رواية غرام وانتقام -62
ابو بسام جلس قريب من عبدالرحمن وش فيك يابو خالد
عبدالرحمن ابعد يدينه عن عيونه اتفاجئ ابو بسام بدموع صديقه
ابو بسام بخوف وش صاير
عبدالرحمن بوجع هند سافرت وهي مقهورة وموجوعه مني
ابو بسام متى وليه مامنعتها
عبالرحمن تكلم بغصه ووجع الفجر وقال له كل الي صار
ابو بسام هز راسه باسى مايدري وش يقول الغلط كله راكب صديقه شلون طاوعه قلبه ولا رحم ضعفها وهي جايته تودعه وهي كسيره يمكن لو حضنها وعاتبها عتاب رقيق يمكن الا اكيد بتلين لكن يبي كلمته تمشي وهذا الي صار
ابو بسام بحنان والحل هذي مو حاله انت موجوع وهي موجوعه وكلن يبي كلمته هي الي تمشي
عبدالرحمن مدري ياخوي لكن مستحيل اهين نفسي واطلب رضاها والحق انها هي الي تسعى لرضاي
ابو بسام بجديه هي لاخر لحظه جتك كسيره وماطاوعها قلبها تسافر قبل لا تودعك وانت جحدتها ماهقيتك يارفيق عمري تقسى على هند وش فرقك عن ابوها راشد راشد تخلى عنها صغيره وانت تخليت عنها كبيره طيعني ياخوي وسافر لها اكسب بنتك لاتضيع منك القهر يذبح ياخوي وانت تعرف انها مقهوره لو صار لها شي انت اول واحد بيتعذب مراح تنفعك كرامتك
عبدالرحمن والله ماقدر تطلب المستحيل هي عصتني
ابو بسام اجل بتستمر طول عمرك تبكي غيابها وتترجاها ترجع وهي اكيد نفسك
عبدالرحمن وهو يمسح دموعه بيده خلاص يابو بسام كلها يومين وارجع قوي وانسى هند
ابو بسام الله يكون بعونك ويهديك
عند هند
بالطياره حزينه مضطره انها تترك الغطى مالها خلق للمشاكل الي بتواجهها بسبب غطاها دخلت حمام الطياره لبست حجابها ولبست بالطو كانه عبايه طويل
وصلت بريطانيا على الساعه 8 نزلت من الطياره ركبت السياره قدام وجنبها سميره وعمران ورى وجنبه ريتا
عمران مايدل بابريطانيا اضطرت تسوق
بتروح لشركه
في شركة بريطانيا
فواز ولد خالها المدير والمسئول عن كل شي بغيابها بالاربيعنات رجال محترم مستقر بابريطانيا مع اهله
يحترم هند ويقدرها ويعاملها كانه اخته وهند تعامله كانه اخوها
كان جالس مع صديقه عادل يدرسون مشروع بينهم
وصلت هند وقفت السياره بالمواقف وطلبت من سميره تنزل معها وطلبت من عمران ينتظرها مراح اطول
وصلت لمكتب فواز تجاهلت السكرتيره وطقت الباب
سمعت صوت فواز يسمح لها بالدخول قربت
وقف فواز متفاجئ بوجود هند بالعاده يكون عنده خبر قبل لا تجي دخلت وتركت الباب مفتوح وسميره واقفه
هند بابتسامه انتبه لا تنجلط من قو المفاجئة جيت اشوف وش مهبب
فواز بابتسامه ياهلا ومرحبا والحمدلله على السلامه
عادل مصدوم ومتفاجئ معقول صديق عمره له بخرابيط البنات واي بنت بنت من جماله تنجلط
هند انتبهت لعادل اسفه ماكنت ادري ان عند احد عطلتكم عن شغلكم
وقف عادل ومد يده بيصافحها لا عادي بينا مشروع ندرسه
هند بجديه ماله داعي توقف وانا ماصافح الرجال
استحى وجلس
فواز بجديه هذي صاحبة الشركه هند الفهد وهذا صديقي عادل ندرس مشروع يخص شركته
عادل منصدم سمع عنها كثيرر توقع انها بالخمسينات ماتوقع انها صغيره وبالجمال الي يذبح
هند بابتسامه حياء تشرفنا
عادل حس بنفضه بجسمه وقلبه يدق بسرعه وبروده بكل جسمه ابتسامتها دمار
عادل بارتباك وانا اكثر
هند بجديه فواز انا طالعه لجامعة فهد وبعد العصر بجي وبدخل مكتبي ياليت تكون الملفات كلها قدامي
فواز تامرين امر
طلعت من عندهم
عادل متزوجه
فواز ههههههههههه وش عندك وانك كاره الحريم من بعد ماطلقت زوجتك
عادل بمرح هذي على قولة المصاروه لئطه
فواز بجديه ارتاح هي مضربه وكارهه الرياجيل
عادل بابتسامه هذي تضرب عن الزواج اجل بتخلي لنا الجياكر نبتلش فيهم
فواز ههههههههه اعقل
عادل ذايب وينه العقل من شفتها ضاعت علومي الظاهر انه الحب من اول نظره
فواز فكنا من مزوحك خلنا نكمل مشروعنا
عادل بمزح اقول انقلع انت ومشروعك انسدت نفسي عنهم
والله حرام هذي تكشف تلاقى طوابير وراها هذي قنبله تخاف تنفجر بالعالم
فواز بعصبيه تراك مسختها من اليوم ساكت عنك تراها بنت عمتي مارضى عليه
عادل بابتسامه وش قلت ماقلت شي الظاهر اني انهبلت ياخوي اقول بخطبها منك
فواز بجديه وش تخطبها مهبول انت
عادل اذا خطبتها بتوافق علي ولا بيطيح حظي محكوم علي بشينات
فواز بطفش معاد اعرف جدك من مزحك
عادل بجديه يهناي ويسعدي لو وافقت علي
فواز بعصبيه اسكت صدعت راسي بسوالفك
يحبك للحريم
عادل بابتسامه مو كل الحريم بس المزيونات والي زينهن خورافي ونادر ماينوجد منه ثنتين
فواز بطفش اذا بتكون هذي سوالفك ياليت تطلع من مكتبي
وقف وطلع ووصل عند الباب
عادل اكيد بتكون هذي سوالفي شكلي بالصق بشركتكم علشان اشوفها
فوازبعصبيه اذا فيك خير قابلها وتودد وتقرب منها بتشوف هند الفهد المزيونه وش بتسوي فيك
عادل بابتسامه فيني خير وبتشوف اذا ماخليته اتذوب فيني وتخطبني ماكون انا عادل تعرفني مذوب قلوب العذاري
فواز وهو يتخيل رد هند عليه اذا تقرب منها هو يعرف قوة وجبروت هند وتكره الرياجيل ودها تفجرهم مايتجراء احد يقرب منها
فواز بسخريه هههههههههه بشرني ولك الي تبي اذا استجابت لك
عادل بجديه يومين وتشوفها تنكوي بحبي
في الطائف
بقصر هند
كانت نوره وعيالها بالصاله وعبدالرحمن على حاله بالمجلس
سمعت صوت الجرس كان اخوها بدر وعايله فرح محمد بوجود حنا وانقهر ان هند مو موجده تساعده بالي يبيه
استقبلت اخوها وزوجته وبناته بحراره وابتسامه كذابه وجلستهم بالصاله
بدر شخباركم
نوره الحمدلله
خديجه معنا المدرسات الي طالبتهم هند
نوره بقول لسواق يوديهم بيت مطلق
ارفت جوالتها واتصلت على جابر يوديهم بيت مطلق
ورجعت تسولف مع اخوها ومحمد يسرق النظر لحنان الي كانت لابسه عبايتها ومنزله راسها مستحيه من محمد
نوره اطالع بالبنات المتغطيات روحن لغرفة الحريم بتجيكم غاده هناك
قامن وقامت حنان الي مسكتها عمتها بيدها ورجعهتا
نوره بابتسامه انتي غير اجلسي ولا تبين محمد يالحقك
محمد مبسوط امه ريحت قلبه كانها تقراء افكاره
نوره نزلي عباتك وغطاك
استجابت لكلام عمتها وهي مستحيه نزلت عباتها وغطاها وصارت تسفطها بدلع حركاتها اهبلت محمد ورجعت اجلست
ومحمد احرقها بنظراته وهي كل مارفعت عيونها شافته وهو مستمر يطالعه وهي توترت
حنان عمه بطلع عند البنات وقفت ومشت من جنبه ودخلت عند خواتها الي دخلت عليهم غاده وطلبت لهم فطور وقهوه
عند نوره
بدر وينه ابو خالد وهند
نوره هند سافرت تشوف غاده وفهد وعبدالرحمن بالمجلس نايم
بدر وقف بيروح
نوره اجلس معنا ياخوي عبدالرحمن نايم لصحى تدخل عليه
بدر رجع وجلس وستمرو سوالف
بيت مطلق
طق الجرس كانت المدرسات جايات مع السواق فتح لهم مطلق
وقالو انهم المدرسات الخاصة بالبنات دخلهم داخلو وستقبلتهم فاطمه ودخلتهم بغرفه تحت وطلعت لخواتها تناديه
ثلاث مدرسات كل وحده استلمت بنت
عند هند
ركبت السياره وساقتها ووصلت لشقة فهد ونزلت معها مفتاح احتياطي لشقه نزلت وطلبت من سميره تنظرها
وصلت ريتا وعمران لشقة فهد تبيهم يرتاحون وهي انزلت وركبت سيارتها بطريقها للجامعه مشتاقه لغاده هي الي باقي لها من ريحة امها
وصلت للجامعه نزلت ومعها سميره ادور على غاده وفهد وبعد نص ساعه من البحث شافتها من بعيد جالسه وجنبها بنت وعيونها بكتايها
عند غاده
كانت تراجع قبل امتحانها وكانت جنبها ندى
ندى غدويه شوفي المزيونه ذيك عيونها مانزلت علينا يمكن مشبهه علينا
غاده رفعت عيونها وكانت صدمتها وقفت وعيونها كلها دموع طاح الكتاب من يدها وركضت لهند ورمت نفسها بحضن هند وصار تبكي بوجع وحرمان مشتاقه لها ولريحتها تحس انها بحلم فقدت الامل انها تشوفها والحين قدامها
وهند مشتاقه موت لها وصارت تبكي بوجع
مستمرات بحضن بعض مايبن يفكون بعض كل وحده خايفه ان الي قدامها خيال
ندى متفاجئة مصدومه ماتدري وش تسوي المنظر الي قدامها قوي ومؤثر صارت تبكي من قو التاثر
اتصلت على فهد
فهد كان معه صلاح الي من داوم وهو ساكت ماله خلق يتكلم وفهد تاركه براحته
تفاجئ من اتصال ندى
فهد رفع جواله فهد ابسرعه تعال احنا بنفس مكانا
فهد تبكين وش فيه
ندى بصوت باكي متاثره من الي تشوفه
مدري يله مع السلامه
واخيرا تكلم صلاح وش فيه
فهد امش ندى تصيح مدري وش صاير
عند هند
غاده وهي بحضن هند تبكي بوجع انتي حلم ماماتي ولا علم مابي اتركك اخاف تختفين
هند بدموع علم ياروحي علم ذبحني شوقي لك مشتاق احضنك واشم ريحتك
بعدتها هند من حضنها وصارت تبوسها بكل وجهها مشتاقه لها مثل الام الي انحرمت من بنتها غصب عنها وذبحه الشوق لها
مسحت دموع غاده
وغاده رمت نفسها بحضن هند ماتبي تبعد مشتاقه لحضنها الي طول عمرها مافارقها وفجئة سحبوها من امها بقسوة وبعدوها عنها وبعد حرمان شافتها قدامها ماتبي تبعد
عند فهد
وصلو للمكان شافو من بعيد ثنتين حاضنات بعض بقوه مو واضحه اشكالهم وندى واقفه قريب منهم ودموعها تنزل
قربو منهم وصل فهد لندى وش فيه
ندى تاشر عليهم مو قادره تتكلم
شاف غاده تحضن لها بنت دقق بالبنت شاف هند امه الثانيه
فهد بصدمه هند
هند سمعت صوته ورفعت نفسها من غاده
ووجهم الثنتين كله دموع
هند ايه
وسحبته وحضنته مهتمت باحد ومن نظرة الناس الي بالجامعه لها اهم شي تطفي شوقها وحبها لاخوها واختها
وكملت ببكاء موجع اااااااااه فهد ااااااااااااه مشتاقه لكم زين ربي عطاني عمر وشفتكم
بعدها فهد ودموعه تنزل بحراره
مد يده ومسح دموعها الي احرقته عمرها ماشافها ضعيفه ومنهاره وتبكي بوجع
فهد يبكي بوجع لا توجعيني لاتبكيي والله عشت عذاب وخوف يصير لك شي تمنيت لي الموت وتبقين عايشه يجعل يومي قبل يومك ياجعل يومي قبل يومك
ندى قربت من غاده
ندى غاده منهي هذي
غاده بصوت باكي ماماتي هند
ندى متفاجئة منصدمه توقعتها اكبر من كذا كبر امها
ندى خلاص اهدي لا تبكين امك وقدامك
غاده تحاول توقف بكي غصب عني غاده غصب جعلك ماتذوقين حرمانك من امك
صلاح منصدم ومتاثر من الي يشوفه
انبهر بجمال هند الخرافي والدموع زادتها جمال فوق جمال الي يشوفه انسانه فوق الخيال على جمال غاده الخيالي غطى عليها وجود هند
جلس بكرسي بعيد
وهو مستمتع بتامل الجمال الرباني ماحطو ولا ذره مكياج الي قدامه اخذن كل الجمال مابقن لاحد من بعدهن شي الي يشوفه شي فوق الخيال
يشوف قدامه جمالين مختلفين جمال هند تصرخ انوثه لا تتقاوم وجودها مدمر لشباب
والثانيه جمال يسحرررررررر كله نعومه ورقه
لكن بطبع كفة هند الراجحه
عند هند
بعد مارتاحت ابتسمت في وجه اخوها وينها ندى مشتاقه اشوفها
مسكها فهد بيدها هذي الي قدرت بقلب اخوك
هند قربت منها وحضنتها بحراره
هند بابتسامه وعرفت تختار شكيت بذوقك
فهد بابتسامه افا انا ابو الذوق
هند بحب شخبارك ندى
ندى بحياء بخير انتي كيفك
هند بابتسامه الحمد لله قولي اذا فهد مزعلك نتفت اذانيه
ندى بابتسامه ........
غاده تستمع لهم وهي ساكته فرحانه بوجود هند
هند وينه صديقك صلاح الي غاثنا فيه
هند تعتبر صلاح مثل اخوها فهد
تلفت حوله شاف صلاح مصنم وعيونه مانزلت عنهم قرب منه
فهد صلاح هند تسال عنك
صلاح صحى على نفسه هلا هند الحمدلله على سلامتك شخبارك
هند بابتسامه دمرت صلاح الله يسلمك والحمدلله بخير بشر عنك
صلاح الحمدلله
هند بجديه نبيكم ترفعون روسنا لرجعتو لسعوديه
فهد مرفوع راسكم ا ن شا ءالله
هند عندك شي فهد ولا نطلع سوى
فهد اسبقينا للشقه واذا خلصنا محاضرتنا بنلحقك
هند اجل برجع لشركه
بعد ماطلعت هند دخلو محاضرتهم ينتظرون بشوق متى يخلص الدوام ويلقونها بالبيت تستقبلهم
طلعت من عندهم ركبت السياره وجنبها سميره
وصلت لشركه ودخلت مكتبها وسميره واقفه برى عند السكرتيره
كلمت فواز وسالته عن الملفات وقالت انها بمكتبها
عند فواز
كلمها فواز وقال بعد نص ساعه بتجيب لها السكرتيره الملفات الي تبيهم
كان عادل عنده ويستمع للمكالمه
عادل بابتسامه شكلها ماقدرت تصبر للعصر بسبب شوفتها لي
فواز طفش منه اقول ورى ماتنطم مو هند الفهد الي يصير همها رجال كل همها اهلها وشغلها
عادل بابتسامه بصير من اهلها قريب
عادل وقف يله طالع عندي كم شغله بسويها نتقابل بكره نكمل شغلنا
طلع من الشركه لمكان يبيع ورد اخذ باقه حلوه ورجع لشركه وصل لمكتب هند
طلب من السكرتيره تحط عندها خبر ان فيه موظف يبيها ضروري
عند هند
مستغربه ما يمديها تجلس الا يجي موظف يدور عليها
طلبت من السكرتير تدخله وتترك الباب مفتوح تفاجئت انه نفس الي كان عند فواز وتفاجئت بباقة الورد الي شايلها تكره هالحركات وخاصه من الموظفين
دخل والابتسامه مرسومه بوجهه
وصل لعندها مد عليها الورد وهند طنشته تفشل وحطه على جنب
هند بقرف ممكن اعرف سبب الزياره
عادل حبيت اقدم لك الورد عربون عن سعادتي بالتعرف عليك
هند تحاول تمسك اعصابها احد قال لك ان هند الفهد من الصايعات الي متعود عليهن وبتقبل وردك
عادل بارتباك محشومه مو قصدي
هند وغيره
عادل بقوه بصراحه عجبتيني اول ماشفتك
هند بعصبيه شكلك شارب شي او مختل عقلي
ياليت تفارق مدام النفس طيبه مابي افقد اعصابي واذيك
عادل بجديه انا من جدي بخطبك مو راعي خربيط
هند فقدت اعصابها سميرررررررررره
ثواني ودخلت سميره
هند ياليت تشيلين المخلوق الي قدامي وترمينه بالشارع
توقع بتنبسط لتقدم لها واحد بوسامته تفاجئ من ردت فعلها
خوفته وارعبته عصبيتها وثورانها وقف ورجول تنتفض من الخوف والرعب
عادل بخوف مايحتاج انا طالع
اخذت الورد الي جنبها وحذفته على وجهه بقسوه
هند بقسوة اخذ زبالتك معك
اخذ الورد وطلع عند السكرتيره وحطه عندها وطلع
عند هند ارفعت تلفون مكتبها واتصلت على فواز بعصبيه
فواز الو هلا هند الملف دقائق ويجيك
هند بعصبيه تعاملات الشركه مع الزفت الي اليوم بمكتبه تقطعها وان شفته بمكتبك ماتلوم الا نفسك وبيصير شي مايرضيك سكرت بوجه فواز من غير لا تنتظر رده
عند فواز
متفاجئ من هند وعصبيتها وخاف ان صديقه تهور وقابل هند وسو الي براسه
ناوي لطلع من الشركه بيمره وبيبلغه قرار هند
عند هند
طلعت من الشركه تعكر مزاجها بسبب عادل ركبت سيارتها ووصلت لشقه دخلت غرفة غاده ومن التعب نامت
عند فيصل
وصل لرياض بعد صلاة الظهر كان البيت نظيف مثل ماتركته ام جاسم
دخلت ام جاسم والجدات غرفتهم وتسدحو بيرتاحن وفيصل طلع لغرفته
في مستشفى نواف
جالس بمكتبه مستغرب من اخوه من زمان ماتصل عليه خايف ان فيه شي
فتح السبيكر واتصل على اخوه
صلاح كان بالكفتريا الحاله شاف رقم مستشفى اخوه رفع
صلاح السلام
نواف هلا وش اخبارك من زمان يالقاطع ماتصلت كل هذا زعل من اخوك
صلاح لا والله ماني بزعلان لكن علي ضغوطات امتحانات وبحوث مشغول لراسي
نواف بشر عن اخبارك
صلاح بابتسامه الحمدلله بخير اليوم جانا صاروخ او قنبله مؤقته من الرياض
كان جاسم مار من مكتب نواف بيعزم عليه على الغداء وقف وهو مشدود للمكالمة وقف ونواف مانتبه له
نواف استغرب وخاف شلون قنبله وصاروخ لا تتكلم بالالغاز
صلاح بهيام الصاروخ والقنبله هند الفهد اول مره اشوف بجماله الي يخليك غصب تفتح فمك ماترمش سوت مناحها هي واخوانها بالجامعه
جاسم مقهور من صلاح وتغزله بجمال حبيبته حاول يمسك اعصابه بيعرف اخبارها
نواف وش له المناحه
صلاح شوق لاخوانها والله يخوي اول مره ادري اني خفيفي شكلي بغير من غاده وطير لهند
محس نواف الا بالسماعه تسحب منه
جاسم بعصبيه وصراخ كل تبن يالبزر والله لو قربت من هند ولا كلمتها لموتك بايدي وهذاني حلفت اتقي شري يالبزر الي موراك الا تحب وحده واطير لثانيه
سكر الخط وطلع من غير لا يهتم بنواف
نواف تفاجي من وجود جاسم وتفاجى من حركته وخايف على اخوه متاكد ان جاسم بيسويها وكانه العيد
عند جاسم
طلع للبيت وهو منقهر من نواف واخوه شلون تجرء ويقرب من ممتلكاته دخل البيت معصب ارتاح وهو يشوف امه وجداته قرب منهم وباس راسهن
ام راشد شلون
جاسم بابتسامه الحمدلله بخير بشرو عنكم
ام راشد الحمدلله بخير
جاسم وينه فيصل
ام جاسم نايم بغرفته
ام موضي اشرب معنا قهوه
دق جوال ام جاسم كانت ام مطلق بتبشر ام راشد بخطبت عيالها
مدت الجوال على امها
ام جاسم هذي ام مطلق تبيكم
ام راشد حطت السماعه على اذنها
ام راشد شلونك وشلونهم البنات ومطلق
جاسم اسم مطلق ينرفزه ويقهره بلع حرته وسكت
الا يسمع ام راشد ياجعله مبروك الله يسعدهم وان ربي احياني بحضر زواجهم
وسكرت التلفون
ام جاسم على ايش تباركين لها
ام راشد ولدها خطب اخت صديقه والبنات جاهن نصيبهن
جاسم ارتاح وهم مطلق انزاح من صدره
عند فواز
طلع من الشركه مقهور من صديقه
وصل لبيته وطق الباب فتح له
دخل معه المجلس وجلس
فواز بعصبيه ابي افهم وش سويت مع هند
عادل ببرود ماسويت شي الانسانه هذي مرعبه
فواز الا سويت وسويت شي كبير الي طلبت مني امنعك من دخول الشركه واقطع أي علاقه تربط شركتك بشركتها
عادل بعصبيه مو بكيفها ناويه ادمر شركتي والمشروع الي بينا كبير
فواز بسخريه اجل منو على كيفه اذا هند مصره لو تموت قدامها ماغيرت رايها وانت لعبت بنار وتستاهل انها تحرقك
عادل نسيت ان فيه شرط جزائي بينا
فواز بتدفعه وهي تضحك رجاء عادل صداقتنا برى الشركه لا شوفك داخل الشركه لاني بتضرر وانا مو ناقص
عادل بجديه تصدق فواز طيرت عقلي هذي تخووووف سبحان الله شكله عكس قوتها بغيت اسويها بثيابي يوم صرخة علي
فواز بعصبيه وش هببت وش سويت مو انا محذرك منها ولا اقول تستاهل الي جاك كفوك
عادل لا تذكري والله للحين انتفض بسبتها خوفتني زئرت علي كانها اسد صرت ادور الخلاص ولا من خلاص
فواز مايقدر مايتحمل كلام عادل مايقدر يكون جدي معه هههههههه قول وش صار وربي شوقتني
عادل قال كل شي لفواز لين رمت الورد على وجهه
فواز ماقدر ههههههههههههههههههوصلت لباقة ورد ولهند ولا وخاطبها مجنون وربي مجنون متى تعقل شايب عايب احمد ربك هذا الي صار ولا كان ترحمو عليك اهلك
كمل هههههههههههههههههه يالتني كنت موجود والورد مرمي على وجهك والحرمه شايلتك وراميتك برى
ههههههههههههههه اه يبطني الله يقطع سوالف عادل
عاد بعصبيه انتبه لا ينقطع لك عرق من كثر الضحك
فواز وسعت صدري من بعد ماخذت تهزيئة بسبتك ووعد علي بحاول بهند تغير رايها
عادل بابتسامه ياليت وقول صديقي مهبول مجنون أي شي اهم شي ماتسحب مني المشروع
فواز يوصل
مرت الايام سريعه
وليد كلم مطلق وطلب منه يجي لبيتهم وغصب على مطلق يشوف سمر لانه مسموح عندهم مايبي يصير بعدين مشاكل انها ماعجبته
شافه مطلق وارتاح لها وحسها دخلت قلبه لانها تنحب
تمت ملكة وليد على فاطمه وملكة اختها على مشعل
عبد الرحمن مستمر على عناده رافض يتصل او يسال على هند خفت حالة الكئابه عنده بعد مارح لها خالد فرحت كثير بجيته وكان ماصار شي بينهم اخذته بالاحضان
غاده وفهد مبسوطين بهند وعليهم ضغط امتحانات
وهند مستمره بدوامها بالشركه سامحت عادل بعد واسطه فواز وانه مو راعي خرابيط وان صديقه خبل وانه تاب مستحيل يعيدها
جاسم من بعد اخر مكالمه لصلاح مع اخوه وهو مشتاق يشوفها ومنقهر انها تركة الغطى بابريطانيا لو بكيفه اجبرها تتغطى هناك مايبي غيره يشوفها
فيصل مشغول مره بالشركه داخلين مشروع كبير مشغله
نوره مشغوله بملكة فاطمه صايره اطلع معها السوق مع خواتها وتجهزها وام بسام استلمت تزين فيلا مطلق
هند كلمت خالد وقالت ان زواج مطلق وخواته ووليد ومشعل كله عليها وحلفت مايدفعون ريال وهذي هديه منها
مرت ثلاث سنين في حياة ابطالنا وبقت في نفوسهم الذكريات الموجعه والحلوه قلوب تعاني العشق طوال هالسنوات بل زاد اضعاف عاشو الشعق واوجعهم االحرمان
وقلوب تعاني الحسرة والخذلان والندم على تضيع حب من المستحيل ينوجد مثله وكشفهم للعشق والحب بعد فوات الاوان
وقلوب ساكنه مطمئنه وجعها الوحيد احساسهم بعذاب من يحبونه بسبب عشق افقدهم الاستمتاع بكثير من الاشياء وتوقفت حياتهم عند هذا العشق وعاشو على الاطلال
نرجع لحياة ابطالنا في الثلاث سنين
عبدالرحمن
موجوع ومشتاق لهند لكن كبريائه يمنعه انه يتنازل عن رايه تعب من محاولات ابو بسام انه يسافر لهند ويحلون مشكلتهم ويعتبر هذي قطاعه لرحم الي الكل مايعرفه ان عبدالرحمن عنده كل اخبار هند وتحركاتها بابريطانيا ياخذ اخباره من فواز ويوصيه اول باول يطمنه عليها
نوره
بعد فترات تزور هند في بريطانيا بموافقه عبدالرحمن فقدت الامل ان عبدالرحمن يرضى على هند
جاسم
اصبح اكبر دكتور برفسور لجراحة القلب لكن بقلبه جرح كبير وعشق مازال يعاني من عشقه المجنون وعايش على امل ضعيف انه يشوفها اوجعه الشوق وعذبه الحرمان كل ليلة يبيكي وجع الفراق صار يشوفها كل ليله بنومه وصحيانه صار من جنونه يشوفها بوجيه الكل
تعب من جداته وامه يترجنه يتزوج اذا سمع الموضوع منهن تكهرب وزعل وطلع فقدن الامل بزواجه
فيصل
كبرت شركاته وصارت اكبر من شركة هند داخليا قفل فرع شركته بابريطانيا بعد شهر من افتتاحها
عشقه وعذابه وحرمانه كل يوم يزيد عن اليوم الي قبله يتوجع من عشقه وبيموت من الغيره كل لليله يتسامر مع ذكراها يتمنى اذا اصبح يسمع اخبار عنها او يشوفها ( انقطعت علاقة غاده بالجوهره )
هند
اشتهرت شركاتها دوليا اكثر بعد ربحها لصفقة خالد مسك شركاتها بالمملكه وهي انتقلت لبريطانيا تدير شركاتها الام بابريطانيا
مازالت ترفض الخطاب وعشق جاسم يكبر بقلبها وتتوجع الم وحسرة وندم على كل الي سوته بجاسم اخذت جلسات نفسية متكتمه بمستشفى ببريطانيا وبعدها تحسنت نفسيتها كثير لكن مستمره بعنادها ورفضها لطلب خالها مع انها موجوعه مشتاقه حتى النخاع له من بعد الي صار مارجعت لرياض ماتبي تقابله وتتوجع بصدوده
خالد
بعد ماتسامح من هند مسكته شركتها بابريطانيا وصار يزورها بشهر اكثر من مره ويجلس عندها كم يوم ويرجع
محمد
تزوج حنان منقهر وزعلان ان هند ماحضرت زواجه لكنها ماتركته ساعدته بكل شي حتى شهر العسل حاجزه التذاكر ومرسلتها له وهذا الي خفف عليه عارف ومتاكد انها موجوعه بسبت ابوه وهذا الي مانعها من الحضور
حنان بعد ماخلصت الثانويه دخلت الجامعه تخصص ادراة اعمال وهي حامل بشهورها الاولى
غاده
خلصت طب وتنتظر حفل التخرج وفتحت لها هند عياده اسنان وجهزتها بلاجهزة تنتظر غاده تتخرج وتشتغل فيها لرجعت لرياض
تعاني من وجع عشقها لفيصل وذبحها الشوق والحرمان تبكي كل يوم وجع وحسرة على فقدها لفيصل خطبها صلاح رسمي ينتظر ردها
عبدالرحمن ونوره موافقين وغاده رافضه لكن الموضوع مازال معلق برغم من رفض غاده ماوصلو الرفض لصلاح واهله
فهد وندى
تخرجهم بنفس تخرج غاده عشقهم وحبهم يزود فهد على وعده خف من حركاته الجريئة مع غاده
صلاح
تخرج وينتظر حفل التخرج بيرجع لسعوديه بيشتغل بشركة ابوه حب غاده حب جنوني بعد مامرت سنه ماقدر يصبر طلب من ابوه يخطبها له ابو نواف ونواف رفضو لكن مع ضغط صلاح على ابوه استسلم لطلب ولده وافق
ونواف زعل وحلف لو صار وخطبها او تزوجها انها مايحضر زواجه
وهو خاش الموضوع عن فيصل خايف عليه ينهار وهو يدعي ان غاده ترفض اخوه ولا ينجرح فيصل
خالد وغاده
ربي رزقهم بعبد الرحمن عمره سنتين فرحانين بولدهم وحبهم كل يوم يزود
عدنان
تخرج من الثانويه وكملت دراسته بابريطانيا نفس تخصص اخوه في نفس الجامعه ثاني سنه له
وليد وفاطمه
متعلق كثير بفاطمه ويحبها فاطمه لقى فيها الزوجه المحبه وعنده بنت عمرها سنه تجاوزت اختبارات الذكاء وخلصت المرحله المتوسطه والحين ثالث ثانوي
مشعل ومنيره
مازال حبه مستمر لمنير حياتهم سعيده يكدرها ان منيره ماحملت وهذا الي مضايقهم مع انهم اكشفو بالمستشفيات طلع كل شي سليم
مطلق وسمر
مبسوط معها وفرحان بولده عمره سنه شاف في سمر حب الزوجه وحنان الام حبها من حب امه وابوه لها حنونه وطيبه معهم وام مطلق متعلقه فيها كثير ومدلعه ولد مطلق ماينام الا عندها
الجوهره ونواف
عايشين بستقرار مايكدر عليهم الا سالفة خطبة صلاح خايفين على فيصل الجوهره متكتمه على الموضوع خايفه يصير لاخوها شي ماصدقت انه ارتاح نفسيا
الجوهره حامل بشهورها الاخيره فرح عمرها ثلاث سنوات
متعلق فيها جاسم كثيرررررر ومدلعها وهي تحبه عكس فيصل الي مايعطيها وجه وتقهره بدلعها
تابع
مرت سنة والعين يعشقها السهر
ومرت سنة والشوق باقي ما انمحى
ومرت سنة والقلب ذابحه الهجر
ومرت سنة والهجر عيّا ما استحى
ومرت سنة ومرت سنة وأنا أنتظر
ومرت سنة والوصل نايم ما صحى
ومرت سنة ما جا من الغالي خبر
ودارت عليا حّب المحبّين الرحى
ومرت سنة صابر وعذري بالصبر
شماتت أصحاب الشوارب واللحى
وعيونه السود وشفايفه الحمر
وجديل يضىفي فوق متنه لا انتحى
وصدرِ يسد الليل من نور القمر
وخدِ يسد الصبح من شمس الضحى
ومرت سنة واخاف لا يروح العمر
وأنا أنتظر والشوق باقي ما انمحى
اشرقت شمس يوم جديد على ابطالنا
في الرياض
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك