رواية ساره وصراع الحب -10
سعد:شسوي فيكم انذال تروحين وتخلوني ضايع.
أحمد:أقول تعال بس نكمل تمشيه.
سعد:يلا.
وراحوا يتمشون والبنات جاوا عند العنود.
العنود ضمت ساره وساره تحسبها من الخوف جات تضمها.
ساره:اسفه حياتي خليناك لحالك.
العنود ضربت ساره من ظهرها:مره ثانيه بعلم أمي.
ساره:خلاص اسفين يلا نكمل مشي.
وكملوا مشي رجعوا الساعه١٠بالليل الفندق الكل نام الا ساره والعنود جالسين يسولفون.
العنود:اي صح نسيت اقولك ايش صار لي اليوم.
ساره:ايش صار.
العنود ضحكت وقالت لساره كل اللي صار.
ساره:خير ايش تحسين فيه.
العنود:والله من غير شعور احس اني نسيت نفسي احس صرت أنا وياه بس في عالم ثاني.
ساره:لا اكيد انجنيتوا أجل بعدين ايش بتسوون.
العنود:لا ان شاءالله مانسوي شي.
وضحكوا وجلسوا يسولفون وناموا الساعه١٢ الساعه٨صحا سعد اتصل على امه وراح لها.
أم سعد:هلا والله بوليدي اخبارك.
سعد باس رأس امه:الحمدلله بخير أنتي اخبارك.
أم سعد:الحمدلله ايش فيك جالس من الصبح.
سعد:والله أمس شاغل بالي موضوع وابي اكلمك فيه.
أم سعد:بسم اللي عليك ايش فيك.
سعد:ابي اتزوج بس مو الحين بس ابيها في هذا الوقت خطوبه بعدها اتزوج.
أم سعد فرحانه:والله فرحتني بس قولي مين وان شاءالله راح ازوجك اياها.
سعد:العنود.
أم سعد فرحت زياده:خير مااخترت والله ومن بعد ماتغيرت صارت نعم البنت وأهلها والنعم فيهم وأنت عارفهم زين.
سعد:مايحتاج يمه بس ها وافقتي.
أم سعد:والله مو أنا على كيفي راح نكلم أهلها ونشوف بس ايش معنى مااخترت الا هي.
سعد:شفتها صدفه في زواج محمد وعجبتني وهي بنت خالي.
أم سعد:الله يكتب اللي فيه خير.
سعد:مشكوره يمه أنا رايح تامريني على شي.
أم سعد:الله يحفظك.
وطلع سعد والدنيا ماتكفيه من الفرح ونام على طول أم سعد على طول كلمت أبو سعد بالموضوع وأبو سعد كلم أبو محمد لما صحا الكل الظهر سمعوا الحريم عندهم ازعاج راحوا البنات عند الحريم وبالذات لما دخلت العنود الكل يبارك لها ويدعي لها الكل مستغرب ويناظرون في بعض.
ضي:وش السالفه وش صاير.
أم محمد:تعالي جنبي يابنيتي.
العنود جلست بجنب امها.
أم محمد:اليوم سعد طلب يدك من ابوك.
العنود كان أحد صب مويه مثلجه عليها وماتكلمت.
أم محمد:ها مواقفه.
العنود:يما بس.....
أم محمد:والله انه رجال والنعم فيه وماينعاب وأنتي تعرفينه زين.
العنود ماقدرت تجلس قامت بسرعه وراحت الغرفه الثانيه تبكي.
قامت ساره وضي لحقوها والبنات وراهم العنود أول ماشافت ساره ضمتها وهي تبكي.
ضي:بنات معليش اطلعوا خلوا العنود ترتاح.
البنات طلعوا.
ساره:عنوده حياتي ليش تبكين مو أنتي تحبينه.
العنود تبكي:ايوه بس مو سهله ان يجي أحد ويقولك انخطبتي.
ضي:ياعمري أنتي خلاص طيب اهدي.
العنود:مقدر ياضي مقدر.
جات ضي وساره ضموها بقوه وهدت.
أم محمد:العنود حياتي إذا ماتبغين ماراح نجبرك.
العنود:مو على اني رافضه أو موافقه بس طريقتكم ارعبتني.
أم محمد:ها طيب موافقه.
العنود:يما الله يهديك على طول خليني افكر مو على طول.
أم محمد براحتك بس اعطينا الخبر بدري عشان نملك عليكم في المدينه ان شاءالله.
البنات ضحكوا.
العنود:ان شاءالله.
طلعت أم محمد وخلت العنود عشان تفكر.
ضي:ها عنوده بتوافقين.
العنود:مدري والله.
ساره:أقول من بعد أمس شكله ماقدر يصبر صلي صلاة الاستخاره وربي يكتب اللي فيه خير يلا واحنا بنصلي معك بس مو استخاره وراح ندعي لك.
راحوا توضوا وصلوا بعد الصلاة جلسوا يدعون الين ماحست العنود بالراحه.
العنود:احس اني ارتحت.
ساره:الله يوفقك ان شاءالله.
ضي:مبروك مقدما عنوده واو راحت رغد والحين أنتي.
العنود:ان شاءالله راح تلحقيني.
ساره:آآآمين.
البنات ضحكوا وجلسوا يسولفون وناموا الساعه١٢ جا الصباح الساعه١٠صحت العنود وصحت ساره.
العنود:ساره قومي بسك نوم.
ساره وكلها نوم:ايش عندك.
العنود:قومي بروح لامي عشان اقولها وابيك معاي وبعدين أمس نمتي بدري.
ساره:خلاص بقوم.
قامت ساره وغسلت وجهها وراح مع العنود عند أم محمد.
العنود:صباح الخير مامي.
ساره:صباح الخير خالتي.
أم محمد:صباح النور والسرور.
وباسوا رأس أم محمد وجلسوا.
العنود بحيا:يما أمس استخرت وحسيت اني ارتحت.
أم محمد وهي فرحانه وضمت العنود:يعني موافقه ياجعلي افرح فيكم دوم ويفرحني بعبير وسديم.
العنود ضحكت:ايوه يما.
راحت أم محمد بشرت أم سعد وأم سعد بشرت أبو سعد وانتشر الخبر.
أبو سعد:سعد سعد تعال وأنا ابوك.
سعد:سم يبه.
أبو سعد:مبروك ياوليدي الملكه والخطوبه في المدينه ان شاءالله.
سعد:ان شاءالله.
أبو سعد:أجل بعد بكره تجهز.
انتشر الخبر بسرعه ملكة وخطوبة العنود وسعد وعلى طول راحت العنود مع ساره وضي عشان يشترون فستان للعنود ويشترون فساتين لهم والبنات معاهم كل وحده اشترت فستان اللي عجبها واستأجروا استراحه وحجزوا مشغل جا اليوم اللي خلاص يصيرون العنود وسعد زوجين تجهز الكل وراحوا الاستراحه طلعت العنود اميره مع فستانها الأحمر والذهبي الكل كان موجود وجا الشيخ ولبست العنود عبايتها ووقفت عند الباب.
الشيخ:توافقين ياالعنود صالح ال........ على سعد يوسف ال......... كزوج على سنة الله ورسوله.
العنود:ايوه موافقه.
الشيخ:سعد يوسف ال........ موافق على العنود صالح ال........ كزوجه على سنة الله ورسوله.
سعد:موافق وراضي.
وتم الملكه وراحوا الاستراحه ودخل سعد مع العنود غرفة عشان يلبسها الشبكه وساره تصورهم وضي وأم محمد وأم سعد دخلوا.
سعد:مبروك ياالعنود.
العنود ميته حيا:الله يبارك فيك وأنت بعد مبروك.
سعد:الله يبارك فيك.
ولبسها الشبكه واكلوا بعض الكيكه وشربوا العصير وطلعت ساره وضي وأم محمد وأم سعد عشان يخلونهم لحالهم العنود ارتبكت بس جا سعد وضمها من وراها.
البارت الحادي والعشرين
ولبسها الشبكه واكلوا بعض الكيكه وشربوا العصير وطلعت ساره وضي وأم محمد وأم سعد عشان يخلونهم لحالهم العنود ارتبكت بس جا سعد وضمها من وراها.
سعد:مبروك حياتي والله تمنيت اللحظه اللي تكونين فيها زوجتي وربي حقق لي امنيتي.
العنود هدت وتركت جسمها على صدر سعد وحست انها ودها تدخل في سعد وتحس بالدفا والأمان اللي كانت من زمان تبي تحس فيه.
العنود:حتى أنا والحمدلله ربي رزقني بشخص مثلك.
سعد ترك العنود ومسك يدها وجلسها على الكنب وجلس قبالها وجلس يتأمل فيها العنود ميته حيا.
سعد:تصدقين ماني مصدق انك معي الحين تصدقين انك طالعه قمر.
العنود ماتت حيا وبنفس الوقت فيها بكاء.
العنود:يعني أنت كنت تحبني من زمان.
سعد:ليش تشكين فيني.
العنود:لا بس ذاك اليوم في الاستراحه سمعت كلامك و.....
بكت العنود جا سعد وضمها.
سعد:عنوده حياتي لاتبكين أنا فهمت قصدك واصلن كنت بتزوجك تغيرتي ولا ماتغيرتي أنا عارفك وعارف اللي بداخل قلبك واحبك ومستحيل اتخلى عنك أو اخلي أحد غيري ياخذك.
ورفع رأس العنود ومسح دموعها.
سعد:ها تاكدتي أنا احبك ولا تبين زياده تأكيد.
العنود:لا تأكدت.
سعد:لا تبين تأكيد زياده.
مسك وجهها وباس شفايفها وطول وهو يبوسها وبعد عنها شافها صارت طماط.
سعد:ها تأكدتي.
العنود ميتا حيا:اي.
سعد:لا لا لسا ماتأكدتي.
العنود:الا والله تأكدت.
سعد يضحك:لا ماتأكدتي.
الا طقت أم سعد الباب ودخلت.
أم سعد:يلا سعد روح عند الرجال ينتظرونك.
سعد:ابشري يمه.
العنود في نفسها:الحمدلله ربي فرجها.
سعد:باي حبيبتي ان شاءالله اشوفك بعد الخطبه.
العنود مستحيه:ان شاءالله.
ومسكت أم سعد يد العنود وراحت عند الحريم وسعد راح عند الرجال العنود رجعت الفندق مع ساره وضي أول مارجعوا العنود على طول انسدحت على السرير.
ساره وضي يضحكون على العنود.
ساره:ياعمري ياالعنود.
العنود:يما والله تمنيت الأرض تنشق وتبلعني من الحيا.
ضي:ليش ايش صار معك.
وعلمتهم العنود اللي صار.
ساره:ياحياتي شكلك رحتي فيها كان هربتي وخليتيه لحاله.
العنود:تخيلي عاد.
ضي:طيب كم مهرك؟
العنود:ابوي قال مية ألف بس هو اعطاني ميتين ألف.
ساره:عنوده أنا صديقتك وحبيبتك عطيني عشر آلاف بس.
ضي:وأنا بعد أنا.
العنود:لا أنتي ولا هي هذا لي وبس لأنكم تستاهلون أكثر.
ساره:يابعد عمري أنتي تسلمين والله.
ضي:يابعد عمري أنتي.
العنود:بس احتاجهم للجهاز إذا بقى عطيتكم.
ساره:يو مو أنتي قلتي نستاهل زياده.
العنود:ايوه بس ماقلت بعطيكم.
ضي:مالت عليك بس أقول ساره مو كانا غلطنا لما جينا معها حتى ماتعشينا عشانها.
ساره:والله انك صادقه.
العنود:ولا يهمكم عشاكم اليوم علي راح اعشيكم من البيك.
ساره:اي هاذي البنت السنعه.
وجلسوا يضحكون.
تعشوا وناموا صحت العنود الصباح على رنة جوالها فتحت الجوال شافت رساله من سعد(صباح الحب للغوالي يوم سكنوا قلبي..صباح الشوق والغرام يااحلى غرامي..صباح البوسات ارسلها وأنا في مكاني..)
صحصحت العنود وردت(ياحبن سكن قلبي اصبحك بالخير..ياعشقن سكن وريدي بطلتك صار يومي غير)
اتصل سعد على العنود.
سعد:صباح الحب والشوق.
العنود تضحك:صباح العشق والغرام.
سعد:صباح يعطر طلتك ومن حبي صرت مشتاق اخبارك حياتي.
العنود:الحمدلله أنت اخبارك.
سعد:تمام شكلي صحيتك من نومك.
العنود:لا عادي الوقت كله لك.
سعد:تسلمين ياحبي الا ايش رايك نفطر مع بعض.
العنود:من عيوني بس أقول أمي واجيك على طول.
سعد:تسلم عيونك حبيبتي يلا انتظرك باي.
العنود:باي.
راحت العنود قالت لأمها وعلى طول نزلت عند سعد أول ماشافها ابتسم والعنود ابتسمت.
سعد:هلا والله.
العنود:هلا فيك.
سعد:ها مستعده.
العنود:ايوه.
سعد مسك يدها وراحوا مطعم وفيه قسم خاص للعرايس دخلوا فيه.
سعد:اكشفي ماحد يشوفك.
العنود توها بتكشف سعد قالها لحظه شوي وجا عندها وفتح اللثمه وباس خدها العنود ماتت حيا.
سعد:قمر.
العنود:تسلم.
سعد:يلا اختاري ايش ودك تاكلين.
العنود:أنا عادي اللي تحبه أنا احبه.
سعد:طيب بطلب وبجيك.
العنود:طيب.
وراح سعد يطلب ورجع للعنود وجلس.
سعد:ايش فيك جالسه بعيد.
العنود:أجل وين تبيني اجلس.
سعد:تعالي اجلسي بجنبي.
العنود قربت شوي.
سعد:بس تعالي بجنبي.
العنود قربت شوي بس قام سعد شالها وجلسها بجنبه.
سعد:كذا ابيك مو قبل قبل شوي.
العنود ميته حيا وماتكلمت ومنزله رأسها سعد مسك وجهها وقرب منها يبي يبوس شفايفها والعنود قلبها يدق بقوه سعد توه بيبوسها جا الطلب سعد قام جاب الطلب وحطه على الطاوله.
سعد:خرب علينا بس ماراح اتركك.
العنود ضحكت:ماتقدر.
سعد:خلينا الحين ناكل وبعدها يصير خير.
جلسوا يفطرون مع بعض وسعد يأكل العنود وهي تأكله الين ماخلصوا غسلوا وجاب سعد الحلا واكلوا.
العنود:متى بنطلع.
سعد ليش طفشتي.
العنود:لا بس خلصنا فطور.
سعد:طيب بس غمضي عيونك.
العنود غمضت عينها جا سعد وشالها وحطها بحضنه وباس شفايفها.
العنود من الحيا حست شوي بيغمى عليها وسعد حاوط يده على خصرها.
سعد:شفتي غلبتك يوم تحديتيني.
العنود ميته حيا:خلاص طيب نزلني.
سعد:ليش مستعجله باقي ماخلصنا.
العنود شافت مافي فايده استسلمت له ورمت نفسها على سعد جا سعد باس العنود من رقبتها والعنود ماقدرت تتحمل من الحيا.
العنود:سعد تكفى خلاص.
سعد:بتركك بس بشرط.
العنود:ايش هو.
سعد:تبوسيني.
العنود باسته من خده بسرعه وبعدت.
سعد:لا هاذي مو بوسه أول شي انها بسرعه ثاني شي مو هنا ابيك تبوسيني.
العنود غمضت عينها وباسته من شفايفه توها بتبعد مسكها سعد وطول وهو يبوسها وتركها.
سعد:الحين رضيت ويلا نطلع.
العنود عدلت نفسها وطلعت قبل مايطلع سعد من الحيا وسعد ضحك حاسب وركب السياره ومشى راجع للفندق.
سعد:عنوده أجل إذا سويت شي أعظم من كذا ايش بتسوين.
العنود ميتا حيا:إذا جا ذاك الوقت يصير خير.
سعد يضحك:ياحبي لك.
وصرخ بصوت عالي:احبها موووت.
العنود تضحك شوي وقفوا بالاشاره سعد يناظر فيها ويضحك.
سعد:عنوده حبيبتي فرصه ايش رايك.
العنود مافهمت:ايش.
سعد:بوسه حلوه منك.
العنود استحت وباسته من خده.
سعد:الله يجعلني فدوه هالبوسه.
ومشى ووصل للفندق.
سعد:باي حياتي.
العنود:باي.
سعد:باي لحالها مافيها شي.
العنود:باي حبيبي.
سعد:تسلم لي حبيبتي باي.
وأرسل لها بوسه في الهواء والعنود على طول دخلت ونامت ومر اليوم بمواقف حلوه وجا اليوم الثاني راح الكل للحرم وفي الليل راحوا الميقات بعدها مكه وصلوا الصباح الساعه٩ وعلى طول راحوا فندق وناموا.
لما صحصحوا راحوا الحرم العصر عشان الشمس والجو ومن حظهم مافي زحمه واعتمروا وجلسوا في الحرم وكانوا البنات والاولاد جايبين معهم علب مويه احجام مختلفه وراحوا الاولاد يبون يعبون وراحوا البنات خالد وهو يمشي شاف ساره وقرب عندها.
خالد:عمره مقبوله.
ساره:تقبل الله منا ومنك.
خالد:وين رايحه.
ساره:اعبي علب المويه.
خالد:ليش تتعبين نفسك أنا اعبيها لك.
ساره:صدق.
خالد ضحك:ايوه.
واخذ منها العلب.
ساره:مشكور بس بتتعت لأن العلب كثيره.
خالد:عادي اتعب عشانك بس كم علبه.
ساره:خمسه ثنتين اللي بريال وثلاث اللي بثلاث ريال.
خالد:من عيوني إذا ماعبيتهم لك وجبت لك زياده.
ساره:تسلم ياعمري.
ساره انتبهت لنفسها وراحت ركض عند العنود وخالد يضحك عليها ساره جلست عند العنود وهي تضحك.
العنود:ايش فيك.
ساره:ولا شي.
العنود:طيب وين علب المويه حقتك.
ساره:خالد اخذها قال بيعبيها.
العنود:اها.
ساره:وأنتي غريبه ماعبيتي.
العنود:حبيبي سعود بيعبيلي.
ساره:حركات مين قدك.
العنود اتجهت قبال القبله:يارب انك تسهل لكل بنات خالاتي وخوالي انهم يتزوجون.
ساره:ضربتها من كتفها تزوجتي تبين تزوجينا بس معليش مقبوله منك.
وجلسوا يسولفون شوي جات وحده.
......:عطوني من مال الله ادعي لكم.
العنود:ماعندنا شي روحي.
ساره:حرام عليك والله مسكينه.
العنود:هذولي كذابين لا تصدقينهم.
........:أنا مسكينه واخواني صغار ابوي مات عطيني من مهرك ربي عطاك خير.
العنود خافت:شلون عرفتي اني بتزوج.
........ عدلت صوتها وضحكت:مو أنا حبيبتكم وصديقتكم.
ساره والعنود:هدى.
هدى تضحك:حلوه اللعبه صح.
العنود:حسبي الله على ابليسك خوفتيني.
ساره تضم هدى:ياعمري أنتي والله اني كنت شايله همك.
وتذكرت اللي صار مع خالد.
هدى:ياحياتي أنتي والله اني بكيت على أمي حتى وافقت نسافر مكه وجينا.
ساره:طيب اعتمرتي.
هدى:اكيييد وراكان توه راح مع الاولاد يعبي موية زمزم وأمي راحت مع الحريم.
العنود:يلا الحمدلله انك جيتي.
هدى:اي والله على فكره مبروك الخطوبه.
العنود:الله يبارك فيك.
وجلسوا يسولفون.
جاوا البنات بعد ماخلصوا.
امجاد:ساره خالد يقول ترى علب المويه في الفندق.
ساره:طيب خلاص.
ضي:وجع سويره مرتاحه وجالسه مريحه واحنا تعبانين.
ساره ضحكت وهمست في اذن ضي:ليش ماخليتي فهد يعبي لك.
ضي:أقول انقلعي.
وضحكوا وجلسوا يسولفون جلسوا في الحرم الين العشاء ويشربون من موية زمزم وبس صلوا العشاء في الحرم وراحوا الفندق الكل نام .
جا الفجر ساره وهدى وضي صحوا وراحوا للحرم جلسوا الين ماطلعت الشمس وطلعوا من الحرم راحوا للأسواق.
ضي:واااو نفسي اشتري كل شي بالسوق بس قهر مااقدر.
ساره:ليش أحد يحصل له كل يوم سوق ومايشتري شي.
ضي:عشان إذا شريت أمي ترميهم لأن أغراضي الحين كثيره.
ساره:طيب اشتري واعطيني اياها وإذا رجعنا اعطيتك اياها ولا اعطيها فهد بيحطها في عيونه.
ضي:أقول اسكتي وانقلعي أحسن لك.
ساره:ماينقلع ويسكت الا أنتي.
ضي:أقول انطمي وكلي تبن.
ساره:انطمي أنتي وكلي تبنين.
هدى:خلاص خلاااص لاتصير هوشه.
ساره وضي كل وحده عطت ظهرها للثانيه شوي طلعت العنود مع سعد.
ساره وضي:شوفوا العنود.
ساره وضي:شوفوا العنود.
جلسوا يناظرون في بعض ويضحكون ومسكوا يد بعض وراحوا يمشون.
هدى جا في خاطرها انهم خلوها وراحوا.
هدى:خلاص تصالحتوا ونسيتوني.
ساره انتبهت لنفسها ورجعت لهدى.
ساره:والله اسفه والله ماقصدي انهبلت شوي.
ضي جات وضمت هدى:اسفه هدى والله على قولة ساره انهبلنا لا تزعلين.
هدى ضحكت بس من داخلها مجروحه:خلاص رضيت.
جات ساره على يمين هدى وضي من اليسار ورجعوا للفندق وناموا اما عند العنود وسعد.
العنود:خلينا نروح ذاك المجمع شكله حلو.
سعد:طيب ماودك تفطرين مااكلتي شي من يوم طلعنا.
العنود:والله مالي نفس اكل شي.
سعد:أجل بكيفك بفطر لحالي ميت جوع.
العنود:بسم الله عليك من الموت أجل اشتر لك فطور وشوف مكان وقف فيه وارجع ورا وافطر وأنا بتفرج على الفيديو اللي ورا.
سعد:اوكي بكيفك.
ونزل شرا فطور ورجع السياره وشاف له مكان ووقف عشان يفطر وجلس ورا مع العنود وفيه ستاير في السياره سكر الستاير.
سعد:يلا سكرت الستاير اكشفي.
كشفت العنود وجلست تدور في الاشرطه وسعد يناظر فيها وهو ياكل طلعت شريط اكشن.
العنود:شغل هذا شكله حلو.
سعد:شكلك تحبين الاكشن.
العنود:اكيد يلا خلينا نشوفه.
سعد:والسوق.
العنود:بس الين ماتخلص فطورك ونمشي.
سعد:وماتبين فطور.
العنود:يلا أنت أكلني.
سعد:يلا افتحي فمك.
العنود توها تنتبه لنفسها وللكلمه اللي قالتها.
العنود:ها لا لا خلاص مابي أنا اكل لحالي.
سعد:لا والله تلعبين علي مافي افتحي فمك ولا ترى بسوي شي ثاني.
العنود خافت:وش الشي الثاني.
سعد:مالك دخل ياتفتحين فمك وأاكلك أو اسوي الشي الثاني.
العنود خايفه:طيب الشي الثاني يخوف ولا احلى من انك تأكلني.
سعد:لا احلى من اني أاكلك.
العنود:أجل ابي الشي الثاني.
سعد:طيب قربي.
قربت العنود وباس سعد شفايف العنود والعنود ذابت من الاحراج والحيا شوي بعد عنها سعد.
سعد:ها ايش رايك وين الأحلا.
العنود ساكته ماتكلمت.
سعد:عنودتي وش فيك ساكته لايكون زعلتي مني ترى اسويها مره ثانيه.
العنود خافت:لا لا خلاص ابي ارجع الفندق.
سعد ضحك على شكلها:والسوق.
العنود:خلاص مابي.
سعد حط راسه على رجل العنود وهي ماتت حيا تمنت الأرض تنشق وتبلعها.
سعد:أجل مادام انك ماتبين السوق خلينا نجلس شوي ونرجع ابي اخذ لي غفوه ونرجع.
العنود بخوف:يعني بتنام.
سعد:ايوه ليش مو عاجبك الوضع كذا أجل اسند الكرسيين اللي قدام وننام مع بعض.
العنود شوي وتبكي:لا مابي ابي ارجع الفندق.
سعد حس فيها ولا يبي يزيد عليها:خلاص طيب بنرجع بس متى تبين نروح السوق.
العنود والدمعه في عينها:مابي السوق.
سعد:خلاص حبيبتي عدلي نفسك وخلينا نمشي.
بسرعه العنود عدلت نفسها وسعد نظف المكان وركب قدام والعنود مكانها ماتحركت.
سعد:العنود ايش فيك تعالي قدام.
العنود:لا كذا مرتاحه.
سعد:براحتك.
ومشى سعد وأول ماوصلوا الفندق على طول العنود نزلت وراحت الغرفه وبسرعه نامت عشان تنسى اللي صار.
اما عند محمد ورغد.
رغد:اتمنى اني الحين معهم نفسي اروح مكه.
محمد:ايش رايك حبي نروح لهم بكرا.
رغد:صدق محمد بكرا نروح مكه.
محمد يضحك:ان شاءالله إذا لقينا حجز.
رغد:الله يخليك لي حمودي ولا يحرمني منك.
محمد:على كذا ايش استاهل.
رغد:اطلب اللي تبي لو تبي عيوني.
محمد:تسلم عيونك ابي بوسه.
رغد:بس يلا هاذي بوسه.
وباست خده.
محمد:لا مابي هنا.
رغد:أجل وين؟
محمد:هنا.
ويأشر على شفايفه.
رغد استحت جات تبي تبوس شفايفه بسرعه بس هو حاوط خصرها وجلس يبوس فيها بشغف وشالها وراح الغرفه.
صحت ساره الظهر وشافت هدى صاحيه وحست ان فيها شي جات جلست جنبها بس هدى ماحست فيها.
ساره:هدى فيك شي.
هدى حست وانتبهت لنفسها.
هدى:ها لا لا مافيني شي.
ساره:طيب ايش فيك زعلانه ومحزنه.
هدى:لا مافي شي بس تذكرت ابوي.
ساره:اها طيب خلينا نروح نفطر.
هدى:مالي نفس.
ساره:طيب ايش بتسوين؟
هدى:بروح اتحمم.
وقامت هدى اخذت أغراضها وراحت تحممت وصحت ضي.
ساره:صح النوم.
ضي ابتسمت:الله يصحيك غريبه وين هدى؟
ساره:راحت تتحمم بس شكلها زعلانه من الصباح.
ضي:لايكون زعلت علينا.
ساره هزت رأسها:ايوه وأنا فكرت نفاجئها اليوم الكل من المغرب إلى العشاء بيروحون الحرم وأنا وأنتي نشتري من البيك وحركات ونجلس مع هدى والعشاء نروح الحرم.
ضي:والله فكره.
ساره:بتصل على فهد الحين.
اتصلت ساره على فهد واشتروا اللي اتفقوا عليه وراح الكل الحرم وخلوا هدى تجلس.
ساره:هدى حياتي زعلانه منا؟
هدى:لا ماني زعلانه.
ضي:طيب ايش فيك ماتكلمينا اليوم ولا تسولفين معنا؟
هدى:تذكرت ابوي وتضايقت بس.
ساره:لا عيونك تقول غير كذا المهم تعالي.
هدى:وين؟
ضي:تعالي وبس.
أخذوها وراحوا الغرفه الثانيه وكانت اللمبه مطفيه وشغلوها هدى انصدمت ماقدرت تتكلم.
ساره وضي:هذا اعتذار منا لك.
هدى بكت وضمت ساره وضي.
ساره:خلاص حياتي احنا غلطنا ولازم نعتذر.
هدى:والله لولا ربي ثم أنتم كان أنا الحين ضايعه مافيني حياة ابدا.
ضي:احنا لك ياحياتي مانتخلى عنك.
هدى:الله لايحرمني منكم.
ساره وضي:ولا منك يارب.
وجلسوا ياكلون ويضحكون ويسولفون والعشاء راحوا الحرم الين الساعه ١٠بالليل ورجعوا الفندق وناموا.
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك