رواية افهم ترانا لايقين لبعضنا كنك نهائي الكأس وانا هلالي -17
نوف وهي تطالع السماعه بقرف :الله ياخذك ياعجوز ابليس اوف منك لولا ان سعود حفيدك ولاكان رفعت ضغطك حتى تموتين ههه رمت الجوال على السرير وهي مبسوطه طلعت من الغرفه قابلتها نوال وهي ماتطيقها :لايكون جالسه تتسمعين
نوال:لا صوتك واصل لاخر الدنياا بعدين حرام اللي جالسه تسوينه
نوف طنشتها ونزلت تحت ..
وصلت عهد وساره مع حمد دخلوا على سامي اللي سلم على اخوه وبعده ساره اللي فرحانه بشوفته وبعدها قرب يضم عهد طلع حمد حتى ياخذ راحته مع عهد
سامي يقرب عند عهد وهي يحاول يخفي حزنه :الف مبروك ياحياتي
عهد ماسكه يدينه بقوه وعينها عليه كلها دموع سكتت ماردت عليه
سامي : ياحلوه ماابي اشوف هاالدموع ابد
عهد تضمه بقوه :بس مشتاقه لك
سامي ساكت وهو لااامها بقوه يسمعها مايدري ايش بيسوي بنفسه لاترك عهد لغيره مرر يده على شعرها وهو هادي وفكره لبعيد
ساره تقرب عند عهد :عهد علشان صحه البيبي لاتسوين بنفسك كذا
سامي يرفع راسها من بين حضنه : تبين تزعلين عهووده
عهد تبتسم من بين دموعها :لا هذا سامي مو عهد
سامي يضحك : خلاص انا بسميه عهد وانتي سامي
ساره وهو تحاول تغير الجو:شلون ماتجي سامي بن سامي ههه
سامي : في كثير كذا ههه مد يده يمسح دموع عهد :ماابي اكون السبب بهاالدموع ياروح ياروح قلب سامي تعالي اجلسي بجنبي وقولي لي كل شي سويتيه يله ساره وانتي بعد اللي بيصيح ابطلعه برا
ساره وهي تجلس جنبه تمسح دموعها وتبتسم:ربي لايحرمنا منك والله بدونك مانسوى شي
جلست عهد وسامي يسألها عن كل شي صار بغيابه وانبسط لما عرف ان ابوها رجع لهم حس براحه كبيره ولاقدر يخبرها باالحكم اللي انحكم عليه
السبت في الجامعه
سامر : جاسم ديم تدرس بالجامعه هنا
جاسم يرفع راسه من الكتاب:ديم؟؟
سامر: اي ديم شفتها من خمس دقايق تكلم واحد من الدكتاتره
جاسم مستغرب :مااعرف اذا كانت هنا او لا على العموم ماتهمني انا اسبوع وراجع للسعوديه
سامر : واخيرا ياجاسم بيتحقق حلمنا وياك قريب
جاسم وهو يبتسم :بممتاز ان شاءالله
سامر:اكيد مافي طلبه مثالين مثلنا وياك من الجامعه للبيت للكتب ههه
جاسم يبتسم وهو يوقف: انا رايح لدكتور حداد اشوف موعد المناقشه الساعه كم
مشي بين الممرات بااتجاه الدكتور قابلته ديم اعطها نظره بارده وبعدها حرك بخطواته لدكتور الواقف
: لوسمحت دكتور حداد موعد المناقشه مو واضح ياليت لو بس تأكد لي عليه
الدكتور: عفوا جاسم موعد المناقشه تأجل لشهر
جاسم بصدمه:شهر بس تحدد لي هاالاسبوع
الدكتور :هاي اخر كلام صار فيه تأجيل وراح نحدد لك اي وقت
دخل الدكتور للمكتب وترك جاسم واقف وهو مقهوور لف راسه بيمشى لمح ديم واقفه وكأنها بتتسمع حس ان لها دخل باالموضوع قرب عندها وبجديه:ديم انتي بتدرسي هون
ديم فرحت ان جاسم يكلمها: لا
جاسم:تعرفي هالدكتور
ديم: لا
جاسم:طيب ليش كنتي واقفه معه من شوي
ديم ارتبكت:كان يعرف بابا وبيسألني
جاسم لمح بعيونها الكذب راح خلاها وراه بتنادي عليه ومطنش ...
العشاء في بيت ابو يوسف..
عفاف جالسه مع سعود : والله طفشنا من البيت خلينا نسافر
سعود : خليها بعدين شوي مشغول
عفاف :ابوي يقول سعود يوديكم مافي احد غيرك
سعود : طيب لاحسيت ان الوقت مناسب ماراح افوت الفرصه ابسفركم
لمياء تدخل الغرفه :سعود جيت؟؟؟
سعود :لا دقايق وجاي
لمياء تجلس جنب :ههه يالسخيف يومين ماترد على مكالماتي خفت عليك
سعود :مزاج مافي كويس
للمياء : طيب انا طفشانه قوم فحط بي
سعود : شفيكم الدعوه طفش
ام يوسف تدخل وهي تطالع سعود: ماترد ولاتطمن امك
سعود يحب راس امه : كنت عند واحد من اخوياي
ام يوسف ماتبي تناقشه الحين:خذ خواتك وطلعهم يوسعون صدرهم
سعود :طيب يله ياحجيات قدامي
سمعوا صوت الجرس يدق قام سعود يفتح الباب
دخلت مها وامهاا ..
سعود:هلا هلا والله حياكم قرب لجدته يسلم عليها : شخبارك يمه
جده : الحمدالله زين انك في البيت منت بطالع زي عوايدك
سلم على مها ودخلوا في الصاله وعفاف ولمياء طلعوا فوق يستعدون يطلعون مع سعود
سعود قام بيطلع وهو ينادي على عفاف
الجده :اجلس ابيك
سعود وهو عارف ايش تبي منه : امري يمه وهذا انا جلست
الجده بجديه : بنت العبدالله ماهي مناسبه لنا
سعود :يايمه بنت العبدالله الحين زوجتي يعني الكلام في هالشي مايفيد
الجده بعصبيه:الا يفيد ونص مابعد دخلت عليها شف والله ماني راضيه عليك لادنيا ولااخره ان خذيت غير نوف
سعود:يااربي صبرك نووف ماابيهااا ان تزوجت تزوجت نوال بدالها هاالبنت مااطيقها
الجده : قلت نوف ولاتكسر كلمتي ولاكلمه امك وشرايك ياام يوسف؟
ام يوسف انحرجت : يمه حاولت فيه لاكن مافيه فايده والله ودي ادور له بنت الحلال بنفسي
سعود يوقف :والله كلام الحريم مايمشي علي ولااني صغير علشان الواحد يختار لي
مها تغمز لسعود يجلس علشان ماتكبر المشكله لاكن طنشها وطلع يستعجل على خواته ويطلع يمشيهم
الجده بصوت عالي:يعني مايهمك رضاي ابد
ام يوسف :لاتضيقين نفسك يايمه
الجده:بلاك ماربيتي ولدك
ام يوسف بضيق:يمه خلاص مافي يدنا شي ولاهو راح يسمع كلمتي ابد
مها سحبت نفسها وطلعت وراء سعود اللي راكب السياره مع عفاف ولمياء
فتحت باب السياره وبأزعااج :وانا ويني فيه ماحد جاء يعزمني
سعود :اذا كان بتعيدين كلام امي تراني ماني رايق
مها تدفه بأستهبال:اقول لاتصير ثقيل طينه وانا واثقه فيك وفي رايك ياحبيبي ولاتضيق خاطرك
سعود يحرك السياره :طيب صكري الموضوع ترى اللي فيني مكفي وقولو وين تبون تروحون
حست منار براسها بينفجر من كثر ماهي مصدعه فتحت فمها ترد على اللي يضرب الباب :نعم
العجوز :قوومي يابنت انزلي لشغلك
منار غمضت عيونها وهي تتمنى اللي شافته اليوم حلم بعدها رمت اللحاف بتعب زحفت على الارض تسندت على الجدار حتى وقفت وفتحت الباب
العجوز : بسرعه ماني فاضيه اجلس انتظرك من زمان وانا ارسل الشغاله تقول ماتردين
منار وهي تأفف بداخله :طيب نازله الحين
دخلت وهي تتأمل الغرفه الكئيبه مثل حياتها مافي شي حلو تتمسك فيه وتعيش علشانه قررت تشتغل مع هاالعجوز حتى تنفذ اللي في بالهاا
وتجمع لها كم قرش تعيش عليه نزلت ودخلت الغرفه وهي تسمع العجوز تتناقش مع الشغاله مااهتمت لهم قربت عند الجمر واخذت اعواد الكبريت تشعلها بملل لفت انتبها ان الشغاله تبكي قامت وهي تطالعها
الشغاله تطالع منار بحقد :انتي سوي كذا ليش اجي هنا خلاص هذ عجوز مافي يبي انا علشان ماتعطيني راتب
منار عرفت ليش هالشغاله حاقده عليها لانها بتاخذ شغلها :شكلها متعاونه مع العجوز فتره
سحبت شنطتها وهي تهدد منار والله سوي مشكله لاانتي كل يوم (والله راح اسوي لك مشاكل كل يوم)
خافت منار وتذكرت الموقف اللي صار لها بغرفه التلفزيون
طلعت الشغاله مع باب الشارع ومنار تطالعها
العجوز :ايش تطالعين تعالي كملي شغلك
نزلت راسها باالارض وهي تتبع العجوز بأسستلام بدت تكرر اللي تقوله وتستقبل هاالضيوف وهي مو مستوعبه من طلباتهم
حست باالحماس وهي تطالع هاالمبالغ اللي باالاف تمنت انها من نصيبها ابتسمت بداخلها: اكيد بيكون لي شي
مها تسولف مع سعوود قطع عليهم صوت جوالها رفعت السماعه :مرحبا نوف
نوف: وينكم فيه خاله
مها :طيب خلينا نتطمن عليك قبل من زمان عنك
نوف :انا جايه عند خالتي قالت انكم طالعين مع سعود جايتكم الحين بس وين
مها : طيب طالعين نتمشى ونتسوق شوي تعالي في رياض جاليري
نوف بأستعجال:اوكي باي
كلمت السواق وطلعت بسرعه
لمياء :خالتي مها مالي خلق نوف ابد
مها: بنت خالتك يالمياء لاتقولين هالكلام
لمياء سكتت بضيق وهي تلف راسها جهه الشباك
وصلوا للمول وسعود معاهم معطيهم جو يونس
بعد نص ساعه وقفت لميااء :عفااف طالعي هالفستان ياربي يمووت
عفاف وهي تلمس قماشه:روعه والله
لمياء تلتفت على سعود:سعووود متى زواجك نفسي اشتري هالفستان
سعود :خذيه والبسيه في زواج مها
لمياء:لاوالله هذا البسه في زواجك انت
مها : انا راح اشتريه
لمياء:خاااالتي لاتكفين حرام عليك انا حجزته قبلك
عفاف :هذا لايق علي اكثر منكم
سعود :خلاااص احرجتونا عند العالم خذو لكم طقم كل وحده لون
عفاف :هههه اتخيل اشكالنا مطقمين
سعود وهو يتجه لتحت قبل لاتجي نوف :لاخلصتوا عطوني خبر انا نازل تحت
ياسر جالس عند باب الشارع بعد مارجع من صلاه العشاء مع حمد دخل حمد البيت وياسر اتصل بسعود يبي يعرف ايش صار امس
سعود يشرب قهوته وهو يطالع الناس ويسمع صوت الماء معطيه جو مريح باالكفي رن جواله رفعه وهو يرحب بياسر
:شخبارك
ياسر : الحمدالله ها قل ايش سويت امس
سعود بضيق: ماصار شي الموضوع على ماهو
ياسر: اكيد في شي ياسعود
سعود :ماهي متقبلتني باالمره
ياسر :ياالحبيب هذي الحين زوجتك كلمها وطيب خاطرها
سعود :يصير خير ياياسر وينك فيه انت
ياسر : انا باالبيت
سعود:تعال عازمك على قهوه باالمول جالس لحالي والاهل يتسوقون
ياسر : ابشر ان شاءالله بس اشوف الاهل اذا يبون شي وجايك
دخل المطبخ بعد ماصكر من سعود اخذ كاس مويه وبعدها طلع للصاله وجلس عند ندى وريم
ريم تطالع برنامج في التلفزيون ولااهتمت بوجود ياسر
ياسر:وين امي .؟
ندى : في غرفه بدر
ياسر :تبون شي قبل لااطلع
ندى: دام راح تطلع جيب لنا العشاء وانت جاي
ياسر : شرايكم تطلعون معي واحد من اخوياي عازمني وقلت اخذكم معي للمول
ندى :ريم نطلع ؟
ريم وهي ملانه : اي اغير جو شوي اقول لامي تطلع معنا طلعت ريم لامها فوق
ياسر يلتفت على ندى :لوتدري ان سعود اللي عازمني بتذبحني
ندى :هههه وليش عازمك هناك
ياسر :طالع مع اهله
ندى :طيب يله ابروح اجهز نفسي
ياسر يكلمها من بعيد :لاتقولين لها حاجه
بعد نص ساعه دخلت نوف وقبل لاتصعد على الدرج مرت للكفي تطلب له موكا حاسه بعطش وحر من هالجو وقفت تنظر طلبها من كفي Seattle's Best
قربت عند جهه البحيره بتجلس لمحت سعود جالس لحاله ابتسمت بداخلها وهي تطالعه كان سرحان ولاحس بوجودها بالطاوله القريبه
فكت اللثمه لاجل تلفت نظره قربت الموكا عند شفايفها المرسومه بروج فووشي زاد من جمالها سعود بيده جواله ومشغول فيه
انقهرت انه مو حاس بااحد دق جوالها اتصال من مها
:ها دخلتي
نوف:شوي وجايه
مها:يله لاتتأخرين
نوف :اوكيه
حطت الجوال على الطاوله ورفعت الموكا تشرب وعينها على سعود اللي يكلم باالجوال
بعد دقايق قاام سعود متجه ليااسر اللي واقفه وراه ريم وندى
ريم كشرت بوجهها وهي معصبه تكلم بصوت واطي لندى:يووه حتى هنا
ندى تمسك يدها :لاتحرجين ياسر ريوم
وقفت مستسلمه مع ندى يطالعون سعود الجاي لهم
ياسر :الله يحييك ياالغالي
سعود عينه على ريم وبداخله مبسوط بوجودها ابتسم لها ورجع يكلم ياسر :اجل جايب الاهل ها
ياسر يضغط على يده : ياالله خلك كريم واعزمها على عشاء ههه
سعود:ياشيخ خليها باالاول تعطيني وجه
ياسر :رووح لها سلم عليها بتنحرج تسوي شي عند الناس
سعود يتذكر لما عطته كف باالمره اللي راحت ضحك بداخله واتجه لها
وقف عندها وهويبتسم بحب : منوور المول كله ليش ماقلتي انك راح تجين وافرش لك الارض ورد
ندى انحرجت بعدت شوي وخلتهم براحتهم لاكن ريم مسكت يدها بتروح معها
سعوود ماحب يضغط عليها مره :خذي راحتك ياقلب سعود انا ابجلس مع ياسر هنا
نوف تطالع سعود الواقف مع ريم وبداخلها فضول حست بالغيره تاكلها جلس سعود وياسر على الطاوله
سحبت شنطتها بقهر وحطتها على كتفها ومشت لسعود
رفع سعود عينه على الواقفه قدامه
نوف بعصبيه: ممكن توصلني لخواتك
سعود انحرج عند ياسر تمنى يقوم يضربها على اسلوبها استئذن من ياسر ومشى بخطوات بعيده عنه وبعده بعصبيه :كذا زين تتكلمين بهاالاسلوب عند الرجال
نوف:مايهمني
سعود :كلميهم
نوف بكذب:كلمتهم لاكن هم بعيد وانا اخاف اروح لحالي
سعود تقدم قدام وخلاها وراه تمشي وهو يقول لها:طيب ممكن تغطين وجهك
طنشته نوف وخلت وجهها مكششوف :وين رايح تعال من هنا
ندى تكلم ريم:ولااحد راح يفهمك دام ماعندك اسباب
ريم :اسباب خاصه فيني مااقدر اقولها الله يخليك ياندى اقنعي ياسر والله تعبت واخبي هالشي بقلبي واطنشه لاكن حد هنا يكفي
ندى تهدي ريم وتجلس وياها على الكرسي :خلاص ياقلبي ماتهون علي دموعك اكلم ياسر اليوم علشان خاطرك بس تكفين بطلي هاالدموع جاين ننبسط وياك ريم تمسح دموعها وهي رافعه راسها شافت سعود ومعه نوف
عرفت نوف ان ريم تطالعها بظنها هي منار تقدمت بسرعه ومسكت خصر سعود بجراءه
سعود بضيق وبصدمه :نووف ؟؟
نوف وهي مازلت ماسكه خصره :كنت ابطيح
ندى تطالع نوف اللي ماعرفتها ماكانت جايه في الملكه التفتت لريم :هذي اللي معه ماشفتها في الملكه تتوقعي اخته
ريم بضيق وهي تطالع نوف ماسكه خصر سعود وكاشفه عن جمالها اللي الكل يطالعها :وحده من حبيباته قومي قبل لاافجر المجمع واللي فيه
فك سعود يد نوف بعصبيه :نوف وبعدين
نوف تبتسم بنجاح وهي تطالع ريم باين عليها الضيق :سوري سعود تعبتك معي يله انا رايحه هم هنا قريب باي
تأفف سعود من وقاحتها واتجهه لياسر
ريم تمشي بين المحلات سرحاانه وهي تتذكر نوف حست باالغيره ماتدري ليش رغم انها ماحست بااي شعور تجاه سعود يمكن لان نوف جميله وملفته للانتباه
ندى ببتسامه: ريم طالعي لبس النونو المعروض روعه وربي حسيت باالامومه ههه
ريم انتبهت على ندى اللي تكلمها:ايش قلتي
ندى: عارفه انك مو معي
ريم : ندى خلينا نطلع للفيصليه مااقدر اتحمل هالمكان زحمه
ندى عارفه ايش اللي بخاطر ريم : راح يرفض ياسر تعالي نطلع للمطاعم
جلست عفاف ولمياء ينتظرون نوف ومها اللي يطلبون عشاء
بهااللحظه دخلت ريم وهي تطالع الزحمه :ندى مره عالم هنا وين احصل مكان نجلس
ندى :تعالي نطلب عشاء وبعدين نجلس
اتجهت للمطعم وهي تطالع رقم غريب يرن بجوالها رفعت السماعه:الو
سعود بهدوء: ريوم قلبي انتظرك عند الكفي عازمك في مطعم برا المول
ريم عرفت صوت سعود: لاشكرا تعشيت
سعود : طيب صحه وعافيه على قلبك ياعمري مع السلامه
ريم تصكر السماعه وهي مستغربه اسلوبه متغيراللي كان دايم ينرفزها تذكرت نوف مره ثانيه حست باالقهر ودخلت جوالها باالشنطه انتظرت ندى وهي تطالع الناس لمحت نوف من بعيد اللي كانت بيدها العشاء متجهه لجهه الطاولات عرفت انها هي اللي كانت مع سعود مشت بخطوات سريعه تتبعها
ندى :ريم وين رايحه.
ريم تاشر بيدها لندى ان تنتظرها محتاجه تشبع فضولها وشعورها اللي تعتبره سخيف
نوف تمشي وبجنبها مها وهم يسالفون وريم قريبه منهم ماحسوا عليها من الزحمه
نوف : والله مايشرفنا ناخذ ناس كذا مثل المجرمين سعود راح يطلقها وياخذني انا
مها تاخذ نوف على قد عقلها:واثقه مو؟
نوف وهي تضحك بغرور:اكيد دام جدتي مارضت وبعدين سعود راح وتزوج هاللي ماتتسمى لاني رفضته لاكن الحين انا ابيه وراح يتزوجني غصب عن الكل
مها:نوف انتي صغيره على الزواج باالمره عيشي حياتك ولاتفكرين باافكار زي كذا
ريم تسمع الكلام وهي مصدومه وبأستفسار :من هذي ؟وقفت ولاقدرت تكمل مشي وراهم من الصدمه تحاول تعيد اللي سمعته فكرها متشتت تلفتت لناس حست انها تايهه بعدها رجعت لندى اللي تنتظرها ..
ندى:وين رحتي؟
ريم :ها ؟ لابس رحت اتاكد من حاجه
ندى:طيب قلبي اخذي اللي بيدي ثقيل
مدت ريم يدها واتجهت تدور لهم طاوله
الساعه 3 م بواشنطن ...
ماعرف خالد يذوق طعم النوم الليل كل افكاره بمنار وتركي وسعود تمنى انه سأل منار عن اللي بالصوره ان كان هذا اللي تقصده بولدها يمر في باله كثير مسك راسه من الصداع فتح درج المكتب واكل حبوب تخفف عليه الصداع
رجع ظهره وتسند على الكرسي يراجع قراره اللي فكر فيه كثير يتزوج ويستقر ويرتاح راسه من هالافكاار طالع الساعه وبعدها قام للبيت ينام له شوي ويكلم سمر بهاالموضوع
جلست سمر على السرير وشعرها محيوس لسى صاحيه من النوم ضرب الباب خالد : كويس صاحيه
سمر بعيونها النوم: كنت مرهقه مره من البارتي
خالد: انبسطتي
سمر:اووه مره تمنيت انك معنا واعرفك على اصحابي
خالد: المرات الجايه
سمر وهي تبعد اللحاف تقوم تغسل وجهها بعدها طلعت من الحمام وبيدها الفوطه استغربت ان خالد مازال موجود وشكله يفكر
قربت عنده ببتسامه:نحن هنا
خالد:اجلسي سمر ابكلمك بموضوع
سمر تجلس قدامه
خالد:شرايك بدلال
سمر مستغربه من سؤاله:ليش
خالد:افكر اخطبها
سمر بفرحه:وووواااو لاجد كلامي اثر فيك ههه
خالد: خلاص قررت استقر
سمر:احلى قرار حبيبي دلال حبوبه مره واهلها اغنياء
خالد:مرتبطه بااحد
سمر:لا هي تدرس هنا مع اهلها
خالد بتفكير:تتوقعي توافق علي
سمر:غبيه اذا رفضت واحد وسيم مثلك
خالد بحيره:طيب كيف اوصل لها
سمر:انا افاتحها باالموضوع وبعدين تتقدم لها من ابوها
خالد:خلاص اطلعي معها اليوم وفاتحيها باالموضوع
سمر:اوووكي من عيوني لبى انت ماتتصور قد ايش فرحانه
بعد ساعه نزلت ندى وريم لياسر اللي ينتظرهم تحت مع سعود
وقفت ندى بمسافه قريبه شوي حتى ياسر يجيهم
ياسريقرب لهم وهو يكلم ريم:سعود يبيك دقايق
ريم تجاهلته ولفت عينه للجهه الثانيه
ندى:ياسر لاتزيد عليها
ياسر:انا ايش بيدي هو زوجها وحر فيها
ريم بعصبيه:ماهو حر فيني ولااحد له دخل بي طلعت مع البوابه من جهه السياره
سعود عرف انها تضايقت من طلبه قرب لياسر واعطاه الكيس :ماقصرت والله ياالغالي خلوها على راحتها ماابي احد يضيقها
طلعت ندى وراء ريم اللي واقفه بجنب السياره سكتت وماحبت تقول لها شي حتى طلع ياسر وركبوا السياره والجو متكهرب بينهم
لمياء تكلم عفاف هذا اخو زوجه سعود
عفاف بهمس :ايوه خلينا بعيد قبل لايهاوشنا سعود
سمعت نوف كلامهم وهي تضحك بداخلها على الحركه اللي قهرت فيها ريم وان ظنها كان صح
ريم تتسأل بداخلها :ياربي من هذي وليش كانت معه اووف هاالرجال غريب في كل حاجه تعبت منه رن جوالها وقطع افكارها
وبصوت مخنوق:هلاساره
ساره:هلاحبيبتي شخبارك
ريم :وينك ياساره من زمان عنك
ساره:والله ياقلبي انشغلت بهاالظروف اللي عندي تعالي عندي واسهري معي مشتاقه لك
ريم:ساره انا محتاجه لك باالحيل تعالي انتي تعبانه باالحيل مااقدر اجي انا باالسياره جاي للبيت الحين
ساره :سلامتك ياالغاليه طيب اذا وصلتي خبريني واجيك
خلصت منار من شغلها وهي حاسه بجووع طلعت للمطبخ تدور شي تاكله
فتحت الثلاجه كانت فاضيه الا من خبز يابس صكرتها والتفتت تدور شي تشربه تفاجأت بوجود الشغاله وراها رجعت على وراء بخوف :انتي ماسافرتي؟
الشغاله ساكته تطالع منار بنفس نظرتها المعتاده
استغربت منار شافت الشغاله طالعه ومعها شنطتها بتسافر رجعت للعجوز تستفسر منها فتحت الباب بدون تضربه حصلتها بموقف قذر انقرفت منها وهي تعيش مع هالنجاسه رجعت للمطبخ تسأل الشغاله لاكن ماحصلتها اخذت المويه وشربتها على السريع وصعدت فوق وهي منقرفه من ريحه البيت افتحت الشباك تشم هواء نظيف بعدها جلست على الارض تسترجع كل اللي سوته اليوم لمت ايدينه الثنتين على بطنها وهي تفكر بتركي
طالعت السقف وهي ترسم خياله بشوق فجأه طلع له وجه الشغاله ارتاعت فكت يدها بخوف وهي تطالع وجهها غمضت عيونها تطرد هاالصوره لاكن مازلت واقفه بمكانها ومرتفعه عن الارض بمسافه خافت من شكلها تذكرت كلام الشغاله (والله سوي مشكله كل يوم)عرفت ان احد ماخذ هيئتها دخلت راسها تحت اللحاف وهي ترتجف من الخوف وتسمي بالله ..
تاااابع <<
الاحـــد .. الظهر
بيدها الخاتم تتأمله كان منقوش عليها حرف r وشكله انيق دخلته بيدها بعدها رفعت العطر تشمه كان ريحته روعه وباارده فتحت الدرج وطلعت جوالها وهي تشوف فيه رسالتين (ساره :ريوم لاتنسين العصر تكونين جاهزه لاني بعدها ابنشغل .
الرساله الثانيه من سعود( صبااح الحب قمر هاالدنياا ان شاءالله عجبتك الهديه مع انك تستاهلين الدنيا كلها لك هديه انتظر ردك حبيبتي
نزلت عينها على الخاتم اللي محلي يدها سحبته من بين اصابعها ورمته باالدرج وارسلت له(ماني بحاجه لهدياك اكبر هديه راح تسويها لي ورقه طلاقي !!) بعدها اخذت الجوال وهي تاخذ نفس وطلعت تساعد ندى باالغدا
ام ياسر وهي تصكر السماعه من ام الوليد التفتت لندى اللي تنتظرها ايش تقول:وليد مستعجل يابنتي على االسفر يقول مو لازم زواج اباخذها يوم الخميس ونطلع على المطار
ندى بضيق:طيب ليش مايكلمني انا بنفسه مو زوجته حتى رساله مافكر
ام ياسر :ياحبيبتي يمكن انه مشغول
ندى:ماابي اتزوج بهاالسرعه وانا لي حق اشرط يكون لي زواج واعزم الناس
ام ياسر محتاره: خليني اتكلم مع ياسر اذا جاء من الدوام في هاالموضوع
قامت ندى وهي تكتم حزنها للمطبخ
ريم تفتح القدر على الفرن :الله ياالسنعه ايش مسويه لنا اليوم يامجرمه
ندى سكتت وجلست تقطع الخضار بصمت
ريم :عطيني ندى ابسويه انا اتسلى شوي
مدت ندى الصحن لها وكأنها تتهرب بعدها طلعت ...
فتح سعود جواله بعد مارجع من الدوام وهو يطالع رساله ريم انقهر منها باالحيل عمرها ماحست بعشقه لها المجنون سوى رد لها وهومتضايق(ريم لاتخليني اسوي اشياء واتهور والله ماترضيك ابد ومااحد يعترض لانك زوجتي علشان تحسين فيني )
طالعت ريم الرساله وتجاهلته بعدها انتهت من اللي بيدها وطلعت لياسر اللي يتكلم مع امه
دخلت وجلست بهدووء
ياسر :خليني اتكلم معه واتفاهم احس هاالرجال يتهرب مني ولاادري ايش السبب اخذ جواله ورجع يتصل بوليد
وليد جالس مع زوجته في بيته ويحاول يراضيها لاكن كانت ماتكلمه ولاترد عليه من ثلاث ايام من عرفت انها تملك انتبه لاتصال ياسر طلع من الغرفه حتى ماتسمعه
وليد:وعليكم السلام
ياسر :شخبارك
وليد:الحمدالله شخبارك انت
ياسر:والله بخير لايكون ازعجتك بااتصالي بهاالوقت
وليد:خذ راحتك
ياسر: كلمتنا الوالده انك راح تاخذ ندى الخميس
وليد :اي ان شاءالله
ياسر بقهر:وليش ماكلمتني انا
وليد:انشغلت شوي
ياسر: طيب زوجتك مالها حق تجي تشوفها وتتطمن عليها لو باالتلفون ياالغالي
وليد بدون نفس: خلاص زواجي قريب يكفي
ياسر : وليد كأن بخاطرك شي وبعدين اختي حتى مابعد تجهزت
وليد: مو لازم احنا طالعين للمطار على الطول
ياسر: طيب راح نحط زواج مختصر
وليد:مالاداعي مستعجل انا
ياسر :خلاص طيب خاطر اختي وكلمها وتفاهم انت وهي
وليد:يووه خلاص ليش هي موراضيه كان باالاول مارضت بي
ياسر تنرفز من رده: ايش قصتك انت
وليد:ياشيخ مافيني حاجه
ياسر بضيق : طيب نشاور البنت ونرد عليك وياليت الاتصال يكون بيني وبينك
وليد:ان شاءالله بعدها صكر السماعه وهو يطالع زوجته العنود الواقفه عند الباب
عرف انها سمعت كل شي وقف وهو يتحاشى الكلام معها
العنود:خلاص ابستقيل من الشغل وابروح معك
وليد وقف بصدمه: تروحي معي
العنود بجديه:ايوه ولامو من حقي
وليد:وليش ماسويتي هاالحل قبل لايصير شي
العنود: امك مااعطتني فرصه حتى افكر هي سبب المشاكل كلها من الاول رافضه اني اتزوجك
وليد:وبنت الناس ايش اسوي معها
العنود:مو انت مغصوب عليها وتبي رضاي
وليد يقرب عندها وبقهر:العنود ليش تسوين كذا تعرفين اني مااقدر استغنى عنك وابيك تسافري هالسنوات معي وترفضين امي ماكانت تبي اروح هناك واجلس لحالي يعني انتي السبب في كل هذا وقف يطالعها وبعيونه القهر وطلع من البيت قبل لايرتكب جريمه فيها
ياسر يكلم امه:مصر ياخذها يوم الخميس
ريم :يمه مايصير بهاالسرعه
ام ياسر:مابيدنا شي بيفهمها هو
ياسر:وين يفهمها يايمه وهو رافض يجي يكلمها حتى باالتلفون
ريم ماتبي تفارق ندى بهاالسرعه قامت تدور عليها دخلت عليها باالغرفه :ندوو لاتروحين عني
ندى وريم ضامتها:ماهو بكيفي والله
دخل ياسر وهو يطالع ندى :ندى الرجال مصر يوم الخميس يمديك تتجهزين بااشياء بسيطه واكيد ماراح يقصر عليك هو بعدين
ندى وهي ترفع ريم منها : خلاص يادبه انكتمت وبعدها لفت راسها على ياسر : كلمته
ياسر:اي والرجال اعتذر وان شاءالله يعوضك حبيبتي
ندى ماتبي تزيد الهم على ياسر : اوكيه اروح انا وريم نجهز اشيياء اساسيه
ريم:ندو ثلاثه ايام مايكفي ابد
ندى: ماراح اخذ الاشياء بسيطه اليوم نطلع للمشغل وبكره الصباح نتسوق
ريم :انا العصر راح اطلع ازور منار ماراح اطول ابرجع ونطلع مع بعض
ندى:منار وين لبيتهم؟
ريم:نتطمن عليها مااعاد ادري بأي خبر عنها
طلع ياسر يرتاح بغرفته غير ملابسه وانسدح على السرير يتقيل شوي
فكر بخواته وتذكر اسلوب وليد حس بخوف انه يحط اخته بين ايديه اذا كان من الحين اسلوبه كذا مع ان الكثير مدحوه
قلب راسه على المخده وصوره ساره وهي بالفستان تمر على خياله رفع عينه كانه يركز بالصوره غمض عينه وهو يدعي بخاطره تفرج على على سامي اللي حمله هم مايطيقه ابد لاكن صديقه ولازم يضحي علشانه تقلب يمين ويسار حتى يرتاح شوي من هاالتفكير
قبل العصر بنص ساعه العصر
صحى سعود على صوت ابوه يقومه
ابو يوسف :سعود قم يله نطلع وياك على طريق المزاحميه يوسف ينتظرنا عند المزرعه
سعود يجلس بكسل وهو يفرك عيونه بكسل : كم الساعه
ابو يوسف: الساعه 2ونص
سعود: ان شاءالله جاي
طلع ابو يوسف استغل الفرصه سعود ورجع يكمل نومته
لمياء تركب الاغراض بسياره ابوها الجيب
عفاف جالسه في السياره
لمياء:عفاف تعالي دخلي الاغراض معي
عفاف :انا مسويه كل هذا يله دورك الحين
لمياء:مردوده ياالدبه حطت الاغراض بسرعه ودخلت قابلها ابوها :روحي نادي سعود بسرعه
لمياء :طيب ركضت لفوق وفتحت الباب بأزعااج:سعووود
سعود يفز مرتااع :هاااوش صار ؟؟
لميا ماسكه بطنها تضحك على شكله : مافي شي بسم الله عليك
سعود رمى المخده على وجهها :فوتي علي حلم اتمنى اعيشه بالحقيقه
لمياء بفضول:ايش هو
سعود : انقلعي عن وجهي برا
لمياء:طيب نتظرك تحت
سعود :خبري ابوي ابجي وراكم
لمياء :احسن توسع علينا
سعود : اه بس ياسفابهم اللي يحترمون اخوانهم الكبار انتم الحين مافي احترام وتدليع الابمواسم معينه بس ووقت المصالح وهذا وانا بصير ابو عيال بعد فتره من الزمن
لمياء :هههه طيب نسحب كلمتنا
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك