رواية رماني وقال ما ابيها -17
في غرفة المعآريس
فهد : لا حركات مثل هذي ماأبيها
غلا بنفسها عاد أنا الميته عليك وعلى حركاتك
المصوره كانت طالبه منهم حركه شويه جريئه وهي أول حركه للتصوير
المصوره لبنانيه : طيب شو بدكون ياأستاز
فهد ببروود : آي صوره ..
تأففت غلا من جواا وودها تخلص هالليله الحيـن
صورتهم المصورهـ كم صوره عاديه جدآ وطلعت من عندهم عشان يفضى لهم الجو شوي
وكــل وآحد شارد بتفكير وبعآلم آخــر ....!
غلا تفكر بالبنت اللي جتها من شوي وهددتها والغريب أنها قالت يابنت القريه يعني تعرفها زيـن
وفهد يفكر بعد ماتروح المصورهـ يفاتح غلا بالموضوع عشان يكونون صريحين من البدآيه ..!
جلس فهد على إحدى كنبات الغرفه ونادها بإسمها : غـلا
أرتبكت من صوته وألتفت له وهي منزله راسها
فهد : تعالي أجلسي أبيك بموضوع
بالبدايه ترددت بس جاها فضوول تعرف وشو
قربت وجلست على الكنبه اللي جنبه
نزل راسه وشبك أيدينه ببعض ومايعرف وشلون يبدا معاها بس قرر يقول : غلا أنا بصرآحه ماكنت ناوي هالزواج ...!
صدمها بردت فعله رفعت له راسها وهو طالعها شافها بالبدايه ماتوقعها جميله لهالدرجه بس سرعانما تذكر حنين و بعد هالأفكار من باله ورجع ينزل راسه وكمل كلآمه : صدقيني أنا مو رافضك أنتي أنا رافض فكرة الزواج من أساسها وأنا ماقالت لك هالكلآم ألا عشان أكون صريح معك من البدآيه
ألتفت لها وشافها تطالع إلى الأمام ومافي آي شي يدل على شعورهاا بهاللحظه
ولكن أنطقت له وقالت بقهر : مو أنت لوحدك حتى أنا ماأبي لا زواج ولا شي ولا حتى أنت
والحمدالله أنها جت منك
فهد بحدهـ : غــلا ... أنا قلت هالكلآم عشان نتفاهم بس الظاهر أنتي مو وجه تفاهم
غلا بقهر أكثر : مثل ماقلت أنت الصرآحه حتى أنا أقول الصرآحه
فهد عصب منها هي فهمته غلط هو بيفهما أنه بس رافض الزواج وهي ترد عليه وتقول ماأبيك
جاء بيرد عليها بس قاطع نقاشهم الحاد دخول ريم ومعاها الكيك للعرايس
بس فهد ماقدر يجلس أستئذن وطلع بسسرعه لمجلس الرجآل
ريم ألتفتت لغلا : غلو أمشي نطلع للبناات
في مجلس ارجآل
كان سرحآآآآن يفكر باللي صار
مسكه سلطان على كتفه وخلاه يصحى من تفكيره : أشووفك من يوم جيت وأنت سرحان ( وبغمزه ) : لا يكوون خقييت ...
فهد بطنازهـ : لا ياشيخ
سلطان بيقهر فهد : إيه هذا اللي مايبي الزواج ويقول ماأبيها وماأدري أيش آخر شي يجينا خآآق
فهد : لا تخليني أفضحك الحين
سلطان وهو يحرك حواجبه لفهد : إيه إيه تحاول تصرف علينا يافهوود
فهد : هههههه
قدر سلطان يغير جووه شوي
أما عند البنات
بعد ماراحوا أكثر المعاااازيم
كانوا جالسين بإحدى الغرفه يسولفون
وغلا معاهم بالجسد فقط أما التفكير باللي صار اليوم ماتوقعت إن فهد ينجبر عليها
يمكن تكون مبسوطه من هالخبر ويمكن لا ....!
رؤى لاحظت سرحانها وقالت بهمس لها : غلو وش فيك
أنتبهت لها وفاقت : لالا مافيني شي
شكت رؤى بالموضوع بس ماعلقت بحكم وجود البنات عندهم
سمر : غلو وش أخبار اللقاء ( وبغمزه وهي تكلم البنات ) : شكل غلا خآقه من اليوم سرحآنه
البنات شافوا وجهه غلا وماتوا ضحك عليهااااا
نور : غلو علمينا وش صار لا تستحين عاادي
خزامى : يووه بنات أتركوها خلآآص
سمر تتطنز عليها وتقلدها : لا ياشيخه أتخيل هاذي مع نواف
دانا : بيغمى عليهاااا ويروح فيها أخوي المسكين هههههههه ( البنات أتركوا غلا وبدوا بخزامى وأنواع الأستهبال عليهاا )
خزامى بخجل : خلآآص والله لأهون عن الزواااج خوفتوني
سمر بجرائه : أرسليه لي أجل ...<< سمر بطبعها جريئه حيل وماعليها من أحد وبتكتشفون هالشي بالبارتات الجايه
خُزامى : طيب تخيلوا سمر
دانا : بيستحي رجالها وهي ماأستحت
البنات : ههههههههههههه
سمر : عادي مافيها شي
غلا : الله يعين اللي بيأخذك ياسميران ( عيارة سمر خخ )
سمر وهي تسوي نفسها خآقه : وهـ ووينه بس
رؤى : هههههه سمر ماعليها من أحد
أنتهت الليله على خير وأرجعوا العوايل لبيووتهم ع الساعه 2 بالليل
أول مارجعت غلا لغرفتها ببيت أبو محمد
بكت وفرغت كل شي بقلبها بهالغرفه الشاهدهـ على اللي صار لهاا
مسحت دموعها وأخذت شاور بارد يهديها شووي ويريح أعصابها
وع الطول بعده نامت من الأرهاق صار لها يومين ونومها ملخبط كلخبطة مشاعرهاااا
من بكرا كان يوم الجمعه
على صلآة الجمعه صلوا الشباب والشياب بالمسجد القريب منهم كالعادهـ
والشياب والشباب رجعوا لبيوتهم ماعدا أبو فهد اللي راح لأبوه في بيته
عند فهد وسلطان بعد الصلآهـ وهم في سيارة فهد
سلطان : وين بتروح ؟؟
فهد : لشركه
سلطان بإستهزاء : الشركهـ الظهر ولا بيوم الجمعه بعد
فهد : وصلتي أمس رسايل مهمه بشوفها وأرجع مو مطوول
سلطان : طيب طيب نزلي ع جنب
فهد ألتفت له : ليه ؟؟
سلطان : ماأبي أروح لشركه بنزل لبيتي
فهد : طيب بوصلك
وصله فهد لبيته وراح للشركه
نزل من سيارته وتوجه لمكتبه بسرعه
دخل له وجلس على الكنبه وأخذ الرسايل المهمه وبدا يقرا فيها
لكن صدمــه من جد صــــدمه له
قام من الكنبه وهو يقرا الرساله مره ثنتين وثلآث لحتى تأكد من مصداقيتها
رفع جواله وأتصل عليه بسرعه
يوسف رد بسرعه : هلا طال عمرك
فهد : الكلآم اللي في الرساله صحيح
يوسف بخيبة أمل : للأسف إيه
فهد بقهر : وليه ماأتصلت علي وقلت لي
يوسف : طول أمس وأحنا نتطل عليك ياطويل العمر بس مافي رد << فهد كان حاط جواله ع الصامت بالملكهـ
فهد : طيب طيب أنا أتصرف مع السلآآمه
وصكر الخط وراح لبيت جده بيكلم أبوه المتواجد هناااااك
في بيت الجد
صكر أبو فهد الخط من فهد وهو مستغرب منه يقول يبيه بموضوع ضروري وبيجي الحين
أبو محمد : عسى ماشر ياولدي وش فيه فهد
أبو فهد : والله مدري يالغالي بس يقول بيجي الحين ويكلمنا بالموضوع
دقايق وجاء فهد
أبو فهد : هاه فهد وش فيك عسى ماشر
فهد تنهد وقال : شركتنا اللي بلندن نص فلوسنا اللي فيها ضاعت وأنهارت
أبو فهد بصدمه : أيش
فهد هز راسه بإيه وقال : يبه تراهم محتاجيني لازم أروح لهم بأقرب وقت وأصلح اللي صار
أبو فهد فك أزرارات ثوبه وقال : إيه وأنا أبوك لازم تشوف حل هذي فيها ضيآع لناا اليوم دور أقرب حجز للندن ورح بسرعه
الجد الي كان ساكت من اليوم قرر ينطق لهم بقرار صدمهم : مايروح ألا زوجته معه وبنتي أهم من آي شركه
فهد ألتفت له : يبه وش دخل غلا ؟؟
أبو محمد : وشلون وش دخلها أنت بتروح بغربه ومنت برايح لحالك وبنتي يمكن تطول عليها وأنا أبي أرتااح وأريحهاا ..!
سكت فهد وتنهدت شوي وقال : يايبه مايصيـ..
أبو فهد قاطعه : كلآم أبوي صحيح لا تروح ألا زوجتك معاك أخاف تطول عليهاا
أبو محمد : أجل سفرتك لكم أسبوع نسوي زواجكم وتروح معك لكن تروح لحالك لا يعني لا
فهد : والشركه
أبو محمد : قلت لكم بنتي أهم من ألف شركه وأنا بتطمن عليها قبل يومي
أبو فهد وفهد : الله يطول بعمرك بالغالي
فهد عشان جده قال : تامر أمر بسوي اللي تبيه
أبو فهد : أتصل على يوسف أبيه
فهد أتصل عليه ومد الجوال لأبوه
أبو فهد : يوسف تقدر تمسك إدارة الشركه كم أسبووع وتنظمها شوي فهد يمكن يتأخر عليكم
يوسف : على أمرك ياطويل العمر هي بالحفظ والصون
أبو فهد : جزاك الله خير ... ( صكر من يوسف وعطى الجوال فهد )
فهد أخذ جواله وهو مستغرب من جده ليه يبي غلا تروح معاه يمكن لأنه خايف إني أطول شوي أو مايبي غلا تنتظر أوخايف يجي يومه وغلا وماشاف زواج بنته أو عيالهاا ...!
أنتهـــى البارت
* حدة لقاء .. تضارب مشآعر .. نفور قلبين ( فهــد & غــلآ ) ....... ؟؟
* سرعة زوآج فهد وغلا اللي بتم بسرعه بقرار من الجد ممكن يتأجل أو ممكن غلا تسافر معاهـ من دون زوآج ؟؟
* ليه الجد أسرع بقرارهـ بزواجهم وأيش الحكمهـ من ذلك ؟؟
~ ,,
غيآب بعض أبطالنا لا ينفي دورهم بروايتي فلديهم الكثير والكثير في البارتات القآدمه ....!
ودي / لــوولي ...!
البارت الرآبع عشر
فهد أخذ جواله وهو مستغرب من جده ليه يبي غلا تروح معاه يمكن لأنه خايف إني أطول شوي أو مايبي غلا تنتظر أوخايف يجي يومه وغلا وماشاف زواج بنته أو عيالهاا ...!
أستأذن أبو فهد من أبوه وطلع لبيته بيرتآح
بعد ماطلع ألتفت فهد لجده وقال : يبه وش دخل زواجي بموضوع الشركه وليه تبيني أخذها
أبو محمد : مثل ماقلت لك بنتي أهم من ألف شركه وأبي أشوفها مرتآحه قبل موتي
وأخاف تطول عليهاا ويجي يومي وماأزفها لبيت رجلهاا
فهد بدا يقتنع شوي عشان مايزعل جده هز راسه بإيه وقام بيطلع
أبو محمد : على وين ؟؟
فهد : على البيت
أبو محمد : جهز عمرك زواجك بعد ثلآث أسابيع وبعدها تقدر تأخذ عروسك وتسآفر
فهد ماعلق ع الموضوع عارف إن زواجه قريب وتوقع إن جده بيقدمه أكثر بس أهم شي إنه بيسافر وبينقذ أعمالهم بلندن ... هز راسه بإيه دليل ع الموافقه وطلع من البيت
بعد يومين
ملخصهم رووتين دآئم لأكثر أبطالنا لاجديد سوى إن فهد أعلن زواجه وراح يكون بعد أسبوعين وأربع أيام
ردة فعل غلا كانت صدمه وقهر بنفس الوقت اللي قهرها أكثر أنها بتسافر معاه يعني بيكونون لوحدهم
بس قدرت تتجاوز هالصدمه بمسآعدة رؤى ...
اليوم أول يوم لدوام الجامعات والكليات والمدآرس
بكلية البنااااات
بمطعم الكليه
سمر : اوووف بصرآحه ماتوقعت الكليه تسذا
نور : بالعكس أحسها حلوه أنا تأقلمت ولله الحمد وأنتي رؤى
رؤى رفعت كتوفها دليل على عدم الأهميهـ وتفكيرها كله بغلآ
جت عندهم دانا بعد ماخلصت من أغلب جدول محاضراتهاا
وأنضمت لهم بالسواليف
في شركة فهد
في مكتبه
كان عنده سلطآن
سلطان : أنت صآحي ؟؟
فهد ألتفت له : إيه ليه اللي يقول الحقيقه مو صآحي
سلطان : إيه بس أنت قلت لها هالكلآم بملكتكم كان أنتظرت شووي
فهد : توقعت إن زواجنا مطول شوي وقلت لها هالكلآم ع أساس إن نتفاهم ونتقبل بعض شوي ونكون صريحين مع بعض طوول فترة الملكه بس خلآص زواجي مابقى عليه شي يعني ماكنت متوقع هالشي أبد والله يعينا بالزواج .... واللي بيصدمك أكثر أنها فهمتني غلط وردت علي وقالت ماأبيك
سلطان تنهد : أنت تبيها ولالا ؟
فهد : ماأبي الزواج لكن هي مافكرت فيها أصلاً
سلطان : طيب هي ليه فهمتك غلط
فهد بلامبالاه : أسألها هي ..!
عند غلا
كانت جاسه بسريرها ولامه رجولها لصدرها ومسنده راسها عليه
وتقول بنفسها خلآص ماباقي شي ع زواجي آآهـ بس اللي قاهرني أنهم يتحكمون فيني ولا كأني موجودهـ
بس مهما يكون مستحيييل أبين لهم ضعفي بكيت بما فيه الكفايه وجاء الوقت اللي أقووي نفسي فيه
رفعت راسها ولمت شعرها المتناثر حولها وربطته
قامت من السرير وأستندت على البلكونه اللي تطل على منظر رآئع أبتسمت من دآخلها
صدحت نغمة جوالها وقطع عليها الجوو .. راحت له بترد ع متصل
غلا : ألوو
رؤى : هلا غلوو كيفك
غلا بفرحه : رؤى وينك أمس ماتصلتي
رؤى : تعرفين اليوم أول يوم بالدوام وكنت مشغووله فيه شوي
غلا : وش أخبآر درآستك
رؤى : تماام وأنتي كيفك الحين
غلا أبتسمت : حاسه نفسي أحسن من قبل
رؤى : الحمدالله
وكملوا سواليفهم
عند هنادي ووسن بالكليه توهم طالعين من المحاضرهـ ومتوجهين لدورات الميآهـ ( أكرمكم الله )
هنادي بضجر : اووف ماتوقعت هالدكتورهـ تدرسناا سمعت إن البنات يقولون أسألتها مرهـ صعبه
وسن وهي تعدل شعرهاا : إيه صآدقه بس مايهم ألا ع فكـ.....
ماكملت كلامها وسن وهي تشوف أنعكاس صورة البنت بالمرايه و ألتفتت للبنت اللي شافتها بتتأكد منها وطلعت شكوكها صح
رجعت تطالع في هناادي وهي تقوول : تدرين منهي هاذي
هنادي وهي تلتفت لشلة البنات : آي وحده فيهم
وسن : اللي لابسه بلوزهـ ورديه
هنادي : اها وش فيها
وسن : هذي منـال ..
هنادي وهي تحاول تتذكر : منال ؟؟
وسن : العام تقول أنها مو مكمله بالكليه بس ماأدري ليه جايه
هنادي : تذكرتهاااااا ..
وسن : إيه السنه اللي راحت قلت إن كل يوم يجي واحد يأخذها وكل يوم شاب وهي اللي عرفتني ع صالح تتذكرينه ..
هنادي : إيه تذكرت بس ليه سحبت عليك ماعاد تمشي معاك
وسن بقهر : أنا اللي سحبت عليها مو هي
هنادي بإستغراب : وليهـ
وسن : كل يوم بشقة واحد وأنا الوحيده اللي عرفت هالشي
هنادي : والله ,, وشلون عرفتي ؟؟
وسن : صالح اللي كنت أكلمه قالي عنهاا
هنادي برفعة حاجب : كلكم من نفس الطينه
وسن بحدهـ : هنادي صحيح إني أكلم بس عمري بحياتي ماقد طلعت مع أحد وأنتي تعرفين هالشي أكثر مني
هنادي عشان تسكتهاا : طيب طيب..!
وسن حست فيها بس سكتت
ورجعت تضبط شعرها من جديد وتحاول تتناسى وجود منآل وشكوك هنآدي
بعد إنتهآء الدوامات .....!
في شقة رآكان وعزآم
وكانت عندهم منآل
راكان بقهر: لمتى ننتظر يعني
منال وهي تشرب من السيجآره اللي بيدها ونزلتها بعد ماخلصت نصهاا : تونا بأول أسبوع
عزام : راكان أنت هدي وش فيك
راكان : فلووس وعطينآك وش تبين بعد
منال : قلت لك ماأقدر أجيب آي بنت حاليآ
عزام : خلصنااا ... راكان أنت أصبر شووي ومنال صآدقه توهم بأول أسبووع
منال قامت وأخذت أغراضها بتطلع : لا تتصلون علي أنا بدق عليكم إذا حصلت لكم اللي تبونه
وطلعت من شقتهم ..
عزام بعد ماأطلعت ألتفت لراكان : أنت وش فيك عصبت عليها ماأشوفها قالت شي
راكان بهدوء : خآيف تكون أخذت فلوسنا وماعندها نيه تسوي اللي نبيه
عزام ببرود : لا أرتاح هي مو من هالنووع
راكان طنشه وقام بتكاسل بيدخل غرفتهـ ينآم وهو كمآن مطنش أرتفآع صوت أذآن المغرب اللي غطى المكآن وهدأ نفووس وبعث فيها الطمأنينه والسكينه بإرتفآع أسم ( الله أكبـر ) مو غريبه عليه يطنش الصلآه وهو أسآسا ماأخذ الدنيا لعب ولهو والعيآذ بالله ..!
في بيت سلطآن
سلطان وهو منسدح ع السرير ووجنى جالسه بجنبه يسولفوون
سلطان : أنبسطي بالملكه حبيبي
جنى بإبتسامه : مرره أنبسطت
سلطان : امممم طيب من شفتي هنآك ومين جآء
جنى : ناس كثآر ماأعرفهم والبنآت بعد ولا وحدهـ عرفتها
سلطان بخبث : طيب حلووين البنآت
جنى بحسن نيه : إيه فيهم الحلووين وفيهم بنات عاديات .. ( أستوعبت ) : هيـه ليه تسأل عن البنات
سلطان : ههههههه يالبى اللي يغآر بس
جنى بزعل : ليه تسأل عنهم ؟؟
سلطان مسك يدها وباسها : والله أمزح معك ياقلبي
جنى بدلع : قل والله إنك تمزح
سلطان : والله أمزح ياعمري أنتي.. وبعدين في أحد عنده كل هالحلا ويسأل عن بنات
جنى تتكتف : ماأدري عنك
مرت ثلآث أيام على خير وكآنت سريعـه جدآ لبعض أبطالنا وبطيئه جدآ للبعض الآخر
ملخصها رويتيني دآئم
أهم اللي صار فيها
قدموا ملكة نواف & خزامى .. وليد & دانا وراح تكون بعد يوم من الآن
بطلب من الجد لأنه تعبان هاليومين ووده يشوفهم معاريس ولأن زواج فهد ماباقي عليه شي ......!
في بيت أبو محمد
غلا وهي تمد العلاج لجدها : يبه متأكد إنك بخير
أبو محمد كان منسدح ع سرير : إيه وأنا أبوك إن شاء الله بخير
أم محمد : طالما إنك تعبان أجل ملكتهم موهب لازم الحين
أبو محمد بحدهـ : لا عيالي بزفهم بنفسي قبل لايصير لي شي
تنهدت أم محمد على حاله من كم يوم على هالحال
بس يقول بموت وقبل موتي بفرح بعيآلي
غلا وهي تقطع جو الهادئ والصآمت : يبه طيب روح المستشفى على الأقل نتطمن عليك
أم محمد : إيه يارجال نروح للمستشفى نتطمن عليك أو على الأقل يبدلون لك هالعلآج
أبو محمد : لالا أنا مافيني شي ودكم تمرضوني غصب .. وبكره بزف عيالي بنفسي
وأستمر عناد الجد برفضه للمستشفى وحلفه بزف عياله بنفسه
في بيت أبو خآلد
بجنآح خُزامى
كانت عندهاا خلوود أختهاا
خلود : أنتي تستهبلين تحسبين الأمر لعبه يعني .. هذا زواج وخلآص ملكتك بكره ياماما
خُزامى بخوف وإرتباك : لالا بس يعني أنا
خلود قربت لها ومسحت على شعرها : خُزامى ياقلبي لا تخافين أنا أدري وش اللي فيك بس صدقيني ترى هالشي ماينفعك أنتي دآيم معتزله الناس وماتتكلمين مع أحد وخجووله حييل
خُزامى ببرود : لأني مريضه نفسيآ
خلود بعصبيه : خُزامى وش هالكلآآم كم مره قلت لك أنتي لا مريضه ولا شي بس خجووله حبتين
خزامى بقهر : هم كانوا يقولونه
أستعوبت خلود اللي قالته وألتفتت لها : من قاله لك
خُزامى بإرتباك : مو أحد
خلود بحده : خُزامى قوولي لا تخافين
خُزامى نزلت راسها وقالت : وسن وهنادي
خلود ماأستغربت توقعته هم أصلآ : متى قالوا لك هالكلآآم
خُزامى قالت لها السآلفه وكل شي < أتوقع تتذكرون سالفتها صح وقد قلتها لكم بإحدى البارتات
عند عروسنا الثآنيه
دندون كانت تجهز ملآبسها لبكره
تطلع هذا الفسان وترمي الثآني : اووف ولا شي حلوو
أم نواف اللي كانت عندها : مو أنتي مختاره فستانك خلآص ألبسيه وبلآش دلع
دانا : بس فستاني قصير شووي
أم نواف : لا ياماما لا هو قصير ولا شي
دانا : امممممم أنا إذا تزوجت بسكن عندكم ومو ساكنه عند وليد
أم نواف مسكت راسها : البنت هذي بتفضحني .. لا يايمه بتروحين مع وليد
دانا : وخزووم تجلس لحالهاا
أم نواف : يازين من أدبتس بس أعقلي وبلآش هالدلع خُزامى عند زوجهآ
دانا بوزت : خلآص ماأبي أتزووج
طلعت أم نواف وهي مطنشتهااا وتقول بنفسهآ هذآ نتيجة الدلع
في سيآرة فهد كان يكلم يوسف عن أمور شركة لندن
فهد : وش أخبار الشركه الحين ؟؟
يوسف : قدرنا نمشي أمورها شوي بس
فهد : بس وشو
يوسف : في بعض الأوراق لازم نرسلها لك
فهد : خلآص أرسلوها لي بشوفهاا ويوسف أنا ماباقي ألا أسبوعن بالكثير وجآي لكم مو مطول طيب
يوسف : لا تهتم طال عمرك الشركه بعيوناا
فهد : الله يعطيك ألف عآفيه
يوسف : آي شي يخص الشركه نتصل عليك ع الطول
فهد : إيه عشان أكون معاكم بكل شي
أنهى مكالمتهـ بيوسف وتوجه لبيت جده بيتطمن عليه عشانه تعبآن اليووم
في بيت أبو سلطآن
وبالتحديد بجنآح ريم وعآدل
مسك يدها البارده بيدفيها بين إيديه
نزلت رأسها وهي تعيد هالكلمه للمره الألف : عادل أنا قلقانه
عادل تنهدت : حبيبي من أيش ؟؟ فهد زواجه قريب وبنحجز ونسافر هالأيام ليش القلق
ريم : من اللي بيصير إذا سافرنا أخاف أحط لي أحلام وتتحطم بعدين
عادل : لا قلبي العلآج مؤكد إن شاء الله
ريم : طيب أخاف نبني شي ويطلع عكسه
عادل بحده شووي : ريـم أنتي قاعده تحسسيني إنك لا تبين علآج ولا شي
ريم : لا حبيبي ماكان قصدي
عادل ببرود : ماتبين تسافرين قولي لي وخلآص
ريم بحب : إذا حبيبي يبي هالشي أنا مستعده أعطيه عيوني عشان يرضى
عادل بجفاء وبرود : أنا أبي رأيك أنتي مو أنا
ريم : سبق وقلت رأيي أنا موافقه بس شوي خآيفه
عادل قرب لها ومسح على شعرها وباس راسهاا
في بيت أبو محمد
وصل فهد عندهم
ونزل بيتطمن على جده
دخل لغرفة جده وشآف جدته وغلا اللي كانت جآلسه على الكنبه بآخر الغرفه طالع فيها شووي
وأنتبه لجده يناديه : فهد
قرب له فهد وباس راسه وجلس على سريره بجنبه : وش أخبارك الحين ؟؟
أبو محمد : أنا زين وأنا أبوك
عند غلا تطالع لبسها وهي متفشله منه
كانت لابسه قميص بيت عادي وقصير شووي وشعرها رافعته بإهمال وكان شكلها مهمل شووي
قامت من الكنبه بتطلع بسرعه بس وقفها سماع أسمها
أبو محمد : على وين يابنتي
ألتفتت له وطالعتهم وأرتبكت من نظرات فهد لهاا
غلا بإرتباك وتلعثم : برووح أنام ..!
أم محمد بحنآن : نوم العوافي وأنا أمتس وتغطي زين ترى البرد موهب زين لتس وأنتي عليتس الدوره
غلا تعلثمت بغت تنهبل تمنت الأرض تنشق وتبلعها ألتفت لفهد وشافته منزل راسه وكاتم ضحكته
أنحاشت بسرعه وتقول بنفسها الله يهديك يايمه فشلتيني
وصلت لغرفتها وهي شوي وتبكي من الأحرآج
راحت للحمام ( أكرمكم الله ) وغسلت وجهها
وأيدينها ترجف ... ياربي وافشيلتاااه
في بيت أبو فهد
وبالتحديد بجنآح فارس وخلود
فارس يلآعب سارونه ويدغدغها وهي بس تضحك ومبسووطه
فارس : يالبى بنووتي بس ( وقرب لها ويبووسها ويضمها )
دخلت خلود عليهم وهي توها جآيه من عند خُزامى
نزلت عبايتها وفكت نقابهااا وجلست عالكنبه ومن دون آي كلمه
وكل هذا تحت أنظار فارس
نزل سارا من حضنه وراح لخلوود ووقف عنها بجآنب الكنبه
فارس بحنآن : قلبي فيك شي
خلود رفعت راسها وأشرت له بلا
تنهدت وجلس بجنبهاا : لا يكون أمك فيها شي
خلود : لا بسم الله عليها بس خُزامى خايفه عشان ملكتها بكره ورحت أهديها تعرفها هي خجوله شووي \ ( خلود ماحبت تقول له شي لأنه سوالف بنات ههه )
فارس : اهاا قولي لها نواف ماهوب ماكلك
خلود : هههه قلت لها بس ماتفهم
دق جوال خلود ورفعته بترد : هلا ريوومه
ريم : هلا كيفك
خلود : تمام ياهلا فيك
ريم : خوخه تقدرين تروحين معاي السوق الحين
خلود رفعت ساعتها وشافت السآعه ثمان : اووكي بس بسأل فارس
ألتفت لفارس وقال لها فارس : رووحي بكيفك
خلود : اووكي بروح معاك بس ليه تبين السووق
ريم : بأخذ غلا معاي عشان أجهز لها زواجها
خلود : اهاا زواجها ماباقي عليه ألا أسبوعين تقريبآ
ريم : طيب تجهزي بمرك وبدق على غلا وأخذها غصب طول الفتره اللي راحت رافضه تروح ماأدري وش فيها
سكرت منها وراحت تتجهز بتروح معاهم
أما ريم أتصلت على غلا
عند غلا بعد الموقف اللي صار لهااا
وهي بغرفتها ماودها تطلع
رفعت جوالها ترد ع إتصالها : هلا ريومه
ريم : هلا غلاتي كيفك ؟؟
غلا : تمام يسلمك ربي
ريم : ألبسي أنا جايه أخذك لسوق
غلا بطفش : ماله دآعي
ريم : غلا ألا له داعي وقوومي ألبسي عبايتك جاييتك أنا
سكرت منها وقامت بتلبس وتطلع معاهم ...!
في نفس البيت بس بالدور الأرضي
في غرفة أبو محمد
أبو محمد : وش أخبار شركتكم اللي هنآك
فهد : اللي بلندن
أبومحمد هز رأسه بإيه
فهد : ماشي حآلها بس مايندرى وش يصير
نزلت غلا تحت وهي لابسه عبايتها الرأس وبكامل حجابها
غلا شافت أمها بالصاله وحمدت ربها إن فهد مو بالصاله عند جدها قربت لها وقالت : يمه بطلع مع ريم لسووق
أم محمد : روحي يابنتي بس لا تطوولين
غلا هزت راسها بإيه
وسمعت رنت جوالها وكانت ريم المتصله
عطتها مشغول وطلعت لها برا
ركبت معاهاا وراء
غلا : مسآء آلورد
ريم : مساء النور هلآ فيك ( وهي تكلم السواق ) : سمير روح بيت بابا أنا
غلا : هههههه يازين شكلك وأتي تتكلمين هندي
ريم : هههه بلآ طنازهـ ,, وترانا رايحين نأخذ خوخه
غلا: اهاا خلود من زمآن عنهااااااا
في السوووق
دخلوا أكثر من محل وغلا مو عآجبها شي
ريم : لازم تاخذين هالملآبس أنتي متزوجه
غلا بعنآد : لا ماأبيهاا
خلود بطفش : هذي اللي بتجلطني
غلا : اممممم أبي بيجآمات وبس
ريم طنشتها وأخذت لها اللبس ع مزآجهاا
وغلا رافضه بس محد سمع لهااا ومطنشينها ع آخر
بعد أربع سآعات من الحومه والدوج في السوووووق
وخرابيط ومشتريآت
شروا أشيآء كثيره لغلا وهي مو عآجبها شي
ومنطنشه على آخر
غلا برجآء : طيب تكفوون خلونا نجلس بمطعم على الأقل
خلود : حتى والله إني جوعآنه
ريم : طيب طيب
أتجهوا لمطعم بنفس المول عشآن يتعشون فيه ..
طلبوا لهم الطلب
وجلسوا ينتظروونه
غلا : بقولكم شي وبشوف رأيكم فيه
ريم : قوولي
خلود : يالله نسمعك
غلا : قبل شوي كان فهد عندنا
خلود بضحكه : ياعيني ياعيني
ريم : ههههههه وأنا أقول البنت صآيره تهبل اليوم أثاري فهد مرابط عندهم
غلا بإحرآج : يووهـ بنات أسمعوا اممممم ( وقالت لهم الموقف وهم ميتين ضحك عليهاا )
ريم : هههههههههه أحس عآدي
غلا وهي مبووزهـ : لا والله مو عآدي
خلود وهي تضرب غلا على كتفها بمزح : عادي يابنت بعدين تتعودين
بعد سآعه رجعوا لبيووتهم يستعدون لملكة بكرهـ
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك