رواية ليه الصدف تجمعنا -17
البــــــــــــارت 29
(بيت العنود))
العنود:يمى ترى اليوم بعزم البنات زيييييين
أم راكان:حياهم الله بس متى
العنود:الليله
أم راكان:خلاص علمي الخدم يسون حلويات وكم كيك عشان اابنات
العنود وهي تمشي للمطبخ:طيب
أم راكان:ترى طلال بيجي اليوم غيروا رايهم وبيجون اليوم
العنود من المطبخ:الله يوصلهم بالسلامه
((بيت راشد))
علياء:يووووهـ الزفته ذي وينها أوووووووووف
غلا:ياختي نايمه أفهمي
علياء:الحمد لله والشكر في أحد ينام الساعه5 العصر ما أقووول ألا يخلف ربي
غلا:ليييييييييه الناس زيك تنام تقوم مثل ماتبي حشى جنيه مو علياء
علياء:هههههههههههههههههههه حلوه جنيه
غلا:أدري كفايه مني
علياء:أقوووووووووووول حرم بندر اكرميني بسكوتك ياغبيه
غلا:ووووووووهـ فديته ياعلياء ماتتصورين كيف حبو.....
شموخ تدخل هي وأبوها اللي كانوا عند المدخل وسمعوا كلام غلا
شموخ وهي تضحك:وهـ فديته ياعلياء ماتتصورين كيف حبوب هههههههههههههههههه قويييييييييييييييه وصارت تتغزل فيه
عبد العزيز اللي ضحكه على كلام بنته وهي تقلد غلا:هههههههههههههه
غلا وجهها قلب لأن عمها فيه:ياااااااااااااااااااااي ياسمجك <وهمست>بعدين حرام عليك لاتفشليني عند عمي
<<تن تن لديك رساله جديده>>
غلا رفعت جوالها وتوردت خدودها البيضه الصافيه ونزلت راسها وتناثر شعرها ورفعته بيدها وجمعته لأنه طوييييل تحت خصرها ومدرج ونزلت الجوال وسكتت
علياء وهي مستلمه غلا بالتعليق:حبيبتي مساء الخير ومساء الحب والطيبه مساء مايليق ألا بغلايا <وهي تحرك أيدينها بمعنى حكي فاضي> وطبعا ماتخلا الرساله من القصايد السااااااااااامجه
الكل:ههههههههههههههههههههههه
غلا شوي وتبكي من الأحراج وهمست:حراااااااااااام عليك مو عند عمي
وكل شوي تجي رساله على جوال غلا والكل مستلمها تعليق
شموخ وهي تتدلع:حياتي وش فيك ماتردي
علياء:سلاااااااااامات ياغالي بس الأهل هووووووووون ...<وهي تضحك> ترى تقول هووون لزوم الدلع
الكل:هههههههههههههههههههههههههه
<تن تن لديك رساله جديده>
علياء:يالبى الدلع والله ...يناس متى يجي يوم الزواج الله لا يعوق بشر
شموخ:ههههههههههههههههههه تكفى لا تجيب الطاري استحي
<تن تن لديك رساله جديده>
عبد العزيز وقف ومشى للباب وهو ميت ضحك على تعليقات البنات وهو يمشي بسرعه لبرى:يلااااااااا سلآلآلآلآلآلآلآلآم
اخر رساله اللي من جد عصبت عليها غلا ونوت تقفل الجوال بس لما فتحتها ماااااااااااااااااتت ضحك وسمعت ضحك عبد العزيز وهو يفتح الباب حق المدخل:ههههههههههههههههههههههه
علياء وشموخ أشتغل عندهم هرمون اللقافه
علياء:تتوقعين وش مكتووووب؟؟
شموخ:وش اللي خلا أبوي يضحك؟؟
علياء:يااااااااااااااااااوهـ وش مكتوب؟؟
غلا:بنات تبوني أريحكم؟
علياء:ياليت والله ياحبيبتي فديييييييتك انا؟؟
شموخ:يالبى قلبك فديتك أنا ياروحي يالا يا قلبووو؟؟
غلا:أول شيء قولوا توبه نعلق عليك
علياء وشموخ مع بعض:توبه
غلا:اول شيء الرساله من عمي عزوز
شموخ واللقافه واصله حدها:أيوه وش مكتووووب؟؟
علياء:اخلصي علي <وهي تأشر على شموخ>أقول برج الفيصليه أكرميني بسكوتك
شموخ خزتها :وليه أن شاء الله برج الفيصليه؟؟
علياء:من طووووووووووووولك
شموخ تخرعت:قولي مشاء الله
غلا:خلاص ماتبون أقولكم وش بالرساله؟؟
علياء واللقافه داعسه180:أيوهـ ؟؟
غلا:مكتوب قفلي جوالك وارتاحي وبس
علياء وهي تكش عليها:كشششششششش عليك وعامله فيها شيء كبييييييير ومدري أيش؟؟
شموخ:وصادقه علياء ربي لا يبلانا اللحين صاجتنا ورساله ومدري أيش وأخر شيء ....ما أقول الا الحمد لله والشكر
غلا ببرود وقفت:هههههههههههههه اهم شيء انا مستانسه فيه
جلسوا شوي ساكتين وفتحت علياء الاب توب حقها ودخلت المسن لقت ثلاثه شابكين أستغربت مين الثالث شمس وعارفتها والعنود وعرفتها بس مين الثالث اللي توبكه<ياهيه ..مثلي أنا مايقولون له هيه ..مدري متى تتعلمون الذرابه> التوبك باين ذوق واللي مختاره ذوق بس من معقوله في أحد يدخل أيميلها حطت على الأسم وعرفته وشهقت بسرعه
علياء:هيييييييييييييه يا فشلتي نسيت اعطي راكان ديليت وش ذا الفشله لا وداخل بعد
شموخ فز قلبها من طاريه ماتدري ليه:ووووش راكان عندك؟؟بسرعه عطيه بلوك ودليت والله لو يشوفك وش يقول
عطته على طول ديليت وبلوك وأرتاحت
علياء:يووووووووهـ ذي الهبله موجوده خلينا نشوفها
مالي خلق أحط توبك وأكشخ فيه"علياء":سلآلآلآلآلآلآلآلآلآلآلآلآم
ذبحني الشوق لك ياذوق"العنود":هلا والله كيفك؟؟
مالي خلق أحط توبك وأكشخ فيه:وش ذا التوبك ...من هو اللي مشتاقه له هاااااااااااااااااااااااااهـ لا يكون راشد...لا لا لا ترى أخوي مو راعي ذي الحوكات أعذريه
ذبحني الشوق لك ياذوق:حبه حبه
مالي خلق أحط توبك وأكشخ فيه:تزيد المحبه خخخخخخخخخخخخ
ذبحني الشوق لك ياذوق:لا حياتي بس التوبك لطلال بعد قلبي .....اللي هو حبيبك هههههههههههههههه
مالي خلق أحط توبك و أكشخ فيه اللي حدها مشتاقه له:يوووووهـ لبى قلبه هو واللي معه
ذبحني الشوق لك ياذوق:من اللي معه؟؟راااشد
مالي خلق أحط توبك وأكشخ فيه:يووووهـ تقوله وهي مستحيه هههههههههههه
ذبحني الشوق لك ياذوق:ههههههههههههه لا ياحياتي والأخت تسمعني ولا تشوف ويش أكتب
مالي خلق أحط توبك وأكشخ فيه:طيب وكيفك؟؟
ذبحني الشوق لك ياذوق:هههههههههههه تو الناس بدري ههههههههههه.......أيه صح أعزمكم اليوم تجون بدري زين
مالي خلق أحط توبك وأكشخ فيه:لحظه ومن عطاك الموافقه خيتو؟؟اول شيء خليني أوافق بعدين قولي تعالوا بدري
((بيت الكايد))
شمس:بناااااااااااااااااااااااااااااااات ترى العنود تعزمنا
نور:قولي لعمتي
جود:أنا بروح أقولها
مشت جود وصادفت في طريقها بدر
جود مسكت يده:قلت لأمي؟؟
بدر وهو مبتسم:ايه قلت لها وفرحت وقالت نشوف الوقت المناسب
جود:قابلني أذا .......
بدر:تكفين أسكتي ننتظر ونشوف ...البنات ويييييييين؟؟
جود وهي متضايقه:في الصاله وأنا طالعه لأمي باي
بدر:باي
دخل بدر على البنات
بدر وهو يجلس قبال نور:سللآلآلآلآلآلآم
البنات:سلآلآم
بدر:كيفكم بنات؟؟
نور:بخير
بدر ناظر بشمس اللي مندمجه بالاب توب وماردت:وش فيك لاتدخلي في الشاشه شوي شوي
شمس ناظرته بحقد:هيهيهيهي تكفى بموت ضحك
بدر ناظرها بستهزاء:لا احلفي تكفين تكفين أضحكي طالبك طلبه<غير ملامحه للجد> شمس ولاأخر مره أعلمك تكلمي باحترام فاهمه؟؟
شمس وهي ماتناظره:فاهمه
بدر ناظر في شمس وفي لبسها
"بدر"حلوه بتظلي في عيوني حلوه ياشمس ولو يابنت العم مالنا غنى
كانت لابسه شورت فضفاض فوق الركبه كاروهات أحمر وأخضر وتي شيرت زيتي رجالي غامق وسلاسل واحد حرف sكبير والثاني حرفaبس أطول من الحرف s وشعرها من قدام رافعته سباكي خفيف ومن ورى رابطته وكانت عاقده حواجبها وعيونها الزيتيه مشغوله باللي معها على الاب توب اللي بحضنها وهي متربعه على الكنبه كان شكلها بقمة العربجه عضة على شفايفها يقهر من اللي تقراه وطلع من شفتها دم من قوة عضتها دورت المنديل بعيونها بسرعه شافته عند بدر ماتبي تطلب منه شيء لو وشو هذا مايستاهل حتى نظره بالنسبه لها وقفت بسرعه وهي تمشي بجهة بدر
"نور"شفت شمس تمشي بسرعه لجهة بدر اللي قبالي وجاء على بالي استهبل عليها وأنا أمد رجلي عشان تطيح وياليتني مامديتها
طراااااااااااااااااااااخ وبقوه بعد وأندفعت بحضنه الدافي اللي كرهته ولا صارت تحب ريحة عطره سندت نفسها على كتفه وناظرت بعيونه مباشره وهي تنفس بسرعه مو هذا اللي تبيه مو هذا اللي كانت تمناه أبد تكرهه وتكره كل شيء فيه
عيونه الوساع والحاده اللي فيها حور خفيف لونها عسلي فاتح مايل على الذهبي وهذا مميزه وتكره خشمه الطويل الحاد وتكره تكره حنكه الحاد اللي مثل حنك فهد تكره شفايفه الصغار اللي لما ناظر بوجهها عضة شفته التحتيه تكره عرض كتوفه اللي معطيه رجوله ومنظر قوي بعدت عيونها وهي تاقف وسحبت السير عن شعرها القصير ورجعت لمته حركتها عشان تبعد التوتر أخذت نفس وأخذت المنديل ورجعت مكانها وهي متنرفزه من نور ومالها خلق تهزءا للحين لأنها مشغوله مع اللي في الاب توب
"بدر"آآآآآآآه ويل حالك يابدر دخيلك يابدر ذي العيون دخيلك ذي العيون الوساع ماتحبها ...والله واللي خلق عيونها أعشقها وأعشق كل رمش فيها .....آآآهـ يابدر ذي العيون الناسه تعرف تكره ؟؟والله ما اظن وش اللي غير حالها وأحوالها وخلاها تصير كذا ...حظك يابدر حظك اللي غير أحوالها اللهم لا أعتراض .. .....شفايفها تنزف دم وأنا قلبي ينزف دم من اللي يداوي الثاني ..يدي تحكني ودي أمسك المنديل وأمسحه بس مامن نصيب
وقفت وطلعت المطبخ الداخلي اللي فيه طاولات وكراسي وجلست أبعد عن هواها جلست أبعد عن عيونها اللي من كثر ماتكرهني بصير أكره نفسي وش ذا الحظ
"شمس"يااربي وش ذا أبد م وقت مزح نور هي وجهها يعنني بضحك خلت الجو هدووووء وعيوننا متعلقه في بعض تقل أول مره نشوف بعض أوووووووووووووووووف بس دواك عندي يابدر
جود:سلآلآلآلآم
شمس اللي كانت متضايقه وتنتظر أي احد يتكلم تفش خلقها فيه حتى لو الخدامه:كلي تبن أنتي وينك من اليوم ماصارت تقولين لامك حشى لو أنك رايحه الصين كان جيتي بدري موتأخرين كل ذا أووووووووووف
جود ناظرتها وماردت عليها هذي شمس لاعصبت وهم بس يطنشون:امي تقول روحوا عادي أصلن في حريم بيجون يسهرون عندها من خالاتي
نور اللي كانت قمه ف الخوف لو مسكتها شمس بتروح فيها لأن وبكل بساطه تكره بدر وهو ميت بالنسبه لها:اهاااااااا طيب خلاص أنا بطلع أكشخ
جود اللي كانت كاشخه من يوم قامت وقفت وشغلت المسجل اللي جنب التيلفزيون:وااااااااااااااااااااااااااو عاشوا
دواك عندي والاظلم دايم البادي والله من لوريك شيء مابعد شفته
ماهو بصالحك يوم تجرب عنادي والله من ريق ماينشاف ونشفته
شمس بصراخ من صوت المسجل:جوووووووووووووووووود اطلعي أنا مشغوله
جود وهي ترقص وتهز راسها بمعنى لا لفت لأنها عارفه شنو مصيرها
مصيرها كالعاده شوز شمس السبورت اللي عليها
شمس بعد مارمته عليها:اطلللللللللللللللللللعي
جود:لاااااااااااااااااااا
شمس وقفت وأخذ الشوز ولبسته وأخذت الاب توب وطلعت دور لها كان فاضي دخلت المطبخ الداخلي وشافت بدر
شمس وهي تضرب الأرض برجلها والاب توب بيدها:أووووووووووووف حتى أنت هنا
بدر ناظر فيها ورفع بيالة الشاي اللي بيده:ثواني أخلص الشاي وبطلع للمركز
جلست شمس وهي مندمجه مع الاب توب ومطنشه بدر على الاخر كأنه مو موجود
بدر:شمس
شمس وهي ماتناظره:نعم
بدر:بخطب !وكلمت أمي ؟
شمس ناظرت فيه بفرحه:والله وأخيرا ياخي مابغيت فكنا وتهوينا
بدر مثل الرد اللي توقعه تماما بتفرح له:اهاااااااا يعني انتي فرحانه
شمس:أكييييييييييييييد ياخي زين أنك تحركت
بدر:طيب ممكن سؤال؟؟
شمس ترجع لورى وتسند ضهرها وتناظر ببدر:قووول؟
بدر:لو انخطبتي بتوافقين ولا لا؟؟
شمس:على حسب الشخص..ولا تدري شلون لا ماراح أتزوج؟؟
"بدر"بتجنني البنت ذي برودها بس صراحه حطمتني بقوووووووووهـ
أذكر قد قريت قصيده
سألته: .. من اللي عآيش { بكونـك
من اللي تـحـبه ويـحـبك من اللي تسهـرهـ ليلـه
بـ(غ)ـيته يقول لي إنتـ
بـ(غ)ـيته يقول : مجنونـك
ولكن قـال : مابه حـدّ .. علـى نيآتـه يـحـليلـه
ضـحـكت وضـحـكتي تعسه.. وقلت : { ياحظها ظنونك} !!
وقال لي لا دخيلك لا ... مابي هـمـ (ن) أشيلـه
قلت له شوف من حـولك بـ ( تلقى ) من يـحـبونك
تلفت .. قال مابه حـدّ .. وأنا اللي قاعد أشكي لـه !]
بدر:طيب ليه؟؟
شمس:ياخي أرحمني مالي خلق هم عيال ورجال ودنيا ووووووووووووع لا لا أن شاء الله
بدر:طيب ما سالتي من بخطب؟؟
شمس:مين؟؟
((بيت راشد))
علياء:بنات يلا العشاء اخلصوا ماصارت ماخليتوا أحد ماحشيتوا فيه
غلا وهي تقوم:أي والله أستغفر الله وأتوب أليه
شموخ:أستغفر الله وأتوب أليه
علياء:أيه أستغفرتن عقب ماحشيتوا بخلق الله هههههههه الحمد لله ما أحش بحد
غلا وهي تمشي وخز علياء:ورناد بنت الجيران اللي ماخليتي عيييب ماطلعتيه فيها ..عوافي حبيبتي دااااااااااايم الدوم تحشين
جلسوا على العشاء وبدوا سوالف وضحك ووناسه كالعاده
((بيت العنود))
الكل على العشاء وهدوء
العنود وكأنها تذكرت: صحيح..راكان ؟؟
راكان:سمي
العنود:سم الله عدوك بس اليوم البنات بيجون فأذا بتدخل البيت بدري أدخل من الباب اللي ورى طيب؟
راكان:ان شاء الله.....بس من بيجيك؟؟
العنود:مو كثير بنات الجاسر والكايد وبس كلهم سته
راكان:أهاااااااااااااا..حتى انا بيجوني رجاجيل بجلسهم بالدوانيه اللي برى
العنود وهي تضحك:هههههه زين سويت خير ...عشان اليوم السهره عامره مسجل وصراخ ودنيا ترى تسوي فينا خير
أم راكان:هههههههههههههههه صادقه بنيتي خبرك بنات لازم وناسه وجمعه لا تواخذهم لا سمعت صراخ زين؟
راكان:ههههههه أن شاء الله يا أم راكان من عيوني كم منيره عندي؟؟
العنود وهي تناظر أمها:أخووووووووص منيره أستحت من حكيك عشانك تقول أسمها من غير يمى تذكر أيام الشباب
أم راكان:لا والله وش قالوا لك عجوووز هاااه ترى عمري 45 مو شي ؟؟
العنود وهي تمزح:أي والله مو شيء صغييييييييييييييرهـ حيل الوالده..اللي عنده ولد بـ25 والثاني23 والبنت اللي هي انا20
راكان:أي والله يمى مسطرتنا ورى بعض كأنك مو مصدقه على الله هههههههههههه
أم راكان:والله المرحوم هو اللي شب علي ولا انا وش ابي بوجع الراس
الكل:الله يرحمه
راكان:أجل شب عليك يالوالده هاااااااااااااااااهـ وانتي تطيعين
العنود بضحك:أسكت ياراكان لا تزيد المواجع على منيره
منيره اللي تنرفزت من تعليقهم:أقووووووووووووول طايحتن من عيونكم وأنا مدري تقولون منيره بدون يمى لا والله شكلكم تبون تربيه من جديد
العنود:لا وش ذا ؟؟محشومه يالوالده ولو عزيزه وغاليه وهذا خشمك أبوسه
<وهي تقوم تبوس خشم أمها>
راكان اللي رفس العنود على الخفيف:يقولون وهذا راسك أبوسه مو خشمك <وهو يلتفت لامه>محشومه يالوالده على عيني وراسي والله<وهو يخز العنود بضحك> وهذا راسك أبوسه<قام وباس راس أمه>
العنود وقفت:الحمد لله سفره دايمه ..بروح البس البنات على وصول
راكان:حتى أنا بروح البس الرجاجيل على وصول
أم راكان اللي رفعت عيونها ويدينها وهي تتلذذ بالدعاء للرب:يارب توفقكم وأشوف عيالكم أن شاء الله ويسر دربك يارب
((بيت راشد))
علياء طلعت من غرفتها وبدلت ملابسها:يلااا بنات أنا خالصه نروووح
شموخ:لا أسمعي بنمر بيت جود ناخذ البنات معنا ونروح سوا
علياء:خلاص طيب خلي الهبله حرم بندر تخلص
شموخ وهي تتدلع:حرم بندر تلكمه على الجوال بغرفتها ومقفله عليها
علياء:احلفي عاد؟؟
شموخ:والله!!
علياء:لا يبيلها مقلب
شموخ:وشو....؟
((بيت الكايد))
شمس:طيب يوم أنك ما أخترت ليه تسأل تقول ما سالتي من بخطب؟؟
بدر وهو مبتسم:بس استهبل عليك؟؟
شمس:طيب وهي بيالة الشاي خلصت تقوم ولا اقوم؟؟
بدر:لا بقوم وحتى انتي لأنهم حطوا العشاء
شمس:مو مشتهيه مابي عشاء
بدر وهو يطلع برى:طيب خلاص انا طالع<وطلع>
شمس رجعت ناظرت بالاب توب
مرهـ كنت أفكر..طيب أنا أفكر انتوا وش تدورون"شمس":أيوه راح كملي؟؟
دع العقل وتمتع بالدلاخه"أمل":أيوه وش أكمل مسك يدي وأنا هاوشته
مرهـ كنت أفكر..طيب انا أفكر أنتوا وش تدورون:الحقير تدرين لما قلتي لي مسك يدي عضيت على شفتي من القهر وطلع دم
دع العقل وتمتع بالدلاخه:هههههههههههههه القهر وعمايله..بعدين وش ذا التوبك ..عامله فيها زاحفه وطعسه على فكره ترى ماعندك ماعند جدتي الله يرحمها
مرهـ كنت افكر..طيب أنا أفكر أنتوا وش تدورون..وهي عارفه أذا قالت لها بتنقهر وحبت تقهرها:أقوووووول يلا سلآلآم معزومه عند العنود برووح
دع العقل وتمتع بالدلاخه:يالحيوانات مجتمعين وأنا حرام عليكم وش ذا الخيانه
مرهـ كنت افكر...طيب انا أفكر أنتوا وش تدورون:أيه مو أنا ماعندي ماعند جدتي ...خلاص كل يوم بنجتمع هههههههههههه يلا باي
وسكرت وراحت تلبس بس مرت المرايه الكبيره وناظرت لبسها
شمس:وش فيه لبسي وش حلاتي بروح كذا عادي
كانت لابسه الشورت الكاروهات الاخضر بأحمر والتي شيرت الرجالي الزيتي وراحت برى في الحديقه تنتظر شموخ اللي قالت أنها بتمرهم
طلعت جود بلبسها الشورت الزيتي وتي شرت برتقالي سبورت ورافعه شعرها ذيل حصان
ووراها نور اللي لابسه برمودا جينز أزرق وتي شيرت بينك عادي وفاتحه شعرها اللي قاصته فراوله وحاطه شرايط رافعه شعرها من قدام شكلها كان حلو
<<بيب بيب بيب>>
شمس وهي تسكر العبايه والطرحه طبعا على الكتف:يلا هذي هي
مشت نور وجود اللي تلثموا وحطوا فوقه غطى خفيف وركبوا رنج ذهبي حق راشد لأنه هو رايح مع ربعه بسيارتهم وخلى سيارته
البنات:سلآلآلآلآلآلآلآلآم
الكل:سلآلآلآلآلآم
شموخ:هاااااااااااااااااااهـ نمشي
شمس:يلاااا نمشي
((في بيت العنود))
<<تن تن تن>>
العنود وهي تركض ببنطلونها الجينز السكيني وتي شيرت أبيض مكتوب عليه بالأخضر الفسفوري وجزمه<وأنتوا بكرامه>فلات فسفوري
فتحت الباب ودخلوا البنات و سلموا على بعض<<أهم شيء
فتحوا البنات عباياتهم وعلقوهم بالكبت اللي عند المدخل حق العبايات ودخلوا الصاله
مشت شموخ بهدوء ببنطلونها الجينز السكيني وتي شيرت برتقالي فاتح وفيه كلام بالأبيض
وغلا بنطلون جينز وتي شيرت طويل أسود وعليه رسومات بالأحمر
علياء شورت لوست خصر فوق الركبه بربري وحزام أسود وقميص أبيض ورافعه اللياقه حقته ورافعه شعرها ذيل حصان بربطه بربري حلو شكلها وسبورت
العنود:وش عندها علياء وشمس شورتات ياخي كان قلتوا لي اصف معكم وألبس كان بودي
شموخ:كيفكم بنااااااااااااااات ؟؟ياااااااااي أحس من زمان عنكم وربي أشتقت لكم
جود:وربي حتى أنا ياحلو أيام المزرعه
نور:صادقه وقسم فله والجو كان حلو
غلا:يااااااااااي كان من جد وناسه
شمس اللي كانت مندمجه مع علياء بسالفه والتفتت على غلا:يووووووووهـ حرم بندر هنا ومحد قالي
غلا وهي تخزها:واللي سلمتي عليها وجيتي معها منهي؟؟
شمس:كنت أحسبها الخدامه
علياء:هههههههههههههههههههاااااااااااااااي قوووووووويه ياحرم بندر ردي ؟؟لا تسكتين؟
العنود:أيوه علياء خلي الحرب تقوم أنتي الثانيه أسكتي جاييين نستانس
علياء:طيب طيب ولا يعصب ابو شهاب ههههههههههههههههه
شمس:ههههههههههههههههااااي حلوه حلوه بس لا تعيدينها تمصخ السالفه
العنود وهي تقهوي البنات:والله الشرهه مو عليكم علي أنا المفروض حاطه شمس وعلياء بغرفه لحالهم؟؟؟
شموخ:احمدي ربك لا تدري زعيمه الشله أمل
علياء:وووووووووهـ وياحبي لها
شمس:اولى أكلمه 0.....هييييييييه تخيلي وش صار لها الحقير تركي تحرش فيها
نور:هيييييييييييييييييه وش سوا لها لا يكون فيها شيء؟؟
شمس:لا مسك يدها وهي جلست تهزء فيه بس مو واجد<وهي تشرب من الفنجال وتنزله> بس تقول أبن أبوه يعيدها
علياء:الحمد لله أحسب قرب منها صدق
شموخ:لا لا يخسي
جود:في البنك صح؟؟
شمس:ايه سرق ملفاتها وهيي لحقته وصار اللي صار
بعد سوالف كثيره مرة ضحك ووناسه
العنود:بنات الجوا مشعلل شرايكم نجيب المسجل اللحين؟؟
علياء وقفت :وانا بساعدك
مشوا برى الصاله وسكروا الباب وطلعوا فوق العنود راحت تجيب المسجل وعلياء جلست تفر فوق تسوي نفسها تساعدها ولا هي تبي تسال عن طلال
علياء اللي تمشي ورى العنود ودخلوا غرفة راكان اخر مكان تواجد فيه المسجل عشانه كان يسجل صوته وهو يلقي قصيده بيهديه واحد
علياء ألتفتت شافت شيء تعشقه واخر مرهـ كانت معه في بريطانيا
علياء وهي تمسك العود وتدق بهدوء تعلمته في بريطانيا بس خفيف وماعلمت أحد
عزفت لحن تحبه لحن لأغنيه تعشقها لفنانه أصيله بصوتها الرائع نوال الكويتيه
بدت تغني بهدوء بصوتها الحلو الهادي باحساس توصل الكلمات لقلبك <<ترى مثل صوت هامتي ماتنحنيلك>>
غنت وهي بكل كلمه تتذكر طلال
أحاول اخفي احساســـــــــــي
ولكن بالعشق مفضــــــــــوح
تشوف الفرحه في عينــــــــي
احبك حب ما اقــــــــــــــــــدر
لقيت الحب شي اكبــــــــــــــر
حياتي امرها بيـــــــــــــــــدك
وعمري ما ابتدا قبـلـــــــــــك
حبيبي عمري لك والــــــروح
فداك الروح وروح الــــــروح
معاك الدنيا شي ثانـــــــــــــي
ومهما كانت الدنيـــــــــــــــــا
تخيل دنيا من غيــــــــــــــرك
انا ما اشوف في الدنيـــــــــــا
احبك حب ما اقــــــــــــــــــدر
لقيت الحب شي اكبــــــــــــــر
ولكن بالعشق مفضــــــــــوح
واحبك بالعقل والـــــــــــروح
اعاند فيه احساســـــــــــــــي
من اني آخذ انفاســــــــــــــي
وحبك سيدي وسيـــــــــــــدك
وعيدي في الهوى عيـــــــدك
وقلبي في العشق هايـــــــــــم
يا رب تبقى لي دايـــــــــــــــم
معاك الدنيا ذي احلـــــــــــــى
معاك احلى اكيد احلــــــــــــى
او لحظات من غيــــــــــــــرك
وفي قبلي احد غيـــــــــــــرك
اعاند فيه احساســـــــــــــــي
من اني آخذ انفاســــــــــــــي
نزلت دمعه هاديه مسحتها بهدوء أكثر نزلت العود ووقفت
علياء وهي تبتسم:وش رايك؟؟
العنود وهي مصدومه:وشلون عزفتي قصدي وين تعلمتي وراشد ووش ذا الصوت الحلو؟؟
علياء:ههههههههههههههههه من جد حلو تعلمت في بريطانيا مجرد تسليه وراشد مايدري وولا راح يدر
"طلال"كنت ماشي وانا توني جاي من طريق 2ساعتين وتعب والعده حقت القنص على ظهري شايلها...بس راح التعب وولا ......تسمع صوتها تسمع ضحكتها ماخفت عليك دمعتها وهذي الكلمات انا عارف أنها ماقالتها ألا لي ويعني هي تحبني واللي تسويه مجرد عناااااااااااااد..واحبي لك ياعلياء وقسم كنت حاس مو علياء اللي تكرهني بس والله ماخفت علي دمعتك والله أتذكر قصيده لراكان ماتغيب عن بالي لأنها معجبتني مادريت في يوم بتجي وتنطبق على حياتي
انتبهت لدمعها بالهدب والكحل سال
لين جفت عينها دمع والقاع ارتوى
وابتدت لحضة جفا وانتهت لحضة وصال
وأنطفى نور السعادة واحسب انه ضوى
ما اكتفيت من الهوى والغرام أربع ليال
واقفت أيام التلاقي وجا وقت النوى
كنت ابسلى وابتسم والتفت عنها شمال
لا قويت الصد عنها ولا قلبي قوى
ما هقيت ان الهوى عذب قلوب الرجال
لين ضاع القلب مني وتفكيري سوى
رحت أدور دفوة الشمس ضيعت الضلال
جيت اطفي شعلة النار والقلب انكوى
ماهقيت ان السعادة خيال في خيال
تروى قلوب الحبايب وقلبي ما روى
كنت ابشتال الهوى والهوى ثقل الجبال
وان تحملت الجبل ما تحملت الهوى
كنت ابسلى بالهوى والهوى صعب المنال
ما رضا لي حظي اللي طواني وانطوى
قلت لا فراحي تعالي ولا قالت تعال
والخفوق ان قلت ابقبل على صدي نوى
الله أكبر لا شرقت شمس يتلاها زوال
كيف ابفرح في صباح مع الليال استوى؟
لاحصل بالحب قسمة ولا جا لي مجال
غير اشوف معاند الجرح وعناد الدوى
شبت النيران واقفت وجاء رد السؤال
ما تشب النار يا كود يوصلها هوى ..
على الجرح ياراكان على الجرح وقسم
"علياء"صوته صوته هذا صوته الرجولي هذا صوه الخشن هذا طلال ينادي"يالعنود"لبيه والله وقسم أحبك بس العناد له دور بينا راحت له العنود وهو دخل غرفته وأنا طلعت
جلسوا البنات سوالف ورقص ووناسه
شمس وهي تجلس:وووووووهـ العنود اذكر معي شريط قديم لمحمد عبدو ماينزل من شنطتي خلني ادور لكم ايااااااهـ<فتحت شنطتها ودورته ولقته وشغلته>
شمس وهي تناظر في علياء:يلاااا علوووي قومي يلا نرقص
شمس صفقت بقوووهـ وبعربجه لان علياء وقفت:أحلاااااااااااا علوي يلا
لالا تضايقون الترف لا تضايقونه
لالا خلوه يجني من حياته ثمرها
لالا وحرام من عقب الرضى تزعلونه
لالا شوفوا عيونه كثر نوحه دمرها
لالا أغليه لو كل الملا يرخصونه
لالا لا حل في دنيا غرامي عمرها
لالا ما تفهمون الحب ما تفهمونه
لالا فوق الخيال وعنكم الله سترها
لالا لا صرت أنا محروم لا تحرمونه
لالا خلوا هبايب نجد تنثر شعرها
لالا أجي وأروح بنظرة من عيونه
لالا ولين أظلمت دنياي نوره غمرها
لالا والقلب ما يسمع لو تعذلونه
لالا والروح عنده باللواحظ أسرها
لالا هذا الأمل تكفون لا تقطعونه
لالا لأجله لذيذ النوم عيني هجرها
شمس:ولا لا لا تضايقونه احلا على قلبي لورا
علياء:عليهم عليهم فدييييييييت شموسه
شمس:تنكس تنكس يااااااااااااهووووووووووو
كانوا يقصون رقص شباب ابد مو حول النعومه رقص شباب وطق ويحركون يدينهم يمين ويسار مثل رقص السامري بس على أسرع
والبنات ضحك عليهم
خلصت سهرتهم وكلن مشى بيته وأفكاره توديه وتجيبه
بعد مروووووووووووور اسبوع بالضبط
أنتهاء البارت29
عساني كفيت ووفيت حبايبي أنتظر ردودكم اللي توسع الصدر وأتمنى أشوف رايكم وتوقعاتكم بالبارت؟؟
شموخي
البـــــــــــارت 30<<الي مو ماخذ حقه بالطول<<هع هع هع
بعد مرور أسبوع بالظبط
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك