رواية ما كل جرح يطيب من عذر حبك كل يوم يكبر بقلبي -6
إيمان: اسمها ام خالد إلى كانت لابسه جلابيه سودة تذكرتيها ؟!.
إكليل: ايوا
إيمان: طيب كويس هي خطبتكِ مني لولدها خالد بس !
إكليل بهدوء: طيب بس اش
إيمان: انا موافقه امه طيبه و انا احبها كثير و الولد اكيييد انه زي امه بس برضه نسأل عنه , المشكلة هينا ابوك مو موافق
إكليل بهدوء: طيب ماما انتي تقولي امه صاحبتكِ بس مع كذا لازم تسألوا عن الولد , و بعدين ليش بابا مو موافق ؟
إيمان ببرود: يقول لاي احد من طرف ابو محمد يبي و حدة من بناتي انا ماعطيه !
إكليل بستغراب: ليش هو الولد يقرب لابو محمد ؟
إيمان: ايوا زوج خالته ,
إكليل بهدوء: طيب ماما انا بفكر بالموضوع , بس مابغى اتزوج و بابا مو عاجبه الرجال , و بعدين لو تبغى قولي لها تجي تدق باب البيت !
إيمان: هي قالت لي طيب يعني تعرف ارد من بدري افضل بعدين بتجي تخطب
إكليل: طيب بس برضوا انا بفكر لما بابا يرضى و هي تجي البيت تخطب !
إيمان وهي تتنهد: طيب انا اليوم اكلم ابوك و اشوف
إكليل: طيب يلآ انا بروح غرفتي تبغي شيء ماما
إيمان: لا حبيبتي سلآمتكِ بس فكري في الموضوع عشان خاطري
إكليل: طيب ابشري
خرجت إكليل من غرفة المعيشة و بقيت إيمان تفكر في كلآم بنتها بعدها خرجت عشان تروح غرفتها و تكلم زوجها مرا ثانيه ,
..
{ في بيت ابو محمد - غرفة ليييين الظهر الساعة 2:10 } ,
لييين: يلا تولين الغدى تعالي ننزل
تولين بهدوء: لأ مابغى انزل
لييين: ليش بليييز انزلي و على امي وربي ماتقدر تسوي لكِ شيء و ابوي موجود
تولين " اففففف هو مو بس عشان امك يا لين كمان عشان ابويه ": طيييب يلآ
خرجوا من الغرفة و قابلوا لينا وهي خارجه من غرفتها
طالعت في لييين نظره غريبه لين مافهمتها لانها متعودة دايم اختها تطالع فيها بنظرات زي كذا
بس تولين ابد مارتاحت لانو تعرف هذي النظره دايم إلى فراسهم شيء او بيسووا مشكلة نظراتهم كذا !
نزلوا تحت و شافوا ابو محمد و ام محمد و محمد جالسين
ام محمد تطالع في تولين بنظرات ناريه و من طرف خشمها كأنه و جودها في البيت مو عاجبها
جلست لين ع كرسي و جمبها تولين و على الجهه الثانيه لينا
ام محمد بقرف: انتي اش جايبكي تتغدي معانا قومي المطبخ خوذي غلى تبغي و فكينا من وجهك
تولين كان ودها تصيح من القهر ابوها ولا هممه جالس ياكل ولا طالع فيها حتى , و محمد مايقدر يقول شيء إلا انه نزل راسه و سكتت و لين زيها تحس انها بتبكي ليش امها تقول كذا ؟ و طبعاً لينا بتموت من الفرح إنو امها قالت كذا
تويلن ببرود: والله مو شغلكِ انا في بيت " وشددة على الكلمة " ابويه مالكِ سطله عليا
ام محمد إنقهرت مووت و كان ودها تقوم تضربها كف
و ابو محمد زي ماهو ولا حرك سآإكن !
..
{ في بيت ابو معآإذ - غرفة المعيشة
ام معاذ عصبية: لا ياشيخ البنت رفضتك قبل اسبوع و انت جاي تقول لي اللحين روحي اخطبيها مرا ثانيه !
عماد بهدوء: يا يمه البنت انا ابيها , و لو ماتزوجتها مستحيل اخذ غيرها
ام معاذ قهر: طيب و لو رفضتك مرا ثانيه
عماد بثقه: ماحترفض و لو رفضت و عد مني اخطبيلي غيرها ثاني يوم !
ام معاذ ببرود: طيب نشوف , إلا اخوك معاذ وينه ؟
عماد: آإمممم ناااايم
ام معاذ بهدوء: روح صحيه الناس ظهر و تتغدى و انتو كل واحد منكم في جهه روح بس صحي اخوك و خلي رآإما كمان تنزل يسير نتغدى مابقي شيء و يجي ابوك
عماد وهو يقوم بملل: طيب
وطلع عشان ينادي اخوانه للغدى .. ~
..
نرجع لبت ابو محمد
طبعاً بعد ما الكل اتغدى راحت تولين ع المطبخ عشات تشرب لها مويه
ولين كانت في الصالة تشوف الـ t.v
لينا بهدوء: لين ممكن لو سمحتي تعطيني جوالك ؟
لين بصدمة " وي وي وي وش ساير في الدنيا لينا تكلمي بادب , ياربي لك الحمد شكلها بتدعدل معايا ": ايوا اكيييد تفضلي , بس اش تبغي منو ؟!.
لينا " يوه ورطه وش اقول لها ابغى ": ايوا ابغى رسائل حلوة
لين ببتسامة: اوكي
اخذت لينا الجوال من لين و ابتسامة مكر و خبث على شفايفها خزنت رقم نااايف عندها و اعطت لين الجوال و راحت ع غرفتها تبدأ في خطتها ,, ~
..
{ في بيت رينآإ
دوبها صحيت من النوم مالها خلق شيء مرت من الصالة و شافت وسن جالسة تقرأ كتاب
ماعطتها اي اهميه و راحت ع المطبخ سوت لها كوفي
وجات الصالة جلست جمب وسن
وسن بهدوء: يلآ قولي لي اش سار ؟!.
رينا ببرود: ما سار ولا شيء
وسن بحدة: رينا انتي قبل اسبوع رفضتي الولد , ويوم اخذكِ ورجعكِ سألكِ موافقه قلتي ايوا ! , اش هذا عماد مهددكِ ؟!.
رينا بهدوء: عادي غيرت رأي , ولا مو مهددني ولا شيء
وسن بهدوء: رينا ترا الزواج مو للعبة فكري في الموضوع كويس
رينا " هه ضحكتيني يا وسن مافي مجال للتفكير اصلاً ": لا انا موافقه و انا مقتنعه
وسن وهي تتنهد: اجل الله يوفقك يآإرب
رينا بدون نفس: آإمين
" ياربي ياوسن انا مو موافقه لكذا شيء , وانتي احد الاسباب مابغى اتزوج و اسيبك لوحدكِ في البيت , وكمان مابغى اخذ عمادوه هذا , اففففف يارب انك توفقني"
..
إنتهى البآإرت الـ 9 .. ^^
توقعآإتكم
- تولين بتسوي شيء بعد ماعرفت إنو معاذ خطيب مزون ؟!.
- بندر جد يحب لين و يبيها ؟!.
- لينا بتقدر تجيب لين لبندر , واش هيا الخطة إلى بتسويها ؟!.
- رينا بترد على عماد بالموافقة ولا بتسوي لعانه خخخ و مابتوافق ؟!.
- عبآإدي و رينآإد ؟!.
.. { الـبـآإرت الـ 10 ~ } ..
شمعة الأشواق في قلبي طفت!
وادري ان البيت هذا يزعجه..
بلغوه إن شافني لا يلتفت!
لأجل ما افقد شعوري، واحرجه..
لي خلايا دم، في جسمي نفت!
حبك الكذاب، مهما تدرجه..
ولي عيون(ن) عن دموعي ما عفت!
جف دمعي ما لقى بي مخرجه..
وانت منت الا حكاية أولفت!
فلم فاشل، ما لقى من ينتجه..
لا تحاول، والنهايات احلفت..
إنت فاشل، وين يعني تتجه!
صوتي المبحوح، ناديت وخفت!
اختفى ما بين صمت وحشرجه..
لي عيون(ن) من عرفتك ما غفت..
كل ما جاها المنام يهججه..
طيفك الكذاب، وأجواءك صفت..
لأجل تطعن قلب، حبك بنجه..
علموه إن أعظم جروحي شفت!
والله الي جاب همّي يفرجه..
..
{ بيت ابو معااااااااااذ - الصالة ~
بعد ماتغدوا جابت لهم الخدامة الشاهي في الصالة و سارو كلهم جالسين
عماد بصوت هادي: ابويه
ابو معاذ: هلآ
عماد: البنت إلى خطبتها قبل اسبوع و رفضت اليوم امي بتروح لها ثاني مرا عشان اخطبها
ابو معاذ بهدوء: بس البنت مالها اسبوع ؟ اخاف تخطبها ثاني و ترفض
عماد بثقه: لا ماحترفض ان شاء الله
ابو معاذ بهدوء: طيب الله يوفقك اجل
عماد: امين
ام معاذ بحنيه: ها يا راما كيفكِ مع طارق ؟!.
راما بخجل: الحمد لله ماما كل شيء تمام
ام معاذ: يلآ ترا مابقي كثير مرا ع العرس خلينا نشتري الدبش من اللحين
راما بهدوء: اممم طيب مو مشكلة
معاذ ببرود: امي ترا زواجي بعد شهر !
ام معاذ بصدمة: اش ؟!.
معاذ ببرود: اقول لكِ يا امي الزواج بعد شهر ! انا و مزون نبغى بعد شهر
ام معاذ بقهر: بس مو كأنه بدري زيااادة !
معاذ: لا عادي مو بدري
ام معاذ: طيب اجل بندور لك قاعه من اللحين , و نسوي الكروت و كل شيء
معاذ بدون اهتمام: ع راحتكم
ابو معاذ ببتسامة: على كذا اش رأيك يا عماد لو البنت توافق تسوي زواجك مع اخوك ؟!.
عماد و ماصدق خبر قال بسرعه: ايوا وربي جبتها ابويه كذا كويس تضرب عصفورين بحجر
ام معاذ بقهر: لا باللهي انت الثاني , لسا البنت ماخطبناها تقول لي زواجك مع اخوك ؟؟!.
عماد بهدوء: امي يسير ما يكون في تكاليف كثير , و بعدين ع رينا انا قلت لكِ بتوافق و ان شاء الله ماترفض يكون الزوج بعد شهر
ام معاذ بهدوء: شوف يا عماد البنت لو وافقت عليك انا بنفسي بأسألها اذا تبغى الزواج بعد شهر و إذا قالت لأ خلاص لأ معاها حق انت مستعجل كثير
عماد بقهر: طيب خلآص سوي إلى تبغي " افففف ياربي يا امي يارب ماترفض رينا كمان اف "
ام معاذ: خلاص اجل , اليوم العصر نروح لهم
راما: ماما بروح معاكي اشوف البنت
ام معاذ ببتسامة: طيب يا قلبي
..
{ في بيت ابو محمد - غرفة لينا
لينا: " افففففففف هذي خامس مرا ادق عليه و لا يرد ! , لا يكون مايرد ع ارقام غريبه ذا الرجااال ؟!. هيييين يا ناايف وربي لخليك ترد لو اش يسيييير "
وسارت تدق و تدق لين رد اخيراً
نايف ببرود: نعم
لينا " وجع مافي اسلوب " وبصوت ناعم: هلآ اخ نايف ؟
نايف " ماشاء الله صوتها روعه ": آإحم اي نايف اش تبغي اختي ؟!.
لينا " مالت عليه مايعرف يهرج حتى ": آإممم لا مابغى شيء بس حابه اتعرف !
نايف " تتعرف ؟!. ": ...............
لينا بدلع: كيفك و اش اخبارك ؟!.
نايف ببرود: من وين جايبه رقمي ؟!.
لينا بدلع: جبتوا وبس
نايف ببرود: اها طيب لعاد تدقي ثاني اوكي
وسكر فوجهها
لينا بعصبية: وجع ان شاء الله و يسكر كمان , لكن هيييين يا نويف ان ماخليتك تموت فيني ماكون انا لينا !
..
في الغرفة الثانية عند تولين & لين } ..
لين برجاء: تولين الله يخليكِ لا تزعلين من كلآم امي ترا هي كذا طبعها
تولين ببرود: لا عادي مازعلت ولا شيء , إلا هي ليش تعاملكم كلكم بدون مبالاه إلا لينا ؟!.
لين بتنهيدة: ماتحب احد فينا غير لينا , هه واصلاً انا تكرهني ماتطيقني خير شر
تولين: استغفر الله بس , و يلآ ياقلبي خلآص بروح
لين: لييييش ماجلستي شيء مرا بدري ؟
تولين: ههههههههههه اش بدري انتي كمان خلآص الساعه 4 ونص العصر بروح اللحين مع حمود
لين ببتسامة: مع إنو ماودي تروحي بس يلآ هذي رغبتكِ بس لا تقطعي هااااا
تولين: هههه طيب ياقمر
لين: يلآ طيب تعالي
وخرجوا من الغرفة و نزلوا ع الصالة شافو محمد جالس يشوف الـ t.v
تولين: يلآ حمود تعال و ديني البيت
محمد: ليش بدري
تولين: بدري من عمرك , يلآ بس تعال و ديني بسرعه
محمد: يلآ
لين برجاء: حموود بروح معاااااااكم
محمد ببتسامة: يلآ طيب
لين: اوكي
وراحت بسرعه لبسة عبايتها و نزلت و خرجوا .. ~
..
في بيت رينآإ - المجلس } ..
ام معاذ بحنية: واللهي يابنتي ادري مالنا اسبوع من جينا خطبناكِ بس وش اسوي عماد يقول ماني ماخذ غير رينا
رينا بخجل من طيبة و كلآم ام معاذ: لا عادي خالتي
ام معاذ: ها طيب يابنتي موافقة
رينا بخجل: ايوا
ام معاذ بطيبة: رينا ترا انتي بنتي إذا كنتي ماتبغين عماد قولي محد بيجبرك
رينا بهدوء: لا عادي خالتي انا موافقة بقناعه مني
ام معاذ: اجل الله يوفقك يآإرب
راما بضحكة: رينا لو عماد يخلي الزواج بعد شهر توافقي ؟!.
رينا بصدمة: هاااااا
راما: هههههههههههه
ام معاذ بضحكة: وربي ماعرف اش اقول لكِ يابنتي , بس عماد يقول لو وافقتي يبي الزواج بعد شهر
رينا بخجل: بس مو كأنه قريب مرا يا خالتي
ام معاذ: إلا وربي قريب يابنتي , و انا قلت لعماد بس قال لي لا بتوافق ان شاء الله , بس على راحتي ترا إذا ماتبي نأجله
رينا " هه دام عماد قال بعد شهر مستحيل ارفض اعرفه وربي ليسوي لي هرجه اففففففففف ": خلآص اجل خالتي ع راحتكم ..
راما بحب: عز الله جد إننا اخذنا لاخويا احسن بنت
رينا اكتفت ببتسامة خجوله
راما إلتفتت ع وسن: ها وسن كيف الدراسه معاك ؟!.
وسن ببتسامة: الحمد لله تمام
راما: الحمد لله ماباقي لكِ كثير و تخلصي
وسن: ايوا وربي ان شاء الله تعدي السنه ذي على خير
ام معاذ بهدوء: رينا مافي احد من اعمامكِ هينا في جدة ؟!.
رينا بتوتر بسيط: في اثنين من عماني بس
ام معاذ: طيب بلغوهم يسير واحد منهم يكون ولي امرك و يحضر الملكه
وسن بهدوء: طيب خالتي ان شاء الله
ام معاذ بحنيه: يمه وسن إذا نقصكم شيء او حاجه لا تستحي قولي لي وانا امك
وسن بخجل: تسلمي خالتي ربي يخليكِ مامنكِ قصور
ام معاذ: اجل يلآ حنى نستأذن ,
قامت رينا و و وسن و وصلوا ام معاذ و راما للباب و بعدها ودعوهم و رآإحوآ .. ~
..
بعد مرور اسبوعين !
{ في بيت ابو محمد - غرفة لينا
لينا بدلع: هإآ نيووف متى تبغى نتقابل ؟!.
نإآيف ببتسامة: آإممممم متى ماحبيتي و ياريت يكون قريب لانو جد ودي اشوفكِ يا قلبي
لينا بدلع و ابتسامه خبيثة: آإمممم تيب بيبي اش رأيك بوكرآإ في موول الـ,,, ؟!.
نإآيف وهو مبسوط: اوكي من عنوني بكرا اشوفك
لينا: تيب حوبي اكلمك بعدين ماما تناديني
نآإيف: اوكي باي يا قلبي
لينا: باي
سكرت لينا من نآإيف و هي مبسوطة إلى بتطير من الفرحة !
" يس يس يس جبت راسك يا نوويف و في خلآل اسبوعين بس هه ! وربي لخليك تفركش من لين لو اش يسير "
نرجع لقبل اسبوع و 3 ايآإم
..
لينا جالسة في غرفتها و ماتزال تحاول تكلم نآإيف لو ايش , مستحيل تخليه كذا هي وحدة بندر تجيب لو لين بس مستحيل تقدر تجيبها وهي ع ذمت نآإيف
لينا:" اففففففففففف بدق عليه لو للمرا الـ 100 "
دقت عليه وزي كل مرا يعطيها مقفول , ورجعت دقة مرا ثانه ورد اخيراً !!!!!!
نآإيف ببرود: يابنت الناس انتي ماتفهمين ؟!. كم مرا دقيتي علي و اقفل تراك ازعجتيني
لينا بغنج: سوري نيوف بس جد انا يوم شوفتك في المول عجبتني و دخلت قلبي بسرعه ومرا حبيتك
نآإيف ببرود: ومتى شفتيني في المول ؟!.
لينا بدلع: شوفت وبس
نآإيف " ياربي صوتها يجنن يلآ بكلمها بس تسليه ": طيب وش تبين اللحين ؟!.
لينا بدلع: نسير فرند بس !
نآإيف " وه ياقلبي تبي تسير فرند ": اوكي
ومن الاسبوع غلى فات ساروا يتكلموا ع الاقل 5 مرات في اليوم وبكذا نإآيف تعلق بلينا بدرجه كبيره !
وبكرا راح شوفها !
..
{ في بين رينآإ - المجلس
عماد ببرود: اقول قربي انتي ماتفهمين ؟!.
رينا ببرود اكثر: و انت اش عليك اجلس في المكان إلي ابي !
عماد قام بهدوء و جلس جمبها و يوم جات بتقوم مسكها مع خسرها و جلسها بالغصب
عماد بهمس: انا لما اقول اجلسي تجلسين وانتي ساكته , لا تخليني اسوي شيء مايعجبك يا حلوة !
رينا بقهر: افففففف منك لصقه ياخي خلآص لا تجي إلى مرا وحدة في الاسبوع او ع الاقل كل يومين لا تنط لي كل يوم !
عماد ببتسامه خبث: اش اسوي اشتااااااااااااق لك مرا وربي
رينا سكتت
عماد: ها قولي لي جهزتي اشيأك ؟!.
رينا ببرود: لأ , ولا بشتري شيء
عماد: هههه مو مشكلة وسن تشتري
رينا بهدوء: عماد
عماد بحب: قولي يا قلبي
رينا: خلي قلبك لك , " وبرجاء" الله يسعدك عماد ماتبغى اسكن في الجموم , في هينا في عمارتنا شقه فاضيه خلينا نسكن فيها
عماد: هههههههه لا واللهي ياقلبي يسير كل ساعه و انتي ناطه عند اختك مافي , بنسكن في الجموم يعني في الجموم , وبعدين ياقلبي الجموم مي بعيدة دقايق وحنا واصلين
رينا: افففففففففف
عماد: ههه خلي عنك التأفأف و صبي لي قهوة
رينا ببرود: طيب
..
{ في بيت ابو إيآإد الـ,, - الصالة
رينآإد بفرحه: الحمد لله ع سلآمتك بآإبآإ
ابو إياد: الله يسلمكِ يارب
إيمان بهدوء: الحمد لله ع سلآمتك
ابو إياد: الله يسلمكِ
إكليل: بابا تجي معايا المكتب بقول لك شيء !
ابو إياد ببتسامه: اكيييد تعالي يلآ
راحوا إكليل و ابوها ع غرفة المكتب
رينا بستغراب: غريييييبه إكليلوه اش تبغى با ابويه
تولين: وانتي اش عليكِ يختي , بتقول له سر
ريناد: ههههههههههههههههه حلوة سر ذي ! من متى إكليلوه ذي عندها اسرار اصلاً
فارس: إلا حبيبه قلبي حدك عاااااااد هااا
ريناد: وعععع مالت عليك و عليها اصلاً مـ,,,,, ماكلمت جملتها إلى جوالها يدق
ريناد بتصريف: احمم شويه و ارجع
وراحت جري ع الغرفه
إياااد: هههههههههه و ياحليلها تلآقيه عبود استحت و قامت تكلمه
تويلن بنص عين: عقبال ماشوف خطيبتك دق و تستحي و تقوم
إياد: هه مابقوم عادي بتكلم قدااامكم
تولين: نشووووف
فارس: امي فيك شيء ؟!.
ام إياد بتوتر بسيط: اش ؟!.
فارس بستغراب: فيك شيء امي تعبانه ؟
ام اياد: هههه لا عادي لا تشيل هم!
..
في غرفة المكتب عند إكليل و ابوها } ..
إكليل بهدوء: بابا انت ليش مو موافق ؟!.
عبد العزيز بهدوء: شوفي يابنتي انا مو غاصبك ع شيء تبغي الرجال قولي انا سأله عنه و قالوا لي كل خير بس إنه سهراته كثير شويه ! بس انا اي احد من طرف سعود مايعجبني احس ماوراهم إلى المشااااكل!
إكليل: يعني الرجال طيب و مافيه شيء ؟
عبد العزيز: ايه
إكليل: طيب بابا انا صليت استخارة و عادي ماحسيت بشيء ! بس إذا الرجال طيب و اخلاق مابغى احكم عليه عشان هو يقرب لعمي سعود !
عبد العزيز وهو يتنهد: إكليل ترا الزواج مو للعبة , بس إذا انتي مرتاحه خلاص ع راحتك
إكليل سكتت ..
عبد العزيز: فكري يابنتي لو شهر زمان اهم شيء تكوني مقتنعه !
إكليل: طيب بابا بس حتى لو بوافق مابغى زواج إلى بعد ماخلص الثانوي
عبد العزيز: على راحتك ,
خرجوا عبد العزيز و إكليل من غرفة المكتب و راحوا ع الصالة مكان ما الكل موجود ..
عبد العزيز بصوت هادي: إيمان تعالي فوق بكلمكِ
إيمان بهدوء: طيب
راحوا إيمان و عبد العزيز لغرفتهم و الباقي مازالوا في الصالة ..
..
فوق في غرفة رينآإد } ..
ريناد بهدوء: متى طيب ؟!.
عبادي: آإمممممممممممم اليوم المغرب طيب ؟
ريناد: اوكي مو مشكلة
عبادي: فيك شيء رنوود ؟!.
ريناد ببتسامه: هههه لا عاتي
عبادي ببتسامة: اليوم ان شاء الله يكوون يوم غيييييييير !
ريناد: بتمنى !
...
{ في آإحد الحواري القديمه نوعاً مإآ - شقة وإآئل الـ,,
مزون بفرحه: يس مامي مابقى غير اسبوعين بس
ام خالد بفرحه: اخيراً يلآ عاد مزون نبي من ورإآ معاذ فلوووس
مزون بخبث: اكييييييد كل شهر بحول لكم اكثر من 13 الف وعد مني
ام خالد بفرحه: تعجبيني يا بنتي تربيتي !
فجأة دخل عليهم خالد
رمى نفسه ع الكنبه و طلع الدخان من جيبه و ولعه و طالع في امه
خالد ببرود: هااا يمه ماكأن البنت طولة زيإآدة هذا وحنا لسا ماخطبناها رسمي
ام خالد بقلق: انت ادعي انها توااافق بس
مزون بتناحه: اش الهرجه هو خويلد خطب ؟؟.!.
خالد ببرود: ايوا ولسا يستنى الساندريلا توااافق
مزون: مين خطبت ؟!.
خالد بدون مبالاه: وحدة اسمها إكليل
مزون مادققت كثير في الاسم: اهااا , غنيه
خالد: ايوا
مزون: هه كويس يعني بيكون عندك فلوووس !
خالد: اصلاً لي اللحين اسبوع مداوم في شركة ابو محمد
مزون: حركات و قمت تشتغل يا خويلد
خالد بخبث: مو لله ! خليها تجي عندي بس
مزون بخبث: ان شاء الله توافق و تجي قريب و تتهنى فيها !
..
إنتهى البآإرت
توقعإآتكم ..
- لينآإ & نإآيف ؟!. هل بدأ يحبها ولا بس فرند ؟!. , و ايش بيسير لما يشوفها في المول ؟!.
- إكليل بتوافق ع خآإلد بعد كلآم ابوها و لا لأ ؟!.
- رينإآ بتتقبل عمآإد و لا بتم في عنآإدها ؟!.
- عبآإدي اش بيسوي لرينآإد ؟!.
.. { الـبـآإرت الـ 11 ~ } ..
ألا يا وقت أضحك لي دخيلك خاطري مكسور ..
دخيلك مـابـقـى فينـي مـحـل فـيـه تطعنـي ..
تعبت أداري العالم وحزني داخلي محفور
تعبت أسمع لشكواهم ولابه منهو يسمعني ..
صبرت وقلت بتحمل ولكن ماهو بالمقدور
أخبي دمعه طاحت على جفني تجرحني ..
ابي ابكي ابي اصرخ بفجر من دموعي بحور
لان الدنيا ضاقت بي وكثر الصمت يذبحني ..
ابي احكي ابي اشكي بقول اللي ببالي يدور
أبيهم كلهم يدرون وش اللي حيل محزني ..
لي قلب امتلأ بالجرح وصار الحزن به معمور
وصدر يشتعل نيران لهبها دوم يحرقني .
وهموم مالها آخر على راسي تجي بالدور
وأمل ضايع وفرج صاير أناديله ويصد عني ..
ألا يا وقت اضحك لي دخيلك خاطري مكسور
دخيلك ما مضى يكفي ألا يا وقت ارحمني..
..
{ صبآإح يوم جديد - في بيت ابو إياد ..
غرفة نوم رنود & تونه
ريناد بصدمة: اش انخطبتي ؟!.
إكليل بخجل: ايوا
ريناد بستغراب: من متى ؟ وليش محد قالي ؟!.
إكليل بهدوء: من قبل 3 اسابيع
ريناد: يوه من زمان ! مين خطبكِ ؟!.
إكليل: واحد اسمو خالد , ابو تولين يسير زوج خالتو
تولين ببرود: من يوم ما ابوي يقرب لو من بعيد نصحيه لا توافقي !
إكليل بستغراب: لـيـش ؟
تولين بسخريه: عشان لا تجي لكِ مشاكل
إكليل بهدوء: مادري ليش انتو تحكمون ع الرجال من هذا شيء ؟ طيب و إن يقرب له يمكن مو زيه
تولين ببرود: مادري بس انا كذا إحساسي !
إكليل " نفس كلآم ابويه الله يستر يارب ": طيب غيروا السيره بس
ريناد بهدوء: الله انا رايحه مع عبادي عازمني ع مطعم
تولين بنص عين: الله حركات إهب
ريناد: هههههههههههههه ياربي حتى ع روحه المطعم حاسدتني
تويلن بقهر: ايوا طبعاً
ريناد: ههههههههههههههه ولا يهمك اليوم اكلم لكِ اياد يوديكِ وين ماتبغي ~
..
المغرب في مجمع العرب - ستار بوكس } ..
جالسين ع الطاولة لينا حاطه ميك اب ثقيل و مو مبين بالمره مين هيا و لافه الطرحه شوي من شعرها برإآ , يعني نايف مستحيل يعرف إنها اخت لين ,
لينا بدلع: يعني مخطوب ؟ ليش ماقلت لي من اول
نايف ببرود: طيب و عادي عرفتي إني مخطوب وين المشكله ؟ لا تنسي انك بس برند
لينا " وجع لين اللحين احس إنو ماحبني مره , الله يحرقك يا لين ": لا مانسيت
نايف ببتسامه: طيب غيري الهرجه عشان
لينا بدلع: طيب , اطلب ليا كافي بيبي
نايف ببتسامه: اوكي بس تبغي كفي ؟
لينا بدلع: ايوا , و عن اذنك بروح دوره المياه شويه
نايف: طيب
راحت لينا ع دوره المياه , عدلت شكلها بسرعه وبعدها طلعت جوالها ودقت ع لين !
لينا بدلع: هاي لين
لين بستغراب: هلآ لينا
لينا: لين انا في مجمع العرب , تقدري تجي ؟
لين بستغراب: ايوا اقدر بس اش اسوي في مجمع العرب ؟
لينا بستعجال: انتي تعالي بسرعه عادي بشتري معاكِ شويه اغراض
لين بهدوء: طيب بلبس عابيتي و اجي مع السواق
لينا بستعجال: طيب بسرعه انا استناكِ عند البوابه برا
لين: طيب باي
سكرت لينا من لين بسرعه , ودقت ع بندر !
لينا بدلع: مرحبا بندر
بندر ببرود: هلآ
لينا: تعال مجمع العرب
بندر ببرود: نعم ؟
لينا بقهر: اقول تعال مجمع العرب
بندر: ليش ؟!.
لينا: تعال لين جات شوفها
بندر: اممم اوكي انا قريب اللحين اجي
لينا ببتسامه نصر: طيب
سكرت من من بندر و دقت ع لين
لينا: وينننك ؟!.
لين: خلآص قريبه تعالي عند البوابه
لينا: اوكي
راحت لينا عند البوابه و انتظرت 10 دقايق و بعدها جات لين
لين بشويه عصبيه: لينا اش الميك اب هذا كلو
لينا ببرود: ماعليك يلآ تعالي
وهم ماشيين لجهه استار بوكس , اتصل بندر!
بندر: وينك انتي ؟!.
لينا بصوت منخفض وهي تبعد عن لين: بندر انا نايف يستناني في ستار بوكس انتَ تعال و شوف لين و اتحرش فيها اي شيء قدام نايف يسير هو يتصرف و تتفركش خطبتهم !
بندر ببرود: هه ماتهمكِ اختك انتي ؟
لينا ببرود: لأ و يلآ بسرعه إذا تبغاها سوي كذا ترا مافي حل ثاني
بندر بهدوء: اوكي ترا شفتك خلآص روحي و انتي عاد لا جيتي عند نايف تصرفي !
لينا: اوكي باي
لين بخوف: لينا لا تسيبيني لوحدي فين بتروحي ؟
لينا ببرود: استني هينا بجيب ليا من ستار بوكس شيء !
لين بتوتر: طيب
راحت لينا بسرعه لجهت نايف و جلست معاه ع الطاولة و لين قدامها بس ماتنتبهلها !
لينا بدلع: سوري اتأخرت
نايف: لا عادي
ركزت لينا نظرها ع لين و هي تشوف بندر يقرب منها!
..
في بيت رينآإ - الصالة } ..
وسن ببتسامه: شلكِ مبسوطه ؟
رينا ببرود: لا عادي , بس
وسن: بــس ؟
رينا: عماد بيفكني من وجهه اسبوعين , بيروح الشاليهات مع اصحابه
وسن بقهر: اللحين مبسوطه عشان كذا , جد ماعندكِ هرجه
رينا بهدوء: وسن عمي وينه ؟
وسن بهدوء: ماعرف , انا بس شفته يوم ملكتكِ
رينا بسخريه: هه جاء يشهد و يوصي الرجال علي و مشي مو ؟
وسن: إيوا بكيفه اصلاً إحنا مانبي منه شيء
رينا: ........
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك