رواية فاقده غالي -3
مباركـ: روحي قعديهم الحين وقت فطور يجون يقابلون جدانهم وخوالهم ويسلمون عليهم..
وفهميهم ان هني نظام سهر وكلام فاضي ماعندي عجبهم كان بها ماعجبهم يرجعون لاهلهم بمكه...
ام ماجد ماردت عليه وماسكه دمعتها بالقوّهـ.......
طلعت لعيالها تبي تقعدهم مثل ماأمر اخوها تفاجأت ان مها كانت واقفه وسمعت كل كلام خالها..
مها :مايحتاج يمّه تقولين شي انا سمعت كل شي بروح اقعد اخواني مااقول الا الله يصبرنا ويعوّض علينا يآآآرب
مها من النوع اللي نومها خفيف واذا تغيّر عليها المكان ماتنام زين لحد ماتتعود عليه..
راحت مها وقعدت ولاكملوا ساعتين من النوم نزلوا وسلموا على العائله ..
*****************
شنو كان ينتظرهم تحت؟
بتتأقلم مها على هالحياة الرسميه القاسيه؟
شلون بتكون علاقتها مع بنات خالها؟
تابعوا الجزء السابع............
الجزء السابع
في كل مكان وفي كل زمان بين الهدوء تلقى الرياح
بعض الصدور فيها الحنان وبعض الصدور فيها الجراح
مهما اشتكيت ولا بكيت ما يستوي غير ان صبرت
ان كان هواك ضيع خطاك ولا نشف فيك الشعور
حول هموم قلبك شموع وارجع وطير ويه الطيور
طبع الحياة حزن وفرح وطبع الورود شوك وزهور
كانت هالكلمات بمسج من هدى عمّة مها ارسلتها لها .. وقرتها مها قبل تنزل لتجمع العايله مع امها واخوانها
بينها وبين نفسها تردد حول هموم قلبك شموع وارجع وطير ويه الطيور طبع الحياة حزن وفرح وطبع الورود شوك وزهور
ابتسمت بداخلها ابتسامة امل لمستقبلهم الغامض...
كان في استقبال مها واهلها جدتهم وخالتهم هيفاء ومرة خالهم وبناتها واستقبالهم كان جداً بااااااارد
هيفاء:مها جبتي ويّاك ملفك عشان تقدملك خالتك نورهـ عندها بالجامعه
مها : ايه جبت اوراقي كامله
هيفاء: وشنو ناويه تدخلين قسم؟
مها:والله مدري محتارهـ ودي ادخل ادب عربي ..
هيفاء:ادب ؟ ماعندك سالفه..
مها:انا حبيت الأب من مدرسة اللغه العربيه اللي بالثانويه هي اللي حببتني فيه وكانت دايم تشجعني
وتقولي لودخلتي عربي اتوقعلك فيه مستقبل حلووو..
هيفاء: ههه وانتي على طول صدقتيها..
مها: وليش ماصدقها اصلا درجاتي تشهدلي ..
هيفا: طيب كان مادشيتي العلمي من الأساس ولا تعبتي روحك؟
مها :صديقاتي كلهم دشوا علمي ودشيت ويّاهم..
هيفاء:وانتي كله تتبعين كلام الناس..
مها تنرفزت من اسلوبها:محد غصبني انا دشيت بمزاجي
هيفاء توجه السؤال لأم مها: وانتي مالك كلمه على بنتك؟
مها ردت بسرعه :محد دلّني على شي شين عشان امي تعارضني فيه..
هيفاء : صايرهـ ملسونه والله قومي طقيني احسن
مها :محشومه خالتي..
ام مها :مها اخذي اخوانك واطلعي فوق
مها:حاظر يمه ...عن اذنكم
توها بتطلع الا على دخلت خالها تعالي مها وين طالعه
مها: امي قالتلي اطلعي فوق انتي واخوانك
لاتعالي ابيك اقعدي
مها : حاظر خالي
مها بينها وبين نفسها كله حاظر حاظر وياليت يعبجبهم يييييي ياربي شكثر اعاني
مباركـ: سهام..سلوى من اليوم ورايح مها شريكتكم بالغرفه ابيكم خوات الثلاثه
سهام : اكيد يبه يشرفنا وجود مها ويّانا..
مباركـ:مها شوي بعد الظهر سريرك يوصل ..
مها: حاظر خالي اللي تامر فيه..
مباركـ: يالله اطلعوا يابنات مع مها وساعدوها بترتيب ملابسها..
طلعوا كلهم ومها وجهها الوان الوان مقهورهـ من قرار خالها في ان وياها شركتين بالغرفه
دخلت دار امها فوق ولقت ماجد بعد يجمع اغراضهم
ماجد شفيك ماشيه مصفيّه الطبلون اكيد سمعتيلك كم موال من موالات خالك
مها: ماجد تخيل لي شريكتين بالغرفه اللي بنام فيها حشى صرنا بحملة حجّاج لاوالله الحمله اهون حدهم كم يوم وكل واحد يرد بيتهم
لكن انا سجن مؤبد ويّا شريكتين ..
ماجد:هههههههه يعني وصلتك القرارات التعسفيه اللي وصلتني ..
مها: انت بعد بتنام ويّا عياله؟؟؟؟؟..
ماجد: ايه لاكن انا احسن منك معي ثلاث ورابعهم كلبهم باسط ذراعيه الي هو انا..
مها: زين والحل؟؟؟؟
ماجد:الحل ناكل تبن ونسكت... آآخ يالقهر المشكله ولاواحد من عيال خالي ينبلع كل واحد
لاف على روحه ولاوي بوزهـ ماتسمعين الا حاظر وان شاء الله..
مها:اللي قاهرني ان جدي ساكت ولايردهـ بكلمه..
ماجد:جدي مو في حاله ماتشوفين شلون حالته على عربيه لايروح ولايجي..
امهم دخلت عليهم :شفيكم تساسرون ؟؟
مها :يمه بلييييز شوفيلنا حل ماتخيل انام ومعي شريكتين بالغرفه..
ماجد:وانا بعد يمه وياي ثلاث تخيلي اربع بغرفه وحدهـ..يعني مستحييل اخذ راحتي لافي نومي ولا قعدتي
ام ماجد:مها ماجد ادري هالحياة بتكون صعبه عليكم لاكن لازم اتحملون وتسمعون كلام خالكم عشان خاطري اذا ماتبون تفقدوني
انتم تدرون لو ردينا خالكم بكلمه بيخليكم تروحون مكه ويحرمني ويحرمكم شوفتي ..يكفي ابوكم اللي انحركت وانحرمتوا منه
تبونا انا وانتم ننحرم من بعض..
مها هني سكتت وماعاد عرفت ترد بكلمه ضمّة امّها :الله لايحرمنا منك يالغاليه..
مرت ايام وليالي كانت صعبه جداً على مها واهلها.....
نقلوا ملفاتهم لمدارس الرياض ومها قدّمتلها خالتها نورهـ بالجامعه اللي هي استاذهـ فيها
بدت تتعرف مها على صديقات جُدد لاكن كانت جداً فاقدهـ سارهـ ولانستها اللي كانت تحلم هي وياها بالجامعه يلبسون مثل بعض ويكونو دوم مميزات
عن باقي البنات..كل يوم تتصل عليها اول ماتدخل الجامعه وتاخذ كل اخبارها.. لان في البيت ماتقدر تاخذ راحتها بالسوالف ..
في احد الأيام سارهـ اتصلت على مها تقريبا الساعه 12بالليل مها هالوقت نايمه خلاص ماشيه على البرنامج اللي فارضه عليهم خالها
جلست سارهـ تكرر الاتصال وجوال مها مسكر..
قعدت مها الصبح ولقت بجوالها موجود 23من (تؤام روحي) <اسم سارهـ بجوال مها اخترعت مها قالت اكيد سارهـ فيها شي اكيد كانت محتاجتني
اتصلت عليهاردت سارهـ على طول وصوتها مبحوح وباين عليها البكا
مها:سارونه شفيك؟
سارهـ: متضايقه يامها وابي اسولف وياك محتاجتك ........
مها:روحي فداك يالغاليه انا بلبس واروح الجامعه بسرعه واكلمك من هناك عشان اعرف آخذ واعطي معاك.....
سارهـ :فداك الكون انتظرك لاتبطين علي....
مها: عيوني لك نص ساعه بالكثير واتصل عليك ..ياالله بااااي
سارهـ :تسلملي عيونك بااااي
شنو تبي سارهـ من مها ؟
تابعوني في الجزء الثامن الكثير والكثير من الاحداث .................
الجزء الثامن
وصلت مها الجامعه واتصلت على سارهـ ورفعت سارهـ الخط بسرعه
مها:الووو
سارهـ:هلا مها تأخرتي
مها:اعذريني غلاتي والله شوفيني توني داخله الجامعه حتى عباتي مابعد دخلتها الصندوق
سارهـ:دخليها وخذي وضعك في مكان مريح لأني بطول وياك
مها:اوكي دقايق بس وارجع ادق عليك
راحت مها وحطت عباتها بالصندوق ودخلت مسجد الجامعه لأنه المكان الوحيد اللي هادي بالجامعه
سهام بنت خالها كانت ملاحظه ارتباك مها وانها من دخلت مع بوابة الجامعه طلعت جوالها واتصلت
سهام ماتدري هي من تكلم وراح بالها بعيد وصارت تراقب مها وشافتها من دشت المسجد تكلم
استغربت لان مها كان عندها محاظرهـ الأولى
صارت تكلم روحها تقول من اللي تكلمه مها وتاركه محاضرتها عشانه؟
طلعت سهام لانها عندها محاظرهـ وشيطانها قاعد يرسم لها اشياء مالها اي وجود..وتنتظر بس تخلص محاظرتها عشان تشوف مها شنو تسوي..
مها في منتصف الحديث مع سارهـ:وانتي على اي اساس تحكمين عليه انه مثل نواف ؟؟اصابع يدك مومثل بعض
مويمكن يكون خيرهـ لك وينسيك ويعوّضك عن كل اللي صارلك؟
سارهـ:انا ادري بحظي طول عمرهـ طايح بعدين انا توني باول سنه جامعه وانتي عارفه تخصصي وايد صعب ابي اتفرغ لدراستي
مها:هذا موعذر ولااعتقد ان فهد بيلهيك عن دراستك
سارهـ : مها اشوفك صرتي تكلمين مثل امي واخواني انا ابيك تساعديني اشوفلي حل مو تقنعيني فيه
مها: كلنا نبي مصلحتك
سارهـ:اقول شرايك تاخذينه انتي
مها:هوولد خالك انتي مو ولد خالي انا
سارهـ:يعني لو انخطبتي بتوافقين
مها:وليش ماوافق لوشفته رجال وكفو اكيد بوافق على الأقل اطلع من السجن اللي انا فيه..
بعدين يالخبله انتي ناسيه انه من زمان عينه عليك وانتي مو معطيته وجه وهذا هو من عرف انك تطلقتي ماتردد على طول خطبك
واحد غيرهـ بيقول وش ابي فيها مطلقه وفضلت واحد علي وتزوجته...
سارهـ ساااكته بدت تقتنع بكلام مها
مها: هااشفيك ساكته ازغرط هههه
سارهـ:يامجنونه شفيك ناسيه انك بالجامعه
مها:هههه عادي يسمعون بقول فرحانه لصديقتي وتؤام روحي
سارهـ:الله لايحرمني منك ياالله يامها ماتتخيلين شكثر مشتاقتلك الترم قرب ينتهي منتم ناوين تجون زيارهـ
مها:والله اني مشتاقه وبموت على شوفتك وشوفة جدي وجدتي وعمامي ودي الجي اليوم قبل باكر
سارهـ:كلمي امك وتعالي انتي وماجد اسبوعين اولنص رمضان وترجعون الرياض
مها:ان شاء الله اكيد امي مابتقول شي لأنها شايفتنا شلون متضايقين
سارهـ: مها حاولي تدخلين نت انا مسجله في منتدى روووعه
مها:والله ودي لاكن تعرفين الوضع هني شلون كل شي ممنوع واذا بغيت ادخل يادوب اروح دار امي ولااطول حدي ساعه اواقل..
سارهـ:الله يكون بعونكم يارب
مها:اللهم آآآمين يارب الاقولي شنو اسمه المنتدى لوصارلي مجال سجلت
سارهـ:اسمه خافي الروح الحين ارسلك الرابط بمسج
مها:واااااو اسمه يجنن شوقتيني له يادبا
سارهــ:ايه اسمه جذاب
مها: يالله انتظر الرابط ارسليه وتراني طولت وايد عندي محاظرهـ وتركتها عشانك
سارهـ:عادي ضحي من اجلي يوم ياما ضحيت من اجلك
مها:اما عاد تكفين يام التضحيات انتي يالله اكلمك قبل اطلع من الجامعه الظهر لاتنامين
سارهـ:والله شكلي بنام مواصله من البارح وغايبه لكن بترك جوالي عام اكيد بسمعه اذا دقيت
مها: اوكي حطيلي نغمة قنابل ومدافع عشان تسمعين اذا دقيت
سارهـ:هههه لامايحتاج بقوم ان شاء الله
مها:اوكي يالله بااااااي
سارهـ:باااااي
سهام خلصت محاضرتها ونزلت بسرعه عشان تراقب مها ...مها انتبهت لسهام من قبل تسكر الخط من سارهـ وسوت روحها موشايفتها
ومها عارفه سهام ونيّتها من دخلت مها بيتهم ونظرات سهام لها نظرات غيرهـ وحقد ان شافت مها ترسم قالت اف ريحة الألوان كتمتنا شيليها
وان شافتها تكتب ولاتقرا قالتها سكري النوراللي عندك ماعرف انام رغم ان مها دايم تحاول تقرب منها..لاكنها خبيثه ونيتها شينه....
مها عرفت ان سهام كانت تراقبها وناويتها نيّه شينه.. طلعت مها من المُصلّى وشافت سهام دايرهـ ضهرها وواقفه ومعاها كتاب
جاتها مها من وراها ومعها صديقتها وصديقة مها عارفه كل شي
مها:تصدقين يامنال في حشرهـ بس تلف حولي تلف حولي وعلى بالها اني ماشوفها
منال:طيب اذبحيها
مها تتغنج بصوتها:لاحرااام ماحب ارتكب جرايم بتركها تاخذ راحتها يكفي انها معقدهـ نفسيّاً
تصدقين يامنال اليوم من دشيت مع باب الجامعه وهي تراقبني
دشيت المصلى ابي اكلم بجوالي ابي آخذ راحتي بالسوالف وهذي وراي وراي
منال: وااااااي وناسه كلمتي اليوم
مها تتنهد:ايه كلمت وطنشت محاضرتي عشان اسمع هذاك الصوت..تخيلي ساعتين ولاشبعت واااااي اليوم احلى يوم عندي
منال:وماخفتي من الحشرهـ تعلّم عليك
مها:ههههه ضحكتيني ومن متى انا احسب حساب لأحد لواني خايفه كان سكرت من يوم شفتها
منال:وااااي ادري فيك لاسمعتي هذاك الصوت خقّيتي عندهـ
مها: وهـ بس الله لايحرمني منه قولي آآآمين
منال:آآمين ربي يجعكم بأقرب فرصه ان شاء الله
مها: آآآآآآآآآآآآآآآمين يارب
سهام عارفه انهم يقصدونها وانصدمت من مها شلون مو خايفه توصل الكلام راحت بدون ماتناظرهم..
مها ومنال ضحكوا بصوت عااااالي وملفت للانتباهـ
منال :انتي موخايفه الحين تروح تألفلك سالفه وتسببلك مشاكل ؟
مها:هههه الحين تشوفين شنو بسوي..
اتصلت مها على رقم امّها وسوّت روحها بتبكي
ام مها:هلامها شفيك يمّه عسى ماشر؟
مها: يمه سارهـ
ام مها:شفيها سارهـ
مها:من الصبح كانت تكلمني وتو سكّرت الخط مني
ام مها:ليش شنو صاير لها ؟؟
مها حكت لأمها كل السالفه ولا قالتها عن سهام شي
عشان لو راحت سهام وقالت لأم مها يكون عندها خبر وعارفه كل السالفه
واللي بتروح فيها سهام
منال:هههه يانمسه والله تخوفين
مها:ههههه اعجبك؟
منال : اكيد تعجبيني وهذي فيها كلام
مها:اهم شي اني ماكذبت لاعلى امي ولاعلى سهام وماني مسؤوله عن فهم سهام كانه على قدها..
منال: يالله خلينا نلحق المحاظرهـ لاتروح عليك مثل اللي قبلها
مها:لابليييز منوله روحي انتي
منال:لييييش
مها بدلع:بقعد اسمع صوته يطربني هههههههههههههههههه
منال :ههههههههههههههههههههه
في نفس اليوم بعد مارجعت مها من الجامعه قعدت بدار امها هي وماجد وجلسوا يسولفون ومها طلبت من امها يسافرون مكه اشتاقت لاهلم...
*******************************
ياترى بتسافر مها ولالا؟؟
وسهام بتقول لاحد عن السالفه اللي صارت بالجامعه؟
تابعوا الجزء التاسع
الجزء التاسع
بدت الاجازهـ ومها في شووق للسفر لمكه بعد امها ماعطتها الموافقه هي واخوها ماجد
اتصل عم مها مشعل على مها
مها:هلا والله وغلا
مشعل :هلابك مهاوي شلونك وشلون اخوانك
مها:بخيرالحمدلله ويسلمون عليك
العم مشعل:دووم تكونون بخير
مها :يدوم لك الخير عمي
العم مشعل: ها تجهزتوا للسفر
مها: اوووهـ جهزت شنطتي وماجد بعد جهز شنطته
العم مشعل: طيب يبيلها شوية اضافات وتعديلات
مها:لاماعاد يبيلها
العم مشعل:امبلا يبيلها
مها:ههههه ليش تبي شي نجيبه ويانا ومستحي تقول
العم مشعل :ايه جيبوا جوازات السفر لك انتي وماجد
مها:جوازات ؟ماخبرت التنقل بين مدن المملكه بها جوازات
العم مشعل:هههه لاهاتيها انا حجزتلكم ويانا على مصر
مها:جدوالله عمي بنسافر ؟
العم مشعل :اي والله كان ودي نسافر سفرهـ دسمه لكن تعرفين رمضان قريب ومالها غير هالـ15يوم نسافر فيها
مها:ياعم مانبي دسم خلينا على الوجبات السريعه افضل اهم شي نطلع نشم هواء
العم مشعل :ابشروا بأحلى سفرهـ ان شاء الله نعوضكم فيها عن كل شي
مها:ربنا مايحرمناش منكم آدر ياكريم
العم مشعل:ههههههه بدينا الحين بشغل المصاريه ..قوليلي متى رحلتكم على جدهـ
مها:يوم السبت 4 العصر
العم مشعل: هانت كلها يومين وانا اجي استقبلكم بمطار جدهـ
مها:والله كان ودي من قبل امس نجي عشان احضر عرس سارهـ
العم مشعل:لاحقه خير بتشوفينها وتشبعين منها
مها:وين اشوفها وهي بعد اليوم سافرت دُبي
العم مشعل:الله يوفقها حنا مسافرين وهي سافرت واذا رجعنا تقابلون عاد هي سكنت بمكه وانتي عندنا بمكه
مها: ان شاء الله يارب
العم مشعل: يالله روحي بلغي ماجد بالسفر انا ادق عليه ومايرد على جواله
مها: اووكي يالله انا ابلغه
العم مشعل: يالله فمان الله
مها: باااااي سلملي ع الجميع
العم مشعل : الله يسلمك ويحفظك من كل شر
سكرت مها الخط ورحت طاااااااايرهـ تجري الا سهام بوجهها
مها: سووري ماشفتك من زود فرحتي
سهام: الحمدلله والشكر الامن زود الطفاقه
مها بدلع :وااااي مابرد عليك عشان مايقولون اذا جار رايح عقب الفضايح هههههههههه
سهام مقهوووووورهـ منها : روحه بلاردهـ
مها سمعتها بس طنشتها وراحت على امها بتقولها عن السفرهـ لمصر وتاخذ الجوازات منها
مها:يمه يمه يمه يمه يمه
ام ماجد كانت موجودهـ هي وماجد
ماجد:هييي شفيك انتي طايرهـ
ام ماجد:خير ان شاء الله شفيك اركدي شوي
ماجد:هذي ماتركد لين نزوجها واحد مثل خالي مباركـ
مها :اعوذ بالله فال وماقبلناهـ المهم ماعلينا..... توعمي مشعل كلمني وقال انهم بيسافرون كلللللهم مصر وحجزلي انا وماجد ومعاهم..
ماجد:جد والله ولا تمزحين ؟؟ ..
مها :من متى انا اعرفك عشان امزح معك انت وجههك قوم شوف جوالك عمي اتصل عليك ومارديت
ام ماجد سكتت شوي ماقدامها الا توافق ماودها تكسر بخاطرهم وهي شايفه كبتهم هني في بيت خالهم وشايفه بعد الفرحه بعيونهم للسفر
مها:يمه وين جوازاتنا بشوف تاريخها لايكون انتهت...
ام ماجد:لاماظن انتهت اعتقد باقيلها سنه او سنه وعليها..
مها:مها يمه شفيك احس لونك تغير من عرفتي انا بنسافر اذا موراضيه والله مااروح وعادي والله مازعل
ماجد:وانا بعد يمه والله ماروح بقعد وياك انتي واخواني
ام ماجد:لاانت ولاهي بتقعدون سافروا واستانسوا لكن ياويلكم تنسون تجيبون لي هديّه
مها:هههه يالهوي هو احنا نئدر ننسى ست الحبايب
ام ماجد:ههههه يالنصابه
ماجد:يمه تكفين قومي هاتي الجوازات خليني اشم ريحتها..
مها:هههههه توك تقول اركدي منو اللي استخف الحين؟؟
ماجد:انا مؤقت الحين لكن انتي على طول ..
ام ماجد:وانا اللي بضيع بينكم
ماجد ومها يضحكون مستانسين وامهم تضحك بدون نفس ودها بوناستهم لاكن ماودها تفارقهم
ماجد ومها يعدون الساعات والدقايق اللي ينتظرون موعد السفر...
وجا الموعد المنتظر...مها وماجد يسلمون على امهم واخوانهم ونزلت دموعهم غصب لانهم لأول مرهـ بحياتهم يتفرقون..
مها تضم مهند وتسلم عليه اللي تموت عليه من بد اخوانها كلهم ..
طلعت مها وقلبها يتقطع ولو هوبيدها ماتترك احد منهم وراها
اعلنت الرحله وصولها مطار الملك عبدالعزيز بجدهـ
مها تناظر منظر جدهـ قبل الهبوط احساس غريب احساس جميل تذكرت يوم كانت مسافره للرياض
كأن الحدث كان بالامس وليست مايقارب السنه....
ماجد قطع حبل افكارها :مها
مها: نعم في شي
ماجد: شفيك من اليوم كله ساكته
مها: قاعده اشوف منظر جدهـ وكأني بلحظه يوم كنّا مسافرين الرياض ..
ماجد:سبحان الله مرت الايام كأنه امس من يصدق مرعلينا سنه ..
مها: سبحان الله سنه بها الحلوهـ والمرهـ لاكن مرارتها كانت اكثر ونغطت على الطعم الحلو القليل فيها
ماجد: يالله ودي اروح اسوق بدال هالكابتن اوقف الطيارهـ بسرعه وانزل بشم هوا جدهـ بشوف من ينتظرنا بالمطار
مها: حيلك حيلك خلاص وصلنا
ماجد:عاد اللي يسمعك يقول مو مشتاقه تنزلين بسرعه
مها: وماحب الديار سكنّ قلبي ولكن حُب من سكن الديار
ماجد: ياسلام ومنهم اللي سكنوا قلبك
مها: اهلي كلهم وااااي من تفكيرك
ماجد: واااي منك عيّارهـ
مها: طالعه لأخوي
ماجد: ههههه ايه بالحيل فكي حزامك بس يالله هبطنا ..
وصوا مها وماجد صالة المطار
****************************
منوا كان ينتظرهم ؟
وشلون بيكون الاستقبال ؟
وشنوراح يصير بسفرتهم لمصر؟
احدااااث متجددهـ وشخصيات لم تضهر بعد
انتظرووها بالجزء العاشر
الجزء العاشر
في صالة المطار العم مشعل بروحه واقف ينتظرهم مها وماجد تفاجئوا توقعوا بنات وعيال عمهم ينتظرونهم
سلموا على عمهم سلاام حاااااار اخذوا اغراضهم وطلعوا من المطار على سيّارة عمهم
ماجد: وااااااي ياحلاة جدهـ وريحتها وربي كأني لي عشرين سنه عنها
مها:عمي تكفى لاتمسك خط مكه على طول خذ بنا لفه نشم ريحتها
العم مشعل :وين ناخذ لفه جوّالي تكسر اتصالات من كثر هدى وعيال عمكم مايتصلون
مها:غريبه ليش محد جا منهم وياك على الاقل هدى
العم مشعل: مدري عنهم انا قلتلهم وهم قالوا لاماله داعي
مها:افاا ماله داعي يستقبلونا
العم مشعل:مدري اذا وصلنا تشرهيهم
مها:هين اراويك فيهم
العم مشعل :على فكرهـ في اثنين ينتظرونكم من زمان انتم ماشفتوهم
ماجد:من هم ياعمي
مها: وااااااااي عمي لاتقول بشاير وبندر
العم مشعل: ياويلي خربت المفاجئه
ماجد: جد والله عمي متى وصلوا من الكويت ؟
العم مشعل: البارح آخر الليل
مها :ونااااااسه يالله شكثر اشتقت لبشاير
ماجد:عمي بيسافرون ويّانا مصر؟
العم مشعل :والله رحلتهم مو مؤكدهـ لانهم ماعطونا خبر من بدري انهم جايين
مها: لاااا ياعمي الله يخليك دبرها نبي كلنا نروح
العم مشعل: انا كلمت رجال وان شاء الله تدبر
العم مشعل طلّع جواله ودق يالله شوفونا من عند المحطه خلاص قريب من البيت
ماجد:وليش تقولهم نبي ندخل عليهم فجأهـ
العم مشعل :هدى موصيتني اول ماقرب من البيت ادق عليها
يالله وصلنا انزلوا وخلوا الاغراض السايق ينزلها
نزلوا مها وماجد توهم داخلين الا اصوات الالعاب الناريه على صوت المسجل وكل المدخل زينات وحركات روووعه يصعب وصفها
جدهم واقف على باب الديوانيه بالحوش راحت مها تجري عليه وحظنته وصارت تبكي من غير شعور
ماجد:وخري خليني اسلم على جدي خنقتيه سلم عليه ودخل الديوانيه عند عمامه عيال عمامه بندر ومشاري وخالد وعبدالمجيد وماهر يسلم عليهم اللي كانوا كلهم مشتاقين له
لفت مها ولقت جدتها وسلمت عليها وهدى جايه تجري عليها وتحظنها وكملوا وراها بنات عمها ندى ومشاعل وروان ولطيفه وريم وبشاير
الجدّهـ: الاوين ماجد ماجا يسلم علي وعلى بنات عمامه
هدى: يمه دخل ابوي دخله على الديوانيه يسلم على العيال تعالي نروح لهم
الجدّهـ: يالله مها يالله بنات
على فكرهـ نسيت اقولكم انه من عادات عائلتهم البنات عادي يواجهون عيال عمهم لاكن بالعبايات بس....
دشوا كلهم وسلموا على ماجد ومها سلمت على عمامها وعيال عمّها طلعوا البنات كلهم بعد ماسلموا ومها وياهم ناداها جدها تعالي يامها اقعدي عندي ....
مها جات وجلست جنب جدها:واااي ياجدي ماتتخيل شكثر اشتقتلكم ...
الجد: وانتم بعد يامها والله ياشتقتلقم ياريحة الغالي ..
مها:جدي تكفى ماعاد نبي نروح سوي اي شي وتجي امي واخواني نبي نعيش عندكم..
الجد: والله ودي يامها لاكن خالك مايوافق على امك تجي عندنا..
ماجد:ياجدي والله طقينا هناك والله ماكنّا عايشين بالدنيا..
مها طول الوقت وهي تسولف مع جدّها ملاحظه نضرات بندر ولاشال عينه منها..
مها:جدي عن اذنك بروح عند البنات نكمل سوالفنا وقت ثاني..
الجد:يالله لحقي عليهم من الصبح وهم مسوين الجنان ينتظرونك مشتاقين لك..
مها:وانا بعد والله مشتاقتلهم..يالله سلام
طلعت مها وهي مرتبكه تقول بنفسها وجع صار قليل ادب وعينه طويله...دخلت مها على البنات نست تعب السفر ونست كل شي
طول الوقت رقص وضحك ووناسه للفجر..
جلسوا البنات يسولفون قالت هدى: يالله بشاير ومها نبيكم تقولون وش اللي تغير فينا....
وحنا بعد بنقولكم وش اللي تغير فيكم
مها: يالله انتم ابدوا فينيا
هدى :يالله بشاير شنو ملاحظه في مها؟
بشاير:امممم واااايد احلوّت
هدى :يالله بشاير شنو ملاحظه في مها؟
بشاير:امممم واااايد احلوّت
مها:هههه اما عاد سنتين ماشفتيني احلوّيت فيها
بشاير:اي والله حتى بندر يقول
هدى:بندر؟؟وشنو دخل بندر
بشاير تلخبطت نطّت عندها ندى واااي وناسه شكله طاح لشوشته قولي قولي شنو قالك
البنات:هههههههههههههههه
مها: وجهها صار الوان
بشاير: بصراااااااااااحه
البنات :اييييييييه
بشاير:بصرااااااااااااااااحه
البنات :اييييييييييييه
بشاير:بصراااااااااااااااحه
ندى :تقولين ولااعرف شلون اخليك تكلمين
بشاير:هههه يمه ندى صرحتي متوحشه
مشاعل:قولي ولاكلنا بنتحول وحووووش
بشاير:لالاخلاص بقول..دق علي يقولي معقول هذي مها قلتله ايه مها وقالي والله احلووووت البنت صارت كأنها هيفاء حسين
قلتله ايه هي حلوهـ من زمان بس الحين احلوّت اكثر....
مها: ماشاء الله عليك وانتي تجارينه
بشاير:وليش ماجاريه ماقال شي غلط اخوي فديته
البنات :سوو ازعاااااج بالمكان تصفير وتصفيك وتعليقات
مها ساكته منحرجه من تعليقات البنات ماتدري شلون شلون تسكتهم
مها:بنااااااات يالله نكمل يالله بشاير علقّي على ماجد شنو تغيّر فيه
بشاير:اممممم وسيم حلو اخشوشن الصوت وخط الشارب ههههههههههههه
البنات :هههههههههههههههههههههههههههههه
ندى لوهو بسني ولااكبر مني حرام متلق عينه بنيّه غيري انا
البنات:هههههههههههههههههههههههههههه
بشاير يالله مها دورك علقي علينا
ندى:لالالااول علقي على بندر خلي بشاير بعدين
مها:اممممم مالاحظت الا انه صارقليل ادب وعيونه طواال
هدى: يااعيييييييييييييييين يالييييييييييل قدروا مشاعر البنت تخاف اخطفونه منها تعطيكم تحذير من الحين
البنات:هههههههههههههههههههههههههههههههه
دخلت جدتهم :بنات والله غفيت ونمت وماقعدني غير صوت ضحككم...
ندى:بلاك ماتدريييين يامويمتي شنو مضحكنا بنات اقوووووووووول.....
مها تأشرلها :وجع وربي اوريك.....
الجدّهـ:وش السالفه ضحكوني وياكم
مها قامت راحت لجدّتها: سوالف وضحك ندى تنكت علينا من اليوم ماتعرفين سوالفها..يمه تكفين اذا صليتي ادعي انا نقعد عندكم علو طول وربي يهدي خالي
وتجي امي واخواني بعد...
ندى:يمه حتى بندر اقصد حتى بندر وبشاير ..
مها خلاص وصلت حدها من ندى وتعليقاتها راحت المطبخ واخذت كاسة مويه بااااردهـ ودشت الغرفه على انها بتقعد وتشربها
جات من ورى ندى وكبت الكاسه كلها بضهرها....ندى صياحها شال البيت صاروا كل البنات يضحكون عليها
مها:اوريك عشان مرهـ ثانيه تبطلين تعليقات بايخه..
ندى: طيب وربي اردها لك شر ردهـ بس مو الحين بالوقت المناسب..
طلعوا العيال من صلاة الفجر
هدى:بنات يالله نطلع الحوش نلعب لين مايطلع النور..
مشاعل:نخاف يجون العيال وحنا برا..
هدى:يووه عيال اخواني ادري فيهم والله مايجون الحين يروحون يفطرون تشرق الشمس ومابعد شفناهم..
مها:انا ماني طالعه والله تعبانه من جيت من السفر مارتحت..
ندى وبشاير سحبوا مها:يالله يامها الله يخليك بس ساعه وندخل..
طلعوا كلهم يلعبون كورهـ الامها جالسه على الدرجه تتفرج فيهم مافيها حيل للعب وندى تخطط ماتدري وش تسوي مقلب فيها
قالت للبنات بنات يالله نغير اللعبه شرايكم بلعبة الحُكم (لعبه بقارورة واللي تجي عليها يحكمون عليها وتنفذ الحكم غصب عنها)
البنات رحبوا بالفكرهـ تجمعوا كلهم عند مها وكل شوي يلفونها ويحكمون على بعض بأحكام تضحك واخيراً جات على مها
حكمت ندى عليها تدور بالحوش خمس لفات وتقول انا مجنووووونه وتطير شعرهاهههههههه كثرت عليها اللفات لانها تتمنى وصول العيال
وهي تسوي هالحركه ومها باللفه الثانيه دخل ماجد ومشاري (مشاري اخومها بالرضاع)
وقفت مها الا بندر داخل وراهم وهي وناكشه شعرها وهذا اللي كانت تتمناه ندى العيال واقفين مفجوعين
ماجد:مها شفيك
مها:هااهـ كنّا نلعب انا والبنات لعبة الحكم ......
ماجد:وينهم البنات مافي احد منهم...
ناظرت مها وراها مافي احد كلهم دخلوا البيت !!!!!
مها:اوريكم يالنذلات وراحت تجري وبندربينفجر ضحك لاكن خاف ان ماجد يزعل ..
دخلت مها تدوّر على ندى ومالقتها لبست ندى عبايتها وطلعت من الباب الثاني كانت مواعدهـ اخوها ياخذها لبيتهم
مريوم حاااافل باللعب والوناسه ....
نامت مها وكان شاغل تفكيرها سالفة بندر
يتبع ,,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك