رواية طبع الحياة حزن وفرح وطبع الورود شوك وزهور -2
ناصر : يالله انك تحييه
محمد : الله يحييك
ناصر : ربع ساعة وطلال عندكم وآسفين عالتأخير
محمد لا تأخير ولا شي بس قول له أننا في مستشفى .....
ناصر : يصير خير
محمد : مع السلامة
ناصر : مع السلامة
ثلث ساعة ووصل طلال عندهم بسيارته البانوراما
يارا ومحمد دخلوا قبل لا يجي بخمس دقايق
جا طلال وقابلة محمد وسلموا وتعرفوا على بعض
طلال : بس دقايق أعبي الاستمارات وأجي
محمد : خذ راحتك
دخل طلال الغرفة ومافي بينه وبين يارا إلا ستارة
يارا بصوت منخفض : ماابغى يامحمد خايفة
محمد : ههههههه خلاص بلا دلع
يارا : اششش وط صوتك بس أنا ماابغى أسوي تحاليل
طلال كان يسمعهم ومره يستحقر يارا
ومره يبغى يفطس عليها ضحك .. بس ماسك ضحكته
محمد : أجل تسوين تحاليل بدون أبره هههههههه
يارا : لااااا وأنت الصادق أسوي زواج بدون تحاليل
الممرضة جت تبغى تسوي التحاليل
يارا : وربي لو ماتقصرين الشر وتنقشعين عن وجهي لاصكك بكف
الممرضة ببلاهة : أيش أنتي كلام يا هبيبي ..؟
طلال هنـأ فقـــــع ضحك
ومحمد من سمعة وهو يضحك كمل الباقي
يارا بكت من الإحراج
سووا لها التحاليل بعد مضاربه وبعد تفله العافية هع هع
رجعوا لبيتهم .. وطلال رجع للفندق
دخلت يارا ومحمد البيت
يارا ومحمد : السلام عليكم
الكل : وعليكم السلام
أبو محمد : كيفك يابنتي ..؟
يارا : الحمدلله بشرني عنك أنت ياأبوية ..؟
أم محمد : روحي أرتاحي ياحبيبتي لين يجي الغداء
يارا : إن شاء الله .. يالله عن أذنكم
طلعت غرفتها وأتصلت على صديقة عمرها ( مشاعل ) هي ويارا صاحبات من وهم في 3 ابتدائي
مشاعل : هلا وغلا بالقاطعين
يارا : هلا فيك بس افا أنا قاطعة ..؟
مشاعل تمثل الزعل : ايوه أنتي أنتي مافي غيرك
يارا : هههههههه طيب هدي
مشاعل : ماراح أهدي لين ماتقولين لي وش اللي شاغلك عني ..؟
يارا : مشاعل أنا راح أتزوج واليوم النظرة
مشاعل : هع صدقتك
يارا : مشاعل أنا مااكذب
مشاعل مصدومة : هيه أنتي من جدك ..؟
يارا : أيوه
مشاعل : وكيف عسى مرتاحة
يارا : الحمدلله
مشاعل : يارا أنتي مغصوبة صح ..؟
يارا : أنا الحين بأروح أنام لأنهم بيكونون عندنا بعد العصر
مشاعل : وأنا راح اتصل عليك وأعرف منك كل شي وكيف صار
يارا : إن شاء الله
:
بعد العصر
دخلت أسيل وهند وغادة وأولادها ونوال وولدها ووليد
وأم محمد وأم عبدالرحمن ..
يارا .. بسم الله الرحمن الرحيم وش كل هاالجيش ..؟
الكل : هههههههههههه
أم محمد : يالله يابنتي قومي وألبسي الرجاجيل موجودين
يارا : طيب مو شرط أطلع صح ..؟
أم عبدالرحمن : إذا طلب يشوفك تطلعين وإذا ماطلب خلاص
أسيل : إلا يارب يطلب يارب
هند : ياااااارب
يارا : سخيفاااات
نوال : ماعليك منهم أنتي قومي وتجهزي وأنزلي لنا يااحلى عروسه
يارا : عيونك الحلوة تسلمين
يارا : وليــد حبيبي هنا
وليد : ......
يارا : وش فيك ..؟
وليد : تزوجتي ونسيتيني صار لي ساعة وأقف قدامك ولا شفتيني
أسيل : هههههههه وش تبغى في شيفة صار عندها واحد يفلق الوجه 4 أقسام
الكل ماعدا يارا : هههههههههههههههه
الكل نزل ماعدا أسيل
قامت يارا وأخذت شاور وتركت شعرها على طبيعته وجففته
حطت قلوس وكحل .. لبست تنوره جينز طويلة وعليها هاينك وردي فااتح وفوقها بلوفر وردي غآمق
ونزلت لهم وجلسوا يسولفون ويضحكون
إلا يارا لحالها في عــآلـــــم ثاني ولا مشاركها فيه في الجهة الثانية إلا طلال
{ طبع الحياة .." حزن " و" فرح ".. وطبع الورود" شوك " و" زهور"}
أسيل راحت الحديقة وجلست تبكي على حظ يارا
عند الرجال ..
أبو حسين : لو سمحت يا أبو محمد ولدنا يبغى يشوف بنتكم قبل لا يجي المأذون
أبو محمد : حقه .. محمد وأنا أبوك ود طلال للمجلس الثاني وناد أختك
محمد : أبشر
..... : عن أذنكم أنا أستأذنكم شوي وأرجع
الكل : أذنك معك
وهو يتمشى في الحديقة سمع صوت بكى أشتغل الفضول عنده
راح يدور مصدر الصوت .. لين وصل عنده وتقطع قلبه عالصوت وصاحبته
كانت أسيل حاضنه رجولها لصدرها وحاطه رأسها على يدها وتبكي
:
:
محمد : يارا يالله تعالي طلال يبغى يشوفك
قامت يارا
وصلت عند باب المجلس وطلال يسمع صوت كعبها
طق طق طق طقطقطقطق
طق طق طق طقطقطقطق
محمد يبغى يهون عليها : ههههههههههه يعني بيروح طول اليوم تمشين وتريوسين دقي سلف وأمشي
يارا : تكفى اسكت وربي مني ناقصة
عند طلال شوي ويطرقع وجالس على أعصابه
محمد سحب يارا ودخلها
طلال أول مادخلت وقف .. أنذهل من جمالها
يارا مو قادرة ترفع راسها من الخوف
التفتت تبغى محمد ماحصلته
يارا وهي خايفة ياربي الحين وش أسوي
طلال في الجهة المقابلة ولا كأن أي أحد جالس قدامه وجالس يطقطق بجزمتة " كرمكم الله " عالأرض
طلال : كيفك ..؟
يارا مرتبكة : بخ خ ير الحمد لله
طلال : ناظري فيني أنا فوق مو بالأرض
يارا رفعت عيونها بخوف وطاحت عيونها بعيونه ..... لحظة صمت
قامت يارا وطلعت من المجلس
......: قرب من أسيل شوي شوي
وصل وقرب عندها
أسيل حست أن فيه أحد جنبها
رفعت رأسها و أنصدمت
أسيل : ........
.......: .........
أسيل : مين أنت ..؟
......: أنا آسف بس
أسيل قامت ودخلت البيت
نعرفكم على عائلة طلال
أبو حسين( عبدالله) : 52 سنة رجل أعمال في الرياض معرف وله مصانع وشركات
أم حسين ( الجوهرة ) : 40 سنة ربة بيت .. شوي شديدة و أكثر شي يهمها الأخلاق
حسين : 32 سنة متزوج ( سارة ) وعنده ولد ( راكان ) 4 سنوات وبنت ( هيفاء ) سنتين
طلال : 28 سنة درس في بريطانيا إدارة أعمال .. ويشتغل في شركة أبوه و عنده مصنع حديد
طويل عريض .. أسمر شعرة لحد رقبته وناااعم
تبان على ملامحه الهيبة والعز
حلو بشكل غير طبيعي .. وعنده في حاجبه اليمين قطع زايد حلاوته
لمياء : 22 سنة تدرس في جامعة الملك سعود رياض أطفال
غيداء : 18 سنة ثاني ثانوي ( علمي ) حليوة ودلوعة بس طويلة لسان
بدر : 10 سنوات
ناصر : 29 سنة عم طلال وأخو عبدالله
يشبه طلال بس طلال على أحلى
نرجع لمجلس الرجال
المأذون : أبغى أخذ موافقة البينت
محمد : تفضل معي
المأذون : يابنتي هل توافقين على الزواج من .. طلال عبدالله الـ ....
يارا : ..........
محمد : يارا ..؟
يارا : أيوة موافقة
المأذون : على بركة الله
......................
بعد مرور أسبوع من ها لأحداث
يارا : يالله أنا ماشية تأخرت
هيثم : أنا أوصلك ..؟
يارا : لا راح أروح مع السواق
هيثم : أوك براحتك
يارا : يالله مع السلامة
الكل : مع السلامة
:
:
في المدرسة
مشاعل : يالله قولي لي كل شي
يارا : لحظة خل البنات يروحون
مشاعل : وراح تقولين لي كل شي
يارا : طيب بس أنتي روقينآ
:
:
طلال في مكتبة وجالس يدور بالكرسي ويفكر في يارا
ياربي هل بتكون هذي هي الإنسانة اللي راح تسعدني ..؟
بس كيف تسعدني وأنا ما أحبها وهي أكيد ماتحبني
:
:
:
في الرياض
غيداء طالعة من المدرسة
.....: ياحلو عطينا وجه
غيداء :.......
......: طيب إذا مابتعطينا الرقم خل نروح الشقة ونخلص سريع سريع
غيداء : يا قليل الأدب ياللي ماتستحي ياحيوان يا حقير يا ***** يا ******
.......: قرب منها
غيداء : عطته كف وعلى طول راحت عالسيارة
:
:
مشاعل : طيب أنتي ليش وافقتي ..؟
يارا : خلاص يا مشاعل أنا وافقت وانتهينا وزواجي بعد الإختبارت يعني بعد أسبوعين
مشاعل : طيب ليش مادورتي على مصلحتك ..؟
يارا : أنا مصلحتي من مصلحة أبوية
مشاعل تضم يارا : الله يوفقك ياعيوني
يارا : يالله الحين أنا طالعة
مشاعل : باي
يارا : باي
:
:
:
الجزء الرابع
:
:
:
محمد : هنو حياتي ها متى تبغين الزواج ..؟
هند : براحتك
محمد : طيب وش رأيك إذا رجعت يارا من شهر العسل ..؟
هند : خلاص براحتك
محمد : أعجبك ولا نقدم ولا نأخر
هند : لا تمام
محمد : أوكي ياعيوني أنا راح أقفل الحين
هند : في أمان الله
محمد : باي
:
:
:
هيثم : يارا ممكن أسألك سؤال ..؟
يارا : تفضل .
هيثم : ماراح تسوين ملكة صح ..؟
يارا : لا هذاك اليوم ملكنا مرة وحدة
هيثم : طيب أنتي راضيه ..؟
يارا : أيوة يعني أهله في الرياض وراح يكونون مشغولين بالتجهيزات
وأنا راح أكون مشغولة يعني خلاص ماله داعي
هيثم : صح كذا أحسن طيب اممممم طلال يكلمك
يارا توهقت : لا
هيثم : ليش..؟
يارا : اصلا ماطلب رقمي
هيثم : اها يصير خير انا باروح أنام
:
:
في غرفة هيثم
هيثم يضرب بيده عالتسريحه : أصلا أنا مني رجال ولا أحب يارا
ليش مارفضت هالزواج ليييييييييش
:
:
:
آخر يوم في الإختبارات
غيداء : بعد بكرة زواج طلوول
بشرى : الله يوفقهم يارب
سجى : وش لون فستانك ..؟
غيداء : برتقالي طافي
بشرى : إن شاء الله إذا كان عندي فرصة راح أحضر
غيداء : بلا سخافة عااااد تعالوا
الكل : إن شاء الله
غيداء : يالله اجل خل ندخل القاعات
:
:
يارا كانت في القاعة تعبانه من الإختبارات وآخر سنة
ومهمومة عشان زواجها .. ولا تعرف وش ينتظرها مع طلال
حلت يارا وراحت تبغى تسلم وتوقع
أغمى عليها في وسط القاعة
شلوها المراقبات و فيقوها وأتصلوا على هيثم ووصلها البيت
ورجع الجامعة
:
:
غيداء طلعت من المدرسة وشافت اللي أعطته أول كف
وركبت السياره بسرعة بس لاحظت أنه يلحقها
ووصلت القصر وهو لسى يلحقها
غيداء : ياربي هذا وش يبغى الله يستر بس
:
:
:
بعد يومين اللي هو يوم زواج يارا
طلعت النتايج .. يارا نجحت بنسبة 96 %
في القاعة
كانت في قاعة نيارة
وكان في زوايا القاعة بروجكتر عرض عرس الرجال برا
وكانت القاعة كلها ذهبي
عند يارا
كانت لابسه فستان أبيض توب
ماااااسك لين بداية الخصر وفيه زم خفيف من الصدر لين الخصر
ومن تحت نافش بس نفشه خفيفة
اما الميك أب كان ذهبي طافي ونآعم
وشعرها كان ويفي خفيف و نافشته وحاطته على جنب ومنزلة خصلتها على جنب ولابسة الشرعه
:
:
أما عند طلال كان مره مو طايق شي
::
نوال : ماشاء الله تبارك الله الله يحفك
الكوافيرا : يخزي العين شو بتجنن
يارا : ياربي بأموت خوف
أم محمد : توكلي على الله يابنتي
أم عبدالرحمن : يابنتي الحين بيدخلون خوات المعرس
يارا : خايفة خايفة
دخلت أم حسين ووراها غيداء ولمياء وسارة زوجة حسين
وأختها أم حسام
أم حسين : السلام عليكم
الكل : وعليكم السلام
أم حسين : وين عروستنا ..؟
يارا راحت تسلم عليها
وكلهم خقوا عندها
أم حسين : بسم الله على قلبك الله يحفظك ويخليك لعين ترجيك
غيداء : ياااي شعور حلو أن عندي زوجة أخو
سارة : وجع وأنا مامليت عينك
الكل : هههههههههه
لمياء : مليتيها وزود بس أنتي صرتي قديمة هع
سارة : أنا أوريكم يالجاحدات
أم حسين : الحين طلال بيدخل ياعيوني
يارا بخوف : ليش
أم محمد : تتصورون
يارا بكت
والكل هداها وطلع
:
:
دخل طلال .. وهو لابس شماغ أبيض وثوب أبيض وبشت أسود
وكان يفلق الوجه
..
دخل ويارا على أعصابها
طلال أنا أوريها اخليها تكره اليوم اللي وافقت فيه
..
دخل وجلس واقف خمس دقايق يناظر فيها
يارا مستحيه ومقطعها الحيا
طلال : السلام عليكم
يارا : وعليكم السلام
طلال : مبروك
يارا بخوف وأرتباك: علينا علينا وعليك
المصوره : يالله بنبداء ..؟
وصورا وخلصوا
أم محمد : أسيل
أسيل : نعم خالتو
أم محمد : فارس برا روحي الله لا يهينك جيبي من عنده أغراض ليارا
أسيل ماطلبتي شي الحين راح أروح
:
:
محمد : فااااارس تعال بسرعه
فارس : بأودي هالاغراض لأسيل
محمد : عط أي أحد يوديها بس تعالي بسرعه
فارس : خذ الله لا يهينك رح ودها لعند باب الحريم وأعطهم
...... : أوامر يالأخو
فارس : آسف بس مشغول خخ
.....: أمرنا لله
:
:
يا ترا مين اللي شاف أسيل في الحديقة وراح يوصل لها الأغراض الحين ..؟
وكيف راح تعدي ليلة يارا وطلال ..؟
وش راح يصير لغيداء ..؟
الجزء الخامس
:
:
يا ترا مين اللي شاف أسيل في الحديقة وراح يوصل لها الأغراض الحين ..؟
وكيف راح تعدي ليلة يارا وطلال ..؟
وش راح يصير لغيداء ..؟
أسيل : ياربي وين هذا ..؟
شافت أسيل ظل وتقدمت عشان ينتبه لها << على بالها فارس
كانت رافعه فستانها وتناظر في الأرض
أسيل : عطني
أسيل : أنــــــــت ..؟
....... : فارس اللي راسلني
أسيل دخلت
أسيل طيب : حط الشنطة وأنا راح أخذها
:
:
قبل ماتنزف يارا
دخل طلال وهيثم ومحمد وناصر وعبدالرحمن وحسين ( ولؤي و عمر ) << أخوال يارا
وقلبوا أبو الصالة رقص وهبال
دقت لهم الطقاقه سامبا
وقام ناصر ووقف في وسط المسرح وجلس يرقص
طبعا لمن طلع أسيل أنهبلت
أسيل : لالالالالا مستحيل
غادة : وش فيك هاااو أنهبلتي ..؟
أسيل : هاه لالالا ولا شي
أسيل : ياربي لازم أعرف مين هذا
هذا اللي دائما يطلع لي في كل مكان .. بس من جد يخقق
بعدها طلعوا
وأنزفت يارا على أغنية عبدالمجيد يا أرض أحفظي ماعليك
ومشت في الممر بكل جمال وكل ثقة .. والكل أنبهر في جمالها
وكانوا يمشون قدامها وليد و ولاء أولاد نوال
وكانت ولاء لابسة فستان أبيض نافش و وليد لابس ثوب وبشت
بعد ماوصلت الكوشة لقطت لها المصورة كم صورة
وبعدها أعلنوا عن دخول المعرس
دخل طلال بجماله وهيبته
وعلى يمينه أبو يارا وعلى يساره أبوه
وورا محمد ولؤي
ووراهم هيثم وعمر
دخل طلال على أغنية محمد عبده أهلا هلا
:
أهلا هلا بك يابعد كل غالي
يالهفة الأشواق يانفحة العود
أهلا هلا أهلا هلا أهلا هلا بك يابعد كل غالي
يافرحة الوصل الحبيبة تعالي
في ليلة فيها الهنا صار موجود
ليلة يصورها الفرح من خيالي
مع شيله السامر وترنيمة العود
أهلا هلا أهلا هلا أهلا هلا بك يابعد كل غالي
:
:
وصل طلال .. ويارا ميتة خوف وترتجف بشكل مو طبيعي
حتى أن طلال لاحظ عليها هالشئ
باسها طلال على جبينها
:
:
وجوا أبوها وأخوالها وأخوانها وسلموا عليها وطلعوا
وبعدها شغلوا أغنية راشد الماجد
عروستنا قمر ضاوي خذت كل الحسن والزين
عليها أسم الله مااحلاها هي أحلا من الحلوين
طلال الليله ولا أروع تحقق غاية مراده
وحط ايده في ايدين أجمل عروسن في البلد يارا
وقاموا أخواته يرقصون ويتصورون
:
:
طلال : لمياء شوي ونمشي
لمياء : مستعجل ..؟ ههههههههههههه
طلال في نفسه ليتك تدرين أن ماودي أطلع من هالقاعه حي
لمياء : هيه يالأخو نحن هنا
بس يالله شوي وأخليهم يطلعونكم
طلال : طيب
....
أم محمد وأم حسين جو علشان يزفونهم
أم محمد وهي تبكي : ما أوصيك ياولدي حط يارا في عيونك
أم حسين : إن شاء الله مايقصر طلال
طلال : ولا يهمك ياعمة على عيني وراسي
:
:
في غرفة العروسة
يارا ضامه أمها وتبكي
أم محمد : خلاص يابنتي واللي يوفقك
يارا : سلمي على أبوية وعلى أخواني
هند : انا عني راح أوصل سلامك لمحمد هع
يارا : يامصلك ياشيخة
أم حسين : يالله يابنتي
يارا توادعت من الكل
وركبت السيارة
مع هيثم وناصر وطلال
وصلوا لفندق المملكة
ونزل هيثم وساعد أخته ووصلها للجناح وسلم عليها
ويارا قلبتها مناحة
هيثم وهو حاقد على طلال ويناظره بطرف عين : هاااه ماأوصيك عالغاليه
طلال : لا توصي على عيني وراسي
هيثم : خل نشوف
مع السلامه ياعيوني وسلم على يارا ومشى
:
:
الساعة 3 ونص طلع الكل من القاعة
وأسيل في سيارة عبدالرحمن تبكي على يارا
أسيل تذكرت
أسيل : أحم أحم .. عبدالرحمن
عبدالرحمن : نعم
أسيل : ليش مرقصت سامبا
عبدالرحمن : ههههههههه وهو ناصر خلا لنا شي ..؟
أسيل والله وجبتيه يا أسوله : ومن هذا ناصر ..؟
عبدالرحمن : عم طلال أول واحد طلع يرقص
أسيل ياحلووه : أهــــأ هع هع
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك