
مي : لا ابشرج امي عازمتها ويم شاليهنا بعد
رهف : اوووووف
مي التفتت على ابوها وقالت : يبآآ أي تاريخ نرجع !
ابوها : اممممم مدري بس زيدي ع الاسبوعين 4 ايام بعد
مي : جددددددد بنقعد بلندن 4 ايام زياده وه بس
ابوها : لا لا حجوزاتنا بلندن نفس ما هي بس بنمر على رائد نعطيه كم ورقه موصينا عليها خالج و نرجع
مي كأن أحد صاب عليها ماي بارت : هاا
أبوها : شفيج مي !
مي : لا ولا شي بروح اعدل شكلي بالحمام وراده
أبوها : لا تطولين نآدوا اول نداء للرحله
مي ودمعتها بعينها : لا ما بطول
راحت وهي متجهه لدورة المياه ورهف الحقتها
رهف : مي مي لحظه
مي منزله راسها
رهف : مي
مي : ما ابي اشوفه يا رهف
رهف : ما راح يصير شي كلها 4 ايام صدقيني بتعدي لا تضيقين خلقج
مي تنفست بصوت عالي وقالت : قدآآآم
,,
ببيت تركي
دخلو البنات [ نوره و امواج وسآره ] البيت
امواج : انا بصعد اغير ملابسي وانزل
سآره : أوك لا خلصتي آحنآ قاعدين بغرفتي
بغرفة [ سآره ]
نوره : أقوول حبيب ألبي فينوو
سآره ضحكت : مش هنآآ أنا طاردتهم عشآن تآخذين راحتج
نوره : وجع وجع
سآره : ههههههههههههههه أضحك معاج بالجامعه يردون ع الغدى
نوره وهي تقعد ع السرير : اشووه
ساره : شوف البنت
نوره شافت البوم ع السرير فتحته : شكله من بره واااو نشوف محتواه
نوره تصفحت الالبوم بابتسامه ووصلت لاخر صور الالبوم و يدل على صور بنآت كبآر بدى الاختلاف فيهم لما كبروا ببساطه
نوره بداخلها : نفس نفس الصوره اللي شفتها عند وليد وتكلمة موجهه السؤال لساره : ساره اللي مع امواج اختها اللي توفقت
ساره : ايه آلاء الله يرحمها
نوره .. آلاء يا وليد آلاء
..
شرآح يصير بالسفره
نآصر للحين مصر على مريم وموعد الخطبه !
اسيل شسسسآلفتها ؟
تقبلوا تحيآتي
وانتظرو ا البارت القادم اذا الله اراد
دمتم مميزين بمتابعتكم وردودكم
السموحه ع القصــور ]~
البارت 36 ]~
بيت أسيل جيران أم سعد: أسيل عمرها 18 سنه مستواهم المادي ممتاز ورثت من أبوها خير يعيشها حيآتها كلها بدون حاجة لأحد هي وحيدة أمها اللي رفضت
تتزوج بعد وفاة أبو أسيل لتربية بنتهآ رغم أنها كانت صغيره لما توفى زوجها .. أسيل حلوه وهذا ما زادها غرور فآئق عن الواقع مهتمه بالشوبينق أكثر شي و أمها مخليتها على راحتها دلوعه طبيعه مو تصنع أبد والباجي من شخصيتها بتستنتجونه في اللي جآي ]~
..
[ بيت تركي ]
البنات بغرفة ساره .. أمواج دخلت عليهم وقآلت : بنات يلا أبو يناديكم ع الغدى .. ورآحت
سآرة فتحت الباب : يلا نويره
نوره : لا لا فششله الشباب هنآك
سآره تستهبل عليها : لا لا بالله منو اللي مسآع تسأل فينو حبيب ألبي
نوره : أتكلم غير أني أتغدى وهو قبآلي
ساره تسحبها معاها : أحسن مو شرط تاكلين .. رجيم بس أقعدي معانا
نوره : ساره لحظه لحظه
ساره : امشي جنج مو مستحيه لا تحصلين لج استهبال محترم من فيصل ومحمد
تركي : هلا ببناتي .. نوره يبآ شلونج
نوره : تمام بخير عمي
نوره سلمت على ريم [ أم امواج ] وقعدت يم ساره
الموجودين ع الطاوله .. ريم وفاطمه وتركي و ساره ونوره وفيصل وأمواج
نوره أرتاحت حيييل
محمد وهو متوجه لهم : ناديتهم يبآ .. قعد
فهد وعزوز وهم جايين .. كآنو يلعبون بلايستيشن
فهد : أمبيه خسسسر خسسر خسر خسر هههههههههه
عزوز : أقول امش قدآمي لا بشووت الحين
قعدوا
تركي : اقول ليش ما تسلمون
فهد وعزوز باستهبال بدون ما ينتبهون لنوره قالوا مع بعض : السسسلام عليييكم ورحمة الله وبركاته
الكل رد ومتعودين على هبالهم : وعليكم السلام
عزوز وهو يشرب ماي
تالي انتبهوا للصوت الجديد
عزوز شرق : كـــــــــــــح
تركي قام بخوف : عزوز شفيك
فهد يضحك وباستهبال : خلك يالغالي دواه عندي . وعطاه كوع محترم
عزوز وهو يقصر صوته : فهيد وجع عورتني
فهد بنفس مستوى الصوت : اسكت الله يفضحك
ساره : نوره سمي واكلي
محمد وفيصل استلاااام ما يتوصون بهالسوالف
فيصل : اخاف مسويه رجيم
محمد : غيره نوره غيره حركات البنات حافظينها رجيم ومن ورانا .. وغمز لها
نوره اللي ودها تذبح ساره على لقافتها و ما سكتت لهم : لا ماما شكلي عاجبني ما احتاج رجيم
فيصل : لا لا واضح واضح مو جنج متنانه 5 كيلو عن المره اللي فاتت
محمد : الله واكبر عليك يا فيصل الله واكبر تلعب بالارقام اتذكر انهم كانوا عشره ولا ! .. وغمز لها
نوره اعلنت الحرب : كلكم فاشلين بالرياضيات لا 20
تركي مستانس على مناقرهم بس يمكن احرجوا البنت : خلاص عاد اكلو وانتو ساكتين
عزوز لما تكلمت نوره وقف اكل وحط ايده على خده
فيصل متعمد : هوووو عزوووز خلص الفلم كمل غداك وانا اخوك
فهد : ماعليك منه شبع توه آآآه < لان عزوز داس على رجله
عزوز : يقصد تونا ماكلين
..
بيت أبو سعد :
مريم بغرفتهآآ ودق عليها الباب دقه مميزه : ادخل سعوود
سعد : مرحبآآ
مريم بآبتسامه : مرآحب
سعد : أقول ما ودج نطلع نتعشى برآ بمآ ان امي طالعه وابوي ومي مسآفرين
مريم : تو الناس ع العشى وبيني وبينك مالي خلق
سعد : أفآآآ .. تكسرين بخاطري قلت اطلعج بمنآسبة اني عطلت وابغير جوج قبل تبدين
مريم ما حبت ترده : خلاص اوكي متى نطلع
سعد : انا جاهز .. لي خلصتي أنا تحت [ وطلع ]
مريم .. قآمت لبست تنوره طويله لونها بني كلها كسرآت وقميص ابيض وفوقه جآكيت علاق باللون البني بنفس درجت التنوره .. لبست ملفعها وخذت شنطتها ونزلت تحت عند سعد وطلعوآ ]~
..
بيت أم اسيل
أم أسيل : ماما أسيل خذيتي عنوان الشاليه
أسل : خذيته من مي بس يمآ ليتج رفضتي الروحه مالي خلق
أم أسيل : صدقيني بتستانسين معاهم
أسيل : نشووف
..
السآعه 8 بالليل نوره اتصلت على وليد يا خذها ]~
أمواج : تو النآس
نوره : تآخر الوقت وانا فيني نوووم
ساره : عجوز
نوره : ايه شعليج ساحبتها نوم ما قعدتي من الصبح مثلي
ساره : ههههههههههههه صكيني عين بعد
..
عند مريم وسعد قعدوا بكآفيه ع البحر
سعد : مريم
مريم مستمتعه بالهوآ مع ان الجو بآرد : هلا
سعد : آآآآممم .. شوفي بكل صراحه من حبي لج ما ودي تنصدمين بشي
مريم بخوف : خير سعد في شي
سعد : ناصر بيملج عليج بعد النتيجه وابوي عنده خبر وهو موافق
مريم بضيق : وانا مالي راي
سعد بأقناع : مريم لج الراي كله بس تعرفين ابوي وعمي كلمتهم وحده ووو
مريم قالت بعصبيه : وو شنو كلمتهم وحده مو علي وعلى مستقبلي وحيآتي سعد افهمني انا وحده ما خلصت دراستي للحين و اللي يقهر بزياده انهم ما اخذو رايي ولا عرفت بالموضوع الا منك ترى بجد المساله بدت توترني و خل عمي يدلع ناصر بعيد عني
سعد : مريم تكلمي بهدوء .. انتي اللي رافضته ناصر ولا موعد الملجه
مريم بغصه : الاثنين
سعد : أجل الله يعينج .. لو متقبله طرف ع الاقل كان بيدي ااجل الخطبه وبالسياسه لما تخلصين الدراسه بس صدقيني بهالعناد عمي وابوي بيسون اللي براسهم
..
بيت تركي
أمواج لبست ملفعها و وصلت نوره للباب
أمواج : لا تقاطعين
نوره : ان شاء الله
أمواج : سلمييي
نوره : يوصل .. مع السلامه
أمواج : مع السلامه .. ودخلت داخل
..
وليد كان ينطر بسيارته شآآف آلاء . هي هي شفيك يا وليد البنت ماتت استغفر ربك . كل هالناس صارت انتي يا غلاهم = ( .. تم وليد سرحآن وما حس بوجود نوره .
نوره : تشابههآ مو
وليد التفت وتكلم بتخوف : منو
نوره : البنت تشبه آلاء مو
وليد يدري ان آلاء عندها توأم بس ما تخيلها تشبهها بهالدرجه رد راسه ع الكرسي بقوه : هي هي هي يا نوره نفسسسها ما تغيرت هي ما تغيرت هي .. وقعد يردد كلمات مو مفهومه
نوره خافت عليه : وليد .. اذكر ربك آلاء الله يرحمها
نوره نزلت و فتحت بابه وقالت له : أنا بسوق انزل انت
وليد تنهد بحزن : ما في داعي
نوره بأصرار : والله انا اللي بسوق انزل
نزل وليد وقعد مكان نوره ]~
..
ببيت تركي .. أتصل رآئد ع البيت ردت أمواج
رآئد بمرح : سلام يآ حلوييين
أمواج : نعم منو معاي
رائد استغرب الصوت بس كمل : شخص صآر غريب تهي نسيتوني
أمواج ياليل المجنن : يآ اخي من تبي
رآئد يستهبل عرف انها أمواج وبطريقة طفوليه : أبي بيتنا
أمواج : يا إلااااااااهي .. ماما مضيع
رآئد بيهبل فيها : والله ووالله يا خاله مو مضيع
أمواج أرتفع ضغطها خاله بعينك : ما هقيت البيت اللي اعيش فيه في طفل مغترب .. قبل لا تكمل تذكرت رائد وحذفت السماعه على عزوز
عزوز : أمواجو شفيج
أمواج : امبيه فشله رد عليه
رد عزوز : يا نعم
رائد : نعاااامه ترفسك بلى .. قول آمر عمي
عزوز عرف الصوت : يا هلا ويا غلا ويا مرحبآ بالطفل التائه رائد
رائد : ههههههههههههه هلا فيك
و بعد ما كلم الكل سكره
عزوز : أمواج رائد يقول سلمو على خالتي امواج وقول لها لا تزعل ههههههههههههه
أمواج : يبآ شوفهم .. من كبري ينآديني خاله
تركي : هههههههه بتعودين على رائد وقطاته لما يرجع
..
بيت سعآد
نوره وصلت وليد فراشه وقعدت تبي تكلمه
نوره : وليد
وليد بتعب : نعم
نوره بتردد : الصور اللي سببت المشكله بالمره الاولى ما ودي تسبب مشاكل بعد ممكن أحرقهم أو أحتفظ فيهم
وليد بعصبيه : بهالسهوله تقولين احرقهم
نوره : مو من حقك تحتفظ فيهم وليد انت مو جاهل
وليد : بلى تافه وجاهل و ما عندي عقل وربي يا نوره
كاني حذرتج ان قربتي من الصور او تعبثتي بأغراضي لا تلومين الا نفسج والحين برآآآ خليني بروحي
نوره طلعت وهي معصبه : يصير خير .. سكرت الباب بقوه
وش حيلتي لأشتقت له وهو عند ربيه ! ]~
..
الاول : آخبارهم
الثاني بتردد : بصراحه مآ ادري لهينا بالسفر والعمليه الاخيره
الاول بعصبيه وعطى الثاني كف : أغبيييييآء ما يتكل عليكم بشي
..
عن سعد ومريم ]~
مريم : سعد مليت من القعده خلنا ننزل صوب البحر
سعد : مشينآآآ
وهم يمشوون لقووآ نآصر
مريم . يآخذ الساعه اللي طلعت فيها
سعد سلم على ناصر : شمطلعك كم يوم وتبدي امتحاناتك
نآصر متعمد يتجاهل مريم لغرض في نفسه : تتشمت انت ووجهك قلنآ نغير جو
تكلمت مريم وقآلت : نآصر ممكن تبعد عني !
شبتكون ردت فعل ناصر !؟
وليد لي وين بيوصل !؟
أسيل !؟
الاول & الثاني : ؟؟
أبي تفاعل عشان اتحمس معاكم للبارت اللي بعده :$~
دمتم بخير = )
البآرت 37]~
نآصر متعمد يتجاهل مريم لغرض في نفسه : تتشمت انت ووجهك قلنآ نغير جو
تكلمت مريم وقآلت : نآصر ممكن تبعد عني !
سعد طآلعها بدهشه ما توقع مريم بتتكلم بهالموضوع وبعصبيه : مريــــــم
مريم بهدوء : آمر
نآصر تدخل : مـــآ عليه سعد خلها تاخذ راحتها تعودنا على كلامها اللي يغث .. عن اذنكم .. ومشـــى
سعد مآفتح الموضوع مع مريم .. لان شافها هاديه بقووه وكأن ولا همها اللي سوته رآحو تعشوووآ ومريم هاديه ظآهريآ لكن من داخل تغلي
..
[ يوم السسبت ]
بيت تركي .. الكل قاعد بالصاله
فيصل ومحمد نآزلين من الدرج
محمد يتكلم بالتليفون : بالله عطني هالخبل اللي يمك بكلمه .. ايه توه يتكلم .. استغفر الله خلاص يدبر واحد غيره وبالطقاق [ سكر السماعه وهو معصب ]
فيصل : محمد خلاص عاد ما صار شي
تركي وقفهم بصوته : على وين
محمد : عندنا مبآرة ليه ممنوع
فهد : محمد عدل اسلوبك
تركي : خله كبر راسه
محمد وهو متوجه لابوه ويبوس راسه وبكل أسف : آسف يبآآ وربي كنت معصب شوي
تركي : ما علينا وين بتكون
فيصل : الأحمدي
عبد العزيز : هي انت وياه شموديكم هنآك قلت الملاعب بالمنطقه
أمواج تكلمت : خلاص لا تكبرون الموضوع واحد منكم يوصلهم
فيصل : و أنتي شكووووو .. السايق بيوصلنا [ طلعوا ولا ردوا على أحد ]
فآطمه [ ام فهد ] : تركي تكفى شوف لك صرفه معاهم ما يسمعون كلام احد
تركي : يصير خير
..
بيت أبو سلطان وتحديدآ بالصاله
منآل : سآمي سسآمي
سامي وهو حاط رجوله ع الطاوله اللي
قدامه : نعم خير الواحد ما يقدر يتابع بهدوء
منآل : شنو امتحانك بآجر
سآمي بدون اهتمام : مدري
منآل : شنو ما تدري يا امي آخر امتحانات هالفتره ادرس بضمير عشآن تنجح
سآمي : مالج شغل اكرمينآ بسكوتج بس
دخل عليهم أبو سلطان [ عبد الله ] : السسلام عليكم
ردوآ : وعليكم السلام
عبد الله : ها سآمي شنو امتحانك باجر
سآمي توهق وألف أي شي : إسلاميه
عبد الله بعصبيه : جذآآآب عليك كيميآ باجر قم فز روح جيب كتبك المدرس ينتظرك بالديوانيه
سآمي أخترع من اسلوب ابوه : أي بس يبآآ فآهم ماله داعي مدرس
عبد الله : سمعت شقلت ولا اعيد
سآمي رآح وهو يتحلطم ومنآل ميته ضحك و هي حآبه اسلوب ابوها بالتعامل معاهم وخصوصا بالدراسه ما يتفاهم ]~
..
عند محمد وفيصل بنص الشوط الثاني
فيصل : آآآآآآآآآآآآآآآآآآآآآآآآآآ
محمد وهو يلتفت لمصدر الصوت ركض لفيصل : فيصل شفيك
فيصل وهو بيشوت الكوره شآت الارض بدآلها
محمد و الشباب سآعدوه يقوم لما وصلوه السيآره
محمد : سيد روح الرآزي .. والتفت لفيصل اللي ضاغط على ايده .. سلامتك يا غالي
فيصل وهو ساند راسه رجل فيصل وماد رجوله : يسلمك ربي .. محمد تكفى ماله داعي مستشفيات وحوسه بالبيت الفها وخلصنا
محمد : على كيفك هو نشوف الطبيب شيقول ]~
..
مدينة الضبآب [ لندن ]
تحديدآ بالفندق
رهف : يلا آحنآ جاين نطلع مو نقعد
سالم : أرتآحوا امس وآصلين
مي : كفآيه امس كله نوم
رآكان : خلاص شرآيكم بحديقة الهايد بآرك
رهف : مآ في مشكل بآبا راكان
مي : هههههههههههههه اهم شي ما في مشكل
..
بغرفة مهآ
سليمان : يآ مجتهد ما اقدر انا
مها : يا نعم
سليمان : لا يحوووشك الضغط متعدي حده
مها : عندك شي تقوله ولا برآآ
سليمان : هههههههههههههههه ياحرام شعليج باجر
مها وتنتظره يطلع : فلسفه
سليمان : امي تقولج انزلي تعشي
مها : مو مشتهيه
سليمان وهو يقومها : قومي الله يستر عليج بس .. وهو يكلم نفسه هذا اول امتحان الباجي شبتسوي
..
بيت تركي [ السآعه 9 ]
دخل محمد واهو ساند فيصل عليه
تركي قآم : شفيـــــــــه
محمد وفيصل قعدوآ .
أمواج تكلمت : فيصل حبيبي شفيك !
فيصل ما رد عليها
تركي بجديه وهو خلاص تصرفاتهم ما قامت تعجبه بالمره : أختك لما تكلمك ترد عليها فاهمني و التفت لمحمد : جبس صح
محمد : ايه
تركي : وجع أي توجعك انت وياه كم مره قلت لكم انتبهوا وانتو تلعبون
فاطمه : تركي هدي خلاص قدر الله وما شاء فعل
جآ فيصل بيقوم و تركي رد قعده غصبن عليه : غرفتك انت وهالاثول اللي معاك تحت من اليوم سامعني
ما حد رد
تركي : سامعين ولا لا
ردوا عليه : ان شاء الله
تركي راح وهو معصب
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك