رواية اذا انتثر دمع عينك -10
كان يناظر جهة مشعل وحطتها تحت ذقنه عشان تسكر فمه .. انتبهت لسامي الي كان كرسيه لاصق بكرسي فارس ابتسمت له ابتسامة سريعة .. ورد لها الأبتسامة سكرت فم أخوها فارس وهي تضحك ورجعت جلست
يوسف : والله انك مو هين يامشعل دكتووور ولا دكتووور نفسي مرة وحدة
روان : ما اصدق ظنيتك تشتغل بشركة موظف عادي مو دكتوور قوية
رامي : ليه أخوي طايح من عينك
ملاك : لاحووول .. ابغى أعرف من مخليك محامي عنه كل دقيقة تدافع عنه
رامي ابتسم وهو يناظر مشعل : إذا مادفعت عن شعول من أدافع عنه
سارة : الله الله إذا فيها شعول أكيد وراكم شي
مشاري بمزح وبطريقة تضحك يسوي نفسه مرتاع : شباب شبااااب مشعل ورامي شكلهم شذوذ
الكل : ههههههههههههههههه
مسك : إلا اقول سمورة ليه لحد الحين ما انتسبتي لمدرستنا فيه شي ؟ لك أسبوع من جيتي
سمر ابتسمت : لابس مشعل معطيني إجازة أسبوع للراحة
روان وسارة وملاك ورهف بنفس الوقت : أكششششششخ
مسك : حركات ومدلله بعد معطيك إجازة أسبوع
فارس : حتى سامي لحد الحين ما انسب للمدرسة
يوسف : لالا حظكم أخوكم مريحكم
مشعل ابتسم : أحم .. بس عاد الحين أخاف تجيهم عين منكم
وقفوا رهف وسارة وملاك و روان عند سمر ويوسف وفارس وقفوا عند سامي وبنفس الوفت : توف توف بسم الله عليك من العين توف توف
سارة : وهذي بعد هدية تووف
الكل : ههههههههههههههه
ورجعوا ملاك ورهف وروان وسارة وفارس ويوسف لكراسيهم
روان : الحين يعني أنت تعالج المجانييين
مشعل : هههههههه بس مو شرط المجانين ناس عندهم مشاكل أو من هالأشياء أساعدهم
سارة : إيييه حلو لقيناك
مشعل ابتسم ورفع حاجبه بمعنى ليش
سارة تدق بأصابعها بالطاولة ومبتسمة نص ابتسامة وتناظر مشاري و يوسف وريان : لأن عندنا ناس عندهم حركات نص كم
الكل : هههههههه
يوسف : عاد خلاص أنا ماعندي حركات نص كم حدي اناظر يعني حرام ؟ شوفي مشاريووه وريانوه مابقى بنت بالسعودية مارقموها مو انا خلف الله علي
مشاري ناظر مسك نظرة خاطفة بدون ما أحد يحس: يوسفوه فضيحة انت
الكل : ههههههههههههههه
ملاك تاخذ لها جلكسي من السلة الي على الطاولة: مايحتاج تسميها فضيحة عادي كلنا ندري أنكم تكلمون
روان : إيه وكل واحد عنده جوالين واحد عادي و واحد للترقيم
ريان الي كان قبال روان اخذ جلكسي ورماها على روان بسرعة بمزح ومسوي نفسه معصب : بس بس بعد عطيهم تقرير عطيهم
الكل : ههههههههههههه
قطع ضحكم جوال مشاري ..
مشاري ناظر الشاشة وابتسم نص ابتسامة وناظر مسك وحط جواله مغلق
ملاك عرفت أنها وحدة من الي مرقمهم فحبت تحرجه : مشاري عادي رد خلنا نسمع
مشاري ابتسم لها : ههههه هذي مو أنا الي مرقمها هالمرة هي مرقمتني خخخخ
سارة : أشك
سمر : يمكن ليه لأ لاتظلمينه بنات هالأيام رايحن فيها ملح
روان : ههههه مشعل هذا يبغاله علاج مكثف
مشاري اتكى بيده اليسرى على الطاوله وحط يده على خده وهو يناظر مشعل ببتسامة : أنا لقيت علاجي (وناظر مسك يقصدها وناظر خواته وبنات عمه وعمته عشان ماحد يشك)
مسك حست فيه بس سوت نفسها ما حست
مشعل : ههههههه لاتخافون عندنا خير مثلكم
رهف وملاك : عندكم بعــد
سامي : ههههه رامي جنن بنات بريطانيا
روان : إيه مدامه ولد بريطانيا حلال خخ
سارة : لا رامي عادي ماينشره على البنات هناك ولد عمي مزيون وخوقاقي شنو يسوي بروحه
ريان : هــي أنتي بعد استحي على وجهك وهذا وأحنا موجودين
سارة : هاا .. خير شفيك يعني بمدح بولد عمي وبقول الحق حلوو مافيها شي
رامي يسبل (يرمش) بعيونه بسرعة : عيونك الحلوة
فارس الي كان جالس جنب رامي ضربه بكوعه بالخفيف : بس بس عاد لاتمون بزيادة
رامي : هههههههههه
مشعل : على طاري العيون ( قام من كرسيه وحط يدينه على الطاولة يثبت نفسه وانحنى لقدام يناظر سارة وصار بينه وبينها شبرين ) شفيها عيونك احس لونهم كان غير و لا ؟
سارة ناظرته مرتبكة شوي
سامي ومشاري الي كانوا جنب مشعل مسكوه من تيشريته من جهة ظهره وسحبوه على كرسيه
سامي : مشيعل من الي الحين بتصير عنده حركات نص كم هاا
مشعل وعلى وجهه شبح ابتسامه ويأشر على نفسه ببراءة : أنـــــــــا !!!
مشاري : والله صدقت مقولة ملاك .. أكبرهم أهبلهم
ملاك : أحم شفتوا شلون أنا ما اقول إلا الصدق
ريان : خذوا الحكمة من أفواه المجانين
ملاك ابتسمت : أحم .. شفتوا حتـ .. نعم نــعم شنو قلت ؟
الكل : ههههههههههه
مشعل : لا أنا جد أتكلم شفيها عيونك لونهم كذا ؟
سارة سحبت ورقة نشاف وحطتها قدامها على الطاولة ونزلت راسها شوي وحطت يدها على عيونها وبعدين رفعت راسها ومدت صبعها السبابة لجهة مشعل وفيه عدسات : شفت يسموها عدسات بعد تسوي نفسك ماتدري (وحطتهم بالنشاف وعفسته وقطته بالزبالة )
مشعل : ليه قطيتيهم ؟ وليه أساسا تلبسين عدسات ؟
سارة ناظرته : أولا هم عدسات للإستخدام مرة وحدة .. وثانيا لأن عيوني احسهم يلفتون النظر مرة وأنا وحدة ما احب يناظروني إذا طلعت
مشعل يحك ذقنه : من ناحية يلفتون النظر يلفتوون
لحظة صمت
روان تلعب شوكتها بالصحن : ملل
ملاك حطت راسها على الطاولة : طفش
مسك : مو كأنه صار الجو ممل
رهف : بنات خلونا ندخل ونشغل الدي جي شوي عشان ننبسط
سارة تتثاوب : إيه
مسك : فارس بناخذ سيديات من عندك
فارس : مافيه
مسك : لييييه ؟
فارس : ذاك اليوم ضيعتي واحد وبالموت لقيته
سارة : عاد فروس لاتصير نحييس
فارس : قلت لا يعني لا
سارة : أقول قوموا وماعليكم منه قال إيش قال لا .. يعني تظن اني مثل مسك بترجاك عشان أخذاهم
فارس : أوكي وياويلك إن ضيعيتهم
سارة : إنشالله
روان : بنات شباب قبل لاتقومون عندي لكم اقتراح
البنات والشباب لفوا عليها
يوسف : نورينا
روان : خلونا نروح السوبر ماركت الحين
سارة : صحيح كيف ماجات على بالي
روان : أحم عشان تعرفون قيميتي
ريان : الحين من الفاضي لكم بيوديكم السوبر ماركت والحين الساعة 12 ونص ها ؟
رهف تبتسم : أنتوا ياحبي لكم بس
مشاري : يالمصلحجية
رامي : انا بالنسبة لي عادي اوديكم بس سياغتي (سيارتي) ماتكفي
مشعل : حتى انا إيزي بس أهم شي قولوا لأمكم
مسك : إيوا هذا عيال العم ولابلاش
مشاري : اجل يلا
ملاك : يلا بنتجهز ونجيكم
الشباب : أوكي
راحوا البنات كلهم داخل الفله يتجهزون ومسك قالت لأمها أنهم بيروحون السوبر ماركت مع الشباب و وافقت ام فارس
أول من طلع من الفله روان وسارة .. شافوا الشباب جالسين على حالهم عند الطاولة يسولفون
ريان : أمداكم بسرعة خلصتوا
روان رفعت كتوفها : احنا أصلا جاهزين بس رحنا ناخذ شنطنا بس
مشعل : تروحون بعباية الكتف وكاشفين وجهكم ؟
سارة تسكر شنطتها الي سيرها الطويل على كتفها : إيه عادي أحنا عبايتنا سادة مافيها خرز وموديلها البشت مو مخصره و وجهنا عادي مافيه زينه وأحنا تونا بمتوسط صغار مبعد
مشعل : أهآآ
جاو البنات وكلهم لابسين عباية كتف من نوعية البشت أو الفراشة ومتنقبات : يلا
يوسف : هههههههههههه يقالكم سلاحف النينجا
الشباب : ههههههههههههههههههههه
رهف : هه ها هه ماتضحك يلا
يوسف : من الحين ماني بجاي وياكم بسيارتي بركب مع فارس عشان ماتصير مسيرة
مشاري : حتى أنا بركب مع ريان مرة وحده
رامي : أجل حتى أنا بغكب (بركب) مع مشعل
فارس : شباب تخيلوا تطب علينا الهيئة ومعانا البنات يمكن يظنون أن أحنا مانقرب لهم تتوقعون شنو يصير خخخخخ
البنات كلهم بنفس الوقت : يازينك وأنت ساكت
الشباب : هههههههههههههههه
راحوا الشباب والبنات ركبوا السيارت ومشوا .. وكان ترتيبهم كذا ( في سيارة ريان معاه مشاري و ورى مشاري مسك و سمر ورهف ، و في سيارة مشعل معاه رامي و ورى ملاك و روان وسارة ، وفي سيارة فارس معاه سامي و ورى يوسف )
في سيارة ريان ..
ريان : أقول جبتوا فلوس معاكم ؟
رهف : أكيد يعني بنروح عشان نتفرج
سمر بصوت خفيف تكلم مسك : بس أنا ماجبت بوكي
مشاري سمعها : خلاص أحنا ندفع لكم
مسك : لا مايحتاج انا جبت معاي بوكي وبطاقة الصراف إذا ماكفى
مشاري رخى نفسه على الكرسي وابتسم : براحتك
في سيارة مشعل ..
سارة و روان وملاك داقينها سوالف مع مشعل ورامي
سارة : لا جد مو متزوج انت يعني ؟
مشعل وهو يلف بالسيارة ابتسم : يعني لو تزوجت معقولة ماراح يوصلكم الخبر
ملاك : إيه صح
روان : خلاص أحنا ندور لك بس عطنا مواصفات
رامي : هههههههه أحسن مسكوه لمن يتزوج أمي تعبت معاه
سارة : ترا حتى أنت يارامي أنت أشر بس واحنا ندور
رامي : لالا يغحم (يرحم) أمك لاتقغبين(لاتقربين) عندي
الكل : ههههههههههه
في سيارة فارس ..
يوسف : فارس شغل شي حلو
سامي وهو يقلب بالكستات : شنو تبغى نحط ؟
يوسف : أي شي
سامي : إي شي اي شي
ويحط سامي كست بالمسجل ويشغله ويطلع صوت عزف مررة حلو
يوسف : الله أنت عازفه ؟
فارس ابتسم : إيه
وجلسوا يسولفون
وصلوا لسوبر ماركت و وقفوا سياراتهم جنب بعض وطلعوا ..
مشعل : شباب بنات تعالوا
اجتمعوا الشباب والبنات : نعم
مشعل ابتسم وبستهباله المعتاد : الله ينعم عليكم .. أنا بعطيكم خطة نبي الله يعقوب لعياله .. لاتدخلون كلكم من باب واحد عشان لاتطخكم عين
الكل : ههههههههه
سارة : بس بس لايكثر خلونا ندخل
ودخلوا داخل السوبر ماركت ..
عند البنات ..
سارة تمسك يد روان : أنا و روان بنروح قسم الحلويات
مسك : اوكي وانا وسمر قسم البطاطسات
رهف وملاك بنفس الوقت : أجل أحنا العصيرات
البنات : أوكي
وتوزعوا بالسوبر ماركت..
عند الشباب ..
مشعل : شباب اشتروا الي تبغون الحساب علي
مشاري : لاتكلف على نفسك .. كل واحد يدفع لنفسه
فارس : إيه .. يلا يوسف تجي معاي
يوسف : يلا
مشعل : بكيفكم أنا عرضت عليكم
وتوزعوا الشباب ..
في قسم الحلويات ..
سارة و روان يتمشون وهم كل دقيقة شايلين كرتون من كل نوع يعجبهم وحاطينه بالعربة
روان : سارة شرايك نجرب هذا ؟
سارة تاخذ كرتون جلكسي وتحطه بالعربة : إمم عادي اخذيه نجربه
روان حطته بالعربة
مر جنبهم رامي : الله الله كل هذا لكم ؟؟
روان لفت عليه : إيه شفيك عادي
رامي : تاخذون بالكغاتين (بالكراتين)
سارة تناظر الرفوف تشوف شنو ماخذت : إيه عشان مانظطر بعدين نجي هنا مرة ثانية
رامي يمشي عنهم : أهآآ بغاحتكم (براحتكم)
في قسم البطاطسات ..
سمر بتعجب : مسك شنو تسوين أنتي ؟
مسك وهي تحط كرتون ليز بالعربة الثانية : سمورة الحين أنتي شنو تشوفين ؟
سمر : تحطين كراتين بطاطسات بالعربة
مسك : خلاص هذا انتي قلتيها
سمر : بس مو كأنها كثير تاخذين الكرتون ؟
مسك لفت عليها اخيرا : لا عادي بالعكس حلو لانه عشان بعدين مانروح ونجي وبحطه بالمخزن حقنا ومتى مابغينا أخذنا منه
سمر : أهآآ والله انك مو سهلة
مسك : أحم أعجبك
.. : أكيد تعجبيني ونص
لفوا مسك وسمر على الصوت الي جا من وراهم
عند قسم العصيرات ..
ملاك : أقول رهف شيلي كرتون بيبسي وانا بشيل كرتون ميرندا ونحطهم بالعربة
رهف : أوكييك
وحطوا كراتين المشروبات الغازية بالعربة
ملاك : إممم والحين خلينا ننقي عصيرات على كيف كيفك
رهف : ههه يلا
وجلسوا ياخذون من كل عصير يعجبهم
نرجع لقسم البطاطسات الي فيه مسك وسمر ..
لفوا مسك وسمر على الصوت الي جا من وراهم
مسك : خير ؟ هذا مكان للتسوق مو للمغازل يالصايع
الشاب1 : أفاااا أنا صايع ؟؟ بس ماعليه كل شي يهون عشان هالعيون
مسك لفت عنه وسمر سوت نفس الشي
الشاب2 : لااا عطونا وجه عاد
الشاب 1 يطلع ورقة فيها رقم و يوقف جنب مسك: حبي أنتظر صوتك في الليل
مسك عصبت لانها أبد ماتطيق هالأشكال : حبك برص إنشالله
الشاب1 : دعوتك عسـل على قلبي
الشاب2 يناظر سمر نظرات وقحة : ياللي معها (يقصد سمر) كلميني ليه الكبرياء هذا
سمر طبعا وحدة خوافة من جو جنبهم وهي ساكته من الخوف و واقفة جنب مسك
الشااب 2: يلا ياحلوة خذي الرقم بلاش غرور
وتوه بيلمس يد سمر عشان بيحط الرقم بيدها إلا يجيه كف يلف وجهه 180 درجة
سمر لفت تشوف من الي ضربه : مم .. مشعل
مشعل ابتسم لها ولف على الشاب 2 وبهدوء أرعب الشابين : إذا أهلكم ماعرفوا يربوكم ويمشونكم على الصراط المستقيم أنا أربيكم
الشاب 2 يحرك يده على مكان الكف ويناظر مشعل نظرات استفزاز
الشاب 1 : مالك دخل فينا ( ويناظر مسك وتوه بيمسك يدها عشان يستفز مشعل إلا
الشاب 1 شاف نفسه بسرعة البرق لازق بالجدار ويجيه ذاك الكف الي لف وجهه 360 درجة
.. : ياحمار ياكلب جرب تلمسها وتعرف كيف أربيكم ياحوش
مسك : مشاري خلاص ماعليك منه لاتوصخ نفسك معاه
مشاري ناظر الشاب نظرات حارقة خلته ينحاش هو وصديقه .. لف مشاري على مسك وهو يبتسم : يحمد ربه ما حفرت له قبر هنا
مشعل : ها خلصتوا ؟؟ لكم تقريبا نص ساعة
سمر : أسأل مسك الي كل دقيقة تقول بعدين
مسك : لا خلاص خلصت
وتدق مسك على سارة وملاك عشان بيمشوا
واجتمعوا الشباب والبنات عن المحاسبة
البنات عند المحاسبة ومعاهم اربع عربيات عربية حلويات وعربيتين كراتين بطاطس وعربية عصيرات ومشروبات غازية وكل العربيات معبين أغراض لفوق
اما الشباب كلهم بعربية وحدة
سامي متفاجأ : إييييييييييييش كل هذا
فارس : توك تشوف هالمنظر تراه عادي تعودنا عليه كل مانجي ياخذون السوبر ماركت كله معاهم
مشعل : أنتوا من جدكم بتاخذون كل هذا
ملاك : لا من جدتنا .. أقول أمش وانت ساكت
رامي : طيب من بيحاسب عن كل هذا ؟
سارة طلعت بطاقتها وباستها وهزتها قدام الشباب : هذي الحلوة بعد قلبي
الشباب : هههههههه
طبعا البنات مارضوا أن سارة تدفع عنهم بدون مايحطون شي دفعوا كل وحدة خمسين وسارة دفعت الباقي من البطاقة .. والشباب دفع لهم مشعل بعد ما أصر عليهم وطلعوا كلهم من السوبر ماركت بحساب تقريبا بـ 900
وهم يمشون على جهة السيارات
مشعل : أقول سارة شنو يقرب لك حاتم الطائي ههههههه
الكل : هههههههههههههه
سارة : ولد عم جد خال جدتي بالرضاعة
الكل : ههههههههههههههههههههه
رامي : لا ماشالله عليكم تاخذون أغلى شي وبالكغاتين (بالكراتين)
روان : عادي أهم شي نستانس
ملاك : شباب ليه ماشريتوا شي ؟؟ بس شريتوا بعربة وحدة
سامي بمزح : قلنا بناخذ منكم شوي أحسن
رهف و ملاك و روان وسارة ومسك : مااااا فيه
يوسف وفارس : بسم الله الرحمن الرحيم منكم بس
سمر : شفيكم عادي خلوهم ياخذون ما راح يصير شي
سارة : أقول سمور يازينك وانتي ساكته .. قالت إيش قالت اعطيهم
ريان : أحسن وحدة فيكم سمر الطيبة مو مثلك اشرار
روان : ما ادري ليه يوم قلت أشرار تذكرت باور رينجرز
الكل : ههههههههههههه
مسك : شرايكم نروح باسكن روبنز نشتري آيس كريم
البنات : إيييييه
مشعل بمزح : تدرون انكم ماتنعطون وجهه
ريان : توك تحس
فارس : خلاص بنات بكرة عشان دانيا تكون معاكم لو تدري عنكم كان ذبحتكم
رهف : إيه صح تكسر الخاطر هي ودانة ما مريناهم
سارة : خلاص خيرها بغيرها لاني اتوقع ما راح يرضون ينامون عندنا
ملاك : يمكن بس بالمرة الثانية نكلمهم اوكي
البنات : اوووكييك
وركبوا السيارات ورجعوا الفلـه ..
وصلوا الفلـه ونادوا الخدامة تساعدهم تاخذ الاغراض مع البنات أما الشباب رجعوا بيت خالد (بومشعل) ..
دخلوا البنات غرفة مسك أما مسك الي كانت بالمطبخ ومبعد تفصخ عبايتها بس منزلة شيلتها على رقبتها وتحط الميرندا والبيبسي بالفريز عشان يبرد بسرعة
دخل مشاري المطبخ وهو مايدري أنها فيه شافها تصف الميرندا والبيبسي ومنزلة شلتها على رقبتها جلس يناظرها مدة دقيقة "" الاخ مفهي خخ" .. انتبهت له مسك وبسرعة لفت شيلتها على راسها وكملت صف الميرندا والبيبسي بدون ماتناظره
مشاري يحك رقبته : ما كنت ادري انك فيه أسف
مسك بدون ماتناظره : عادي
مشاري بهدوء خلا مسك تفكر شوي .. فتح المخزن الي بالمطبخ وجلس يناظر بالبطاطسات والأغراض الي شروهم من السوبر ماركت واخذ له بطاطس ليز بالفلفل الحجم الكبير
مسك خلصت صف المشروبات الغازية قامت وراحت عند المخزن : مشاري شوي
مشاري بهدوء بعد شوي عن باب المخزن
مسك في نفسها "" بسم الله .. صاير مؤدب اليوم .. يمكن نزل عليه الوحي "" واخذت لها مصاصة من النوعية الحامضة وكم شيبس عشان بترقى فوق .. شافت مشاري بياخذ مصاصة مثلها وقالت بعفوية وهي تفتح مصاصتها وتأشر فيها على مشاري: ترا البنات بيذبحونك إن دروا أنك ماخذ من الأغرض
فاجأها مشاري بحركته انحنى و خلا المصاصة الي كانت في يد مسك تاشر فيها عليه في فمه وابتسم واهو يناظرها
مسك تناظر مشاري بتعجب وهي لحد الحين ماسكة عود المصاصة : خير هذي حقتي
مشاري وهو لحد الحين مافك المصاصة من فمه هز راسه نفي ومد يده بيمسك عود المصاصة عشان تتركها .. وبالفعل مسك من شافته مد يده للمصاصة تركتها
مشاري ماسك المصاصة بعد ماطلعها من فمه : خلاص صارت حقتي .. ومشكورة عليها
مسك رفعت حاجبها : لا والله
مشاري قرب منها شوي : والله
مسك رجعت عند المخزن وقاعدة تاخذ لها مصاصة مرة ثانية ومشاري وقف ورها بالضبط ويفصل بينه وبينها شبر يشوف شنو تاخذ
خذت مسك نفس نكهة المصاصة الي من دقايق اخذها مشاري جات بترجع ورا صدمت بصدر مشاري لفت عليه مرتبكه : سوري
مشاري مستانس مافيه بينه وبينها إلا يمكن 5 سم بس .. قرص خدها بالخفيف وهو منحني لها ويبتسم : ياويلي ويلاه خليني اروح لا تنحرف أفكاري
مسك ناظرته متعجبه وقلبها صاير طبوول ولا تحركت
مشاري شافها ماتحركت استانس وزادت ابتسامته وحط المصاصة الي بيده بفمه وخلا يده الثانية تقرص خدها الثاني بعد 10 ثواني تركها بسرعة وراح جهة الباب بيطلع وطلع المصاصة من فمه : لالا أطلع الحين ولا راح تنحرف أفكاري جد ( وأشر لها بيده باي ومشى)
مسك أول ماطلع مشاري رفعت يدها الي ماسكة فيها المصاصة حقتها لجهة خدها وتحسسته وكلامه يرن بأذنها "" لالا أطلع الحين ولا راح تنحرف أفكاري جد"""وقامت تفكر بس بعدين طردت كل الأفكار من راسها و راحت فوق و لا كأن صار شي
ملاك : أقول سارة أنا فيني زيران أبغى أطلعهم تصيرين معاي
سارة : افاااا عليك بس يلا
روان : بناات والله مشتهية مرة أسوي مثل الروايات والمسلسلات البس ثوب وشماغ ونرقص
رهف : إيه شرايكم نجرب نسويها ؟
سمر : من جدكم
مسك : إيه عادي دقيقة اجيب ثوب من عند فارس
راحت مسك وجابت 4 أثواب وشمغ وعقالات : خذوا
ملاك وروان وسارة ورهف ماصدقوا على الله خذوهم ولبسوهم
سارة متلثمة : يلا يلا شغلوا أي شي
ملاك نفس الشي متلثمة شغلت شي يرقص وجلسوا البنات أنواع الرقص ومسك حطت كاميرا الفديو على جنب عشان يصورون لأن البنات قالوا لها
ملاك وهي تمسك يد سمر عشان ترقص معاها وتصفق وترقص رقص رجولي : إيوا إيوا
سمر تضحك وهي ترقص
رهف كانت مو متلثمة وقاعدة ترقص مع مسك وتصفق وتصفر : احلى يلاااا ( وتلثمت وهي تدور حولين مسك وهي ترقص
أما روان وسارة انواع التقليد على رقص الشباب في العروس
روان : شوفي كذا يرقصون
وتقلد على الشباب الي شافتهم بالعروس
سارة قامت ترقص معها وعلوا صوت الدي جي وقاموا يرقصون بدفاشة وجنون
البنات : أوووووووه يلا يلااااا
مسك وسمر قاعدين يرقصون مع بعض قدام الكاميرا وجاو جنبهم ملاك و روان وسارة ورهف الي كانوا متلثمين ومصدقين حالهم انهم أولاد ويرقصون حولين مسك وسمر
&&&&&&&&&&&&&&&&&&&&&&&&&&
نرجع للشباب
في بيت خالد (بومشعل)
الساعة 2 الليل
خلصوا من فلم رعب دموي كانوا جالسين يشوفونه
ريان : والله ما حد فالها إلا البنات أسمع صوت الدي جي لهنا
يوسف : إي والله شكلهم قالبين الدنيا فوق تحت
بعد ربع ساعة صوت الدي جي اختفى ..
فارس : وجع عطيتوهم عين ليكون انفجر عليهم بس
سامي : ههههههه دق عليهم شوف
فارس اتصل على مسك : هلا .. شفيه صوت الدي جي طفا .. أهآآآ .. ظنينا أنه انفجر ولا شي هه بلا بياخة .. طيب أي أوكي سلام
مشاري : هااا .. شنو قالت ؟؟
فارس وهو يحط جواله بجيبه : لا أبد بس يقولون انهد حيلهم وبينامون الحين
رامي : اكيد ماوغى(ماورى) هالإزعاج إلا أكيد بينهد حيلهم .. بقوم انام
الشباب : حتى أحنا
مشعل : خلاص .. فيه غرفتين فوق غرفة فيها سريرين وغرفة فيها سرير كبير مزدوج روحوا فيهم
ريان ويوسف حطوا رجولهم على الدرج وصعدوا بسرعة على الغرفة
يوسف جلس على سرير : ههههههه حجزته
ريان جلس على السرير الي جنبه : ههههههههههههه حتى أنا حجزته
رقوا مشعل وسامي ورامي وفارس ومشاري فوق ..
مشاري وفارس دخلوا الغرفة الي جالسين فيها ريان ويوسف : لا والله
ريان ويوسف : ههههههههههههه
مشعل وهو يروح لغرفته : ههههههههه خلاص أنا بروح انام مشاري وفارس روحوا الغرفة الي فيها سرير مزدوج خخخخخخخخ
رامي دخل غرفته : ههههههههههههه يلا اشوفكم على خير
سامي : ههههههه مساكين مع السلامة
مشاري وفارس ناظروا بعض يبتسمون بسخرية
فارس : ههههههههه ملاعين انحاشوا كلهم
مشاري يناظر ريان ويوسف الي مسوين أنفسهم نايمين : هههههه أمرنا لله أمش
طلعوا من الغرفة وريان ويوسف ناظروا الباب الي تسكر : ههههههههههه
مشاري وفارس دخلوا الغرفة الي فيها السرير الكبير المزدوج
فارس انسدح على جهة اليمين من السرير وارتخى : أنا بجهة وانت بجهة أوكي
مشاري فصخ تي شريته وخلى البرمودا الي لابسه وانسدح على السرير من جهة اليسار : هههههههه أوكي بس قم افصخ تي شريتك على الأقل ما أعرف أنام مع احد لابس خخخخ
فارس جلس على السرير وهو يفصخ تي شيرته : ههههههه والله ينخاف منك
مشاري : ههههههههه نام بس نام
فارس : ههه تصبح على خير
مشاري : هههههه حشى زوجتي وأنا ماأدري بس ماراح أردك وبيقول لك وأنت من أهله .. ويلا نااام
فارس تغطى باللحاف : خخخ طيب
&&&&&&&&&&&&&&&&&&&&&&&&&&&
عند البنات
سمر و مسك ناموا في غرفة كل وحدة بسرير
أما رهف وملاك و روان وسارة ناموا بالغرفة الثانية بعد مافرشوا لهم بالأرض مفرش عشان يكون مع بعض وطبعا هالرباعي ماناموا إلا بعد ساعتين من السوالف وتهديد من أم فارس لانهم بجد هستروا ..
يوم الخميس ..
نهــــــآآية البارت الـرآبــــ عشر ـــع .. ^^
أرائكم وتوقعاتكم تهمني ..^^
&&&&&&&&&&&&&&&&&&&&&&&&&
~| البــآرت الخــ عشر ــآمس |~
عند البنات
سمر و مسك ناموا في غرفة كل وحدة بسرير
أما رهف وملاك و روان وسارة ناموا بالغرفة الثانية بعد مافرشوا لهم بالأرض مفرش عشان يكون مع بعض وطبعا هالرباعي ماناموا إلا بعد ساعتين من السوالف وتهديد من أم فارس لانهم بجد هستروا ..
يوم الخميس ..
الساعة 2 الظهر ..
البنات كلهم نايمات ماعدا مسك الي قامت من النوم وتروشت ولبست بيجامة بيتيه قطنيه اكمامها كت جبنيز ومرسوم عليها ورده كبيرة باللون البرتقالي وبرمودا والبيجامة عموما يختلط فيها اللون البرتقالي والأبيض .. ومشطت شعرها على السريع وتركته مفتوح عشان ينشف ..
طلعت مسك السجادة وصلت وراحت عند سرير سمر ..
مسك تهز سمر عشان تصحى : سمور يلا جلسي معاي البنات كلهم نايمات قومي..
سمر جلست وهي تبتسم بعدت اللحاف عنها ولأن سمر نومها من النوع الخفيف صحت بسرعة : طيب طيب ..
مسك : يلا دخلي الحمام(وأنتوا بكرامة) وتروشي هذي شنطتك الي فيها ملابسك ..
سمر ابتسمت وهي عونها نصهم مفتوحةو رجعت شعرها لورا بدلع عفوي : أووكي ..
دخلت سمر تروشت وبعد ربع ساعة طلعت لابسه بيجامة بيتيه نص كم لونها وردي فاتح مرسوم عليها ميني ماوس : يلا خلصت بس خليني أمشط شعري ..
مسك : أوكي مع أن شعرك شكله يبغاله ربع ساعة ثانية لمن تخلصين من شعرك ..
سمر ابتسم وجلست على التسريحة وماسكة المشط حقها وتناظر مسك من المراية : هههه لالالا الحين تشوفين ثلاث دقايق بالكثير واخلص
مسك : أنتظرك يلا
مشطت سمر شعرها بسرعة وخلصت وتوها بتلفه وبترفعه بالربطة : ها هذا خلصت ..
مسك : طيب .. بس لاترفعينه خليه ينشف
( وقربت من عند سمر وفتحت الدرج الي بالتسريحة وطلعت ربطة وردي نعومة ومسكت شعر سمر وربطت لها وخلت الربطة مرتخيه وخلت شعر سمر كله على جهة اليسار وصار شكل سمر مرة كيوت)
مسك : كذا احسن عشان ينشف
سمر ابتسمت لها
مسك تفرش السجادة لسمر: يلا قومي صلي
سمر قامت وتوضت وصلت وسفطت السجادة : طيب .. شنو نسوي الحين ؟
مسك خذت سمر لتحت في المطبخ ..
سمر : ليه شنو بتسوين هنا .. ؟؟
مسك : بجرب أطبخ
سمر تفتح الثلاجة : ترا بصب عصير عادي ؟؟
مسك : بعطيك كف ترا على هالسؤال .. ياشيخة لاتستأذنين أنتي في بيت عمك اخذي الثلاجة بعمرها
سمر ابتسمت وصبت لها عصير فواكه مشكله وتشرب منه : مسوك بجدك بتطبخين غدا للبنات ؟؟ شكلك مالك بالطبخ ابد ..
مسك وهي تجرب تسوي مكرونه حمرا : سمور عاد بلا تحطيم .. انا قلت بجرب اسوي مكرونه حمرا و بكسر روس البنات يقولون ما أعرف اسوي غير سندويش جبن ..
سمر : ههههههه وهم الصادقين .. ما ادري ليه حاسة بيصير تسمم من ورا طبخك ..
مسك واقفة قبال الفرن وتحرك المكرونه : تسمم ها ؟؟ الحين إذا استوى وكلتي أصابعك قولي تسمم ..
سمر : وين امك غريبة ؟؟ و وين عمي ؟؟
مسك : أمي اكيد نايمة بعد امس البنات ماجننوها وأبوي أتوقع أنه بالشركة الحين
سمر : أهآآ .. طيب قلتي لأمك أمس تطبخ غدا إحتياط ..
مسك تركت الملعقة الي تحرك فيها المكرونه وقومت سمر من الكرسي وطلعتها برا المطبخ بمزح : الشرها علي أنا الي مدخلتك معاي عشان تصيرين لي عون .. قلبتي علي فرعون والله ما منك فايدة .. روحي ررحي جلسي البنات احسن وجربي كل اساليبك لأنهم مايقومون بسرعة
سمر : هههههههه طيب طيب ( وراحت فوق تجلس البنات )
&&&&&&&&&&&&&&&&&&&&&&&&&&&&&&&
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك