رواية انا اخترت الفراق ومادريت ان الفراق وصال -13
العنود الصغيرة:سبحان الي يغير و لا يتغير
لا يكون مسخنة يا ختي
الأميرة اتزكرت انو سر:لا بس لمن لفيت
لقيت انو القعده هنا كم يوم مو سيئة
و راح اتونس كتير
العنود:كويس أجل
..
و خلص اليوم
رجعو الليث و البندر
بعد الدجه و الرجه الي سوها
و طوالي نامو و لمن نادى عليهم ضاحي
بالقوة جلسو و خما منقرفين و أكلو و هما مغصوبين
عشان العشا على شرفهم و عناد متونس معاهم
و جلس يقول أخيرا أحد هنا يفتح النفس
للعيشة
..
بنات العنود انقرفو و خلو السواقين
يروحو أقرب مدينة و يشترو أكل عدل
..
العنود ميتة ضحك عليهم و طبعا رجعت كل الي
أكلتو مجاملة
..
هيلا متونسة و نايمة بكل راحة
.
.
.
الساعة اتنين العنود خرجت تتمشى و هيا تستعيد
يوم ما خرجت في الليل و كانت تخاف من الذياب
و كيف حضنت ضاحي هديك الليلة
راحت لنفس المكان و سمعت صوت
أحد جالس هناك
العنود:مين؟
الا سمعت صوت عوي و صرخت بخوف
العنود:يا لهوي ما جيت الا عند الذياب
ضاحي:ههههههههههههههه و انتي للحين تخافين
من الذيابه
العنود و حست قد ايش كبر سخافه ضاحي بنص عين:و لمن بكره
عندك مانع
ضاحي: لا طبعا
..
و في الخيمة بعد ما خرجت العنود خرجت وراها
الأميرة لنفس المكان الي متفقين عليه هيا و عناد
و لقيتو يستناها
الأميرة:حلو في الموعد
عناد:اووووس و تعالي ورايا
لحد يحس بينا
ركبت الشيارة مع عناد مشيو لمكان بره الديره
و الأميرة تتنافض من الخوف لكن مستحيل تظهرو لعناد
وصلو لمزرعة كبيرة
عناد:انزلي
الأميرة:هيي انتا فين نحنا رجعني للديرة
عناد:شوفي قدامك خمس دقايق تنزلي فيها
و لا راح ارتكب فيك جريمة
الأميرة:مني نازلة و الي تبغاه سويه
عناد ما عندو تفاهم طفى السيارة
و خرج فتح الباب من عندها
و شالها و هيا تضرب و تصرخ
و لا أحد يرد عليها
الكل نايم و أصلا المزرعة ملك عناد
يعني لو ينحرها محد يقلو شي
دخلها بيت المزرعة و لقيت هناك العالم خليطي
الخمر الي رايح جاي
و البنات الي الله يستر عليهم
و شافت عيال الأمراء و الوزراء و التجار
طبعا هيا تعرفهم بسبب حفلات الشركة
و كمان العزايم الي ينعزمو فيها مع امهم
كأنهم مو في السعودية و هيا متعودة
على هدا الشي و هدي المناظر لكن مستحيل تسويها
بس الي صدمها انو ولد الشيخ ضاحي يوصل لدي الدرجة
دخلها على جناح و رماها على السرير
عناد: شوفي قدامك ثواني لو ما اتجهزتي راح اقتلك و هذا
درس عشان تتعلمي تقصي لسانك و تحترمي الي أكبر منك
الأميرة بثبات:مني مسوية و لا شي و أعلى ما في خيلك اركبو
عناد :طيب يالأميرة
مسكها سحب الطرحة و شق ملابسها
الأميرة تحاول تستر حالها :هي انتا يا حيوان ايش تسوي
عناد:اركب أعلى ما في خيلي انتي قولتيلي
بس ما توقعتك حلوة كدا
و في نفس اللحظة دخل واحد سكران الجناح
ينادي على عناد و هوا الي قدر يسويه انو يخبيها وراه
السكران:اوووف ايش هدي الصاروخ أفاا يا عناد ما دريت انك راعي
الي بالي بالك
عناد بصراخ:اخرج بره
السكران:افاا بس ناسيتنا بعد هالحلوة لكن بعد ما تخلص منها
تراني ابيها
ما لقي الا عناد مديه كف جاامد
الأميرة خلاا ص وصلت حدها سكران و مدري ايش
طاحت في الأرض مغمى عليها
عناد اتورط و ما عرف ايش يسوي
رمى السكران بره الجناح و قفل الباب
شال الأميرة و حطها على السرير يحاول يصحيها بالعطر
الين ما فاقت و رجعت نامت
..
سبحان الله الموقف ينعاد لكن بشكل جديد و سيناريو جديد
من زمان حمى ضاحي العنود من الذياب و اليوم يحمي ولد ضاحي بنت العنود
من ذياب بشرية مع انه واحد منهم
..
نرجع للعنود و ضاحي
ضاحي:وش تسوين هنا وش جابتس بعد هالسنين
العنود:أمي زنت عليا و العيال الين ما وفقت و جيت
ضاحي:اهاا شكلو الأيام حتخبي الكثير بيننا
العنود:و نشوف مين الي ينتصر فينا
ضاحي:لا اله الا الله البشر تغيرت و انتا لسى عنيدة
العنود:و بتشوف مع الأيام الجايه الا انتا ما اتزوجت
ضاحي:الا اتزوجت و طلقت لكن جبت ولد اسمو عناد على اسم بطل عندنا
عمرو 18 سنة
العنود:اها اجل على اسم بطل عندكم حلو و ليش طلقت؟
ضاحي:بس كانت عنيدة و راسها يابس
العنود:ايوا قلتلي عنيدة و راسها يابس
و استمرت الليلة و كل واحد يكابر على التاني
.
.
.
طلع الصباح و عيال العنود لسى نايمين
و جدتهم ما شاء الله صحت الديوك عشان يصيح
خخخخخخخخخ
نروح عند الأميرة الي قامت على شي يتحرك في وشها
و هيا تبعدو
الأميرة:اوووووف من الدبان هي رووووز تعالي بسرعة
هناا
و لا زال الشي يتحرك في وشها كل ما بعدتو يرجع
الأميرة:لا حوووووول
و قامت الا لقيت وش عناد قبال وشها بالزبط
عناد بابتسامة و خوف مالي عيونو:صباح الجوري
و أعطها الوردة الي طفش الأميرة بيها
الأميرة استرجعت زاكرتها:هييي انتا بعد عني
الا انتبهت انها لابسة قميص أحمر ستان و قصير مررة
الأميرة بدموع:انتا ايش سويت فيني
عناد استغل هدي الفرصة:قولي ايش ما سوينااا ركزي على الحرف نااا
بس أوووف طلعتي منتي هينة ههههههههههههههههههه
الأميرة نزلت دموعها :حرااام عليك ما اتوقعت انو في ناس لمن اليوم
عندهم هدي الحركات
عناد حزن عليها لكن ما بين:عايدي طبيعة البشرية هههههههههههههههه
الأميرة:الله ياخدك
عناد:ها اسكتي لا تنفضحي قدام أهلك و لو حملتي ما راح اتحمل المسؤولية
الأميرة:حسبي الله عليك
و جلست تبكي حزن عليها عناد لكن لازم يكون
قاسي معها عشان لا تفضحو
عناد حب يستهبل عليها فباسها
الأميرة دفتو بقوة:هي انتا
عناد:هاا أمووره خلينا حلوين يعني جات دحين على البوسة
الخفيفة هدي في شفايفك و الي صار طول الليل
ايش نقول عنو
الأميرة سكتت و بس تبكي
عناد حضنها مو عشان يبغاها تحس بالأمان لكن الي بيظهرو العكس
الأميرة:دحين ايش اسوي في الفضيحة
عناد بزلة لسان و حزن عليها:خلااص نتزوج بالسر عشان
لو أحد جى اتقدم لك ساعتها نقولهم انك متزوجة
الأميرة:بس أنا ما أقدر أخبي عن مام شي
عناد:بس حتقدري تقوليلها عن الي صار أمس
الأميرة احتارت و جلست تبكي
عناد:اسمعي نتزوج بالسر مؤقتا و بس نكبر شويا نتزوج
علن و نتطلق بعدها ايش رايك
الأميرة:الله يعينني طيب و كيف حتملك مو لازم تحاليل و مدري ايش
عناد:أنا عندي مملك حقت فلوس حيمشي الأمور
الأميرة سكتت و سرحت
عناد:ايشبك انتي؟
الأميرة:مدري ادعي عليك على الي سويتو فيني
و لا ادعي ليك على انك بتستر عليا
عناد:سوي الي تبغيه بس قومي البسي عشان ارجعك
ترى الناس تقوم عندنا من بدري
الأميرة:يا ويلي لو ماما ما شافتني نايمة أمس
عناد:طيب يلا حركي
الأميرة:طيب دقايق اخد شور
عناد:طيب بسرعة مو تتأخري ترى مافي وقت
الأميرة:أوكي
عناد:لو تأخرتي حدخل الحمام أجرك طيب
الأميرة:طيب طيب
اتروشت و عناد مزاجو رايق لأنو الأميرة دخلت مزاجو بقوة
و صار كل دقيقة يستهبل يدق الباب يقولها خلصتي
و هيا تستعجل و قرفانة من نفسها
بعد ما خلصت رجعت للبادية
و في مكان تاني في اتنين أمس أخدهم الوقت و الكلام
و نامو
ضاحي و العنود
صحي ضاحي بعد ما حس بِأشعة الشمس حرقتو
الا يحس بأحد نايمة عليه يطالع الا يلاقيها العنود
ما قدر يقاوم انو يتأملها شويا و كيف الطرحة نزلت
و شعرها بان أول مرة يشوف شعرها و هوا أسود و ناعم
انسحر و صار يمسح على شعرها بكل نعومة
قامت العنود و انصدمت لمن شافت ضاحي
العنود:أنا كيف نمت هنا يالله لو أحد شافنا ايش حيقول
ضاحي خجل مو الموقف بس ما بين:احم احم خلينا نقوم هالحين
و يحلها ألف حلال بعدين
..
نزلها عناد في مكانهم حق أمس
جات الأميرة تبغى تنزل
عناد:استني
الأميرة:ايش في؟
عناد باسها :و هاتي رقمك دحين عشان لو ابغى اكلمك و لا تبغي حاجة مني
الأميرة:طيب
..
وصلت العنود للخيمة و في نفس الوقت الأميرة
الأميرة تحاول ما تبين شي:اهلا مامي قوود مورنينق اشوفك قومتي بدري
العنود مرتبكة:ها ايوا تعرفي من زمان عن الصحرا و الشمس و الحالة هدي
و أشوفك انتي كمان صاحية بدري
الأميرة تصرفها:ايوا على قولتك الصحرا و الشمس ما قدرت أقاوم
الا ما شاء الله الناس تقوم من بدري عندهم فطور عدل و لا لأ؟
العنود:ههههههههههههههه عندهم أكلهم تبغيه و لا ارسل السواق
الأميرة: لا ارسليلي السواق أحسن
العنود:طيب
..
الأميرة راحت تغير ملابسها و العنود ترسل السواق
الا وصل للأميرة مسجل
من حسرة زماني
"حبي تعالي مكاننا الي متقفين عليه ادري انك ما تاكولي الفطور حق البدو
عشان كدا روحت أشتريتلك فطور
اموووووواح
حبيبك عناد"
الأميرة حطت الجوال بقرف:وجع حبك برص الله يصبرني
خلصت لبس و ارسلتلو
"شكرا ماما حتطلب لنا اكل"
دقيقة الا رد علييها
"طيب أنا ابغى نفسي زي ما انفتحت للحياة اليوم بشوفتك
أبغى نفسي تنفتح للأكل و بعدين أنا بصير زوجك
لازم تسمعي كلامي طيب حياتي"
ردت عليه
"طيب دقايق اشوف ماما و بعدين أجيك"
رد عليها
"طيب انتبهي على نفسك و انتبهي لحد يلحقك"
ردت الأميرة
"أوكي"
راحت للعنود
الأميرة:مامي ممكن اروح اتمشى علبال ما يجي الفطور
العنود:طيب حرسلك مسج أو اتصل انتبهي على جوالك
الأميرة:طيب
الأميرة سمعت كلامو و ما تبغى تعاند عشان بس يستر عليها
و لا هيا مو طايقة رقعه وشو مع انو وسيم لآخر الحدود
..
أول ما وصلت الأميرة لقيت عناد يستناها و مجهز لها فطور و لا في الأحلام
بالنسبة للبدو لأنو أمريكان بريك فاست مع اضافات من عندو جبنة و زيتون ...الخ
..~..
الأمريكان بريك فاست
عبارة عن بيض و زبدة و مربى و توست محمص
مع شاهي أو قهوة بالحليب و عصير أورنج
..~..
طبعا هدا كلو فوق ونيت لأنو أحسن شي للبادية و طبعا عناد مشغل موزيك رومنسي
الأميرة حمدت ربها
عناد: يلا تعالي معايا
شالها و طلعها فوق الونيت و بعد كدا جلسها على عبو
<<يعني فخدو
فتح الطرحة و حرك شعرها بيدو و بعدهاجاب ورد جوري
باسها و بعدين حطها في شعرها
الأميرة:عناد خليني اجلس عايدي
عناد حضنها:لا مالي صلاح هدا أول فطور ليا مع زوجتي
لازم يكون رومنتك
الأميرة ابتسمت بهدوء:طيب اممممم ايش تبغاني أأكلك
عناد:الي تبغيه
جابت توست و قطعت وصله من البيض و حطتو فوقها
الأميرة:يلا افتح فمك
عناد:أنا من طرف و انتي من طرف
الأميرة الله يصبرني عليك:طيب
جلسو ياكلوها سوا
عناد:يلا دوري بأكلك
قسم وصله من التوست و حط عليها مربى بالفروالة
كتيييير
الأميرة:عنااد قلل منها شويا حرام عليك
ايش هدا كيف اكلو
عناد:انتي مالك صلاح كولي و بس
حطها في فمها و قبل ما تدخلها كلها أكل الباقي و جلس
يمص المربى الباقية
عناد:ها شوفتي فايدة المربى الكتير
الأميرة خجلت من جراءة عناد
و هوا متونس لمن يشوف خدودها حمرا
الأميرة:عناد بطل الحركات هدي
عناد مسحور:يا روح عناد هوا ما يقدر لأنك ساحرتو
الأميرة تبغاه يبطل هدي الحركات:يعني أغطي وشي
عناد كأنو أحد ضربو ماس:اييش!! ( و برومنسية) تبغي
تعذبيه بس ما تدري كيف صح تبغي انتي مو تعذبيه بس الا تقتليه حرام عليك
الأميرة:بس بطل الحركات
عناد:مستحييييييييييييييييييييل
الأميرة احتارت هيا ما تبغاى تتلق فيه لأنو كل شي مؤقت
و هوا الا و الا يبغاها تتعلق فيه
..
كملو الفطور حقهم برد الأكل و تلج و هما لسى على حالهم
الله يهنينهم و يرزق الجميع الفطور هدا
خخخخخخخخخخخخخخ
..
العنود:بنااات ي بنااات يلا السواق جاب الأكل
العنود الصغيرة:يا ماما أي بنات مافي غيري أميرو ما أدري فين راحت
العنود:يالله من هدي البنت و أخوانك فينهم
العنود الصغيرة: و الله الاتنين طايحين مرض واحد يستفرغ و التاني وراهق رفوني
العنود:ههههههههههههههههههه
العنود الصغيرة:هاتي نحنا ناكل و نبقي لهم
العنود:يلا على قولتك
فطروا و بعدها خرجوا
..
ضاحي:الا يالعيال وين عيال العنود ما أشوفهم هني
واحد من العيال:و الله أمس وصلتهم لخيمتهم و هم حالتهم ماهي بحالة
ضاحي بفجعة:وش الي يشتكون منه؟
الولد:و الله ما درينا
ضاحي:قم يا صالح استأذن من العنود و قلها بنزور عيالتس و نتطمن عنهم
صالح:تآمر آمر
..
عند العنود بعد ما نادوها
العنود:و الله بس العيال تعبو عشان مو متعودين عالجو هنا
صالح:تكفين يالعنود الشيخ ضاحي بغى يشوفهم لا تفشلينه قدام هل الديرة
العنود:آمري لله
صالح في نفسو و الله مدري مين بغى يشوف العيال و لا أمهم
..
جا ضاحي :السلام عليكم يالعيال
البندر و الليث مو قادرين يتحركوا
بس الليث أكتر
البندر:هلا ة عليكم السلام آسفين يا شيخ لكن التعب هاددنا
ضاحي:لا تعتذروا و لا شي كلنا ذاك الي بينهد
بس حبيت أتطمن على أوضاعكم الا وش به الليث ما يرد
البندر يهز الليث:ليث ليث ليث قوم الشيخ ضاحي هنا
ضاحي:خلاص اتركهه يستريح
البندر :ماما بالله صحيه
العنود:ماما حبيبي قوم عيب هنا الرجال جاي يسلك عليك
الليث بصوت اشبه بالهمس:ماما الحقيني بمووت الم الم مو طبيعي
العنود:ايشبك حبيبي؟
ضاحي انفجع:وش الي فيه
العنود:ما ادري يا ضاحي ساتي بسرعة قولي للسواق يجهز السيارة
حنوديه المستشفى
ضاحي:هاتوه اعالجه
العنود:لا و الله يعطيك العافية بس هذا ولدي مستحيل استغني عنو
ضاحي:يالعنود اذكري ربتس
العنود:لا اله الا الله بس هدا ولدي تعرف ايش يعني ولدي
ضاحي:طيب بجي معكم
العنود:ما يحت
ضاحي قاطعها:لا قال الشيخ آمر ينقاله تم
العنود طنشتو و قامت تحاول تشيل ولدها الا ضاحي جا
و شالو و ركبو عالسيارة و جلس جمبو طلعت العنود
من الجهه الثانية و ما نتبهت انو ضاحي موجود
كل عقلها في الليث
و دموعها على خدها
..
الله عليك يالليث جمعت أبوك و أمك في طيحتك من جديد
..
.
.
.
وصلوا المستشفى الا دخلوه عالطوارئ
شويا و خرج الدكتور
العنود:ها يا دكتور طمني على ولدي
ضاحي جرها له و وقف قدام الدكتور و هيا استسلمت
أهم شئ تتطمن على ولدها
الدكتور:لازم يدخل غرفة العمليات اللآن و الزايدة حتنفجر
و حالتو مررة خطيرة
العنود:دخلوه بس أهم شي ولدي يصير بخير
ضاحي رحمها بجد:خلاص توكلوا عالله و سوا العميلة
الدكتور:طيب اتفضل معنا
..
بعد ما دخلوا الليث غرفة العمليات
جلست العنود مع ضاحي
و هيا بس تبكي و هوا يطمنها
العنود:مشكور يا ضاحي تعبناك
ضاحي:ولو هذا زي ولدي عناد لو كان جبنا ولد
كان بعمره
العنود هزتها هالكلمة و بكيت زيادة
ضاحي:اذكري الله يالعنود ما توقعتتس ضعيقة تسذي
العنود و هي تبكي:أقولك شي بس ما تكرهني
و الله بس عشان لا احرمك انك تحضن ولدك و هوا ممكن بين الحياة و المةت
دحين
ضاحي:مين ولدي عناد؟
العنود ببكى:لا ولدك الليث
ضاحي بصدمة:الليث ولدي كيف مو انتي اتزوجتي البراء
كيف هذا ولدي
العنود:بعد ما خلعتك بأسبوع أكتشفت اني حامل
و في نفس اليوم قلت للبراء و طلبت انو يتزوجني
ما كنت أبغاك تعرق انو الليث ولدك و ترجعني لعصمتك
و بس اتزوجت البراء و عشت حياة سعيدة كلها محبة و احترام
لكن ما جبيت أجازيك و أحرمك من انك تحضن ولدك و هوا ممكن يموت
ضاحي:انتي من شنو مخلوقه حرام عليتس كل هالسنين تحرميني منه
حرمتيني من شوفه وليدي يكبر قدامي أشوفه و هو يمشي و هو يدرس
و اعلم شلون يسوق السيارة اخرج معه و ارجع معه
حرااام عليتس هالكثر الحقد أعماتس
العنود:سامحني لكن خفت تعلم ولدي على عاداتكم و تقاليدكم
خفت انو بكرة يظلم البنات و يعدبهم خفت ترجعني لك و أنا من سواتك
ما اتشافيت لليوم ما انسى يوم ما آلمتني و قسيت عليا
ما انسى كيف ما اهتميت لمشاعري
ضاحي:بس الي سويتيه أكبر غلط و مستحيل أسامحتس فيه
العنود:الي يهمني ولدي دحين
..
مرت الساعات و كل واحد يعاتب التاني ساعى ورى ساعة و الدموع تمتلي في العيون
و تتساقط
و كل واحد يصلي و يدعي
جات العنود الصغيرة و الأميرة و البندر للمستشفى
و لحقهم عناد لمن دري ان ابوه هناك
قال عشان يشوف الأميرة
.
.
.
أول ما شافها دق على جوالها
و هوا معصب
الأميرة طنشت أول مرة و تاني مرة
الا ارسل لها مسج
"تعالي للكفتيريا و لا بجيكي و اكفخك"
الأميرة طالعت يمين شمال و لمحتو
الأميرة في نفسها أقوم بطيب خاطر و لا اتكفخ قدام خلق الله و انفضح
.
.
.
الاميرة:هلا ي عناد
عناد:لو سمحتي ممكن تتغطي زي الخلق
الاميرة طالعت في نفسها:ما فيني شي متغطية زي الخلق
عناد:و الي اشوفه وشك و لا وش احد ثاني
الاميرة:عناد حبيبي أنا كدا و اتربيت على كدا بعدين ماني حاطه و لا نقطة ميك اب
حبيبي تكفى عشان خاطري خلاص
عناد انقهر و سكت
الاميرة ما اهتمت بس حبيت تنسيه الهرجه عشان لا يفضحها:
بالله كدا تسوي فيني و اخويا بين الحياة و الموت شكرًا لأنك
قدرت مشاعري يجي منك اكثر
و جات تمشي الا مسكها من يدها و جرها له
عناد بهمس:سامحني لكن غيرتي عليك تقتلني
الاميرة تسوي حالها تبكي
عناد:و ربي ما كنت اقصد خلاص ي حبي
الاميرة زودت العيار
عناد:خلاص الي تبغيه يصير بس لا تبكي الله يخليكي
احس دموعك سكاكين تطعن صدري
الاميرة بتمثيل:اسم الله عليك لا تقول كدا
عناد برومنسية:تخافي عليا
الاميرة:مو زوجي و حبيبي أكيد بخاف عليك من نسمة الهوا كمان
عناد:فديتك
الاميرة:خلاص عناد ترى ما يصير الي نسويه العالم فين و نحنا فين
عناد:خلاص اطلعي و أنا الحقك
الاميرة:أوكي
.
.
.
العنود:ي ربي احفظ ولدي ي رب ي رب رجعه ليا سالم
خرج الدكتور
جري عليه ضاحي و العنود
ضاحي:الله يخليك طمني على وِلدي
الدكتور:تحت المراقبة الان ادعو له
ضاحي طالع على العنود بحقد
الا العنود طاحت مغمى عليها
الكل جري للعنود لكن واحد الي سبقهم
ضاحي بدموع و في حضنه العنود:تكفين ي كلي تكفين لا تروح
أنا مسامحتس و الي خلقني بس لا تروحين
شالوها الممرضات و حطولها مغذي
و بقي معها ضاحي الي نسى الدنيا كلها
ضاحي:تكفين يالعنود اتماسكي تكفين يالي سرقتي هالقلب
من يوم ما طاحت عيوني عليتس من يوم العزا و أنا ما افكر الا
فيتس صرت اتخيلك حولي و قربي و يوم كنتي في البحر و اقرصتك العقربه كانها قرصت قلبي بدالك و يوم فتحتي عيونتس علي
صدقت حالي بالجنه و قدامي حوريه
كنت معتس في كل لحظه حتى يوم تزوجتتس مو لأني بعاندتس
و لا من خوفي من كلام القبيله هذا لأني احبتس و هذي فرصتي
كنت اغار عليتس من كل من حولك كنت اتالم لا تخيلت غيري
يلمستس و يتهنى فيتس و انجرح لا تذكرت انك نسيتيني
كنت احلم فيتس كل ليله و اعرف ان قالي احد أحلام سعيدة
انه يدعيلي بشوفتتس شوفتك كانت بالنسبه لي حلم تمنيته يتحقق
و لا جا تحقق القاك بتروحين تكفين ردي لي تكفين
و جلس يبكي منزل شماغو و عزتو و كبريائو لأجل امراءة
تسوى عندها الكون و ما فيهلكن المفاجأة انه ما كان يكلم نفسه
اول ما نزلت دمعته و هوا حاضن يد العنود هيا مسكته
العنود بصعوبه:و أنا احبك و عمري ما نسيتك
ضاحي التفت لقي الكل متجمع حوليه الي يبكي و الي مصدوم
و كل واحد حاله و هوا ما همو اهم شي العنود قامت
ضاحي:انطقت تكلمت الاميرة العنود الي تآمر على قلبي و تنهيه
البندر:احم احم مام حمدلله على سلامتك
العنود الصغيرة:قلقتينا عليكي
الاميرة جريت لامهاو بكيت:الحياة من دونك ما تسوى
العنود:الليث الليث
عناد:الليث ي خاله بخير بس هوا تحت المخدر قدامك العافيه
العنود الصغيرة:ايوا يالعاشق الولهان اجل تحب مامتي في عزا
ما هقيتها منك
الاميرة:هذي فيها قبايل هههههههههه
الكل:هههههههههههههههههه
ضاحي طالع فيها بعيون كلها شوق:و منو ما يشوف العنود
و ما يموت فيها
عناد استغرب ابوه بس سكت اول مره يشوف على وشو الراحه
ضاحي:يالعيال داخل على الله ثم عليكم ابي ارجع للعنود
بندر:لك ما طلبت ازا رضيت ترضين يالعنود
العنود:الي تشوفونه ي عيالي
العنود الصغيرة:كلللللللللللوش
.
.
.
بعد مرور الايام و خروج الليث بالعافيه
العنود:حبيبي الليث بقولك شي بس أسمعني للآخر
ادري انك بتزعل مني و تشيل في قلبك بس اسمع اعذاري
و حكتو كل القصه من البدايه للنهايه
حكتو قصه حبها لابوه
حكتو عن جرائتها
حكتو كيف طلع ابوه يوم تطعيمو
و حكتو و حكتو و حكتو
و هوا بس يسمع لها و يبكي
العنود:سامحني يالليث ادري أني غلطت في حقك
الليث:مام أبدا ما يجي منك خطى و بعدين انتي كنتي خايفه
عليا و هدا من حقك صح انو طريقتك غلط لكن الي صار صار
و انتي ما قصرتي فيني و ربيتيني احسن تربية
ضاحي دخل:يعني موافق نرجع أنا و امك لبعض
الليث:ازا وعدتني تحطها بعيونك و ما تزعلها
ضاحي:هذي العنود مين يقدر على زعلها
الليث ابتسم و حضن أمو من جهه و ابوه من جهه:
الله لا يحرمني منكم
.
.
.
انتشر الخبر عند القبيلة و انشالت الأحقاد بين العنود و وضحى
.
.
.
ليلة زواج العنود و ضاحي
عناد:مبروك ي يبه مبروك يمه العنود لكن بطلبك مثل ما طلب أبوي
عيالك فياليت تقولين لي عطيتك
الكل استغرب عناد
العنود:عطيتك
عناد:ابغى بنتك الاميرة على سنة الله و رسوله
الكل انصدم
عناد:انتي قلتي عطيتك
العنود:و أنا ما اخلف كلمتي الا ازا الاميرة رفضت ايش تقولي
يالاميرة
الاميرة بخجل:و أنا ما ارد كلمتك
عناد ابتسم
ضاحي:بس شد حيلك بالثانوية و لا مافي زواج
عناد:يبه تكفى بس ملكة
بندر:وي وي وي كل هدا سوتو أمي و اختي فيكم
الكل:هههههههههه
ضاحي:فرحان الي فضحتنا عند العرب
عناد:ما ابغى ي ملكة ي حسوي مظاهرة عليك
ضاحي:وش سويتي في وليدي يالاميرة
الاميرة استحت
ضاحي:وش اقول الا هذي بنت العنود وش بتسوي غير انها
تعذب قلوب خلق الله
الكل:هههههههههههههههههه
.
.
.
هذي نهاية روايتي
أنا اخترت الفراق و ما دريت ان الفراق وصال .~.~اقول أني نسيتك بس مادري كيف توصلني
..
طبعا العنود عاشت في البادية و لكن غيرت فيها و نمتها
و عيالها خلفو العنود في المؤسسة و الشركات..
و لكن هيا ما تزال الإمبراطورة للاقتصاد و لا تزال حلم الملايين
...
الاميرة اكتشفت انها بنت في ليلة فرحها زعلت من عناد
لكنو هزمها برومنسيتو
...
العنود الصغيرة تتمنى انها تحصل على الحب
و تعيش معاه اسعد لحظات حياتها
...
الليث و البندر ما زالو على هبالهم و رجتهم
...
روايتي كانت تتكلم عن حضارتين مختلفة لكن الحب ربط بينها
حب يجي في ساعات غير متوقعة و لحظات غريبة لكن يصنع
اجمل و اروع الأوقات الي ما تتنسي و لا تنمحي من البال
شبههوا باحدى المسلسلات لكن قد تتشابه الاحداث لكني
ايقن ان ما نسج هو من وحي خيالي الذي يتمنى ان يرى تلك
العيشه البدويه و يرى البساطة على اقصى حدودها
يتمنى ان يعيش الحياة التي كانت تسمى حياة حقيقية
ليس فيها ما يعل القلب و يشغل البال
احب حياتي و التطورات و لكن اكرهه هذه النفوس الحقوده
و هيا ما اتمنى ان تزول
اعذروني على تقصيري و أخطائي و لكن ما هي الا تجربة أحببتها بكم
انتظروا جديدي بعد تكملة روعة حياتي
فهنالك الكثير بانتظاركم
مع حبي
Dя.Ghofran
تجميعي زهور حسين
اللهم لك الحمد حتى ترضى وإذا رضيت وبعد الرضى ,,, اضف تعليقك