رواية روح معاه وخلني استمتع بنغمة بكاي -51
البارت 22
"الجزء الاول"
طفلة تسولف لي عن الحـب... بشويـش ..
وانا كذا .. ب شويش ../ مجنون ... طفلة
لاقلت ( احبك بس ) .. صفت لي الجيـش !
جيش الرموش ... اللي غزتنـي ب غفلـه !
وقالت بهمسة ذايبه... (أممم بس ايـش )
( الأممم ) هذي بـس ياخـوك .. حفلـة !
سكت ! قالت : ( أووه من دون .. تطنيش ) !
ومافيه عرق ٍ ... بالجسد ..../ ماعزف له !
( واموت بك ) قالت: ولاتوّكلك ... عيـش !
تعبت الاقي ..( مفردة)...... تنوصف له !
طفلة يجرّح .. خدّها ... ملمـس الريـش !
حتى .. ( الخطا ) ... لاسوّته .. ينتصف له !
علمتها : إنّ الأماني لها .......... طيـش !
وعلمتها : إن ّالمواعيد ............ جفلـه !
دنقت ! طاحت دمعتي واصرخـت : ليـش !
؟قلت : التعب ..... يابنت غصب انجرف لـه
قالت وهي تمسح على شفاي... بشويـش !
( بشويش ! .. لاتبكي من الحزن .. طفله ) !
مدامنا بالكـون هـذا ..... نبـي نعيـش !
دنياك ماتسوى من شفاك .....تـفـــلـــه ....!!!!
###########
لينا:نعم دكتور مهند..
مهند:لينا..في واحد مريض اسمه..امير الـ".."..
لينا:ايووه..شفيه..
مهند:تحاليله وينها..انا طالبها لي كم ساعه..
لينا:بروح اشوفها..
مهند:عجلي الله يخليك..
لينا:انشاء الله..تامرني بشئ ثاني..
مهند:ايووه..
لينا طالعته:امرني..
مهند:عازمك على الغداء بعد شوي لاتتاخرين تعالي بسرعه..
طلعت لينا وهي تخفي الفرح اللي بعيونها..
ووقف وراا الباب..
وبهمس قالت:ياحبي لك..
[ معك ]
تختلف جميع تفاصيل حياتي ..!!
أدّق تفاصيْل حيَآتيْ : يتَخللها ، بعْضآ مُن حُبكَ[ ]
[عجبآ ]
فـَ اُوكسْجينيَ هو |أنتْ|
و البصّْر الذْي أرىَ بهْ هَو :أنتْ |
و أبتسَامتيْ مَن [ أجلكْ] و لك
و حُبيَ : لكْ وسَعادتيْ مْعَك
اُحَبكْ !!
###########
صابرين..كل ماجاتها حاله الخوف..مسكت القران..تحاول تهدي نفسها..
[ضايق ٍ] و أعرف علاج صدري ليا ضاق .......................
....................... ||سورة ٍ|| تفرج هم ، ، وتزيد قدري
دخلت نسرين عليها..ومن شافت مسكتها للقران ..حست ان الحاله رجعت لها..
نسرين:صبو..
صابرين رفعت راسها ..وطالعت نسرين..التعب واضح على صابرين ووجهها قالب اصفر..وتحت عيونها سواد..توها اليوم تقدر تجلس..ولا الايام اللي راحت ..تعبانه حيييل..
نسرين جلست عندها:ماتبين تزورين يوسف..
صابرين:يوسف..
نسرين:اييه..داام ماعنده احد الحين..خلينا نروح له..تتطمنين عليه..وتشوفين احواله..
ثابرين:مابي..
نسرين:للييه..
صابرين تغطت باللحاف:ابي انااام..تكفين..
نسرين:صبو..لييه تتهربين منه حراام عليك..يوسف يحبك ويبيك جمبه..حراام اللي تسويبنه في نفسك وفيه..وربي حرااام..
صابرين طالعتها..
نسرين:خلينا نروح..نتطمن عليه..
صابرين صرخت:لاااااااااء..
نسرين:ليييه..
صابرين:نونو..قفلي على الموضوع ولا ترااا..
###########
في الكوفي جالس معها..
جابر:رهف..عادي افتح قلبي لك..
رهف طالعته:امممم..
جابر:ماتزعلين مني..
رهف ساكته..
جابر:قبل 27 سنه..نزوجت..وحده اسمها نهاد.."رهف طالعته"..بنت جيراننا..وكننا عايشين احلى حياه..بس للاسف جدك اللي هو ابوي مارضى..عن زواجي..وخيرني بين اهلي وبين نهاد..وطلقتها..وكان عندي ولد منها..اسمه ريان..
رهف طالعته..
جابر:ولما تزوجت امك..محيت من بالي نهاد..بس قبل كم يووم اتصلت علي وقالت لي عن حمد اخوكم..
رهف:حمد الله يرحمه..
جابر:حمد عايش..وانا رحت ادور عليه..
رهف:يعني انت كنت..
جابر:اييه..رهف انا ماحبيت هالنظره منكم..مهما يكون امك زوجتي وام ولدي..ونهاد..ماضي..
رهف:انا آسفه..
جابر مسك يدها:رهف..انا مو قايل لك عشان تقولين..كذاا..انا قااايل لك عشان ..ماتغلطين بافكارك فيني..ويلاااه الحين قولي لي شتشربين..
###########
فهد من جلس مع عزام..وهو يقرق وكان له وهو ماسولف..واللي مستغرب احمد..والي مستانس عزام لقى له احد يسولف ويااهـ..له ثلاث ايام..صقر يقوم يذاكر ويرجع ينام ولا يروح لواحد من ربعه ..وهو مقضييها نجره مع الزول"العامل"..اللي عندهم..اللي من سمع ان صقر ..بيتغدى براا ..وهو يقول مااراح اسوي لك غدى..ويوم قال عادي انا بطبخ قاله مااراح اغسل المواعيين..
فهد:وصقور لييه ماخذااك معااه ولااسرار..
عزام:مو انا قلت ..لك وائلووه غثيث..وصقور رايح عنده مجامله لااكثر ولااقل..وانا بصراحه ماحب المجاملاات..
احمد:هذا وائل شنو اسمه الكامل..
فهد عرف مقصد احمد من هالسؤال..
عزام:هو وائل ولد الزير ..حق"..."..
فهد:وااااااااااااااااااااااااااع..قول قسم..
احمد:هههههههههه..هذا اكره كائن حي في عالم فهد..
عزام:قل قسم بالله..
فهد:قسم وربي..لييه هذا..صقور مصادقه تدري..متحلفين نتخانق مع بعض..
احمد:والله انك شئ..لويسمعك..بيشخلك تشلخ..عاد تعرف ربعه انت..
فهدكقل قسم..من متى احد يشلخني..
عزام:نسيت قبل..يوم..كيف صادفتك..
احمد:خخخخخخخخ..
فهد خزهم:هذاك شئ..وهذا شئ..
عزام:مافي فرق بالتشليخ..ههههههههههههههههه..
احمد:اي والله انك صادق..مافي فرق..
فهد:لانكم مو فاهمين تقولون كذاا..
عزام:هههههه..نفهم شنو حبيبي..هاااهـ..
*اينتواا مابتفهمواا حاجاااهـ..
لفوا على عثمان العامل..
فهد:وشنو اللي مانفهمه سيد عصمان..
عثمان:دايرين تقولوالي..لييه ماغسلتوا ..صحون الاكل حقكم..ولااااا..
احمد:احلى والله كشخه..عصمان بعد يهدد.
فهد وهو يتثاوب:وانت جااي هنا حق شنو..
عزام:خله..خله..الحين بيروح..وبيقول صقر..هزاك الزول ماداير يسمع كلامك..
احمد:ههههههه..احلى زولكم خطيرمرره..
فهد:الا مسوي فنتق هالزول الله يستر منه..بس..
عثمان:يازول..انتى معااهـ..انا داير اشكي عليكم عند ابوخالد..
احمد:هههههه..
فهد:انا روح اغسل يدي بس..
قام فهد..
احمد لف على عزام:تدري فهد له فتره ماسولف هالكثر..
عزام:والله..
احمد:اي ..كان مايقرق هالكثر الا مع يوسف..اذا كان رايق..
عزام:الله يقومه بالسلامه..
فهد وهو جااي وماسك جواله..وحاطه باذنه..
فهد:نعم..
كان رقم غريب داق عليه..
هيثم:الله فهود..لما ادق عليك من جوالي ماترد..ومن جوال مرتك..على طول راد..
فهد ببرود سكر الجوال..ورمى نفسه على الكنبه..
وسرح..
هيثم ظلمني واجد..قال لي كلااام...ماينقال..جرحني وهو اللي انا اقرب له من اي احد ثاني ..يسوي فيني كذاا..
احمد:هييييييييييييه..يابو الشباب وين رحت..
فهد طالعه:تدرون ابي انااااام..
عزام وقف وهو يشيل الصينيه ويعرج:نااام..شوراك..
فهد:لاء ..لازم اروح ليوسف عمتي من الصبح عنده لازم اشوفه..
عزام طالع فهد:انتى متى بترجع من عنده..
فهد:انا اناام عنده بس عمتي ..مو راضيه لي الصبح اقعد تقول روح الجامعه..
عزام:خلاااص..عادي الليله اذا راحوا اجي اشوفه اذا قدرت..
*تشوف ميييين...
لفوا على صقر اللي دخل..وتفاجاء بفهد واحمد..
عزام:هلا صقر..
احمد:الله يالشبه.."طالع فهد"..وربي لما قلتوا لي ماصدقت ان يشبه كذاا..
عزام وصقر ابتسموا..ودخل صقر سلم عليهم ..وسط قلقه من هالزياره..خصوصا انهم قايلين لابوهم..ماشفنا بعض..
###########
الجد:اسمي..
لين:اي شنو اسمك..
الجد:جدي..
لين:لاااء..اسمك مايدلعونه..اختار لك اسم يدلعونه..
الجد ابتسم:وش اختار..
لين:اممممممم..روز..شنو تختار..
روز اللي خلاها مهند عند لين..وماتفارقها..
روز:مايأرف..
لين:طيب انت شنو اسمك الحقيقي..
الجد:يوسف..
لين:ايووهـ..يدلعونك..يويو..
الجد وروز هنا ا ضحكواا على الدلع الغريب على الجد..
واللي عصب لين..
وجلس الجد..مع اصغر حفيده عنده ..بنت سعد..على رغم الالم والخوف..من اختفاء سعد..الا انه يحاول مع هذي الطفله يكون طبيعي ويعوضها عن كل شئ..ابتسم لوليد اللي دخل..
لين:ولييييــــــــييد..
وليد:ليييــــــــــيين..
وراح لها حضنها..وهي باسته..
لين:وينك امس ماجيت عندنا..وحشتنا..
وليد:وحشتك والله..
لين:اممم..تدري انك طيب مرره وانا احبك..حتى قلت لابلتنا عنك..اليوم..
وليد:والله..حبيبتي انتي والله..
الجد ابتسم لهم وراح بيطلع..
وليد:جدي انا قلت لام لين..خلاااص درت انك دريت ..
الجد:متى بيطلعونها..
وليد:بتقعد الين موعد ولادتها..
الجد:وبنت عمك..بتجلس هنا محد يدري عنها..
وليد:جدي اللي تشوفه انت..سعد قال لك عن زواجه وعن كل شئ..
الجد:خلنا ننتظر رجوع بوخالد وسعد..لين:يويو..سعدون بابا بيجي..
الجد طالعها :ان شاء الله...بيجي..
وليد:شنو يويو..
لين :هذا دلعه ..هو يقول اسمه يوسف..واللي اسمهم يوسف كذاا يدلعونهم..
وليد كتم ضحكته..عيب عليه يضحك على جده..
لاكن ماقدر..
ههههههههههه ههههههههههههه هههههههههههههه
###########
عزام:انت تستهبل ولاتستهبل ولاتستهبل ولاتستهبل..
صقر:والله انت اللي ينقال لك هالكلااااام..
عزام:صقر وربي ملااااان..شكثر ملااان..حراام عليك..يعني شسويت انا هااهـ..
صقر جلس وهو يتنهد:عزام..حتى انا ودي اجلس مع اخواني..بس ابوي رااح يزعل منك..افهمني انا خايف عليك من ابوي وانت تعرف ابوي لتهور تهور..
عزام:طب خلاااص قولواا له..من جد يعني ..مابيمنعنا من الجلسه مع بعض..
صقر:اا جاء يحلها الف حلال..
###########
خالد:هلا..تغريد شفيك..
تغريد:ابي استاذنك ابروح لاختي تهاني تعرف محتاجتني..
خالد:بتروحين اليوم..
تغريد:اممممم..ابجلس معها الى يوم الاربعاء يعني بعد اذنك..
خالد اللي احتار..يعني تغريد اول مرره تطلبه تروح بيت اهلها..وتبي تنام..
ابتسم لها بالرغم من انه مو راضي:روحي جهزي حالك..
تغريد نطت عليه وباسته:مشكور خالد الله لايحرمني منك..
وقامت مسرعه تجهز اغراضها..
وخالد حاط يده على مكان بوتها ..اول مرره تبوسه..
"شراره"
###########
رحاب:تفضل..هي داخل..
دخل سلمان على ولايف اللي جالسه بغرفه امها..على السرير..وحااضنه المخده..شعرها مخليته على راحته..لابسه جلابيه عنابيه..
دخل وجلس قدامها..ومسك يدها..
سلمان:عارف اني مهما اعتذرت مابقدر ارجع شئ من..اللي سويته لطبيعته..
ولايف رفعت راسها والدمعه تتلألأ بعينها..دمعه..رجعته لوراا..يوم جلس يطلق الوعود لها..لاكنه ولاواحد من هالوعود نفذها..
تسللت الدمعه..على خدها..وطاحت على يدهـ..
سلمان:ولايف..انا جاي ابيك..تحللني..الليله الساعه 10 رحلتي..
ولايف طالعته..
سلمان قرب منها بيبوسها..الا ولايف بعدت عنه..هو وقف..متالم..
سلمان:مع السلامه..
ومشى بيطلع لبراا..
ولايف:سلماااان..
سلمان لف عليها..
ولايف طالعته:طلقني..
كانت جالسه بالسياره..مع عمها جابر..ودق جوالها برقم بندر..ارتبكت وماردت..
ارسل لها..
"رهوفه حبيبتي..ردي علي..واحشني صوتك..ردي علي"..
جابر:جوالك..
رهف رفعت الجوال:الو..
بندر:...
رهف:حبيبتي بعدين اكلمك..انا في السياره رايحه المستشفى...
بندر:واناالمسكين ..لييه محد معبرني..
رهف:آسفه..مع السلامه..
سكرن بوجهه الجوال..وجلست متوتره..
جابر:رهف..يلااا..خلينا نزل ولامطوله..
نزلواا..ودخلوااا ..وعلى موعدهم لايطوفهم..
ريان جالس يشرب قهوه ..دخل ابوه ..عليه..خاف انه يحس..من صوته اويعرفه..
رهف جلست على كرسي الاسنان..
رياه:هااه يارهف ..شالاخبار..
رهف:الحمدلله..
ريان عطاها..المخدر ورجع جلس..مكانه..
جابر:ماجات الدكتوره سيلفيا..
ريان وهو منزل راسه:لاء..مددت اجازتها..بعد عيد الحج بتجي ان شاء الله..
دق تلفون ..ريان..رد..
ريان:الو..
رفع جابر راسه وطالعه..هالنبره مهيب غريبه..
ريان:لاااء جراااح..خلها لما اخلص ..شغل بتصل عليك..اييه ..مع السلامه..
سكر الجوال..ورفع راسه لرهف..
ريان:رهف..تبنجتي ولاااء..
رهف:اي..
قام لها ريان..وبداا يشتغل لها على اسنانها..ماحس..بنفسه وهو يتاملها..مايدري شالافكار..اللي جايته..اكثر شئ لفت نظره..خدودها المورده..ولاعيونها..كانت مغمضتهم..ولانها اول مررهـ...بعد..تشيل النقاب كامل..بس حطت..يدها على عيونها..
فتحت عيونها وطالعت نظراته اللي تحرقها..دايركت جات بعيونها نظره بندر لها..ودايركت ..نزلت الدمعه ..
ريان اللي وعى على حاله من دمعتها:آسف..والله ماسويت شئ..
جابر هنا انتبه..وقام لها..وصار جمب ريان..اللي حاول ياخذ هواا وشرق ..
ريان:كح كح كح كح كح..
رااح مسرع على الماء..وفتح غرشه الماء وشربه..
جابر وهو ماسك يد رهف ..لف على ريان..وطالعه على طول جاء بباله ..ريان ولده..>>مادرى انه هو..
بس قطع هالافكار مسكه رهف ليده بقووهـ..ودمعاتها..تنزل حضنها وهي على السرير..
جابر:خلاااص حبيبتي..اهدي رهف.. كلها ضرس..
ريان طالعهم ..ومن غير شعور طاحت دمعته..حاول يخفيها..ويكبتها بداخله..لاكنها كانت دمعه ماكره..مااعارت رغبته اي اهتمام بالعكس..انزلت وحفرت على خده..حس ببروده تجتاحه ..ونفضه..
رااح باله لبعيد..بعيد..لقبل سنين..واجد..لما يبكي يحضنه..ومايتركه الا يضحك..
جابر هنا التفت على ريان..بيقوله كمل..استغرب من دمعته..اللي على خده ونظرته..
جابر:دكتور ريـ..
ريان:سوري..
وراح تقدم من رهف بيكمل شغله ..بخنقه..وغصه..بداخله..
ماصدق متى طلعواا ..وطلع السستر..وحط راسه على الطاوله..
وهنا انفجر يصيح..اييه حس ببروده..باطرافه..بروده كان محتاج لحضن..يحضنه..مو حضن جابر لاااء..حضن امه..حبيبته..
أحتاجَ لـ | حٌضِن | .. افَرغِ فيِهٌ
‘‘ ش ه ق ا ت ي‘‘
رفع راسه..وقلبه يرجف..مديده على التلفون ..وهو يمسح دموعه بكف يده..
ريان:هلااا جرااح..شعندك
جراح:ريان..ابوي طلع يعرف اهل بوعبيد..
ريان:طيب حتى انا اعرفهم..
جراح:اقصد طلع يعرف بيتهم..اسمعني بعد ماتطلع من المستشفى..تعال بيتنا...انا بنتظرك..
###########
تهاني:لاااء ساره حبيتي والله مااقدر..
ساره:شنو اللي ماتقدرين..تهاني حبيبتي عشان خاطري حطي الحناء..
تهاني:وربي قدرك فوق راسي..وخاطرك وربي غالي بس..
ساره:لابس ..ولا حاجه ..هذي هديه عرسك..ابي احنيك..
وجرتها جلستها ..على الارض جمب الحنايه..الهنديه..
تهاني ..من مسكت الحنايه القمع ..حطت يدها على فمها..وجرت يدها الثانيه ..وركيض ..على الحمام..
ساره راحت لها تركض ..فتحت باب الحمام..شافتها منزله راسه على المغسله وتفرغ اللي ببطنها..
قربت منها...ومسكتها..
تهاني رفعت راسها وبدمعه:قلت لك مابي اتحنى مابي ..
ساره:تهاني انتي شفيك..
تهاني هنا حضنت ساره..وصاحت..شقولك ..ياساره..اقولك اني حامل..ونساتي جات على الحناء..شقولك ..شقولك..
طلعتها ساره..وودتها الغرفه..وكانت هناك تغريد..
اللي كانت متحنيه..والغرفه عاجه بالحنه..مسكت فمها وركيض لبرااا..الغرفه..
ساره طالعت في تغريد..ثم لحقتها ..شافتها جالسه بالمطبخ وحاطه راسها على الطاوله..وتصيح بحرقه..وجالسه تتحسب على عبدالاله..بصوت واطي..
تهاني:حسبي الله عليك ياعبدالاله ..حسبي الله عليك..كله منك..كله منك..
ساره جلست جمبها:تهاني..
رفعت راسها وهي تمسح ادموع اللي مغرقه وجهها..
ساره:مو انا اختك الكبيره..
تهاني وكانها طفله بريئه..قدام اختها الكبيره..خايفه من الذنب..جالسه وعاضه على يدها باسنانها..وتشاهق..
تهاني:ايييه..
ساره مسكت يدها:قولي لي شمسوي فيك عبدالاله ..هااه علميني ..طمنيني عليك..لاتخوفيني ..بساعدك..
تهاني نزلت راسها:ساره انا..
ساره:شنو..
تهاني:انا حامل..
ساره بهت لونها..
تهاني:لي 3اسابيع..عرفتي الحين ...شفيني..مالي حل صح..
ساره:وانتي متنسيه بالحناء..
تهاني هزت راسها باي..ودمعتها تسبق هزه راسها..
###########
عند فهد ويوسف..
للحين ماقمت ..يايوسف..يلالاا ..خلاااص..قووم..اصحى ..وربي وحشتني يايوسف..يوسف..قووم يالله..خلني ابشرهم..انا عارف انك نحبنا طب قووم..
يوسف اليوم ..رحت الجامعه ..تدري ..وائل يبي يجي لعندك..مدري شيبي على قولته..انت الحين صديقه..مايندرى والله هو انت صديقه ولاكنت شنو معااهـ..خاطري اعرف لييه وائلووه بالذاات..يعني انت تعرف انا شكثر اكرهه..وكم مرره تخانقنا هالسنه..بالذات ..لييه رحت معااهـ..
يوسف اذا قمت بعرفك على اخواني الجدد..ههه اي واحد اسمه عزام..عاد هذا فله ..ويهبل نفسي يعني..يحب السوالف والهبال..ودايم نجره ويا عثمان العامل حقهم..والثاني صقر..صقر تحسه واحد جاد..وهادئ ..بس اذا عزام سوا شئ ياويله من صقر ..طبعا مايضربه يهاوشه..لااااء مو انت تعيب علي اني املط...ومالي شوارب..عزام وصقر وربي ملطان ..ولا شعورهم شقرااء..وطويله..حتى انا ماصدقت انهم اخواني الا لما تاكدت من بطاقاتهم..
يوسف صابرين بعد بكره بتطلع من المستشفى ..سمعت الدكتور يقول هالشئ..قووم عشان تشوفها..ثنينكم محتاجيين بعض..
يعني ماتبي تقوم ..مالي خاطر عندك..يوسف يلاااه..بسك نوم ..ماشبعت..قوووم يله..ترااك انت نايم وانا صااحي..
فهد وهو يتكلم ليوسف ناام..على الكرسي وهو ماسك يد يوسف..
والساعه تعلن انه 10 ليلا..
###########
منى:عبير منو اللي رامسج..
عبير ودموعها على خدها:ابويه..
منى:شو بلااااهـ..
عبير:ابويه ..باجر بيينا..
منى:حلفي..
عبير:والله ..رشود الخايس..خذاا السايق..اللي المفروض ييب ابوي هني..بس السايق..انحاش اليوم..ودق علي ..يقول انه بيحاول ييبه باجر ..مناوي..بجوف ابويه باجر بجوف الغالي باجر..
###########
خالد:حمووووووووودي العشــــــــاء..
ماجاه رد..
طلع على غرفه محمد ودخل شافه على الارض نايم..وهو كان يرسم قرب منه..
خالد:محمد..
لاكن محمد كان بسابع نومه..بعذره بينام ولافي طفل يتعشى الساعه 10..
جاء بيشيله الا لفت نظره..الصوره اللي رسمها محمد..
كان راسم صوره مضحكه ..كانها صوره ساحر..وتحتها كاتب اسم خالد..
خالد ماعرف شيسوي مع هالولد..لاكلمه بالطيب تمادى..ولا عسر عليه..صار مايطيقه..
شاله وحطه على السرير..وراح دخل الاكل..باللاجه..وعدل مكانه..وراح لغرفه محمد وبيده كوب الكوفي حط الكوب على الطاوله ..ورد على جواله اللي يدق..
خالد:الو..
تغريد:السلام عليكم..
خالد:هلا تغريد وعليكم السلام..
ومسك كوب الكافي ..
تغريد:شخباركم..وشخبار حموودي..
خالد يطالع بمحمد:والله حمودي ناام..من غير عشاء..
تغريد:لييه حراام عليك..
خالد:والله جلست اجهزله ..العشاء اللي سويتيه..بس جيته نايم..ماحبيت اجلسه..وخليته نايم..
تغريد:وانت تعشيت..ولا بعد زييه..ماتعشيت وبتنام من غير عشاء..
خالد:لاااء اصلا..مالي نفس اكل..لجعت ..باكل..انتي شسويتي..عسى تحنيتي..
تغريد:اييه تحنيت...بيديني بس..اما رجليني..ماتحنيت..
خالد:لييه مو انا قلت لك تحني بيدك ورجلك..
تغريد:مدري ..بس استحيت ..يعني العروس ماحطت حنا اروح انا احط حناء..
خالد:بس انتي مرت خالد..ومرت خالد..اللي بخاطرها تسويه سامعه..لوشنو هالشئ..
###########
البندري وهي منسدحه بالصاله..حست بيد انحطت على ظهرها..فتحت عيونها..
البندري:عبدالاله..
عبدالاله:شعندك نايمه هنا..
البندري:جالسه وغفيت..
عبدالاله:امي وينها ماشفتها اليوم..
البندري:امي بغرفتها..تكلم ابوي..
عبدالاله انسدح على الكنبه اللي بجنب البندري وسرح باللي صار اليوم
كان جالس بمكتبه يستقبل مرضاه ..انفتح الباب فجاءه ودخلت منه جواهر..وقفلت الباب..
عبدالاله:جــــــواهــــــــــر..
جواهر:فكرتك نسيتني..
عبدالاله:جواهر اجلسي خلينا نتفاهم..
جواهر:وانت خليت فيها تفاهم ..اكتشفت انك مملك وخاطب ماقلت شئ..سكت وكتمت الااانك تتجاهلني ياعبدالاله..موجواهر اللي تتجاهلهاااا فااااااااااااهم..
عبدالاله صرخ:جـــــــــــــــــــــــــــــــــــــــــــــ ــــــــــــوااااااااااااااااااااااااااااااااااهــ ــــــــــــــــــــــــــــــــــــــــــــــــــ ر..
جواهر:جاييه اقولك ..ان ماجيت اليوم..رااح تتلقى خبر موزيين بكره..فتهال اعرفه بنفسك..بالشقه واستر على نفسك..يلااا سلاااام..
وطلعت..
وهو خلص دوامه ..وراح لها..وليته مااراح شاف..اخوها ..اللي بكل بساطه ..طالبه برد اعتبار جواهر..ويعدل..وهدده..وقال له كفايه انها رضت تاخذه مسيار..
مايدري من وين هالاخو طلع..هم قالواا انه مااات..شلون طلع مايدري..قصو عليه..قالوا حنا مقطوعين من شجره ..ومالنا مكان نعيش ..فيه..واغوته لحد ماطيحته بشباكها..وبالاخير يطلع هالاخو..وينه من قبل كان ضفهم..كان شالهم من طريقي..
دمعته تسللت من عينه مسحها..وقاام مسرع لغرفته..وقفله عليه..
تحت عند البندري..
البندري:هلا حبيبي..تاخرت واجد..
وليد:سوري حبيبتي..بس كنت عند جدي..وتعرفين عاد جدي بدى يوصيني..حط بالك من البندري..وتراها غاليه..ولاتزعلها..وحطها بعيونك.."ابتسم"ماكان الكل..درى بغلاااك..وبحبي لك..
البندري:وليد..
وليد:كم مرره قلت ماتناديني وليد كذاا حاف..
البندري عضت شفايفها:طب خف شوي علي..
وليد تنهد وهو يرمي حاله على المخده:حبيبتي..
البندري:هلا حبيبي..
وليد:احبك ...بس..
البندري:بس ايش..
وليد:بس ..مابعدها شئ..
البندر ماحست بالدمعه اللي تسللت :حتى انا احبك..
وليد غمض عيونه ماينسمع غير صوت نفسهم المتسارع وليد يحاول يهدي نبضات قلبه..المتسارعه..من يكلمها تسرع..وتتلخبط اوراقه..
والبندري ..تضبط دموعها..اللي اجتاحتها..لييه ..ماتدري كلمات وليد وحنانه عليها..يجبرها..ويخليها تحبه اكثر..وتقول اللي بداخلها من غير شعور..
مع بعض وبحس واحد وبنفس واحد..
وليد:حبيبتي..
البندري:حبيبي..
ابتسموا مع بعض وكانهم قدام بعض..ويشوفون بعض..
وليد:امريني..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك