رواية افهم ترانا لايقين لبعضنا كنك نهائي الكأس وانا هلالي -14
ياسر :هههههههه مخفه انتي مشفوحه على الزواج
ريم : من الحين اقولك موافقه
ياسر :هههه خلاص يعني ارد عليه اليوم
ريم :لااصبر مابيه يدري اني مطفوقه علشان يحترمني شوي الا انت صادق ولاتخف بي
ياسر : لاصادق جاي واحد من عايله معروفه باالطيب وشكله رجال ماشاءالله ووظيفته حلوه بعد
ريم محتاره: بس تحس اني قد الزواج
ياسر: اي الحين شفتي الموضوع جد خفتي
ريم : لا مدري ايه كمل
ياسر :ضيعتي الكلام يله خلي امي تفرح فيك انتي وندى بوقت واحد وعاد انا اجيب ساره بدل فاقد في البيت عند
امي يعني زواج ثلاثي ههه
ريم : اذا ندى بتتزوج وساره بعد انا ايش يجلسني معاهم معاهم
ياسر:هذي حياتك حبيبتي اهم شي انتي تقتنعين ابوه مسافر وراح يجي معه لاوافقتي وتم كل شي علشان يملك
عليك
ريم: اسال عنه واذا كان كفوا ابرد عليك موافقه اولا
ياسر يمسح على راسها : طيب ياعيوني انتي وندى امانه عندي وبسال عن الرجال قريب
ريم :الله لايحرمنا منك
طلع ياسر وريم غرقت في بحر افكارها اللي توديها وتجيبها وبعدها طلعت لندى
:ندووووووووووو
ندى : يمه روعتيني
ريم بضحك : سمعتي اخر نكته انخطبت ابتزوج لا لا مستحيل ههههه
ندى : الحمدالله والشكر الله يثبت العقل فيك كذا الناس يفرحون لاانخطبوا اي قال لي ياسر
ريم : وليش ماجيتي تباركين لي
ندى :تزوجتي علشان ابارك لك ها
ريم تجلس على الطاوله في المطبخ: ندى احس احترت مع اني امنتي اتزوج اليوم قبل بكره
ندى :هههه ياربي بحياتي ماشفت وحده مشفوحه على الزواج زيك
ريم :ابحط عرسي وعرسك وعرس ساره بيوم واحد
ندى :ليه ساره بتتزوج
ريم حست انها جابت العيد : لا بس ان شاءالله يعني ..
ندى : وين اللي تترجاني من شوي ماتتزوج واجلس معها والحين بتطيرين من الفرحه اخ بس منك
ريم :ههههه كلام الليل يمحيه النهار يابنت يالله ابروح ابشر ساره وبدر وجاسم واهل الحي كلهم
ندى : جاسم مايرد على التلفوون من زمان ياريم حاولي تكلمين يمكن يمسك الخط معك مشتاقه له الدب ولايدق
يسال
حتى باالمسن مو موجود
ريم تاخذ التلفون وتحاول تكلمه ...
سامر اللي كان مرافق مع جاسم تحسنت حاله كثير وعرف كل شي صار له
جلس يفكر معقوله ديم يكون لها السبب هي اللي متواجده معي باالبيت بعد اللي صار قطع تفكيره سؤال سامر
: كانت في بنت تتردد كثير على زيارتك تعرف من هي
جاسم بأستغراب: مااعرف بنات هنا ولا لي اي علاقه مع بنت الا ..وسكت وهو يتذكر ديم وبعد بأستفسار:ايش
كان شكلها
وصفها له جاسم لاكن استغرب كانت غير مواصفات ديم :لاامااعرف احد الاديم
سامر : اتوقع غيرها انت تقول بنت فقيره لاهي شكلها لها دور في نقلك هنا
جاسم : متى اخر مره شفتها
سامر : اامس واليوم مالها شوفه
جاسم : سامر خبرت هلي
سامر :لا مابغيت اخوفهم عليك اهم شي انت ارتاح وبكره يصير خير
جاسم يتحسس اللي على اذنه :سامر ايش هذي
سامر بأرتباك : ماادري بس يمكن لها دخل بعلاجك
(الدكتور اعطاه خبر باالكلى اما الاذن راح يخبر بعدين مايبي يصدمه علشان حالته النفسيه)
ديم كانت جالسه على البحر وتفكيرها عند جاسم خافت من رده فعله ماتبي تنصدم خصوصا حست قلبها يميل
لجاسم كثير
ماقدرت تصبر اكثر من كذا لازم تقول له عن كل شي ماتبي تخسر حبها له ابد دخلت للبيت ولبست فستان اسود
قصير سرحت شعرها الاسود بعد ماصبغته لبست العدسات العسليه حطت ميك اب ثقيل بين جمالها كانت متغيره
كثير باالنسبه لجاسم وطلعت له وبيدها بوكيه ورد
مشت بين ممرات المستشفى وبداخله تهدي نفسها ضربت الباب بخفيف وفتحته
سامر رفع عينه عليه دقق بملامحها وعرف انها نفس البنت لاكن متغيره كثير لف راسه على جاسم كأنه يخبره
بان هذي البنت اللي كنت اتكلم عنها
ابتسمت ابتسامه خفيفه وهي تدخل تقدمت لجاسم اللي يطالعها باستغراب
حطت بوكيه الورد الفخم على الطاوله :كيفك جاسم هلأ
جاسم فز لصوت دقق بوجهها وهو يطالعها بصمت وبأستفسار :انتي ديم .....؟؟؟؟؟؟؟؟؟
اول يوم افتتاح شركه خالد
جلس على الكرسي والاوراق لازم الشركه تثبت وجودها هنا بيحصل صعوبه اكثر من الرياض في انه يثبت
وجوده
نزل القلم على الورق وهو يتذكر سعود اشتاق له كثير قرار واتخذه ينهي اي شي يربطه باالرياض
مرت على باله منار وبداخله (كيف حالها الحين رجع يكمل توقيع على الاوراق وهو مايبي يتذكرها ابد
جت صوره تركي في باله :اووووه وبعدين مع التفكير اللي ماينتهي طلب من السكرتير يجيب له كفي في اسرع
وقت
انهى شغله وطلع لمحمد يساله عن جون اللي اشغل باله من شافه في بيت سمر
محمد :ايش جابك موقلت تسكن مع سمر
خالد: يعني اعتبرها طرده
محمد : لا وش دعوه تفضل
خالد : محمد في شي مشغلني سمر كانت تجيب احد للبيت لما كنت عندها
محمد: ايه وهذا اللي ضايقني منها وطلعت لبيت لحالها تاخذ راحتها وابوي مايسمح لي امد لساني عليها
خالد:كان يجي واحد اسمه جون
محمد: اي هذا صديقها مدري حبيبها عجزت اربي هاالبنت بس ليش تسال
خالد : البنت صغيره ولاابي اتركها احد يستغلها
محمد : كان ابوي يطردك من الشركه مثلي على قولته لاتتدخل في اختك ايش يفيد هاالدلع تاخذ باالالف كل يوم
وتعطي هاللي مايتسمى
خالد : لاماعليك اتفاهم معها بعدين بس نصبر شوي دام هي ضامنه ان ابوي مايضيع لها حق
هديل والحروف تطلع منها بصعوبه ..ابووووي
ابو راشد ينزل بحنان لمستوى هديل :اي ابوك يابنيتي
هديل تنط بحضنه وهي تصيح ماتوقعت وجوده ابد
ابو راشد .: بس يابنتي دام انا حي مافي اللي يقدر ينزل دموعك
هديل وهي تبكي بحضنه: يبه خلك معنا لاتروح وتخلينا
ابو راشد يبعدها من حضنه وهو حاس بتأنيب ضميره: طيب يابنتي اوعدك
هديل تمسح دموعها بطرف لبسها وبأستعجال : يبه امي خلص علاجها ولامعي فلوس وهي تعبانه
ابو راشد :تذكر ام راشد وبعدها تنهد :خلاص يابنتي هذي الفلوس جيبي لامك علاجها من الصيدليه القريبه
هديل عينها على عماد وبحزن:ضربته يايبه بيدي خايفه اكون موته
ابو راشد قام وهو يشيل عماد :انا طالع للمستشفى جيبي العلاج لامك بسرعه
وقفت هديل وهي لحد الحين مو مصدقه ان هذا الواقف ابوها واسرعت تجيب العلاج لامها
نوف : لابس في اشياء مافهمتها وجيت للمياء هاالدافوره تفهمني اياها
عفاف : اعطيني الكتاب يمكن اعرف بدل لمياء
فتحت الكتاب لاكن ماعرفته :اقولي روحي انتي وكتابك للمياء
نوف :ههههه اقولك صعب (كانت فاهمه كل شي لاكن تتعذر بهااالشي علشان تشوف سعود وتحاول تقهره بااي
شي مثل ماحرق قلبها
قامت وهي تمشي بدلع وتطقطق الكعب علشان تلفت انتباه سعود اللي بمكتب ابوه عند الدرج
كانت لابسه تنوره فوق الركبه اسود وتوب فوشي وصندل كعب اسود مبين نعومه رجلها قربت عند المكتب
بمسافه رفعت جوالها تكلم بصوت عالي
حتى يسمعه سعود
:ياحبيبي انت فديتك وانا اقدر استغنى عنك
وبضحكه خفيفه:لا مااقدر لبى انت
:هههه اكيد ومن اغلى شخص بحياتي غيرك
كانت تقول هاالشي بقصدها تقهره انها مستغنيه عنه بحبيبها اللي بتمثيلها
سعود :يسمع الكلام وهو مستغرب ولايدري عن ان نوف في البيت قام وتوجه للباب وفتحه
تفاجأ بنوف اللي بأذنها الجوال ومعطته ظهرها تضحك بكل دلع وتحرك رجلها بنعومه مقصوده وهي عارفه انه
وراها
سعود وهو يشوف هاالنعومه كلها بها المخلوقه غريبه هاالمخلوقه تفتن بشكل غريب
لفت نوف عليه وهي تحاول تقهره:ليش جالس تطالع فيني بدون ماتنبه انك موجود صدق ماتربيت بعدها طلعت
على الدرج بسرعه وهي مبسوطه انها قدرت تغيضه لغرفه لمياء
سعود انقهر من كلامها دخل للمكتب يكمل شغله وهو يفكر من كانت تكلم ومن هاالحبيب اللي تحبه ..؟؟
فكر في نوف كانت ريم باالنسبه لجمالها ونعومتها ولاشي لاكن قدرت تملك قلبه هي وبس
خلص اللي بيده وطلع لعفاف يخبرها عن اللي سواه اليوم
:هلا سعود
سعود وهو يجلس : وين امي
عفاف : اكيد باالمطبخ او بغرفتها
سعود: عفاف بقولك شي ويكون بيني وبينك
عفاف : امر
سعود: انا خطبت وحده وابيك تروحين لبيتهم يعني تتعرفين عليهم
عفاف بصدمه: لا وبهاالسهوله تعطيني هاالخبر كيف تخطب ليه ماعندك اهل ومن هي بنته ومن وين
سعود: انا تكلمت مع اخوها يعني كلام بس طلبتك عفوف ابوديك لهم تتعرفين عليهم وبس
والباقي خليه لين يجي ابوي من سفره
عفاف: قول طيب من هذي البنت اللي خطبتها
سعود : اخت صديقي اسمها ريم روحي واعطيني رايك فيها
عفاف بتفكير: مدري احاول
سعود:عفاااااف تستنذلين علي
عفاف:ههه لا خلاص ولايهمك تم
سعود : لو بتوافق علي تدرين وش ابسوي ابعزم كل العالم بعرسي
عفاف :ههه ليه يأس لها الدرجه
سعود : الله يكتب اللي فيه ...
في المستشفى
جاسم بقساوه : كيف فهميني
ديم تجلس على الكرسي بجنب السرير:جاسم انا بحكي الصراحه ومافي شي بخبيه
جاسم : يعني تثبتين لي انك بريئه من هاالموضوع وكيف طلعتي سليمه بدون مايتعرضون لك تبين اصدق كذبك
مستحيل للاسف ماقدرتي الشخص اللي قدرك واكرمك
ديم منزله راسها وهي تحاول تمسك دموعها وبعدها انفجرت: انا السبب ياجاسم انا عملت هيك لاكن خلاص
ابدي امشي بهاالطريق صدقني مااكذب
جاسم :انتي حراميه انا ماراح اتنازل عن حقي ابد تفهمين ولا
ديم ببراءه :جااسم انا بحبك ماتعمل فيني هيك انا اشرفت على علاجك هنا كرمال عينك مابدي يصير لك اشي ابد
سامحني وبوعدك ماامشي هااالطريق ابد بس بدياك تسامحني وبظل معاك حتى تكمل علاجك
سامر يطالع الموقف بدون مايعلق عرف قد ايش ديم باين عليها تحب جاسم
جاسم بعصبيه:اطلعي ماابي اشوفك هنا ابد
ديم توقف وهي تطالع جاسم بنظرات اعتذار وبعدها ركضت تطلع وهي تبكي
جاسم ماانكر انه مال قلبه لها لاكن اللي سوته ماينغفر ابد
سامر وهو يهدي جاسم " هدي جاسم اهم شي صحتك
وطلع بعدها يطلب الدكتور لجاسم
ـــــــــــــــــــــــــــــ
البارت السادس عشر ||
بعد اســــبوع الــــظهر في بيت( ابو يوسف)
لمياء تكلم سعود اللي سرحان وبعالم ثاني
:سعود من اسبوع وانت غير طبيعي تهوجس كثير ولاتاكل حتى سوالفك فقدتها قلي ايش فيك ..؟
سعود يعدل جلسته وبتهيده خفيفه: مافيني شي بس تعبان هاالايام
لمياء برجاء :روح للمستشفى ياحبيبي لاتخوفنا عليك كل اللي في البيت قلقانين
سعود بملل:يووه لمياء خلاص خلوني لحالي اطلعي من الغرفه
لمياء حساسه كثير قامت وهي متضايقه منه طلعت بدون ماترد عليه
رفع سعود جواله يدق على الحارس وبصوت كله تعب:ها رجعت اليوم..؟؟
الحارس كان جوابه بلا
صكر السماعه بحزن ونزل الجوال على الطاوله وهو يتمنى يدري وين طلعت له حاول يفتح غرفتها قبل اسبوع خاف على منار كثير جاب احد من العمال يفتح الباب او يكسره المهم يتطمن عليها لاكن انصدم انه ماحصلها باالغرفه وهذا حاله من اسبوع يدور في كل مكان يتوقع انها فيه حتى تعبت نفسيته كان عنده امل خفيف انها يمكن تكون عند اخوها وغير كذا ياسر مارد عليه بموفقه ريم اللي خلاه يفقد الامل انه تكون زوجته بيوم
كان بينه وبين الحارس اتصال يومي يطمنه اذا رجعت اولا
واقفه ريم عند المريا ويدها في شعرها تحرك فيه بعشوائيه خذت المقص وجلست على الكنب بفراغ وهي تقصص اطراف شعرها المتقصف
وهي تكلم نفسها خلاص اليوم ابقرر دام ياسر يمدحه وانه طيب وشكله حبوب جاء سعود في بالها حمدت ربها انها مااعطت نفسها فرصه تحبه وجاء من يعوضها بحب صادق منار باالنسبه لها كانت درس قوي حست براحه كبيره وه بس مااتخيل نفسي عروس قامت وهي تطالع في جسمها لازم اسوي حميه علشان اطلع رشيقه ينفتن فيني هااللي داعيه امه عليه ههه مدري احس اني حبيته ماينشره علي فاقده حنان الاصدق هو ايش اسمه لازم اسال ياسر
فتحت الدولاب وهي محتاره ايش تلبس ماراح تطلع لاكن احيان تجيها حالات تكشخ اخر كشخه وهي في البيت
قربت تسحب ملابسها :اوه دولابي حايس ياليت عندي شغاله ترتبه لي طاح الصندوق على رجلها :اح ايش هذا نزلت عينها تطالعه
كشرت بقرف :الله ياخذك والله ودي ارمي هاالصندوق لاكن حسافه ايفون فور انا لو اجمع فلوس جلست شهر علشان اجيبه تربعت على الارض ورجعت تفتحه وهي تتأمله وقلبها عليه تبيه ونفسها فيه لاكن مواعده نفسها ماتاخذه لو ايش يصير
انطق باب غرفتها قامت مفزوعه ودخلت الصندوق بين الملابس قالت لندى قبل انها باعته ماتبي تصير كذابه بعيونها
ياسر:ايش هاالحوسه
ريم بنظرات بريئه توقف وهي مرتبكه : جالسه ارتب دولابي
ياسر :ايه لازم تتسنعين قبل لاتروحين بيت لحالك
ريم انحرجت وابتسمت له
ياسر : صار اسبوع وانا انتظر ردك ندى ملكتها قريب وانتي ياست هانم مارديتي الرجال شكله مل ماعاد له حس ولا خبر
ريم: ايش يمل الله يهديه انا ماصدقت انه يجي خلاص موافقه
ياسر بفرحه:ههه يابعد قلبي ياالغاليه الحين اقدر انوم وانا مرتاح
ريم وهي تقرب عنده: ياسر ايش اسمه
ياسر: اسمه سعود توك تفكرين تسألين عن اسمه
ريم :ههه انت المفروض قايل لي من قبل لاني استحيت اسال عنه الصراحه
ياسر:خلاص انا طالع اعطي الرجال خبر طلع ياسر وريم تناظر فيه حتى اختفى من عيونها
رجعت لحوسه دولابها ترتب فيه ..
سمع سعود جواله يرن فز بسرعه يتوقع انه الحارس لاكن تفاجأ بأتصال ياسر طالع اسمه وهو مب مستوعب ابد رد عليه وهو ينتظره يعطيه خبر ان ريم ماراح توافق
كيف الحال.؟
سعود :الحمدالله شخبارك انت وعلوم الاهل
ياسر :الحمدالله بخير دقيت عليك علشان اعطيك خبر عن الموضوع اللي تكلمت عنه
سعود قلب يدق بقوه :ايه علمني ايش صار عليه
ياسر: خير ان شاءالله البنت موافقه
سعود سكت وهو يحاول يتأكد من اللي اسمعه:ايش قلت
ياسر: البنت موافقه والله يوفقك انت وياها ياالحبيب
حس سعود بمويه بارده تنكب على قلبه معقوله وافقت علي
ياسر: وينك معي
سعود انحرج انه ساكت :ايه معك بس حدد موعد الملكه علشان نجي انا واالوالد
ياسر:ان شاءالله نرد عليك قريب
صكر السماعه وسعود متصنم في مكانه وافقت علي بهاالسهوله يارب انا في حلم ولاعلم صفق على خده وهو يتأكد انه ماهو حلم قام يتلفت في الغرفه من غير هدف وده يبشر احد بس
ركض من غير شعور للعفاف بغرفتها فتح الباب بقوه
وبصرااخ وضحك:وااااااااافقت ياعفاف وافقت
عفاف لصقت باالجدار من الخوف والروعه شفيه هذا كان كئيب من اسبوع والحين يضحك من قلب وقفت تطالعه
سعود يمسك يدها ويهزها : قسم بالله اني ماني مصدق
عفاف :سعود بسم الله عليك شفيك مدت يدها تلمس حرارته
سعود:اقولك ريم وافقت علي
عفاف: شكل فيك انفصام في الشخصيه من اسبوع وانت مسوي عزا بغرفتك بين يوم وليله يتبدل حالك
سعود يناظر بوجه عفاف بصمت هاالفرحه نسته حزنه على منار هي صادقه ياربي انا وشفيني مختبص في كل حالاتي بعد يده عنها وطلع من الغرفه
عفاف خافت عليه ايش صاير في سعود ماكان كذا ابد جت وراه ومسكت كتفه :سعود قلي وش فيك
سعود:اقولك ريم وافقت علي وانت تقولين فيك انفصام خلاص اللي فيني قلت لك
عفاف:يعني انت مكتئب من ريم ولا ايش فيك
سعود:يووه ياحبك تخربين فرحتي انا نازل اتكلم مع امي بهاالموضوع
نزل تحت ودخل الغرفه امه فاتحه على اذاعه القران وتسمع الشيخ يتكلم عن العين
جلس سعود بهدوء
ام يوسف بحنان:ياوليدي خلنا نوديك لشيخ يرقيك اخاف احد حاسدك لاتتعب قلبي كذا
سعود:مافيني شي يايمه بس كنت تعبان وانا الحمدالله بخير الحين
ام يوسف وهي ماتطمنت ابد :بسم الله عليك يابعدي جعل الشر بعيد عنك
سعود بدون مقدمات :يمه انا ابتزوج
ام يوسف سكتت شوي وبعدها بدقيقه:هذي الساعه المباركه ياوليدي خلاص ابدور لك على بنت الحلال اللي تسعدك
سعود فرح بداخله ان امه تقبلت الامر بهاالسهوله:لا يمه البنت موجوده اخت صديقي وبنت ناس ماشاءالله
ام يوسف:اجل خلني اشوفها قبل لايتم الشي
سعود :خلاص ابوديك لهم انتي وعفاف ان شاءالله
طلع خالد مع سمريغير جو حاول يتقرب منها اكثر حتى يقدر يطلع( جون )من حياتها عرف انها تحبه كثير وقلبها متعلق فيه اعطاها على قد جوها
بس اهم شي ماتنضرمن اسبوع وهو يطلع وياه ويتمشى باالاماكن الحلوه
تمشى في الحديقه المعروفه بواشنطن وهو يشوف الحيوانات ويطعمها انبسط كثير من براءه اخته سمر حس انها طفله مابعد كبرت جلس على الطاوله القريبه من محل الايسكريم وراحت سمر تطلب له ايسكريم
دخلت بين زحمه الاطفال تنتظر دورها وقفت بملل جت وراها بنت متحجبه عرفت سمر انها عربيه بحجابها ابتسمت لها
سمر بادلتها الابتسامه:انتي عربيه
دلال :اي من السعوديه
سمر: واو من ديرتي
دلال بأستغراب ماتوقعت سمر انها من السعوديه كان شكلها اجنبيه من شكلها (سمر ماتتحجب )
:تشرفت فيك والله
سمر:من متى وانتي هنا
دلال:من زمان وانا هنا بس بين فتره وفتره اروح لسعوديه
سمر:اها هذا ولدك
دلال:لاحرام عليك لسى صغيره عن العيال هذا اخوي
سمر تمسك خده :قمر ماشاءالله
دلال تبتسم لها :تسلمين انتي جايه لحالك
سمر:لا اخوي معي
دلال: اها بس حبيت اتمشى وياك لاكن دام اخوك معك فخلاص
سمر تاخذ الايسكريم : تشرفت فيك والله اتمنى اشوفك مره ثانيه
دلال:تعالي زوريني في البيت ساكنه هنا
سمر: اوكي اعطيني رقمك نتواصل مع بعض
بعدها طلعت لخالد:ايش فيك تأخرتي
انتظر دوري وبعدها جلست اسولف مع وحده باالصدفه صارت من السعوديه
خالد كشر :لاعاد تجبين لي طاري السعوديه
سمر: ليه خالد ..؟
خالد يمسك يدها :تعالي نستغل الوقت قبل لااروح شغلي
سمر :اوووكيه قامت بمرح تمشي معه وتسولف وياه
هديل كان ودها تزور عهد وتخبرها عن ابوها اللي تغير كثير صحيح مايطول اذا جاء لاكن طلته عليها تسوى الكثير
عماد طرده ابوه بعد ماتعالج وحذره يرجع للبيت الا لما يتعدل ام راشد تحسنت صحتها كثير صحيح متضايقه برجعه ابو راشد لاكن ارتاحت ان لبناتها سند
هديل:يمه شرايك نروح نزور عهد ونطمن عليها
ام راشد : افكر هاالايام اروح لها لاكن مدري يابنتي ابيها ترد هنا ومتردده
هديل :خلاص يمه نروح لها ونجيبها معنا
ام راشد :خلاص خليها بعدين ماندري عن اخوك يمكن يتسلط عليها بعد
هديل :مايقدر وابوي موجود الحين صار ورانا ظهر ماحنا بحاجه له
انتظرت عهد هاالاسبوع يمر بسرعه الحكم على سامي بيطلع بكره والزياره بتكون مسموحه لها بكره اشتاقت له كثير عورها قلبها وهي تتفرج على البوم صورها هي وسامي قربت الصوره عند شفايفها وباستها بقوه ودموعها تسبقها رجعت الصوره للالبوم ودخلته تحت مخدتها تدعي ربها تمر هاالساعات في اسرع وقت وتشوفه طالعت ساره بحب هاالانسانه اللي وقفت بجنبها كثير تمنت لو ترد لهاالجميل
صدق من قال رب اخ لك لم تلده امك
غمضت عينها لعل هاالنوم يرحمها
ياسر سهران مع خواته :خلاص فكوني من ازعاجكم
ريم : انا الصادقه تخيل ان ملكتي وياها بيوم وانا ماعندنا الامجلس واحد نعني ندخل باالدور على ازواجنا انا احتج
ندى :هههه خلاص ملكتي ابحطها قبل ملكتك بيوم
ياسر : كلكم بيوم واحد ولااسمع كلمه زياده
ريم : خلاص مانقدر نرفض كلمه ولي الامر يله حدد ملكتي قريب وراي تجهيز
ياسر:هههه لاتفشلينا عند الرجال يابنت خلاص نحطها يوم الخميس
ندى بخوف :لا بسم الله قريبه يعني ثلاثه ايام انا اول مره اشوف ملكه بهاالسرعه
ياسر : هذي ملكه ماهي زواج ؟ايش اسوي احترت من ازواجكم انتي وليد مستعجل علشان السفر وانتي رافضه وريم مستعجله خلاص مافي عرس لاانتي ولااالثانيه
ريم بعربجه:خير ياابو الشباب صاير سفر مو عرس خلاص انا موافقه اما ندى فاالافضل انك تكنسل عرسها
ياسر :يوقف خلاص يوم الخميس وكل وحده تروح بكره تشتري لها فستان صدعتوا راسي وانا وراي بكره طلعه لسامي
ريم تخز ندى بنظره قويه : وبعدين معك ياالدلوعه
ندى ترمي المخده عليها:حلات البنت بدلعها
ريم عندها عقده تتمنى هاالدلع اللي بندى لو شوي منه : خلاص من يوم ورايح ابتعلم الدلع لعيون سعود
ندى: ارحميني من دلعك تكفين
ريم : راح اقلدك في كل شي تسوينه مشيتك وضحكتك واكلك وحتى نظرات عيونك ههه
ندى :وع تكفين ماراح نتقبلك ابد
ريم :ولايهمك من بكره راح تشوفي ريم ثانيه
ندى وهي تتثاوب: خلاص اطلعي من الغرفه جاني النوم
ريم : لااليوم بنام معك
فتحت منار عيونها كانت ناويه تنام اليوم كله لاكن بين ساعه وساعه تقوم مفزوعه رمت اللحاف على الارض ريحه البيت ماتحتمل ابد وين تروح هذا قرارها ولازم تتحمله وقفت عند الدرج وجلست في اوله يدها على خدها البيت يخوف عباره عن اسياب واضائته خفيفه باالمره وغير كذا هادي الامن الاصوات الغريبه اللي تسمعها تعودت على هاالشي من جت وبعد ماهربت من الشقه لشارع تدور اي مكان تسكن فيها او تشتغل ظلت نص يوم وهي تايهه تمشي بين الشوارع جلست في حاره قديمه لمحتها عجوز وطلبت منها تسكن عندها بعد مااشترطت انها تساعدها بشغلها وافقت بدون شروط بس اهم شي تحس باالحنان معها وتشم ريحه امها فيها تطمنت اكثر ان ماحد ساكن وياها تحسنت حالتها النفسيه من دخلت البيت لاكن تستغرب ان العجوز اكثر وقتها طالعه ولاحتى تدري ايش الشغل اللي بتساعدها فيه طول وقتها فاضيه
وقفت ونزلت تحت للمطبخ فتحت الفريز طلعت العصير من جت للبيت وهي تشرب عصير وتاكل خبز هذا اللي متوفر مع ان هاالعجوز غنيه
حطت الكاس على الطاوله وطلعت تشوف اذا العجوز بغرفتها او لا
انا اول مره بحياتي اشوف عجوز تطلع وماترجع الابانصاص الليالي ضحكت بداخلها وصكرت الباب ارتاعت وهي تشوف الخدامه قايمه بسم الله شوي وراح تاكلني بعيونها هذا شغلها عكس الناس النهار نايمه والليل صاحيه طنشتها ورقت فوق لغرفتها خافت تدخل غرفه التلفزيون دايم تسمع اصوات غريبه فيها
جلست بملل على السرير وافكارها تاخذها لتركي حست رغبه انتقامها من خالد كل يوم تتضاعف لاكن راح وماخلا لها الفرصه تنتقم منه
الساعه 9 الصباح طلع حمد ونواف وراكان وياسر للمحكمه ينتظرون حكم سامي
المحامي يطمن حمد قبل لايدخل وقف بقلق عند الباب حتى يسمحون لهم باالدخول ذكر الله بداخله ودعى لاخوه
ياسر يحاول يهدي حمد اللي باين عليه القلق
بعد دقايق دخل الجميع بدا المحامي يناقش القاضي وبعد نص ساعه سكت القاضي حتى يصدر الحكم في سامي
فرك حمد يده بارتباك وهو يطالع القاضي كانه يطلب منه يسرع ويقول الشي اللي يريحه
صدر الحكم باالسجن لمده سبعه سنين للمحكوم عليه سامي لعدم وجود ادله تثبت برائته وبعد ذلك يرى في قضيته والحكم الجنائي عليه رفعت الجلسه
حمد فتح عيونه بصدمه قويه لف عينه بسرعه على سامي اللي بجنبه عسكريين قام وركض له
سامي والحزن على وجهه ضم اخوه بقوه وبصدمه حس بطعم الظلم دعى بقلبه على طلال
ياسر بحزن ماقدر يتكلم ايش يقول ماعاد ينفع الكلام ابد في هااللحظه
سحب العسكرري سامي مع يده يطلب منه يطلع
وقف باصرار ولف على ياسر
ياسر يقرب لسامي بملامح جامده مسك يده برجاء
:ياسر طلبتك وقل تم
ياسر : امر ولاراح اردك
سامي يقرب منه كأنه مايبي احد يسمع :عهد مالها احد بهاالدنيا انت تعرف اخوها وتعرف كل شي عنها
ياسر يهز راسه كأنه يطلب منه يكمل
سامي : ياسر تزوج عهد طلبتك لاترديني مافي احد اضمن انها يخاف ربه فيها الاانت ؟؟؟؟؟
هزته الصدمه حط عينه بعين سامي وبعدها نزلها مرت في باله ساره ؟؟؟ قطع تفكيره هز سامي بيده وهو يترجاه
:طلبتك ياياسر ريحني قبل لااطلع
ياسر ماقدر يرفض طلبه وهو بهاالوضع :والبنت بترضى
سامي بحزن : مافي يدي شي ماابيها تنتظر هاالسنين وانا خايف عليها
ياسر وهو يتمالك نفسه لحد الحين سامي مايدري بحملها هز راسه بألم وبعدها طلع سامي وخلا وراه ياسر مصدوم
طلع من المستشفى بعد ماتحسن تحسن كلي طلبه الدكتور جورج لمكتبه طلع جاسم له وسامر يحوس بااغراض جاسم ويدخلها باالشنطه
فتح الباب وجلس
جورج: ابتسمع كويس يااخ جاسم
جاسم بأستغراب: اي يادكتور لاكن احس شي بااذني زي التشويش
جورج:مع الايام يتلاشى هاالصوت مااتقلق كثير ياجاسم احنا زرعنا بداخل اذنك قوقعه بتقدر تعينك على السمع كتير
جاسم:ليه دكتور
جورج وهو يعطي الخبر اللي اصدم جاسم: انت فقد اعضاء داخليه بأذنك لاكن الامر كان سهل وقدرنا نتخطى هاالشي
جاسم :ليش فقدها ايش السبب
جورج:للاسف متل ماراحت الكلى راحت هاي الاعضاء عصابه مابترحم
جاسم تذكر ديم اللي من اسبوع ماشافها لاكن سامر يلمحها باالمستشفى كأنها تطمن عليه من بعيد حقد عليها اكثر مد يده يتحسس اذنه بقهر
جورج:تطمن ياجاسم ماتزعل حالك كتير وتتعب هيك اكتر
جاسم يوقف بعد مااخذ من الدكتوره موعد مراجعته طلع لسامر وهو يحس بخنقه على صدره
سامر واقف عند الباب وبيده الشنطه ابتسم له وقرب
جاسم:ليش ما اعطيتني خبر
سامر : الدكتور نبهني على كذا رفع يده على كتفه يهديه
تقدم جاسم بخطواته لقدام وسامر يتبعه ....
في السياره متوجه لبيت سامر قرر يسكن معه لحالته الصحيه رفع عينه على المرايا وباالصدفه لمح ديم تتبعهم باالسياره كتم هاالشي بقلبه حتى يشوف النهايه معها ...
ساره وعهد في الصاله ينتظرون حمد ونواف سمعت خطوات ابوها قامت واتجهت له :يبه بشرني
حمد وهو يحاول مايبان عليه الحزن:اجلوا محاكمته لبعدين
ساره:ليش ..؟
حمد:ماادري عنهم
ساره : طيب نبي نشوفه رجيتك
حمد:طيب بعدين اذا سمحوا لنا ..
رجعت ساره لعهد الواقفه تنتظرها :لسى ياقلبي اجلو محاكمته لاجل غير مسمى
عهد نفذ صبرها :ابي ازوره ياساره
ساره : مافي بيدينا شي والله كلنا متشوقين للغالي
منار طلعت لبرا في سور البيت تشم لها هواء وتستكشف المكان لمحت مرجيحه وقفت وهي تتكلم مع نفسها: شكلها لاحد من اولادها لماكانوا صغار قربت تتحسسها كلها صدا وبهمس: معليش في امل ينلعب فيها ركبت وبدت تدف نفسها قدام ووراء بخفه وهي تتمنى تركي بحظنها تذكرته بحزن ومر طيفه ببتسامته ياربي وين ديارك ياحبيب امك رفعت راسها وهي تشوف الحرمه العجوز طالعه بسرعه مع باب الشارع وقفت وهي مستغربه منها وبعدها طلعت الشغاله معها كيس اسود طالعه من الداخل
منار:باالعاده نايمه باالنهار ليش قايمه الحين ناظرت فيها بفضول بدون ماتحس عليها
شافت لحم وعظام ودم تكبه في زاويه البيت وتواسيه على الارض انقهرت تتمنى من اسبوع اكل يفتح النفس وهذي ترمي اللحم على الارض مناربقهر:ليش ترمين اللحم هنا انتي سيم سيم بيبي
الشغاله حطت عينها بمنارتناظرها بحقد
خافت منار كثير منها خذت الكيس المرمي على الارض ومدت يدها تشيل اللحم والشغاله تطالعها وهي معصبه من تدخلها
اول ماامسكت العظم اندفت بقووه حتى صقع ظهرها باالجدار صرخت منار من الالم رفعت عينها تهاوش الشغاله لاكن طنشتها الشغاله ودخلت داخل
مررت منار يدها على ظهرها: حسبي الله عليها كيف دفتني بهاالقوه وهي ماتحركت من مكانها ..
قامت تمشي بتعب وجلست على الكنب بغرفه التلفزيون تنسدح شوي لعل يخف الالم عليها مدت رجلها على الكنب الطويل وغمضت عيونها سمعت صوت كأن احد يسحب الكنب الثاني فتحت عينها بسرعه لاكن مافي احد حست انه يتخيل لها غمضت عين والعين الثاني مفتحه نصها علشان تصدق اذنها لمحت الكنب يتحرك كأن احد يدفه قامت مفزوعه مافي احد غيرها قامت بسرعه بتصعد لغرفتها لاكن تفاجأت بيد قويه تمسك رجلها عثرت وطاحت وهي تشوف من مسكها مافي احد صرخت من رجلها اللي بتنكسر من كثر ماهي مشدوده غمضت عينها ودموعه تنزل ماتدري ايش هذا حاولت تحركها لاكن حاسه انها مشلوله فتحت فمها بخفيف وذكرت الله انفك الشي اللي ماسك يدها بسرعه قدرت تحرك رجلها نزلت راسها تطل تحت الكنب يمكن فيه احد وبعدها قامت وادخلت غرفتها جلست بخوف ومستغربه من هاالبيت الغريب سمعت باب الشارع ينفتح فتحت الشباك وهي تشوف العجوز تدخل قررت تنزل لها تقول لها عن اللي صار ...
تاااااابع<
ياسر: خلي بدر ياخذ سيارتي ويوديكم
ندى : من رجعت من عند سامي وانت مالك خلق خلاص يمكن تنفرج فيها خيره دامهم اجلوها (اتفق ياسر وحمد يخبون الخبر عن الجميع )
ياسروهو يفكر : الله يعين خذي المفتاح اعطيه بدر ولاتطولون انتي عارفه بدر الله يهديه يفحط بااالسياره
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك