رواية افهم ترانا لايقين لبعضنا كنك نهائي الكأس وانا هلالي -16
فتحت ريم الثلاجه تطلع ميرندا بارده اخذت السندويشه وطلعت فوق قابلها ياسر وبدر حست بغصه بقلبها تذكرت حظها النحس طنشت ياسر اللي كان يناديها مقهوره من داخلها عليه قفلت الغرفه وجلست تنتظر ندى تطلع من الحمام
سامي فاتح المصحف يقراه هذا حاله من سمع الحكم عليه وكل امره لله لاكن احيان الحزن يغلبه صكر المصحف وهو يذكر الله لف عيونه على السجن هدوءه وصمته يزيد عذابه كيف يتحمل هاالمده هنا تعب اكثر وهو ينتظر ياسر يعطيه ردده الاكيد حتى يكلم عهد بنفسه رفع عينه لفوق وهو يتذكرها مافارقت خياله خذت كل تفكيره مد يده ياخذ دفتره وفتحه يسلي خاطره تخيل ان ياسرملك لعهد وراح يصير بيوم زوجها رمى القلم والدفتر بقهر على الارض صعب عليه يقرر قرار قلبه يرفضه
طلعت ساره من الغرفه خلت عهد وهديل لحالهم ماتبي تحرجهم
عهد تحاول تتماسك عند هديل اللي منهاره
لفت شرشف الصلاه على شعرها فرشت السجاد وبدت تصلي ماينفع الحزن ولاراح يفيدها وكلت امرها لله يرحمهم برحمته
ساره تدق على ريم لاكن جوالها كان مغلق
رفعت تلفون الثابت تكلمها انتظرت الرد
قام ياسر اللي كان جالس باالصاله رفع السماعه سمع الصوت اللي يعشقه
:وعليكم السلام
ساره:وين ريم
ياسر يقرب السماعه لاذنه :انتي ساره
ساره بحياء :اي
ياسر:فوق بغرفتها كلمي على جوالها
ساره :عطها خبر تفتحه
ياسر :ان شاءالله (وفي داخله يقول من عيوني)
صكر السماعه بحزن وبهمس ( ماابي انحرم منك ياساره ليتك تعرفين اللي بقلبي) اه ياربي معقوله عمتي تطلع عقب هاالسنين وتصير عهد بنت عمتي تذكر لماكانت امه تقول ابوكم مات بحادث كيف كان حالهم وبعد سنين علمته باان عمته اللي مايعرف الاسمها انها هي اللي قتلت ابوه حس باالحقد عليها اجبرته امه انه يتنازل عن حق عمته بعد ماشافت حال عيال ام راشد اللي عاشوا مع زوجه ابوهم كانت يوميا تدق على امه تهاوش وتصرخ فكوني من هاالعيال كانت تضرب وحده من بنات ام راشد وتسمع صياحها باالتلفون عمد لام ياسر بلارحمه وبكل قساوه بس علشان تفتك منهم وتاخذ ابوهم لملكها كان رافض يتنازل عن ام راشد لاكن اصرت امه عليه هو وندى اما ريم وبدر فقدرت بواسطه انها تبين انهم راضين عن تنازلهم كيف امه رحومه تنازلت عن حقها علشان ماتشوف دمعه يتيمه ماتبيهم يعيشون ايتام مثل ماعيالها عاشو ايتام من بعدها ماعاد يدري وين عمته لان امه عطت ام راشد تحذير ماتشوفها ولاتقابلها هي وعيالها مايتذكر ملامحها ولايعرف احد من عيالها كانت متقاطعه مع اخوها كل علشان الورث ابوه اللي خايف عليها من زوجها الطماع اخذ ورثها يحفظه لها ومنعها تعطيه زوجها لاكن حبها له اعمها صارت تلهث وراء الفلوس علشان ترضي زوجها وبس تذكر لما دخل بيتهم مع سامي اللي يتضارب مع عماد حس ياسر بضيقه وهو يسترجع الماضي (غمض عيونه وهو محتاار لازم يقرر هالايام ويرد على سامي اللي ينتظره )
ندى اعطت السالفه لريم اللي كانت مصدومه وهي تسمع لكلام اول مره تسمعه
ريم : اه من هاالدنيا تخوف ياندى مااصدق هااللي يصير لي ابد انا حسيت بشبه عهد كثير لك لاكن مامر على بالي انها ممكن تقرب لي
حتى عمتي هيله لما رحت لبيتهم ماعرفتني
ندى :ماشفتنا الا واحنا صغار بس انا مره شفتها هي وعهد من سنوات كنت عارفه ان عهد بنت عمتي لاكن شكيت ولااعطتني امي الفرصه
ريم : احترت حسيت ام راشد طيبه ماتوقعت تقتل ابوي بيدها احس بموت من كثر ماني مصدومه
ندى تهديها :هدي من نفسك ياريم وروحي ارتاحي الا ماقلتي لي كيف سعود
ريم نزلت راسها وسكتت
ندى :ريم صار شي
ريم توقف : بعدين نتكلم يكفي الكلام اللي سمعته الحين ماعاد اتحمل اي شي
تااابع <<
الجمعه ...
انتهى جاسم من صلاه الجمعه قرب من باب المسجد يستعد لطلعه ويكلم اهله مشى مسافه لسيارته الواقف في شرق المسجد
استغرب من البنت اللي واقفه عند سيارته فصخ النظارات وقرب من سيارته
ديم حست بخطوات مشي وراها التفتت ووقفت لما شافت جاسم
جاسم بعصبيه:ايش جايه تاخذين مني هاالمره
ديم تشد على يدها كأنها تحاول تتقبل اهانته قربت عنده :جاسم بدي وقتك دقايق
جاسم يلبس النظارات على عينه ويقرب عند باب سيارته يفتحه :مابيني وبينك كلام
ديم تمسك يده برجاء : ارجوك جاسم اسمعني
جاسم يسحب يده: ايش تبين ..؟
ديم بهدوء : بدياك ريلاكس خلينا نطلع لمكان هادي مو هون
جاسم :اذا عندك كلام قوليه هنا
ديم :جاسم انا بدياك تسامحني
جاسم : اسامحك وبس كل اللي سويتيه لي يكفيه اني اسامحك ياديم
ديم: اللي بدياك مني راح اعمله بس سامحني
جاسم يركب سيارته ويحركها مطنشهاا حست بجرح بقلبها ولاتقدر تتنسى جاسم ابد
ندى تنتظر اخوانها يرجعون من الصلاه دخلت للمطبخ تقطع السلطه وتجهز الغدا وتفكر بوليد طمنت نفسها انه راح يجي اليوم
بدرمايهمه كل اللي صار ابد رجع للبيت ودخل لصاله يشبك البلاستيشن ويلعب
طلعت ندى لصاله :بدر متى جيت؟
بدر وهو يفتح دولاب المكتبه ويدور على الاشرطه:اوووه وين اشرطتي انا عارفه ان ريم هاالدبه مضيعتها
ندى :وين ياسر
بدر يطلع فوق لريم : راح للبقاله يجيب لبن
ضرب الباب بقوه على ريم
ريم قامت مفزوعه تركض لباب لايكون مصيبه ثانيه صايره :خير بدر ايش صار
بدر :اقول يالدب اعطيني اشرطتي ولاتجلسين تسوين نفسك مفهيه
ريم حست ان ودها تصفقه على وجه هي وين وهو وين :يالسخيف تضرب الباب كذا علشان اشرطه اشرطتك رميتها باالزباله ارتحت وابن امك تضرب الباب مره ثانيه صكرت الباب بوجهه
ام ياسر تمشي بتعب:بدر ..؟
بدر :يمه ربي بنتك هاللي ماتربت
ام ياسر:بس ولاكلمه احترم اختك الكبيره وانزل يالله تغدا
قربت ام ياسر من الباب :ريم انزلي يالله غدا
ريم وهي مالها نفس نزلت علشان خاطر امها
دخلت وجلست على الكرسي بصمت
بدر وهو يحاول يغيضها :اقول ليش ماسرحتي كشتك
ريم تحرك الملعقه ببرود وهي ماسكه اعصابها تكمل غداها بسلام
سحب بدر السلطه اللي عندها وجلس ياكلها وهو يعرف ان ريم تعشق السلطه
ريم بعصبيه:قسم بالله لو ماترجع السلطه لاقوم عليك واخليك سلطه تفهم
ياسر ماله خلق:وبعدين انتي وهو ..؟
بدر : هي اللي باديه علي
ريم التفت لبدر :تراني ماروقت لامثالك
ياسر :ريم من جلستي وانتي معصبه خلاص هدي
ريم وهي مقهوره من ياسر:اهدي على ايش على حظي الشين اللي اخترته لي ها ؟؟؟
ياسر باستغراب: اخترته .؟
ريم بعبره سحبت الكرسي على وراء ووقفت: اي بايعني لواحد مايسوى لها الدرجه مسترخصني وطلعت بسرعه
الكل استغرب من كلام ريم .. ياسر رمى الملعقه على الطاوله وطلع وراها
ندى :يمه ايش تقصد ريم
ام ياسر : ماادري لاكن انا حاسه في بنتي شي من البارح
بدر:يمه عطيني فلوس بروح اجيب لي اشرطه
ندى :ياربي انت ماتعرف وقتك وبعدين زين كذا تعصب بريم
فتحت لمياء جوالها تدق على سعود اللي ماجاء من امس حصلت رساله من نوف ( اكيد بنت الشوارع ايش بتكون عمتها انتبهي على نفسك من زوجه سعود لايجينا خبر انها قاتلتك بعد ههههه )
احقرت تفكير نوف العبيط هذي نوف وعمرها ماراح تتغير دايم تفكيرها سقيم حتى اسلوبها مثل الصغار
ماردت عليها قررت تطنشها دقت على سعود اللي مايرد على مكالماتها وهالمره مارد بعد
سعود يطالع مكالمات لمياء ومطنشها قلب القنوات بملل لمح مذيعه فيها شبه كثير من ريم قام بسرعه فتح جواله يصور هاالمذيعه تذكره لو شوي منهاا جلس وهو يطول على الصوت وعينه عليها وباله عند ريم تامل ضحكتها فجأه ضحك معها حس بنفسه انه استخف
تمنى لو يتصل على ريم ويفهمها كل شي بس تسمع له جت في باله فكره ارسل رساله لياسر يطلب منه رقم ريم
ياسر يكلم ريم اللي تبكي:عطيني السبب ياريم
ريم تبعد عنه:مافي سبب ابي اتطلق منه وبس
ياسر :ريم ماانتي صغيره علشان تفكرين بهاالشي كيف تتطلقين وبدون سبب اقنعيني وانا اسوي اللي يرضيك
ريم انقهرت بداخلها ماتبي تعلمه بهاالاشياء :انا اقرر اللي ابي ومااحد يجبرني وهذا سعود ماراح ابقى معه
ياسر بجديه: الرجال سالت عنه في شغله قالوا حبيب وكريم ومحافظ على الصلاه حتى اهل الحي يمدحونه ايش تبغين اكثر من كذا ها ؟
ريم بعناد وتزيد من بكاها : ياسر انا ماابيه مابيه وبس
ياسر يطلع من الغرفه : عنادك ماراح ينفعك وهو زوجك على سنه الله ورسوله وطلاق بدون سبب مافيه
طلع وخلاها تبكي على حالها ...
ياسر يمشي بعصبيه فتح الرساله من سعود يطلب رقم ريم
احتار منهم رفع السماعه يكلمه
سعود:هلا ياسر
ياسر :سعود وينك فيه ابي اقابلك
سعود :انا بشقه واحد من اخوياي
ياسر:ابي اكلمك بموضوع
سعود:تعال باالشقه فاضيه
ياسر:خلاص اعطني العنوان وجايك
الشغاله: مناار انزل تحت ماما شيخه يبغى انتي ..
منار حست بقرف وهي تسمع صوت هاالانسانه مجرد ماتتهاوش معها تطلع لها اشياء تخوف حست نفسيتها رجعت تتعب اكثر طلعت من الغرفه لقت الشغاله لسى واقفه
منار ماحطت عينها بعينها ماهي ناقصه جنون من هاالاشياء اللي تطلع لها نزلت والشغاله تتبعها
جلست عند العجوز في الغرفه اللي كانت شبه مظلمه
العجوز:قربي ليش مبعده
منار قامت بسرعه وقربت عندها
العجوز خذي هاالفحم حطيه على النار اللي هنا
مدت يدها واخذت المعدن اللي فيه الفحم وكبته على النار
العجوز بدت تقول لها كلام وطلبت من منار تردد وراها
منار ماتدري ايش هاالكلام رددت وراها من غير علم
وبعدها طلبت منها العجوز تبعد شوي حتى يدخلون ضيوف عليها
بعد دقايق دخلت بنت في الثلاثينات من عمرها اخذت من العجوز شي اسود غريب طلبته تطبخه وتدسه في اكل زوجها..
طلعت البنت ودخلت وراها حرمه كبيره في السن قربت منار وهي مقرره تفهم هاللي يقولونه
فتحت الحرمه الكيس وطلعت ملابس داخليه نسائيه
الحرمه:بس ابيه يطلقها
اخذت العجوز الملابس والفلوس وطلعت الحرمه
مر كل هذا قدام عيون منار احتارت وبداخلها تستفسر :لايكون هذي ساحره ..؟؟!!ماهي مستوعبه انها في بيت ساحره حست باالخوف ياكل قلبها طلعت من الغرفه وهي تاخذ نفس الشغاله جت قدام وجهها بدون مقدمات صرخت منار مرتاعه :بسم الله وخري عني تطلعين بوجهي كذا ..
الشغاله ساكته وتطالع في وجه منار بتفحص ..
منار ركضت على الدرج وهي عارفه انها ماراح تسلم منها دام رفعت صوتها عليهاا فتحت باب غرفتها حصلته مقفل دفته بقوه تحاول تفتحه ضربته بيدها من غير ماتحس بنفسها كانه تطلب احد ينقذها لاكن دايم نداها ماله مجيب دفته برجلها وهي تبكي حاولت تكسره بقوه بعدها جلست بتعب عنده انقهرت من اللي قفله رفعت راسها وهي تشوف الشغاله فوق راسها :ليش انتي سواء بيبي يبكي ؟؟
رمت المفتاح بوجه منار باهانه وانزلت تحت ..
منار تطالع الشغاله وهي تنزل وكلمتها ترن بااذنها انتي سواء بيبي تذكرت خالد كان دايم لاشافها تبكي وتتألم نادها بيبي نزلت دموعها اكثر وهي تتذكره هو سبب همومها وتعاستها مدت يدها على المفتاح ودخلت الغرفه
خالد جالس مع سمر وهو يضحك ومبسووط من جاء لامريكا وهو مرتاح من كل شي وعايش حياته بأحسن مايكون
سمر:يله خلودي متى اشوف عروستك
خالد بأستهبال: لاتوني صغير
سمر:ايش صغير خلاص اللي مثلك عنده عيال وانت اي وحده تتمناك
خالد يتذكر منار اللي كان سعود يلح عليه يتزوجها راح فكره لبعيد
سمر :خلووود وين رحت
خالد :سمر صكري الموضوع ماراح اتزوج الحين
سمر : اووه لاانت ولامحمد خلاص انا راح اتزوج
خالد: ومن اللي خطبك
سمر :ههه اكيد ماراح اتزوج غير جون
خالد بصدمه:من جدك انتي؟؟
سمر:اي من جدي ولاحرام الوحده تتزوج اجنبي
خالد:سمر شيلي هاالجون من بالك
سمر:مستحيل
خالد : انا احذرك منه صديقني هذا كذاب
سمر: ليش تتهمه بالكذب وهو برئ انا احبه ومستحيل اتخلى عنه فهمت لاانت ولامحمد تقدرون تمنعوني
خالد: سمر مو من عادتنا نزوجك اجنبي
سمر:وانا ماتهمني عادات التعقيد هذي
خالد حس ان النقاش مايفيد مع هذي هو لو بيده اجبرها لاكن راح يطرده ابوه من الشغل لو تدخل بحياتها اضطر يصبر عليها وياخذها على قد عقلها :طيب انا رايح
سمر: طيب مااعطيتني قرارك
خالد:في ايش
سمر:تتزوج
خالد: اذا لقيت اللي تعجبني ماراح ارفضها
سمر :انا اعرف بنات كثير واغنياء
خالد:انا اختار لنفسي مااحد يختار لي
ندى :غبيه تبين تشيلين لقب مطلقه وانتي حتى مادخلتي عليه
ريم : هذي حياتي وانا اللي اختارها ماابي اتزوج هاالرجال باالذات
ندى :ريم حبيبتي صار بينك وبينه شي لما دخلتي عليه
ريم ساكته ماترد
ندى :تصدقين وليد طلع بسرعه ولاحتى دخل علي ماتدرين قد ايش انكسر خاطري بس معليش طنشت هاالشي راح تجي الايام ونشوف بعض هدي قلبي لحد الحين مافهمتك والله ..العصر راح نطلع نزور عمتي
ريم :روحي انتي انا مااراح اروح لها ابد
ندى : ريم كل انسان يغلط صحيح اجرحت قلوبنا باابوي لاكن الله كريم ويسامح ليش احنا مانسامح
ريم :انا لحد الحين مصدومه منها حسيت باالحقد عليها ماتدري قد ايش قلبي متعلق باابوي جتني حاله نفسيه من السيارات ظنيت ان ابوي مات بسببها لما كنت صغيره ماتوقعت ان عمتي اللي اتمنى اشوفها هي الحقيره تسوي كذا
ندى :يكفي القطاعه حتى عهد اللي نشوفها دايم ماندري عنها انها بنت عمتي بعدين عمتي مريضه تحتاج منا الدعاء مو هاالكلام
ريم :ندى خليني لحالي ماني طايقه نفسي ابد
ندى :خلاص براحتك لاكن مااظن ان ياسر راح ينفذ اللي تبين علشان كذا لاتتعبين نفسك كثير حبيبتي ..
نزلت باالصاله وهي تسمع صوت تلفون الثابت يدق رفعت السماعه
ندى :الو
جاسم: ندوو
ندى بفرحه :جسووووووم وينك مالك حس حرام عليك اشتقنا لك
جاسم :وانا اكثر ياالغاليه طمنيني عليكم واحد واحد
ندى :ليش ماتدق ولاترد على مكالماتنا قلقنا عليك
جاسم: كنت مشغول باالمره تطمني انا بخير
ندى : جاسم خواتك صاروا عرسان وانت ماتدري عنهم
جاسم بضيق:عرسان من جدك
ندى :حاولنا نتصل فيك اكثر من مره تبي امي تفرحك لاكن مافي رد
جاسم : ندى والله ماني مصدق
ندى :والله ياحبيبي صدق هذي امي تسحب السماعه مني خذ كلمها
ياسر بعد ماشرب القهوه رفع راسه لسعود:سعود صار بينك وبين ريم شي
سعود فرك يده باارتباك:مافي الا كل خير
ياسر : والله ماودي اضيق صدرك لاكن البنت زعلانه ولاادري ايش فيها
سعود: ليش زعلانه..؟
ياسر:هذا المفروض انت تجاوب عليه لاني احترت منها وهي مارفضتك الافيه سبب قوي
سعود ساكت ولايدري ايش يقول
ياسر:سعود لازم تعلمني بكل شي هي تبي تتطلق منك
سعود بصدمه :تتطلق..؟؟؟!!
ياسر:اي هذا مستقبل اختي ولاابي اتساهل فيه جيت اتفاهم معك لعل تتصلح الامور
سعود بتصريفه:يمكن ماارتاحت لي
ياسر يفكر :لا مااتوقع
سعود :ياسر خل ريم علي هي الحين زوجتي وانا لو تنطبق السماء على الارض ماافرط فيها قول لها تعطيني فرصه بس وراح تغير رايها فيني
ياسر :والله ماكان ودي اتدخل فيكم ابد لاكن ماقدرت اتحمل اشوف اختي بهاالحاله
سعود:ياسر ابي تساعدني طلبتك الحين بس ابيك تعطيني رقمها
ياسر :ابشر بعزك ياالحبيب لك اللي يرضيك لاكن لاعرفت ان في سبب قوي صدقني مااني ارحم ابد
سعود خاف ان ريم بيوم تقول له شي : مافي الاكل خير ياياسر
ياسر :اعتذر عن اللي صار البارح في البيت والله ماكان ودنا نزعج هلك والضيوف لاكن مشكله وصارت وان شاءالله تنحل
سعود :ولايهمك ياالنسيب كل بيت مايخلى من المشاكل
العصــر باالمستشفى ..
وصلت ندى ودخلت على عمتها كان عندها عهد وهديل وساره دخلت بهدوء وعينها على عمتهاا قربت لها
ام راشد وجها اصفر وشاحب ولسانها ثقيل ماتقدر تنطق اي كلام
ندى تمد يدها وتمسك يد ام راشد كأنها تطمن عليها
ام راشد تطالع ندى ودموعها تنزل على خدهاا تشوف ملامح اخوها بوجه ندى
ضغطت بيدها على يد ندى
ساره طلعت من الغرفه ماتحب تنحط بمواقف زي كذا
ندى التفتت على عهد اللي لافه الطرحه على راسها وعيونها حمراء من البكاء :كيف عمتي
عهد هزت راسها لندى بمعني انها بخير
ندى : ان شاءالله احسن ياعمتي ماتشوفين شر
هيله فتحت فمها تحاول تتكلم تقول اللي بخاطرها لندى لاكن ماقدرت
ندى حست عليها قربت من ام راشد تبووس راسهاا
تمنت ياسر نزل معها لاكن كان رافض مااحد يقدر يسامح عمتي بهاالسهوله سرحت بتفكيرها لبعيد وعينها على ام راشد
ام راشد تطلع صوت وكأنها تحاول تتكلم
عهد:يمه ارتاحي لاتعبين نفسك اكثر
ام راشد ترفع يدها لندى
خافت هديل على امها قربت من عند ندى :اطلعي لاتزيدين على امي
ندى ارتبكت من هاالموقف خذت شنطتها بتطلع لاكن ام راشد زاد صوتها اكثر التفتت على عمتها
حاسه انها ودها تقول لها شي ..هديل طلعت تنادي الدكتوره
ندى تغطت وطلعت بسرعه
ياسر ينتظر ندى تحت رفع ساعته يشوف الوقت لاجل يزور سامي خلاص قرر القرار اللي راح يقنعه ويقنع سامي و يريح قلبه ؟؟؟
البارت الثامن عشر ||
~..
مسك سعود زاويه المسبح يسترخي شوي وهو يشوف هشام جاي له ابتسم له من زمان عنه صديقه باالنادي يحب هاالانسان يحس فيه مرجله صدق وكرم وغير كذا صدره وسيع عمره 24 من القصيم متوظف باالرياض بمؤسسه تجاريه
هشام :ووينك ووين النناس ماعاد اشوفك باالنادي
سعود يسلم عليه :والله يارجال انشغلت باالملكه
هشام :اما عاد تملكت ولا عزمتن
سعود:والله انك عزيز وغالي بس خبرك ماجيت هنا من زمان ولاعندي رقمك
هشام: الف مبرووك ياسعود اجل لاتنسانا لاجا عرسك الله يتمم لك على خير
سعود: ابشر ياالغالي
هشام: يااالله اطلع وغير لبسك علشان بتبدى المباراه الحين
سعود وهو يطلع من المسبح : يالله جايكم الحين
وصل عند الدولاب وهو ينشف شعره باالفوطه مد يده واخذ جواله حصل مكالمه من ياسر رجع يتصل فيه بسرعه
ياسر بالطريق متجه لسامي ومعه ندى بالسياره :هلا سعود
سعود:هلاومرحبا
ياسر:وينك ماترد
سعود: في النادي وانشغلت امر ياالحبيب
ياسر :لابس بغيت اقولك اني والاهل طالعين اذا ودك تجي لريم وتتفاهم وياها على راحتكم
سعود حس بفرحه: والله ماحد يفهمني الاانت هههه
ياسر بخبث: حاس باحساسك تراني قايل لامي خلي باب البيت مفتوح انت ادخل باالمجلس والباقي علي
سعود بضحكه:خلاص تم طالع الحين
ياسر يضحك:الله يصلح اللي بينكم شد حيلك اذا وصلت كلمني
صكر سعود واخذ ملابسه يطلع من النادي لف راسه ينادي هشام ياخذ رقمه وبعدها طلع
دخل ياسر الجوال بجيبه وهو يتمنى انه بمكان سعود مع ساره قطع تفكيره صوت ندى :ريم عنيده ماراح ينفع معها شي!
ياسر :دلعكم ياالبنات
تنهدت ندى وسكتت وهي تطالع الطريق بهدوء
حس ياسر انها متضايقه التفت عليها يتأكد من هالشي من عيونها وبداخله:اكيد تفكر بوليد اللي مااتصل ولاجاء
بعد ربع ساعه ريم كانت حاطه السماعات على اذنها وطربانه هذا حالها اذا حست بشي ضاغط عليها ومتضايقه منه تقلب الوضع تنكس فتحت دولابها ولبست تيشرت فووشي
وبنطلون سكيني ازرق فاتح بعدها قربت عند المرايا وهي تعدل شعرها كانت مسويه ويفي ناعم مخلي شكلها روعه عذبها حتى ضبط معها لان شعرها ناعم وثقيل سمعت جوالها اللي على الكنب يدق اتجهت له وهي تطالع رقم ياسر
:اهلين ياسر
ياسر: ريم انزلي في المجلس في اوراق ناسيتها اخذيها لغرفتي
ريم :طيب
ياسر: الحين لاتتأخرين ولا دقيقه
ريم:اوووكيه
صكرت منه ونزلت للمجلس
سعود في المجلس ينتظرها كان باب الفاصل مصكر والمكان هادي سمع الباب ينفتح بدفاشه وصوت ريم وهي تغني واصل لاخر الدنيا عايشه جو
ارتاع سعود منها حس ان هاالعربجيه بتنهيه اليوم وقف على جنب علشان ماتشوفه
دخلت ريم وعينها على الكنبات تدور الاوراق
سعود يصفق لها:الصراحه على هالصوت انا ابذوب
ريم شهقت وحطت يدها على قلبها بخوف وعينها على سعود اللي تو انتبهت له
سعود يضحك عليها قرب عند باب المجلس وصكره وهو يبتسم :مافي مفر ياعصفورتي؟
شبكت يدينها بتوتر وهي تطالع سعود اللي متسند على الباب رغم سعود ماهو طويل مره الا انها مثل الطفله عنده
سعود يطالع ريم نظرات اعجاب كان شكلها غير هاالمره اعجبته كثيرررر
ريم تحاول تقوي نفسها:كيف دخلت هنا
سعود يحط يده على خصره يقلدها: مثل الجني ادخل بين الجدران
ريم سكتت ماتدري كيف تتصرف ولاتبي تقرب عنده وهي حدها مقهورا
سعود بحنان: ريوومتي
ريم بعصبيه: لاتقول اسمي على السانك تجيني لوعه كبد
سعود يضحك:ياحبي لك تراني ماتفشلت ابد لاكن بيجي يوم اقولك ريومتي تقولي لبيه سعوودي ان كان ماهي بالدنيا بالجنه ان شاءالله
ريم بقهر : انا ماتحملتك بالدنيا اتحملك بالجنه
سعود: ههه كل هالوسامه اللي فيني ولاتحملتيني
ريم تبي تغيضه: والله ماني مستعده لاتزوجتك كل يوم داق على من الجوازات ماسكينك يحسبونك نيبالي مامعه اقامه
سعود ماقدر يتحمل ضحك بصوت عالي :يابنت وتلوميني اذا ماحبيتك ها ؟؟ قرب عندها وريم تبعد عنه
ريم بصراخ والموقف اللي بالاستراحه يمر عليها بدت ترتجف : رووح عني ولاقسم بالله اموتك
سعود وقف : لااظاهر لازم اكتب بعقد زواجي شرط تأمين صحي اخاف بيوم تضربيني ههه
ريم باارتباك تجلس على الكنب وهي تصيح ماقدرت تتحمل :ماهو باالغصب اكمل حياتي معك الله يخليك طلقني انا ايش سويت لك تعيشني بهاالعذاب
سعود حس بضيقه بصدر وهو يشوف ريم ماهي متقبلته وتبكي عنده وقف وهو يطالعها وكلامها يزيد من جرحه وبرجاء :ريم اسمعيني طلبتك هالمره وبس وبعدها راح اسوي اللي تبين
ريم قاامت ومشت من عنده وهي تمسح دموعها فتحت باب المجلس وطلعت بدون ماتلتفت له
سعود التفت على باب المجلس كان وده يلحقها لازم تفهم كل شي لاكن انحرج يدخل داخل
دخلت الغرفه وهي مقهوره من حركه ياسر المقصوده دقت عليه وهي متنرفزه
ياسر :هلا ريم
ريم : اوراااق هآ؟
ياسر عرف انها كشفته:هههه ايش نسوي زوجك ويبي يشوفك
ريم وهي فيها العبره: اوكيه ياسر مشكور على الموقف البايخ صكرت السماعه بوجه
ياسر وهو مومستوعب ان ريم تصكر السماعه بوجه التفت على ندى :معصبه اختك
ندى :قلت ماينفع معها اي شي دام هي مو مقتنعه
ياسر : لاحول ولاقوه الابالله ريم بتجنني فتح باب السياره ابنزل لسامي ماراح اطول دقايق وجايك
جلس ياسر ينتظر ساامي فز لما شافه جاي قام له وهو سلم عليه بحراره ويتطمن عليه وعلى اهله
بعدها بأستعجال سأله سامي :ياسر ليش تأخرت علي
ياسر وهو يحاول يهدي نفسه: انشغلت شوي ياسامي
سامي : اعطني ردك ياياسر خلني ارتاح
ياسر : سامي عهد حامل
سامي بصدمه:حااامل ..؟؟؟!!
ياسر : اي ياسامي حامل على البركه يالغالي
سامي ماعرف يرد حاس بصدمه
ياسر وهو يحط يده على كتف سامي : رزق من ربك واحمده عليه لاتسوي كذا ياسامي ولاتعترض
سامي بحزن : متى ?
ياسر : من زمان لاكن خبينا عليك الخبر حتى الوقت المناسب
سامي ابتسم بحزن: ماني مصدق
ياسر : الحمدالله على كل شي
سكت سامي وكأنه يفكر
ياسر : سامي تو مصر على قرارك
سامي يحرك اصابعه بارتباك وعينه على الارض :وينها عهد ابي اشوفها
ياسر : كلمت حمد وعطيته خبر يجيبها زياره لك اليوم
سامي سرح بخياله وبعدها تنهد التفت لياسر :سبع سنين ماهي بهينه وانا اخوك علمتوا عهد
ياسر :لا ماراح نقول لها الا اذا انت وافقت او انت اللي تقول لها
سامي : لاتحملوني هم ثقيل ياياسر خلي ساره تعلمها مااقدر اقول لها شي
ياسر رجع يتأكد ويتطمن اكثر :سامي مصر على قرارك
سامي :ايش ردك انت
ياسر لف راسه لفوق وهو يذكر الله بداخله : انا ابسوي اللي تبيه بس تدري ياسامي ان عهد بنت عمتي
سامي وهو مافهم :بنت عمتك
ياسر : عهد بنت عمتي هي سالفه كبيره اقولها لك بيوم ثاني
سامي بأستغراب:بنت عمتك صادق انت ولاتمزح معي كيف يعني
ياسر : عمتي متقاطعين وياها ولانعرفها ولاتعرفنا وسبحان الله قدر ربي يجمعنا مره ثانيه وطلعت عهد بنتها
سامي : شلون لا ماني مصدق هالكلام
ياسر : هذا الصدق يالغالي خلك من هذا الكلام وعطني رايك
سامي لحد الحين مومستوعب : خلني افكر من جديد واعطيك رايي بيوم ثاني احس راسي تصدع من هاللي اسمعه
ياسر : انا تحت امرك لاكن البنت حامل ولو تخلي قرارك بعد ماتولد بالسلامه في ذاك الوقت يمكن تتبدل الاحوال ولاتستعجل خل ثقتك بالله كبيره
سامي : ونعم بالله تصدق ياياسر اليوم قام زيد من الغيبوبه وراح المحامي ياخذ منه التحقيقات مع الشرطه تتوقع راح يعترف ويطلع برائتي
ياسر : انا بنفسي ابروح له دام انه قام
سامي : طلال اعترف على نفسه وقال اني مالي ذنب الحمدالله لاكن مافي دليل قوي معه يدل على برائتي الدليل عند زيد
ياسر : ادعي ربك والمظلوم دعوته مجابه وانا اذا رحت له عطيتك خبر
نوف تكلم وحده من صديقاتها وتضحك بصوت عالي تحس بداخله شعور حلو مخليها مبسوطه اليوم صكرت منها وهي تبتسم مر على بالها سعود عندي فرصه ثانيه ومستحيل اضيعها رجع لها الامل بعد الكلام اللي قالته امها ابتسمت وهي تكلم نفسها اكيد جدتي ماراح ترضى ههه اووكيه الحين اكلم هاالعجوز اقلب راسها
:هلا يمه شخبارك
الجده:بخيرشلونك
نوف :دامك راضيه علي اكيد اني بخير
الجده : لا ماني راضيه عليك
نوف :يمه انا قلت لكم اني ابي سعود وادور على رضاك يعني الحين ماهو بيديني هالشي هو اللي رفض
الجده : وش بعده يابنت يوم راح يدور بنت الاغراب
نوف بلكاعه :يمه شفتي عروسته ؟؟
الجده :لاماشفته الله لايبارك فيها هي واهلها
نوف: يوه الصراحه يايمه شي يعور القلب يعني المفروض ماياخذ بنت من هاالعايله
الجده : ايش اسوي بعيالي مااحد يبي رضاي
نوف بخبث :انا ابي رضاك يالغاليه خليه يطلقها وانا اباخذه بس اهم شي ماتزعلين علينا تدرين انك غاليه ياقلبي انتي
الجده :الولد رافض
نوف :هو مايحب يزعل خالتي خليها تقنعه
الجده : خلاص انا ابكلم امه
نوف :يمه طيب خلي هالكلام بيني وبينك
الجده :خلاص يله مع السلامه صكرت السماعه بوجه نوف
نوف وهي تطالع السماعه بقرف :الله ياخذك ياعجوز ابليس اوف منك لولا ان سعود حفيدك ولاكان رفعت ضغطك حتى تموتين ههه رمت الجوال على السرير وهي مبسوطه طلعت من الغرفه قابلتها نوال وهي ماتطيقها :لايكون جالسه تتسمعين
نوال:لا صوتك واصل لاخر الدنياا بعدين حرام اللي جالسه تسوينه
نوف طنشتها ونزلت تحت ..
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك