رواية غرام وانتقام -28
جاسم ما يبي لها شطاره تبيني اكحلك انا مستعد
طالعته هند باستغراب من جد تعرف
جاسم بحب تبين الصدق لا تبيني اجرب فيك مستعد
هند مجنونه اسلمك عيوني مو لازم كحل
جاسم من بيفك من جدتي
جالسه ترسم الكحل وتمسح وترسم وتمسح لين حمرت عيونها مسكت قلم الكحل و ومن القهر رمته بقوتها
هند بطفش تعذيب هذي مو عزيمه شوف شلون عيوني ولعت وتحرقني الي بيشوفني يقول شاربه
جاسم مبسوط على الحوار الهادي بينهم
جاسم البسي برقعك
حطته على وجهها هند جاسم عفيه اربطه من وراء
جاسم ما ستوعب طلبها وخاف سامع غلط وتاكله بلسانها ثاني مره تقول له عفيه لما تكون هاديه يعتفس حاله وتضيع علومه
هند اربط العله
جاسم قرب منها بحب وعشق ربط البرقع بيدين ترتعش ونشد عرق برقبته من ريحة عطرها
بعد عنها خاف تخونه نفسه معها
هند هههههههههه وينكم يا خواني تشوفوني
جاسم ههههههههه من بيصدق انك بنت الفهد
طالعته بقوه لان كلامه استفزها بقوه
هند بقوة انا كذا لاني في مملكة جاسم لما كنت بمملكة الفهد كنت افضل
جرحته دمرته على طول قرب منها وسحب البرقع
جاسم بعصبية مدامك بمملكة جاسم امنعك انك تلبسينه وتلبسين مثل هند الفهد
هند بنظره تحدي بصفتك منو تمنعني
ناظرها بقوه زوجك
هند بسخريه هههههههههههههههههه كذبت وصدقت الكذبه والبرقع بالبسه عناد فيك
وسحبته من يده ولبسته والتفتت عليه
انهبل من عيونها بالبرقع الي تفتن وتعذب صدق الي قال ماهقيت ان البراقع يفتني
هند بصراخ غرفتي اياني واياك تدخلها وشكل الهدنه الي بينا بالغيها وياليت من الليله تفارقني مابي شوفتك بالمكان الي انا فيه
جاسم عرضها ظهره وطلع وهو مجروح كان مبسوطه بهدؤها معه والظاهر الهدؤ الي يسبق العاصفه
يتبع
نزلت تحت لقت جاسم بالمطبخ ياخذ قهوةالرجال
هند ريتا
خافت ريتا لما شافت شكل هند
ريتا اشفيه شكل انت كذا
هند حلوه صح
ريتا لا انت فيه خوف
هند قولي لعمران ابيه
التفت عليها جاسم وبنص عين ليكون بتاخذين رايه بشكلك
هند بقوه ماااايخصك ورجاء انشغل بحالك
جاسم سحبها بيدها لين قربوجهه من وجهها المتبرقع
جاسم بعصبيه شكل لسانك يبي له قص
رفعتبرقعها ومدت لسانها عليه بكل قوه
هند باستحقار هذا الساني ورني شطاركوعلمني كيف بتقصه
عرضها ظهره وكله وجع وحسره انتي امانه ولا كان كسرتراسك
هند رجعت برقعها ودخلت بالصاله ونظرات جاسم تلحقها
جاسم بنفسهبحزن يا جبروتك يا هند ارحمي عزيز قوم ذل
قرر يرجع لرياض بعد ما يتعشىخلاص ما عاد يقدر يصبر على تجريحها
دخلت مجلس الحريم استغربت من الي جالساتما يبان الا عيونهن غير اشكال وموديلات للبرقع وعيونهن مرسومه بالكحل وعليهنعباياتهن
ام راشد يمه سلمي
هند قربت منهم وسلمت من فوق برقعها ماتعرف
ام موضي هذي بنتنا هند بنت راشد
هند نرفزها وزعلها انهميعرفونها على انها بنت راشد حست انها مكتومه طلعت برا الغرفه وطلعت بالحوش لقسمالغنم فتحت السور كان فيه عنزه صغيره توها مولوده شكلها جذب هند ونساها ضيقتهااخذتها وطلعت من الحضيره ودخلت داخل الفله وطلعت فوق جلست بالصاله الفوقيه نزلتبرقعها وحطت العنزه بحضنها تلعب معها مر الوقت ماحست فيه
طلع جاسم فوق شافهاجالسه تلاعب العنزه تاملها منبهر من شكلها لكن صد عنها ودخل غرفته يجهز اغراضه
بيرجع لرياض وهو شايل هموم قربها عذابه وبعدها عذابه تنهد تنهيده طويلهوغصب نزلت دمعه على حاله
عند هند
نادتها الشغاله تقولهاان العشاء حطوه وجدتها تقول لازم تجي لانها الضيفه اول ما دخلت شافت صحن مفطح اليهو رز وفوقه ذبيحه والطبخ بري كل شي مسلوق جلست جنب جدتها وتحاول تاكل من تحتبرقعها لكن مافي امل كلمت جدتها ام راشد بصوت واطي محد يسمعه الا ام موضي لانهابالجهه الثانيه لهن
هند جده ما عرف اكل ولبرقع علي عادي انزله
حنت عليها ام راشد عادي يمه ما قصرتي من اليوم لابسته وانتي عمرك مالبستيه
نزلت هند البرقع وكل العيون التهمتها وقفن عن الاكل وصارت عيونهنمركزه عليها تفاجئن من جمالها الخيال
ام مطلق جارت ام راشد ودايما عندهمخافت على هند يوم شافت الحريم اكلنها بعيونهن
ام مطلق يا حريم اذكرن اللهترى العين حق
الكل ما شاء الله تبارك الله يحرصها من العين
هندتوترت من نظراتهم قامت ما شبعت من الاكل شوي وتنشب القمه بحلقها
عند جاسم
طلع ما لقاها لانها نزلت تحت ترجعالعنزه للحظيره بعد ما خلصت منها نزل لمجلس الرجال لقاهم حاطين العشاء تعشى وبعد ماخلص راح يغسل ايدينه طلع فوق لغرفته بينزل شناطه
عندهند
بعد ما طلعت من مكان العشاء غسلت يدينهامرت على المطبخ لقت ريتاجالسه تسوي الشاهي
هند ريتا وينه عمران
ريتا الحين فيه يجي
طلعت برا المطبخ واقفة عند باب الحوش الي عند قسم الحريم لقت عمران عندالسياره لانه بيوصل جاسم لرياض
هند وش تسوي بسياره
عمران انافيه يروح مع جاسم الرياض وبعدين انا فيه يرجع
هند بكل فرح عمران جيبهنديانا ولاب توبي لا تقول لجاسم
عمران حاضر مدام
هند كرهتانه يناديها مدام
هند بعصبيه انا هند مافي مدام
خاف عمران حاضرهند
تركته وهي بالمدخل قابلت جاسم مع شناطه
هند بقوه اخيرا بنشمهواء نظيف
جاسم بقهر انا الي رايح اشم هواء نظيف الجو هنا خنقه وطالع فيهاالبركه فيك طالعت فيه بعدم مبالاه
ودخلت ووتركته وراها جريح كسير منهانعاجز نزل راسه وطلع وركب جنب عمران بقايا انسان
عند جاسم
على الساعه 3 الفجر
طول طريقه من الديره لرياض وهو متضايق نفسه يختلي بنفسه ويحاسبها يمكن يلقى حل لمشاكله وجروحه الي سببها هند
جاسم في نفسه بوجع صدق فيصل يوم سماك هتلر
بعد اربع ساعات وصل لبيتهم دخل البيت مظلم واضح ان امه وفيصل نايمين دخل غرفته
لقى فيصل سرحان في تفكيره لما سمع فتحت الباب التفت انصدم يوم شاف جاسم الي ماكمل سبوع الا جاي وواضح عليه التعب
فيصل قام من سريره واستقبل اخوه بالاحضان لاحظ وجه اخوه الحزين
فيصل مستغرب الي يشوفك ما يقول معرس وماخذ الي يعشقها
جاسم بتنهيده كله حزن \ اااااه ياخوي أي معرس واي خرابيط بنت عمك بتجيب اخرتي
فيصل بكره \ وش مسويه بعد ما لومه الي راميها برصاصه لكنها قطو بسبع ارواح
جاسم بصرخه فييييييييصل انكتم وش ذا الكلام لو ماتت اخوك بيلحقها
فيصل سلامتك والله قلبي يعورني على حالنا محكوم علينا بالعذاب لنا سنه واكثر من عرفناهن ما مر يوم حلو معهن ولا عطنا ريق حلو ومصيبتنا مع كل الي يسونه فينا نحبهن ونعشقهن صدق من قال الحب اعمى
جاسم بحزن قربتها مني وكنت فرحان يمكن تلين وتكتشف حبي لها لكن يا حسرة قلبي ما سمعت منها غير طعنات وتتلذذ بتجريحي الي مستغربه يا خوي طيبتها وحنانها على الكل توصل لعندي كل حقد وكره العالم تذوقنيه
فيصل بوجع مثل اختها ياليت نلقى حل ندخل قلوبهن غصب عنهن نفسي يكتون بعشقنا وحنا ما نعبرهن
جاسم يضحك بحزن ههههههه يازين الاحلام يا خوي كثر منها يعشقنا ولا نعبرهن حنا من غير رايحين وطي شلون لو حبنا والله لو السحر حلال كان سحرتها ويا ليته ينفع معها
فيصل بحب تصدق لو اقولك ان غاده اعتذرت مني
جاسم بصدمه من صدقك بنت الفهد تعتذر
فيصل يبتسم ايه تصدق للحين ماني بمصدق ونواف يقول انها معتذره منه شكل الطيحه سببت لها شي في عقلها
جاسم هههههههههه يمكن سامع غلط مستحيل اصدق ان بنات الفهد يعتذرن لو اسمعها باذني ما صدقت
عند هند
ما صدقت يخلص العشاء وكل المعازيم راحو دخلت على جداتهن وهن منسدحات بينامن
هند بتعب تصبحن على خير منهد حيلي بنام
ام راشد تغطي زين وانا امك ترى الديره بارده مو مثل الرياض
هند تاشر على عيونها من عيوني
تركتهن وطلعت لغرفتها ونادت ريتا تنام معها ما تعودت تنام بالحالها
دخلت الحمام وخذت شور ولبست بجامه وجلست تتقلب على سريره لين نامت
عند جاسم
يتقلب على سريره كل تفكيره فيها صورتها ما فارقت خياله كل ما يتذكر قربه منها وهي نايمه يزيد شوقه لها
التفت جهة فيصل شافه حالته اردى من حالته
جاسم بحزن تفكر فيها
فيصل يبتسم وانت تفكر فيها
جاسم بالم شفت لوين وصلت حالتنا يا ترى باقي اكثر من كذا ولا خلاص بيجي يوم ونرتاح
فيصل ااااااااه يا خوي العمر مضى ما تزوجنا نلحق ورا سراب يمكن انت حالتك احسن من حالتي انت ملكت الي تحبها والحين تحت جناحك المصيبه اخاف اطير مني وانا اتفرج
جاسم بحزن ووجع يضحك هههههههههههه
فيصل رفع حاجبه مستغرب ضحكت اخوه
فيصل مستغرب خير وش الي يضحكك ما توقع ان كلامي يضحكك المفروض يبكي
جاسم بالم كبير اضحك على حالي متزوج زواج صوري وحالف على القران قدام عمها واخوها اني ما لمسها وارجعها لهم بنت بنوت شفت الوجع الي اخوك فيه اكتوي بقربها ولا اقدر المسها
فيصل انصدم من كلام جاسم وبعصبية انت مجنون ترانا شباب ونعرف بعض ونعرف شلون الواحد ما يقدر يمسك نفسه قدام الجمال وبذات اذا كان يعشقها وتكون حلاله
هند شفتها مستحيل أي رجال يقاومها ومتاكد مليون بتخون حلوفك ليه يا خوي حطيت نفسك بالموقف كنت احسبك احسن من حال طلعت اردى مني
الله يعينك يا خوي على عذابك اسمع مني ولا تروح لديره الا بعد ما تخلص من الي براسك
جاسم بعشق الله يفرجها لكن اكذب عليك لو اقولك اني اقدر اتحمل بعدي عنها شوفني اهوجس فيها
فيصل الله يعين
جاسم بنام هذا اذا جاني النوم لازم اصحى بدري بروح لعبد الرحمن علشان اجراءات نشر اعلان وفاة هند
فيصل مستغرب شنوووووووووو
جاسم قال له كل شي من تهديد زياد واطلاقه النار واتفاقه مع عبد الرحمن
فيصل بتسال هذا سبب زواجك
جاسم ايه
فيصل باعجاب والله بنت عمك قويه على كل الي صار لها وتبي تجلس ما تبي تهرب بتواجه زياد هذي رجال بشكل بنت اموت واعرف من وين جابت الشجاعه اذا عمك اجبن منه ما فيه
جاسم بعشق تربية خالها ما شفت عمك يوم قابلها يخربط بكلامه وهي ما قصرت فيه هو وموضي حبسته تاديب وموقعه خالتك على شيكات توديها ورا الشمس مستحيل يقربون جنب الباب
فيصل مستغرب شلون دريت بسواتها بعمك وبموضي
جاسم من محاميها
فيصل وش عرفك بمحاميها
جاسم كان يعالج ابوه عندي وشك اني اقرب لراشد كان متفشل مني واعتذر عن الي سوته بعمي كان رافض التعامل بهالاسلوب لكن هند اجبرته وقلت لا تعتذر لانهم يستاهلون ماجاهم
فيصل باعجاب تعجبني سواتها بعمك ولا فيه ابو يخاف الله بيسحب بنته تسوي تحليل نسب
جاسم بكره لا تذكرني كل ما تذكر شعر راسي يوقف ويزداد كرهي لعمي عمك خيخه الي تحركه خالتك
انت ما شفته منكسر ومتالم اول ماجته بالقصر يوم عرفته فيها حسيت الحزن والندم بعيونه
فيصل بكره من زمان وكرهي لخالتي يزود من صغري اشوفها تحرك بعمك كانه لعبة خلته يقطع بامه وش اكبر من هذي
جاسم انسدح حاول ينام لكن ما فيه امل سمع صوت الاذان التفت لخوه شافه على سدحته ما نام وعيونه بالفراغ واضح عليه يفكر
جاسم اترك عنك التفكير ويله بنقوم نصلي وعازمك بنفطر بمطعم
استجاب لكلام اخوه توضاء وطلعو للمسجد وبعدها طلعو لمطعم وافطرو
وصل جاسم اخوه لشركته وهو كمل طريقه لشركة عبد الرحمن
يتبع
عند عبد الرحمن
صحى من نومه وقرر بعد الشركه يطلع لغاده بالمستشفى بيطلعها على رغبتها نزل لقى محمد وامه جالسين ينتظرونه على الفطور قام محمد وباس راس ابوه طلع وتركهم
عبد الرحمن نوره العصر بطلع غاده لا وصيك عليها
نوره بزعل \ توصيني على بنتي
عبد الرحمن ما بيها تحس بغياب هند تعرفين علاقتها باختها
نوره بحزن اذا احنا غياب هند ما ثر فينا شلون غاده الي ما تنام الا وهي بحضنها الله يقدرني واخفف عنها بعد اختها
عبد الرحمن انتي قدها يا نوره وهذا العشم
وقف عبد الرحمن بيطلع لشركته سمع صوت نوره يوقفه
نوره عبد الرحمن انتظر بعطيك لبس لغاده تلبسه لجت ما عندها الا لبس المستشفى
عبد الرحمن بسرعه لا تطولين علي
ركضت نوره ودخلت الغرفه طلعت لبس خفيف لغاده وحطته بشنطه صغيره طلعت من الغرفه ولقته واقف ينتظرها عطته الشنطه وطلع
ركب السياره متجه الشركه دخل مكتبه استغرب وجود جاسم بدري
عبد الرحمن شخبارك يولدي زايرنا بدري اليوم
جاسم جاي بسالك وش سويت بخبر الوفاه
عبد الرحمن خالد بيتصرف انت بشرني عنك وعن هند
جاسم ابتسم بوجع بخير بنت اخوك زين ما ذبحتني ضنت فيني الشينه
عبد الرحمن بحب هههههههههه فديتها والله لها فقده الله يردها لنا
جاسم حس بوجع خوفه من ذاك اليوم الي يرجعها فيه مع انه متفق معهم على ها لكلام لكن التنفيذ غير الكلام
وقف جاسم بيطلع لان ما عنده كلام يقوله
جاسم اسمح لي يا عمي باطلع مابي اشغلك عن شغلك
عبد الرحمن مسك يده وجلسه عيب في وجهي تجي زياره لمكتبي وتطلع ما شربت شي
طلب قهوه على طلب جاسم بعد ما خلص فنجانه طلع ما يدري وين يروح قرر يروح للمستشفى ويقطع اجازته معاد لها داعي
في المستشفى
كان نواف جالس بمكتبه ضم مراجعين جاسم له وصار عليه ضغط سمع طق الباب سمح له بالدخول اول ما فتح الباب تفاجئ من وجود جاسم
نواف باستغراب وش جابك وانت توك معرس واجازتك شهر
جاسم بالم \ البركه ببنت العم وهي تخلي الواحد يحس انه معرس قلت اريح راسي من لسانها واجي الرياض اداوم
نواف بكره يا من شرى له من حلاله عله
جاسم بعشق على قلبي مثل العسل لو بس ترحمني من لسانها وعنادها
نواف بحقد مستحيل هذي راضعه العناد اخ لو انها ما هي بنت كان علمتها شلون تشوهني
جاسم يبتسم احسن شي سوته انها ذوقتك بعض من الي ذقته علشان تواسيني بالمسرات والمضرات
نواف بجديه هذي ما وراها الا مضرات اتحدى تلاقي لها مسره وحده
جاسم بالم الصدق ينقال ما شفت منها شي يطيب الخاطر
نواف حس بوجع جاسم وقرر يغير الموضوع وش رايك نفطر بكفتريا المستشفى
جاسم سبقتك افطرت مع فيصل كلنا مواصلين كل واحد منا يفكر بليلاه الي بتقضي عليه
نواف الله يخلي لي جوهرتي لما اشوف حالتكم احمد ربي مليون الي رزقني فيها
جاسم بحب فديتها جوهرتنا
طلع جاسم من عند نواف متوجه لمكتيه وهو ماله خلق لشغل
عند هند
صحت صلة الفجر اخذت شور وهي تحس براحه نزلت تحت لقت جداتها على سجادتهن يستغفرن
قربت منهن وباس روسهن وجلست على سرير جدتها ام راشد تنتظرهن يخلصن بتسولف معهن شوي
بعد ما خلصن صلاه قامن وجلسن بالجلسة الارضيه
ام راشد يمك قولي لشغاله تحط قهوتنا بالحوش
قامت هند وطلبت من الشغاله تحط القهوه بالحوش بسطت الشغاله فرشه وجهزت القهوه وحطتها
هند ساعدت جداتها بالمشي طلعن وجلسن برا
هند جده بروح للخيل
ام موضي بحنان انتبهي على نفسك يمه
هند كانت لابسه بنطلون جنز وبلوزه ورديه طويله
في الديره بيت صغير بيت ابو مطلق
ابو مطلق ضاوي عمره بالستين
وزوجته مزنه بالخمسينات
مطلق 30 عاطل تخرج من الجامعه كان يدرس بالرياض ولما ما لقى شغل رجع لديره من هوياته تربية حمام وحاطه في سطح بيهم حنون على امه وخواته وبار في ابوه يخدمه بعيونه
فاطمه عمرها 22 اميه ما تقراء ولا تكتب
منيره عمرها 19 نفس الشي اميه ما تعرف تقرا ولا تكتب
حصه 17 سنه نفس خواتها ما تقراء ولا تكتب
كل بنات الديره جاهلات لان اهلهن رافضين يدرسون بمدارسه بعيده عند الديره خوف عليهن والديره ما فيها مدارس
صحى مطلق سلم على راس ابوه وهو متضايق من وضعه الوحيد بين البنات ولا لقى له شغل يساعد بمصاريفهم حلمه يشتغل بالرياض ويجيب امه وابوه وخواته هناك ويدرسهن لكن ما باليد حيله
جلس جنب امه وخواته لان ابوه من بعد صلاة الفجر يطلع عند نياقه ما يجي الا بالليل
فاطمه يمه شفتي زوجة جاسم البارح
ام مطلق باعجاب أي والله مزيونه زينها يذبح والله خفت عليها من عيون الحريم الله يصلحها ليش ترفع برقعها
منيره يمه هي من المدينه مهب من راعيات البراقع وشكلها لابسته علشان جدتها
حصه \ خساره ما شفتها
ام مطلق بنسير عليهم علشان تتعرفن عليها
مطلق كان مستمع لسوالفهن ومن الجهل يوصفن البنات عند الرجال من غير ما يدرن ان هالشي حرام
فاطمه عليها بياض كانها قطنه ولا فمها سبحان من خلقها حتى الغمازت تجنن
ام مطلق كامله والكامل وجه الله
قام مطلق بيطلع لسطح بيشوف حمامه والسطح مطل على حوش ام راشد جهة الخيول
عند هند
وصلت لقسم الخيل طلعت لها فرس وركبته وصارت تركض بالحوش وشعرها منسدل يطاير في الهواء
عند مطلق
طلع لسطح بيشوف حمامه ولما خلص كان بينزل استوقفه صوت فرس على طول وجه نظره تجاه الصوت وكانت صدمة عمره شاف ملاك مستحيل تكون بشر راكبه خيل وواضح انها متمرسه
وقف مصنم ما قدر ينزل عينه ولا قدر يرمش خايف انه سراب ويضيع لما يسكر عينه عمره بحياته ما توقع يكون فيه جمال مثل الي يشوفه ما قد شاف بنات الا بالتلفزون هذي تتحداهن
راقب هند وهي مقفيه بالفرس
انصدم وانبهر من طول شعرها الي كانه شلال متناثر على جوانب حولها
مطلق باعجاب يويل حالك يا مطلق من تكون هذي الي ببيت ام راشد لا يكون زوجة جاسم الي تتكلم عنها امي وخواتي اكيد لانها واضح انها من بنات المدينه نفس وصف خواتي يا هنيالك فيها يا جاسم والله امك داعيه لك الله يرزقني مثلها ما توقع بلقى مثلها
عند هند
نزلت من الفرس وصارت تعدل لبسها وتمسح على ظهر الفرس جتها ريتا بالكبتشنو
وهي واقفه سمعت الباب يطق طلبت من ريتا تفتحه انبسطت وهي تشوف هنديانا قدامها على طول ركضت لها وضمتها
يتبع
عند مطلق
جالس يراقبها كل ما جاء ينزل انشدلها اكثر وانفجع وبغى يطيح من السطح لما شاف هنديانا وصار الفرق واضح بينها وبينهند وستغرب من هند انها ضمتها بحب
مطلق بخوف وش ذي لا رجال ولا حرمه تخوفوالله لو تطلع لي بالليل لا تروع وهذي المزيونه ما عندها كبد ضامتها
خلنيانزل ابرك الغوله خربت علي شوفتي ما لقت تجي الا الحين الله يستر لا شوفها برقادي
عند جاسم
الساعه 10 الصباح
جالس علىمكتبه كله نوم شرب قهوه يبي ينشط لكن كابس عليه النوم
قرر يطلع بيحط خبرعند نواف وبعدها بيطلع للبيت ينام
مر مكتب نواف استاذن منه وافق نواف لانما بقى مراجعين ركب سيارته ووصل البيت لقى امه جالسه تكلم الجوهره بالتلفون قربمنها وباس راسها واشر لها انه بيطلع ينام ام جاسم بعدت عنها السماعه
امجاسم يمه والغداء
جاسم بقوم لصلاة وبتغدى ان شاء الله
ترك امهوطلع فوق فتح غرفته شاف الغرفة مظلمه وبارده شاف فيصل نايم شكله نفس حالته ما قدريكمل شغله من النوم
جاسم في نفسه الله يقطع الحب الي مسهرنا وحارمناالنوم
عند غاده بالمستشفى
جالسه طفشانهتنتظر الدكتور يكتب لها خروج الا على دخلت اخوها محمد
محمد وش في الحلوطفشان
غاده بطفش فديتك حمود متملله ابي اطلع لو اجلس دقيقه بستخف
محمد وش رايك بالي يطلعك الحين ويفطرك برا وان بغيتي غداء تدللي
غاده بفرح قول والله
محمد والله
ركضت له غاده وضمته تسلم حمودي
طالعت بلبسها غاده حمودي ما عندي ملابس صعبه اروح بملابسالمستشفى
ابتسم لها وطلع شنطه خاشها وراء ظهره حذف عليها الشنطه ولقفتها
غاده شنو هذا حمودي
محمد هذي ملابسك ابوي كان بيطلعك لكن ريحتهمنك وابتلشت فيك
ضربته غاده على ظهره الي يسمعك تقول ها لكلام ما يشوفدموعك شلال يوم تعبت
محمد بحب ضمها وباس راسها أي والله ربي لايعيدها حسيت روحي انتزعت مني
غاده بحب كبير يلومني فيك يابو دميعه
محمد ههههههههههه اخبر ام دميعه قلبتيها علي الشرهه الي يبكي علشانك
غاده بروح اغير لبسي لو جلسنا نسولف مراح نخلص الا بعد العشاء
دخلت الحمام ومحمد ينتطرها على السرير خلصت وطلعت معه من المستشفى وهيفرحانه
مرو مطعم افطرو تمشى معها بالسوق لين جاء وقت الغداء اول مره يكون مبسوطبتمشيه مع غاده تغدو ورجعو للبيت وهم تعبانين على الاخر
وصلو البيت لقو عبدالرحمن ونوره جالسين على الغداء ركضت غاده سلمت على راس خالها وخالتها
نوره يمه تغدي شكلك ضعفانه
غاده تغدينا مع زين الشباب
محمد هههههههه اذا فيها زين الشباب كل يوم فطورك وغداك وعشاك علي
غاده بفرح صدق
ضربها على راسها صدق ما تنعطين وجه روحي نامي ابرك لك
طلعمحمد وغاده لغرفهم وعلى طول نامو
عند هند
الساعه 12
جالسه مع جداتها بعد الغداء دخلت هنديانا وقطعت عليهم كلامهم ام راشدوام موضي تروعن من وجودها
ام راشد البليه هذي من وين جت
هند هههههههه هذي هنديانا زوجه جاسم
ام موضي تتفحصها وهي خايفه من شكلها مدري وش لاقن فيها يوم انه متزوجها
ام راشد بصوت واطي متى جت هالعله
هند تبتسم جده لا تسمعك ترى ماني مسئوله بالي بتسويه فيك
ام راشدبخوف سكت
اشرت هند لهنديانا تجلس جنبها هند تحبها كثير لان هنديانا لهاوقفات مستحيل هند تنكرها
هند طلبت من هنديانا تطلع فوق ترتاح لانها تعبانهمن السفر وراحمتها من تعليقات جداتها
ام موضي يا بنتي انتي وش تبين فيهاجايبتها عندنا
هند بجديه جده هنديانا مو بس تشتغل عندي تراها غاليه عنديكثير ولا ارضى عليها ولي يهينها يهيني
ام راشد مدري وش محببك فيها
هند بجديه اكون قليلة اصل اذا ماحبيتها معرضه حياتها للخطر علشان سلامتي
ام موضي يمك يا ليت تبرقعينها شوفتها تخوفني
هند هههههههه حتىهنديانا بتبرقعينها
ام راشد احسن من شوفتها كذا
هند بجديه هنديانا وظيفتها تطلب منها ما تتنقب
ام راشد بطفش فكينا من سيرتها ترىبنات ام مطلق بيجنا مسيرات مع امهن يبن يتعرفن عليك
هند جده ما حبالجمعات والزيارات
ام موضي يا بنيتي تراهن ضعيفات ما صدقن يصير عندنا بنتتراهن لا يروحن ولا يجن الا عندنا ابوهن ما نعهن من الطلعه عند بنات الديره
هند رحمتهن طيب زين بس لا تقولين البس برقع
ام راشد كيفك هنيدرن انك منتي بمتعوده تلبسينه
هند كم عددهن ياجده
الجده ثلاثبنات وولد حاظه طايح
هند تحمست ليه حظه طايح
ام راشد هو وحيدعلى بنات درس بالرياض وخلص دراسته ابوه يقول انه جايبن منتاز ما ترك مكان الي قدمفيه لكن حظه طايح ولا يقولون شهادته زينه وحبيب وعطوف على امه وخواته يخدم ابوهبعيونه لو يرميه بنار ما يشكي ابوه رجال حار عليه وهو صابر ما قول الا يارب تفتحهابوجهه
كسر خاطرها مثله مثل الشباب العاطلين الي عيبهم ان ما عندهم واسطهلازم تلاقي له حل ولغيره
هند طيب متى بيزورونا
ام راشد بعدالمغرب
دخلن الجدات لغرفتهن علشان يا خذن قيلوله قبل صلاة العصر
طلعت هند فوق لقت هنديانا جالسه على كنب بالصاله تنتظرها
هنديانا بتعب هند تراني تعبانه من السفر بنام وين مكاني
هند بغرفتي وانا اقدر ابعدك عني
هنديانا تبتسم لهند وين غرفة جاسم بنام فيهامو زوجي
هند ههههههههههههههه طيب لين يجي بنسوي لك زفه
هنديانا انتي عارفه منو الي بخاطري انزف عليه ورطتيني
هند بجديه نذرن عليووعد اني لزفك عليه وكل المصاريف علي ولا بعد كاتبه فله بسمك هدية عرسك
هنديانا متى اخاف علي ما ينتظرني تراه حب عمري
هند تغمز بعينها ولا يهمك قريب انا طالبتك ابيك تكملين التمثليه وتجننينه
هنديانا بمرح ههههههههههه يا لمجنونه يحبك ليه تعذبينه
هند بقرف وانتي الصادقه يحبفلوسي طالع لعمه راشد
هنديانا صاير يكسر خاطري لشافني لازم يدخل الحماميستفرغ
هند هههههههههههههههه انتي زودي الجرعه هنا اهم شي لا يلمسك نبينزفك لعلي بنت بنوت
هنديانا هههههههههههه اصلن مو متقبلني لكن عاجبتنياللعبة
هند كلها شهر وبطلقك منه وازوجك وشهر عسلكم علي كم هنديانا عندي
هنديان بحب كبير لهند الله لا يحرمني منك
دخلت الغرفه مع ىهند وبسطت لها بساط بالارض وهند دخلت سريرها من التعب نامت
عند جاسم
قام وهو كسلان التفت على اخوه شافه غاط بنومه قام توضاء طلع من الحمام صحى فيصل بيصلون الظهر
نزل لقى امه بالمطبخ دخل عليها
جاسم بابتسامه شخبار ام جاسم
ام جاسم بعتب ليش يمك جيت وتركت عروسك توكم معاريس
جاسم في نفسه بوجع أي معاريس وربي شوقي لها ذبحني ما دري اقدر اتحمل واصبر ولا شوقي بيطيرني لديره
جاسم بحب يا لغاليه عندي شغل اخلصه و برجع لديره
ام جاسم يمك لا وصيك على بنت عمك
جاسم في نفسه يمه دخيلك وصيها علي خليها ترحم حالي ما ني قادر اتحمل قسوتها
جاسم يمه طالع بصلي وبرجع
ام جاسم صحيت اخوك
جاسم ايه
طلع من البيت بعد ما خلص الصلاه دخل لقى فيصل متمدد على كنب بالصاله مغطي عيونه بذراعه
قرب منه جاسم وجلس على الكنبه القريبه منه ما شبعت نوم
فيصل بعد يده عن وجهه وبتعب من عاد صاير ينام علشان يشبع
جاسم بالم اخاف نهاية حالتنا بمستشفى المجانين لا صرنا ننام ولا ناكل
فيصل بالم انا بيني بين الجنون شعره متى ما نقطعت انجنيت رسمي
قطع عليهم ام جاسم تناديهم على الغداء تغصبو على الاكل علشان امهم وبعدها اطلعو لغرفتهم
عند عبدالرحمن
بعد ما طلع من عنده جاسم زاد اعجابه فيه وحس وش كثر كان ظالمه يتمنى من كل قلبه ان هند ترضى وتقتنع فيه زوج وتكمل حياتها معه مستحيل بتلقى واحد يحبها ربع حب جاسم مسك جواله بيتصل على خالد بيذكره بنشر وفاة هند
عند خالد
خالد كان بمكتبه لما شاف اتصال ابوه
عبدالرحمن الو
خالد هلا بالغالي بشر عنك
عبدالرحمن الحمد لله شلونك وشلون غاده وينكم ماتطلون علينا
خالد بخير السموحه يا لغالي الشغل لراسي متى ما زانت ظروفي جيتكم
عب دالرحمن بجديه كلمتك بسالك وش سويت بنشر خبر وفاة اختك
خالد اوجعه قلبه ان شاء الله بهاليومين
عبدالرحمن لا تتاخر التاخير مو من صالحنا
خالد عطني يومين يا لغالي كل شي بيصير مثل ما تبي واحسن
عبدالرحمن يله فمان الله
خالد بعد ما قفل من ابوه تسند على الكرسي وهو مهموم صعب عليه ينشر وفاة اخته الي اغلى من روحه يكفي انه حاس بثقل غيابها
عند جاسم
طلع لغرفته انسدح على سريره وكل تفكيره بالديره مشتاق لها وكانه له سنين غايب عنها
قرر يرجع لديره ما يقدر على البعد قام وفتح دولابه وطلع له ملابس وحطتهم بشنطته لان ملابسه الي بديره ما تكفي ناوي يطول هناك وعيون فيصل تراقبه استغرب فيصل منه وهو يحط ملابسه بالشنطه
فيصل مستغرب خير وش عندك تحط ملابسك بالشنطه ناوي تهاجر
جاسم بروح لها
فيصل بصوت عالي بترجع لديره
جاسم ايه ما ني قادر اقوى على البعد
فيصل بسخريه مدامك بترجع ليش جيت وطاق هالخطوط رايح جاي
جاسم بعشق قلبي الي يحركني يا خوي مشتاق لها ومشاق لكل شي فيها حتى لتجريحها
فيصل اااااااااااه تقولي عن الشوق وانا مكتوي به هذا وانت مالك الا يوم غايب عنها تقول ها الكلام اجل وش اقول عن حالي
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك