رواية ساره وصراع الحب -12
محمد:صباح الخير حبي.
رغد وصوتها كله نوم:صباح النور.
محمد:رغد ماودك تطلعين الكل طلع الا أنا وأنتي.
رغد:فيني نوم ومالي خلق أقوم.
محمد:قومي بس قومي بسك نوم يلا خلينا نطلع.
رغد:طيب الحين بقوم.
قامت رغد راحت الحمام وطولت ومحمد يتصل عليها وهي ماترد لما طلعت شافت جوالها ١١اتصال شوي اتصل محمد.
محمد معصب:رغد ايش فيك مارديتي وليش مانزلتي من زمان.
رغد صوتها متغير وتعبانه:محمد مابي اتمشى الله يخليك والله احس اني تعبانه.
محمد حس بصوتها وانقهر من نفسه يوم صرخ عليها.
محمد:خلاص حبيبتي أنا بجيك الحين.
وراح محمد لها شافها على السرير وماسكه بطنها من الألم جا انسدح بجنبها وضمها وصار ظهرها على صدره.
محمد:رغد حبيبتي ايش فيك.
رغد:مدري بطني يوجعني يمكن الدوره بتجي بس الألم يزيد.
محمد:طيب قومي نروح المستشفى.
رغد:لا خلاص باكل حبوب تخفف علي.
محمد:لا لاتاكلين قومي المستشفى.
قام محمد يساعد رغد بلبس العبايه وراحوا المستشفى لما طلعوا على طول راحوا الفندق اللي ساكنين اهلهم فيه ودخل محمد وهو فرحان مره.
محمد:يما باركيلي رغد حامل.
أم محمد بفرح:صدق ياعمري والله فرحتوني ان شاءالله يتربا بعزكم.
محمد يضحك:آمين.
وانتشر بسرعه خبر رغد انها حامل الكل فرح لها ومحمد فرحته أكثر.
رغد:محمد بجلس عند أمي اخاف يصير لي شي وأنا ماأعرف اتصرف.
محمد:اوكي بس تراني كل يوم وأنا عند الباب لازق.
رغد ضحكت:اوكي طيب.
محمد:يلا تولدين بالسلامه.
رغد:الله يسلمك.
محمد باس رغد وطلع اما ساره وضي وعبير والعنود مارجعوا الا العصر.
هدى:وجع لاكان جيتوا خليتوني لحالي من الصبح.
ساره:احمدي ربك أنا جينا والله خالد قال ماراح تروحين الا العشاء.
هدى:ياسلام.
ضي:أي والله حتى أنا فهد قال لي ماراح نرجع اما الساعه وحده.
هدى حطت يدها على قلبها:وش ذا الاجرام والله لو انكم في السرير.
ضي ضربت هدى:وجع ياقليلة الأدب.
هدى تضحك:بعد الزواج مصيرك بالسرير ترا.
ضي مسكت هدى من اذنها وتشد:ايش رايك أزيد بعد.
هدى:خلاص خلاص ماني قايله شي.
البنات ضحكوا عليهم وجلسوا يسولفون ساره استغربت من سهام لحالها من دون سديم راحت وجلست بجنب سهام.
ساره:ها سهومه فكرتي باللي قلت لك اياه زين.
سهام:أي بس ماراح اوافق.
ساره:طيب وين سديم عنك.
سهام:مدري من يوم قالوا لها عن فراس تغيرت مره.
ساره:غريبه طيب مالاحظتي شي عليها.
سهام:ساره بقولك شي بس لايطلع الكلام لاحد وأنتي لاتزعلين أو تعصبين علي.
ساره:اوعدك.
سهام قالت لساره اللي سوته شوي دخلت رهام تبكي وراحت ضمت سهام.
رهام وهي تبكي:سهام خلاص مابي فارس مابيه هو زوجك خلاص ماراح ازعل عليك سامحيني تكفين.
سهام بكت معها:رهام أنا مسامحتك لآخر عمري بس مابيك تزعلين علي أنتي تزوجي فارس وأنا راح يجيني نصيبي.
رهام:لا ماابيه خلاص.
وقامت.
سهام:وين بتروحين.
رهام:بقول لأمي انك موافقه.
سهام:رهام لا تكفين.
رهام طلعت الا غاده عند الباب بوجهها.
غاده باستحقار وغرور:يالخوافه يالجبانه بالسهوله تتركين حبك أنتي مو واثقه من نفسك لانك جبانه اما أنا مستحيل اخلي سديم تأخذ فراس اما أنتي خلاص اللي بيني وبينك انتهى تعرفين شلون انتهى خلاص باي.
رهام وساره وسهام طول الوقت مصدومين غاده لما خلصت كلامها دفت رهام بقوه خلتها تطيح بالارض وعلى طول راحت لسديم وقدام الكل ضربتها وجلست تضرب فيها الكل حاول يبعدها بس ماقدروا الا دخلوا الاولاد وجا فراس سحب غاده من ملابسها ورماها على الأرض بقوه ويصارخ على غاده ويضربها بقوه.
غاده وهي تبكي:فراس لا تكفى فراس أنت لي أنا زوجتك لا فرااااس.
وأغمي عليها جاوا الاولاد كلهم طلعوا فراس وهو معصب مره وعلى طول ودوا غاده المستشفى الكل كان خايف من اللي صار خايفيين على غاده.
خالد:فراس خلاص أهدا.
فراس:ماراح ارتاح الا لما اقتلها.
خالد:اقولك تعوذ من ابليس واهدأ.
فراس:قلت لك ماراح ارتاح الا لما اقتلها.
خالد عصب اعطى فراس كف قوي خلاه يطيح بالارض فراس جاته حاله هستيريه من البكاء الين مانام وسديم طول الوقت جالسه في فراشها ماتبي تكلم أحد ولا تشوف أحد وإذا جاها أحد تصارخ وتبكي بعد ماطلعت غاده من المستشفى على طول رجعوا الرياض وصلوا الفجر وكل واحد راح بيته ومر اسبوع ماأحد زار أحد كل واحد ببيته الا ساره وضي وعبير وهدى والعنود لأن ساره وضي وعبير كل يوم السوق عشان يشترون ويخلصون.
البارت الثالث والعشرون
ساره:العنود ايش فيك كل ماجيتي معنا سكتي ماتسولفين.
العنود:شسوي حالة اختي وتبيني اتكلم مره تغيرت ماعاد هي مثل أول.
ضي:ليش ايش فيها.
العنود:صارت دايم لحالها وماتكلم أحد وإذا دخلت في غرفتها بكلمها تطردني.
ساره:حسبي الله على غاده هي السبب الكريهه مدري ايش نسوي فيها.
العنود:ليت خالد ترك فراس يقتلها ونفتك.
ساره:ايش يعني فراس بعد اللي سواه يبي يقتل غاده.
العنود:ايوه وجاته حاله هستيريه من البكاء لأن خالد عصب عليه وعطاه كف بس الحين مدري عنه.
ضي:يما والله اني خفت ذاك اليوم الحمدلله ماصار فيني شي.
هدى:أقول ايش رايكم نغير السالفه ونكمل مشي.
ساره:أي والله.
هدى:عبير راكان قالك شي.
عبير استغربت:مثل ايش يعني.
هدى:انه ممكن بيعجل الزواج أو شي مثل كذا.
عبير:لا بس تكفين جد قال كذا لا مابي.
العنود تضحك:مستعجل الأخ.
عبير:أقول أنتي انقلعي.
شوي رن جوال عبير شافت الرقم راكان.
عبير:الو.
راكان:هلا وغلا اخبارك.
عبير:الحمدلله تمام أنت اخبارك.
راكان:بخير الحمدلله عبير وينك باجي آخذك.
عبير:في السوق.
راكان:أي سوق.
عبير:العثيم مول.
راكان:اوكي دقايق واجيك خليك تحت.
عبير:اوكي باي.
راكان:باي.
ساره:لا بتروحين.
عبير:شسوي يقول شوي وبيجي.
ضي:قهر والله.
عبير:شسوي يلا ان شاءالله نعوضها بوقت ثاني.
الكل:ان شاءالله.
نزلت عبير الا راكان وصل وركبت عبير السياره.
راكان:تو مانورت السياره.
عبير:بوجودك.
راكان:وين تبين اوديك.
عبير:مو أنت قلت بتاخذني أنت اللي اختار وين نروح.
راكان:طيب امممم وين أودي عبورتي اييي لقيتها ايش رايك نروح فانتزي لاند.
عبير:اللي تشوفه.
راحوا فانتزي لاند وراحوا يتمشون ويلعبون بالالعاب.
راكان:عبير ماقالت لك هدى شي.
عبير تسوي نفسها:لا ماقالت لي ليش فيه شي.
راكان:ايوه في شي ابي اقولك اياه.
عبير:ايش هو.
راكان انتظري.
راح استأجر كبينه واشترى غدا وراحوا جلسوا بالكبينه وتغدوا بعد الغدا.
عبير:هذا كبينه واخذت وغدا وتغديت ايش تبي تقول.
راكان:بصراحه ودي اعجل بالزواج.
عبير ارتبكت:يعني متى وليش.
راكان:يعني بعد شهر أو ثلاث أسابيع وبصراحه لاني ابيك.
شوي غنى.
مشتاق لك ميت عليك
وأنا يابعد عمري ابيك
بحكي له عن كل اللي صار
عن غيبته ليل ونهار
من لهفتي بحضن يديه
وينه بعد عمري ابيه.
عبير ماتت حيا.
عبير:بس لسا بدري وأنا ابي أكمل دراستي.
راكان يضحك:اللي يبيني اشيله وأنا بعد ابيه بجنبي.
عبير ذابت حيا وابتسمت جا راكان حط راسه على رجل عبير وجلس يغني.
تحبها أي والله اني احبها واغليها
تودها أي وبس ود القلب ميت فيها
اسمع حكي كل يوم ومااحس بالساعات
اسمع حكي كل يوم وتحلا لي الأوقات.
راكان:عبير غني ابي اسمع صوتك.
عبير:ايش تبي اغني لك.
راكان:على ذوقك.
عبير غنت
صدفه من بين كل الناس علقني
من يوم شفته وعيني جات في عينه
حسيت شي بعيونه حيل يجذبني
لما ابتسم بانت بوجهي تلاوينه
سلم علي وجلس جنبي وكلمني
كل الحواجز تلاشت بيني وبينه
اخذ يديني بيدينه وقام يوصفلي
وأنا تمنيت يديني تترك يدينه.
راكان على طول غفا بأحضان عبير وهي حست فيه وجلست تمسح على شعره.
البنات خلصوا من السوق وكل وحده راحت بيتها اما العنود جاها سعد للبيت وجلس معها ومحمد عند رغد.
محمد:لو جا ولد ايش نسميه.
رغد:محمد.
محمد ضحك:ياعمري يارغد لا بجد ايش نسميه.
رغد:ايش رايك بريان.
محمد:روعه خلاص ريان ريان.
رغد:طيب إذا بنت.
محمد:روان مو حلو.
رغد:روعه خلاص ريان وروان.
وجلسوا يسولفون اما عند عبير وراكان صحا بعد ربع ساعه.
عبير:ارتحت.
راكان:اكيد دامني معاك اكيد برتاح.
عبير ابتسمت:الله يجعله دوم.
راكان حط راسه براس عبير وحاوط يده بخصرها وباس شفايفها بشغف شوي مسكها وجلس يدغدغ فيها وعبير ماتت ضحك.
عبير تضحك:راكان خلاص تكفى بطني.
راكان يضحك:لا ماراح اتركك.
عبير تعبت وتضحك:راكان خلاص بسوي لك اللي تبيه بس اتركني.
راكان:احلفي اللي ابيه.
عبير:والله اللي تبيه.
راكان تركها:يلا ابي بوسه.
عبير باست خده.
راكان:لا مو هنا ابي هنا.
واشر على شفايفه عبير باست شفايفه.
راكان:لا هنا.
واشر على خده وباست عبير خده.
راكان:لا ابي هنا.
واشر على رقبته.
عبير:أقول تلعب علي.
راكان ضحك.
عبير:راكان خلينا وطلع تأخرنا.
راكان:يلا البسي عبايتك.
عبير لبست عبايتها وطلعوا ووصلها راكان البيت.
العنود:حشا كان تأخرتي زياده.
عبير:شسوي أخذنا الوقت بعدين أنتي ايش تبين مو بالطايف طلعتي مع سعد مارجعتي الا العصر.
العنود:اممم ايش شريتي من السوق.
عبير تناظر بالعنود بنص عين:الحين ايش شريت ها.
العنود ضحكت:طيب بسألك متى قال لك راكان زواجك.
عبير رمت نفسها على السرير واخذت جوالها.
عبير:اممم مدري يقول يمكن بعد شهر وأنتي.
العنود:يقول بعد أسبوعين.
عبير:احلا ياحركات شكله ماقدر يصبر عليك.
العنود:عاد أنتي ايش الا على فكره سديم ماشفناها ايش رايك نروح لها.
عبير:روحي أنتي مابي.
راحت العنود عند سديم شافتها على الاب.
العنود:سديم ممكن ادخل.
سديم من دون ماتناظرها:لا.
العنود:ايش فيك متغيره.
سديم:اتوقع قلت لك لا مابيك تدخلين.
العنود:سديم طيب في شي مضايقك أو مزعلك.
سديم شوي وتبكي:لا بس اطلعي مابي اشوفك ولا اشوف أحد اطلعي.
العنود:سديم أنا اختك ومهتمه فيك ماراح اتركك.
سديم بكت:اطلعي برا العنود خلاص مابي اشوفك انقلعي عني.
العنود جلست بجنب سديم.
العنود:ماراح اطلع الا لما أعرف ايش فيك.
سديم وهي تبكي ضمت العنود.
سديم وصوتها كله بكاء:العنود مابي فراس غاده بتقتلني مابي اموت مابي فراس.
العنود:مين قال لك انها بتقتلك واصلن ماتقدر تلمس شعره منك.
سديم:ماشفتي الرسايل اللي ارسلتها لي بالجوال والمسن وبالورق ماخلتني لحالي.
العنود ضمت سديم:سديم راح اساعدك بس توعديني انك تساعديني.
سديم هزت رأسها:ايوه.
العنود جلست مع سديم عشان تريحها وترجع ثقتها بنفسها وقدرت تساعدها مر أسبوعين على نفس الحال ساره وضي والعنود وعبير كل يوم السوق عشان زواجهم وزواج العنود الكل تجهز وجا يوم الخميس اللي هو زواج العنود.
ساره:مبروك حياتي ماني مصدقه أنا راح نفترق.
العنود:يلا عقبال يومك ويوم البنات.
الكل:آمين.
ساره كانت لابسه فستان فوشي واسود ماسك على الصدر من فوق وعند الخصر طايح الفستان تحت الصدر مثل الحزام اسود وعند الرقبة مثل القلاده سوداء ماسكه مع الفستان ونص الظهر باين وهدى لبست مثلها.
اما سهام ورهام وسديم نفس الفستان اسود واحمر تحت الركب صاير مره ناعم وساده مافيه ولا شي بس ورده حمراء عند الصدر من جنب وفيه مثل السلاسل نازلي على الخصر.
اما عبير لابسه فستان وردي ناعم مره ماسك نص الصدر من فوق وفيه سلاسل على يدها اليمين ذهبيه ومن الخصر ورده ذهبيه نازل منها مثل القماش صاير كأنه مقطع ونازل مع الورده وسلاسل ذهبيه.
اما رغد لبست فستان احمر صاير فرنسي وواسع شوي عشان بطنها لأنها حامل ظهرها كله باين وفتحة الصدر مره وسيعه.
وريم لبست فستان اصفر فوق الركب مخصر جسمها وناعم مره صاير شكلها مره روعه.
اما ضي لبست فستان ازرق تحت الركب صاير كأنه قماش ملفوف عليها بس صاير مره حلو.
ومي لبست فستان سماوي تحت الركب طالعه كأنه طفله فيه ورد صغار من الصدر ومن تحت منفوش بس نفشه خفيفه.
اما رغد ماراحت الزواج جلست في البيت البنات مره فالينها رقص وحماس لما بدت الزفه طفوا اللمبات وشغلوا عرض بروجكتر صور سعد والعنود من يوم وهم صغار الين ماكبروا شوي بدت موسيقى هاديه ورومنسيه دخل سعد وهو ماسك مربط الفرس ودخل والعنود كانت راكبه فرس ابيض ومزينينه ودخل سعد فيها الين ماوصل للمسرح ونزل العنود وجلسوا وجاوا اللي يسلم على العنود وسعد شوي طلعت العنود مع سعد وراحوا للفندق لأن الصباح بيروحون باريس اللي كان حلم العنود انها تروح له والبنات في الصاله رقص وفله.
عند سعد والعنود.
سعد:الحمدلله ان ربي حقق لي حلمي وصرتي لي.
العنود ابتسمت.
سعد:قومي حبيبتي بدلي ملابسك عشان نصلي ركعتين.
العنود:طيب.
وراحت بدلت ملابسها وصلت مع سعد وتعشوا وناموا.
الفجر على طول سافروا بعد ماسلموا على اهلهم راحوا باريس.
ساره:العنود راحت ورغد بعدها عبير اف وش ذاك بنتزوج وماراح نتقابل مثل أول.
ضي:أي والله انك صادقه.
عبير:الحين انتوا تقولون هالكلام إذا تزوجتوا نسيتوا نفسكم.
ساره تناظر عبير بنص عين:عاد أنتي ياللي بتتزوجين بعد كم اسبوع تشوفين إذا مر اسبوع بس واتصلتي لو مره بس والله لك اللي تبين.
عبير:اللي ابي.
ساره:اللي تبين ونشوف.
طلعوا البنات برا يتمشون شافوا شخصين جالسين على كراسي قربوا بشويش عشان مايكشفونهم شافوا امجاد وسعود جالسين قبال بعض وسعود حاط يده على يد امجاد وجالسين يتغزلون ببعض.
ساره تضحك بخفيف:بنات حرام نخرب عليهم خلينا نروح ونخليهم براحتهم.
ضي:أي والله حرام.
راحوا البنات وخلوا امجاد وسعود وجلسوا يسولفون الين الفجر وناموا اما سعد والعنود على طول راحوا باريس الفجر ماوصلوا الا بالليل لما جا العصر كل البنات راحوا عند ريم لأنهم من زمان ماجلسوا عندها وعشان يشوفون غاده.
ساره:هاي غدغوده.
غاده فرحت لما شافت البنات جاوا لها.
غاده:اهلين.
ضي:صباح الخير غاده.
غاده:صباح النور.
عبير:سلام غاده اخبارك يادوبا.
غاده:الحمدلله تمام.
هدى ضمت غاده:اهلين غاده اخبارك ليه ماجيتي الزواج أمس.
غاده:هلا والله والله ماكان لي نفس اجي.
هدى:اها.
الكل جا سلم على غاده لما جاوا سديم ورهام بيسلمون غاده سوت نفسها ماشافتهم وراحت جلست عند البنات الين المغرب وماقدرت تتحمل وجود سديم ورهام وطلعت الحوش تبي تتنفس هوا وراحت تمشي وهي تتذكر الأيام من يوم وهي صغيره مع فراس وهي تتضارب مع سديم عشانه وتتذكر لما كبروا والأشياء اللي صارت شوي طاحت في الأرض ودمعتها على طول نزلت.
.........:اسف صار فيك شي.
غاده رفعت رأسها وسبهت باللي واقف وماردت.
.........:أنتي غاده صح.
غاده خافت كيف عرف اسمها.
غاده وهي تناظر بالشخص صاير مره حلو لابس بنطلون اسود وبلوزه بيضاء فيها رسومات سوداء وفيه سكسوكه وغميزات طالع جنان.
غاده:ايوه بس مين أنت.
......... ابتسم ابتسامه ذوبت غاده ومد يده.
..........:أنا عبدالله اخو هدى.
غاده ماردت ومدت يدها ورفعها عبدالله لما قامت سحبت يدها وعلى طول دخلت البيت وراحت غرفتها وهي تفكر بعبدالله.
عبدالله في نفسه:من أول نظره حبيتها بجد غريبه هالبنت بس أذكر انها صارت مشكله مع فراس بس هو مايبيها.
شوي جات هدى وقطعت حبل أفكاره.
هدى:هاي عبدالله وين راحت افكارك.
عبدالله انتبه لنفسه:ها أنا موجود هنا يلا تأخرنا.
وراحوا ركبوا السياره.
عبدالله:هدى بقولك شي بس تساعديني.
هدى:من عيوني بس إذا قدرت.
عبدالله:تقدرين ان شاءالله أنا بصراحه إذا جا الصباح مااروح المدرسه اروح اشتغل واجيب الشهاده لاني ادرس منازل واحس اني كبرت على الدراسه وتركتها والحين جا ببالي شي ودي اسويه.
هدى مستغربة من كلام اخوها:وش هو.
عبدالله:ودي اتزوج بس مو الحين.
هدى فرحانه:صدق والله فرحتني بس مين هي اللي تبيها.
عبدالله:غاده.
هدى:غاده بس.......
عبدالله قاطعها:ادري أنا حبيتها وابيها تنسى فراس.
هدى ضمت اخوها.
عبدالله:هدى ابعدي خليني اسوق زين.
هدى ضحكت:أول ماادخل البيت على طول بقول لأمي.
عبدالله ضحك على هدى أول مادخلوا البيت هدى على طول راحت لأمها وقالت لها.
أم راكان:مبروك ياوليدي.
عبدالله:الله يبارك فيك.
أم راكان:بس شلون بتاخذها مع المشاكل اللي صارت.
عبدالله بلهجه جديه:يما أنا مااخترت غاده الا عشان هالشي ولأنها أعجبتني.
أم راكان:الله يوفقك ياوليدي للي فيه خير خلاص ان شاءالله بوكرا نتصل عليهم.
عبدالله:لا يما اتصلي الحين اخاف يصير شي ثاني اتصلي اليوم دام ان الأمور هاديه.
أم راكان ضحكت:ولا يهمك اتصل الحين.
عبدالله باس رأس امه:تسلمين يا احلا أم بالدنيا أجل بروح عندي مشوار تامرون على شي.
أم راكان:بحفظ الله.
اتصلت أم راكان على أم سعد.
أم راكان:السلام عليكم.
أم سعد:وعليكم السلام ورحمة الله وبركاته هلا وغلا بالغاليه اخبارك.
أم راكان:الحمدلله بخير أنتي اخبارك.
أم سعد:الحمدلله طيبه أخبار الاولاد وأخبار هدى.
أم راكان:الحمدلله والله كلهم طيبين أم سعد اتصلت عليك بصراحه لاني ابغاك بموضوع.
أم سعد خافت:هلا امري فيه شي صاير.
أم راكان:لا ياعمري لاتخافين أنا اتصلت اطلب يد بنتك غاده لعبدالله.
أم سعد:والله وهالساعه المباركه بس أنتي تعرفين اللي صار.
أم راكان:ادري وعبدالله يدري وهو أعجبته البنت وقال ابيها لي وعشان ينهي السالفه.
أم سعد ارتاحت:ان شاءالله يصير خير نكلم البنت وانتوا بكرا تعالوا العصر عشان عبدالله يشوفها.
أم راكان:ان شاءالله يلا نشوفكم على خير.
أم سعد:ان شاءالله مع السلامه.
أم راكان:الله يسلمك.
هدى:ها ماما ايش قالت.
أم راكان:بسم الله الرحمن أنتي من متى هنا.
هدى تضحك:من زمان ها ايش قالت.
أم راكان:قالت نروح بكرا العصر ونشوف.
هدى فرحانه مره راحت تركض لغرفتها واتصلت على ساره وقالت لها اللي ساره وقالت لها لاتقولين لاحد.
أم سعد:غاده حبيبتي كل واحد له نصيبه وأنتي مو كاتب لك ربي تاخذين فراس.
غاده:يما فراس لي ماراح ياخذه غيري.
أم سعد:طيب لو قلت لك في واحد تقدم لك غير فراس.
غاده مو مهتمه:مابي أحد غير فراس.
أم سعد:والله هالولد ماينعاب اهله واعرفهم زين بس انه دايم يرسب ويشتغل في شركة ابوه لاتضيعينه منك.
غاده حست بإحساس غريب وصار قلبها يدق بس هي سوت نفسها مو مهتمه.
غاده:مين.
أم سعد:عبدالله ال....... اخو هدى.
غاده لما سمعت اسم عبدالله زادت الدقات بلقبها.
غاده:مدري بفكر.
أم سعد:الله يوفقك يابنتي وتراهم بيجون بكرا.
طلعت أم سعد وغاده حست بشعور غريب تبي تهدي نفسها مو عارفه اخذت لها حبوب منوم ونامت.
البارت الرابع والعشرون
ساره:يلا ضي قومي نروح نشتري فساتين عشان ملكة سهام.
ضي:ساره تكفين خليها بكرا بنام.
ساره:لا مافي ابي اليوم عشان افتك اخاف ماالقى اليوم اروح بكرا.
ضي:اتصلي على عبير راح تجيك أنا ماراح أقوم.
ساره:مالت الا.
شوي دخلت عبير قامت ضي ضمتها.
ساره:ياعمري عبوره تكفين تعالي معاي.
عبير:وين.
ساره:السوووق.
عبير تضحك:اصلن ماجيت الا عشان آخذك معاي.
ساره ضمت عبير:ياحبني لك اما ضي الدوبا خليها تنام.
عبير ضحكت:يلا.
وراحوا السوق مارجعوا الا الساعه١بالليل اما عند سعد والعنود.
سعد:ها حبيبتي بردتي قلبك.
العنود:مشكور حبيبي ماقصرت.
سعد:أجل ايش استاهل.
العنود بدلع:بوسه.
سعد:يالبى أنا على اللي يدلعون.
العنود:بس ماراح اعطيك البوسه.
سعد:ليش.
العنود:أول شي نرجع الفندق ونتعشا وابوسك.
سعد ضحك:طيب طيب.
رجعوا الفندق راح سعد يجيب عشا العنود على طول راحت لبست فستان احمر فوق الركب بمسافه وله ذيل من ورا فتحة الصدر كبيره صايره على شكل سبعه ورفعت نص شعرها حطت روج احمر ومكياج اسود مدخن طلعت خيال رجع سعد حط العشا وجهزه دخل الغرفه عشان ينادي العنود وقف بمكانه وتسبه في العنود جا حاوط يدينه بخصرها.
سعد:لازم يعني تغريني.
باس شفايفها ورقبتها ونزل عند صدرها رفعها توه بيدخل الغرفه.
العنود:لا سعد مو الحين تكفى خلينا نتعشا.
سعد ابتسم ونزلوا تعشوا وعلى طول سعد شال العنود وراحوا الغرفه.
جا اليوم الثاني الظهر أم سعد تصحي غاده عشان تتجهز وصحت غاده وتجهزت وجاوا أم راكان وراكان وعبدالله وهدى.
أم سعد:حيا الله من جانا.
أم راكان:الله يحييك.
الاولاد دخلوا مجلس الرجال.
خالد:حيا الله النسيب.
عبدالله ضحك:الله يحييك اخبارك.
خالد:الحمدلله تمام أنت اخبارك واخبارك ياراكان.
راكان:الحمدلله بخير.
خالد:وش عنده اخوك يبي اختي ها.
عبدالله:لا والله أجل يلا مع السلامه.
خالد ضحك:امزح امزح يابو الشباب وش فيك.
عبدالله:مدري عنك.
غاده طول الوقت تناظر في المرايه مو مقتنعه في نفسها شوي دخلت امها.
أم سعد:ها خلصتي.
غاده:أي بس مو مقتنعه بشكلي.
أم سعد:بسم الله عليك والله تجننين يلا تعالي.
غاده لابسه تنوره نص الساق برتقالي وبلوزه بيضاء مسويه لها بف ورافعه شعرها مسويه حركة ذيل الحصان ونزلت مع امها دخلت لحالها شافت عبدالله جالس وأمه بجنبه أول ماشافها ابتسم وبانت غميزاته غاده استحت ونزلت ووجهها.
عبدالله:غاده ارفعي وجهك خلني اشوفك ولا ترا بجيك.
أم راكان ضربت عبدالله بخفيف بس ماحست غاده فيهم رفعت رأسها وغمضت عيونها توه عبدالله قام غاده على طول انحاشت.
أم راكان:حسبي الله على ابليسك.
عبدالله ضحك.
أم راكان روح أحسن لك عند الاولاد وحسابي معاك بعدين.
طلع عبدالله عند الاولاد وجات أم سعد عند أم راكان.
أم سعد:ان شاءالله انتظري مني اتصال اليوم ونحدد بعدين ان شاءالله.
أم راكان:الله يحفظكم مع السلامه.
أم سعد:مع السلامه.
ريم راحت عند غاده.
ريم:ايش صار.
غاده:مدري والله.
ريم:ابتسمت يعني ممكن توافقين عليه ولا لسا على فراس.
غاده:تبين الصدق احس اني حبيته ماعاد ابي فراس.
ريم ضمت غاده:الله يوفقك ياعمري.
غاده:وياك يارب.
شوي دخلت أم سعد.
أم سعد:ها ياغاده ايش ردك.
غاده:صليت صلاة الاستخاره وحسيت بالراحه.
أم سعد فرحت وجلست تزغرد.
ساره:وجع توك تقومون والله لو انك حامل.
ضي ضحكت:شسوي أم علاوي جاتني الا على طاري الحمل ليش مانروح عند رغد.
ساره:والله فكره بس أنتي متى تروحين السوق.
ضي:ليش رحتي.
ساره:اييي رحت أمس مع عبير.
ضي مقهوره:ولقيتي شي.
ساره:اكيييد أحسن تستاهلين عشان مره ثانيه تجين معاي.
شوي طلعت كيسه وأعطتها ضي.
ساره:شوفي ايش رايك بالفستان.
ضي:واااو يجنن لاااا ابي فستان.
ساره ضحكت:هذا لك.
ضي سكتت ولفت على ساره:احلفي.
ساره ضحكت:والله لك.
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك