رواية ما كل جرح يطيب من عذر حبك كل يوم يكبر بقلبي -8
رينا ببرود: ولا شيء بس يسلم علينا
وسن بنص عين: علينا قال يبغاكِ في كلمة راس و خرجنا انا و رسيل اش كان يبغى قولي ؟!.
رينا " مستحيل اقول لكِ يا وسن بعدين تزعلين مني و غير كذا تعصبين مو ناقصه و ربي ": ولا شيء بس كان يسألني إذا مرتاحه مع عماد و كذا و إذا ناقصني شيء
وسن و هي مو مقتنعه: اها , طيب و ايش قلتي لو ؟؟
رينا بهدوء: ولا شيء عادي قلت مرتاحه و مو ناقصني شيء
وسن: إلا عماد لو اسبوع ما يدق ولا يجي في شيء ؟
رينا ببرود: احسن و ان شاء الله دآإ,,,,,,,,, " ماكملت جملتها إلى جوالها يدق "
رينا بقهر: اففففف طرينا القط جانا ينط
وسن: ردي طيب
رينا ببرود: الو
عماد بهدوء: هلآ رينا
رينا: اهلين
عماد بخبث: كيفكِ حبيبتي ؟ و اش اخبارك من دوني
رينا بقهر: حبك جني يارب قول اميييين , و اخباري من دونك تجنن فيها كل خيييييييييير
عماد بخبث: يوه يوه لا انا مابي الجني يحبني ابيك انتي يا قلبي , و بعدين ان شاء الله دوم اخبارك تكون زينه بدوني او بوجودي
رينا:......................................
عماد بهدوء: جهزي نفسكِ بكرا بعد صلاة العصر بنخرج
رينا ببرود: مابغى خلاص الزواج بعد اسبوع ليش نخرج ؟؟
عماد: مو بكيفكِ اصلاً انا بس اقول لكِ عشان لو بتتجزي , و بعدن لو الزواج بكرا مو مشكله انا مشتاق لكِ و ابغى اشوف
رينا بقهر: اوووووووووووف منك
عماد بضحكة: تأفأفي من هينا لبكرا بايو يا عسل
وسكر السماعه
رينا: " افففففففف وجع يقهر مووت ذا الادمي !!!!!! "
..
في مكان بعيد عن منطقة جدة !!! تحديداً في الجنوب مدينة ابها .. ^^
في فله كبيره و باينه الفخامه عليها
كانو العائله كلهم متجمعين في الصالة يشربون الشاهي
ام رائد بتوتر: ابو رائد
ابو رائد بهدوء: سمي
ام رائد بحزن: مو ناوي ترـــــــ ما كملت جملتها لانو ابو رائد قاطع كلآمها بحدة
ابو رائد بحدة: سكري ع الموضوع و ياويلكِ لو تفتحيه ثاني مرا
ام رائد: بس هذا ولدك يا محسن مايسير كذا
او رائد بعصبيه: وربي لو تجيبين طاري هذا الموضوع مرا ثانيه يا سناء مايسير خير سماعه
ام رائد سكتت بقهر ..
رسيل " ياربي يعني لازم يا امي تفتحين الموضوع ": ابويه متى بتجي عندنا وسن ؟؟
ابو رائد بجدية: ايه اسمعي يا ام رائد وسن بنت اخوي بتجي عندنا بعد زواج رينا يعني بعد اسبوع و شوي كذا , ترا البنت ماتدري يوم زواج اختها انا بكلمها و اجيبها ابيها تسكن هينا معاي في ابها احسن من جدة و لوحدها بعد
ام رائد بهدوء: حياها الله , نجهز لها الغرفة إلي جمب غرفة رسيل
ابو رائد بجدية: و انت يا رائد إياني و إياك تقرب جمب البنت خلها في حالها حدك تقول لها السلآم و تسأل عن احوالها طيب يا ابويه ؟؟
رائد بهدوء: ابشر
او رائد: تسلمون ربي يخليكم ..
..
{ عائلة محسن الـ,, , الاب محسن 55 سنه رجال متفاهم و هادئ قليل ما يعصب يشتغل في العقارات , الام سناء 46 سنه انسانه حنونه بدرجه كبيره مرا و طيبه ماترفض طلب لاحد في نفس الوقت محد يقدر يدوس لها على طرف شخصيتها قويه مرا إلا مع زوجها تسكت , لانها تعرف لو بتتكلم بتسبب لها و لزوجها مشاكل !
الولد الكبير رائد 33 سنه مطلق و عنده بنت عمرها 3 سنين , ملآمحه عاديه عنونه ناعسه و فاتح و هادئ بس لعصب لحد يجي عنده , رسيل 25 سنه ملآمحها عاديه بس احلى مافيها شعرها طويل لاخر ظهرها و اسود و ناعم و بيضه بياضها حلو , جسمها نحيف , عندهم اخو ابوهم تبرا منه من 7 سنين ! } ...
..
صباح يوم جديد الساعه 10:30 في شركة عبد العزيز } ..
السكرتير قصي: إستاز عبد العزيز في شخص بدو إياك
عبد العزيز بهدوء: خليه يتفضل
السكرتير قصي: ماشي
وراح قصي و دقايق و دخل معإآذ بهدوء
معاذ: السلآم عليكم
عبد العزيز و هوا يوقف: هلآ وعليكم السلآم تفضل
جلس معاذ على الكرسي بهدوء
معاذ بهدوء: معاك معاذ عبد الرحمن الـ,,
عبد العزيز ببتسامه حلوة: و النعم والله
معاذ: ماعليك زود
عبد العزيز: بإيش اخدمك يا معاذ ؟
معاذ بتوتر بسيط: واللهي يا عمي انا جاي .................................................. ..............................
..
العصر في بيت ابو محمد - غرفة لين } ..
تولين بهدوء: طيب و بعدين ؟
لين و دموعها ع خدها: قالت لي لينا بروح شويه و اجي و اختفت و معاد شوفتها , و بعدها جاء الرجال و مسك يدي و شافني نايف , آإهئ آإهئ وربي يا تولين إني ماعرفوا فجأة شفتوا ماسكني و بعدها شفت نايف جاي و اعطاني كف و ضرب الرجال الثاني و انا بعدها معاد ادري عن شيء غير إني صحيت في المستشفى ,
تولين بصدمة: وهذا الرجال اش دراه عندكِ ؟ ترا في شيء غريب في الموضوع صدقيني انا اشك إنه من رأس لينا الزفت هذي ,,
ريناد: يوم خرجتي من المستشفى يا لين تحمدت لكِ بالسلآمه و لا لأ ؟
لين: لأ , حتى كانت مو مهتمه وربي آإهئ آإهئ
تولين بقهر: صدقيني يا لين حقكِ مابيضيع لو اش يسير , لينا بعرف اتصرف معاها انا , و نايف لعرف السبب بس لما اتأكد انا بيندم قد شعر راسه ..
لين بضعف: طيب تولين بس لا تأذي احد
تولين بقهر: يسير خير
ريناد ببتسامه: طيب خلآص فكوها من هرجه , خلونا نخرج
لين بهدوء: ابغى اروح البحر
تولين بحب: من عنوني و لكِ احلى خرجه للبحر , بس دقيقه اكلم حمود
لين: طيب ^^
..
في شقه بندر & نآإصر } ..
نآإصر بصدمة: جد انك غبي هذي سوات تسويها في البنت ؟
بندر ببرود: عادي بعدين انا بتزوجها و مو ساير لها شيء ان شاء الله
نآإصر بقهر: و طيب هذي لينا ؟ كذا يعني خرجت من الموضوع بسلآمه ماسار لها شيء و انت إلي تقول بتنتقم منها عشان اخوها محمد ؟ و تحسب إنك لو تقدمت للين بيوافق ؟ جد إنك غبي
بندر ببرود: اقول لا تسب طيب , و بعدين " بسخريه " مين قال لك إنه حق لينا الزفت هذي بيروح ؟ تشوف بعد كم شهر اش يسير فيها و ربي لوريها الويل انت اصبر بس , و على محمد بروح اتصرف معاه بنفسي هي مشكله قديمه و بحلها بنفسي و بعدها اخطب لين و يوافقون ان شاء الله
نآإصر بهدوء: والله مدري عنك زي الشيطان انت سرت اخاف منك يا كثر المصايب إلي تجي من تحت راسك
بندر: هههههههههههههههههههه لا لاتخاف مني بالذات انت خوويي عمري مو ساير لك شيء
نآإصر ببتسامه: احسب بعد , بس تكفى بندر لا تأذي الناس
بندر بهدوء: على لينا لا تخاف تاخذ لها قرصه اذن يسير تتوب و تسيب عنها السخافه و الحق
نآإصر: هممم
بندر: قوم خيسنا في ذي الشقه خلنا نروح البحر و دي اشم هوا عدل
نآإصر: اوكي يلآ مشينا
و خرجوا من الشقه متوجهين للبحر .. ~
..
{ بندر و نآإصر عيال عم ,
بندر عمره 30 سنه مملوح مرا طويل و جسمه رياضي و ملآمح وجهه حادة شويه و عنونها سودة تجنن و السكسوكه محددة و جايه عليه حلوة و شعره كدوشي " كدش خخ " مرا روعه , و دايم عليه ابتسامه بارده ,
نإآصر عمره 30 سنه مايقل جمال عن بندر , بس إنه اقصر منه بشوي بس و حاط تقويم و شعره طويل شويه و ملآمحه هادئه } ..
في بيت رينآإ - الصالة } ..
رينآإ بقهر: يلآ وسن انا رايحه
وسن بهدوء: رينا حبيبي لا تسوي مشاكل بليييز عماد لو مايحبك ما استحمل تصرفاتكِ حاولي تتقبلي الموضوع خلآص عاد
رينا بدون نفس و هي تفتح باب الشقه: يسير خير باي
وخرجت
وسن: " الله يهديكِ يآإرب " ..
..
نزلت تحت و شافت عماد واقف عند باب السياره و يطالع فيها
مرت من جمبه بهدوء و فتحت باب السايره و دخلت ,
دخل بعدها و طالع فيها بهدوء
عمآإد ببتسامه: فين تبغينا نروح ؟
رينا ببرود: اي مكان تبغاه
عمآإد: اجل بنروح الجموم
رينا بستغراب: اش نروح الجموم لا مابغى
عمآإد ببتسامه: ههههههههه لا بنروح بوريكِ فيها شيء و بعدها نرجع
رينا بهدوء: على راحتك اجل
عمآإد: هممممم
رينا: شغل لنا اغنيه
عمآإد بستغراب: حركات تسمعين اغاني ؟
رينا ببرود: ليش سلآمات دوبك تدري !
عمآإد بنص عين: طبعاً احسبك مطوعه من اول , مو انت ماتقولين لي شيء و يادوب الواحد يتكلم معاك
رينآإ: ...................
عمآإد: طيب اش تبغي اشغل لكِ ؟
رينآإ: اممممم شغل مابنكسر صابر - لراشد الماجد
عمآإد بسغراب: غريبه و ليش هذي الاغنيه بالذات حزينه شوي مو ؟
رينآإ: عادي حطها تعجبي
عمآإد: اوكي
شغل الاغنيه و رفع الصوت و دخلت رينآإ جو مع الاغنيه !!!
ما بنكسـر صابـر .. لو فرصتي تمضــي
والحظ لـو عاثـر .. بصنــع أنــا حـظــي
لــو تنثـر أحـلامـي .. برجــــع أرتبـــها
ولو تصعب أيامـي .. بعيش وماحسبها
يامسهل الدنيا مهما تعاندنا
عادي التعـب عادي .. والهم هو ملحه
ولو ما الحزن بادي .. مانفهم الفـرحه
..
ع البحر عند البنات } ..
لين و هي تتنهد: حياتي كلها نكد , وربي ماشفت فيها يوم حلو !! امي ماتهتم فيا بالمرا , و ابوي نادر مايكلمني اصلاً و لينا تكرهني من الله خير شر و حمودي هو الوحيد إلي يخفف عني , و انتي يا تولين مع رنود
تولين بحزن: وربي يا لين إنو كل شيء قلتيه ما يجي ربع الحزن و القهر و الحقد إلي في قلبي !!
لين بستغراب: ليش ياقلبي انا شافتكِ مبسوطه مع عمي عبد العزيز مو مقصر معاك في شيء , " وبنبرة حزن " ادري ابويه من مهتم بس معليش مادري ليش هوا كذا
تولين بسخريه: هه وربي ماتدرين عن شيء انتي يا لين , و عن ابوك انا مافي يوم اعتبرته ابويه انا ماعندي ابو من يوم ماجيت على الدنيا
لين: آإه كل مين عندو هموم الله يعين يارب
سكتت تولين و هي تطالع في البحر بصمت و هدوء و تردد في خاطرها } ..
أبسالك يا بحــر سؤال يمكن ألقى لحيرتي جواب .. ؟
أبسالك يا بحر عن الغـــدر
غدر الزمان يا بــحر غدر الزمان
أبسالك وعطني لحيرتــي جواب
جارت أيامي يا بحر
طال الدهر أوقـــصر
ببقى أنا والسهـــر
هذا حظي وما منه مـفر
هذا نصيبي لكن وين الصبر
هذا أنت يازمن غدرك يشبه غدر البحر
هذا نصيبي وهذا هو القدر
هذا نصيبي وهذا شي أنكتب
طال الدهر أوقصر
دايم حزين
غريب آمرك يابحر
طــال الدهراوقصر
هذا حظي ولا بد من الصبر .. } !
..
و تنهدت بعدها من قلب ..
رينآإد و هي تحضن كتوف تولين: حسبي الله على الظالم صدقيني حقكِ ما بيضيع تولين
تولين بهدوء: آإمين , ان شاء الله يارب مايضيع
لين بهدوء: بنات خلونا نروح كافي ولا اي شيء ,
تولين: طيب بس ادق ع حمود يجي ياخذنا ,,
..
في الجموم شقه متواضعه نوعاً ما } ..
رينإآ بقهر: انتَ اللحين ليش جايبي هينا ؟
عمآإد ببتسامه: هههههههه نسترجع ذكريات إختطافكِ
رينآإ: افففففففففففففففف
عمآإد: اش فيكِ ؟ روحي اتفرجي تي في و روقي
رينآإ بستغراب: نعم ياخي ؟ هو انت جايبني هينا عشان اتفرج " وتقلد صوته " تي في ؟؟
عمآإد: هههههههههههههه ايوا عادي " و بصوت جدي " روحي اتفرجي اقول انا باخذ لي شآإور
رينآإ بقهر: اوف خذ شآإورك هذا و بسرعه لو سمحت و بعدها بخرج من ذي الشقه
عمآإد وهو يروح ياخذ له منشفه من الدولاب: ابشري من عنوني
و راح من عندها و دخل ع الحمآإم { الله يكرمكم } ..
رينآإ بقهر: افففف جد ذا الرجااااال يقهر اللحين جايبني ذي الشقه عشان ياخذ له شور ؟ استغفر الله العظيم بس مو صاحي
خرجت من الغرفه و راحت ع الصاله
طالعه فيها كانت عاديه بس حلوه مابها شيء اصلاً باين إنو ذي الشقه شقه عزابيه
جلست ع الكنبه و شغلت التي في و جات ع قناه اغاني و فيه اغنيه البادي اظلم - مايد عبد الله
عجبتها الاغنيه قامت من الكنبه و سكرت المبات البيضه و خلت الصفره بس و فسخت عبايتها
جلست ع الكنبه و دخلت جو بقوه مع الاغنيه ,, ~
قطع عليها و نكد جوها صراخ عماد و هو ينادي باسمها
رينآإ بقهر: استغر الله ماينادي إلي في الاوقات الغلط !!!!!!
قامت من الكنبه و هي ناسيه إنها مفسخه عبايتها
و دخلت الغرفه شافت عماد معطيها ظهره و مو لابس التيشير لسا
رينآإ و هي مستحيه و معطيته ضهرها: وجعع يا قليل الادب طيب البس و بعدين ناديني اففففف
عمآإد: هههههههههههههههههه عادي يختي و بعدين ياكثر ما تأفأفتي اليوم ارحمي نفسك شوي
رينآإ بقهر: خلصت لبس ؟؟
عمآإد و هو واقف وراها بالزبط مسكها مع خسرها و همس لها: ايوا خلصت يا قلبي
رينآإ استحت موووت: آإآإ احمم طيب و خر شوي
عمآإد لفها لجهته و ببتسامه حلوة: قمر ماشاء الله عليكِ ياقلبي
رينإآ استحت منه كثير هي تعامله بكل برود و جفا و هو مافي احسن منه في معاملته لها: آإ تسلم
عمآإد: طيب يا جلوة يلآ روحي البسي عبايتكِ بنروح نتعشى
رينآإ بستغراب: نتعشى اللحين الساعه دوبها 6 و نص المغرب ؟؟
عمآإد: ههههههه عادي يلآ بصلي اول و بعدها نروح
رينآإ بشبه إبتسامه: طيب
عمآإد بفرحه صراخ: وه يآإآإآإنآإآإآإآإآس
رينآإ نقزت من اخوف: بسم الله الرحمن الرحيم اشبك انت فجعتني !!!!!!!!
عمآإد: ههههههههههههههههههههههههه يبغالكِ صورة صراحه شكلكِ رهييب
رينآإ بقهر: وجعع سخيييييييف , و بعدين ليش صرخت
عمآإد ببتسامه: شفت شبه إبتسامه عليكِ و ياحلوها تجنن يآإنآإس
رينآإ بخجل: وجع احسب عندك شيء
عمآإد و هو يرفع حاجب: يوجع الشيطاان يارب , ولا شكلكِ انتي تبغيني اتوجع ؟؟
رينآإ بعدوء: بسم الله عليكِ , وبعدين سي عنك الهرج الزااايد و يلآ نصلي
عمآإد: هههه حلوة التصريفه طيب يلآ
راحت رينآإ توضت و صلت هي و عمآإد و بعدها رآإحو عشان يتعشوا في المطعم .. ^^
..
في بيت ابو إيآإد - غرفة نوم عبد العزيز و إيمآإن } ..
إيمآإن بصدمة: نعم !! و بكل قواه عين جاي يقول هذا الكلآم ؟
عبد العزيز بهدوء: عادي يا إيمآإن الإسلآم محـ’’
إيمآإن و هي تقاطعه: لا تقول لي الإسلام يحلل و ماعرف اش يا عبد العزيز
عبد العزيز: طيب اصلاً الموضوع بيد تولين إذا هي حابه وافقت و إذا هي مو حابه ماوافقت مافي مشكله كذا ..
إيمآإن بضيق: ان شاء الله بتوافق هذا مو كلآم
عبد العزيز بضيق: آإه الله يستر يارب , انا بكلمها و اشوف رأيها
إيمآإن: طيب , لا ماقلت عبد الله اش يقول
عبد العزيز و هو يضحك: ههههه وربي ذا الرجال مو صاحي يقول عمي وش رأيك بس اخذ رنود بدون عرس ولا شيء يبيها بسرعه الولد
إيمآإن: ههه طيب و متى قال العرس ؟؟
عبد العزيز ببتسامه: بعد شهرين ان شاء الله , وربي يتمم لها ع خييير
إيمآإن: امين يارب .. ^-^
..
في بيت ابو معآإذ - غرفة المعيشه } ..
ام معاذ بصدمة: ليش طيب ؟
معاذ ببرود: بس كذا , و ترا اليوم كلمه الرجال
ام معاذ بضيقه: انت حر بس انا مو راضيه عليك و الشيء إلي سويته هذا خليه ينفعك
و قامت من عنده و هي متضايقها حدها
معآإذ بضيقه: " مصيرك يوم تعرفين يا يمه تعذرني صدقيني بنعذرني و هه يا خوفي تكرهيني بعد !! "
..
إنتهى البآإرت الـ 13 ~
توقعاتكم ..
- بندر لو تقدم للين تتوقعوا بتوافق عليه ؟!.
- اش المفاجأة لي مسويها بندر للينا , تتوقعوا كيف بينتقم منها ؟!.
- معاذ ليش جاي لـ عبد العزيز و اش يبغى منه ؟!.
- تولين اش بتسوي للينا و نايف ؟!.
.. { الـبـآإرت الـ 14 } ..
مـآرآح آســآمح لو تجينــي
| خيـــآنـــﮧ |
صدري آمتلآ بـ طعون ورمـآح وسيوف ..}
مـآرآح آســآمح وآن بغيت آلآمـآنـﮧ
بـ آعطيـڪ ..{ نڪرآن ونسيـآن معروف !
..
صباح يوم جديد - في بيت ابو معآإذ } ..
ام معاذ بفرحه: يلآ هانت مابقي غير يومين بس و افرح فيكم
عمآإد بفرحه: يارب تعدي هذي اليومين بسرعه بس
لفت ام معاذ بضيقه لمعاذ إلي باين من ملآمحه إنه مو مهتم للموضوع بالمرا تنهدت بضيقه ,, " الله يهديك يا معاذ "
راما بحب: ماما انا اليوم رايحه اجيب فستاني و اشوف الكوفيرا عشان اأكد الحجز ماتبغي تجين معاي
ام معاذ بحنيه: طيب جايه معاك ان شاء الله
معاذ ببرود: يلآ اسأذن وراي شغل
راما بستغراب: ليش مو ماخذ إجازة انت ؟ حبيبي زواجك بعد يومين خلي عنك الشغل !!!
معاذ بهدوء و هو يتوجه لباب الفله: لا مو ماخذ إجازة , و يعني زواجي وين المشكله ؟ يلآ سلآلآم
و طبع وراه الباب
مخلي راما في دهشه من تصرفات اخوها ,
رامآإ: غريب ذا الرجال في احد زواجه بعد يومين يروح الشغل ؟
عمآإد: هههههههههههه اي فيه هذا معاذ
رامآإ بقهر: اسكت انت , إلا صح متى بتشتغل في شركه ابويه
عمآإد بنص عين: دوبكِ تقولين اسكت انت
رامآإ: اقول لك متى بتشتغل جآإوب ؟
عمآإد: بعد شهريييييين
رامآإ: الله يوفقك
ام معاذ ببتسامه: امين يارب ^^
..
في بيت ام خالد - الصآإله } ..
مزون بقهر: رفضتك يعني ؟
خآإلد ببرود: صح النوم من اسبوع و هم رادين علينا بالرفض
مزون: و انت مبسوط سيد خالد ؟ عاجبك كذا اول وحدة تخطبها و يسير لك كذا " و بخبث " إهاااانه للرجال هذي ترا
خالد ببرود: اهانه ولا مو إهانه ما وافقت خطبت وحدة غيرها و تكون غنيه عادي لا تجلسين تتفلسفين ع راسي تكفين
مزون سكتت بقهر
ام خالد بقهر: هذا و امها قايله لي بروح اخطب البنت إلي تبغينها معاكِ ؟ و خطبت بنتها و رفضوا
خالد: اللحين انتو وش فيكم معصبين كذا ؟ خلآص ما وافقت في غيرها و ين المشكله يعني ؟
ام خالد بغضب و حدة: باللهي يا شيخ ؟ و بكل برود تقول كذا مين قال لك في غيرها مافي وحدة ترضى بواحد زيك ترا هاا لا شغل ولا مشغله من يوم مارفضت البنت و قفت الشغل في الشركه و لا ياحسره تبي غنيه من وين اجيبها لك و انت حاافي منتف هااااااا ؟؟؟
خالد ببرود: عاد انا ماتوقعت إنها بترفض انتي قلتي الحرمه خويتك و مادري وش خلآص توقعت بنتها بترضى
ام خالد بخبث: وش رايك اخطبها ثاني مرا ؟
خالد بستغراب: تخطبينها ثاني ؟ " و بسخريه " هههههههههههههههههههههه يسير ترفض ثاني مرا كمان
مزون بقهر: اسكت انت يا خفه دمك بس , احمد ربك امي تدور لك الغنيه تخرجك من فقرك الخااايس ذا
خالد ببرود: اوكي اخطبيها مرا ثانيه ماعندي مشكله
ام خالد بخبث: بس ارجع اشتغل في شركه زوج اختي , و انا بحاول اقنع إيمان
مزون بخبث: وه ياحوبي لك يا امي تعجبيني
ام خالد ببتسامه خبيثه: اكييد مابغى لكم إلى الاحسن , إلا انتي خلآص خلصتي اغراض عرسك مابقي غير يومين
مزون بفرح: ايوااا بس بكرا النقاشه بتجي حجزتها
ام خالد بخبث: تمااااااااااااااااااام
..
في بيت عبد العزيز - غرفة المعيشه } ..
إيمآإن بتوتر بسيط: يلآ ايود و رنود امشوا معاي ابغاكم في شغله
إياد & ريناد بستغراب: اوكي
و خرجوا من غرفة المعيشه مع امهم و بقي عبد العزيز & تولين
تولين بهدوء: قول عمي وش في خاطرك ؟ من اول و انا شايفه انك تطالع فيني فيه شيء ياعمي ؟
عبد العزيز: والله مادري وش اقول لكِ يابنتي بس اعرفي انه محد يقدر يغصبكِ على شيء او يقول لكِ شيء !!
تولين بخوف: خوفتني عمي قول وش الموضوع
عبد العزيز و هو ياخذ نفس: الموضوع يا بنتي إنه .................................................. .................
..
بعد مرور يومين في قاعة الزواج } ..
مزون بخوف: ماما اللحين الزفه ؟!.
ام خالد ببتسامه: إيه اللحين بس اصبري شويه " و بهمس " شايفه رينا بل عليها حليوه مرا
مزون بقهر: إيه ماما والله طالعه احلى مني وجع فشكلها
ام خالد ببرود: ماعليكِ منها بس , خليكِ في زفتكِ اللحين
مزون: طيب
دخلت عليهم ام معاذ و قالت لهم يتجهزا اول شيء بتنزف مزون و بعدها رينآإ
بدأة زفت مزون و انزفت على موسيقى كلآسيكيه زفتها كانت عاديه بس مزون طلتها كانت حلوة لانها جذابه كثير
وصلت للكوشه و جلست عليها ربع ساعه و اهلها و احبابها يرقصوا عندها , و بعدها وقفت و سلموا عليها الناس و سلمت ع امها و بعدين خرجت عشان التصوير و بعدها تلبس عبايتها و تروح مع معآإذ .. ~
اما بنسبة للعروسه الثانيه
انزفت رينآإ بعد مزون بربع ساعه على ابيات شعر من تأليف عمآإد و القائه و كانت حلوة و كمان اغاني ~
دخلت و ابتسامه حلوة محليه شفتها مع إنها مو من قلبها !
و صلت للكوشه و جلست و نفس طريقه مزون شغلوا اغاني و رقصوا اهلها إلي هم مرت عمها و رسيل و وسن و بعض من المعازيم
بعدها سلمت ع الكل و على وسن سلآم حآإر و بكيت من قلبها
وبعدها تصورت مع عمآإد و خرجوا .. ~
..
{ الساعة 3 ونص الفجر - في غرفة تولين ..
" ياربي ليش دايم المصايب تكون فوق رأسي ؟ بس انا مستحيل ارضى بهذا الشيء لو اش يسير ! ماشاء الله واثق من نفسه بقوه هذا المعاذ ؟ عشان عشانه اغتصبني و حطم مستقبلي برضى فيه مثلاً ؟ ادري مستحيل اتزوج لو اش يسير مادم إني مو بنت , آإه ياربي استغفرك و اتوب إليك , انا بكلم ريناد و اشوف اش تقول "
خرجت من غرفتها و راحت ع غرفة ريناد دقت الباب مرتين و فتحت لها ريناد و شكلها دوبها بتنام
ريناد بستغراب: هلآ تونه غريبه اشبك مانمتي ؟
تولين بضيق: رنود تعالي غرفتي بقول لكِ هرجه
ريناد بهدوء: من اول استناكِ تتكلمي ملآحظه عليكِ من يومين وانتي مو على بعضكِ ! , يلآ امشي
وراحوا ع غرفة تولين
تولين: تعالي عند الشرفه
رينآإد: اوكي امشي
دخلوا ع الشرفه المطله للحديقه و جلسوا ع الارض
رينآإد: وهذي جلسه ياست تونه قولي الموضوع
تولين و هي تتنهد: مــعــإآذ
ريناد وهي تكشر: استغفر الله وش فيه هذا كمان , ليش تفكرين فيه حسبي الله عليه
تولين بضيق: ريناد معاذ خطبني من ابوك قبل 3 ايام
رينآإد بصدمة: إيـــش ؟!. خطبكِ صاحي هذا الرجال ولا مجنون ؟ وبكل قوآإة عين يجي لـ ابويه يخطبكِ !!!
تولين بهدوء: اوففف طيب و اش اسوي اللحين يعني ؟
رينآإد بحدو: ايش وش اسوي اللحين يعني ؟؟ , من جدكِ تتكلمين انتي طبعاً بترفضين
تولين: بس حطي في علمكِ يا ريناد انا انخطبت من قبل 3 مرات و كلهم رفضتهم و اظنك تعرفين السبب ! يعني اللحين معاذ بيكون 4 واحد و كمان برفضه و غير كذا انا ودي اتزوجه و اكسر راسه و اتطلق مستحيل اجلس على ذمته
رينآإد بهدوء: تولين متأكدة ياقلبي مافيكِ شيء ؟ سيبي عنكِ الهرج الفاضي هذا مافي شيء اسمه اجننه و اكسر راسه و اتطلق و ماعرف ايش ! حبيبي الزواج ستر لكِ اكيد لو بتجلسي شهر شهرين معاه و بعده يطلقكِ اول شيء بتسيري مطلقه ثاني شيء سمتكِ وربي كل من هب ودب بيتكلم عنكِ , بس مع هذا كله انا ماقول شيء عادي ياكثر الناس إلي تطلقوا بسبب ازواجهم او بسببهم هم نفسهم , بس انتي غير لا تسوي شيء تندمين عليه بعدين يا تولين !!
تولين بغضب: بس عشانه انا مستحيل اتزوج وتدرين كمان الاخ متزوج ترا !!!
ريناد بصدمة: نــــعــــم !!!!! متزوج ياسلآلآم وجاي يخطبكِ كمان جد هذا الرجال مافيه ذرة عقل وربي مو صاحي مجنوووووووووون !!
تولين بسخريه: و يكون في علمكِ ترا إلي متزوجها صاحبتي ايام الثانوي مزون
رينآإد بقهر: كمان يعني متزوج مزون العله ساس المصايب جعل ربي مايوفقهم إثنيناتهم !!!
تولين بهدوء: اللحين يا رينآإد الشيء إلي انا ابغى اوصل له انتي اش رأيكِ في موضوع إنه خطبني اوافق ولا لأ !!
رينآإد ببرود: انا قلت لكِ رأيي و انتي حره يا قلبي , بس صلي استخارة و شوفي , ايوا صح ياتولين و لا تاخذي الموضوع لعب و انتقام و ماعرف ايش ترا كل هذي الاشياء مجرد كلآم لا تقدمي على خطوه إنتي منتي قدها طيب ؟
تولين بهدوء: ان شاء الله " وقامت باست خد رنود "
تسلمي رنود جد انتي اغلى شخص على قلبي
رينآإد ببتسامه: لو كم تونه عندي هي وحدة بس وربي يخليها ^^
تولين: الله يسعدكِ يآإرب , ويجعل ايامكِ كلها سعادة " و بغمزة " و يسعدكِ مع حبيب القلب عبادي
رينآإد بخجل: هههههه آإمين ^^
..
في فندق خمس نجوم عند معآإذ و مزون } ..
طبعاً اول مادخلوا راحت مزون تإآخذ لها شآإور و تلبس و تتزبط و معآإذ نفس الشيء بس هو عكسها ماتزبط ولا شيء بس اخذ لو شآإور و لبس بيجامه عاديه خخخخخ
و هم جالسين ع طآإوله الطعآإم طبعاً مزون من اول وهي تهرج على راسه و هو يرد عليها بإجابات مختصره .. ~.~
مزون بدلع: ان شاء الله تطلع صورنآإ حلوه
معاذ: ان شاء الله
قام من السفره و غسل و رجع لمزون
معاذ ببرود: تعالي الغرفة
وراح
مزون ببتسامة: ههههههههاي تشوف يامعاذ إذا ماخليتك تموت فيني و اخذ كل فلوسك !!
شالت السفره بسرعه و غسلت و عدله شكلها و راحت ع الغرفه !!!!
..
صــبــآإح يــوم جــديــد ..
في بيت ابو محمد - غرفة لينا } ..
ام محمد بحب: اليوم ملكتكِ ياقلبي هآإ كيف نفسيتكِ ؟
لينا بغرور: اكييد تمآإم مو انا بآإخذ الدكتور سآإمي مو اي احد
ام محمد بفخر: إي والله بتاخذين الدكتور مالت على اختك الثانيه
لينا بكره: لا تجيبين سيرتها عندي ماما وجع اكرهها من قلبي
ام محمد: ماعليكِ فيها , ذي شكلها بتجلس على كبودنآإ بتقعد عانس طول عمرها
لينآإ بدلع: هههههههههههههآإي و انتي الصادقه مامي
ام محمد: يلآ حبيبي تعالي ننزل شوي و تجي الكوفيرآإ عشان تسوي بدكير و منكير و بعدها ميك اب و تسريحه
لينآإ بدلع: اوكي , بس آإخذ شآإور و اجي
ام محمد: طيب بس لا تتأخري
لينآإ: اوكي
خرجت ام محمد من غرفة بنتها و نزلت تحت للصالة تشوف الكوفيرآإ اشبها إلين اللحين ماجات !
..
..
في غرفة لين } .. ~
جالسة تكلم في الجوال
لين بسخريه: ايوا اليوم
تولين بقهر: عمى اختك ذي قليله ادب لكن يسير خير وربي لوريها
لين ببرود: تولين سيبي الجونان هآإ ترا مو ناقصين مشاكل و انتي اش دراكِ انها السبب
تولين بحدة: لينوه انتي غبيه ولا كيف ؟ مو تقولين بنفسكِ قالت لكِ تعالي عندي في السوق و بعدها سارت المشكلة حقت الولد و نآإيف ؟
لين: ايوا
تولين ببرود: يعني خلآص واضحه اكيد هي السبب امكن هي قايله للولد إلي مسككِ يسوي معاك كذا عشنها تكرهكِ و انتي انخطبتي وهي لأ !
لين: مادري , بس برضوا مابغى اظلمها خلآص ماعلي منها اصلاً مابغى اتزوج بجلس في البيت
تولين: ههههههههه لين يابقر مو مسألة تتزوجي و ماعرف ايش لأ إلي انا بسويه إني بأخذ حقكِ لو اش يسير
وبعدين تعالي مين قال لكِ بتجلسي في بيت ابوك حبيبي هإآ ؟ ههه ضحكتيني وربي ابوك ليزوجكِ واحد قده لو ماتزوجتي
لين بضيق: اوففف فكيها من هرجه الله يلعن الشيطان , إذا كانت لينا جد هي السبب في إلي سار ليا فحسبي الله على الظالم و إذا لا الله يهنيها في ملكتها
تولين بقهر: ايوا وربي حسبي الله على كل ظالم ! , وبعدين خير اليوم ملكتها ؟
لين ببرود: ايوا مدخليني في غرفتي لا تخرجين ولا نشوف وجهكِ و شوفيهم اكييد اللحين هم تحت عند الكوفيرا
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك