رواية حياتي عذاب -26
المليان بالفرح والسعادة.. أصبح رياض ثاني هزالت جسمه.. واسمرار بشرته عن قبل وطول شعره.. والحزن بعيونه كل هذا كان ظاهر.. وواضح أمام عيون الكل وخاصة هاجر اللي من حطت رجلها على أرض المطار ووصولا لمكان اقامتهم وهي ما شالت عيونها عليه.. تغيرت يا رياض كثير وحتى وقفته ما أحسها طبيعي وفيه... شبه ميلان معقولة نتائج العمليات أخر شئ سوت فيه كذا.. مو مهم دامني وصلت للبقعة اللي أنت فيه يا قلبي الوحيد وهذا مو عيب أنا أشوفه أجمل ما فيك...
أميرة تمسك يده بحنان: وش رايك بالمفاجئة..؟؟..
رياض يلم دحومي بحضنه: أحلى مفاجئة...
أميرة تبتسم: متأكد أحلى مفاجئة عشانا أو عشان ولدي...
رياض بنظرة حنان لهم: كلكم وأولهم دحومي..
متعب دخل عليهم بالصالة: هههههههههههههههههههههههههههههه طاح وجهك أميرة لقطيه هههههههههههههههههههههههههه
أميرة تحاول تبتسم: وش رأيك ما تلقط معي.. وبعدين وين راحت..
متعب يجلس: كنت اكلم أمي أخبرها بوصولنا...
أميرة تبتسم بحنان: وش رأيك ما تروح ترتاح..؟؟..
متعب يقهرها: وأنا قاعد فوق راسك جالس مع خال ولدي أنتي وش لك..صدق حريم هالوقت ملقوفات.."وضحكوا"..
أميرة تمتص عصبيتها: والله أنت ما تدري ان رجال هالوقت ثقلين..
متعب يتقرب منها ولا أهتم وجود رياض: ليكون أنا منهم..
أميرة تصد بدلع عنه: أوزن نفسك.. ؟؟؟..
متعب يناظر لنفسه باستخفاف: أشوف اني ناقص وزن كثير وكله منك يا أميرة.. تصور يا رياض يوم كاملىتجوعني فيه..
ما هقيت اختك قاسية لدرجة هذه.."تناظر له بدهشة"...
رياض اللي استمتع عليهم: ما قالك اسمع كلامها.. وبعدين يا أميرة حرام عليك المفروض تخفين على هالدب اللي كل شئ فيه بنفقع.."ضحكت وشاف نظرات متعب المصعوقه".. شوفي شوي وبيتشقق البدلة عليه.. ولا مأخذ بروحه مقلب انه ناقص هههههههههههههههههههههههههههههه
أميرة: ههههههههههههههههه والله يا رياض اقوله يخف كل وشوي يزيد علي وأنا اللي أكلها بالأخير..
متعب وقف بقهر: اجتمعتوا علي يا عيال عمتي.. وأنتي يا أم الحلو اللي طالع علي حسابك معي بعدين انا اوريك..
أميرة تقهره: ههههههههههههههههههههه شفت يا رياض حتى شكل ولده اللي ماخذ من طلال كثير مصر يكون شبيه..
متعب: أميرة ترى تونا واصلين وراح..
اميرة تقاطعه وتوقف عنده تمسك بقوة: امزح.. أمزح معك... وش دعوة انت الخير والبركة.."كتمت ضحكتها"...
متعب بغرور متصنع: حريم ما يجون بالعين الحمراء.. عن إذنك رياض..
رياض يبتسم: وين تروح ليكون تسمع كلام حرمتك...
متعب يقهرها: لا من قال اسمعه هي اللي تسمع كلامي كل الحكاية أني تعبان وجوعان نووووم تصبح على خير.."وراح عنهم"...
رياض بنظرة حادة: غريبة هاجر جايه معكم..
أميرة بغرابة: ليش تشوفها فيها شئ..؟؟..
رياض مرتبك: لا .. بس....
أميرة تتفحصه بعيونها: بس ايش رياض..
رياض: كيف تترك زوجها وتجي معكم..؟؟..
أميرة بدهشة: زوجها..!!..من قال أنها متزوجة أصلا..؟؟..
رياض بدهشة: يعنى مو متزوجة..؟؟..
أميرة بنظرة مكر: من قالك أنت..؟؟..
رياض بمشاعر مختلطة: لما كنت بالمستشفى كان صديق متعب موجود وقال انه خطبها.. وبعدين قالي... طلال.. أنها مخطوبة بشكل رسمي وعملوا حفلة خطوبة..
أميرة تبتسم: صديق متعب صحيح تقدم لها بس ما صار نصيب ولما طلال قالك مخطوبة فعلا انخطبت وصارت الشبكة لكن ما كتب ربك..؟؟..
رياض يضيق: ليش..؟؟.. يعنى الرجال فيه شئ مثلا..؟؟..
أميرة وكأنها تتذكر: لا اللي اعرفه أنها نزلت لعند جدتي تبكي قالت أنها مو مرتاحة بصالح..
رياض باهتمام: وش دخل جدتي..؟؟..
أميرة: يصير ولد اخو جدتي يعنى ولد خالنا.."بنظرة مكر".. رياض ليش كل هالاسئلة..؟؟..
رياض يناظر لولدها: تصدقين أميرة مأخذ من طلال كثير ما كأنه ولدكم..
أميرة فهمت تصريفه: اسكت لا يسمعك أبوه والله يحاربك يكفى محارب الكل إلا انا ههههههههههههههههههههه
رياض: بس الحق ينقال.. مرة ماخذ من طلال..
اميرة بتعب وبصوت واطي: انا معك .. مو هذا خاله بس تدري أخاف يطلع مثل حركاته ولعانته علي.."بنظرة حنان" طمني عليك يا اخوي..؟؟..
رياض يمد لها ولدها النايم ببرائه: شوفت عينك هذه ما خلفته نتائج العمليات بالأخير طلعت شبه كامل.."نزل رأسه بحزن"...
أميرة تشد على يده: لا تقول كذا يا رياض والحمد لله جت على كذا وأنت مو باين عليك أي شئ كامل والكامل الله..
رياض بغرابة: معقولة أميرة ما دققتي بمشيتي و...
أميرة تبتسم له: لا.. شفت الشخص ما يهمه المظهر كثر ما يهمه الأخلاق والسمعة الحسنه ما علينا كم باقي وترجع لنا ترى اشتقنا لك...
رياض وقف ولاحظت أميرة تألمه: هذا أخر سمستر لي وان شاء الله بعد رمضان أنا عندكم..
أميرة وقفت بدهشة: وليش بعد رمضان مو قلت قبل رمضان بتكون معنا...
رياض: تعرفين تخرج ويحتاج مشروع وأنتي أبخص بالأمور.. يله أميرة أخليك ترتاحين..
أميرة توقف بعطف: وين تروح..؟؟..
رياض يبتسم: بعد ربع ساعة موعدي في مركز العلاج الطبيعي..
أميرة بغرابة: ما خلصته..؟؟.. خالتي عزيزة تقول ما صرت تروح له..
رياض: ههههههههههههههههههههههه لا ما زلت أروح بس ما حبيت اشغلها فيني اللي فيها مكفيها.. يله مع السلامة.."طلع وتركها سرحانة باخوها اللي انعزل عن الكل ما صار رياض الحبيب.. رياض المليان بالحيوية وروح المداعبة.. يالله تغيرت يا أخوي عسى الله يشافيك وربي يحفظك"...كانت واقفة بالبلكونه تناظر فيه وهو يمشى ويبعد عن شقتهم ودموعها سايله على خدها البارد.. ودها تتكلم معه التعب والنوم جفاها من أول ما شافته.. آآآآه يا رياض وأخيرا التقينا بعد السنين اللي أشوفها طويلة وكأنها دهر مرت علينا.. الحين وأنا وهو بمكان واحد لكن وشلون أوصل له..؟؟.. وشلون..؟؟.. انسدحت على السرير تفكر فيه يوووه نسيت اكلم بشاير واخبرها على وصولنا أخذت الجوال ودقت عليها..
هاجر تغير صوتها: Hello. I' want took with you
بشاير تحاول تتعرف على صاحب الصوت: By Who??.. "ما ردت عليها وتحاول تكتم ضحكتها".. Are you on the phone…
هاجر: yes
بشاير يقهر: Who are you…??
هاجر تضحك: ههههههههههههههههههههههههههههه I'm Hager
بشاير بفرح: هاااااااجرووووه يا الدبه والله ما عرفتك...
هاجر: مفاجئه صح...
بشاير: أحلى مفاجئة متى وصلتوا..؟؟..
هاجر تفك شعرها وتسندت على السرير: قبل نص ساعة المهم أبغى أشوفك؟؟..
بشاير: اوكي وين شقتكم عشان أجي ومنها اسلم على بلقيس و..
هاجر قاطعتها: لا حبيبتي بلقيس كنسلت وجيت مع متعب وأميرة..
بشاير بأسف: يووووووه صعبه اجل أجي...
هاجر بغرابة: حلوة صعبه ليش يا ست هانم بشاير..
بشاير بتفكير: لان اتك بلقيس وزوجها ما يعرفني بيظن اني احد صيدقاتك وعادي صراحه لكن اخوك متعب صعبة..
هاجر بقهر: الحين هنا تقابلين وتتكلمين مع ناس ورجال الوان وأشكال من كل الجنسيات وفوق كذا شلتك مخلوطة بين البنات والشباب ولما جت على اخوي تقولين صعبه الحمد لله والشكر..
بشاير: ههههههههههههههههههههههه لأنه يا شاطرة أخوك وولد خالتي وصعبه اطلع أو أرز وجهي كل شوي بوجه.. أما اللي تتكلمين عنهم اللي هنا عادي لا اعرفهم ولا يعرفوني وما بيننا أي صله قرابة فهمتي الحين..."هاجر اللي راحت فكرها برياض لما تقابلوا أول مرة عالطول نزل عيونه وصدى عنها عالطول ومشى قبل الكل وعرفت انه قريبها وما رضى عليها لكن رضى من 3سنوات ليش الحين لا.."...
بشاير لاحظت سكوتها: الووووووووووووووووو
هاجر انتبهت على صوتها: هلا...
بشاير بخبث: وين رحتي..؟؟..
من ليلة أمس جفاه النوم تعب من التفكير فيها.. ليش الحب والحنين يرجع لي من جديد..؟؟.. من أول ما شفتك يا هاجر فتحتي جروح قديمه ماصدق تلتأم.. وصل للجامعة من بدري جالس بالكلاس لوحده يفكر فيها.. وقطع افكاره بدخول خليل عليه...
خليل: رياااااااااااااااااااااااااااااااااض...
رياض التفت عليه بغرابة: هلا
خليل وقف عنده: شحالك..؟؟..
رياض يناظر له بغرابة: بخير وش فيك صاحي؟؟..
خليل: لا مينون...ههههههههههههههههههههههههه انت هنيه وانا أدور عليك.."مارد عليه".. عيل سمر تدور عليك..
رياض بدهشة: سمر..!!...ما قلت وش تبغى؟؟..
خليل يجلس جنبه: شنو عرفني لو سألتها أكيد ما بتقولي.. ما علينا منها وينك لك يومين ما تبين ..؟؟..
رياض يبتسم: أختي وزوجها جوا وأنشغلت معهم..
خليل: حمد لله على سلامتهم يا معود ييون ولا تعرفنا عليهم..
رياض يتجاهل كلامه: أقول وش رأيك ما نروح للقروب أخاف الحين يسونها سالفة إذ تأخرنا..
خليل: OK….Last Go..."راحوا وشافوهم مجتمعين وما اكتملوا مثل كل مرة القوا عليهم التحية وجلسوا.."...
أحلام تتساسر مع غدير: جوا الصامت والهزاز.."ضحكوا على الألقاب اللي مطابقة عليهم لان رياض طبيعته ما يتكلم كثير وخليل فيه طبع الرجة إذ تكلم أو يسوي أي شئ"...
حمدان: انتم ويا بعض وحنا ندور عليكم..
خليل يجلس: كا ييناء.. غدير حبيبتي وين رفيجتج اللي من الصبح تدور على رياض..؟؟..
غدير بنظرة عصبية لخليل: ما ادري عنها إذ يت اسألها..
خليل يناظرها بتعجب: بلللل عليج جبريت أعوذ بالله..
حمدان: رياض وينك أمس ما جفناك..؟؟..
رياض: كان عندي ضيوف..
أحلام تناظر له بتريقه: ومين عندك لا تقول الأهل..؟؟.. "ناظر لها بنظره باردة ولا رد عليها"...
حمدان يقهرها: وأنتي وش لك تتدخلين صج ملقوفة...
أحلام: وأنا ما كلمتك.."صدت للجهة الثانية وشافتها جايه ومعها وحدة وشكلها مرة خجلانه"...
بشاير بصوت شوي عالي: هااااااااااااالووووووو قااااااااااااايز..."الكل رد عليها بنفس طريقتها إلا هو من أول ما شافها ما شال عينه عليها وباين أنها منحرجه.. كانت جميله بالحجاب والميك أب البسيط.. أما هاجر اللي كانت مصدومة أكثر من هي منحرجه ما تصورت أن رياض من شله بنت خالتها وما توقعت هذا رياض اللي تكلمت عنه بشاير بطريقة تخلي الواحد يعجب فيه من غير ما يعرفه.."...
بشاير بحرية: أعرفكم على بنت خالتي هاجر جايه مع أخوها وزوجته...
أحلام وقفت تسلم عليها: آهلين هاااااجر من كثر ما بشاير تتكلم عنك تمنيت أشوفك والحمد لله تحققت أمنيتي.."بعد ما سلموا عليها جلست معهم كانت منحرجه كثير ومو عارفة كيف تتصرف كثر ما كان رياض مقهور..قطع عليه تفكيره جيت سمر وبعد ما سلمت عليها والكل مشغول بسوالف معها ما قدر يتحمل هالموقف قام واستأذن منهم ووقفه صوت سمر لما طلبت منه ترافقه وما رفض رحب فيها وراحوا وكانت عيون هاجر تلاحقهم لين ما اختفوا تحس بالنار بداخلها ودها تسوي شئ عشان تمنعه يروح معها.."...
تدخل عليهم ومعها صحن فواكه لعيالها واحفادها اللي جاي زيارة عندها.. من بعد ما تزوجت لمى اللي كانت ماليه البيت عليهم وازعاجها مع عيال اخوانها.. صاروا كثير ما يزورنها عشان ما تحس بالوحدة والتفكير وخاصة برياض..
عزيزة: هااااااه بشروووا مين اللي فاز..؟؟..
سلطان بدهشة وياخذ منها الصحن: أشوف الوالدة صايره رياضية وش القصة..؟؟؟..
نجود توزع الصحون عليهم: ههههههههههههههههههههه من فضاوتها صارت تسوي أي شئ...
عزيزة بحزن: لا والله حبيتها لما فقدت الغالي اللي ما يتحرك من مكانه اللي جالس فيه يا سلطان وينتقل من قناة رياضية لقناة عسى ربي يرجعه بالسلامة...
نجود: هاااه يمه أشوف وكأن رياض بس هو الغالي وحنا راحت علينا..
سلطان: ولا نسيتي لمووو لما تزوجت سوت لنا مناحه بالبيت تقل ما عندها غيرها..
عزيزة: اللي يسمعكم ما حزنت لما تزوجتوا...
نجود: الكذب خيبة اذكر بزوج سلطان بكت امي بس شوي وبعدين سكتت..
سلطان: هههههههههههههههه هذاك اول تنزل دمعة دمعتين وتسكت لكن يوم لموووو الله لا يوريك... رجعنا للبيت وهي للحين تبكي..
عزيزة: لانك يا يمه ما تعرف قيمة ضناك إلا إذا حسيت انه بعيد عنك... وفوق كل هذا رياض اللي من حضر الزواج وتبغوني افرح..
نجود: ومتى نويتي تروحين لرياض..؟؟..
عزيزة: خلي أختك تطلع من النفاس وتجي لمى على خير..
سلطان: مين بيروح معك لا تقولين ابوي..
عزيزة: أكيد أبوك اجل أنت.."هز رأسه بأيه".. وعاد بتخليك مها ؟؟
نجود بتريقه: الله وش القوة اللي حلت عليك أتحدى مها تخليك..؟؟..
سلطان: ليش تتوقعين ما أقوى لها افااا عليك أخوك سبع..
نجود تقهره: أخاف فار ههههههههههههههههههههههههههههههههههههههههههههه
سلطان بقهر: نجود وش هالكلام يمه تسمعين بنتك...
عزيزة: خليكم من الحكي اللي لا يودي ولا يجب وشوفوا الهلال كم جاب...
طلع من عمارة اللي متعب ساكن فيها.. ما حصل أحد ونزل يتمشى بالجو اللي كان فيه الضباب.. جدا روعة هذه أجواء بريطانيا اللي تحسس الواحد براحة يمكن يعم الهدوء مثل هذه الأوقات كان يفكر باليوم ومقابلته لهاجر وجلوسها مع شلته ما يعرف ليش تضايق وكان وده يجرها عشان ما احد يشوفها غيره.. معقولة الشوق والحنين رجع برجوعك يا هاجر.. لكن لا المفروض ما ابني امل كذاب ونعيش فيه من جديد.. وبعدين وشلون أسوي كذا وأنا مالي أي حكم على البنت.. قطع أفكاره صوت أنثوي ناعم لما التفت كان أخر شئ يتوقعه أنها تلحقه.."..
رياض بابتسامة جانبية: وشلونك هاجر..؟؟..
هاجر توقف مقابلة وبعيونها نظرة ما عرف يحددها: بخير.. وشلونك أنت؟؟..
رياض فارش يدينه وكانه بيضمها: مثلك شايفه.. بخير
هاجر بخجل: رياض اقدر أتمشى معك؟؟.. متعب وأميرة دقوا علي طلعوا يتمشون ولما وصلت شفتك وحبيت أتكلم معك إذ أمكن؟؟..
رياض يمشى عنها: ما تخفين من أخوك لو يشوفك معي.."التفت عليها بخبث ما ردت عليه غير تنزل عيونها بحزم.. ومشى شوي والتفت نص لفة"..عاجبتك الوقفة هنا ما لك نية تتمشى مثل ما قلتي؟؟..
هاجر بابتسامة فرح: أكيد يسعدني أتمشى معك.. "ناظر لها وشاف فيها هاجر اللي فقدها وشاف بيعونها شوق.. معقولة تكون شوق أو قاعد أوهم نفسي الظاهر أني احلم كثير.. مشوا ووصلوا لساحة بق بين وجلسوا على الكراسي وكان الهدوء والصمت جامعهم مو عارف كيف يبدأ ولا هي تعرف كيف تبدأ إلا أخيرا تكرم.."..
رياض: كيف الأهل كلهم...؟؟..
هاجر منزلة رأسها بحزن: بخير..."طالعت فيه"... يسالون عنك؟؟..
رياض بسخرية: وليش يسالون أنا جيت هنا عشان انساهم والحمد لله مرتاح وما أبغى احد يفكر فيني..ولا أفكر باحد..
هاجر بحزن: قصدك انا..
رياض يناظر لساحة: تقدرين تقولين كذا..
هاجر: وأهلك.. وجدتي.. وأهلي.. أصحابك..
رياض ببرود: قلتك يمكن اهلي.. لكن غيرهم ما اعتقد فيه احد يسال عني..
هاجر بدهشة: وش اللي قاعد تقوله الكل يتمنى رجوعك بفارغ الصبر.. طيب ما فكرت فيني أنا وين رحت من حياتك..؟؟.. معقولة ما خطر ببالك أني كل يوم أفكر فيك وانـــ...
رياض وقف بعصبية: هاجر أنتي تضحكين على مين الكل يشفق علي...وانتي اولهم..
هاجر وقفت بصدمه: أشفق عليك..
رياض متمالك نفسه: ايه تشفقين علي.. أنسى يا هاجر اللي بيننا كان لــ..
هاجر بعصبية قاطعته: أنسى..!! وشلون أنسى وأنت اللي دخلت بحياتي من غير احم ولا دستور..أنسى كيف كانت ايامنا مع بعض.. انسى ضحكنا.. وفرحنا.. وكل هذ واكثر وتبغاني أنسى..لا أكيد الحادث وهروبك اثر بمخك..
رياض بابتسامة سخرية: قلتيها الحادث.. الحين بسألك وش تبغين بواحد ناقص مثلي..
هاجر تضبط من نبرة صوتها: وانت وش لك سوا كنت ناقص أو لا..
رياض بفراغ صبر: هاجر تعرفين وشو ناقص..
هاجر بصوت شوي عالي: ومن قال انك ناقص يكفى أشوفك كامل بعيني..
رياض بنظرة برود: وليش ما تقولين شفقة منك..لا يا هاجر أنا ما انتظر أي شفقة أو رحمة من احد وخاصة منك أنتي بالذات..سامعة.."ما حست إلا وهي تركض وطريقها يغطيه الدموع من كلامه القاسي لا هذا مو رياض أكيد واحد ثاني مستحيل يكون رياض اللي حبيته وعرفته مستحيل.. أما هو من راحت جلس يناظر للساعة وانتبه على دقاتها ونزول قطرات من المطر ما يعرف ليش هو سوا كذا كل هذا عشان ما أبغى اظلمها... والله احبك ياهاجر.. واعرفي سويت كذا إلا من حبي لك وخوفي عليك.."...كانت واقفة تحاول تلهي ولدها عشان يطلع من محل الألعاب ولما يئست منه دقت على متعب اللي كان جالس بمقهى على الشارع يتفرج على الناس اللي طالعين وداخلين من حديقة كنق ستون...
متعب يرد عليها: آهلين أميرة..؟؟..
أميرة بقهر: تعال وشوف ولدك مو راضي يطلع من المحل أنا الغلطانة اسمع كلامك وخليتني ادخل معه...
متعب: هههههههههههههههههههههههههه طالع على أمه إذ دخلت أي محل ما تطلع بالسهل تحملي ما يجيك مثل ما جاني..
أميرة بصوت شوي عالي: مـــــتـــــعـــب تعال وطلعة والله تعبت منه..
متعب وقف: ابشري الحين أجي..."راح لها ومالهم إلا دقايق جت وجلست بنفس المكان وطلبت لها مشروب ليموناضة وجلست تعدل بحجابها وتتأمل للجوا اللي بدء يمطر وشافتهم جايين وكان ولدها فرحان وأبوه يضحك له جلس وطلب له أيس كريم وشافت أميرة أنها عصبت من طلب متعب.. كل هذا قدام عيون شخص يراقبهم من أول ما جلسوا وكان بخاطرها تقول..أخيرا دارت الأيام وعرفت الجرح والألم..وأنا اللي تجرحني بعيش دنيتك والله..
ناصر: وش فيك ما شربتي القهوة؟؟..
هند انتبهت عليه: هااااااه لا بس سرحت شوي.."نزلت عيونها"...
ناصر ناظر للي كانت تناظر لهم: شكلهم خليجين.."شاف ولدهم اللي يضحك على أمه كانت زعلانه علي أبوه"... الله يخليلهم ولدهم وان شاء الله يرزقنا مثل ما رزقهم..
هند بنظرة حزن: تتوقع أننا بيوم من الأيام راح يكون عندنا ولد أو بنت...
ناصر شد على يدها: الله كريم مو بعيد عن ربك بس أنتي لا تشيلين هم واتبعي كلام الدكتور..
هند بنبرة مخنوقة: الحمد لله أنا مرتاحة من ناحيتك لكن أمك من يفهمها كل يوم تسمعني كلام يغث وكان العيب مني ما تعرف أني ما فيني شئ ولا أنت بس..
ناصر قاطعها: هند أمي ما تلام لنا سنتين متزوجين وأكيد الأفكار توديها وتجيبها وأنا ولدها الوحيد ومن حقها تشوف عيالنا...
هند بضيق: وأنا مالي ذنب وأنت تعرف هالشئ زين ولو سمحت أبغى راوح للفندق أحس بضيق..
ناصر: اوكي يله بس هااااااه أول شئ نكلم أمي وأنتي تحمليها إذ قالت شئ ترى مهما كان أمي وكبيرة بالسن وتحملي أي شئ تقوله..
هند: ياليتها مثل باقي الأمهات لسانها متبري منها.. "تنهدت بضيق".. أمري لله راح أتحملها عشانك بس.. "ناظر لها وابتسم وراحوا للفندق وكان خيالها للحين متعلق بمتعب وولده اللي شايله واضح انه مبسوط ومرتاح بحياته وأنا وش لي الحمد لله دام ربي عوض لي ناصر لكن ربي بلاني بخاله العن من الضرة والله يصبرني على لسانها السليط"...متمدد على الكنبة وأفكاره توديه وتجيبه على الموقف اللي صار له أمس مع هاجر يحس انه متلوم باللي قالوا.. ليش قلت كذا.. هي قالت اكثر من هذا وفوقه جرحتني.. مين المفروض اللي يلوم الثاني.. مين..؟؟.. وما حس إلا جواله يدق وكان حمدان..
حمدان بقهر: يا ريال وينك..؟؟..
رياض يعدل جلسته: بالشقة خير وش بغيت..؟؟.
حمدان: شنو وش بغيت..!!.. أنت نسيت اليوم حفلة تخرج أخت سمر..
رياض: تصدق أني نسيت تدري شكلي ما راح أروح...
حمدان بغرابة: ليش يا ريال شوبلاك..؟؟
رياض بضيق: أحس مخنوق وما عندي استعداد أروح لهناك..
حمدان يشجعه: يا ريال البنت عازمتنك وأنت مو ياي حرام عليك اجبر بخاطرها وبارك لأختها..
رياض: والله مالي خلق يا حمدان اعتذر لها نيابة عني وبعدين ما يمداني اشتري لها هدية التخرج..
حمدان: ولا يهمك الحين أنت تجهز ونروح نتشراء ترى حتى أنا ما شريتلها هدية ومعنا وقت طويل الليل لسه ما بدأ.. شو رأيك؟؟..
رياض يبتسم: هذا أنت يا حمدان تنشب في الواحد للين يرضخ لك ولا يهمك دقايق وأكون جاهز..
حمدان: هههههههههههههههههه افااااا عليك أنا مو حي الله يله اترياك تحت..
رياض بغرابة: ول ما أسرع تجي...
حمدان: ما قلت لك مو حي الله..."سكر منه و لبس جاكيته لان بالليل يكون الجو بارد ونزل حصله منتظر بالسيارة وراحوا يشترون الهدية لاخت سمر.."...من أمس ونفسيتها زفت من الموقف من بعد ما تركته قفلت عليها الغرفة راحت بنوبة بكاء وما حست إلا وهي بسابع نومه إلى اليوم الثاني.. نفس الشئ حبست نفسها بالغرفة برغم من محاولات أميرة تنزل معهم يتسوقون ويتغدون لكن اعتذرت لهم بحجة ما أهذت كفايتها من النوم.. الساعة 7 جالسه تفكر على سريرها.. وقطع عليها جوالها يدق أخذته وشافت المتصل بشاير.. يوووه مو وقتك يا بشاير و سمعت دقات باب غرفتها راحت وفتحته"..
متعب يبتسم: كل هذا نوم تدرين كم الساعة؟؟
هاجر تحاول تخفي وجهها عنه: من جيت هنا وأحس ضايعه ما اعرف الوقت..
متعب: ما تبغين تأكلين شئ..
هاجر: لا حاليا مو مشتهيه شئ.. لكن بعد ساعة جايز اجوع عندك مطلعم معتبر...
متعب: بعد صدق اللي قال اللي اختشوا ماتوا.. لا ما عندي بس فيه مطعم توه مفتوح ما يتفوت..
هاجر بغرابة: وأنت وش عرفك انه ما يتفوت...
متعب راح جلس بالصالة: رياض ذاقه.. ويقول لذيذ.."سرحت بالاسم اللي قاله.. آآآآآآه يا رياض وش اللي خلاك دخلت مرة ثانية لغرفتها لما سمعت جوالها يدق"...
أميرة ماسكه ولدها: متى زواج صديقك...
متعب يختار بين الأفلام: الأسبوع الجاي.. صاجني هذه رابع مكالمة يكلمني إلا أجي..
أميرة: الله يوفقه..متعب مو هو سلمان اللي تقدم لهاجر..؟؟..
متعب وعيونه على القائمة: هو بشحمه ولحمه أقول أميرتي وش تبغين تختارين..؟؟..
أميرة تكلم ولدها: هااااااه دحومي وش ودك تشوف..؟؟..
دحومي بدلع: توم زيري..
أميرة تبوسه: يا عمري انت.. حياتي حط توم زيري..
متعب بدهشة: شوفوا هذه.. الحين هذا جزاتي احسب لك حساب ومقدرك وبالأخير تشورين هالافطس..
أميرة تلمه بقوة: يا ويلك من ربي مو أفطس وإذ تشوفه كذا تراه عليك..
متعب: لا والله مو ذابحيني يشبه طلال والحين طالع علي...
أميرة تدلع: وش فيه مو أنت أبوه..
متعب بقهر: تدرين عاد مو كفوا احد يشاورك من الأساس.."صد عنها واختار الفلم وطلعت عليهم هاجر"
هاجر: متعب.. بشاير دقت وعازمتني على خفلة تخرج..
متعب بجدية: بالوقت هذا..
هاجر: ايه وش فيها..
متعب: فيها لا ماعندنا بنات يطلعون بذا الوقت..
هاجر بدهشة تناظر لها وحولت أنظارها لأميرة اللي فاطسه ضحك: متعب.. حنا ببريطانيا مو الرياض..
متعب بقهر: لو إن شاء الله بالقمر.. قلت لا يعني لا..
هاجر تجلس عنده: وش فيه زوجك..؟؟..
أميرة ماسكه ضحكتها: عشان شاورت دحومي نختار فلم وزعل..
هاجر اللي مسكت ضحكتها: لا ..... مالك حق يا أميرة... أخوي يشاورك وانتي تشاورين هالدب..
متعب: علميها اللي ما تعرف معنىلاالتقدير الزوجية.." مسكوا الثنتين ضحكتهم"...
هاجر: هااااااااه يا أبو عبد الرحمن وش قلت..
متعب: ماني أبو عبد الرحمن.. وقلت لا..
أميرة تتدخل: وش دعوة.. كل هذا شايل على ولدي.. ياولك من الله..
متعب: ايه بشيل عليه لانه خذاك مني.."استحت من كلامه وخاصة عند هاجر اللي وقفت"...
هاجر: وش قلت يا متعب البنت تنتظرتي عشان ارد عليها.. والله ما اتاخر..
أميرة بحنان: خلها تروح وتوسع صدرها ترى من جت وهي ما طلعت بس نايمه..
متعب بتكبر مصطنع: عشان أميرة بس... ومثل ما قلتي لا تتاخرين.."ابتسمت لهم وراحت تتجهز للحفلة"...
أميرة تجلس بجنبه: متعب..."مارد عليها وبدلع"...متعب.. .يله عاد ترى امزح معك..
متعب بزعل مصطنع: الحين امزح خلي ولدك ينفعك يله اقلبي وجهك
أميرة: هههههههههههههههههه على أي صفحة؟؟؟
متعب: هه هه هه هه بايخة على صفحة المليون...
دحومي وقف عند أبوه: بابا...
متعب يناظر له بعصبية: وش تبغى أنت الثاني...
دحومي ببراءة الاطفال: توم زيري..
متعب بجدية: لا ما فيه.. خلص.."ما حس إلا اخذ يده وباسها بقوة حن قلبه على هالكتلة البريئة اللي ما تعرف الزعل ولا الحقد أخذه وباسه بقوة وجلسه بحضنه "...
أميرة بقهر: الحين رضيت على ولدك وأنا بالطقاق..
متعب يناظر لها بخبث: ولدي شاطر على ابوه.. يعرف وشلون يراضي اللي يحبهم.. مو أنتي..
أميرة بغرابة: أنا...!!!.. وش فيني..
متعب بنظرة حادة: سوي مثل المزيون وأرضى عليك..
أميرة بفرح: بس كذا ابشر.."كانت بتاخذ يده لكن سحبها بسرعة واستنكرت حركته".. وش فيك؟؟..
متعب بنظرة مكر: لا حبيبتي أنتي غير عن دحومي...
أميرة بشك: وشلون أنا غير؟؟..
متعب يغمز لها: أنتي شاطرة وذكية وافهميها عاد..
أميرة بابتسامة خبث: اهاااااااااا ولا يهمك.."قربت من خده وبدل ما تطبع بوسه عضته بقوة وقامت بسرعة لما صرخ بصوت عالي"...
متعب حط يده على خده: ليش سويت كذا..
أميرة تضحك: هههههههههههههههههه مو هذا اللي طلبته..
متعب ينزل ولده اللي كان يضحك عليه: حشى مو أدميه أكله لحوم البشر وأنت اسكت لأطير هالسنين اللي صايرات مثل أسنان أرنب.."صفق بيدينه".. يا زين من صفقك أنت وأمك..
أميرة بتحدي: جرب إذ أنت تقوى.."ما حست إلا وهو قام عليها يلحقها وهي تصارخ وولدهم ورآهم يضحك "...الساعة10 ونص بدت القاعة تمتلى بالضيوف.. كانت عائلة سمر غنية وما يهمها أي شئ غير سعادة بناتهم.. هم من الكويت ومن أسرة متماسك.. جوا مع اخوهم اللي بدأ دراسته من سنوات ولحقوا فيه اخواته سمر وسامية..
سمر تناظر للبوابة: تتوقعين ييي..؟؟..
غدير: وبعدين معك كل شوي تسأليني نفس السؤال ما يعرفلك غير أحلام..
سمر: بالعدال.. منو أحلام لا راحت ولا يت بروح اسأل خليل عنه.."راحت وما حست إلا أحلام وبشاير جايات"...
غدير: وأخيرا ييتوا تمللت وأنا يالسه بروحي...
بشاير: وين سمر عنك وبقية الشلة؟؟..
غدير: ما مللني غير سمر كل شوي والثانية تسال عن رياض؟؟..
هاجر من غير سابق إنذار: وش لها دخل فيه؟؟.."كل البنات طالعوا ببعض بغرابة لما تكلمت"..
غدير بارتباك: ما ادري بس أكيد أنها...
هاجر وقفت بعصبية: أنها ايش قولي؟؟؟
بشاير تهديها: هاجر وش فيك على البنت..
هاجر بصوت شوي عالي: ما تشوفيها وش تقول.."راحت عنهم"...
أحلام بدهشة: وش فيها بنت خالتك بعد؟؟؟..
بشاير تناظر لها للين ما اختفت بين المعازيم: ما ادري..عن إذنكم..
غدير تتقرب منها: فاهمة شئ أحلام..
أحلام بنظرة خبث: شكلي...
غدير بغرابة: مو فاهمة شئ أصلا بالسالفة..
أحلام تناظر لها بقهر: أحسن خليك كذا ترى أحسن لك .."قامت عنها وتركتها لوحدها محتارة باللي صار قدامها"...
بشاير: هاجر ممكن اعرف ليش سويتي كذا ما بقى شوي إلا وتذبحين البنت..
هاجر بقمة عصبيتها: ما سمعتيها وش تقول..
بشاير بغرابة: بس ما قالت شئ.."بنظرة شك"..أنتي وش عرفك برياض..؟؟..
هاجر سرحت: ليش أنتي ما تعرفين أن رياض يكون ولد عمتي...
بشاير بصدمة: من صدقك..هذا رياض اللي..
هاجر قاطعتها بصوت مخنوق: إيه هذا هو اللي جرحته وضيعته بين يديني.. هذا هو اللي حاولت ارجعه لكن ما حصلت لي فرصة.. هذا هو اللي خلاني اجي مع متعب عشان اعتذر منه واطلب منه يسامحني على كل شئ ونبدأ حياة جديدة مه بعض.. هذا اللي ودك تعرفين كل شئ بقلبه.. لكنه من ولد بلدك خايفة من صده ومن جفاءه..هذا اللي ودك تحبينه لكن فيه عيب كان ومازال فيه..هذا رياض اللي خسرته عشان شئ تافه بنظري والحين أحاول اكسبه وأتقرب منه أكثر من قبل وبالأخير يكون بنفس شله بنت خالتي ولا تقولي عنه.. ليش كل هذا أنانية منك عشان تكسبينه من وراي..؟؟.. أنتي تعرفين انه هو اللي أتمناه بعيوبه المهم يرجع لي رياض الاولى..
بشاير تهديها: هاجر..اقسم لك أني ما اعرف انه ولد عمتك وأنتي مرة سالتيني وقلتلك ما اعرف إلا اسمه لأنه مو نفس دفعتي وأنا تعرفت عليه عن طريق الشلة وهذه ثاني سنة لنا.. ورياض مو من النوع الصعب مو أي وحدة تبغى تتعرف عليه.. لانه غامض ما تشوفين سمر لها كم سنة وتحاول وما حصلت غير الجفاء والله العظيم أني أقول الصدق".. ما ردت عليها وعيونها مليانه دموع القهر من اللي صار اليوم ومن اللي سمعته قبل شوي"...
أول ما دخلوا انبهروا بعدد الضيوف الموجودين وكانهم بحفلة زواج وبعد ما سلموا على اللي يعرفون حصلوا اصحابهم جالسين ينتظرونهم..
خليل: شنو ذي ما بغيتوا تيون..
رياض بابتسامة جذابة: هذا حمدان ذبحني من محل لمحل مو راضي يقتنع باي شئ تعرفه..
حمدان: يا حبيبي لازم نييب شئ معتبر..
خليل: طاع هذا.. يا اخي يب أي شئ المهم ان صاحبة البارتي ما نعرفها عشان تقول جي..
حمدان يقهره: تصدق يا خليل أحب فيك حجيك... وشلون تتحجى يا أخي ما اذكر البحرينيين جذيه..
خليل بقهر: شوف حجيك شلون يطلع منك كانك بتزوع... "الكل ضحك"...
حمدان: غربل الله شيطانك.. يا شيخ ممكن الحين نروح نسلم على أصحاب البارتي...
خليل: تفضل من حايشك..
رياض: خلاص أنت وياه حنا هنا جايين ننبسط ونستانس وانتم تقلبونها هواش...
حمدان: هذا الحجي العدل..
خليل: قول لروح هالحجي.."قطع عليهم جيت سمر والفرح يطل بوجهها"...
سمر تناظر لرياض بسعادة: أخيرا يتوا..
رياض يبتسم: مبروك تخرج أختك يا سمر وعقبالك..
سمر بخجل: الله يبارك فيك.. وعقبالك أنت بعد...
خليل يهمس باذنه: ما تشوفها بتذوب من الحياء..
حمدان: صدق مسوده ويه ما عبرتني الخايسة..
خليل: وين تعبرك وعندها البدر..
حمدان بتعجب: شقايل انا شنو فيني احلى من ويهك اللي ييب السل..
خليل: هههههههههههههههه شنو فيك اتغشمر وياك احرجها حمدانوووه..
حمدان بقهر: حمدانوووه طيب ما راح اعديها وبعد البارتي بتشوف شنو ييك..
خليل: هههههههههههههههه طيب نتشوف..
حمدان بصوت شوي عالي: احم احم .. تراني للحين موجود ما رحت لمكان وين الترحيب والا الترحيب لناس وناس لا...
سمر بتعجب وبنفس الوقت بحياء: جايفتك والله العظيم جايفتك بس أنت ما عندك ذوق المفروض تبارك لي أول ما تشوفني..
حمدان يضحك: هههههههههههههههههههههههههه لا عاد قولي غيرها يا سمر.. وينها اختج بنقدم لها الهدايا بأنفسنا أخاف تنسينا ولا تقولين أنها منا...
سمر بقهر: لا تخاف ما بنسى وعشان تطمن تفضل من هنيه..."راحوا معها وكلها دقايق قليلة ورجعوا لعند اصحابهم ووقفوا يسولفون ومستمتعين باجواء الحفلة.. كل شئ كان خيال.. الديجي بالاغاني الخليجية والعربية بقمة الروعة وحتى الضيافة فكانت جدا منظمة.. حس بنظرات تراقبه لكنه ما حب يطالع مين يكون صاحب أو صاحبه هالنظرات توقع تكون سمر وما حب يتصادم معها لكن اللي ما يعرفه أن نظرات هاجر هي تراقب تحركاته من اول وصوله... من بداية الحفل والكل مبسوط وفرحان مثل سمر اللي عيونها على رياض من جاء وما فارقته ودها تقوله اللي بقلبها ما تعرف ليش حبه سيطر بداخلها بشكل سريع .. كان يبتسم وقرر يلاحظ صاحب العيون اللي تراقبه وتمنى ما عرف من صاحبها.. معقولة هاجر تترقب تحركاتي أو بنت خالتها جابتها هنا من غير ما تعرف بحضر أو لا.. لكن أكيد تعرف لاننا بنفس القروب وأكيد بنشوف بعض..واكيد اصرت على الحضور مع بشاير عشاني.. وش قاعد اقول صدق ما عندي سالفة.. اوهمي نفسي بشئ لا صحة فيه.. ولما رجع ناظره لها تبادلوا النظرة وكان الوقت يمشى ببطء وكان عيونها هي اللي تتكلم انتبه على نفسه وركز ناظره على اللي بيده وسمع صوت مألوف له وناظر لجهه الصوت وشاف خليل وشخص ثالث ينظم لهم ناظر فيها ومبين أنها متضايقة من شئ.. ما يدري ليش رياض حس انه مخنوق من اللي قاعد يصير قدام عينه ولا يسوى شئ.. كان مركز ناظراته عليهم وتمنى ترجع تناظر له لكن لا أمل.. طلع برا الحديقة جلس يتدبر بالنجوم ويفكر باللي شاغل تفكيره... هاجر.... هاجر.... الساعة 12 وبدأت الحفلة الحقيقية مثل ما يقولون.. الرقص والهبل على المنصة.. وحتى قوارير الشمبانيا تفتح بطريقة الأمريكان.. رج وفتح.. وقف رياض لما بدا الاستهتار اللي يشوفه بنظره..
حمدان: بتروح رياض..
رياض بضيق: ايه را يح..
حمدان: عيل بروح معك وش لي بعوار الراس
حسن: تو السهر والرقص والفلة ما بدأت بدري على رجعتكم..
حمدان: شله نيلس وحنا نعرف انه منكر..
حسن بتعجب: وش المنكر الله يهديك مو توك قاعد تسمع وتشوف هالنكر يت على هنا..
حمدان: المنكر اللي اقول عنه شوفه جدام عينك بالمنصه شنو قايلين.. الله يحفظنا..
حسن بتريقه: وأنت رياض بتروح عشان هالمنكر مثل ما افتاء الشيخ..
رياض: تقدر تقول ايه وشئ ثاني وراي موعد مهم..
حسن: برايكم روحوا بالسلامة بس قبل روحوا لسمر وخبروها.."مشوا ولا لقوا بال من كلامه.."...
رياض يلف عليه: حمدان الله لا يهينك ممكن تسبقني ..
حمدان يغمز له: ليش بتتحجى مع الغزال..
رياض يبتسم بخجل: بعدين اقولك "تركه وما تحرك رياض لين ما تأكد من خروج حمدان قبل.. وف بمسافة مو بعيدة عن طاولتهم وحاول يلفت انتباهها ونجح ولما حست انه يبغى يكلمها راحت لعنده"...
رياض بجدية: مطوله..؟؟..
هاجر بغرور: يهمك تعرف...؟؟؟.
رياض: أكيد يهمني لا تنسين انتم بضيافتي هنا و..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك