رواية غرام وانتقام -56
خالد بحب علشان خاطري غدويه انتبهي على نفسك ترى انتي ببطنك روح كوني امينه عليها
غاده بحب حبيبي حركاتي طبيعيه لا تكبرونها يمكن للحين ماتعودت كثير على فكرة اني حامل واوعدكم بحاول اني ابتعد عن الحركات الي تضرني وتضر الي ببطني
هند تعشيتي
غاده مالي نفس شربت عصير وشبعني
هند غاده شوفي حالك الي اعرفه الحوامل يمتنن وانتي تضعفين
غاده الي اكله ما تهنى فيه استفرغه على طول صرت اخاف من الاكل
هند بحب الله يكون بعونك ويمر هالايام بسرعه وترتاحين
غاده امين
وقفت غاده انا طالعه تعبانه بنام تصبحون على خير
وقف خالد ولحقها
هند بعد ما تركوها تمددت على الكنب ماتبي تطلع لغرفتها تتهرب من النوم فيها
هند في نفسها شفتي لوين وصلتي تتهربين من غرفتك انتي ماهربتي من الي هددوك بالموت تتهربين من طيف جاسم شفتي لوين وصلتي ياهند قومي لغرفتك ونامي فيها وين القوة الي تقولين عنها
استجابت لافكارها وقامت دخلت غرفتها دخلت الحمام اخذت شور دافي يريح اعصابها طلعت لبس بجامه ودخلت بسريرها تحاول تشغل نفسها بشغلات بعيده عن تفكيرها بجاسم
وفي افكارها نامت
يتبع
بالرياض
عزم عليهم بدر على العشاء واستجابو له تعشو عنده وجلسو بعد العشاء سوالف لين الساعه 10 طلعو لقصرهم وصلو كلن دخل لغرفته من التعب والارهاق نامو
في بريطانيا
عند غاده
من جت من الجامعه نايمه اتفقت مع ندى ان بكره ماعندهن شي بيغيبنه بيرتاحن بعد ارهاق طويل بسبب الامتحان
قامت فتحت عيونها اخذت جوالها شافت الساعه 2 بالليل تغصبت على النوم لكن مافي امل قامت من سريرها دخلت الحمام غسلت وجهها وطلعت
الصاله كانت فاضية تاكدت ان فهد بغرفته نايم جلست على الكنب حست بالجوع دخلت المطبخ مافي شي ينوكل فتحت الثلاجه اخذت عصير شربته تبي تسد فيه جوعها رجعت لصاله جلست على الكنبه وخذت الريموت وشغلت التلفزيون وصارت تقلب بالقنوات كلها ممله وقفت راجعه لغرفتها انسدحت على سريرها وحاولت تتغصب على النوم لين نامت
في الديره
وصلو قبل صلاة الفجر ساعدو جداتهم بالنزول والجدات ردت روحهم بشوفتهن لديره دخلن غرفتهم بمساعدة فيصل
وجاسم ينزل الاغرض مع الشغالات دخلهم داخل المطبخ سمع اذان الفجر دخل حمام عند مجلس رجال توضاء وطلع يصلي بالمسجد رجع دخل مجلس الرجال طلب من الشغاله تجيب له مفرش ولحاف
بعد دقائق جابت له اخذها منها وفرشه على الارض بينام بالمجلس يتهرب من نومه بغرفته ما يبي ترجع له المواجع
دخل عليه فيصل استغرب نوم اخوه بالمجلس
فيصل خير وش عندك نايم بالمجلس وتارك غرفتك
جاسم بحزن نومي هنا اريح لي
فيصل بجديه افهم انه هروب من ذكرياتك الموجعه
جاسم بوجع مثل ماقلت
فيصل بحب اجل بنتبادل الغرف
جاسم يضحك بوجع ههههههههه قلت لك انحاش من ذكراها وارجع لذكرها كل زوايه بالبيت تذكرني فيه حتى حظيرة غنم جدتي تذكرني فيها
فيصل بحزن احمد ربي مليون مره ان غاده ماجت لديره ولا كان تشوفني مجنون رسمي الله يكون بعونك ياخوي اجل بجيب فراشي ونام جنبك تغير عن نومة السرير
جاسم براحتك
طلع لغرفته اخذ مفرشه والحافه ونزل تحت عند اخوه الي مستمر بسرحانه
بسط افراشه قريب من اخوه انسدح ومن التعب نام
عند جاسم
كل الي صار بينهم ينعاد قدام عينه نفسه يعرف ليش ثارت كل هالثوران وتطردة بقسوة من مكتبها شكلها ادمنت على تجريحه تفتعل أي سبب علشان تزود طعناته فيه مشتاق لها وهذا كان جزاته منها
تذكر هالابيات وقالها بدموعه
أبيك تضمني ضمة غلا فيها حنان وشوق
وأبي أتوه في نظرة عيونك وأنثر أشواقي
أبي ضمة دفا تروي ضمى قلبي المحروق
أبيك ولا أبي غيرك غريب يبعثر أوراقي
أبيك أنت تضمني وأبيك تلمني برفوق
وأبي أحس أنك يالغلا مشتاق لعناقي
أبي تنسى وتنسيني الوله وأنسى هذاك الشوق
أبي أكون في دنياك أنا العطشان وأنا الساقي
وأبيك تذوب فيني ياغلاي وسيد أهل الذوق
وأبي أذوب فيك ياغلاي وكل عشاقي
أحط أيدي على جبينك وبعمل أيدينك طوق
أنا جيتك وأبي شعرك يغطي وجهي الشاقي
أبي أغيب عن دنيا البشر من جد ما أبغى أفوق
أبي أنام في حضنك أنا والحب وأشواقي
وأبي أكون لك غيمه وأبيك تكون لي رعد وبروق
مطر يسري خفوقن ضامي مشتاقي
خيالاتن رسمها الغلا وزاد الشوق
وعرف إن الزمن كذبه وعرف إن الشقى باقي
قال بصوت عالي ااااااااااااااااه ياهند الشقى بااااااااااقي
فز فيصل من صوت اخوه جاسم وش فيك عسى ماشر وش فيك تصارخ
جاسم انتبه على نفسه بوجع نام لا تشره علي ياخوي لا تشره علي
فيصل بوجع لا حول ولا قوة الا بالله اللهم اجبرنا في مصيبتنا واخلف لنا خير منها
جاسم كمل نومك
فيصل نام وارتاح وارمي همومك على ربك بيفرجها ان شاء الله
جاسم ونعم بالله
انسدح بسريره ومن التعب نام
فيصل شاف اخوه نايم موجوع على حاله كمل نومه
في بيت ابو مطلق
عند مطلق
رجع للبيت بعد الصلاة وهو فرحان دخل البيت وهو يدور على امه لقاها باسطه فراشها بالحوش وجالسه والبنات بالمطبخ
قرب منها وباس راسها والبسمه على وجهه
مطلق بابتسامه البشاره يالغاليه
ام مطلق ابشر
مطلق جاراتك الي ماتبين تسافرين الا مودعتها ابشرك الحين في بيتهن
ام مطلق بفرح الله يبشرك بالخير ربي عارف بنيتي يعز علي اسافر من غير لا ودعهن
بعد شوي بزورهن
مطلق بحب يالغاليه اجليه للعصر شكلهم جاين الفجر وتعبانات وبينامن
ام مطلق ام راشد وام موضي يقومن بدري
مطلق الي يريحك يالغاليه سويه
دخل عليهم ابو مطلق وهو يشوف مطلق عند امه
ابو مطلق بابتسامه اكيد سبقتني وبشرت امك
مطلق اكيد تبيني اعرف بشي الي بيبسط الغاليه ولا اقوله
ام مطلق الله يرضى عليك
مطلق يمه بكره موعد سفرنا ودي ارتاح هناك قبل لا اداوم
ام مطلق خالتك بتروح معنا
مطلق ايه مطلق شرى له سياره بيروحون فيها
ام مطلق زين نسافر سوى حلو الواحد يسافر معها اخويا لا سمح الله صار شي الا يلقون من يساعدهم
دخلت فاطمه بالقهوه جلست وصبت فنجال ومدته على ابوها وبعده صبت فنجال لامها وبعده لمطلق
ابو مطلق وهو يشرب من فتجاله ونياقي يا مطلق
مطلق بابتسامه بتسبقنا يالغالي واليوم بتجي شاحنات تنقلها لطائف لمكانها كله ولا نياقك يالغالي
ابو مطلق بحب الله يوقفك دنيا واخره ويفرحني فيك
مطلق امين
دخلت عليهم منيره بالفطور افطرو وكلن راح لطريقه ابوهم راح لنياقه ومطلق طلع لحمامه وامه جالسه بالحوش مشغله رادوها والبنات شالن الاغراض ودخلنها المطبخ يغسلنها
في الرياض
قامت نوره على اذان الفجر شافت مكان عبدالرحمن خالي تاكدت انه بالحمام يتوضاء طلعت لغرفة عياله تصحيهم رجعت لقت عبدالرحمن لابس
نوره بحب بداوم بشركتك اليوم
عبدالرحمن ايه ماني بمطول بتطمن على الشغل وبرجع
نوره بابتسامه لا تنسى انك بايجازه لاتربط نفس بشغل
عبدالرحمن الشغل بدمي
نوره هذا الكلام الي اخذه منك ومن بنتك كل ماقلت لكم ارتاحو قلتو الشغل بدمي ترى العمر يخلص والشغل مايخلص
عبدالرحمن طالع للمسجد اجي القى الفطور جاهز
نوره ان شاء الله
طلع من غرفته نزل تحت لقى عياله ينتظرونه يبون يطلعون سوى لصلاه
في الطائف
عند هند
صحت من نومها وهي تحس بنشاط قامت من سريرها دخلت الحمام توضت وطلعت تصلي ارجعت اخذت شور ولبست لبس بيتي واخذت شنطة ملفاتها ولاب توبها انزلت تحت كان البيت هادي والصاله فاضيه دخلت المطبخ طلبت من الشغاله فطور وكبتشينو
عندها اشغال معلقه تبي تخلص منها وبعدها بتسافر بتستقر بابريطانيا ودير شركتها الام هناك
وهي منغمسه بمراجعة الملفات الا تسمع خطوات رفعت عيونها شافت خالد واضح عليه التعب
قرب وجلس على الكنبه المقابله
خالد ياله صباح خير نسيتي انك بايجازه
هند بابتسامه وش تقول في اختك مجنونه شغل
خالد بتعب الله يعينك على نفسك
هند الا انت ليش تارك فراشك وجاي عندي
خالد بتعب الله يعين حالة غاده تخلي الواحد يقد ينام طول ليلها داخله طالعه الحمام موجعني قلبي عليها ولا فيه حل
هند بحب دخيلك تحملها لا تبين انك متضايق ترى الي فيها كافيها
خالد ماشكيت قلبي موجعني عليها ودي ادور لها حل يخفف وجعها
هند كلها فتره وتعدي الله يتمم لها على خير
خالد وقف انا طالع برتاح بغرفتي من البارح وعيني ماذاقت النوم
هند نواف العواف
طلع من عندها وهي مستمر بجلستها جابت لها الشغاله الفطور افطرت
تذكرت اهل هنديانا من سافرت انشغلت مامرتهم موصيه عليهم خالتها وارسلت لهم شغالات
من سافرت خالتها محد مر عليهم
طلبت من ريتا تجيب عبايتها وهي مقهوره من نفسها شلون نستهم خايفه يكون ناقصهم شي
دقائق جابت لها الشغاله عبايتها لبستها وطلعت بخطوات سريعه لفيلا هنديانا طقت الباب فتحت لها الشغاله
سالتها اذا احد صاحي قالت ايه ماما كبيره وبابا كبير
هند قولي لهم هند عند الباب
دخلت الشغاله عندهم قالت ان هند جايه تزورهم فرحو بزيارتها وطلبو من الشغاله بسرعه ادخلها
دخلت الصاله وهي مستحيه من نفسها ومن تقصيرها في حقهم
قربت شافتهم جالسين ام هندينا كل وجهها طيبه وحنان ودينه تخاف الله وابو هنديانا رجال طيب مشلول
قربت منهم وباست راس ام هنديان وجلس جنبها ومسكت يدها
هند السلام
ام وابو هنديانا بحب وعليكم السلام
هند بحياء السموحه اني ماجيتكم والله الي اشغلني عنكم شي كبير
ام هنديانا بحب مسموحه ما يجي منك قصور
ابو هنديانا شخبارك يابنتي
هند الحمدلله بخير بشر عنك
ابو هنديانا الحمدلله بخير
هند بحنان ناقصكم شي ترى اذا هنديانا بنتكم انا بنتكم
ابو هنديانا جعلك سالمه ماقصرتي
هند بابتسامه العروس شكل العسل نسها هند
ابوها بابتسامه في الصبح تتصل علينا وفي الليل تتصل تطمن علينا
ام هنديانا الله يوفقها ويسعدها ويعوض صبرها خير
هند امين افطرتو ولا باقي
ام هنديانا لا مافطرنا
هند ليه مافطرتو وانتم تاكلون علاجات
ابو هنديانا مانشتهي مغير انا وعجوزي حطين روسنا بروس بعض
هند بابتسامه اذا افطرت معكم بتنفتح نفسكم
ابو هنديانا ايه
هند بابتسامه ترى خالتي تذبحني تغار عليك
ام هنديانا اغار من بنتي على ابوها
هند بحب طالبتكم بدال حبستكم بالبيت تجون تزورني وتجلسون عندي البيت عندي مليان وبكره بيجي خالي بدر وعايلته بتنبسطون
ام هنديانا الله يبسطك يابنتي
هند وقفت
ام هنديانا وين يابنتي
هند بجيب الفطور ولا غيرتو رايكم ماتبوني افطر معكم
ام هنديانا ارتاحي يمك الشغاله بتجيبه
هند بابتسامه الي يشوفك يقول بطبخه حتى سلق البيت ماعرفه
تركتهم وطلبت من الشغاله تجهز اغراض الفطور وهي تتفقد النواقص وطلبت من الشغاله تكتب لها كل شي ناقصهم وطلبت منها تعطيه لها لطلعت برى ماتبيهم يشوفونها
وصلت عندهم
هند بحب فيكم شده تعتمرون الاسبوع الجاي
ام هنديان بفرح امنيتي اعتمر لكن الشكوى
هند بحب اليومين هذي مشغوله بيجوني ضيوف لكن بداية الاسبوع الجاي اذا ربي احيانا بتعتمرون معي
ابو هنديانا بفرح الله يفرحك يبوك ويكثر خيرك
هند بكره بسافر لرياض ملكة محمد اخوي حلفتكم اذا احتجتو شي غاده وامها في البيت لا تستحون والله كلنا نحبكم
ام هنديانا الله يحبك يابنتي
هند اليوم العصر بيجي لكم سواق خصوصي بيسكن بالغرفه الي برا اذا بغيتو تطلعون تروحون مكان هو يوصلكم
ام هنديانا وعيونها تدمع الله يعوضك يابنتي ويرحم بطن جابتك
هند امين
دخلت عليم الشغاله بالفطور افطرت تاكدت انهم اكلو علاجاتهم وبعدها طلعت لحقتها الشغاله وعطتها اوراق النواقص اخذتها وطلعت برى البيت
في الديره
عند الجدات
مثل عادتهن قامن بدري جابت لهن ام جاسم القهوه تقهون وبعده جابت الشغاله الفطور افطرن سمعن صوت الباب
طلبت ام جاسم من الشغاله تفتح الباب كانت ام مطلق الي زايرتهم ماقدرت تصبر للعصر
دخلت استقبلتها ام جاسم بحب لها قدر كبير عندها والجدات قربت منه وسلمت عليهن وغصب بكت
ام جاسم بخوف تعوذي من بليس يام مطلق ليش كل هالبكي
ام مطلق بدموع غصب عني يام جاسم جايه اودعكم بروح مع مطلع لشغله
ام راشد لاتزعلين يام مطلق ولدك يحتاجك لا تضيقين عليه صدره وهو يشوف دموعك
ام موضي الحي من الحي بيلتقي ان شاء الله
ام جاسم تطمني بنزورك بمحلك
ام مطلق بفرح صدق يام جاسم
ام جاسم اذا ربي احيانا كل صيفيه نتبرد عندك في الطائف جهزي لنا مكان
ام مطلق البيت كله لكم واحنا ضيوفكم
ام جاسم عاش البيت واصحابه
جابت لهم الشغاله الفطور افطرن وافطرت معهن ام مطلق على اذان الظهر طلعت لبيتها
بعد يومين
تحددت ملكة محمد بعد ثلاث ايام بتكون عشاء عبدالرحمن وعايلته بالرياض وهند وخالد بيلحقونهم بكره وبيرجعون بنفس اليوم
بدر وافق على طلب هند وبيسافر مع عبدالرحمن بنفس الطياره لطائف بيجلس هناك باقي الاجازه
مطلق اجل سفره يوم علشان خاطر امه يبيها تجلس اكثر وقت مع جاراتها الي بينهم عشرة عمر
جاسم عايش حياته كائيب يحاول يتصنع القوة عند امه وجداته ماله خلق عتاب ولوم
فيصل يطلع عكس الي يكتمه وصل معه الشوق والعشق والغيره لاقصى حد منقهر ان الجوهره ماحاولت تاخذ رقمها من خالتها كانها ماصدقت تقطع
لكن حاول مايبين هذا الشي لاخوه لان حالت اخوه يرثى لها ميت وهو عايش مايبي يزيدها عليه
هند تستعد لسفر لرياض وبعد الحفله عندها كذا شغله اذا صارت سافرت لبريطانيا وستقرت هناك الكل يجهل عن قرارها بتحطهم امام الامر الواقع
غاده وندى مشغولات بالامتحانات
فهد من اخر مره تعشى مع ندى ماطلع معها مايبي يشغلها عن دراستها
صلاح كل يوم يشوف فيه غاده يحس بوجع بقلبه بسبب صدها وكل ماتذكر انها تحب فيصل وتهذي فيه يكره فيصل ويدعي عليه انه سبب ان غاده ماتشوف حبه
بدر وخديجه مبسوطين ويستعدون لسفرهم لطائف وحنان قررت ماتطلع لمحمد الي وافق على طلبها لانها اكيد مستحيه مصيره بيشوفها
محمد مبسوط بقرب وقت ملكته كان نفسه يشوف حنان لكن اصدمت انها ماتبيه يشوفها قرر لا سافرت معهم الطائف بيدور فرصه بيشوفها فيها
في الديره
بعد ماصلى مطلق الفجر دخل مع ابوه من الليل مدخل اغراضهم الي يحتاجونها بالسياره
لقى ام مطلق باسطه بالحوش وقدامها القهوة جلسو تقهوى
مطلق يمه كل اغراضكم اخذتوها
ام مطلق ماخذنا غير ملابسنا
مطلق زين البيت جاهز بكل شي وسيارتي صغيره ماتاخذ كل الاغراض
ابو مطلق يابوك تاكدت ان نياقي وصلت
مطلق بابتسامه ايه كلمت خالد وقالي انها وصلت بسلامه
ابو مطلق زين طمنتني احس اليومين الي فاتت وهي غايبتن عني كاني ماني بعايش
مطلق بابتسامه الله يعطيك طول العمر بطاعته
مطلق يله مشينا مانبي نتاخر ونسافر وشمس حاره
ابو مطلق على بركة الله ام مطلق تاكدي من اغراضك واغراض البنات لا تنسين شي
فاطمه تطمن كل اغراضنا بالسياره واغراضك مجهزتها بايدني وحطيتها قبل شناطنا بالسياره
ابو مطلق بحب جعل عيني ماتبكيك
ام مطلق والبنات طلعن من البيت وطقت بيت ام راشد بيودعنها افتحت لهن الشغاله دخلن داخل ودعنهم وطلعن وام مطلق قلبها يعتصر وجع وهي تودعهم
ركبو السياره ينتظرون مشعل واهله بعد ماوصلو تحركت السيارت مسافرين لطائف
في الطائف
عند هند
صلت الفجر وبعده ارجعت تنام قامت على صوت ريتا تقومها
ريتا هند خالد يبغى انتي
فتحت عيونها بكسل كم الساعة ريتا
ريتا 9
هند قولي له باخذ شور وبنزل
طلعت ريتا وقامت هند للحمام اخذت شور لبست فستان بيتي من الشيفون الزيتي فيه ورود نشفت شعرها ونزلت لقت خالد ينتظرها تحت
هند السلام
خالد وعليكم السلام
هند افطرت ولا بتفطر معي
خالد لا بفطر معك
طلعت من عنده ودخلت المطبخ طلبت من الشغاله تسوي لهم فطور
ورجعت لخالد وجلست على الكنبه
خالد مطلق اتصل هو واهله جاين بالطريق
هند اجل جهز لهم عشاء محترم
خالد اجليها ليوم ثاني
هند باصرار اليوم بكره ماني فاضيه بحضر ملكة محمد وبعده بداوم بالشركه وبانشغل بالحفله وهم لها معزه بقلبي مستحيل اجل عزيمتهم بعد الحفله او اجمعها معها لهم قدر كبير عندي
خالد بستسلام على راحتك معنا وقت نتجهز للعزيمه
هند الا متى يجون اهل وليد
خالد ماتصل اكيد ياليوم يابكره اجازتهم انتهت
دخلت الشغاله بالفطور
هند غاده وينها
خالد بحزن نايمه لاحد يصحيها لين تصحى من نفسها
هند الله يكون بعونها
بدو يفطرون دخلت عليهم غاده واضح على شكلها التعب
قربت منهم السلام
خالد وهند وعليكم السلام
خالد بحب ليش قمتي
غاده بتعب تعبانه ودايخه عفيه خالد ابي اروح للمستشفى
خالد بخوف ليش وش صاير
غاده بتعب حاسه بدوخه وتعب شكل ناقصني فيتامينات وبطلب من الدكتوره تعطيني علاج يريحني من اللوعه علشان اقدر اكل
وقف خالد اجل ادخلي البسي عباتك
هند بحنان ماتشوفين شر الا خالتي وينها من امس ماشفتها
غاده طالعه مع ابوي عمره
هند متى بيرجعون
غاده بابتسامه شكلهم مطولين مدام معهم الانسه غلا اكيد بتطلب منهم يمرون جده
هند بابتسامه الله يهنيهم غدويه الليله فيه عزيمه اهل مطلق جاين من الديره
غاده وناااااااسه
خالد غدويه انا طالع بنتظرك بالسياره لا تتاخرين علي
غاده وقفت بدخل غرفتي بلبس عباتي وبطلع
هند الله معك
طلعت غاده من عندها وتركتها بتفكيرها نفسها جداتها يكونون معها لكن الشي الي مستحيل ترضى فيه وجود جاسم معهن لان شوفته تضعفها تخاف لشافته اعترفت له عن كل الي بقلبها الي مخبيته عن الكل
هند في نفسها والله احبك واكثر بكثير من الحب لكن انت مستحيل تحبني لان الي سويته مسح كل الحب الي بقلبك لي والله ياجاسم لو ادري انك تحبني مثل حبي لك لسوي المستحيلات علشان ترجع لي رضيت ولا غصب عنك
انتبهت من افكاره انهبلتي ياهند وش هالكلام انتي هند الفهد متى تضعفين وتنذلين بسبب مشاعر مجنونه الاكيد بدمرك مهما كان الماضي بيكون بينكم مستحيل ينسى قسوتك عليه والشي الثاني مستحيل تنسين انه ولد اخو راشد
حطي امك قدام عينك انسرقت وانجلطت وانشلت وماتت بسبب حبها تبين تصيرين مثلها يالخبله خذي درس من امك
جننتها افكارها المتضاربه
صرخت صرخه قويه من قوتها تحس فيها فجرت البيت
هند بصراااااااااخ خلاااااااااااااااص اطلع من راسي خلااااااااااص
مانتبهت على نفسها الا ريتا تكلمها
ريتا هند اش في راس انتي يوجعك
رفعت عيونها لريتا وتاكدت ان صرختها كانت مسموعه ايه
هند في نفسها كله بسبايبك ياجاسم صرت ماقدر امسك انفعالاتي
طالعت بريتا ريتا قولي لطباخه يسوي غداء كويس وكثير بروح اتغداء عن اهل هنديانا
ريتا اش يقول يسوي اكل
هند قولي لها تسوي اكل يصلح لكبار السن
ريتا حاضر
وطلعت تركت هند بالصاله وقفت هند حاسه بتعب من الفجر نايمه قامت ودخلت المطبخ شافت ريتا تحوس بالمطبخ
هند ريتا قوميني بعد الظهر بطلع عند اهل هنديانا
ريتا حاضر
طلعت لغرفتها اخذت شوار دافي يريح اعصابها طلعت لبست بجامه ودخلت بسريرها ونامت
في الديره
عند جاسم
صحى على اذان الفجر التفت شاف اخوه نايم قام دخل الحمام توضى وقوم فيصل بعده طلع للمسجد صلى الفجر بعده رجع البيت دخل المجلس شاف اخوه نايم
جاسم فيصل قوم صل الفجر فاتتك الصلاة بالمسجد
فتح عيونه بكسل طيب
جاسم بعصبيه بتقوم ولا غرقتك بالماء البارد
فيصل بقوم
قام دخل الحمام توضى طلع بسط سجادته وصلى وجاسم طلع من عنده ودخل عند
سجادتهن يتسننوام جاسم بالمطبخ
قربب منهن وباس راسهن وجلس بوسطهن
دخلت عليهم ام جاسم بالقهوه
وقف جاسم
ام جاسم وين طالع تقهوى معنا
جاسم بطلع للمطبخ بطلب من الشغاله تسوي لي كابتشينو
ام جاسم مدري وش حببك فيه
جاسم حس بوجع يعتصر قلبه
جاسم في نفسه بوجع ااااااااااااه يمه لا تفتحين جروحي شفتي شلون ولدك ضعيف واضعف من الضعيف حبيت كل شي تحبه اعرف يمه ماتستاهل حبي لكن الله يشيل هالقلب الي راضي بالمهانه ياليت اقدر ازرع مكانه قلب يكرها كثر حبي لها
ام جاسم جاااااااسم
جاسم انتبه على نفسه هلا يمه
ام جاسم وين سرحت
جاسم بابتسامه قريب
قام وطلع من عندهم بعد دقائق دخل وبيده كاس كبتشينو
جالس مستمع لسوالفهن
ام راشد الله يستر عليهم اهل مطلق ويوصلهم
ام موضي الله يبارك فيها هند ويعافيها الي وضفت ولدهم المسكين وشرت له بيت وكتبته باسمه
فز قلب جاسم من طاريها واوجعه ان اسمها اقترن بمطلق
جاسم في نفسه بوجع اكيد تحبينه وفضلتيه علي وقربتيه منك وبعدتيني عنك قولي معقوله ها المطلق يحبك ربع حبي لك انا مجنونك تفهمين اش معنى مجنونك قولي ليش حبيته
ماقدر يقعد اكثر حس نفسه مخنوق وخاف قوته تخونه عند جداته ويضعف
الكلام الي يسمعه كبير يحبها وتحب غيرك موجعه لقلب العاشق
طلع وبايده كاس الكبتشينو دخل المجلس شاف اخوه نايم فتح شباك المجلس واخذ نفس
وقال بصوته الحزين الموجع
أكـــــبــر مـــشــكــله..؟!~
وأكــبـر قــهــر ..؟!!~
" لآعشقت " لك إنـسـآآن ((يعشق)) غيرك =(
أكــــبـــر مـــشكـــلـه..؟!~
وأكـــبـــر قــهــر..؟!!~
لآصرت تتدور غلا شخص ,,, يدور غلا غيرك..
وش ذنبه..!
((قــــلــب)) ..يحبه ولايقدر يحب غيرهـ ~
مآيبغى يخووون له إنسآآن حبه من كل قلبه~
وش ذنبه..!
((قلب)).. تعلق به..ومو قآدر يـنسآآه ~
وشلون ينسآآهـ وهو مآيغيب عن آلــبـال~
مـــاأقـــســآآك عـــلـــي يـــآلـــغــآلــي,, ][أترك حبيبك وألتفت لي
على قسوتك لي (وحبك لغيري(
بس وربي..’’
أحــــبــــك..حب غير عن كل البشر
حبيب وغالي ولك بين البشر أغلى مكان
غآآلي ولالـك من البشر من يسآويك بغـلآآآك ..
يامن ســكـن قـلـبـي وأعماقي
يامن شـــــغـــل بــالــــي وتفكيري..
ياللي عـــيــونــي تــتــخــيـلـك قدامي
صرت أشوفك كل لحظه..؟!
الــشــوووق..}يبني خيآلك قدآآم عيووني..
أشتاقلك..لامر بالبال طاريك..
والمشكله..
طاريك دوووم عالبآآل ..
يحن قلبي لك ولـ(أخبـآرك..؟
حبيبي
.. (أعـشـقــك(
حتى لوتعشق ((غـيـري))..
فيصل بصراخ اسسسسكت اسسسسكت
جاسم التفت على اخوه بحزن كنت احسبك نايم
فيصل بوجع ليه تبي تذكرني ان الي احبها وعشقها تحب غيري ليه قلبت علي مواجعي ياخوي بموت من الغيره والقهر وهي تحب غير وتتعذب بسبته
جاسم يضحك بوجع هههههههه كلنا بالوجع سوى تقول توائم حبينا سوى توجعنا سوى باعنا وحبن غير ياكثر وجعنا ياخوي
فيصل بدت دموعه تنزل والله احبها ياخوي تعبت وانا امثل القوة كل ليله مخدتي مبللتها دموعي نيران بقلبي من يطفيها تدري ان صلاح اخو نواف اول ماشافها طلب من نواف يقنع ابوه يخطبها له لكن نواف وقف في وجهه
جاسم بصدمه اخو نواف
فيصل بوجع ايه وهددته لو خطبها بذبحه مراح يشفع له انه اخوه
لو خطبها غيره وش يدريني عنه وانا مدري وين اراضيها بموت ياخوي لو صارت حليله لغيري بموووت
جاسم بوجع الله يصبرنا الله يصبرنا
في بريطانبا
عند غاده
طلعت من غرفتها بعد ماصلت الفجر ولبست لقت فهد بالمطبخ يحوس بيسوي فطور
غاده بابتسامه السلام وش ناوي تفطرنا
فهد اشوف الايه مقلوبه عندك الرجال بالمطبخ والاخت تنتظرني اجيب الاكل عندها
غاده هههههههه هذاك في السعوديه الحين احنا في بريطانيا
قربت وجلست على كرسي بالمطبخ وفهد يسخن الخبز بالمكرويف وحط الفطور على الطاوله
جلس مقابل غاده بدو يفطرون
فهد دريتي ان ملكة محمد بكره
غاده باستغراب متى وكيف وشلون ومن
فهد بابتسامه بتنصدمين لدريتي منهي
غاده بحماس منهي
فهد ههههههه البزر حنان بنت خالي بدر
غاده بصدمه شنوووووووو الظاهر محمد انجن هذي صغيره مو وجه زواج توها قريب تلعب مع البزارين
فهد هههههههههه محمد مضرب عن الزواج وتاليتها طاح على بزر
غاده مستغربه شلون خالي بدر وافق يزوج بنته بهالعمر
فهد بجديه محمد ما ينتعوض وكل ابو يتمناه زوج لبنته
غاده بحب فديته حموووووود وخيرا صرت معرس لازم ابارك له
فهد اذا رجعنا من الجامعه كلمناه وباركنا له
وقفت غاده وغسلت يدها فهودي بسرعه امتحاني الصباح
وقف فهد طيب تعالي ساعدني شيلي الاغراض
قربت منه غاده وصارت تشيل الاغراض وباقي الاكل دخلته بالثلاجه
طلعت برى في الصاله لبست حجابها تنتظر فهد الي بغرفته طلع وبيده كتبه طلعو من الشقه للجامعه
في الطائف
عند هند
كانت نايمه بغرفتها دخلت عليها ريتا تصحيها مثل ماطلبت منها
ريتا هند قومي صلي
هند فتحت عيونها بكسل جهزتو الغداء بصواني
ريتا لا باقي شويه مافي يخلص طبخ اكل
هند والي يعافيك ريتا حاولو تخلصون بسرعه وراي مشاوير
ريتا حاضر
طلعت ريتا وهي قامت ودخلت الحمام اخذت شور ولبست فستان ابيض واسود ولمت شعرها بعضاضه واخذت عبايتها وشنطتها بيدها ونزلت تحت لقت غاده جالسه
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك