رواية اسمحيلي من النظره الأولى اوصلك احساسي -4
سنه سنتين بنحصل رباحه كبيره فيهم
بندر زين اجل نشتريهم والأراضي
الي عند العثيم
بسام لا ابشرك خلاص صارو في المخبه
شريناهم وهذي الله يسلمك ميتين الف
ثمن اراضي بعناهم
بندر طيب خذ منهم حقك وحط الباقي في حسابي
بسام ان شالله
في نفسه طالما بندر راضي عنه الحين
بيفاتحه بموضوع اخته ويطلب يدها
الي شافها ذاك اليوم
بس يدق جواله ويشوف ليال المتصل
بسام هلا خير
ليال بسام تعال عشان نودي عمتي وبناتها
المستشفى موعد الزياره الحين
بسام وابوي وينه
ليال مدري ولا يرد على جواله
بسام زين مو الحين ماني فاضي لما ارجع
ليال بساموه لا تصير سخيف يعني عمتك
اهم من شغلك الحين
بسام سكري الحين وبعدين نتفاهم
بعد ماسكر
بندر اذا اهلك يبونك ضروري روح لهم
بسام يبون يزورون زوج عمتي في المستشفى
بندر لا روح لهم وانا بسكر المكتب جاين جماعتنا من مكان بعيد وحاب اجلس معاهم
بسام طيب نتقابل بعدين
بندر لا اليوم ماراح افتح المكتب بكره ان شالله
بس الأوراق الي عندك ابيهم بخصوص البيوت
بسام عندي بس نسيتهم في البيت
بندر اجل خلنا نروح واخذهم
كل واحد ركب سيارته وحركو لحد ماوصلو
بيت بسام نزل ودخل البيت
ليال زين شرفت يالله نمشي
بسام لحظه بجيب اوراق اعطيهم بندر
ليال بستناك في السياره اخاف تنحاش
والبست عبايتها واطلعت لسياره وشافت سياره
ثانيه واقفه ورى سيارة اخوها
اركبت سيارتهم وكانت تشوف بالمرايه
واحد جالس بثقه وهيبه وكأنه مفكر روحه امير
وشافت بسام يطلع ويعطيه اوراق ويسلم عليه
ويمشي ركب السياره
بسام كلمتي عمتي تجهز
ليال جاهزين بس خل نوصل لهم واكلمهم يطلعون الا هذا منهو
بسام هذا بندر الي اشتغل عنده
ليال هذا اخو مزنه
بسام ايه اخوها وان شالله يرضى ويزوجني اخته
ليال ماقول الا الله يهديك ياخوي
بسام شايفتني مجنون يالخبله
ليال لا بس شقول انسى خلاص
"تحلم ياخوي يعطونك بنتهم انت مو مثلهم"
يقطع تفكيرها صوت جوال بسام
هذا ابوي .......هلا يبا........
يبه شفي صوتك شفيك............
بصرخه مااااااااااااااااااااات
لا حول ولا قوة الا بالله
ليال متخرعه شفيكم من الي مات
تكلم بسام
بسام وقف السياره على جنب
زوج عمتي صالح عطاك عمره
ليال شهقت لا تكذب عمي صالح مات
وبدت تصيح لا حول ولا قوة الا بالله
بسام خلك قويه عشان عمتك والبنات بوديك لهم
ليال لا ماني قايله لهم كلم ابوي يروح يبلغهم
بسام ابوي الحين عندهم في البيت يقول
مع عمي ابراهيم
ليال ابراهيم ومتى طلع عمك بعد
بسام مدري خلينا نروح والله يعينا على هاليوم
في بيت حبيبه
سعود جالس يصيح وجنبه ابراهيم
وام حبيبه مصدومه ماهي مصدقه الكلام الي قالوه لها رفيق عمرها راح وخلاها بروحها مع
البنات
ام حبيبه خلاص صالح راح ماني شايفته
مره ثانيه كان يوصيني امس على البنات
كان حاس بيودعنا لا ياصالح لا
واصرخت بقوه
ادخلو البنات
منى يمه شفيكم خالي شفيها امي
شهد راحت لأمها واحضنتها
سعود يابناتي انتو مؤمنات بربكم
وابوكم تعب كثير من مرضه وربي ارحمه
وريحه طلبو له بالرحمه والمغفره ويسكن جنته
منى ماااااااااااااات ابوي مات
وراحت تحضن امها واختها وصياح يقطع القلب
حبيبه لا انتو كذابين ابوي مامات بيرجع
خالي سعود ابوي بيرجع بس راح يغسل كليته
وبيرجع قول بيرجع خالي
ابراهيم خاف عليها لأنها جاتها حاله غريبه
قام لها ومسك يدها يهدي فيها
ذكري الله يابنتي والموت حق علينا
وصاحب الروح اخذ امانته
جلسها جنبه
حبيبه يمه منى شهد ابوي راح سقف البيت
راح الأمان راح معاه مافيه احد معانا
سعود وهو يحضن اخته عشان تهدا
حبيبه صلي على النبي وانا خالك انا موجود
وخالك ابراهيم بعد
حبيبه صارت تلطم خدودها بقوه وتصرخ
بحاله هستيريه ماهي مصدقه وعلى السانها
راح الأمان راح الأمان
ابراهيم حضنها ويهدي فيها لحد
مااغمى عليها
...................
الخبر انتشر عن وفاة صالح ولما درو
البنات راحو لهم عشان يوقفون معاهم
وكان يوم صعب عليهم حزن وصياح
................
في بيت ابراهيم
موضي تلبس عباتها
يالله مشاعل ماتبين تروحين العزا معاي
مشاعل بصراحه يمه مااعرف احد
منهم خليها بكره يكونون اسكتو من صياحهم
موضي بس يابنتي هذا زوج عمتك
ولازم تكونين موجوده واقفه مع بنات عمتك
واكيد بيذكرونها لك
مشاعل خلاص بكره الصباح اروح ان شالله
طلال ووليد داخلين عليهم
طلال يالله يمه جاهزه
موضي ايه خلونا نمشي وخلكم ارجال ووقفو
مع ابوكم وعمكم في العزا سامعين
وليد اكيد مايبي لها كلام
طلال يالله نلحق عليهم
..........
مر اول يوم بليلته صعب كثير عليهم
افقدوه وسلمو امرهم لربهم
ثاني يوم من العزا
ليال يالله بنات تعالو اكلو شي من امس ماكلتو
شوشه حبيبتي حبوبه اكلي هذي القمه من يدي
عشاني
حبيبه مابي ماني جايعه
فطوم يالله بنات شوفو وجيهكم صفرا
امون شهد منى يالله اكلو
منى محد له نفس ياكل والله الله يرحمك يبه
كان يغصبنا عشان ناكل معاه
ليال طيب حرام عليكم عمتي شذنبها
تزعلونها زياده اذا ماكلتو حتى اهي
ماهي ماكله وكل اشوي يغمى عليها
على الأقل ساعدوها واكلو معاها
فطوم يالله قومو ناكل مع خالتي يمكن
تشتهي تأكل
شوشه اذا صج تحبون ابوكم الله يرحمه
قوم واكلو مع امكم عشان تاخذ دواها لسكر
منى يالله بنات عشان امي مالها ذنب
خلونا نروح لها
...........
في بيت بندر مجتمعين في الصاله
ابو بندر وين امي ياام بندر
ام بندر راحت مع اختك بيت وحده يزورونها
بندر وين البنات مالهم حس اليوم
ام بندر فوق في غرفهم
انزلت طرفه مع بدور
سلمو واجلسو وكان وجه طرفه تعبان
بندر الحلو شفيها متنفخه عيونها
سلامات
بدور ابو صديقتها متوفي امس وزعلانه
بندر لا الله يرحمه
طرفه يمه روحي معي ابي اشوف شهد
والله قلبي واجعني عليها
ام بندر نروح نقوم بالواجب بكره ودنا بندر
بندر طيب بس هم من
طرفه صالح ناصر ال...
بندر صج هذا زوج عمة بسام
توفه وبلغني وكنت ناوي اروح بكره اعزي
ابو بندر اجل كلنا بكره ان شالله نروح
...............
ثالث يوم من العزا
لما درت مها ان ابو حبيبه مات سوت مناحه
لعماد وماسكتت صياح
عماد خلاص ياقلبي هذا امر الله ومالنا يد فيه
مها لا ابي ارجع الحين ابي اشوف حبيبه
الله يساعدك يالغاليه
عماد يعني شبتسوين لها والبنات فيهم الخير
مها انتش فيك ماتفهم ابقي ارجع خلاص
مابي اجلس هنا
عماد ياقلبي مافيه حجز الحين واحنا بعد
اسبوع راجعين ان شالله
مها روح المطار الحين يمكن تلقى حجز
وفيه طياره راجعه السعوديه
عماد سمعي ياقلبي انا بروح المطار وبشوف
اذا فيه حجز قريب قدمته لنا خلاص ارتاحي واهدي
مسح ادموعها وحضنها عشان ترتاح
.................
مر يومين والكل مؤمن بقضاء الله وقدره
وفي ذاك الوقت كان ابراهيم مايفارق اخته
والبنات الا وقت النوم كأنه يبقى يعوضهم
عن حرمانهم وخاصه لما وصاه صالح عليهم
حتى شهد ماتوقعت طيبة خالها ومعاملته
الطيبه معاهم كانت تظن انه انسان قاسي
القلب ومتحجر لكن كل ماشافته ماتسمع منه
الا الكلام الطيب والحظن الدافي
...................
في بيت فطوم
فاطمه جالسه في غرفتها وحاسه بتعب
من بعد العزا
ام نواف تدخل عليها
فطوم يمه شفيك تعبانه
فطوم لا بس والله افكر في حبيبه وخواتها وامهم
الله يكون في عونهم ويصبرهم
ام نواف ان شالله مالهم الا العافيه
والي خالقهم مابينساهم المهم الحين
قومي لبسي ونزلي تحت اضيوف اخوك
اوصلو من الأمارات وصعبه مايشفونك
فطوم معليه يمه اعتذري لي والله وجهي
تعبان واصفر ومالي خلق البس واتزين
ام نواف مش لا زم تتزينين لبسي وتعالي
فيه بنات كبرك يالله يمه
قامت فطيم والبست بنطلون جنز وبلوزه
ورديه ناعمه بكم وارفعت شعرها
انزلت وسلمت عليهم ورحبت فيهم
ام مطر ماشالله ياام نواف هاي بناتج
ماعندج غيرهم
ام نواف ايه بنتين وولدين وانتي يالسالمه
ام مطر عندي اولدين وثلاث بنات
هذي ميثه وهذي جواهر واليازي عند
ريلها مايات ويانا
ام نواف نشوفها على خير ان شالله
ام مطر اكيد بتشوفونها ان شالله بعد
اسبوعين عرس جواهر وبتحضرونه اكيد
ام نواف الله يسعدها ان شالله
البنات تعرفو على بعض وسوالف في
البدايه فطوم مالها خلق بس بعدين ارتاحت لهم
وسالفت معاهم وخبرتهم عن ربعها ووعدتهم
يتعرفون عليهم بس مره ثانيه
امون اقول جواهر زوجك يقرب لك
جواهر هيه ولد عمي
ميثه ولو تشفون سوت لنا عشان ترضى عليه
امون طيب اذا اهي مو موافقه ليه غصبتوها
ميثه امون يالشيخه تراها ملكت عليه يعني ماشي فايده ترفض
جواهر اصلا ماوفقت عليه الا لما سو التحاليل
الكامله وخاصه عن الأمراض المعديه
وتأكدت انه سليم ومافيه شي
فطوم تبتسم كل هذا خوف ليه
جواهر هيه ابويه اخاف على نفسي واحد يسافر
دوم وتبيني ماخاف انا عندي مبدء
ان الريال الي يسافر كثير مايخلى من سوالفه
امون لا حرام مو كلهم والله فيه ناس يخافون
الله وماعندهم سوالف بطاله
ميثه عاد قولي لها والله ان ريالها والنعم فيه
بس شغله دوم يرسلونه دورات خارجيه
مو بكيفه
جواهر زين وانتي امون مخطوبه
امون لا بس الله يسمع منك
ميثه وانتي فطيم مرتبطه
فطوم لا ماني مرتبطه بأحد
ميثه تشتغلين
فطوم يعني تقدرين تقولين اشتغلت وماشتغلت
جواهر فهمينا هاي شلون
فطوم لما جاتني الوظيفه توفى ابو صديقتي
ولا قدرت اداوم بس بكره بروح ان شالله
جواهر الله يوفقج ان شالله
ظلوا هل مطر يومين تمشو واستانسو ومن كثر
ماتكلمو البنات في امون وفطوم
مطر حس بأعجاب بفطوم خاصه ان شافها
...............
ملاحظه هامه
اعمار الأبطال في روايتي تتراوح
من 30 نواف ومطروعماد
31طلال وبندر
والبنات من 25 و26
بصراحه حبيت تكون روايتي هذي
تعبير للحب في هذا السن لأني قريت اذا موكل
اغلب الروايات تكون البطله عمرها 17 والبطل 22وكأنى الحب لم يخلق الا في هذا العمر
فالحب الحقيقي وبمعناه الصادق لا يقتصر
على عمر معين فما اجمله في وقت
النضوج وتعابيره الصادقه
وجهة نظر للكاتبه
.........
وللحديث بقيه تابعو
بااااااااااااااي
الفصل الخامس
بعد اسبوع في الجامعه في الكافي
طرفه تجلس على الكرسي وتحط
كتبها فوق الطاوله
مابقى تخلص المحاظره طفش
وانتي فكيها مع وجهك كل حزن
عشان واحد مايدري عنك وينك
ياشهود الله يرجعك بالسلامه لي
كنتي مونستني
امون طروف والله مالي مزاجك
وبعدين من قال انا افكر فيه خلاص نسيته
طرفه باين اصلا انتي تغيرتي
من صرتي تحبينه وحالك مو عاجبني سمعي الي مايدري
عنك بيعيه في السوق
امون صدقيني خلاص نسيته
والله يوفقه في اختياره
طرفه يابنيه الله يرزقك واحد
احسن منه قولي امين
امون تبتسم وهي في نفسها
عازمه على نسيانه
(ملاحظه طرفه وامون وشهد تعرفو
على بعض في الثانوي وكملو
مع بعض في الجامعه والي مايعرفونه ان مزنه اخت طرفه الي
يحبها بسام )
.........
فطوم راحت مع ليال المؤسسه
وتعلمت الشغل بسرعه كيف تبيع
المستحظرات الي عندهم
شوشه سافرت الدمام عند ابوها
وكانت مو متحمله مرت ابوها
حبيبه جالسه في البيت مع امها وخواتها
وخوالها يوميا يزورونهم ومايتركونهم الا وقت النوم
وتعرفو على مشاعل بنت خالهم ابراهيم
مها أرجعت من السفر وزارت حبيبه
في بيتها
..........
الساعه 9اليل في مكتب عقاري
بسام جالس مع بندر وزباين
يشترون اراضي من عندهم وبعد
ماخلصو واطلعو
بندر بسام خذ الفلوس هذي وحطهم
في حسابي بكره الله يعافيك
بسام ان شالله
(هذا احسن وقت افاتحه)
اقول يابو سعد بغيتك في موضوع
وان شالله ماتردني
بندر تامر امر واذا محتاج فلوس
بدون ماتشاورني اسحب المبلغ
الي تبيه
بسام لا خيرك سابق بس انا حبيت
اطلب يد اختك الكريمه مزنه ويشرفني نسبكم
بندر منصدم وفي نفسه
(الحين يتكلم صج ولا يمزح مايعرف
عاداتنا احنا مانعطي حضري بس
خلك بندر احسن منه يجي الرفض
منه ولا مني)
والله يشرفنا نسبك يابو سعود وماراح
القى واحد مثلك لأختي وانت تعرف
احنا عاداتنا مانعطي بس اذا اهلي
اعرفو انك من طرفي بيوافقون
بسام ماتقصر يابو سعد هذا العشم فيك
بندر ايه بس انا عندي شرط
بسام موافق عليه بدون مااسمعه
بندر لا لازم تسمعه لأنه مايخصك
بروحك
بسام خير ان شالله
بندر الخير بوجهك بس عشان اخلي
اهلي يوافقون عليك مثل ما أنا بعطيك اختي انت تعطيني اختك
زوجني اختك وازوجك اختي
وماراح احد يتكلم فينا شقلت
بسام لي الشرف تاخذ اختي
وانا موافق ولا بلقى واحد مثلك اكيد
بندر اول خذ راي اختك واذا وافقت
تعال حياك الله
..............
بعد يومين في بيت ابراهيم
الساعه 10الصباح
وليد جالس في الصاله يقلب محطات
التي في وزهقان
دخل طلال وكان يمشي بهدوء
عشان محد يحس عليه وشاف وليد
طلال شعندك هنا مارحت الجامعه
وليد عندي محاظره وحده اليوم
ولا لي خلق احضرها
طلال الله يساعدك وتصبح على خير
رايح انام قبل لا تشوفني امي وتعرف اني مانمت هنا امس
وليد لا مافيه نوم تعال ابيك
طلال اقول لك مانمت عدل ابقي انام
وليد طلال ابيك تروح معاي بيت عمتي هند من العزا مارحنا لها
طلال معليه بس خلها في اليل
لما ارتاح شحارق بصلتك تروح الحين
وليد الحين اكيد بتكون جالسه
والبنات في جامعاتهم يعني بروحها
طلال عمتي تستاهل والنوم يتأجل
يالله قوم نروح
وليد طيب قبل نشتري لها اغراض
للبيت
........
في بيت ليال جالسه ترتب الصاله
وكانت مشغله معطر جديد
تبي تجربه عشان تبيعه
سعود ماشالله الريحه حلوه هنا
ليال هذي خلطه جديدة بنبيعها
سعود الله يوفقك الا امك وينها
ليال طالعه مع الجيران
سعود هذا الي شاطره فيه امك حتى
اختي مافكرت تزورها بعد العزا
ليال لا كانت ناويه تروح اليوم معاي
سعود يابنتي لا ترقعين لها امك واعرفها المهم انا بصعد الغرفه
لحد اذان الظهر وراح
بسام توه داخل
السلام عليكم زين شفتك امس كنتي نايمه
ليال وعليكم السلام خير شعندك
بسام ابد سلامتك بس بندر
وافق يزوجني اخته
ليال مستغربه
متأكد وافق ماصدق
بسام لاوافق بس قال لي اذا
اختك رضت تتزوجني انا ازوجك
اختي وصدقيني ليال بندر رجال
والنعم فيه
ليال مصدومه
اكيد ماني موافقه وبعدين انت معاه
خواتكم سلعه تبيعون فيها
وتساومون فينا
بسام اقولك رجال والنعم فيه والله
معطيه من الخير ومتعلم ومثقف
شتبين بعد
ليال الله يخليك مابيك تمدحه قدامي
اصلا انا ماخذ الا واحد مثلي
وبعدين اهم عاداتهم غير وسلمهم غير عنا استحاله اوافق
بسام ولا تفكرين في اخو ك
انا احب اخته ومابي غيرها
حرام تحرميني منها
ليال صدقني لو كان بيعطيك اخته كان عطاك بدون مايساومك فيني
وهو عارف اني برفضه عشان كذا
يبقى يصير اهو المسكين ويخليني
انا الي بس شقول استغفر الله
بسام طيب فشليه ووافقي عليه
وخلينا نشوف اذا اهو صادق ولا لأ
ليال لا تفكر في الموضوع
انا رافضه ولا بجاريك انت ولا اهو
استحاله اوافق ليه خلصوا رجالنا
اخوي حبيبي شيل البنت هذي من
راسك والله فيه بنات احسن منها
وماهي اخر الدنيا ترا
بسام انتي اخت انتي حقوده
وانانيه وماتحبين الا نفسك اكرهك
الله ياخذك وارتاح منك
طلع وهو معصب
........
في بيت حبيبه في المجلس
ام حبيبه ليه ياعيالي كلفتو على نفسكم الخير واجد
وليد لا كلافه ولا شي هذا اقل من
الواجب ياعمتي المهم انتي شلونك
والبنات شلونهم
ام حبيبه كلهم بخير والحمدلله على كل شي من بعد صالح الله يرحمه
صعب فراقه بس الله يصبرنا
ويثبتنا ان شالله
طلال اعتبرينا ياعمتي اعيالك ولا
يردك الا السانك متى مابقيتينا
بتشوفينا قدامك
ام حبيبه الله يعطيكم العافيه وماتقصرون
طلال عمتي عطيني رقم جوالك
اسجله عندي عشان اذا بقينا نكلمك
ام حبيبه ياولدي انا ماعندي جوال
ويكفي عند البنات انا محتاجه
وليد ليه ماتحتاجينه صار الجوال مهم الحين
طلال يعني اذا بغيت اكلمك واسمع
صوتك على طول شلون لازم
يصير عندك جوال
قام عن اذنكم
وليد وين بتروح
طلال جاي ماني متأخر
وطلع غاب عنهم ساعه ورجع
ومعاه جوال جديد توه شاريه من المحل
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك