رواية افهم ترانا لايقين لبعضنا كنك نهائي الكأس وانا هلالي -11
ليششش ليششش؟؟؟ نزلت دموعها وطلعت لسعود وهي تركض تصيح بشكل هستيري
سعود يطالع منار جايه تركض...
سعود:منار وين تركي..؟؟
منار جلست على رجلها انهد حيلها:سعود سعوود قول لهم لاياخذون ولدي ماابي يروح عني
سعود ينزل مستوى منار:ليش وينه..؟
منار وعيونها مليانه دموع تطق على صدرها:خذوه ناس خذو ولدي عن عيني حرموني شوفته وريحته
سعود انصدم ماتوقع يصير هاالشي وقف بيدخل: ابتفاهم معهم ..
مناربصوت واطي كله حزن: المدير ماخذ اجازه
سعود يتأمل مناروهو حاس باالعبره مايبكيه الاالشي القوي لاكن حالها يرحم قلب الام هذا مو اي قلب
مسح دموعه مايبي منار تشوفه وبهدوء يطمنها :السبت اجيه انا اتفاهم معه خلينا نروح لاتعبين نفسك كذا
عجز يركز وهو يسوق لازم يوقف بوجه خالد بجديه اكثر هاالمره يرجع تركي لمنار ويلم شملهم لومن تحت
الارض يبيه يحس لو بشي بسيط
يكفي تتعذب هاالبنت حالتها ماتسر لاعدو ولاصديق
نزل لشقه ومنار وراه تمشي بخطوات تايهه
خالد ( استغرب ايش فيها..؟)
وقف واتجه لها لاكن اسرعت وقفلت باب الغرفه بوجهه
سعود اللي يطالع خالد بعصبيه :عااااااااجبك اللي جالس يصير عاجبك
خالد: وانا شدخلني هي اللي تحاول ترمي نفسها مع الشباك
سعود بصدمه :ترمي نفسها شقصدك
خالد :انت اللي ايش قصدك ..؟؟
سعود قرب من خالد ومسك ثوبه وشد رقبته : اقسم بالله ياخالد لو ماتحل مشاكلك انت ومنار وترجع ولدها لها
ان ماتشوف وجهي هنا باالشقه
(دفه لبعيد وطلع لبره الشقه ..)
خالد طاح على الارض وهو مو فاهم ايش فيه ... قام ولحقه
:سعووووووود
سعود وهو ينزل مع الدرج مطنش خالد
خالد اسرع مع الدرج :سعود وقف وقف
سعود:مالي كلام معك دامك بايع ضميرك حتى الحيوان يحس لاشاف هاالمسكينه
خالد:تبيعني علشان وحده ماتسوى
سعود :انت اللي خليتها ماتسوى صارت مثل المجنونه تكلم نفسها وتقطع شعرها الى متى قلي
تنتظر لما تنتحر ياظالم حتى الكافر يشفق على حالها
خالد فقد اعصابه واعطى سعود كف على وجهه :قلت هذا مو ولدي ولااعرفه وان كان ولدي فأنا متبري منه
ومن امه
سعود اعطى خالد نظره قويه ونزل تاركه على الدرج وطلع .............
جلس خالد بتعب على الدرج وهو يشوف سعود يطلع كره نفسه وهاالعالم حس بضيقه قويه تكتم على قلبه
موقادر يجلس ولايوم باالرياض
طلع زقاره جديده وصار يدخن بشراهه ركب سيارته واتجه للفله ..
دخل جناحه بعد ماامر الخدم يجهزون شنطته رفع السماعه يحجز رحله لامريكا ..
تحسس الجوال اللي بجيبه سحبه وضغط على الزر تنور الخلفيه بصوره تركي
تأملها دقايق وقف واتجه لشباك فتحها بسرعه ورمى جوال منار لبعيد حتى نزل على الارض وتكسر
ريم وهي تفسخ عبايتها: الله يكون بعونهم ماامدهم يفرحون به الاوتطلع مصيبه اكبر
ياسر بضيق: ياليت بيدي شي لاكن طلعت وياحمد ندور لنا على محامي عله يبحث له على دليل
ريم بحزن: زوجته حالها صعب
ام ياسر :هلا ريم جيتي شخبار اهل ساره
ريم:يمه بتروحين لهم اليوم
ام ياسر :اي ان شاءالله لازم نزورهم ونتطمن عليهم
ندى طالعه من المطبخ ومعها عصير :يمه بروح معك
ام ياسر :خلاص حبيبتي بس ابيك تجهزين القهوه والشاهي ناخذها معنا العصر لهم
ياسر :ريم شخبار امتحانات ساره وكيف نفسيتها
ريم ماتبي تحرجه مررت هالشي :امتحانها اليوم ماعرفته كثير ونفسيتيها تحاول تتحمل ماتبي تزيد على عهد ..
في االمطــآر
لابس تيشرت بني غامق وبنطلون اسود وجيكته على يده سحب شنطته وجلس ينتظر يعلنون عن الرحله
تأمل الناس وهو بداخله مكتوم ناس يستقبلون وناس يودعون
لمح عائله مجتمعه حول ابوهم بنتين وولد والام تمنى ينتمي لهاالعائله باين عليهم اجواء المحبه بينهم اصعب
شي باالدنيا الواحد يمتلك اسره لاكن
متفككه كلن عايش لهمه
حس بشي يدخل تحت رجله نزل راسه بسرعه كان كوره صغيره اخذها وهو يدور صاحبه
ابتسامه بريئه ويده ممدوده على خالد يطلبه يعطيه الكوره.. خالد انتظر الطفل يقرب لعنده اكثر
جت صوره تركي في باله وهو يشوف وجه هالطفل كشر وابعد شوي بخوف
:حبيبي كذا تختفي تخوفني شالته على كتفها
خالد يطالع البنت وبيدها الطفل: مد يده يعطيها الكوره
اخذتها وهي تشكره وراحت للجهه الثانيه وقف يطالعهم من بعيد وبداخله( لها الدرجه صرت اشوف هاالولد
بوجيه هاالاطفال)
رجع لوراء وجلس على الكرسي ....يكمل انتظاره وبعدها اعلنوا عن رحلته
جلس في الطياره بهدوء يحاول ياخذ نفس ويسترخي تفاجأ بأن الطفل الصغير معه في الرحله
رجع يتأمله لاكن طنش افكاره لف رقبته يحاول ينام ...
(في بيت حمد)
ام نواف تضيف ام ياسر
ندى:خالتي وين ساره مااشوفها
ام نواف:ماتفارق عهد من صار اللي صار ..استأذنكم اناديهم واجي
ساره تنتظر عهد اللي من ربع ساعه وهي داخل الحمام
واقفه عند الباب بخوف :عهد حبيبتي خلينا نوديك المستشفى
عهد تفتح الباب :لابس حاس بدوخه لاتشيلين همي
انفتح الباب
ام نواف : ساره عهد الضيوف تحت انزلوا يبون يتطمنون عليكم
ساره :ان شاءالله يمه جاين وراك..
تعطي المناديل لعهد :عهد تقدرين تنزلين..
عهد بتعب :ايه
ساره :يله حبيبتي ..
ام ياسر تتكلم مع ام نواف اقطعوا كلامهم بدخول عهد وساره
قربت عهد تسلم على ام ياسر تفاجأت انها هي اللي شافتها باالحفله رفعت عينها تدقق بملامحها بعدت عنها
واتجهت لندى تسلم عليها
ندى بداخلها (ياربي هالانسانه ملامحها مو غريبه) :طمنيني عليك عهد
عهد وجها شاحب :الحمدالله على كل حال
سكتت وهي تتأمل ام ياسر اللي تسولف مع ام نواف
رجعت الدوخه لها وقفت تستأذنهم واسرعت لحمام ..
قربت عند الغساله وهي تحاول تتماسك لاكن مو قادره اظلمت الدنيا بعيونها وطاحت عند الغساله مغمي عليها
مرت خمس دقايق وطلعت ساره تطمن على عهد اتجهت لغرفتها فتحت الباب تفاجأت بعهد مغمي عليها
صرخت بخوف وهي تضرب على خدها :عهد عهد ردي علي
طلعت تنادي امها او احد ينقلها المستشفى
:يمه عهد مغمي عليها وين نواف ينقلها للمستشفى
شهقت ام نواف مرتاعه وركضت هي وام ياسر لفوق
ساره تدور على نواف او ابوها لاكن كان البيت فاضي
ندى وهي تلبس عبايتها :ابروح انادي ياسر نزلوها تحت بسرعه
ساره صعدت فوق تنزل عهد
ياسر يصلح كفر سيارته عند الباب
:يأأسر اركب بسرعه وقرب السياره عند باب حمد
ياسر يرفع راسه:ندى شفيك ..؟
:عهد طاحت مغمي عليها ولافي احد ينقلها للمستشفى
ياسر يركب بسرعه ويرجع السياره على وراء قريب من جهه الباب
دخلت ندى تشيل عهد هي وساره فتحت الباب الخلفي وسندوها ركبت ساره بجنبها وحطت راس عهد على
رجلها وهي تقرا عليها
واتجهوا للمستشفى
الدكتور يفتح الملف ويكلم ياسر :اسم المريضه الثلاثي ايه..؟
ياسر :لحظه اسأل اتجه لندى تسأل ساره
ندى :ساره اسم الثلاثي لعهد ايش
ساره : عهد فايز العبدالله
ندى بصدمه وقفت تطالع ساره تطلب منها تعيد الاسم مره ثانيه
انتظروا الطبيب يفحص عليها
الدكتور:فين زوجها..؟
ياسر:مايقدر يجي
الدكتور ببتسامه:مبروك حامل لاكن صحتها مش كويسه بسبب سوء التغذيه
ياسر حس بحزن تمنى سامي يسمع هاالخبر بنفسه طلع يبشر ساره
ندى سرحانه لبعيد ..
ياسر:ندى
ندى فزت:ها ياسر قال ايش الدكتور..؟
ياسر :عهد حامل
ساره سمعت الخبر حست بفرحه لاكن ماتكتمل هاالفرحه الابوجود سامي تنهدت بحزن وابتسمت بنفس الوقت
دخلت ساره وندى يطمنون على عهد ويباركون لها
ساره تبوس خدها: الحمدالله على سلامتك ومبروك يالغاليه
عهد بنبره حزينه: الله يبارك فيك
ندى تقرب عند عهد وجلست عندها كان ودها تتأكد من اللي في بالها اكثر لاكن ظروف الوقت ماتسمح :مبروك
عهد فرحنا لك
سعود مع امه باالمول اللي تشتري هديه لمها
احتار سعود ايش يشتري لمها عزيزه وغاليه عليه لازم يهدي لها شي حلو
سعود محتار:يمه والله اني احترت
ام يوسف : اشتر لها ساعه
سعود :خلاص اجل ابروح محل الساعات وجايك..
وقف يدور الساعه اللي تناسب مها كان مزاجه متعكر بالحيل وماروق يشتري اي شي بس الوقت ضيق
سمع رساله بجوال فتحها ||انا مسافر لامريكا .. تارك لك منار باالشقه انتبه لها..<خالد
سعود ضاق صدره ليش يسافر خاف انه يطول هناك رفع السماعه يكلمه لاكن كان جواله متقفل
الخميس (مــلكه مهـآ)
في بيت الجــده
دخلت الجازي تسلم على امها : شخبارك يمه
الجده : وين يجي الخير وبنتك رافضه الولد هذي صغيره ماتستشار بشي ترد الرجال العاقل اللي بيسترها
الجازي انحرجت:يمه نوف صغيره لاتاخذين بخاطرك عليها
الجده :ماني راضيه عليك لاانتي ولابنتك
دخلت ام يوسف تسلم على امها
الجده:هذي الغاليه اللي تدور على رضاي
الجازي حست بقهر وقامت تسلم على ام يوسف ..اللي تسلم وهي شايله عليها
نوف تكلم لمياء عند المدخل
لمياء :لامكالمات ولاتردين على رسايلي كل هذا تعب
نوف : والله تعبانه قلبي تعالي ندخل نبارك لمها
قربت نوف من جدتها تحب راسها لاكن وخرت راسها عنها :لاتسلمين علي ياالعاصيه
نوف حست بأحراج وانجرحت من جدتها بلعت عبرتها ولفت على الجهه الثانيه تسلم على ام يوسف اللي تسلم
عليها ببرود
جلست بجنب لمياء وهي ماسكه عبرتها لاتصيح عندهم ماتبي احد يشوف دموعه( مو بيدي ارفض سعود ليتهم
يقدروني يكفي الجروح
اللي بداخلي ) مدت يدها على كاس المويه تهدي نفسها ..
قامت ام يوسف تستقبل اهل صالح امه واخته سعاد
سعود واقف عند الدرج يكلم عفاف اللي قالت له مافي احد طلع فوق يبارك لمها
دخل الغرفه: هلا باام سعوود
مها : هلاباالغالي خلاص ماعاد فيه ام سعود انا ام عبدالملك
سعود:افا ياالجحده من الحين تتخلين عن شرف اسمي
مها :طاعه الزوج واجبه ههه
سعود : والله شي غريب صدق الاتعالي ايش هاالزين اللي فيك ليش مغبيته علينا
مها:انا من زمان زينه بس انت عميان تطالع مع خشمك
سعود بخبث:والله صالح ماراح يفوتك اليوم ببساطه
مها استحت وتصرف :ياليت ملكتك معي اليوم ضيقتوا صدري
انفتح الباب ودخلت لمياء ونوف ..
عفاف :نووف سعود هنا
نوف نزلت عينها على عين سعود بعدها طلعت بسرعه وطلعت برا
اخذت نفس عميق وجلست شوفه سعود جددت حبها واحزانها غير كلام جدتها الجارح.. تذكرت منار وزاد
حقدها
عليها اضعاف ضغطت على اسنانها بقهر
(طيب ياسعود رفضت حبي بهاالسهوله انا اخليك ترفضها وانت تصيح )
قامت ومسحت دموعها ودخلت بكل ثقه وكبر لضيوف .....
هـآرلم _نيويورك 9:54الصباح
استقر خــآلد في الفله الصغيره مؤقتا بعد مااجرى اتصال مع ابوه
ينقل شركته لهارلم..راح يبدى مشوار حياته من جديد هنا ... بدل ملابسه بكل تعب
حس ببرد درجه البروده منخفضه لبس جيكيت يدفيه
تذكر سمر اخته اشتاق لها من زمان ماسمع صوتها ولاشافها مايدري عن احوالها الامن محمد قرر ييسافر
لواشنطن بكره يقابلها
.. قام وتسند على السرير يريح له شوي..
منار تحاول تصبر نفسها لحد السبت تمنت هالساعات تسرع ماذاقت طعم الراحه وتركي بمكان ثاني ماتدري
ايش مصيره
سعود دخل الشقه ويكلم :ليش
علي : بابا خالد خلاص يقول انت سفر بكره مافي اجلس ولايوم
سعود حس براحه: خلاص شيل شنطه واطلع روح نوم مع صديق وبعدين بكره انا اوديك المطار (مايبي يخليه
لحاله مع منار)
علي : طيب بابا دخل غرفته وخذى اغراضه وطلع
دق على المطعم يجيبون عشاء لمنار
حس بضيق وخالد ماهو موجود له فقده كبيره رجع يدق على رقمه لاكن كان مقفل
اتجهه لغرفه خالد يعطي نفسه امل ان خالد راح يرجع لسعوديه حاس ان رايح بلارجعه مجرد احساس يجيه
فتح غرفته لقى اغراضه ارتاح بشوفتها صكر الغرفه ورجع
للصاله ينتظر المطعم ....
في مكان بعيد وبين الاستراحات بالتحديد استراحه لؤي
:يااخي احس الاستراحه اللي بجبنا ماهم طبيعين
مصعب : والله من قبل وانا اقول لمشعل احس وراهم شي
لؤي : ماعليكم منهم ايش نسوي فيهم يعني
فواز : يااخي شكلهم كاش سياراتهم فخمه وحراس عندالباب وكل شوي نوع
لؤي:اقولكم فكو نفسكم منهم
مشعل :والله اني مااكذب ذاك اليوم الضحى كنت نايم بالاستراحه قمت اصلي والا المويه موقفه المهم وارقى
فوق واتأكد من الخزان
الا واشوف باالاستراحه واحد ينزل من السياره اللي داخل اسلحه وشي مااعرفه فتحت عيوني اترقب الا واحد
منهم يرفع راسه لفوق
وانزل راسي بسرعه وانزل قلت السالفه للؤي قال حتى انا شاك فيهم بس ماابي نعلم العيال
مصعب : يعني لو ابرقى الخزان ابشوف
لؤي معصب:تجيب الشبهه على نفسك انت
مشعل:تشوف طرف من الاستراحه الباقي مظلل وظلام
مصعب قم فواز تعال نشوف
لؤي معصب عليهم طنشوه وطلعو فوق الخزان بهدوء بحيث مااحد يشك
سمع اصوات موواضحه رفع راسه اكثر يشوف وين مصدر الصوت
فواز:مصعب نزل راسك ياغبي لايشوفونك
مصعب يأشر على فواز يسكت :
دخل زيد وهو يكلم ابو جهاد : حي ال.. تم
حاول يسمع اكثر لاكن ماقدر نزل لشباب
مشعل :شفت شي
مصعب:لا سمعت اصوات مب واضحه بس حي ال .. هذا اللي سمعته وبعدها قال تم
الجمعه في بيت ابو يوسف
ام يوسف جالسه عند التلفزيون ومطوله على الاخبار وتسمع وهي واقفه
ابو يوسف دخل وريحه العود تسبقه توه جاي من صلاه الجمعه: سلام عليكم
ام يوسف تسمع الخبر ولا ردت عليه
ابو يوسف : شصاير
ام يوسف :لاحول ولاقوه الابالله شف التفجير صاير بحي ال..
ابو يوسف:في الرياض
ام يوسف:اي حسبي الله على هاالارهابين مات اكثر من ميه والباقي مصابين
ابو يوسف يقرب المركه عند التلفزيون ويتابع الاخبار
ام يوسف :وين سعود جاء معك ولا خايفه يكون قريب عند هاالحي
ابو يوسف: لاداخل معي ..
ساره تقرب الغدا لعهد ..يله قلبي لازم تاكلين علشان خاطر اللي في بطنك
عهد تعدل جلستها حطت يدها على بطنها كأنها تتطمن عليه : ساره مشتاقه لامي ماعاد فيني صبر ابروح لهم
اليوم
سااره بخوف :والله ماودي احرمك من امك لاكن سامي قبل لااطلع وصاني عليك
عهد :تطمني بكون بوجود امي بخير
ساره بتردد:خلاص بس لازم اتطن عليك وعلى النونو كل يوم واجي ازورك بين فتره وفتره
بكره بيكون اخر امتحان لي ...
عهد بحزن: ان شاءالله ماقصرتوا معي
ساره :عهد لاتأيسين ياقلبي وكلي امورك لربي
عهد تتنهد :ونعم بالله لاكن عجز قلبي يصبر على سامي احبه ياعهد ومن حبي له ودي اسمي اللي في بطني
عليه
ساره رحمتها: ان شاءالله يطلع قبل لاتولدين ابوي راح اليوم يطلب زيارته ويبشره فيك لاكن مشددين عليه
ومانعين
رجع مشعل للاستراحــه وهو مستعجل :وين مصعب !
لــؤي : طـآلع لاهله
جلس ورمـى الجريده على لـؤي اقرى اوول صفـحه؟!!
رفع الجريده وعينه تتفحص الخبر ..:ايش تقصد
قرب مشعل من لؤي :شفت التفجير اللي صار امس الليل متأخر
لؤي يقرا ..
مشعل : شف الحي والله ان شكي في محله
لؤي رفع راسه :من جدك انت
مشعل : اي من جدي وش تفسر اسلحه ونفس الحي اللي سمعه مصعب
لؤي يحاول يخلي الوضع عادي:لو هم مثل ماتقول معقول بيجون بين الاستراحات بهاالسهوله
مشعل :اي هذا من ذكاهم علشان ماحد يشك مثل لواخفوا نفسهم ...قم خلنا نتصرف
لؤي : مشعل اجلس مانا ناقصين مشاكل ..
مشعل :اذا انت خايف خلك في مكانك انا اعرف كيف اتصرف ...
طـلع من باب الاستراحه وبنيته يعطــي بلاغ للشرطه
لؤي جالس باالاستراحه وهو يفكر سمع صوت طلق قوي عند الباب ارتارع وركض للباب
:مششششعل ..؟؟ (مشعل طايح على الارض والدم ينزف مع رقبته قرب لؤي منه لاكن اصابته الطلقه الثانيه برجله طاح على الارض وهو يصرخ من الالــم
طلع ابوجهــآد ورجاله باالسياره واتجهوا لطريق مجهوول ..
كانت كاميرات المراقبه منتشره بأستراحه لؤي من اوامر ابو جهاد
عرف ان مشعل طالع يبلغ واوقفه برصاصه هو ولؤي
واتجهوا لمقرهم المجهوول ...؟؟!!
العصر
طلع بسيارته مايدري وين يروح صحيح اخوياه كثير لاكن مافي احد زي غلاه خالد دق عليه الف مره ومقفـل!
نزل ياخذ عصيره المفضل ليمون ونعناع تذكر سالفته يوم انكب بعد ماكلم ريم ابتسم
لف بسيارته بأتجاه حارتها وقف عند بيتهم بمسافه قريبه
جلس يطالع بيتهم وهو يتمنى يشوف ظلها ..
دق عليها كاالعاده مافي رد ...
ارسل رساله ( انا تحت شباك غرفتك اذا كان ماصدقتيني افتحي وتأكدي !(مايدري عن اي واحد شباك غرفتها
لاكن بيعرف الحين
نزل من السياره ورفع راسه لفوق
ريم ارتاعت من المكتوب باالرساله قامت وهي ماصدقت وفتحت الشباك اللي تحت كان سعود
سعود شاف الشباك ينفتح والستاره تتحرك بخفيف عرف انها هي ضحك بفرحه ورفع يده يأشر لهااا بأستهبال..
ريم وهو تشوف ملامحه وضحكته اول مره تشوفه حست بخوف فضيع والعبره خنقتها صكرت الشباك
وتسندت عليه (ياربي هذا هو تحت ايش اسوي فيه لايشوفه ياسر يذبحني مسكت يدها بأرتباك ودقت على رقم
سعود
سعود ركب السياره تفاجأ برقمها يتصل رفع بسرعه من الفرحه
هلااااااا وغلاااااااا
ريم حست لسانها ثقيل :لو سمحت انت ايش تبي مني
سعود استغرب من صوتها غير عن قبل : ابي حبك ابي قلبك ابيك كلك
ريم تغارقت دموعها وصوتها اختفى :روح الله يخليك لاتوقف عند شباكي تبي اخوي يذبحني
سعود مايبي يضايقها اكثر بعد ماسمع صوتها مخنوق من العبره: خلاص ابمشي الحين بس لاتصكرين خليني
اسمع صوتك
ريم صكرت السماعه بوجهه ورجعت تفتح الشباك تتأكد راح ولا
حرك سعود سيارته وطلع من الحاره ....
دقت عهد الجرس وهي تدعي ربها يكفيها شر عمااااد
نواف ينزل اغراضها
انفتح الباب وتوسع عرفت انها هديل دخلت ولفت راسها وراء الباب
هديل بصرخه وهي تضمها:عهوووووووووووووووده
عهد :فديتك عيوني اشتقت لك والله
هديل : ياقلبي وانا اكثر امي تولهت عليك كثير
عهد ادخلي هديل نواف بيدخل الاغراض
دخـل الاغراض ودخلت عهد لامها
ام راشد نست تعبها وهي تشوف بنتها قامت وفتحت يدينها تضمها وتطمن قلبها عليها
:فقدناك يابنيتي
عهد وهي نفسها تفضفض اللي بخاطرها لامها القلب الحنون:وانا اكثر يايمه ربي لايحرمني منك
ام راشد تسحب يد عهد:تعالي يابنيتي ارقي فوق بغرفتي ماابي عماد يشوفك
سامر:اي مستشفى
الدكتور :مستشفى (...) اجت اومر وتم نقله
سامر بأستغراب: طيب وين عنوانها ..؟
اعطى الدكتور عنوان المستشفى اللي انتقل لها جاسم بكفاله ديم طلع للعنوان المطلوب
ديم الدكتور يطمنها: الكلى التانيه سلميه وبيقدر يعيش بها اما الاذن فقد السمع نهائي بأذنه اليمنى وراح نزرع
له قوقعه
ديم : خلاص بدي العلاجه يتم بأسرع وقت وهذا شيك بجميع التكاليف اللي بيتعالج بها ..بس دكتور بدي ادخل
اشوفه
جورج :بس ماتطولي
ديم تهز راسها واتجهت لغرفته فتتحت الباب ودخلت الغرفه نورها خفيف والاجهزه عليه وهو مبنج باالكامل
قربت عنده ...
سامر بعد مااخذ رقم الغرفه اتجه للطبيب لاكن حصل باب الغرفه مفتوح استغل الفرصه يدخل يتطمن على جاسم
ديم تمسك يد جاسم البارده رفعت يده تبوسها لاكن دخل عليها سامر
ارتبك وتركت يده اللي طاحت على السرير رفعت راسها له
:مين حضرتك.؟
سامر متفاجأ بوجود ديم عند جاسم : انـآ صاحبه انتي مين.؟
ديم وهي تتوجه للباب : بعرفه علاقتي معه سطحيه وسمعت انه مريض وجيت اتطمن عليه ..عن اذنك بدي
اطلع...
طلعت وسامر مستغرب منها ماقد شافها مع جاسم وهو اقرب واحد له تطمن على جاسم وطلع للدكتور المشرف
على علاجه
دخل مكتبه بعد مااستئذن
دكتور ابي اتطمن على حاله جاسم
جورج: صحته بتحسن انت بتعرفه
سامر:انا صديقه ..بس بسألك من متكفل بعلاجه هنا اهله مايدرون عن حالته
الدكتور مخفي اسم ديم :ناس فاعلين خير وان شاء الله ثلاثه ايام ويسترد صحته بعد زراعه القوقعه باالاذن
ندى مشغول بالها من كانت عند عهد كان ودها تسأل امها لاكن خايفه من رده فعلها
ماقدرت تتحمل اكثر من كذا نزلت لامها تدور عليها
:يممممه
ام ياسر تغسل الصحون : تعالي انا هنا
ندى :يمه مشغوله ..؟
ام ياسر :لا بس اغسل هاالكاس واخلص
ندى تقرب وراء ظهر امها :يمه رجل عمتي هيله ايش اسمه
ام ياسر تتأفف من طاريه: وليه
ندى :جاوبيني يمه
ام ياسر : مااوسخ لساني بذكره
ندى بأستفسار : اسمه فايز العبدالله........؟؟؟؟؟
الرابع عشر
تناثرت قطع القزاز في المطبخ بعد مارمت الكاس على الارض وبعصبيه :مابي اشوفك تسالين عن هاالمجرمه
فهمتي
(فتحت باب غرفتها وقفلتها وراها جلست على ركبتها ومسكت راسها وهي تتذكر لحظات احتضارصالح وراسه
على حظنها بكت بصوت عالي مسموع.....!!
مرت قريب من غرفه امها سمعت صوت بكاها وقفت تتأكد من الصوت وبعدها ضربت الباب بخوف :يمممه
يمممه
حست على نفسها ام ياسر خففت من صوت بكاها قامت من الارض تمشي بتعب واتجهت للكنب مطنشه ريم
اللي تنادي عليها
ريم لفت ظهرها ونزلت لندى :ندى امي ايش فيهاااا؟؟
ندى تكنس القزاز من الارض والحزن على وجهها رفعت عينها على ريم الواقفه عند الباب : مافيها شي
ريم :وشلون مافيها وانا اسمع صوتها وهي تبكي
ندى : تذكرت ابوي وبكت عليه
ريم وهي تحاول تصدق ندى تركتها وطلعت لغرفه امها تضرب الباب عليها
:يمممه علشان خاطري افتحي
ام ياسر :ريم خليني شوي
ريم:طيب دقيقه يمه
قامت ام ياسر وفتحت الباب : ريم تطالع وجه امها :يمه شفيك
ام ياسر ببتسامه خفيفه :مافيني شي حبيبتي بس تذكرت الغالي وبكيت عليه
قربت لامها وضمتها بحزن :الله يجمعنا فيه في جنه النعيم يايمه
ندى دخلت الغرفه: خلاص ريم بدل ماتهدين امي تزيدين عليها
رفعت ريم راسها وهي تمسح خدها ابتسمت بوجه ندى وراحت لغرفتها
ندى تحاول ترد عبرتها على ابوها اغلى الناس عندها وبحنان :يمه اسفه ياالغاليه مايهون علي اشوف
هاالدموع
ام ياسر : ماابي تجيبي هاالسيره مره ثانيه
فضول بداخلها لازم تعرف :ان شاءالله يمه
فتحت ريم البوم الصور اللي اخفته من زمان في صندوقها تدهور نفسيتها كل مافتحته
حست بشوق كبير له وهي تقلب الصور تدور على صورته وقفت على صوره ابوها جالس على الحشيش وعلى
حضنه ريم لما كانت عمرها 10 سنين في ابها حطت يدها على خدها وهي تتامل وجهه كان كل شي بحياتهم (
معروف بحنانه وكرمه وشهامته )
رفعت راسها وهي تمسح دموعها
وتتعوذ من الشيطان صكرت الالبوم قفلت عليه بدرج المكتب اتجهت للغساله تغسل دموعها وترجع تكمل
مذاكرتها
جلست على السرير وخذت الكتاب والقلم فتحت اول صفحه وصارت تشخبط باالقلم على الورق وبالها بعيد قطع
تفكيرها صوت الرساله اخذت جوالها وفتحت الرساله من سعود
(اعلمك وش يعني قممه الشوق
يعني اضمك ليييين اسمع طقه عظاااااامك ...)
قرت الرساله كذا مره لحد الحين الخوف في قلبها من بعد ماشافته اليوم عند الشباك خافت
كثيرر من تشتكي له غير ساره ماتبي تحمل احد همها اللي اتعبها من هاالشخص كل ساعه يرسل ويدق
تذكرت منار اشتاقت لها ولاتدري ايش صار لها من بعد حفله سامي جوالها متقفل واحيان يدق ولاترد
رجع سعود يدق على ريم رفعت عينها على الاسم ونزلت دموعها من الخوف
حاولت تتشجع رفعت السماعه وبجديه : طيبب والنهايه معك سعود :من عرفتك وانا صرت خبل ومجنون
ومتخلف عقليا
ريم : يعني والمطلوب
سعود بهدوء وبحب : قربك علاجي
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك