رواية اذا انتثر دمع عينك -13
فارس تعدل وجلس وصار شعره شوي حوسه بس صاير شكله خوقاق لأنه كان منسدح ولف على مسك مبتسم نص ابتسامه : عادي أنا ولد مو بنت ..
دانه : اقول فارس غن اغنية هادية الحين ..
رهف : إيه غن ذيك الأغنية الي غنيتها بالمزرعة ..
فارس ماسك خصلة من شعره ويحركها ويناظر سمر يحاول يتذكر : اي وحدة ؟؟..
ملاك : الي يوم أنت وسارة تعزفون بالجيتار ..
فارس نقل نظراته لملاك : إيييييييييييييييييــه ..
روان : يلا الحين تذكرتها غنها ..
فارس : إممم يعني لازم ؟
ملاك : إيه صح دانيا ؟
دانيا : صح والله حلو صوتك ..
فارس : أول خلوني اخذ راي بنت عمي الجديدة .. ماسمعت صوتها من ركبنا الباص ..
مسك تدق سمر : قولي إيه ..
سمر كانت سرحانة مررة و تناظر في جوالها الي بيدها ..
فارس : سمـر ها اغني ؟؟ سمــر سمــر سموور أنتي معانا ؟؟
البنت متعمقة بالتفكير والسرحان مو حاسة بأحد ..
فارس لف جسه كله لورا واتكى على السيت وقرب اصابعه من وجه سمر مرة وطقطق فيهم : سموور سميــــــرة ..
سمر رفعت نظرها لفارس يوم طقطق بأصابعه قريب من وجهها ردت بصوتها الناعم العفوي : نعم ..
فارس : الله ينعم عليك .. لي ساعة اسألك ..
سمر بنفس نبرتها : شنو ؟؟
الكل : هههههههههههههههههههههههههه ..
روان : شكل الأخت مفهية بقوة ..
سمر لفت على مسك : شنو ؟؟
مسك : هههه فارس له ساعة يكلمك ومارديتي عليه ..
سمر صار وجها الوان الطيف من الفشيلة ..
فارس يحك خده : ها تبغيني أغني مثل ماقالوا ولا لأ ؟؟ ..
سمر بصعوبة تطلع الكلمات : إيـه .. عاادي ..
سارة : خلاص هذا قالت إيه يلا غن ..
فارس : بس مو كأنه مو حلوة أغني بدون الجيتار ؟؟
رهف : بلا تحجج يلا غن مو لازم جيتار ..
فارس : طيب ..
رجع فارس انسدح على السيت وحط ذراعه اليمنى على عيونه وبدى يغني بصوته الخطير ..
نرجع للشباب في المحل ..
طلبوا ياسر وتركي أيس كريم بالفانيليا الحجم الوسط ..
ياسر يكلم العامل الي بالمحل : عندك ملح ؟؟
العامل مستغرب منه : إيه ..
ياسر : شوف ابغاك تسوي لي الحين أيس كريم شوكلاته بس بدل ماتحط سكر حط ملح كثير سمعت ..
العامل : بس ..
يقاطعه تركي : أنت بتسوي الي قالك عليه ولا كيف ؟؟
العامل : اوكي
الشباب سمعوا تركي وياسر ..
سامي : ليه تبغى ملح ؟؟
أحمد : ههههههه شنو مخططين عليه بعد ؟؟
تركي : أحمد ياليتك ساكت طول الوقت ..
يوسف : هههههههه الله خلونا نشوف المقالب من زمان والله عنهم ..
ياسر : أهم شي لا أحد يتليقف ويتكلم فاهين ..
الشباب وفيهم الضحكة على اسلوب ياسر : فاهمين ..
سوا العامل الي قاله ياسر وحط بدل السكر ملح ..
ياسر لف على تركي : مثل ما اتفقنا أنا الي بدفع هالمرة مو مثل ذاك اليوم أنت تدفع ..
تركي هز كتوفه بلا مبالاة وهو ياكل من أيس كريمه : أوكي براحتك ..
ياسر فتح بوكه واخذ له مية من الميات المصفوفة فيه وحطها على الطاولة قبال العامل : هذا الحساب عني وعن تروك ..
العامل أخذ الحساب وجا بيرجع الباقي حق ياسر ..
ياسر : لا خل الباقي عندك إكرامية ..
مشعل : ههههههههههههه الأخ نفس سارة صاير حاتم الطائي ..
الشباب حاسبوا وطلعوا من المحل ..
يوسف : ههههههه قصدك هالبزران بطرانيـن والله ..
ريان : اسمعوا اسمعوا الباص هادي غريبة ؟؟
يوسف قرب من الباص : ههههههه هذا فارس جالس يغني لهم ..
الشباب : هههههههههههه ..
مشعل يفتح باب السواق : ههه عرف يسكتهم ..
فتح مشاري باب الباص وهو يبتسم : عدنــــا
فارس الي كان منسدح و يغني بهدوء وقف عن الغنى وجلس ورد باستهبال : ليـه أحنا بسبيستون وانا ما ادري ..
ريان : بلا ثقالة دم ..
ركبوا الشباب كلهم مثل ترتيبهم الأولي ..
مشاري يمد الكيس للبنات : خذوا الأيس كريم حقكم ..
أخذت دانيا الكيس و وزعت الأيس كريمات على البنات ..
مشعل : هاا وين تبغون تتمشون ؟؟
روان : شرايكم على شارع الممشى الحين الساعة عشر ونص في هالوقت يصير الممشى فاضي و وسيع والشارع مافيه سيارات إلا وحدة ثنتين ..
ملاك : حلو ..
سارة : أتفق معاك ..
البنات : أوكي ..
مشعل : الممشى نروح الممشى ..
مشعل يتصل على رامي : هلا .. أسمع أحنا بنروح الممشى الحين .. الحقنا بسيارتك .. أوكي سلام ..
يوسف : أجل تغني لهم يافويرس مسوي لهم أجواء رومنسية ها ..
فارس ياكل من الأيس كريم حقه : ههههههههههه .. شعليك مني أنت ..
وصلوا للمشى وصحيح كان فاضي مافيه أحد يمشي إلا اثنين ثلاثة وكل عشر دقايق تمر سيارة يعني الشارع هدوووء ..
مشعل وقف الباص : يلا انزلوا ..
نزلوا الشباب والبنات لبسوا نقاباتهم ونزلوا من الباص و وقفت ورا الباص سيارة رامي ونزلوا ..
روان وسارة وملاك ورهف يتكلمون لغة عربية فصحى : الله ما أجمل الحرية ..
الكل : ههههههههههههههههه ..
ياسر يكلم البنات : هاااااي ..
روان وسارة بنفس الوقت: وعليكم الهااااي وسطل ماااي ..
الكل : ههههههههههههه ..
ياسر ابتسم : أووف الله يهديكم من الحين بدينا أنا الي جاي أبدا الصلح وأنتوا تبدون حرب ..
سارة : نشك ..
روان : أنتوا مالكم أمان ..
رامي : بنات فكوا النقاب مافيه احد هنا ..
البنات على طول فكوا النقاب ماصدقوا على الله سمعوا أحد يقولهم فكوا النقاب ..
يوسف : ههههههه والله أنك فري ياشيخ رامي ..
رامي : لا جد مافيه احد هنا عشان يتنقبون ..
وظلوا يتمشون وهم ياكلون الأيس كريم مدة عشر دقايق خلصوا أكل الأيس كريم وبدا الملل يتسلل لهم ..
سارة : أقول مو كانه صار ملل مافيه شي أكشن حركات ؟؟
سمر : إيه ترا سامي ورامي يعرفوا يرقصوا هيب هوب فنانين ..
الكل انظارهم انتقلت لسامي ورامي : صحيح ..
سامي ورامي : ههههههه ..
سامي : إيـه ..
مسك : يلا يلا خلونا نشوف ..
ملاك ورهف : إيـه نبغى نشوف ..
روان : الله وناسة أول مرة بشوف رقص هيب هوب قدامي مباشرة ..
رامي يبغى يجننهم : واثقين ..
سارة : يلا يلا بلا تمنن يلا شغل أي شي من عندكم يصلح للرقصة..
رامي : مادمك كذا تأمغيني ( تأمريني ) مانيب غاقص (راقص) ..
ملاك ورهف و روان : لااااااااااااااا ..
سامي : ههههههه لاتجننهم ..
رامي : شوفوا تبغوني اغقص(ارقص) هيب هوب خلوا سويغة (سويرة) تعتذغ(تعتذر) ..
البنات كلهم لفوا على سارة ..
ملاك : يلا سويرة اعتذري وخلصينا ..
سارة تكتفت ورفعت حاجبها وهي تبتسم : مانيب معتذرة ..
رامي يصفر : إيش الكبغياء (الكبرياء) ذا ..
البنات حاولوا فيها يمين شمال مارضت .. وحاولوا في رامي يمين شمال مارضى إلا لمن تعتذر ..
فجأة بعد ماهمست روان وملاك في أذن سارة واقفت ..
سارة : أسفة ..
تركي وياسر : سبحاااان الله ..
الكل : ههههههههههه ..
مشاري : شنو قلتوا لها عشان توافق تعتذر ..
سارة تطلع الكاميرا من شنطتها : مالك دخل .. يلا ممكن نشوف الرقص ..
رامي ابتسم : إيه كذا الأسلوب ولا بلاش ..
( وراح رامي على سيارته وقربها من المكان الي واقفين فيه الشباب والبنات .. وطلع شريط أغاني أنجليزي يصلح لرقص الهيب هوب .. وشغله وعلى على الصوت وخلى الباب مفتوح عشان يطلع الصوت واضح من السيارة )..
روان و ملاك ورهف نفس الشي طلعوا الكاميرات حقينهم عشان يصورون الرقصة ..
وبدت الأغنية بطريقة حماسية وسامي و رامي بدو يرقصون هيب هوب بطريقة تجنن ..
كانوا يسون نفس حركات بعض .. بعدين تشقلب رامي والشباب والبنات صفقوا له وصفروا .. وسامي ظل يرقص بطريقة إحترافية و وفجأة وهو يرقص وقف على يده اليسرى وتشقلب والشباب والبنات ماقصروا بالتشجيع .. مسك مسكت يد فارس ودفعته لجهه رامي وسامي ..
ملاك : اوووه فارس يلا ورنا سمعت أنك تعرف شوي هيب هوب ..
مشاري : إيه يلا خلنا نشوف ..
فارس بحركه خاطفة اخذ الكاب الي كان لابسه سامي وقام يرقص رقص حلو وسريع بس لايضاهي رقص رامي وسامي ..
ظلوا عشر دقايق يرقصون وأنواع التشجيع والمدح ..
فجأة وقف صوت الأغاني .. و وقف معاه الرقص ..
أحمد الي طفا المسجل حق سيارة رامي : ههههههه بس كملوا في بيت خالي بوفارس مو هنا الي يقول الشارع شارعكم قلبتوه ديسكو ..
الكل : هههههههههههه ( لأنهم جد خذوا راحتهم ) ..
دق جوال مسك ..
مسك ناظرت الجوال ابتسمت وردت : هلا بقلبي وعمري .. ههههههه .. ايه .. استانسنا .. ( وتبتعد شوي عن الشباب والبنات ) ..
مشاري دخلت الغيرة شوي في قلبه .. يبغى يعرف من تكلم بس ملاك بردت قلبه وسألت ..
ملاك : سويرة من تكلم أختك وتقول له قلبي وعمري ؟؟
سارة : أولا أسمي سارة .. ثانيا تكلم أبوي بعد قلبي .. هذا اسلوبها إذا جات تكلمه ..
ملاك : أهآآ ..
دانيا : مبدعين والله وفنانين ..
سامي : أحم من ذوقك ..
فارس يدق سامي : ترا عادي خلك مغرور شوي مو لازم تصير متواضع دايما خخ ..
سامي : ههههههه ..
ورجعوا الشباب والبنات يمشون على الرصيف وقدامهم مسك بينهم وبينها تقريبا اربع أمتار ..
صارت مسك تمشي وهي منزلة عيونها على الأرض وتسولف مع أبوها وهي قاعدة تمر بتقاطع ولا بحاسة ومندمجة بالمكالمة تطلع ذيك السيارة المسرعة من جهة التقاطع
فارس صرخ بأعلى صوته : لاااااااااااااااااااااا
والشباب والبنات صرخوا بنفس الوقت : مســـــــــــــك ..
صوت سحب بريك وسحكة على الشارع وقلوب الشباب والبنات تدق دق ..
سارة عيونها امتلت دموع على وشك أنها تسيل على خدها على اختها ..
كل الشباب والبنات تدور عيونهم بالشارع يناظرون شنو صار بمسك وهم مو مستوعبين الي صار ..
&&&&&&&&&&&&&&&&&&&&&&&&&&
}.. نرجع للبلد اللي يسموها بلد الحرية والإستقلال << أمريكــآ >> {
رائد دخل غرفة طلال وهو شاق الضحكة ينقاله رابح المليون .. وقام ينقز على فراش طلال ..
رائد بصوت كله فرح وصراخ : طلوووووووووووووووووووووووووووووول جاني احلى خبر بالدنيا .. أووووه أوووه أوووه يالسعودي .. قوم بسك نوم وصلتني أحلى مكالمة بالدنيا كلها وانت نايم قوووووم ..
طلال فتح عيونه بكسل : شنو ؟؟
رائد بطريقة دفشة صرخ بوجه طلال بفرحه : بنرجع السعوووووووووووودية بعد اسبوووع .. ياهووووو ..
طلال فز من فراشه وهو فاتح عيونه على الأخر : كذااااااااااااااااااااااااااب ..
رائد يمسك طلال ويحضنه : والله بنرجع بعد اسبوع وبنجلس بالسعودية مدة اسبوع ونرجع هنا بعدين .. ما اصدق .. بشوف السعودية من زمان مانزلت هناك ..
طلال ابتسم بفهاوة : أوكي أتركني خلني أنام عشان إذا جلست أفكر كيف نحتفل بهالخبر ..
رائد ترك طلال : ههههههههههه أوكي أنا بجهز اغراضي من الحين ..
طلال : ياخبل اعقل توك تقول بعد اسبوع بننزل يعني مو الحين ..
رائد : يووه خلني أستانس اشتري هدايا للبنات والشباب من الحين .. ( وطلع من الغرفة ) ..
نرجع للشباب والبنات ..
البنات كلهم حاطين يدهم على فمهم وسارة حطت يدها على قلبها ..
فارس صرخ بأعلى صوته : لاااااااااااااااااااااا
والشباب والبنات صرخوا بنفس الوقت : مســـــــــــــك ..
صوت سحب بريك وسحكة على الشارع وقلوب الشباب والبنات تدق دق ..
سارة عيونها امتلت دموع على وشك أنها تسيل على خدها على اختها ..
كل الشباب والبنات تدور عيونهم بالشارع يناظرون شنو صار بمسك وهم مو ستوعبين الي صار ..
طاحت عيون الشباب والبنات على مشاري الي مرمي بالارض وضام مسك لصدره ..
( خلوني اشرح لكم شنو صار بلحظة مامرت السيارة .. على آخر لحظة كانت السيارة بتصدم مسك .. إلا مشاري ركض بأسرع ماعنده وضم مسك لصدره وطاح على الجهة الثانية بالرصيف والسيارة راحت بسرعة ) ..
البنات والشباب قربوا من مشاري ومسك ..
سارة بصوت يهتز من الروعة الي مرت عليهم من لحظات : مسووك قوومي ..
مسك كانت ماسكة الجوال وضامة يدينها لصدرها فتحت عيونها بشويش وناظرت بوجه مشاري القريب منها بالمررررة مشاري الي كان ضامها باقوى ماعنده لصدره وكأنه خايف يصير فيها شي شافته مغمض عيونه وكأنه نايم .. قامت وهي تنتفض وتحاول تستوعب الي صار ..
مسك تهتز من الخوف: شنو صار ؟؟
سارة ضمت اختها مسك ونزلت دموعها الي كانت بعيونها : خوفيتيني ظنيتك بتروحين عني ..
مسك وكأنها استوعبت : خلاص .. بس هذا أنا قدامكم ..
روان تأشر على مشاري وهي خايفة : مشاري مايتحرك شنو صار له ؟؟
البنات راحوا جنب الشباب يشوفون شنو صار لمشاري ..
مشعل : لاحد يحركه .. مشاري مشاااري انت تسمعنا ؟
مشاري فتح عيونه بشويش وهو معقد حواجبه جلس بشوي شوي وكانت ذراعه اليسرى تنزف شوي دم لأنه طاح على جهتها : أيه .. بس يدي تعورني بالمرة ..
الكل تنهد بارتياح ..
مشاري ابتسم لهم يطمنهم مع أن ألم يده يعوره بقوة : مافيه شي .. عسى ماصار لمسك شي .. (وتتنقل نظراته بينهم يبغى يشوف مسك شافها حاظنة اختها سارة )
مشعل وريان يقومون مشاري من الارض بشوي شوي ..
رامي : والله أنك نشمي بهالمواقف .. الحمدلله ماصاغ (ماصار) شي أكبغ (أكبر) ..
الكل : الحمدلله ..
مشعل : تعال اضمد يدك .. رامي جيب شنطة الإسعافات الأولية الي حطيتها بسيارتك ..
رامي : طيب
راح رامي وجاب شنطة الإسعافات.. وضمد مشعل جرح مشاري بعد ماعقمه ..
مشاري يبغى ينسيهم سالفة الي صارت من كم دقيقة .. شاف آيس كريم مو مفتوح محطوط بكيسه في سيارة رامي اخذه وراح عند جهة الشباب والبنات: الله من جايبه لي والله أني أحبه موووت ..
ياسر : لالالالا لاتاكل منه
مشاري حط أول لقمه منه وناظر ياسر وأشر له أنه يبغى منديل ..جاب له ياسر منديل وبصق مشاري الأيس كريم الي توه ذاقه : ويييييييييييييييع إيش ذا مو أيس كريم حاطين ملح بدل السكر ..
ياسر : قلت لك لاتاخذه ..
دانه : وانت ليه طالب ايس كريم يحطون فيه ملح ؟؟ هااا ؟
تركي : تبغون الصدق كنا بنعطيه سارة و روان ..
روان وسارة تخصروا : نــعم ..
ياسر وتركي : نعامة ترفسكم ..
سارة : روان عليهم ..
روان : عليـهم ..
سارة و روان اخذوا قوارير الماي ويلحقون تركي وياسر ..
ياسر وتركي قامو يركضون و وراهم روان وسارة ..
الكل : ههههههههههههههههه ..
مشعل : هاذيل بنسميهم توم وجيري
يوسف : صدقت مايعقلون عن حركاتهم ..
بعد دقيقتين وبعد ماروان وسارة سبحوا تركي وياسر بالماي رجعوا وكلهم ركبوا الباص والباقي بسيارة رامي ورجعوا بيت بو فارس ..
طبعا بعد مارجعوا الشباب الرجاجيل مسكوا الشباب واسئلوهم شسالفة جرح مشاري .. مشاري أنقذ الشباب وقال لهم أنه كان يمشي وزلق وطاح .. وصدقوه الرجاجيل .. وتعشوا .. وجلسوا يتقهون .. على الساعة وحدة كل الي جاو بيت بوفارس راحوا لبيوتهم ..
مسك تكلم أم مشعل : خلاص ياخالة من يوم السبت لازم سمور تداوم بالمدرسة معانا ..
أم مشعل : إنشالله .. بإذن الله ..
سارة : خلاص تعالي بيتنا على الساعة 6 ونص عشان تمشين ويانا ..
سمر ابتسمت لهم : اوكي .. يلا باي ..
سارة ومسك : بايات ..
راحوا أم مشعل وسمر لبيتهم ..
في بيت بو مشعل ..
أم مشعل راحت على طول تنام ..
اما سمر جلست بالصالة مع أخوانها ..
مشعل و سامي جالسين يلعبون بلاي ستيشن .. أما رامي جالس يدخن وهو يناظرهم كيف يلعبوا ..
رامي يأشر بيده لسمر عشان تجلس جنبه ..
راحت سمر وجلست جنب أخوها وهي مبعد تفصخ عبايتها بس فاكة شيلتها وحاطتها على رقبتها ..
رامي طفى زقارته بالطفاية وحط يده ورا سمر وابتسم يناظرها : إنشالله انبسطتي أمس واليوم ؟؟
سمر حطت راسها على كتف اخوها وابتسمت : إيه كثير بس اليوم حسيت قلبي بيطير من الخوف على مسك ..
مشعل لف على سمر : هههه لايطير ولا بقصص جناحينه خخ .. هذا هي مافيها إلا العافية ..
سامي : أوووووه هدف هــدف ..
مشعل لف على سامي : يالغشااااش مو تشوفني قاعد اكلم سمر ..
سامي : مالي دخل فيك .. شووف شووف كيف الأهداف ياقلبي .. الله الله علي أنا بس كلي حركات ..
سمر قامت فوق لغرفتها عشان تنام ..
ورامي نفس الشي راح لغرفته ينام ..
أما مشعل وسامي ظلوا يلعبون عشر دقايق بعدين كل واحد راح غرفته ..
&&&&&&&&&&&&&&&&&&&&&&&&&&&&
نرجع لبيت بوفارس .
سارة عند مسك بغرفتها تبغى تطفرها بأي طريقة : أقول مسووك ..
مسك جالسة على لابتوبها تكلم صديقاتها على المسن : هااا ..
سارة حظنت المخدة الصغيرة حقت سرير مسك : شنو شعورك يوم أنقذك مشاااااري (قالت اسم مشاري بطريقة رومانسية حالمة) وضمك لصدره وفغصتيه ؟؟
مسك رفعت راسها لسارة وناظرتها وكانها مافهمت .. بعد فترة مو طويلة تركت اللابتوب وكأنها بتقوم على سارة : شنو شنووو ؟؟؟
سارة : اقولك مشاري انقذك وضمك لصدره .. تقولين شنو ؟؟
مسك وكأنها تتذكر انقلب وجها أحمر من الخجل يوم تذكرت .. ناظرت سارة وهي رافعة حاجبها : سوييييييييرة ؟؟
سارة : إيييييه إيييه تذكري اللحظة ذيك واحلمي فيها مليون حلم خخخ .. بس تصدقين رحمته فغصتيه صرتي فوقه تكسر والله..
مسك سحبت المخدة من سارة عشان تضربها فيها ..
بس سارة انحاشت من الغرفة ..
سارة راحت لغرفتها : هههههههههه يحليلها تستحي .. أووه تذكرت المومري .. خلني اشوف شنو فويرس مخبي ومن يحب الحين .. نياهاهاها >>> الأخت شريرة خخ
راحت سارة على أطرف أصابعها لغرفة الكمبيوتر لانها ماعندا لابتوب .. وتمشي على اطرف أصابعها كأنها مجرمة وماسكة المومري ..
وصلت لغرفة الكمبيوتر وشغلته وشبكت المومري .. فتحت سجل المحادثات الي نسخته من جهاز فارس ..
سارة : اوووف كله محادثات أولاد ..يؤ يحليل بعد صديق فارس ذا حاط صورته .. ماعليه زود عادي مو أحلى من فروس ..
وقرت المحادثات كلهم وكلها يسولف مع واحد متعرف عليه اسمه جهاد من الشرقية وأنهم راح يلتقون بعد كم أسبوع يشوفون بعض .. وشافت صورة أخو جهاد الصغير الي يكلمه فارس .. وسكرت المحادثات وحذفتهم وهي محبطة ..
سارة في نفسها وهي تطلع من غرفة الكمبيوتر وتدخل غرفتها بتنام "" بالطقاق يحب الي يحب وأنا شنو لقفني فيه خخخخ "" .. ونامت ..
مر يوم الجمعة على أبطالنا ولا شي جديد ..
يوم السبت الصباح ..
في بيت بوفارس الساعة ست ..
أم فارس تصحي مسك وسارة عشان يمديهم يتجهزون .. لانهم بارديييين شوي شوي يتجهزون ..
تجهزو البنات وعلى الساعة ست ونص خلصوا ونزلوا تحت يفطرون شافوا فارس جالس يفطر بهدوء متجهز لابس الثوب حقه وحاط الشماغ على كتفه و ريحت عطره واصله لفوق ..
نزلوا البنات وسلموا على امهم وابوهم وجلسوا يفطرون ..
مسك ماسكه جوالها تتصل على سمر : هلا سمور يلا تعالي بيتنا هذا أحنا جالسين نفطر .. هههه ياقلبي عليك .. اوكي سلام ..
سارة : اول مرة أشوفك تضحكين بصباح يوم السبت ..
مسك : ههه لاتلوميني سمور جالسة من الساعة خمس ومتجهزة شكلها دافورة ..
سارة : أهآآ ..
بعد ثلاث دقايق جات سمر وهي لابسة عبايتها بس مبعد تلبس النقاب وحاطة شنطتها على كتفها : السلام عليكم ..
الكل : وعليكم السلام ..
بوفارس : حياك افطري ويانا ..
سمر ابتسمت : مشكور عمي الحمدلله فاطرة ..
مسك قامت عن الطاولة : الحمدلله .. يلا خلونا نمشي ..
سارة : تو الناس الساعة سبع تصفر ..
فارس : مانيب قايم الحين انتظروا خمس دقايق لاحقين على المدرسة ..
مسك راحت عند سمر : سمور وديتي ملفك اول ؟
سمر : إيه من يوم الاربعاء واليوم بداوم ..
مسك : أهآآ .. إنشالله بنفس الفصل ..
سمر ابتسمت : لاتخافين أمي قالت للمديرة تخليني وياك ..
مسك : حلو حلو ..
فارس وسارة قاموا : الحمدلله ..
فارس : انا بروح للسيارة انتظركم .. (وطلع) ..
مسك وسارة لبسوا عباياتهم .. وطلعوا ثلاثتهم لسيارة فارس ..
توها مسك بتجلس قدام إلا فارس اشر لها تجلس ورا ..
ركبوا مسك وسارة و سمر ورا ..
فارس يلبس الشماغ : سامي بيجي معانا .. تبغون أشتري لكم كوفي قبل لاتروحون المدرسة ؟
مسك وسارة : ياليت ..
فارس يناظر سمر بالمراية وسألها كسؤال عادي : سمر شرايك ؟؟
مسك : أكيد تبغى ..
ركب سامي السيارة وكان كاشخ لابس ثوب وشماغ وصاير كشخة : السلام ..
الكل : وعليكم السلام ..
سارة : أول مرة اشوفك لابس ثوب وشماغ ..
سامي : ها وإنشاالله حلو ..
فارس : لا ماشالله عليك كشخة ..
سامي : تسلمون..
فارس مر على اقرب كوفي وأخذ لهم كلهم موكا بارده .. و وصلهم للمدرسة على الساعة سبع إلا عشر .. وراح هو وسامي لمدرستهم ..
سارة راحت على طول قسم المتوسط ومسك وسمر راحوا قسم الثانوي ..
سارة أول مادخلت الفصل وفي يدها كاس الموكا : مراااااااااحب ..
روان : هلا بك غريبة جاية مبكر أنا توني جاية .. الله بعد جايبة موكا ..
سارة : خذي اشربي وياي .. فارس توه موصلنا ومر على الكوفي واشترى لنا موكا .. وسمر اليوم أول يوم تداوم فيه فجات معانا .. ونااسة ..
وجلسوا يسولفون ..
عند قسم الثانوي ..
مسك دخلت الفصل ومعاها سمر : السلام ..
البنات الي بالفصل: وعليكم السلام ..
خلود : مسووك من ذي ليكون هذي الحلوة سمور الي قلتي لنا عنها ؟؟
مسك حطت عبايتها بالدرج وحطت عباية سمر بدرج الطاولة الي جنبها لانها فاضية ماحد يجلس فيها .. ومسكت سمر وراحت عند خلود ورنا : إيه هذا هي شرايكم فيها ؟؟ تجنن صح ..
رنا : ماشالله عليها قمـــر قمر والقمر يشهد ..
سمر استحت منهم : تسلمون ..
خلود : تعالوا اجلسوا .. ولاتستحين ياسمر منا ..
وجلسوا يسولفون ومع السوالف بسرعة تعودت سمر على رنا وخلود ودخلوا قلبها .. وحتى خلود ورنا حبوا سمر وشخصيتها الناعمة ..
نرجع لقسم المتوسط بس عند أماااااني ..
خلوني أعطيكم نبذة عن أماني ..
أماني وحدة كسلاااااانة ومعيدة أكثر من ثلاث مرات أهي اكبر من مسك يعني هي المفروض الحين بثالث ثنوي عمرها 18 بس هي راسبة والحين هي بثالث متوسط .. صايعة وقليلة ادب وحقووووووودة بدرجة .. وتحقد على روان وسارة .. لانهم دايم يخربون خططها وافكارها ..
أماني تكلم وحدة من شلتها اسمها هدى : اسمعي ياهدى أبغاك تدورين بفصول متوسط وثانوي تشوفين اسماء اباء بنات ال .. ( قالت عايلة مشاري الي قرتها بالبطاقة ) وتشوفين إذا أي وحدة منهم اسم أبوها عبدالكريم تجين تقولين لي أوكي ..
هدى الي تنطبق عليها نفس مواصفات أماني : أوكي ولا يهمك أبشري ..
نهــــــآآية البارت الســ عشر ــآدس .. ^^
أرائكم وتوقعاتكم تهمني ..^^
&&&&&&&&&&&&&&&&&&&&&&&&&&&&&&&&&&&
~| البــآرت الســ عشر ــآبع |~
أماني تكلم وحدة من شلتها اسمها هدى : اسمعي ياهدى أبغاك تدورين بفصول متوسط وثانوي تشوفين اسماء اباء بنات ال .. ( قالت عايلة مشاري الي قرتها بالبطاقة ) وتشوفين إذا أي وحدة منهم اسم أبوها عبدالكريم تجين تقولين لي أوكي ..
هدى الي تنطبق عليها نفس مواصفات أماني : أوكي ولا يهمك أبشري ..
&&&&&&&&&&&&&&&&&&&&&&&&&&&&&&&&&&&&&&&&&&&&
في مدرسة فارس ..
دخلوا المدرسة وكان فارس يتمشى مع سامي يسولف معاه لمن يوصلون الفصل .. وفي يده الموكا الباردة .. شافهم يوسف الي كان جاي قبلهم بدقيقة وبس .. راح معاهم متوجه للفصل .. كان يوسف لابس الثوب ومشمر أكمام ثوبه لمن نص الذراع ومسوي غترته كلها لفوق بطريقة حوسة بس حلوة ..
يوسف ماسك بيده اليسار كتبه الي مشدودين بحزام الكتب ويرحب ويهلي بسامي : ياهلا ويامرحبا هلا بك .. وأنا أقول ليه اليوم المدرسة منورة ؟؟
سامي ابتسم يأشر بكاس الموكا الي بيده اليسار : هه هلا .. شفيك رافع أكمام ثوبك كذا ؟؟
يوسف يناظر نفسه وعلى وجهه نصف ابتسامه : مافيها شي عادي ..
فارس يعطي يوسف ملزمة كتبه الي مربوطين بحزام الكتب : امسك شوي ..
يوسف اخذ كتب فارس وهو يمشي على ورا بشوي شوي ومعطي فارس وسامي وجهه : ليكون مثل كل مرة .. بتفصخ الشماغ خخ ..
فارس فصـخ الشماغ وحطه على كتفه وأخذ الكتب من يوسف : خخ أيه ..
يوسف : نفسي اشوفك لابسه يوم كامل ..
سامي : مادامك تدري أنك راح تفصـخه ليه لبسته أساسا ؟؟..
فارس رفع كتوفه بلا مبالاة : بس كذا .. يلا يلا مو كأنا تأخرنا .. أخاف يطردنا هالأستاذ من أول حصة مالي خلق أوقف برا ..
يوسف وسامي : ههه يلا ..
&&&&&&&&&&&&&&&&&&&&&&&&&&&&&&&&&&&&&&&&&&&&
نرجع لمدرسة البنات ..
وقت الفسحة ..
هدى صديقة أماني قاعدة تدور بالفصول وتقرا قائمة الاسماء المحطوطة على باب كل فصل بمتوسط بعد ماخلصت الثنوي .. وتدور عايلة الـ .. وتشوف الأباء مثل ماقالت لها أماني .. وعرفت أن رهف اسم ابوها عبدالكريم وكملت باقي الفصول تشوف إذا في أحد غير رهف .. كانت واقفه عند باب فصل روان وسارة تشوف الأسماء .. كانت حاطة صبعها على اسم روان ..
هدى تتأفف : أووف أخيرا هذا بنت عبدالكريم ..
جاو سارة و روان جنب الفصل عشان روان تاخذ فلوسها نستهم بالشنطة وهم يسولفون ويضحكون .. شافوا هدى واقفة عند باب فصلهم وحاطة صبعها على قائمة الاسماء .. ناظروها باستغراب .. وهدى حست ان في أحد واقف جنبها لفت شافت روان وسارة ارتبكت وردت بوقاحة وهي تحط يدها على خصرها : خـير .. شتبغون ؟؟ ..
روان وسارة ناظروا بعض بتعجب ..
سارة ناظرتها بنظرات باردة : خيرين هذا فصلنا .. انتي الي شنو تبغين ؟؟
هدى رافعة خشمها على الفاضي : أوووف ماعليكم مني ( ومشت على طول عشان ماتتوهق معاهم ) ..
روان وسارة ناظروا بعض باستغراب ورفعوا كتوفهم بلا مبالاة ودخلوا الفصل ..
روان راحت عند شنطتها تطلع الفلوس ..
سارة حاطة يدها الي اليسرى في جيبها الأيسر ورافعة يدها اليمنى ..الي رابطة فيها ثلاث شرايط ملونين وبين كل شريطة حبة كرستال تشبك كل شريطة بالثانية .. رافعه يدها اليمنى لجهه شعرها تحركه بتفكير وتوجه كلامها لـ روان : تتوقيعن شنو تسوي ذي مساعة ( تقصد هدى ) ..
روان تطلع بوكها التركواز من الشنطة وتوقف عند سارة : ماعليك منها خبلة ذي لاتعبي نفسك وانتي تفكرين ..
سارة و روان توهم بيتوجهون للباب يطلعون : هلا نورة .. شوق ..
نورة وشوق الي دخلوا الفصل قبل روان وسارة بدقيقة : هلا بك ..
سارة تحك خدها وتكلم روان: بس أحس انها ناوية شر كيف ما افكر ..
نورة ماسكة يد سارة تشوف الشرايط : كشخة انتبهي ياخذونهم الإدارة ..
سارة ابتسمت في وجه نورة وطلعت لسانها : لا تخافين عادي إذا خذوهم في غيرهم ..
روان : ههه بجد ترا ماتستاهل المدرسة تلبسين هالأشياء ..
سارة : خليني أوسع صدري .. أووف والله بتذبحني اللقافة إذا ماعرفت ليه واقفة عند باب الفصل ..
شوق : تقصدين هدى ..
روان وسارة : ايـه ..
نورة تركت يد سارة شهقت وحطت يدها قدام فمها وقالت وكأنها تذكرت : إييييييييه .. هدى الي من شلة أماني الصايعة ..
روان وسارة أنظارهم انتقلت لنورة وهم يتساؤلون ..
سارة تناظر نورة وكأنها تبغى جواب : إيه شفتيها شنو تسوي ؟؟..
نورة رفعة قبضة يدها اليسار وحطتها تحت ذقنها وتتذكر : إممم يوم أنا وشوق ندخل الفصل شفتها واقفة تناظر قائمة الأسماء .. يمكن تدور اسم أو شي .. بس سمعتها تتافف وتقول .. أخيرا هذا بنت عبدالكريم .. ( ورفعت نظرها تناظر روان ) .. يمكن تقصدك ..
روان ميلت فكها الأسفل على جهة اليسار وعلى وجهها شبه ابتسامة وكأنها تتطنز وناظرت سارة : تتوقعين شنو تبغى في اسم ابوي ؟؟؟
سارة مسكت يد روان عشان تطلع من الفصل : إممم ماعندي فكرة الحين .. خلينا نطلع نتمشى قبل لاتصفر .. باي شوق ..نورة نشوفكم بالحصص ندقها سوالف ..
نورة وشوق : بايات ..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك