رواية اسمحيلي من النظره الأولى اوصلك احساسي -8
امون مصدومه
(بسام الي حاولت تنساه او تتناساه
وتشغل نفسها بجامعتها بس لما قالت
اخته اسمه وانه جايب لها هديه
ويتحمد السلامه لها اختلطت
مشاعرها ماهي عارفه تفرح تصيح)
امون كلف على نفسه وشكريه عني
ليال من العين هذي قبل هذي
وبصراحه ليال كانت منعجبه بأمون
كثير وكانت تتمناها لأخوها
كانت كل ماتشوفها تحس انها قريبه
لها
.................
بعد ماوصلو المزرعه
بسام ماشالله هذا المزارع ترد الروح
وحلوه
ليال ايه ماشالله الله يهنيهم
ام بسام ايه هذا كله من خير ابوكم
وعمتكم اكيد بيتفنن في بيته ومزرعته
بسام وليال ماعلقو
انزلت ليال ووقفت جنب بسام
البنت تشكرك وتقول كلفت على نفسك
بسام لا عادي ترا كلها 30 ريال سعره
ليال ياخوي الهديه بقيمتها المعنويه
مو الماديه فهمت
بسام لامافهمت ويالله لحقي امك
خليني اروح عند الرجال
ادخلت مع امها وكان في
استقبالهم موضي سلمت عليهم
وادخلو وسلمو على الموجودين
هند وحبيبه ومنى وشهد ومشاعل
موضي حيالله من جانا تبارك المكان
فيكم
هند متبارك بأهله .شلونكم انتو
وشلون العيال
موضي بخير عساك بخير ان شالله
ام بسام شلونك ياموضي وشلون
ابراهيم والعيال من زمان ماشفناكم
علمي فيكم من العزا بس
موضي الدنيا مشاغل بس انا كم
مره ازور ام حبيبه ولا اشوفك
ام بسام يمكن انتي تجين في وقت
غير الي اجي فيه
شهد تهمس لحبيبه
ايه صاجه ماشالله عليها يوميا تجي
تعرف تلف ودور
حبيبه سكتي لا تسمعك وتسوي
لنا سالفه
مشاعل ها بنات شلونكم وسويتو
بعد التخرج
ليال انا للحين اشتغل في المؤسسه
حبيبه انا جالسه في البيت ولا فيه
وظيفه الا وقدمت عليها
منى وانا ممرضه في المستشفى ومرتاحه فيها
شهد الي يسمعكم الحين اذا
تخرجت الوحده بتحصل وظيفه
على طول اغلب البنات جالسين
في البيوت وانا وحده داخله
اضيع وقت في الجامعه
مشاعل على كذا بس تتزوجين
بتتركين الدراسه
شهد اكيد مايبي لها كلام
ليال انتي خلي الكبار يتزوجون
بعدين انتي
شهد لا المعاريس واقفين طابور
وانا مدري
مشاعل طيب شرايك حبيبه اكلم ابوي
يوظفك في المدرسه الخاصه
الي فاتحها
ليال ياليت تسوين لها معروف
بدل جلستها في البيت تشغل روحها
حبيبه لا محب اكلف على احد
اجلس في البيت مع امي ماابقى
اخليها بروحها
ودق جوالها وشافت المتصل
شوشانه
حبيبه هذي شوشه بكلمها بره
مافيه ابراج هنا
ليال سلمي عليها
حبيبه يوصل
اطلعت برا الحديقه وكلمتها
هلا بشوش شخبارك
شوشه هلا فيك وينكم ياحافظ
ماتقولون ربع نسأل على بعض
حتى ليالوه ماكلمتني
حبيبه والله معاك حق بس تدرين انا
طول الوقت مع امي واشتغل في البيت ولا الحق
شوشه عاذرتك يالغاليه بس لويل
اوريها مالها عذر عندي
المهم درتي عن امون
حبيبه ايه توها خبرتني ليال
وان شالله بزورها مع امي بكره
وانتي شلونك سويتي وانتي غايبه
عنا
شوشه والله طول وقتي اقضيه
ياسوق او على النت ملل مو طبيعي
حبيبه لا خلاص انا بجمعكم عندي
يوم الأثنين ان شالله
شوشه ياليت ولهانه عليكم كثير
حبيبه ايه وليال تسلم عليك
شوشه لا ماقبل وقولي لها
مالت عليك
حبيبه حرام عليك
شوشه انتي قولي لها وبس
حبيبه يوصل ان شالله
شوشه طيب يالغاليه مع السلامه
حبيبه انتبهي على روحك
وسكرت وجات بترجع
بس اسمعت صوت جوال يدق
ومن مكان قريب المحت واحد
جاي
؟؟؟؟؟؟؟؟؟؟
للحديث بقيه
الفصل العاشر
حبيبه كانت بترجع بس اسمعت صوت جوال
يدق من مكان قريب عندها وانتبهت
لواحد جاي بيكلم وماقدرت ترجع ظلت
مكانها عند زاويه مايشوفها الي جاي
وكانت ميته خوف انه ينتبه لها
وسمعته يرد على جواله
؟؟؟هلا حبي وروحي
شوق هلا حبيبي كيفك وينك امس ماجيت
واليوم بعد ولهت عليك
؟؟؟ غصبا عني يالغاليه الوالد شاغلني
واليوم عندنا عزيمه بس ان شالله الليله عندك
ماأفوتها تراني مشتاق حيل يالحلو
شوق كذاب لو مشتاق كان كلمتني ارسلة
رساله تقول انك ولهت ولا خلاص جربت
العسل ونسيتني ياطلولي
طلال ياعيون وقلب وخفوق طلال
انا اشبع منك افاا لا تزعليني انتي عندي
عروس كل ليله اشوفك فيها
والله ولهت على كل شي فيك
خاصه وهمس بكلمه
بس حبيبه ماسمعتها
شوق ها ها ها ياحلو سوالفك ياطلول
طلال فدا الضحكه وراعيتها اقول اليله
انتي نايمه على صدري الله يصبرني
على ماتخلص
شوق طيب لا تتأخر وبلبس لك التفاحي
الي تحبه سامع
طلال وانا اقدر على التفاحي خلك جاهزه
الساعه 2انا عندك والحين اخليك لا يسوي
لي الوالد هذره فمان الله ياعسل
سكر ورجع للمجلس
حبيبه حاسه بقرف من كلامه واسلوبه وارجعت
لمجلس الحريم وكانت تفكر في نفسها
(ليه اظلم الرجال يمكن متزوج وهذي زوجته
واحنا مندري) وعشان تتأكد اسألت
حبيبه الا مشاعل اخوانك يدرسون
مشاعل عندي وليد هذي اخر سنه له
اما طلال تخرج من امريكا ودرس تخصص حلو والحين يشتغل في التربيه والتعليم للبنات
وماسك منصب زين وعند ابوي ماسك
ادارة المدرسه الخاصه
حبيبه(ياسلام تربيه وتعليم للبنات اذا اهو كذا راحو فيها)
شهد مسكين عنده مسؤليه من الجهتين ماشالله عليه عين بارده ترا
مشاعل لا عادي
حبيبه طيب وين حرمته ماشفناها
مشاعل مين حرمة طلال ياليت اخوي
ماهو متزوج
حبيبه ولا خاطب (عشان تتأكد)
مشاعل اقولك اتعبت امي وهي تقنعه
يتزوج تبي تفرح فيه
ليال ان شالله يتزوج وتفرح فيه
مشاعل طلول مااظن يقول مرتاح كذا
حبيبه(اكيد مرتاح اذا اهو يمشي في طريقه
الوصخ ولا عنده من يحاسبه اويدري عنه استغفر الله الله لا يبلانا )
من جهة الحريم
ام بسام اقول ام طلال ماعرستي احد
من اعيالك
موضي لا للحين وهذا احاول في طلال
الله يهداه منشف ريقي احاول معاه يتزوج
ابيه يفرحني بس رافض فكرة الزواج
ام بسام بصراحه غريبه مافيه رجال
مايبقى يتزوج اكيد اولدك فيه شي
موضي بسم الله على اولدي كامل ولا فيه
الا العافيه
ام بسام لا قصدي يمكن احد مسوي له
عمل انه مايتزوج
موضي والله يصير لأنه حتى طاري الزواج
رافضه
(الله يخسك ياطليل جبت الكلام واحنا في غنى عنه)
قامت عن اذنكم اشوي
ام بسام شوفيها مصيبه ولا كأنها كبيره في السن
معتنيه بروحها كل سنه لبنان على ماسمعت
تبين احنا الله يخلف علينا
هند صلى على النبي ياام بسام وخفي على
الحرمه الله يهداك
ام بسام وانا شقلت كلها اسئله عاديه
بتزعل منها
شهد تهمس لمنى كل الي قالته واسئله
عاديه والله فله مرت خالي
منى سكتي لا تسمعك ليال وتزعل
بس شفيها حبيبه كله سرحانه
شهد مدري عنها
حبيبه (الله يقرفك احس اني برجع كل ماتذكرته
وهو يكلمها استغفر الله ولا متزوج بعد مايخاف
من الله)
............................
ثاني يوم ليال زارت شوشه في بيتها
في غرفة شوشه
زين تذكرتيني ولا لازم اوصلك رساله
عشان تفهمين ولا كأني من ربعك ابد
ليال منك السموحه يالشيخه نسيت وصار
عندي ظغط في الشغل
وهذا الكريمات الي وصيتيني عليها
شوشه مشكوره وهذا حسابك
الا سالفة المدير الجديد عرفت من فطوم
ليال لا سالفه ولا شي يبي يشوف اذا
انا استحق منصبي ولا لأ
شوشه مالت عليه يحمد ربه ان انتي
تشتغلين عندهم اصلا
ليال المشكله ان انتو ماتعرفون اهو منهو
شوشه منهو
ليال اخو مزنه الي كانت حبيبة بسام
شوشه حلفي لا تقولين اخوها الله يعينك
ليال شفتي حظي ولا الأخ يبيني اروح
عند اهله وابيعهم
شوشه الله يساعدك ان شالله متى بتروحين
ليال اليوم بعد المغرب
خلك مني انتي وجهك مو عاجبني وجدتك قالت لي انك ماتكلين عدل شفيك شووشه
تعبانه فيه شي مضايقك ترا انا اختك وصديقتك
شوشه كانت تبي تتكلم اتعبت من كثر مااكتمت
سرها طوال السنين هذي
ولا لقت الا ادموعها سابقتها
ليال خافت عليها قامت لعنده واحضنتها
شوش تكلمي والله خوفتيني ابوك غاصبك
على معرس ثاني
شوشه الي فيني شي كبير ياليال من زمان
وانا خاشته عنكم ولا ادري اذا اهو صح
ولا غلط بس صار حاولت انساه ابعده عني
بس فيه شي يذكرني فيه وارجع أحبه
اكثر واكثر من قبل
ليال شوشه انتي تحبين احد ليكون لعب عليك
ولا طلعتي معاه ترا مااسامحك انا اعرف اخلاقك
شوشه لا تستعجلين الي أحبه مايدري عني
ولا يعرف اني أحبه ودايم يغثني بكلامه
ودايم يحسسني اني بنت مو متربيه ولا صايعه
ليال ياكل تبن انتي احسن بنت في اخلاقك
وتربيتك بس منهو اعرفه
شوشه ايه تعرفينه
ليال مين تكلمي
شوشه نواف اخو فطوم
ليال كذابه نواف مالقيتي غيره
شوشه انا أحبه من الثانوي انعجبت فيه
وحبيته كان انسان هادي وطيب وفطوم
دايم تمدح فيه وكيف مدلعها ويلبي طلباتها
ليال طيب فطوم تعرف عنك
شوشه لا متعرف والله يخليك ليال مابي احد
يدري عني خاصه فطوم اخاف اطيح من عينها
ليال وليه تطيحين انتي ماتعرفين غلاتك عند
فطوم وعندنا وصدقيني الحب من طرف
واحد ماينفع لو هو معطيك امل بكلمه اوفعل كان لا تعذبين نفسك
شوشه ياليت سمعتيه شقال لي لما كانو
في الأمارات اهو كارهني ويمكن طايحه
من عينه وسمعت من فطوم ان امه
تخطب له وبيتزوج عن قريب
ليال سمعي شوشه اذا ربي كاتبه لك
بتاخذينه وتبين نصيحتي انتي حبيتيه
لما كنتي في سن المراهقه بس الحين انتي
كبيره وفاهمه شغلي نفسك بأي شي
وصدقيني بتنسينه شرايك تشتغلين
عندنا وتتسلين
شوشه اشتغل
ليال انا ادري ماتحتاجين لراتب بس صدقيني
كل يوم تجين وتقابلين بنات وسوالف
هذا غير طلعاتنا عشان نبيع بتتسلين
شوشه طيب كيف بتوظفيني
ليال اكلم المدير عنك
شوشه وبيوافق على طلبك
ليال اذا قدرت اليوم وبعت اهله بخليه يوافق
شوشه الله يخليك ياليال كلامك يداوي
بلسم للجروح
ليال طيب انا بصراحه جايه اخذك معاي
اليوم عند اهله
شوشه انا اروح معاك ليه شسوي
ليال اقولك ياستي انتي المفتاح الي بدخل على اهله فيه شكلك
حلو وكيوت وناعمه وبتساعديني وحطي
ميك اب ناعم وهادي خلي شكلك طبيعي
ولبسي قصير عشان يصدقون نتايج
الكريمات الي حطيتيها من عندنا
شوشه قولي جايه تاخذيني دعايه لكم
مو بلاش جيتك ولا ولهانه علي
ليال لا والله ولهانه عليك وبعدين ابيك
تطلعين وتغيرين جو يالله قومي جهزي
....................
في بيت فطوم
ادخلت غرفة نواف
نواف خير شتبقين
فطوم بسم الله علي حيلك انا جهزت
عشان توديني المؤسسه
نواف طيب انتظريني دقايق ونازل لك
فطوم اقول فوفو وين الورد الي جاك اليوم
نواف ومن قال لك ان جاني ورد
فطوم امون قالت لي امس جاتك باقه
واليوم بعد تدري شكلها وحده معجبه فيك
نواف وشمعنه وحده بالذات
فطوم معقوله واحد معجب فيك
لا مااعتقد المهم ابيها وينها
نواف الملقوفه الي قالت لك ماقالت انها خذتها
فطوم طيب بس اذا جاتك بكره انا
حجزتها سامع
نواف فطيم طلعي بره خلي النفس
طيبه عليك يالله ذلفي
....................
للحديث بقيه
الفصل الحادي عشر
في بيت حبيبه
ابراهيم حيالله بنتي حبيبه شلونك طيبه
حبيبه بخير الله يعافيك
ابراهيم يابنتي قالت لي مشاعل انك
متخرجه من الكليه وانا جاي اوظفك
عندي في المدرسه الخاصه ولا ابي ترفضين
او تقولين مقدر
حبيبه ان شالله ماحرجك ياخالي وانت تدري
انا محتاجه للوظيفه عشان اساعد منى في
مصروف البيت
ابراهيم افاا يابنتي انا ماراح اقصر معاكم
بأي شي ولا خالك سعود وكل طلاباتكم
اوامر ولا تشيلين هم مصاريف البيت
انا اتفقت مع امك كل شهر يوصلها مبلغ
من عندي وانا حاب تتوظفين عشان تتسلين
وتستفيدين من شهادتك بس ماقلتي أي تخصص
وأي مرحله تحبين تدرسين متوسط او ثانوي
حبيبه انا لغه عربيه وماراح اتشرط
أي مرحله عادي
ابراهيم لا تشرطي وانا خالك الي تبين بيصير
حبيبه الثانوي
ابراهيم خلاص الحين اكلم المدرسه يرتبون
لك جدول عشان بكره تداومين
حبيبه الله يخليك لنا ياخالي
قامت وحبت راسه
....................
في الشقه
مها يالله عماد انا خلصت مابي اتأخرعلى حبيبه
عماد طيب بس سمعي بعد صلاة العشى
بنروح بيت اهلي امي تقول حرمتك
ماتنشاف ولا تزورنا من تزوجنا
مها بدون نفس
طيب
عماد كأنه مو عاجبك الكلام
مها ماقلت شي شفيك
عماد محلاك وانتي تقولين سمعي هذيلي اهلي
ولازم تزورينهم مثل ماتزورين اهلك سامعه
مها عماد شفيك الله يهداك ولا تبقى تتهاوش وبس ماقلت شي
عماد اقول يالله خلصي خلينا نطلع
اطلعو من الشقه وشافو ام محمد مع اعيالها
مها(اكملت معاي) هلا ام محمد
ام محمد هلا شلونك ان شالله عجبكم الغدا
مها الله يعافيك ماقصرتي
ام محمد فيه العافيه يالله عن اذنكم محمد
وقف تاكسي لنا
عماد خير وين تبون اوصلكم
مها افتحت عيونها عليه
عماد ماعطاها وجه
ام محمد لا مانكلف عليكم يمكن انتو مستعجلين
عماد لا محنا مستعجلين عدل مها
مها هااا ايه محنا مستعجلين
ام محمد والله كنت ناويه نروح المستشفى
عشان المواعيد الي عندنا
عماد اجل نوصلكم عادي وكم الساعه امر
واخذكم
ام محمد والله مدري بس سجل رقمك
عند محمد واذا خلصنا نكلمك
مها(والله بذبحك ياعمادوه)
بعد ماوصلوهم المستشفى
مها كانت ماسكه اعصابها وبس حرك
مدري من وين صرت كريم ولا متى
ماخلصتو دقو علي وبعد تعطيهم رقمك
عماد الله يهداك هذي ارمله وعيالها ايتام
وحنا جيران لازم نساعدهم
مها ياسلام وين اخوانها عمام اعيالها
ماعندهم طيب تحط سواق خاص لها
انت تعرفني انا وحده اموت من الغيره
والله ياعماد اذا سمعت انك سويت لهم شي
ولا ساعدتهم لا تلوم الا نفسك
عماد اقول احترمي نفسك ليجيك كف
يعدلك سامعه مابقى الا انتي طولين
صوتك علي
مها قول من البدايه انت حاط عينك
عليها تعرف تطبخ وكم مره كلمتك
وانا مدري قول انعجبت فيها لاتستحي
عماد فار دمه وبقبضة يده ضربها
بقوه على ذراعها
والله اذا سمعت صوتك الحين ولا كلمه
بتشوفين شبسوي لك شب ولا كلمه
مها انزلت دموعها وجعتها الضربه
بس شافته غير الطريق ولا وداها
بيت حبيبه
مها ودني بيت حبيبه
عماد مافيه عناد لك وقلت شب
لا تتكلمين سامعه
بعد ماوصل بيت اهله
نزلي خلصيني
مها ماني نازله
عماد عادي خيسي هنا
نزل وسكر باب السياره
مها وجع في يدك يالخايس وماني
نازله
ظلت خمس دقايق بعدين انزلت وادخلت عدلت
شكلها في المرايا ت الي بره
................
اوصلو البنات بيت بندر وقفو عند الباب
فطوم الحين شلون بندخل
الهام الا شبنقول لهم انا عن نفسي
ماراح اتكلم لحد مااعرض البضاعه
المسؤله انتي ليال تصرفي
ليال وانا عارفه شبقول لهم على كثر
الي بعتهم بس هذيلي مدري احس اني
اول مره ابيع في حياتي واخاف مايتقبلونا
شوشه ياهو الحين منرزعين هنا
خلونا ندخل داخل ووانا ببتدي
ادخلو للحوش وكان فيه اولاد يلعبون كوره
شوشه لو سمحت
الولد نعم
شوشه وين مجلس الحريم
الولد من هنيه ادخلو
وراحو جهة البوابه الي قال عنها الولد
ليال لحظه شوش بدرعمين على طول
شبتقولين لهم
شوشه شوفي بنفسك
افتحت الباب وادخلو مجلس كبير
وكان مليان حريم
البنات السلام عليكم
الحريم وعليكم السلام
ام بندر حياكن الله اغلطو
ليال الله يحيك احنا مندوبات شركة ال....
وحابين نعرض عليكم المنتجات الي نستوردها
نضوه مرت ولدهم
انتن البايعات المتجولات الي نسمع عنهن
لا مشكور مانبي منكن شي
ليال اولا احنا مو متجولات احنا نجي
تحت طلبيه للمكان
نضوه واحنا ماطلبناكن
ليال لا فيه احد مرسلنا لكم وغير كذا مقدر
اقول منهو
شوشه خلاص ليال كيفهم مايبقون بس سمعو
ياخساره احنا جاين نفيدكم ونخليكم تسون
عمليات تجميل بدون جراحه
جميله مرت ولد ثانيه
يعني بيقنعيني انك حلوه من الي عندهم
روحي ياشيخه
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك