رواية ايه احبك قلتها والصدى غطى المكان -16
جاسم : بلا دلع .. انتي قلتي موافقه امس مسرع غيرتي رايج والرجال ما ينعاب و باجر الملجه احمدي ربج ما ملجت وخليتج اخر من يعلم
دانه : جاسم خلاص [ وغمزت له ]
جاسم : انا قلت لكم بآجر العصر الملجه فمآن الله
الهام : يمااااااااااا وين قاعدين حنا باي عصر يقررون وحنا ننفذ
دانه : الهام يلا عااد بلا دلع ابوج عطى الرجال كلمه
____________________
....... : تفرقوا اثنين سافروا وواحد عايش بروحه ندزله كم وحده ونجيب خبره
....... : لا لا خل كل شي ع البطي عشان يعرفون اللعب معاي صــــــــح
_______________________
سلطان & الهام : ملجتهم بتتم
مي & رائد & العناد لي متى ؟!
شسالفة ....... & ............
ومن يقصدون ؟!
نهآآآآآية البارت =)
البارت 32 ]~
بــعد صلاة العصر تمت ملجت سلطان على الهام
و وليد حظر الملجه بطلب من سلطان لان الكل حاظر وحب فرحته تكمل بوجود ولد عمه ..]
تم كل شي بسلام والهام مشت حركة سلطان بس بتدفعه ثمنها بعدين وتعيش يومها كاي عروس ] ..
حزة المغرب
أبو سعد : الوو
مريم : هلا وغلا
أبو سعد : مريووم نادي مي وتعالي لي عند المسبح
مريم : تامر أمر
أبو سعد : و اذا عندكم شحن للاب هاتيه شحني ناسيه
مريم : ابشر دقايق
..
سكرت مريم من أبوها وراحت لمي تناديها و أخذت شحن اللاب معاها ]
أبو سعد قبل الاختبارات النهائيه عنده سفرة عمل بسيطه للندن وقال لام سعد بحيث تروح معاه بس رفضت لان وقتها مو مناسب لها و فضل ياخذ وحده من البنات لان وده احد يسليه ..]
وصلوا البنات وسلمو على أبوهم
مي : هلا با با امر
أبو سعد : ما يامر عليج عدوو .. اسمعوني عندي سفره لـــ لندن بعد فتره شوفوا هالتاريخ من منكم فاضيه
مريم : لاع يبآ اجلها للصيف هالوقت وقت أختباراتي
مي : يا هووووووووو يبا انا معاك ولا يهمك
مريم : يبآآ أجل بلييز وقسم سفره ما تفوت
أبو سعد : ههههههههههههه مو كيفي الشغل له وقته مره ثانيه
مريم : يخرب بيت حظج يا مي
مي : بسم الله قل اعوذ برب الفلق وقسم كسرتي خاطري هع
مريم قامت : بس شبعت قهر بقوم احسن تامر شي يبآ
أبو سعد : هههههههههههه لا سلامتج بالصيف يصير خير
مي : ايه صح يصير خير حنا نشوف الجو هناك اذا اوكي نروح الصيف صح يبآ
أبو سعد : صح يبا
ورآحت مريم وهي مقهوره ودها تسافر وحظ مي ان كانت بفترة اجازه لانها تعطل قبل مريم ..]
مي : ها نحجز
أبو سعد فتح موقع للحجز وحجز ولقآ له دايركت من الكويت لي مطار هيثرو [ لندن]
أبو سعد : يلا نشوف الفنادق
مي : نبي فندق سنع اهم شي الخدمه بليز
أبو سعد : معقدتج الخدمه
مي : هههههههههههه حيل
ابو سعد : اهاا لقيته
وحجز الفندق
مي : لحظه يبآآ لا تحجز مجربه
أبو سعد : أيه لحظه أوريج الصور
خلصوا الحجوزات
وراحت مي للبنات
مي : يآآحرام ناس تمتحن وناس تتمشى بلندن وشوارعها
رهف : خاينه وربي وانا وين وقسم ما وراي شغل ولا امتحانات ابي اروووح
مريم : ايه ميوو اقهريني اكثر
مي : لا خلاص بسكت اخاف عينكم بالسفره وانثبر انا معاكم
عبير : يبووووووي زين انطري سافري معانا بالصيف
مي : يا ماما احد يحصل له سفره مع ابو سعد ويقول لا خبله انتي
مريم : أيه مو هو الوحيد اللي ما يرد لج طلب خصوووصا بالسفر
مي : هههههههههههه ليه وهذا الشي يقهر صح
مريم : اصصصصصصص بس سكري ع الموضوع
مي و بحركه رفع ضغط مقصوده : الله يابنات لو تشوفون الفندق اللي حجزناه ورانياه ابوي وقسم غرفهم شي روعه
رهف : لا تكلميني
مي : وشششع وانا شكو
رهف : اخذيني معاج
مي : عادي قومي نقول لخالتي وابوج مع اني وااثقه ما في روحه بتنطقين حالج حالهم
رهف : واذا رحت شنو لي
مي : اللي تبييين
رهف : اعتبره تحدي ونفس الطياره اللي بتروحين فيها شرايج بعد
مي : اكششششششششششخ وتتحدى وواثقه اقول وراج خالتي وعمي نشوف من يقنعهم
مي مستانسه بالتحدي تبيها من الله ان رهف معاها
رهف : دقايق وراده بالخبر ههههههههههههه
سآره : لااااااااا والله مالي دخل كلهم يسافرون قبلنا وحنا ننطر الصيف اللي بعد شهر ونص اوووف
منال : ما عليه انطروا الصيف هم كلها كم يوم شغل وما راح يستانسون ورادين
مريم : ه ه ه اقوول تعرفين يعني مي وبتسافر اسبوعين ويالله حتى ما يكفيها
عاليه : لا ما اتوقع عمي وراه شغل
مريم : نشوووف
مها : ورهف بترووح
مريم : مهااوي اذا بتروح لا تعترضين بليز هي بروح نفسيتها متلخبطه ع القعده اللي قاعدتها بدون مدرسه
سآره : أي مهااوي بليز خليها تفرح شوي
مها : الله يعين
..
رهف : جد يبآآآ
ابو سليمان : أكيــد وبنقعد للصيف اذا حبيتي
رهف : وااااااااااااااااااااااااو تسلم يا أحلى أبوووو
وحبت راس ابوها وراحت لمي وهي مو مصدقه انها كسبت التحدي .^
..
رهف : لا تتحدين مره ثانيه تسمعين
مي ومو مستوعبه : هيييييييي بتروحون
رهف : ههههههههههه ايه
عبير : حركااااااااااات بثواني جابت الموافقه
رهف : عشان محد يتحدى رهف
مي : هههههههههههههه مناك اقول
رهف : يلا
مي : شنو يالا
رهف : قلتي لج اللي تبين
مي : تكفين طلب خفيف بليييز رهاافي
رهف كانت بتطلب شي جنوني بس اجلتها : امممممممم غني لراشد اللي يطري ببالج ما في شي محدد
مي : منو اللي قاص عليج وقايلج اني راشد
أمواج : جذااااااابه تعرفين يلا غني
دخلت عليهم الهام : هههههههههههه حسسوني اني عروس ابي اسمع طرب فرح يلاا
منال : ههههههههههههههه اثقلي
الصاله صارت هدوووء
مي :
لك بعد عــيـن تـواجـه او تشوف عيوني فيها
أنـت ماخليــت حـاجـة اغفر ذنوبك علــيـهــــا
أختلف دربك ودربـــــي من بعد ذاك الوفــــــــا
صار دربك غير دربـــــي ونتها عهد الصفــــــــــا
مهـما في الدنــيا يصير الـوفي يبقى وفـــــــي
وإلي فـي حبــه كبـيـر مـايــهـزه اي شــــــي
مابتشفع لك دمـوعــك انت من قلبي انتيهيت
ماكسر قلبي خضوعك لو ترجيت أو بكيـــــــت
البنات : يا سلاااااااااام يسلم هالصوت
مي : دووور امواج
أمواج : أحم .. وعطت البنات اشاره تقصد فيها لالهام .^
هب السعد هبايبه لرياحي
ويا شاريه لعباد وين صلاحي
ويا زينه ياعلج و السعد ذبالي
وهبوبي حيج من وليج يلعالي
هب السعد هبايبه لرياحي
وياشاريه لعباد وين صلاحي
وشبهت الزينه و الصبا حين لين دنه
ولا القمر واربعه واثناني
هب السعد هبايبه لرياحي
ويا شاريه لعباد وينصلاحي
يا مهرة (ن) عند الايواد
ربوها بيت (ن ) رفيع ومركز(ن) عالي
هب السعد هبايبه لرياحي
ويا شاريه لعباد وين صلاحي
حظي على اخوانج يا الزينه جمله
عوضتهم بالواحدين واحداني
هب السعد هبايبه لرياحي
ويا شاريه لعباد وين صلاحي
وشبه قرتها هوى لسهيل باجج
قطنن يديد الماهو الميزاني
وقعدوا البنات ضحك ووناسه واغناني لين حزة العشآآء
أمواج : بنااات مشتهيه مآآك
مريم منسدحه : من عمرنا وحنآ لي طبينآآ المزرعه يا عيووش على حسب عزايم خالي يآ مشويات ما مره طلبنا وجبات سريعه احلمي ماما
أمواج : لا بليـــز
مي : بليـــز انتي وخري عني ولا تدخلين السالفه براسي
رهف منسدحه يم مريم : يا بلشة البلشه أنا جوعانه أبي آآكل
مريم : خالتي نادتنا قبل شوي وقلتو ما نبي الحين جوعانين
عبير : طقنآآ الجووع شتبينا نسووي
مريم : لا تسوون شي خلوونا جذي
سآره : نهجم ع المطبخ
مي : ههههههههههههه هي انتو بتدخلون حرب
عاليه : الحل تراني لي جعت ما اعرف احد
منآل : بنات صدقوني الوقت متاخر ومحد بيوديكم وجمعية الوفره بعيده
ألهام : شرايكم اتصل على سلطان يجيب لنا
منال : ههههااااااااااااااااااااي منو منو منو ما اسمع الهاموو عيدي اجل سلطان ردد ردد يليييييييييل مطولك
مي : ههههههههههههههه يا حليلج والله اول يوم وبتكدش الرجال اعقلي
الهام : اخاف مصدقين انا حتى رقمه مو عندي
رهف : ايه هذي السنعه بعد العرس عطيه فيس مو الحين
منال : هااااا هوووووووو هااا هوو هي انا هوون
رهف : ههههههههههههههه هااااا
مي طقت رهف : يا بقره اشكره
أمواج : اللي جوعانه منوو
البنات كلهم : انااااااااااااا
أمواج : والساعه كم يا حلوين
البنات : وحده ونـــــــــــــص
مي : منتصف الليل هع
أمواج : أبي ماك
مي حذفتها بالمخده : أنتي بلشه وربي بلشه بنااااات ابي ماك معاها
رهف : وانااااااااااع
رن تليفون أمواج : يا هلاااااااااا و غلاااا ومرحبااا وكل ابو الاشياءات الحلوه
عزوز : ما عليه اختي مغلط بالا رقام بااي
أمواج : ههههههههههههه سكره هين يا عزوز
مي : وقسم ما يلام كلام حلو مره وحده
اتصل مره ثانيه : الووو
أمواج : عزوز ليه تسكره
عزوز : لا بس استغربت ترحبين واشياءات حلوه هع
أمواج : عزوز منو حبيبتك
عزوز : أنتي
أمواج : منو دلووعتك
عزوز : هم انتي
أمواج : مشتهيه ماك بليييز
عزوز : الحيييييييييين
أمواج : حاالااا
عزوز : طروة حاامل هذي
أمواج : ههههههههههه لا تتشمت
عزوز : اوكي شوفي البنات شيبون وانتظرج بالسياره
أمواج بفرررح : فديييييييتك ثواني
رهف : أمواج جد بتروحين
أمواج : ليه انا اضحك
رهف : ترى شكله الجو بيمطر و و
أمواج وهي طالعه : لا لا ما بنتاخر
عند سيآرة عزوز فيصل كان واقف معاه
عزوز : فيصل شفيك مو من صجك
فيصل : يا سلاااام الحين ليل ورايح مكان بعيد وبروحك بعد عشآآن هذي
عزوز عصب : هذي اختك يا فيصل زين
فيصل : ما عندي خوات
عزوز : فيصل خلاص روح تراك رفعت ضغطي
فيصل : رفعت ضغطك عشاني خايف عليك من طلعت لنا هالامواج وانت كارهني رووح رووح كاهي واقفه تتسمع
وراح فيصل داخل و عزوز حس انها سمعت فيصل الا تاكد لما شاف دمعتها على خدها .. قرب منها
عزوز : أمواج يلا
أمواج وبصوتها المخنوق : ما عليه عزوز هونت الجو غيم و الروحه صعبه شوي
عزوز : آحم أمواج
أمواج وهي تسكر عيونها ودهاا ترجع ثواني ورى تمنت انها ما سمعت فيصل .. [ انا ما عندي خوات ] كلمه هزتها بجد حاولت تخفي حزنها وهمها وفراق اختها وابوها قدام الناس وما تبي تحسس أحد انها مو مرتاحه بحياتها ودها تعطيهم مثل ما عطوها
عزوز مسكها ووركبها السياره وركب هو
عزوز : ترى انا اللي بزعل ولا جنج سمعتي شي فيصل قال هالكلام من خوفه علينا
أمواج : عزوز حس فيني شوي تعرف يعني معناة كلام فيصل اني مو موجوده انا ولا شي مالي معنى
عزوز : صدقيني فيصل قلبه طيب وهو ما يقصد
أمواج سكتت ما ودها تتكلم تظن الكل يجاملها و تحس الكل يشفق عليها بعد وفاة ابوها وبعده اختها ..]
الطريق كآآن هآآدي نادر ما تمر سيآره
نزل مطر قوي نوعا ما ..]
رهف طلعت برا بروحها تحت المطر صداااااااع ذبحها من الصبح بس ما تبي تشغل احد عليها : يااارب
شافها سامي : رهووف ادخلي داخل لا تبردين
رهف ابتسمت : لا خلني شوي وبدخل
سامي : بتمرضين
رهف : صدقني مستاسه بالجو شوي وادخل
سكتو شوي ودمعت عين رهف
سآمي : فيج شي
رهف : لا
سآمي : وهالدموع ؟
رهف : خلاص انا بدخل داخل
وقفها سامي : شنو مضايقج
رهف : ولا شي
سآمي : المدرسه صح
رهف نزلت راسها : أي
سآمي : وليه معطيتها كل هالاهميه السنه الجايه بتصيرين احسن وبداومين وتكونين انتي و مي مع بعض
رهف : سامي مستقبلي ما تبيني اهتم ؟؟
سآمي : صحتج اهم عندنآ
رهف : الحمد لله على كل حال
سآمي : يا حلات المطر بس اتذكر مره بالحوش ببيتنا القديم كنا نتسابق انا ومنوول ع القواري [ دراجات ] وزلقت والكل خايف علي الا انا وسنوني قاعد واضحك خخخخخخخ
رهف بسرحان : حلو بس الناس تخرب عليك الجو بتفاهات و غيره
سامي : مثل
رهف : ذكرتني بموقف مره كنا بساحة المدرسه حصه بس ما دخلنا كل المدرسات برا والبنات يعني ساايبه والبنات بساحه ووناسه والمطر ينزل علينا و كنت لحظتها بفرحه ما تصورها سمعت بنت تناديني رهـــف الكتب اللي بيدج لا يتدمرون مااي استغربت قلت ما بيدي شي قالت اووووف غريبه رهف وما بيدها كتاب
سامي : وشنو رديتي عليها
رهف : شتبيني ارد ؟؟
سامي : وليه سكتي
رهف : شتبيني أقول
سامي كره عقليات الناس المتخلفه
رهف : عادي متعوده مو هي اول وحده بكلم امي تنقلني لاني تعبت من هالمدرسه
سآمي : مو بكيفج
رهف : تبيني اقعد مستحيــــــل
سآمي : هذا هروووب بتروحين وبتلقين نفس هالقلوب المليانه حسد هنااك المفروض اللي يتغير انتي مو هم
رهف : انآآ
سامي : شلون بتكملين حيآتج اجل كل ما واجهتج مشكله خليتيها ورى ظهرج ومشيتي ااقصد انحشتي
رهف : سامي
سامي : اثبتيلي أنج ما تتهربين و تمي بالمدرسه و اللي تكلم لج بكلمه ردي عليه بميه و بشوفج قدها
رهف : سامي ما العب انا
سامي : اتحداج بتبقين بنفس المدرسه لي اخر سنه
رهف : لا تخليني اتحدى على شي انا ما ابيه اساسا
سامي : لانج ما تقدرين
رهف ارتفع ضغطها : انا بدخل داخل
سامي : هروووب هذا نسميه
رهف : سامي وبعدين كل ما قلت شي قلت هروب
سامي : ليه ما تواجهين كل موضوع يواجهج ليه تحاولين تبعدين وتصدين عن واقع
رهف : واذا سويت نفس اللي تقوله وواجهت كل موضوع وعورت راسي ما بخلص
سآمي : وين الاراده
رهف : عن اذنك
ودخلت داخل
سامي بضحكه تنرفزها : قولي لامج تنقلج اووكي
رهف ودها تذبحهه بجد قهرها حسسها انها عديمة شخصيه جاهله ..]
عند عزوز وامواج وصلوو خلى السياره قريبه من باب المطعم لان الشارع فااااضي
عزوز : يلا انزلي
أمواج : لا بقعد انت انزل ولا تتاخر
عزوز ما ضغط عليها : اوكي
نزل وطلب
عزوز : All without ice please
العامل : ok . Do you want to add cheese
عزوز : Of course
العامل : 25dinars
عزوز : Take
العامل : Thank you
عند أمواج كانت سرحآنه بفيصل بتكسبه كاخو وصديق شلون .. جاء احد وفك بابها
ورهف بتتحدى سامي ولا ولا كانه تكلم ؟؟
سفرة رهف ومي ؟؟
الهام وسلطان ؟
فيصل وتقبله لامواج ؟
كل هذا بالبارت القادم انتظر توقعاتكم وتفاعلكم يا قمرات =$
في حفظ الله =)
البارت 33 ]~
عند أمواج كانت سرحآنه بفيصل بتكسبه كاخو وصديق شلون .. جاء احد وفك بابها
أمواج أخترعت : نـ ن ن عم
كانو اثنين شباب واشكالهم تخرع ومبين انهم سكآآرى
الاول : مرحبآآ
أمواج تجمدت مكانها كانو الاثنين واقفين يمها وهي بالسياره يعني ما في مجال تتحرك فحبت تبعد الخوف عنها وتتكلم بعقلانيه اكثر : تآمر بشي
الثاني : ايه عليج
أمواج خلاص ودها يكون حلم : خير اخوي تبي شي
الاول : اوه اوه لا يا عسل ريلاكس ريلااكس شووفي تعالي هناااك بويرج شي حنآآ متراهنين وانتي احكمي
[ وهو ياشر على مكان بعيد ]
أمواج : خلاص انتو روحوا وانا بخلص شغله واجي
الثاني : مسسسسسسسسستحيل الحين الحين
الاول : صح مستحيل .. وهو يمسك ايدها و يسحبها والثاني مسك ايدها الثانيه
امواج تفلت نفسها وبصراخ : وخروااااااااا عنييييييييييييي
وجا واحد ثالث وسحبها من كتفها .. واغمى على امواج ؟
...
عند البنات
لو :-
شفت غيرك كيف " يهتمفيني "
كان تعذرني يوم انا أقول
قصرت !
............قصرت!
......................قصرت!
مي سرحآنه بشآشة تليفونها .. جت رهف وقعدت يمها : ميوو شفيج قاعده بعيد
مي مدت لرهف التليفون : اقري
رهف : أنتي شكووو فيه
مي : رهف سمعتيني قلت لخالي شي تكلمت بشي انا
رهف : لا بجد استخف هذا مي لا تشغلين بالج طنشي
مي : ما همني بس لزووم يوقف عند حده و يتحمل ما يجيه
رهف : مي شناويه عليه
مي : بعدين
..
وجا واحد ثالث وسحبها من كتفها .. واغمى على امواج ؟
عبد العزيز دز الاثنين ع الارض بسهوله لانهم ما يقدرون يقاومونه وهم بهالحاله ..]
ركب امواج بالكراسي الخلفيه وجاء واحد من الشباب اللي كانو بالمطعم وحط لهم الغراض بالسياره
و احد منهم وهو طايح ع الارض مسك بطل قزاز وحذفه على عبد العزيز : آآآآآآآآآآآآآآآآآآ
الرجال اللي معاه : عسآ ما تعورت
عبد العزيز ماسك راسه : امممممممم لا لا تسلم ما قصرت
الرجال مد كرت فيه رقمه : طمني عليك اذا وصلت
عبد العزيز : ان شاء الله
..
ركب سيآرته عبد العزيز و بصعوبه وصلو المزرعه والجو كان مطر وهوى خفيف ]~
دخل داخل المزرعه وخلاص موقادر يشوف غمام على عيونه و دم نزل من راسه ضغط على هرن السياره واستند عليه فـ بجذي علق الصووت
الكل طلع مخترع ..]
..
ركضو الكل متجهين لسيارة عزوز
سلطان يكلم عزوز من برا : عزوووز حاول تفتحلي
سامي : سلطان شكله مو قادر يفتح شباب شوفولنا أي باب مفتوح
حاولوا يفتحون البيبان الشباب ماكو امل
سعد : شبآب هالباب مفتووح
الحريم والبنت توهم وصلوووا
أم امواااج : يماا بنتي
مسكتها حصه ام سعد : هدي ما في الا الخييير ان شاء الله
فتحو الباب اللي من عند راس امواج
حست بالباب يفتح : وخروووووووووووووووووووو عنيييييييييييييييي لحد يقرب وخرووووووا
سامي : امواج هدي اذكري الله انزلي
أمواج صرخت و اسندت نفسها ع الباب الثاني وبهستيريه : قلت لاااااااااااتقربون
ناصر : سامي فك باب عبد العزيز من عندك خلنا نشوف شصار عليه
مد ايده سامي وفتح باب عبد العزيز وقرب تركي و يحاول يصحيه : عبد العزيز عبد العزيز تسمعني
وجت نوره وجابت معاها الماي
تركي غسل وجه عزوز وحس انه بدى يستوعب : عزوز اضغط على ايدي اذا كنت حاس فيني
تركي التفت على فهد : شغل السياره وركبه وانا جاي
ام امواج قربت من امواج ومدت ايدها : امواج يماا تعالي
امواج : خلوووووووني بروحي وخرووووووو عنييي
فيصل وهو معصب : بلاااااااا عيآآره انزلي وخلصينا حالتج مو اردى من عبد العزيز
محمد : فيصل خلاااص اجل كلامك
تركي : مي و ساره ورهف تعالو حاولو فيها على ما اجيب اغراضي من داخل .. سليمان خل الحريم يدخلون داخل وما ابي احد معانا الا فهد ومي وساره ورهف سمعت
سليمان : ان شاء الله
سليمان قال للكل يدخل داخل كلهم دخلوا الا ام امواج وحصه ماسكتها : خلووني اشوف بنتي لا ترووح مثل ما راحوا اللي قبلهاااا . . . ]
حصه : اذكري الله وادخلي معاي داخل
رهف تقرب منها ومدت لها ايدها : امواج تعالي معاي
امواج مغمضه عيونها : بلييييز خلوني بحالي بليييز
اما مي وساره فتحوا الباب من ورى ونزلوها معاهم
و اغمى عليها مره ثانيه ]~.
بالمستشفى
أمواج حطوها بالملاحظه مغذي وللحين ما صحت والبنات عندها
ساره : يارب اشفيها
رهف : تتوقعون شصار
مي : الله واعلم
..
عند عبد العزيز .. لفوو راسه و خيطو الجرح كان 3 غرز
وقال لتركي شصار
تركي : وانتو شموديكم بالليل وليه ما قلت لي
فهد : يبآآآ حصل خير
تركي : استغفر الله العلي العظيم
..
ردوا المزرعه و وكملوا ايامهم عادي وامواج تحسنت حالتها و عبد العزيز كل كم يوم يغير ضماد الجرح وفيصل حاط اللوم على امواج باللي صار لعزوز .. مرت الايام الحلوه بسرعه وجا وقت عطلة الدراسه لاختبارات الفاينل .. ومي أمتحنت وعطلة .. و الناس تدرس للاختبارات ومي ورهف فراره بالسوق عشان يزهبون للسفره اللي بعد يومين : )
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك