رواية افهم ترانا لايقين لبعضنا كنك نهائي الكأس وانا هلالي -13
ندى : الله يازين اللي احظرت غطت على كل الحظوور
ريم تجلس وهي تشوف الساعه : ياسر هنا ولا طالع
ندى :لاهنا ..ريم كلمتني امي عن موضوع وليد
ريم: اممم ها وافقتي
ندى : لا هذا زواج ياقلبي لازم الواحد يفكر الف مره
ريم: امي تقول انهم مستعجلين علشان ولدهم بيسافر بعثه
ندى تفكر:اول نسال عنه وبعدها استخير بس احس ماارتحت لامه كثير تتهرب من اي سؤال تسأله امي عن
ولدها ماادري ليش
ريم : خلي ياسر يسأل عنه علشان تطمني اكثر
ياسر اللي واقف:لريم جاهزه
ريم توقف :يله جايه الحين
وصلت للاستراحه اللي بينها استراحات كثيره وعنوانها واضح على طريق معروف ..
ياسر :هذه اللي قالته
ريم تتأكد من الاسم:ايوه هي لحظه اكلمها
جمانه :اهلين ريم
ريم : انا عند الباب
جمانه بفرحه:هلابك قلبي اوكي افتح لك الحين
قامت جمااانه واسرعت تفتح الباب لريم وهي ترحب فيها
دخلت ريم وهي مستغربه من الاستراحه فاضيه ولابان ان بيكون حفل فيها
لفت على جمانه:لايكون جايه مبكره
جمانه وهي تمسك ريم بأتجاه غرفه الضيوف :دقايق وراح يجون البنات تفضلي هنا وخذي راحتك شوي واجيك
فصخت عبايتها وعدلت من شكلها عند المرايا ورجعت تجلس على الكنب بغرفه الضيوف
وطلعت تكلم حاتم بصوت خفيف : خلاص البنت جت ليش تأخر
حاتم عند باب الاستراحه:كلمته وعنده ضيوف والحين طالع وجاي لنا
جمانه بدلع:اوكي لاتتأخروا كثير ولاتنسى الوعد
حاتم:اعتبريه انه وصل لك
صكر منها وجلس خمس دقايق حتى وصل سعود .....
نزل سعود من السياره :يااخي ايش عندك انت مسحبني من الرجاجيل
حاتم :تعال داخل عندي لك شي يحبه قلبك
سعود :الله يهديك والله يعين على هواش ابوي كسر جوالي وهو يدق
حاتم :يااخي تعال وفكني من هرجك
سعود دخل الاستراحه واتجهه للغرفه اللي قالها حاتم
وقف حاتم عند الباب ينتظر جمانه ..
طلعت جمانه قرب حاتم يبوسها مع خدها ويطلع من جيبه المبلغ اللي وعدها
جماانه بفرحه:تسلم قلبووه يله اخليكم تاخذون راحتكم طلعت وراحت للسواق اللي ينتظرها
حاتم صكر باب الاستراحه وطلع ...
فتح سعود الباب ودخل وقف وعينه على ريم اللي حاطه رجل على رجل وجالسه تنتظر جمانه
دقق في ملامحها دقيقه وهو يشوف هاالحلوه اللي قدامه وبصدمه ريممم..؟؟
ريم واقفه بخوف وماسكه يدينها في بعض وهي تشوف الشخص اللي مسسبب له خوف بحياتها: ايش تبي..؟
سعود منصدم عرف ان حاتم سوى اللي في باله ماقدر يتكلم جلس فتره يطالعها بهدوء
ريم جلست على الارض وبرجاء:الله يخليك روح عني ايش تبي مني انت انا ايش سويت لك
سعود حاول يهدي قلبه وهو يشوف اللي خذت عقله حرك رجله بيقرب لها ويبن لها ان حاتم السبب لاكن وقفته
صرخه ريم: لاتقرب مني
سعود تأمل عيونها بحب وهو يشوف دموعها وهي تترجاه ماقدر يتحمل هاالدموع توعد وهدد حاتم بقلبه على
حركته هذي
رجع وراء وجلس على الكنب اللي بجنب الباب
ريم تطالع سعود وهي تتأمله بشماعه وعيونه العسليه وبشرته السمره فجأه ابتسم سعود لها حست بخوف
ونزلت عينها
سعود : ريم ..؟
ريم انفلتت اعصابها ووقفت تحاول تهرب
سعود وقف:ريم والله مالي ذنب كله من...قطع كلامه وهو يشوفها تهرب لبرا
لحقها وهو ينادي عليها :رييييييييم
ريم فتحت باب الاستراحه وطلعت تحاول تنقذ نفسها وهي تبكي بخوف
وصل لها سعود ومسك يدينها:ريم ريم وقفي انا اوصلك للبيت
ريم تجر يدها :وخرر عني ياخسيس
مسكها سعود بغصب وشدها لسيارته وهي تصرخ وتنادي احد يساعدها قفل الباب ودخل يجيب شنطتها وعبايتها
فتح باب السياره وركب
ريم : ايش تبي مني خلني في حالي
سعود :ريم يابعد قلبي انا ابقولك السالفه بس اسمعيني اخذي هذي اغراضك وانا راح اوصلك للبيت
ريم تمسك عبايتها وهي ترتجف :افتح الباب ياواطي انا راح اروح البيت فصخت شوزها الكعب وهي تحاول
تكسر الشباك
رجع سعود لوراء باالمرتبه اللي جنبها وهو يحاول يهديها
ريم زاد خوفها وهي تشوف سعود جنبها
سعود يقرب عندها وهو بداخله يتمنى يضمها لاكن عرف ان ريم بنت متربيه وراح تموته لو قرب عندها :يمين
بالله مااضرك ابد صدقيني ياريم خليك هاديه وانا اوصلك لحارتكم بدون اهلك مايدرون
ريم هدت ولبست عبايتها ويدينها ترتجف رجع سعود لمكان وحرك السياره ...........
شعور حلو يحس فيه وريم معه باالسياره قرب من الحي لف السياره على الطريق ووقف
ريم تتلفت كأنها تسأله ليش وقفت
سعود يرجع المرتبه ويسند راسها عليها يحاول يتكلم معها بهاالدقايق
ريم :ليش وقفت
سعود بكذب :السياره احترت بوقف دقايق حتى تبرد
ريم تفتح الباب :طيب وقف انت انا راح انزل للميوزين يوصلني
سعود ببتسامه:لا ياحلوه ماحد يوصلك غيري ماتدرين اني اخاف عليك
ريم طنشته وانتظرت هاالدقايق تمر بسرعه ...
سعود :ريم ..؟
ريم: ماردت عليه وهي تبكي بصوت واطي..
سعود: قلت ماابيك تبكين ماراح اضرك ابد
ريم :خلني في حالي ماابي اسمع صوتك
سعود بأستهبال :تراني حساس مااحب الناس الحمقين
ريم وهي تطالعه بحقد ..
سعود: ريم لاترديني ابي اسمع موافقتك قبل لاانزلك للبيت
ماردت عليه لف راسه عليها ينتظر جوابها
سعود ويحاول يرفع ضغطها:اذا ماوفقتي علي ابخطفك بعيد عن الناس والعالم
ريم حست ان الكلام مايفيد معه التزمت باالهدوء حتى يرجعها باالسلامه للبيت
سعود وهو يطالع ريم تذكر حال منار كان نفسه يخبر ريم بكل شي يمكن تساعدها بشي لاكن حس بشي يرده
حرك السياره واتجه لطريق ثاني حتى يتهنى بريم هاالحظات
ريم شافت الطريق تغير انهارت : افتح الباب ياحقيرر
سعود وهو يضحك بهباااال: احبببك يابنننت افهمييييي
ريم تصيح وهي تدعي على جمانه اللي وصلت لها لهذا الشخص ..........
البارت الخامس عشر
دعي عنك حكايات الحب فاالذي يحبك حقا هو الذي ~ستردين له فستانك ||
قوت نفسها ريم مايفيد البكاء ولاراح يساعدها في اي حل فكت سحاب الشنطه ووصل الصوت لسعود قطع
ضحكته وهو يشوفها تطلع الجوال
طلعت الجوال تكلم ياسر وهي تتكلم بداخلها يصير اللي يصير اهم شي اخلص نفسي
سعود طاح قلبه وبخوف:لاتكلمين احد شوفي الطريق ابلف الحين وابتجه للبيت هذا انا عكست الطريق
طنشته وهي تضغط على الازرار بيد ترتجف
دعس على السياره واسرع للبيت وهو بداخله مستغرب منها رغم خوفها الا انها تمثل القوه عليه
لمح الحاره بصوت عالي: هذا بيتكم
ماالتفتت عليه ولااعطته الفرصه يكمل كلامه افتحت باب السياره واسرعت بالشارع لجهه البيت
طالعها وهي تركض حتى دخلت البيت نزل راسه على الدركسون وهوبداخله ميؤس ان ريم توافق عليه خاصه
بعد اللي صار ..لف باالسياره وراء ورجع وبعدها طلع من الحاره وهو يكلم حاتم وينتظر رده
حاتم ببرود وببتسامه:ها شلون الجو عندك..؟
سعود بجديه: علمني شلون جبتها هنا
حاتم: ومن غيرها ام الفزعات جمانه بس املى عينها باالقروش
سعود: البنت بنت حمايل ومتربيه مايصير تجرها على وجهها وتجيبها
حاتم بأستهزاء:لايكون ادبتك بكف هاالمره
سعود:انا ماطلبت خدماتك وفكني من شرك تسمع
حاتم: انا ماجبتها علشان وجهك بس ههه يمكن احتاجها بيوم
سعود حس ان حاتم ماخذ لها صور : طيب وينك الحين طفشان وابي اقابلك
حاتم:اها انا معي كيكه ولاابي اضيع وقتي معك ياالبايخ
سعود يحاول يمسك اعصابه حاول يمشي الوضع علشان ينفذ اللي في باله:طيب جايك بعد ساعه ياالحبيب
حاتم:اووكي
صكر منه وهو وده يذبحه صدق من قال االي مجتمعين على فساد مصير الواحد ينقلب على الثاني حتى لو كان
معه عشره عمر
دار باالشارع حتى تمر هاالساعه بأسرع وقت قبل لاينشرها على ربعه الباقين وبعدها تروح ريم من بين
عيونه بهاالسهوله
دخلت ريم مع الباب اللي وراء حتى ماتنبه لها امها وندى على شكلها المبهذل وعيونها اللي سايل على خدها
الكحل من الدموع ركضت فوق الدرج
فتحت شنطتها وارسلت لياسر انها جت مع سواق صديقتها وبعدها خذت الشريحه وكسرتها ماتبي تشوف رقمه
ولااي حاجه تذكره فيه كرهته وكرهت كل شي بهااللحظه قامت وفصخت عبايتها وغسلت دموعها وبعصبيه :
هاالشخص راح يجيب لي الجنون
جلست على الكنب واالموقف يتكرر عليهااا انسدحت شوي تريح جسمهاا وتهدى قبل لاتزعجها ندى وتحقق
معهاا
مرت ساعه وسعود باالسياره وبعدها اتجه لحاتم
وصل سعود لشقه خويه عبداالعزيز
دخل وهو يتصنع البسمه ويبين انه طبيعي تجاهل استهزاء حاتم وعبداالعزيز عليه وخذها بروح مرحه وعطاهم
قد جوهم
رفع بياله الشاهي وهو يسولف مع عبداالعزيز :اشوفك طاق لك سياره جديده
عبداالعزيز: زايدين الراتب قلت ادلع عمري
سعود عينه على حاتم اللي قايم للحمام مد يده على جواله ونسخ رقم جمانه بجواله بعد مافتش جواله ولاحصل
فيه صور شك انها عند جمانه رمى الجوال على الارض بعد ماسمع باب ينفتح
قام متوجهه للباب طالع
حاتم:اجلس ياابو الشباب ماقلت انك طفشان
سعود:الاهل مكلمين يبيوني ضروري اشوفكم على خير
نزل بسرعه وهو يكلم جمانه
ردت بدلع :اهلين
سعود:انتي جمانه
جمانه:ايوه من معي
سعود:انا سعود خوي حاتم ابي اشوفك ضروري
جمانه:بس مااعرفك وليش
سعود:حاتم موصيني اخذ صور ريم من عندك
جمانه:اها اوكي وين تبي اقابلك فيه
سعود : حددي المكان وانا اجيك
جمانه:انا طالعه للفيصليه تعال هناك
صكرت جمانه منه وكلمت حاتم
..هلا
جمانه: طيب اعطي خويك الصور بدون مقابل
حاتم:اي خووي
جمانه:سعود جاي يبي الصور وانا ماراح اعطيك الا بمقابل
حاتم انقهر:وين جايك فيه
جمانه:في الفيصليه
حاتم:انا جاي واول ماتقابلينه عطني رنه على جوالي اوكي
تأفف سعود من الزحمه واستعجل حتى لايتأخر بعد نص ساعه وصل ووقف عند بوابه المول دق على جمانه
اللي بعدها دقت على حاتم
طلعت جمانه وهي تدور على حاتم ركض لها حاتم بعد مااعرف عيونها بااللثمه
قرب سعود وانصدم بوجود حاتم طالعه بنظرات بارده وشويه احتقار
حاتم يتسند على سيارته ومكتف يده ويضحك بضحكه تحدي وبجنبه واقفه جمانه بطولها
:مواعدها من وراي
سعود: ابي شي منها
حاتم وهو يسحب الجوال بقوه من يد جمانه :في الاحلام يابابا صورها اذا انت ماقدرت عليها في من يدوس
خشمها باالتراب
سعود كره حاتم كره مو طبيعي ماتوقع هاالنذاله فيه :تعطينها باالطيب ولاباالغصب
حاتم بتحدي : افضل يكون باالغصب
سعود من غير شعور قرب بسرعه وشد حاتم مع ازرار ثووبه رفع حاتم رجله ودف سعود مع بطنه
حس انه بيموت من الالم نسى المه وهو يشوف حاتم يفتح سيارته قام واسرع ومسك راسه حتى طاح باالارض
وصار يضربه وحاتم يزيد الضرب اكثر نزف من خشمه الدم تقلب في الارض وهو يحاول ياخذ الجوال من ايده
حاول بكل قوه حتى مسك يد حاتم تجمعوا الناس عليهم فيه اللي يفكهم وفيه اللي جالس يصورهم اخذ سعود
الجوال لاكن طاح على الارض ركضت جمانه تاخذ الجوال من بين الزحمه
وقف سعود ودفها على الارض حتى طاحت وانكشف وجهها لحقه حاتم رفع سعود يده بسرعه ورمى الجوال
باالشارع على الطريق بين زحمه السيارات ركض حاتم له في هااللحظه مرت السياره وطت عليه حتى تهشم
الجوال قبل لايوصله حاتم
سعود حمد ربه في داخله لف راسه يطالع حاتم االلي باين عليه القهر وهو يتأمل الجوال ضحك بداخله ومشى
وهو مطنش هاالناس اللي يطالعون فيه واتجه للبيت...
دخل داخل وعفاف تكلمه وتسأله عن هاالدم اللي بملابسه بقلق وهو مطنشها ماله خلق لاي مخلوق بهاالدنيا
جلس على سريره وفصخ ملابسه قام ينشف الدم ويمسحه باالمناديل لابس ملابسه ورجع يجلس على الكنب
وهو يحس الم في بطنه من ضرب حاتم اخذ جواله يدق على ريم ويبين لها الموقف لاكن كان مقفل خاف ان
صار لها الشي رجع يدق على خالد لاكن كل شي مصكر بوجهه
انسدح على السرير بتعب وهم وهو مقرر يداوم بكره باالشركه ويسأل عن خالد لعله عندهم خبر
6الصباح..
فتحت عيونها وهي تشوف نفسها على الكنب قامت وهي حاسه ان ظهرها بيتكسر
توضت وصلت الفجر قربت عند المريا تلم شعرها الاسود الطويل وتربطه ونزلت تدور لها شي تاكله
:هلاببنيتي كل هذا نوم
ريم تحك راسها وببتسامه: امس رقصت لين جيت البيت دايخه
قربت وهي تشوف الصينيه:يمه ميته جوع
ام ياسر:خلاص روحي قومي بدر وابحط الفطور الحين
ريم وهي مالها خلق على الهواش مع بدر رقت فوق وفتحت الباب بدفاشه
بدر اللي كان يلبس:ارحمي الباب
ريم ببرود:زين قايم وبعدها طلعت
بدر استغرب هدؤها لبس ملابسه ونزل وراها
:غريبه ايش فيك مالك لسان على هاالصبح
ريم عينها على طريقها ماردت عليه
بدر:هيه اكلمك
جلست تفطر وهي ماردت عليه
بدر:يمه ايش فيها؟؟
ام ياسر تطالع وجه ريم وهي تشرب الشاهي:مافيها شي!
بدر مستغرب سكتت وكمل فطوره
قامت ريم بعد ماتحمدت على النعمه بصوت غير مسموع ودخلت غرفتها
بدر قلبه عوره حاس فيها شي حط اللي بيده ورقى فوق يتطمن عليها
ريم مغمضه عيونها على السرير سمعت الباب ينفتح وحس احد يدخل
قرب بدر وهو يطالع ريم: لو ابحلف ان فيك شي حلفت
ريم مغمضه عيونها ومطنشته..
قرب بدر يهزها:امداك تنامين ردي علي
هزها كم مره لاكن ريم ماردت خاف اكثر جلس جنبها وهو يضرب خدها بخوف :ريووومم
حاول كذا مره لااكن ريم ماترد عليه ...
قام وهو متوجه للباب ينادي على امه لاكان تردد مايبي يخوفها رجع لريم يضرب خدها
فجاه ريم تطلع لسانها وتفتح عيونها بقوه
بدر نط مرتاع وعثر على الارض وطاح قامت ريم وهي تضحك من قلب على بدر اللي ارتاع من وجهها
بدر يقوم وهو يشد شعرها :ياالسخيفه ماني فاضي لمقالبك ريم تضحك عليه بعدها تركها وهو معصب ونزل
يطلع للمدرسه
حطت ريم راسها على المخده وهي تبتسم عليه بعدها اختفت الابتسامه وهي تتذكر سعود لفت راسها على جنب
تتنهد بضيق
قام سعود من بدري حتى يتطمن على منارويلحق على الشركه لبس ثوبه وشماغه بخ من عطره شوي ونزل
بدون لايمر على امه كاالعاده وصل للشقه وبيده الفطور حطه على الطاوله وبعدها قرب عند غرفه منار بتردد
يفتحها ولا خاف هاالشي يضايق منار لاكن حالتها سيئه جدا ولازم يتطمن عليها المسؤليه حدته على كذا
ضرب الباب وبعدها فتحه كانت مقفله وقف وهو محتار نادى عليها لاكن مافي رد خاف انها طلعت دخل اطراف
اصابعه من تحت الباب يتأكد المكيف شغال اولا لاكن كان شغال :منار الفطور عند الباب انا طالع للشغل
بعدها وصل للشركه نزل وهو يسحب بعض الاوراق من درج السياره تقدم من المبنى : انصدم بااللوحه اللي
باالجدار (للبيع)
حاول يستوعب هاالشي وبداخله(معقوله خلاص ماعاد راد للسعوديه) ضاق صدره خالد يعني له الشي الكثير
خويه في الرخا والشده من كانوا صغار
يطلع من حياته بدون لايعطيه خبر ابد مسك الورق بقوه بيده حتى تشققت ورماها على الارض
العصر 5:45
انخنقت من هالغرفه قامت تطلع تغير جو وتاخذ هواء هديل كانت نايمه سمعت الصوت فتحت نص عين
وبكسل:عهد وين طالعه
عهد لفت راسها:ارتاحي قلبي طالعه لامي اشوي وراده
هديل:انتبهي لايكون عماد فيه
عهد :طيب (طلعت تدور امها لاكن ماحصلتها نزلت تحت وهي تدور عليها قرصها قلبها وهي تشوف راشد
الواقف في الصاله من زمان ماتدري عنه
وقفت متردده تسلم عليها او تطلع بسلام قطع حيرتها ابتسامه راشد حست براحه وكأنها ماصدقت هالشي على
الطول بادلته الابتسامه واتجهت تسلم عليه..
راشد:شخبارك عهد
عهد : بخير
راشد وهو يجلس :الحمدالله ان شاءالله مبسوطه
عهد وهي بداخلها تقول ومن وين انبسط على حظي النحس :الحمدالله
ام راشد :عهد يابنتي ليش نزلتي كنت ابخلي راشد يرقى لكم فوق
راشد:يمه وين هديل ابسلم عليها قبل لاااتأخر عن الطياره
عهد:ليه ناوي تسافر
راشد:ايه ابجلس شهر عند ي دوره بشغلي
عهد :ماشبعنا منك
راشد وهو يحاول يتناسى اللي سوته عهد:ان شاءالله ارجع لكم واخليك تشبعين مني بس شغلي ضاغط علي
خلاص ابطلع الحين سلموني على هدول( ودعهم بعد ماواعد امه يرسل لها الفلوس ..
عهد بحنان:يمه شكلك تعبانه يابعد قلبي
ام راشد: ابرتاح شوي وابكون احسن روحي يابنتي لغرفتك لايشوفك عماد
عهد كرهت هاالكلمه من كثر امها ماتكررها جلست شوي تغير جوها وتريح قلبها اللي اتعبها من بعد سامي
سمعت صوت الجرس قامت تبي تفتح الباب لاكن يد ام راشد وقفتها
وطلعت تشوف من عند الباب وبعدها فتحته وهي تسلم على ساره اللي كانت معها ريم
عهد شافت ساره فز قلبها اسرعت لها وهي ترحب فيهم وبعدها دخلتهم بغرفه الضيوف
جلست ريم بعد مااقنعتها ساره تجي معها وببتسامه:شخبارك عهد
عهد :الحمدالله فرحتوني بجيتكم
ساره:شخبارك عهوده وشخبار النونو
عهد:بخير ياحبيبتي مشتاق لساره حيل
لحظه شوي عن اذنكم انادي هديل بتموت من الفرح لو درت بجيتكم
قامت عهد وخلت امها عندهم
ام راشد تطالع ريم : هذي اختك ياساره
ساره:لا ياخاله صديقتي وبنت جيرانا
قامت ام راشد :طيب يابناتي خذوا راحتكم اروح اجيب القهوه
بعدها دخلت هديل تسلم عليهم ببتسامه وجلسوا يسالفون فجأه سكت الكل
بخوف على دخول عماااد اللي داخل وازارير ثوبه مفتوحه وشعره محيوس
طالع الجميع بنظره تفحص وبعدها وقفها على عهد اللي تذكرت ضربه لها مسكت يدها بخوف
ام راشد وقفت وهي منحرجه من الضيوف:عماد اطلع ماتشوف الضيوف هنا
ساره خافت اخذت طرحتها وتغطت فيها ريم وقفت وهي تطالع عماد
مارد على امه ومازالت عينه على عهد قرب بخطوات ثقيله لها
عهد رجعت على وراء ويدها على بطنها كأنها تحميه منه
ام رشد وقفت بوجهه خل البنت في حالها (وخر امه من طريقه بقوه)
هديل بصراخ: لاتمد يدك عليها تفهم ولا (وقفت قدام عهد )
ام راشد تكلم ساره :ياساره خذي عهد واطلعي من البيت بسرعه ساره اسرعت تسحب يده لاكن مسك يدها
ام راشد تكلم ساره :ياساره خذي عهد واطلعي من البيت بسرعه ساره اسرعت تسحب يده لاكن مسك يدها
عماد حطت عينها بعينه بخوف
ام راشد بعصبيه:وخر يدك عن بنت الناس قامت تسحب يده عن ساره عماد اعطى امه كف على وجهها لانها
تدخلت في تصرفاته
ريم ماتحملت الموقف وهي تشوف ام راشد يهينها ولدها قربت عندها تضمها وتبعدها عنه
ساره استغلت الفرصه خذت عهد وطلعت مع ريم اللي لحقتها..
هديل قفلت المجلس عليهم وسحبت المفتاح حتى مايطلع وراهم عماد
عماد :اعطيني المفتاح
هديل بعناد :ماراح اعطيك وااللي براسك سوه
عماد يمسك كتفها :اسمعي بكره ماتجلسين ولادقيقه في البيت
هديل :لاصار بيتك لحالك حدد اجلس فيه او لا
عماد يسحب شعرها وينزلها للارض : بكره يجيك ابوعبدالكريم وتطلعين معه غصب عنك
هديل بصراخ:تزوجني هاالشايب اللي مايسوى علشان مصالحك ماراح اخذه ولو على قطع رقبتي
ام راشد :خل اختك الله ياخذ روحك ويفكنا منك ياالظالم
هديل قامت وبشجاعه: قلت لك ماراح اخذه تفهم يا...
عماد يقرب بوحشيه لها لاكن تراجعت ولفت راسها على التحفه الكبيره اللي باالزاويه اخذتها ورمتها على راس
عماد اللي طاح على الارض مغمي عليه وراسه ينزف دم
هديل يدها على فمها وهي تشوف الدم من راسه ناظرت يدها بصمت وكأنها تلومها على اللي سوته
ركضت لامها وهي تحاول توقفها حتى وصلتها لغرفتها تسندت ام راشد على السرير فتحت هديل الدرج بسرعه
تدور علاجها لاكن تفاجأت انها انتهت رمت الكرتون على الارض واخذت عبايتها ونزلت ماتدري وين ترووح
حتى القرش مامعها طلعت تمشي في الشارع تدور احد ينقل امها للمستشفى جاء على بالها ابوها اللي معيشهم
في يتم وهو حي قررت تروح له
ترحمت ريم على حال عهد من اخوها هاالنذل تطمنت على حالها وطلعت للبيت بعد ماودعت ساره وعهد
جلست في الصاله وهي مستغربه من هاالضيف اللي باالمجلس
ندى بيدها القهوه تعطيها بدر :ريوم جيتي
ريم : ايه الا من اللي جاي
ندى :ماادري واحد يبي ياسر شخبار عهد
ريم وهي تتذكر الموقف : تصدقين اخوها في حياتي ماشفت زيه تخيلي يضرب امه قدامنا خذنا عهد لبيت ساره
ندى بأستغراب : ياحياتي لاحول ولاقوه الابالله ماتعرفين ايش اسمه
ريم تتذكر : اظاهر عماد
ندى قرصها قلبها : متأكده
ريم :اي ليش
ندى بتصريفه :ابروح اصلح الشاهي للضيف
ريم : الا تعالي رديتي على ام وليد
ندى ترجع تجلس : سأل عنه ياسر ويمدحه ابرد عليهم بكره
ريم : وشلون ابفارقك اقول لاتوافقين اجلسي علشاني
ندى :اي لاجاء نصيبك نسيتي ندى واللي خلف ندى
ريم :لا انا عندي يأس ان احد بيخطب وحده مافيها انوثه زيي
ندى :ههه خليك عنك هاالتشائم وين بيلاقي احسن من هالوجه
ريم : يله انا طالعه لغرفتي
دخلت غرفتها وفتحت الشباك حطت يدها على خدها وهي تطالع الشارع وتتذكر كل شي مع سعود خبت
هاالسالفه عن الكل
قررت تنهي هاالشي بنفسها ارتاحت من هاالشخص بعد ماكسرت الشريحه سألت نفسها عن السبب ليش خطفها
ولا سوى لها شي
وايش علاقته بجمانه حاولت تلقى اجابه تنرفزت بداخلها ومدت يدها تصكر الشباك لفت انتباها السياره اللي عند
الباب سوناتا اسود تذكرت سياره سعود نزلت راسها تطل لتحت تتأكد هو فيها اولا ارتاحت لما عرفت انها سياره
الضيف
وصلت هديل لبيت ابوها
..ابي اقابل ابوي
ام ايمن :قلت لك مو موجود وبعدين ايش تبي فيه
هديل وهي ماصدقتها دفت كتفها ودخلت تركض لداخل
ابو راشد جالس باالمجلس:يبه ..؟
ابو راشد فز مرتاع:من انتي ..؟
هديل بجديه:بنتك هديل
ام ايمن:شوف هاي قليله الادب ماربتها امها على الاحترام
هديل وهي معطيه ام ايمن ظهرها وبدون ماتلتفت عليها:لو تكرمتي امي مستغنيه عن انك تنجسين اسمها
بلسانك
ابو راشد يتأمل هديل ويدقق في ملامحها اللي كبرت كثير
هديل:يبه احنا بناتك من لنا بهاالدنيا اذا كان اخوي معيشنا بعذاب راشد سافر وعماد يضربنا كل ماقابلناه زوج
اختي باالغصب وانا بكره بيدخلني على شايب يرضيك يايبه حال بناتك يرضيك
ام ايمن: ابو راشد ماعنده بنات غير بناتي اطلعي برا
هديل عينها على ابوها تنتظر منه اي رد لاكن كان ساكت ببرود ولاله اي رده فعل: يبه محتاجينك رجيتك ارجع
ابو راشد كان متفرج على هديل اللي تترجاه وساكت ..
هديل:تكلم يبه
ام ايمن تمسكها مع كتفها بكل احتقار:اطلعي برا
هديل بصراخ: الله وكيلك يايبه الله وكيلك يايبه طلعت وخلت هالكلمه يتردد صداها بأذن ابو راشد
هديل ماتدري ايش اللي بين ام راشد وزوجها سوى انها طلقها وبس ماتدري ان فيه شي اكبر من كذا
طلعت هديل وهي تبكي في الشارع والتاكسي ينتظرها ركبت معه ورجعت للبيت حتى فلوس التوصيل مامعها
فصخت ساعتها واعطته وافق السواق وخذها نزلت تمشي والهم مالي قلبها مرت على عماد اللي مازال بمكانه
قربت عنده بهدوء وهي تتطمن اذا حي ولامات على يدها طالعت بجرحه العميق
قامت واخذت الشاش والمعقم قربت له بخوف وحنان مهما كان يظل اخوها عقمت جرحه ولفت عليه بالشاش
سحبته بثقل حتى حطت على الموكيت
جلست جنبه بحزن على حالهم حطت راسها على يدها تبكي والبيت هادي الامن صوت بكاها مرت ربع ساعه
على حالها حست بيد تمسك راسها رفعت راسها بخوف وفتحتها وهي تشوف الشخص الواقف قدامها .......
تنهد سعود براحه ان ياسر كان متقبله كثير مع انه فاقد الامل ان ريم توافق عليه دعى بخاطره يتم كل شي على
خير ركب سيارته وهو رافع راسه على شباك غرفتها تمنى يشوف لو ظلها
وصل للشقه ودخل حس باالضيق وهو يشوف حتى الغداء مااكلته والباب متقفل
بصوت عالي :منااااااار ردي علي لو بنعم بس علشان اتطمن عليك
مافي رد احتار ايش يسوي دخل غرفه خالد يدور نسخ ثانيه للمفاتيح لاكن ماحصل حاجه جلس على الكنب يفكر
خاف ان منار ذبحت نفسها من جت من عند ولدها وهي مالها حس ابد سوى ان الباب كان مفتوح وتقفل
تذكر واحد من اساذته باالجامعه علاقته زينه معه في دكتور في قسم علم النفس يمكن يفيده على علاج يهدي
منار حتى يحصل على تركي
...
ياسر : ريم افتحي
ريم تفتح الباب :هلا ياسر راح ضيفك
ياسر يبتسم بأبتسامه لها مغزى : ليش طول الوقت تجلسين في غرفتك انزلي ونسي امي وندى بهبالك
ريم نفسيتها تعبانه : ان شاءالله
ياسر يمسك يدها ويدخل للغرفه ويجلس على الكنب : ريوم لو جاك احد يخطبك تتزوجين ولاتحسين انك صغيره
ريم بضحكه : باالاول يجي فارس احلامي يمتطي الحمار اقصد الحصان
ياسر :ههه واذا قلت ان هاالضيف يتكلم عنك ويبي يتزوجك
ريم قطعت ضحكتها : قل قسم
ياسر :هههههههه مخفه انتي مشفوحه على الزواج
ريم : من الحين اقولك موافقه
ياسر :هههه خلاص يعني ارد عليه اليوم
ريم :لااصبر مابيه يدري اني مطفوقه علشان يحترمني شوي الا انت صادق ولاتخف بي
ياسر : لاصادق جاي واحد من عايله معروفه باالطيب وشكله رجال ماشاءالله ووظيفته حلوه بعد
ريم محتاره: بس تحس اني قد الزواج
ياسر: اي الحين شفتي الموضوع جد خفتي
ريم : لا مدري ايه كمل
ياسر :ضيعتي الكلام يله خلي امي تفرح فيك انتي وندى بوقت واحد وعاد انا اجيب ساره بدل فاقد في البيت عند
امي يعني زواج ثلاثي ههه
ريم : اذا ندى بتتزوج وساره بعد انا ايش يجلسني معاهم معاهم
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك