رواية اعشق نقاشه لا شافني اتحدى كلامه -10
حمد : هي تعااالي ...
راحت وما اعطته وجه ,,
بسمه : رابعة .. خلينا نروح البحر نغير جوو ..
رابعة : هاه .. والله ما ادري يا بسمة ..
بسمة سحبت رابعة وقالت : يالله عااد وش فيها تراا محد بياكلك .. يمه عمتي ام ماجد عمتي منيرة مو رايحين ؟
ام ماجد : لا والله يا بنتي .. روحوا لحالكم ..
بسمة : فتون , اثير .. لازم دعوة ؟
اثير : طيب الحين قايمين .. شوفي اصلاً العبايات عند المدخل , .,
منيرة : طيب بسمة خذوا معاكم رنا . .
بسمة : على عيني عمتي .. طيب هي وينها .. ؟
منيرة : تتفرج على التلفزيون ...
بسمة : طيب ..
ام حمد : يمه بسمة اسفة اخرناكم بس وين روان .؟؟
بسمة : نايمه ..
ام حمد : تعبانه فيها شئ ؟
بسمة : لا بس امس ما نامت ..
ام حمد : طيب خلاص .. مع السلامة . . انتبهوا على نفسكم ..
بسمة : ان شاء الله ..
تجهزوا كلهم .. وانقسموا بسيارة حمد وسيارة حسام ,,
وصلوا للبحر حطوا الفرشة وقعدوا يسولفون
وسن قامت تبي تتمشى قدام البحر ,, وبنفس الوقت كان ودها
تفتهم من حمد اكثر ’’
: ضايقوك مو ؟؟
التفت لقت حمد وقالت : هههههههه ,, مو مرة .. بس حبيت اتمشى على البحر ,,
حمد: طيب يا وسن .. انتي تقبلين فيني بعد اللي سويته كله ,, ؟
وسن ناظرت في عيونه اللي كانت متجه على البحر . . وقالت : العفو عند المقدرة يا حمد ., ما بكون ارحم من ربي.. صح ؟
حمد : صحيح كلامك ,, بس اللي سويته فيك واجد ..
وسن : والله ما ادري يا حمد ,, خلينا نبدأ صفحة جديده . .
حمد : طيب تقبلين تتزوجيني ؟
وسن نزلت راسها وحست الكلام تبعثر منها وضااااااع ,, ما كان ودها تطيح بموقف مثل هذا ابداً ,.
وسن : ما ادري يا حمد ,, ما كنت اتوقع سؤال مثل هذا يجيني ..
كانت عيون حمد مركزة على البحر ..
قال : تبين شئ ؟ ..
وسن : لا ابد ما ابي شئ ,, تعشيت من الذبيحة توني ..
حمد : بالعافيه يا قمر ..
وسن خجلت ونزلت راسها طالعها حمد وقال : خجلتي .؟
وسن : هههه .. لا بس غريبه ..؟
حمد : ان شاء الله تتعودين على هذا الكلام ..
====================
رهف جالسه تتلفت يمين ويسار تدور على حمد ووسن ...
بسمه : عسى ما خلاف .. وش فيك ..
رهف : وين وسن ؟
بسمة : قالت بتروح دورة المياة ..
رهف " طيب بروح اشوفها ..
بسمة : طيب .. بس خلي جوالك مفتوح ..
رهف : تيب ..
قامت رهف تستطلع وين راحت وسن مع حمد ,
لقتهم واقفين قدام البحر , وكانوا يضحكون بصوت عالي ,
رهف كانت تراقبهم من بعيد . .
قالت : ليتني اطيح بواحد مثل حمد , صدق يا وسن حظك حلو ..
رن جوال رهف , وانتبهوا لها .. رهف لفت وجهها ومشت ,
حمد: هذي رهف والا انا غلطان ؟
وسن : لا هي ..
حمد : عادي مو انتي خطيبتي ؟
وسن نزلت راسها بخجل وقالت : ايه ..
حمد : يالله نروح قبل ما تقول ذيك الخبله لهم . .
وسن : يالله ..
جاء حسام وقال: حمد ممكن ابيك ..
حمد : اوك ... وطالع بوسن وقال : دقايق ..
حسام خبر حمد عن " روان"
حمد : يعني .. افهم انك تبي تعالجها في الخارج ؟؟
حسام : ايه , قالي الدكتور عن مستشفى بألمانيا عنده العلاج..
حمد : طيب توكل وروح ..
حسام " وامي .؟
حمد : نقول لها انكم رايحين سياحة او عمل وانك تبي روان عشان تساعدك هناك ,,
حسام : طيب خلاص .. راح اكلم الطبيب .. يالله عن اذنك ..
بعد ما رجعوا وراحوا الضيوف ,,,
بسمة : يمه , نسيت اقولك رابعة خطبتني لأخوها ,,
ام حمد : صدق , ماشاء الله رابعة من حسب ونسب عالي , وش وظيفة اخوها ؟ وكم عمره ؟
بسمة : يشتغل مهندس وعمره 30 ..
ام حمد :ما شاء الله ,, حمد شرايك ؟
حمد : مالي صلاح .. بسمة بتقرر على كيفها ..
ام حمد : خلاص قولي لها موافقين .. وخليه يجيب ابوه ..
بسمة : يمه امه وابوه متوفين ..
ام حمد : الله يرحمهم ان شاء الله ,, خلاص يجيب عمه ,
بسمة : ان شاء الله ..
============================
روان : لا مو بكيفك ,, ماني رايحة ..
حسام : روان حبيبتي ذا من مصلحتك ..
روان : لا مانييييي راااايحة ..
حسام : طيب الحين ادق على حمد يا ويلك منه ..
روان : ماني خايفة .. حمد انا اقدر اضربه واوريه ..
حسام : طيب طيب ذا الكلام مو عندي .. مو عشاني ضعيف معاكي تتكلمين معاي كذا ..
روان انسدحت وغطت وجهها باللحاف ..
: ايش صاير هنا ؟
حسام : تقول ما تبي تتعالج ..
حمد : ليه هوه بكيفها ؟
حسام : ما ادري , والله انا عشاني محترمها شوف كيف تعاملني .,
روان : محد قالك تحترمني ..
حمد : بتروحين بتروحين سامعه او لا ,, هوه مو جاي يستشيرك هوه جاي يعطيكي خبر ..
روان قامت ووجهها غرقان دموع وقالت : وان ما رحت وش بتسوون فيني ؟
حمد تنفس بقوة وقال : تبين تموتين ؟
روان : ايه . .
حمد : والله !
روان : ايه والله ..
حمد قرب وقال : بس احنا ما نبيكي تموتين احنا نحبك ..
ليه انتي عدوة نفسك كذا .؟
روان :......................
حمد : لا تجبرين الواحد يقولك كلام يزعلك ..
خلاص عاد ..
طلع حمد من الغرفة ,,
روان ابتسمت ..
حسام : ليش تبتسمين ..؟
روان : حمد ما قدر يجبرني على شئ. .
حسام : وهذا اللي مفرحك ؟
روان : ايه , وترا ان رحت بمزاجي مو عشانكم جبرتوني ..
حسام : اوك .. يعني موافقه .؟
روان : ايه ..
=================================
رجعوا للبيت , وجات رابعة وسالم لحتى يخطبون بسمة ,
كانت بسمة تحس بفرح وان الأرض مي شايلتها ,
اخيراً راحوا وكانوا موافقين ,
بسمة :يالله , مرة مرة مرة مرة مبسووووووووطة ,
رهف : عقبالي ,,
بسمة : بدينا نغااار ,,
رهف : هههههههههه , امزح معاك .. الله يوفقك ..
حسام : يمة ..
ام حمد : امر ؟
حسام : يمة انا بسافر لأمريكا ..
ام حمد : هو ..! ليه ؟
حسام : عندي عمل ..
ام حمد : روح الله معك ..
حسام : طيب يمة بآخذ روان معاي ..
ام حمد : ليه ؟ وش تبي فيها ؟
حسام : عشان تساعدني بالشقة ..
ام حمد : طيب خذ بسمة والا رهف. .روان مريضة يمة
حسام : لالا منها تغير جوو طيب ..
ام حمد : والله مدري ايش اقولك ... كلم حمد ,,
حسام : كلمته .. وقال كلم امي ..
ام حمد : خلاص دام هذي رغبتك بكيفك .. بس اهم شئ تكون موافقه لا تجبر عليها يمه ..
حسام: لا كلمتها موافقه ..
ام حمد : سملة عليك ,, كلمتهم كلهم ..
حسام : هههههههههههههههه , لازم اتأكد ..
ام حمد : الله يوفقك ..
====================
كلهم بالمطار يودعون "حسام " و "روان "
ام حمد تبكي وتقول : الله معك يا ولدي .. انتبه لأختك ..
حسام : من عيوني ..
حمد كلم حسام على انفراد : لا تنسى تخبرني بكل شئ ..
حسام : من عيوني ,,
======================
بعد اسبوعين ...
ملكت بسمة على سالم ..
روان : يالله يا حسام ودي ارجع اليوم قبل بكرة ..
حسام : ان شاء الله نرجع ..
روان : مو مصدقة ان ملكة اختي ما حضرتها. .
حسام : ان شاء الله بتعوضين بزواجها ..
روان : كم ممكن اجلس هنا ..؟
حسام : اممم ممكن شهر ..
روان: اففففففف
حسام : لا تتظجرين
============================
بالحديقة حمد جالس يقرأ الجريدة ..
: ممكن اجلس؟
حط الجريدة وطالع للي قدامه لقي ( وسن )
حمد ابتسم قال: تفضلي ..
ايش عندك ؟
وسن : ولا شئ. . بـس حـابة اجـلس مـعاك ..
حمـد كـمل يقراء بـجريدته ..
وسـن تضـايقت بداخلها لـيه حـمد ما انـتبه للوك الجـديد ؟؟
قـامت ودخـلت جوه ..
==========================
مر شـهر ..
بسـمة تكـلم سـالم وتـشوفه بـين فتـرة وفتـرة ..
وسن زاد حـبها لحـمد ,, حـمد تمـسك بـوسن اكـثر ,
روان تـشافت من المـرض وكـانت علـى وشـك الخـروج ..
حسام : خلاص باقـي يومين وتـطلعين ..
روان : ايه الحمد لله ,,
حسام : ما اشـوفك مـتحمـسه , مو مـثل اول طـفشتيني تبـين تطلـعيـن بأي شـكل ,.
روان : لا ابـد مـتحممممممممممسة بـقوة ..
حسـام : طيب انـا طـالع ..
روان: طيب ...
روان كـانت بالحـقيقة تتمـنى تـظل عمـرها بـذاك المـستشفى ,
كـيف تـبي تطلـع وحبـيبها ونـور عـينها بتـفارقه , كـانت تحـب شـخص دايم يتـردد عـلى نـفس المـستشفى , وكـانت يـوم تشـوفه يبـتسم لـها ...
قالــت : مـا بـطلع مـن هـنا الا بـعد مـا اخـذ رقمـة ..
=========================
بالبـيت حـالة استـنفار الـكل متـحمس يبـي يـقابل روان ,
جـهزوا لحـفلة كبيـرة بيـعزمون فيـها جـميع صديـقات روان
صـلحوا الزيـنة , وكـلموا المـطعم حـتى يجيب لهـم الأكل اللـي طالـبينه بالـيوم المـنتظر ,
وسـن كـانت تحـس بنـار الغـيرة على حـمد ما تـبيه يهتم بأحد غيـرها , حـتى مـن اخته تغـير ..
وسن : يالله , لازم اوقف هذا الشعور , يـا رب عـفوك ..
اللي بالـبيبت يجهـزون للأحتفال ,, وروان تـجهز لمـشوار طـويل بـطريق ( الحب)
=============================
راح حمد يستقبلهم عند المطار . . شافهم من بعيد ..
سلم عليهم حمد , وحـس ان روان مي مبـسوطة بالـرجعة ,,
حـمد : ما اشـوفك فـرحانه ..؟!
روان : لا ابد كيف مو فرحانة ؟؟ وانا راجعة عند اهـلي ..
حمد : طيب يالله ..
اول ما دخلوا البيت كانت الأنوار مطفية والبيت هدووء ..
فتحت روان الأنوار وانبهرت يوم شافت الزينة , الأثاث , والصـور حقتها اللي كانت معلقة على الجدار ..
واكـثر شئ فـرحها يوم شـافت امها وصديقات المدرسـة كلهم ..
راحت روان وشمت امها بقوة ..
كانت الدموع تنزل منها من الفرحة بلقيا اهلها ..
جلست مـع اعـز واغلى صديقاتها .. صديقتها من ايام الإبتدائي " ليان " .. اعتبرتها الأخت والصديـقة وكل شئ بالحياة ..
راحوا يتعشون ..
بسمة : ما بتاكلين .؟
روان : لا اكل بالطيارة
بسمة : بكيفك ..
ليان : وش عندك .؟
روان : عندي خبر بمليوووون ..
ليان : ايش ؟
روان : يالله يا ليان . . يوم اني بالمستشفى اشوف واحد كل يوم وكل ما اشوفه يبتسم بوجهي ..
ليان : وانتي وش سويتي ؟؟
روان : صبر ,, تكلممت معاه ..
ليان : واااي روان .. ايش هذي الجراءة .؟
روان : والله الحب يا ليان ..
ليان : اييه ما ناديتيني من فراغ وش تبين مني ؟
روان : ابيكي تكلمينه على اساس انك انا ..
ليان : يووه جنييييييتي .. ابوي بيدفني بمكاني لو عرف ..
روان : يوووه لياان .. بالجامعه .. كلميه وبشريحتي بعد وش تبين ؟؟
ليان : اوك افكر ..
روان : يالله , ليااان ترضين على زعلي ..؟
ليان : لا اخس عليك بس .. طيب طيب ..
روان : اوك نتفق شوي ..
ليان : الله يستر ..
=========================
حددوا موعد الزواج ... زواج سالم من بسمة ..
جهزوا كل شئ حجزوا القاعه .. وزعوا الكروت , استروا الفساتين , الشقة كاملة , بسمة استعدت ..
القاعة كانت بفندق انترناشيونال ..
عدى الزواج على خير .. يوم جات الزفة .. رابعة راحت ,
ما تقدر تشوف اخوها الوحيد بيوم زواجه بدون ام .. ولا اب ..
سالم يتفت يمين يسار يدور على رابعة ..
رهف تقول لوسن : شكل عينه زايغة شوفي كيف يتلفت ..
وسن : هههههههههه , ممكن يدور اخته .. رابعة اختفت بالزفة ما تلاحظين ؟
رهف : ممكن ظرق طارئ وي ..
وسن : هههههههههه
بسمة كانت تهبل بالمرة .. يوم كانت على الكوشة .. جات خطيبة سالم السابقة تسلم عليها , كانت الغيرة ماكلها قلبها ..
رخت عند بسمة وقلبت القاتوة على فستان بسمة ..
وابتسمت وقالت : يوووه سووري ما انتبهت ..
بسمة حبست دموعها ..
قالت اثير : يالله الموقف جد جد محرج .. بالذات لا كان قدام زوجها ...
رهف ما قدرت تمسك نفسها واندفعت على خطيبة سالم السابقة واللي اسمها ( يسرى ) وصارت مضاربه ....
فرعوا بينهم .. بعد ما اختبص وجه يسرى بالماكياج ...
بسمة حست النار اللي بقلبها انطفت ...
راحت تنظف ثوبها وكان سالم هوه اللي ينظفلها ياه ...
بسمة : معليش تعبتك معي ..
سالم : تعبي راحة ..
==========================
ام ماجد : يعني لازم تخربون الزواج ..
رهف بعصبيه : لا لا ما خربنا الزواج ولا شئ تجي وحده من &&&&&& تخرب فرحة اختي ليه يا ستي ... اخخخ وسن بشويش ..
يد رهف نزفت من المضاربه اللي حصلت .. بس رهف ما كان همها الا اختها ...
==========================
رجعوا البيت ,. وام حمد راسها مصدع من كثر ما بكت على بسمة .. راحت تنام بغرفتها .. ووسن ورهف يتناقشون باللي حصل بالزواج ..
رهف تغمز لوسن : عقبالك يا ست ..
وسن : هههههههه ان شاء الله ,,
===========================
تواعدت روان مع ليان بالمجمع ..
على اساس ان ليان تبي روان بموضوع مهم ..
روان : خير وش السالفه تراا خوفتيني ..
ليان : والله مدري وش اقولك يا روان ...لكن( ناصر) ..
روان : ايش فيه ؟؟
ليان : اممم .. خبرته اني مو انتي ..
روان : وقفت بصدمه وقالت : طيب ليه ؟؟
ليان : لأنه حبني وحب يتقدم لي ...
روان : ...............
ليان : سامحيني يا روان .. بس فرصة مثل هذي ما بفوتها .. خصوصاً انه طيار وله منصب كبير و...
روان : يعني ناديتيني عشان تقولين لي هذا الكلام ؟
ليان : طيب ..
روان : لا طيب ولا شئ .. ان الحيوانه اللي وثقت فيكي ..
وطلعت من المجمع وقلبها كان يعورها من تصرف صديقتها ..
=============================
تزوجت اثير من راشد .. وكان حفل بسيط جداً ...
روان نسيت او حاولت تتناسا .. وكانت جالسه بالصالة ...
رهف : يالله ما تلاحظون شئ ..
وسن : لا ايش؟
رهف : كل بنات العائلة تزوجوا ما عادي عنست هنا ..؟
حمد : من زينك عاد والله ما تساوين ولا ريال ..
وسن :هههههههههههههههه
رهف : ايه تضحكين .. لأنك ظامنه نصيبك مع توم كروز اللي جالس لي هناك ..
: هههههههههههههههه ,,
روان : يؤؤؤ .. حمد خطبت روان !
حمد : لالا .. بس قريباً ان شاء الله ..
روان : هين والله لأعلم ..
حمد : يا ويلك ..
روان قامت تركض وطلعت الدرج وكانت متوجهه لغرفة امها ,,,
حمد نقز من مكانه وقال : والله لأوريها ..
مسكها مع شعرها
روان : اي اي فككك وجعععععع ...
حممد : امشي بسرعة ...
روان : يممممممممممممة حممممممد بيخطب وسسسسسسن ..
رهف سمعتهم وهي تحت وقالت : ههههههههههه شفتوا روان فضيحة ...
وسن : هههههههههههههههههههههههههه
حمد سد فم روان .. جات ام حمد وقالت : صدق يا وليدي ؟
حمد : .............................
ام حمد ابتسمت وقالت : دام اني ما اواطن وسن ابد بس دام هذي رغبة ولدي فخلاص ..
وغطرفت بصوت عالي ...
..
رهف : وااااي امممي عرفت ووافقت مين يصدق ..
وسن مي مصدقة اللي حصل ... بس طلعت الحديقة عند ريماس ..
حسام دخل الصاله رهف اول ما شافته صاحت وقالت :
واااااااااااااااااااااااااااي حسام قصص شعرررررره سابيكي...
نزل حمد وروان من فوق ..
روان قالت: ليه يا غبي اول يوم كان طويل احلى عليك ..
حسام : لا وععععع ,, تبيني مثل ذاك الأطمخ حمد ..
وسن : اننننتبه لا تغلط
حسام طالع بحمد ورجع يطالع بوسن ..
: ههههههههههههه
حمد نزل راسه ومسك الضحكة ..
حسام : المهم ما علينا بحقق بالموضوع بعدين ... فتون ولدت ...
رهف : يالله الأفراح تجينا من كل صوب ..
ام حمد : الف الف مبروك يا وليدي ...
كلنا بنزورها الحين ,,,
حسام : طيب.. انا رايح ..
ام حمد : طيب بأي مستشفى ؟
حسام : مستشفى ..........
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك