رواية ساره وصراع الحب -11
هدى:والله لولا ربي ثم أنتم كان أنا الحين ضايعه مافيني حياة ابدا.
ضي:احنا لك ياحياتي مانتخلى عنك.
هدى:الله لايحرمني منكم.
ساره وضي:ولا منك يارب.
وجلسوا ياكلون ويضحكون ويسولفون والعشاء راحوا الحرم الين الساعه ١٠بالليل ورجعوا الفندق وناموا.
عند محمد ورغد.
محمد:رغد ايش رايك نطلع نتمشى بكرا الصباح بنسافر.
رغد:يلا.
وطلعوا يتمشون ورجعوا ناموا والصباح ركبوا الطياره.
الكل صحا الصباح وقرروا يروحون الطايف يتمشون ويرجعون راح الكل وانقسموا بالسيارات وراحوا يتمشون مارجعوا الا الساعه١٢بالليل وعلى طول ناموا من التعب.
جا الصباح اليوم الثاني وصلوا رغد ومحمد وجا فهد واخذهم من المطار واعتمروا وجاوا الفندق أول مادخلت رغد الفندق ساره وهدى صاحين أول ماشافوا ساره طاروا فيها وصراخ وازعاج البنات صحوا على ازعاج ساره وهدى وزادوا ازعاج وصراخ لما شافوا رغد وجلسوا سوالف وفله وازعاج شوي جات عبير بناااات تعالوا لايفوتكم.
الكل قام وراحوا عند الشباك والشباك كبير مره وكفاهم شافوا أحمد محتار يبي يحط السياره بالموقف بس خاف يجي أحد ويأخذ المكان وكل شوي حط شي بس مانفع وراح خلا الموقف فاضي كل البنات تحسفوا شوي جا أحمد بالسياره والبنات يشجعون ويصفقون وأخيرا وقف أحمد بالموقف البنات فرحانين ويصفقون عبير فتحت الشباك وتشجع بقوه أحمد شافها وشاف البنات وضحك عليهم لما دخل الفندق البنات كلهم عند باب الفندق فوق ينتظرونه أول مادخل الكل:احلا ياحركات.
وأحمد كأنه فاز بالبطوله في كأس العالم وفرحان ويسوي حركات وجا بيدخل غرفة الشباب جا بيفتح الباب وصدم راسه بالباب لأنه مقفل من الداخل والبنات ضحكوا عليه وهو جلس يضحك.
أحمد:تضحكون أجل طيب اوريكم.
طلع من جيبه قلم.
أحمد:شفتوا القلم هذا.
وضغط شي ورش على البنات مويه وراح يركض نزل تحت وهو يضحك دخلوا البنات للشقه وهم يضحكون وجلسوا يسولفون رغد تناظر في البنات واستغربت ماشافت العنود وراحت الغرفه شافتها على السرير جات رغد جلست على طرف السرير.
رغد:العنود نمتي.
العنود:لا.
رغد:طيب ايش فيك ماتجلسين مع البنات؟
العنود:مالي نفس.
رغد بعدت اللحاف عن العنود وخافت.
رغد:العنود ايش فيه وجهك اصفر اكلتي اليوم.
العنود:مالي نفس اكل.
رغد:مو على كيفك بعدين إذا شافك سعد كذا بيخاف منك.
العنود:سعد.
على طول نزلت دمعتها رغد حست فيها.
رغد:صاير بينكم شي.
العنود:لا.
رغد:العنود إذا فيك شي قولي وإذا ماودك اتصل على سعد يجيك.
العنود خافت وبكت:رغد لا تكفين سعد لا ماابيه.
رغد ضمت العنود لما هدت.
رغد:خلاص سعد ماراح اتصل عليه بس ايش فيك.
علمتها العنود بكل اللي صار.
رغد ابتسمت:العنود عادي هذا شي فطري انه يسويه الشخص غصب عنه هذا شي بسيط من أشياء راح تصير بعدين ولازم ترضين بالواقع.
العنود:طيب بس ماتوقعته بيسوي كذا.
رغد:يعني الحين على هاذي السالفه زعلتي أجل إذا جا بعدين ايش بتسوين ماراح ترتاحين في زواجك بس تدرين اني كنت مثلك بس اهون منك.
العنود:صدق ليش؟
رغد ضحكت وقالت لها ايش صار من قبل وضحكوا.
رغد:ها ارتحتي الحين.
العنود ضمت رغد:تسلمين ياعمري ريحتيني الله يريحك.
رغد:العفو بس عيب عليك وخري تراني متزوجه.
ضحكوا مع بعض واتفقت رغد مع البنات يتغدون من البيك المغرب راح الكل للحرم وجلسوا الين العشا وراحوا الطايف أخذوا لهم شاليه واتفقوا يروحون مع الاولاد لمنتزه السواط بدون الكبار.
جا سعد عند البنات لأن رغد اتصلت عليه وقالت له عن العنود.
سعد:مساء الخير.
الكل:مساء النور.
سعد يضحك:ياحليلكم اللي يشوفكم يقول انكم أول مره تجون منتزه.
عبير تناظر سعد بنص عين:أحمد ربك انك ولد ودايم تطلع وتدوج مو مثلنا يالبنات مساكين.
سعد:أي مره مساكين الا طلعتوا الشيب من روسنا.
البنات ضحكوا.
سعد:ماأطول عليكم بس كنت ابي العنود.
ساره:العنود روحي سعد يبيك.
العنود:مابي اروح معك ابي اجلس مع البنات.
رغد همست بإذن العنود:العنود روحي الكلام اللي قلته نسيتيه.
رغد قاطعتها:لا بس ولا شي امشي.
ومسكت يدها وراحت عند سعد.
رغد:هاذي العنود بس مو تخليها عندك ترا نبيها.
سعد:أقول روحي عند زوجك وزوجتي مالك دخل فيها.
رغد:الحين مالي دخل ها العنود خلاص غيرت رأيي تعالي.
سعد:لا لا خلاص روحي حبيبتي محمد ينتظرك.
محمد:ايش ايش ايش عندك حبيبتك خلاص تكفيك.
سعد:يماااااا من وين طلعت أنت.
محمد يضحك:من تحت الأرض يلا رغوده تعالي.
رغد:ليش ابي اجلس مع البنات.
محمد:يعني البنات أهم مني.
رغد:خلاص بروح معك بس ارجع مع البنات.
محمد:طيب يلا.
وراح محمد مع رغد.
سعد:يلا عن اذنكم.
وراح مع العنود لحالهم.
سعد:العنود زعلانه مني.
العنود:لا.
سعد وقف قبال العنود وهي لفت وجهها عنه وسعد مسك وجهها ولفها قباله وشاف دمعتها.
سعد:العنود تبكين.
العنود:بعد عني اتركني مابيك.
سعد بعد عن العنود.
سعد:ليش ياالعنود ليش أنا زوجك أنا احبك وهذا شي غصب عني سويته وأنتي اخترتيه.
العنود:طيب ليش تسوي كذا.
سعد:يعني الحين على البوسه زعلتي أجل لا جا بعدين وش بتسوين العنود أنتي زوجتي وحلال علي اسوي أي شي.
العنود:طيب بس كان علمتني قبل ماتسوي شي.
سعد عصب:يعني أي شي بسويه تبيني اقولك.
العنود:أنا ماقلت أي شي إذا تبي تسوي شي فيني.
سعد:طيب خلاص أي شي بسويه بقولك.
العنود:ابي اروح عند البنات.
سعد:روحي ماني قايل لك لا.
العنود توها بتمشي.
سعد:ترا بروح مع الشباب.
وراح العنود طنشت وراحت مع البنات جلسوا يتمشون وكل مامروا بلعبة لعبوا فيها ويكملون مشي شافوا لعبة بيت الوحوش ودخلوا والاولاد دخلوا مع البنات والبنات صراخ وخوف مو طبيعي ساره خايفه وهي تمشي وتنادي البنات تبي توصل لاحد بس ماقدرت شوي حست أحد وراها وصرخت بقوه.
فيصل:ساره لاتخافين أنا فيصل.
ساره وهي تبكي:ابي اطلع مابي اجلس هنا.
فيصل:ساره مافي الا هالمكان اللي اقدر اكلمك فيه ساره تكفين اسمعيني.
ساره صرخت بقوه وتبكي خالد كان قريب وسمع ساره وجا يركض فيصل تخبا عشان خالد مايشوفه ويشك فيه ساره عرفت انه خالد لما وصل خالد عند ساره جات ساره وضمته وحطت وجهها على صدر خالد وهي تبكي.
ساره:خالد طلعني ابي اطلع.
خالد:خلاص طيب بطلعك بس وقفي بكاء.
ساره:لا مابي ابي اطلع.
خالد:خلاص طيب يلا نطلع.
وهم يمشون ساره طول الوقت متمسكه بيد خالد وطلعوا اما باقي البنات.
عبير خايفه:ساره العنود ضي بنات وينكم.
شوي حست أحد مر من جنبها خافت وصرخت وعلى طول طاحت على الأرض جا راكان رفعها.
عبير فرحت ان فيه أحد وهي تبكي:راكان تكفى طلعني.
راكان فيه ضحكه:طيب ليش دخلتي هاللعبه من البدايه يوم انك عارفه انها تخوف.
عبير تبكي:ماكنت ادري انها تخوف كذا.
راكان:خلاص طيب مسحي دموعك وتعالي.
عبير:بس راكان.
راكان:ايش فيك.
عبير استحت:مااقدر امشي من كثر ماصدمت وطحت.
راكان ابتسم:أجل مافي الا كذا.
وشال عبير بين يدينه ومن حسن الحظ ان عبير مشت من الطريق الطويل وطول الطريق ميتا حيا وتبي تطلع بسرعه وراكان يسولف لها ويضحك عليها.
اما ضي وقفت بنص الطريق من الخوف جا فهد استغرب من اللي واقفه.
فهد:احم لو سمحتي.
ضي التفتت شافت فهد راحت تركض له وضمته وحست بنفسها وبعدت بسرعه.
ضي ماتت حيا:اسفه والله مو قصدي بس........
فهد قاطعها:عادي أنا بعد غلطت.
جا وضمها ضي تمنت الأرض تنشق وتبلعها.
فهد ضحك:ضي لو اجي اخطبك توافقين.
ضي ماتت حيا وهزت رأسها بأنها موافقه ومسك يدها وطلعوا مع بعض اما أحمد صادف ريم بالطريق وجلس يسولف معها اما سهام وسديم من الخوف تفرقوا وبالصدفه طلعت سهام مع فارس وسديم مع فراس العنود طلعت مع هدى ومي ورغد طول الوقت مع محمد راكان لما وصل للنهايه نزل عبير ونادى هدى جات اخذتها وطلعوا.
ساره تضحك:صراحه ياعبير أنتي توحفه المشكله مايصير الا برجلك.
عبير تذكرت اللي صار من قبل واليوم وضحكت.
عبير:شفتي عاد شلون الحظ.
الكل ضحك ورجعوا للشاليه بعد ماودوا عبير المستشفى وعلى طول ناموا وراكان نام وهو يفكر بعبير.
سعد اتصل على العنود
سعد:هلا ما أطول عليك بس حبيت اقولك الحين بروح الحمام.
العنود:طيب ايش اسوي لك.
سعد:هذاني علمتك باي.
العنود:اف.
الكل كان نايم بس ساره وضي والعنود صاحين.
ساره:ايش فيك ياالعنود غريبه.
العنود:ولا شي.
وعلى طول قامت وراحت تنام.
ساره:غريبه العنود من يوم جات وهي مو طبيعيه احس في شي بينها وبين سعد.
ضي:اكيد حتى ماشفتيها في المنتزه.
ساره:يمكن رغد تدري خلينا نسألها.
ضي:خليها إذا صحت.
ساره:اوكي أجل خلينا ننام.
ضي:يلا.
وراحوا ناموا على طول ولما جا الصباح الكل راح يتمشى الا العنود.
جا الصباح صحت العنود على صوت جوالها شافت سعد يتصل عليها وماردت شوي جاتها رساله فتحتها من سعد(أنا الحين بروح اتمشى)
العنود:اف وش جاه شكله يستهبل حتى ولا فكر ياخذني عادي اصلن ماني رايحه معاه.
ونامت البنات وهم يتمشون ساره اتصلت على رغد وقابلتها ومعها ضي.
ساره:رغد أنتي شفتي العنود ايش فيها قالت لك شي.
رغد:بصراحه هي زعلانه على سعد وكلمتها بس شكلها مااقتنعت بكلامي.
ساره:غريبه أمس شكله اتصل عليها لما سكر قالت اف سألتها ايش فيك قالت ولا شي وقامت.
رغد:الحين على شي تافه زعلت إذا تزوجت مدري وش بتسوي.
ضي:ايش رايكم نسوي شي نخليهم يتراضون غصب.
ساره ورغد:والله فكره بس ايش نسوي.
وعلمتهم ضي باللي بيسوونه.
رجعوا الشاليه العشاء وكلمت ساره فهد ورغد كلمت خالد وراحوا يجهزون ماناموا الا الساعه١بالليل جا اليوم الثاني الساعه ١٠صحت ساره وضي ورغد وصحوا العنود.
ساره عنوده يلا قومي من أمس وأنتي نايمه.
العنود صوتها كله نوم:ايش تبغين.
ساره:قومي ابي اطلع ومافي أحد معاي ابيك تروحين معاي.
العنود:البنات وين.
ساره:ماناموا الا قريب الفجر.
العنود:طيب بقوم.
قامت العنود غسلت وجهها شافت جوالها فيه رساله فتحتها شافته من سعد(صباح الخير والشوق صباح الحب والذوق أنا اعتذر لك اعتذار مخنوق من بعدك اللي سبب لي حروق)
العنود:غريبه ايش عنده ممكن تكون من نفسه ولا لا.
شوي دخلت ساره.
ساره:عنوده ها لبستي عباتك.
العنود:الحين جايه.
ولبست عبايتها وطلعت ركبت مع ساره بسيارة فهد اما عند سعد وخالد.
سعد:ايش عندك مصحيني وطالعين ومو راضي تقول وين بنروح.
خالد:أنت خلك ساكت وبتعرف.
شوي جات لسعد رساله(اشتقت لشوفك وصوتك لاتغيب أكثر تراني مشتااااق)
سعد في نفسه:غريبه اكيد مضيعه.
وصلوا ساره والعنود وفهد المكان اللي يبونه نزلت ساره والعنود العنود تفاجأت من المكان شكله خيال وفيه طاوله فيها شمعات وكيك واكل شكله مره روعه.
ساره:العنود انتظري هنا بشتري شي وبجي.
العنود:اوكي.
ساره:بس ابيك تلبسين الفستان اللي في الغرفه يلا باي.
استغربت العنود بس انها راحت شافت الفستان وعجبها مره لونه احمر تحت الركبه تحت الصدر فيه حزام اسود وفتحة الصدر واسعه وكبيره شوي ومن الجنب ورده سوداء نازل منها كرستال اسود صاير شكله مره حلو لبست وكشخت وبنفس اللحظه اللي طلعت فيه ساره وصلوا خالد وسعد.
خالد:سعد روح غرفة.....وبشتري شي وبرجع طفشت من الشاليه وقلت ناخذ غرفة ونشتري اشرطه واكل نتفرج فيديو مع الشباب.
سعد:اوكي خلاص بس لاتتأخر.
خالد:طيب.
وراح خالد وسعد راح مكان ماقاله خالد ودخل.
استغرب سعد من المكان الا حس بأحد داخل الغرفه دخل الغرفه شاف العنود والعنود حست بأحد موجود التفتت شافت سعد.
بنفس اللحظه سعد والعنود:سعد-العنود.
وسكتوا فتره وتكلموا بنفس الوقت.
سعد والعنود:أنا اسف-اسفه على اللي صار.
وسكتوا وهم يناظرون بعض ابتسموا والعنود على طول دمعت عينها وراحت ضمت سعد وهو ضمها بقوه والعنود تبكي وهي حاطه وجهها على صدر سعد.
سعد:العنود حبيبتي ماابيك تزعلين علي بس اللي سويتيه ماقدرت اتحمل.
العنود:سامحني ولا تزعل علي أي شي تبي تسويه سوه ماراح ازعل خلاص.
سعد:يعني حتى لو نروح السرير.
العنود خافت وبعدت عن سعد.
العنود:لا لا.
سعد ضحك وسحب العنود وضمها وبعدها ومسك يدها وصار يدور فيها.
سعد:شكلك مره حلو.
العنود استحت:شكرا عيونك الحلوه.
وجلسوا ياكلون ويسولفون.
ساره نزلت وماشافت اخوها راحت عند سيارة خالد.
ساره:خالد وين فهد.
خالد ابتسم:راح وقال تجين معاي.
ساره:طيب ليش ماانتظرني.
خالد:مدري قال لي يبي يأخذ شي ضروري من محل قبل لايسكر على العموم تعالي اركبي.
ساره:طيب يعني ماراح يجي ابد.
خالد:لا ها بتركبين ولا تجلسين.
ساره تخيلت شكلها وهي جالسه لحالها وخافت وعلى طول ركبت ورا.
خالد:ساره تعالي قدام.
ساره في عالم ثاني:ها.
خالد ابتسم:تعالي قدام.
ساره نست نفسها وتحس كان رجلينها شالتها وركبتها قدام.
ومشوا وقف خالد سوبر ماركت ونزل واشترى أنواع الشيبسات والعصاير والحلويات والكاكاو واعطاها ساره وهي انحرجت مره.
خالد:ساره ممكن اسالك سؤال بس تجاوبيني بصراحه.
ساره استغربت:اسأل.
خالد:لو يجيك فيصل ويخطبك بتقبلين.
ساره بأندفاع:لا.
خالد ارتاح:طيب لو اخطبك أنا توافقين.
ساره سكتت فتره ولفت عليه وابتسمت.
ساره:أي.
خالد فرح مره:صدق والله ماني مصدق نفسي.
ساره ضحكت على خالد.
ووصلوا الشاليه ونزلت ساره وراحت شافت ضي صاحيه على طول ضمتها.
ضي:ايش فيك ايش صار.
ساره ضحكت وعلمتها بكل شي.
ضي:بصراحه أنتي فله يارب يخطبك قبل فيصل.
ساره بصوت عالي:يارب.
الا أم فهد داخله.
أم فهد:يارب اشوفك عروس قريب يارب.
ساره استحت وجلست تضحك وضي تضحك على ساره جا الظهر البنات قاموا واتفقوا يروحون يسبحون في المسبح اما العنود وسعد مارجعوا الا العصر طلعت ساره وضي ورغد من المسبح عشان يجلسون مع العنود.
البارت الثاني والعشرون
ساره:ايش رايك بالمفاجئه.
العنود:ايش ايش ايش يعني انتوا اللي سويتوا الفكره مو سعد.
رغد تضحك ايوه احنا بس حلوه صح.
العنود:لا مو حلوه الا تجنن الله يجزاكم خير ويحقق اللي ببالكم.
الكل:آمين.
شوي رن جوال رغد قامت من عند البنات وردت.
رغد:هلا وغلا.
محمد:اهلين ها انبسطتي مع البنات.
رغد:اكيد.
محمد:أجل تعالي المجلس الداخلي مافي أحد انتظرك.
رغد:طيب الحين اجي.
دخلت رغد المجلس ومعها صينيه فيها كيك وعصير ماشافت أحد حطت الصينيه بالطاوله توها بتلتفت بتطلع الا محمد ضمها قبل ماتلتفت وصار ظهرها على صدره وباس رقبتها.
محمد:وين القمر راح وخلاني.
رغد بدلع:شسوي مع البنات وأنا طول الوقت معاك بتطفش مني من كثر ماني معاك.
محمد:أنا اطفش من حبي لا مستحيل.
رغد:تسلم حبيبي.
التفتت رغد وصار وجهها بوجه محمد وصارت تناظر بعيونه.
رغد:محمد خلينا نطلع نتمشى.
محمد:الا ليش مانطلع ناخذ شقه لحالنا.
رغد ابتسمت:بس نطلع نتمشى.
محمد:وليش ما
نطلع نتمشى كم رغد عندي.
رغد استحت وجا محمد باس شفايفها.
محمد:يلا حبي روحي البسي عباتك وجيبي اغراضك.
رغد:طيب.
وراحت رغد لبست عبايتها واخذت أغراضها وراحوا فندق حطوا اغراضهم وراحوا يتمشون ومر الاسبوع سريع وتصير مواقف حلوه ومحرجه ونهاية الاسبوع راحوا جده وصلوا الظهر.
الكل فرحان ومبسوط مره البنات ماصبروا على طول راحوا الأسواق وجلسوا يتمشون الين الساعه٩الليل البنات على طول ناموا الا الاولاد جالسين وساكتين.
سعد:خير ان شاءالله وش فيكم ساكتين ولا شاغلكم شي فهد فيك شي.
فهد:تقدر تقول.
سعد:راكان تبي تقول شي.
راكان:ممكن.
سعد:فارس فراس في خاطركم كلام.
فارس وفراس:ايوه.
سعد:وأنت ياخالد لاتقول حتى أنت معهم.
خالد:أي والله.
سعد:طيب تكلموا فضفضوا.
الكل:صراحه في بالي وحده.
الكل سكت ويناظرون بعض باستغراب شوي وضحكوا.
سعد:احلا هالحركات يلا كل واحد يقوم ويقول لأهله يلا عشان تصيرون كلكم بيوم واحد واو وناسه.
الكل قام بنفس اللحظه كل واحد اتصل على امه فهد قابل امه في الغرفه اللي هي فيه وكانت لحالها راكان قابل امه في سيب الفندق اما خالد قابل امه في شقة الاولاد وفارس وفراس أخذوا امهم يمشونها وقالوا لها والأمهات قالوا لأزواجهم وكل واحد قال للثاني لما صحوا البنات راحوا جلسوا مع امهاتهم.
أم فهد:ساره حبيبتي تعالي بجنبي وأنتي ياسهام تعالي بعد.
أم عبدالله:وأنتي يا ضي تعالي بجنبي.
وأم محمد:عبير سديم وانتوا بعد تعالوا.
وجلسوا البنات بجنب امهاتهم.
أم فهد:ساره حبيبتي الزواج قسمه ونصيب فيه واحد أنتي تعرفينه زين طلب يدك.
ساره طول ماامها تتكلم هي خايفه وقلبها يدق بقوه.
أم فهد:خالد طلب يدك بس ماراح اجبرك فكري وردي.
ساره ساكته ماردت.
أم فهد:وأنتي يا سهام فارس طلب يدك وفكري صح انك صغيره بس ماراح تتزوجون بدري.
سهام فتحت فمها من الصدمه.
سهام:ها ليش بس أنا.
وسكتت.
أم فهد:لا تستعجلين ياسهام.
أم محمد:وأنتي ياعبير راكان طلب يدك وأنتي ياسديم فراس بعد طلب يدك ومثل ماقالت خالتك أم فهد لاتستعجلون.
عبير وسديم سكتوا ماقدروا يردون.
أم عبدالله:وأنتي ياضي فهد طلب يدك.
البنات سكتوا .
أم فهد انتوا صلوا صلاة الاستخاره وحاولوا تردون بدري.
البنات على طول قاموا وراحوا الغرفه اما رهام وغاده كأن أحد قطعهم بالسكين وصب عليهم مويه حاره اما البنات كل وحده تفكر بالكلام اللي قالته لها امها ويتذكرون اللي صار قامت ساره صلت صلاة الاستخاره وعبير وضي وسهام وسديم قاموا معها.
بعد الصلاه جلسوا مع بعض.
ساره:ها ارتحتوا ولا لا أنا حسيت اني ارتحت.
ضي:حتى أنا حسيت براحه.
ساره:احلا ياللي بتصير زوجة اخوي.
ضي ضحكت:وانتوا ارتحتوا ولا لا.
عبير:حسيت براحه بس متردده.
سهام على طول بكت جات ساره على طول ضمتها.
ساره:سهام ايش فيك تبكين.
سهام:مابي اتزوج مابي.
ساره:بس هذا حظك ونصيبك.
سهام:ادري بس مو عشان فارس عشان......
وسكتت.
ساره:عشان مين.
سديم:رهام حتى أنا مابي اتزوج عشان غاده.
ساره:ايش دخل رهام وغاده.
سهام وهي تبكي:بس رهام تحب فارس مابيها تزعل مني مابي فارس.
ساره:سهام بس فارس قال يبيك أنتي مو رهام وحتى أنتي ياسديم أنا اقولك انتوا لاتعطون رد الحين ونشوف لكم حل ان شاءالله.
شوي دخلت هدى.
هدى:بنات تبون تطلعون.
ساره وضي وعبير:لا مانبي.
سهام وسديم:بنطلع معكم.
طلعوا البنات كلهم راحوا الكورنيش اما ساره وضي وعبير كل وحده راحت لأمها وقالت انها موافقه عند البنات في البحر سهام وسديم طول الوقت يدورون فارس وفراس ورهام وغاده يلحقون سهام وسديم سهام وسديم شافوا فارس وفراس ونادوهم.
فارس:هلا وغلا أخبار اللي بتصير عروستي.
سهام:الحمدلله بس حبيت اقولك شي واتمنى ماتزعل مني.
فارس:قولي كل اللي بخاطرك.
سهام:أول شي انسى اني أكون زوجتك لاني مافكرت اصير زوجتك اصلن ومابي ازعل رهام هي تبيك وتحبك وهي اللي تناسبك مو أنا.
فارس:سهام أنا احبك أنتي وافكر فيك أنتي مو رهام بعدين أنا اللي اخترتك مو رهام اللي تختارني.
سهام:أنا قلت لك ماراح اختارك أو اوافق عليك عشان اخسر رهام وبكيفك.
وراحت وماأعطت فارس مجال يتكلم اما عند سديم.
سديم:فراس تراني ماراح اوافق عليك لأن غاده تبيك ومابيها تزعل علي عشانك وهي تتمناك واتوقع هي اللي تناسبك مو أنا.
فراس:لا ماراح آخذها لو تموت ولو تتقطع قدامي ماراح اخذ غيرك ابد مو هي اللي تتحكم وتقول ابي فارس أنا اللي اخترتك وأنتي اللي لي بس.
سديم:ماراح اوافق عليك ولو كثرت علي كلام ممكن اسوي شي يغيرني وأنا مابي اسويه وأنت بكيفك.
وراحت ووخلته ولا اعطته مجال يتكلم لما راحت على طول غاده راحت لفراس.
غاده:فراس ليش ليش تسوي فيني كذا فراس أنا احبك اموت فيك ابيك مابي غيرك.
فراس:اتوقع انه جاك كلام من قبل واكيد شفتي اللي بشنطتك تراها مني وأحسن لك ابعدي من قدامي مابي اسوي لك شي.
غاده:طيب ذاك اليوم و...
فراس:غاده قلت انقلعي عني.
غاده جات تبي تضم فراس بس هو عطاها كف طيحها في الأرض وراح وخلاها.
رجعوا البنات وانتشر الخبر وصارت الملكه والخطوبه بنفس اليوم وبنفس الاستراحه ساره وضي وعبير بعد الكيك والشبكه كل وحده راحت مع خطيبها بغرفه.
خالد:مبروك ياحياتي.
ساره ميتا حيا:الله يبارك فيك.
خالد:وأخيرا صرتي لي لوحدي ماأحد يشاركني فيك.
ساره ابتسمت.
خالد:يافديت هالابتسامه ووراعيتها.
جا خالد باس شفايفها وضمها ساره استحت بس حست وهي في حضنه بالامان وبكت.
خالد:ساره ساره تبكين.
ساره:ايوه ابكي بفرح لأن فيصل ماراح يقدر يتعرض لي ابد.
خالد:اكيد ماراح يتعرض لك وأنا موجود.
ساره رمت نفسها بأحضان خالد.
اما عند راكان وعبير.
راكان:مبروك حبيبتي.
عبير شوي وتذوب من الحيا:الله يبارك فيك.
راكان ابتسم:ماتدرين قد فرحتي فيك.
شال عبير وحطها بحضنه وجلس عبير حست بالامان جاها احساس غريب ودها تدخل في راكان وحطت رأسها على صدره.
راكان:تصدقين حبيتك من أول مره شفتك فيها على انه كان شكلك بوي بس شفت قلبك وحبيتك.
عبير ابتسمت:راكان بقولك شي بس ماتزعل.
راكان:أنا ايش يزعلني من عيوني.
عبير:تسلم عيونك بصراحه قبل مااشوفك كنت أحب أحمد وهو يحب ريم بنت خالي بس جيت أنت وغيرت كل شي فيني.
راكان:ياحياتي الحمدلله ان ربي عطاني وحده مثلك.
وباس شفايف عبير وجلس يناظر في عيونها.
اما عند فهد وضي.
فهد:ضي حبي ليش أنتي جالسه بعيد تعالي قربي.
ضي ميتا حيا وخايفه:لا أنا هنا مرتاحه.
فهد:قبل شوي مستحيه قدام الناس والحين أنا وأنت لحالنا.
ضي:طيب هنا مكاني ومرتاحه فيه.
فهد:ضي لاتخليني اتهور.
ضي جاتها بكاء ودمعت عينها جا فهد وجلس بجنبها وحاوط يده على خصرها وحط جبهته على جبهتها ورفع رأسها.
فهد:ضي حبيبتي وقفي بكاء خلاص.
ضي استحت من قربه بس حست بالراحه وسكتت وعلى طول نزلت رأسها فهد ابتسم ورفع رأسها وباس شفايفها.
سهام جالسه مع سديم وسديم ساكته ماتكلمت من أمس.
سهام:سديم ايش فيك ساكته ولا عشان أمس.
سديم:مافي شي ولا ابي اتكلم.
سهام:سديم طيب.....
سديم قاطعتها:قلت لك خلاص اسكتي.
سهام سكتت وقامت خلت سديم لحالها.
العنود مع هدى تضحك.
العنود:ياعمري عليهم أتخيل شكلهم الحين ايش يسوون.
هدى:أي والله.
العنود:يارب تلحقينهم يارب.
هدى:آآآمين.
ساره وضي وعبير ماطلعوا مع البنات الا الساعه ١١.
العنود:حشى كان كملتوا الليله معهم مابغيتوا.
ساره ضحكت:شنسوي ماقدروا يخلونا ذايبين علينا.
العنود:أي الحمدلله ماتهوروا.
ضي ضربتها:وجع قليلة أدب.
الكل يضحك مارجعوا الا الفجر جا الصباح ساره وضي وعبير كل وحده راحت مع خطيبها يتمشون والعنود اتصلت على سعد.
العنود:صباح الخير حبيبي.
سعد:صباح النور والسعد والسرور أخبار الحلوين.
العنود:زعلانين.
سعد:افا افا ليش زعلانه.
العنود:سعود كلهم طلعوا الا أنا ابيك تطلعني.
سعد:من عيوني الثنتين يلا البسي عبايتك.
العنود:صدق يافديتك ياحبيبي يلا الحين جايه.
وطلعت العنود مع سعد.
محمد:صباح الخير حبي.
رغد وصوتها كله نوم:صباح النور.
محمد:رغد ماودك تطلعين الكل طلع الا أنا وأنتي.
رغد:فيني نوم ومالي خلق أقوم.
محمد:قومي بس قومي بسك نوم يلا خلينا نطلع.
رغد:طيب الحين بقوم.
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك