رواية روح معاه وخلني استمتع بنغمة بكاي -16
كان شعور فواز..شعور يقطع القلب ..عبدالاله دخل له..لاكن..فواز ابعده عنه..وطلع من الباب..
عبدالاله:فواز تعال ..ويييين رايح فواااااز..
لاكن فواز ماعبره ومشى ليين ماوصل الصاله ..وجلس على الكنبه يبي يخبي شعوره من اي كائن حي..
عبدالاله:فواز ..اشوف ورني الجرح..
فواز كان كل ماله ويضعف من كثر مايفقد من الدم..فاستسلم لعبدالاله..اللي انصدم من الجرح كان كبير مره..وشكله مره يخرع
وماقدر عبدالاله يطيع فواز وراح للمستشفى..
قدام نظرات ناصر..اللي يتذكر كلام..صديقه..
"انت مو رجال..لوانك رجال ماتتركه يتحكم فيك..خذ اشرب...هذي مو مراجل انك تخليه يسيطر على حياتك..خله يبعد عنك..اشرب"
$$$$$$$$$$
مهند:ومن اللي بيوديني لامي...
علي:رجلينك..
مهند:اقصد انا ماادل مكان بيتها..
علي:بنروح لها لاتحاتي وانا بدبر الوصف من نواف لاتحاتي..
مهند:الله يخليك..ياعلي مب عارف من دونك انا وش سويت
علي:واجبنا الغالي..
مهند سند راسه على الدريشه..
علي طالعه:مهند..بقول لك شئ
مهند:قوول
علي:ابوك قبل مايموت طلبني
مههند:..
علي:وطلب مني انه يسجل الحلال باسمي ..
مهند:..
علي:وباقرب فرصه بروح المحكمه برد ه لك..لانه ابوك كان طالبني اول مااشوفك اسلمك حلالك..
مهند:..
علي:مكانك ينتظرك يامهند..
مهند دمعت عيونه :كل شئ بحياتي سويته وتعاملت معااه غلط الا شئ واحد..
مهند حضن علي:هو اختياري لك..انت شخص"ماقدر يعبر"
علي خنقته العبره ..طول حياته عايش مع مهند..ويوم انتقل سوواا لاهله سالفه وراح درس عند اهل خاله بالرياض..عشان يصير مع مهند..ويوم طلع من السعوديه طلع وياه سنه ..لاكنه ماقدر يجلس ورجعته الظروف ..بس لازم بين فتره وفتره يشوفه..وبالسر رااح اشتغل عند بومهند مو لشئ ..بس لان هذا طلب بومهند..اللي ساعد ابوه بعلاجه..
مهند:فلوس الدنيا ياعلي..ماتسوى عند صداقتك..ودينك بيظل برقبتي ليين مااموت..
علي:مهند وش هالكلام..الحين مين اللي مديون هااه..يلااا قربنا
مهند:بعد في تكمله للسالفه..
علي:اايه بس خلها بعدين..
$$$$$$$$$$$
اماني بعدت عنه:بعد عني..قلت لك ماسويت لها شئ..
جمال:شنو اجل من اللي مبكيها هااه..
اماني:والله ماسويت لها شئ ..بعدين انت اسالها..
جمال:امـــــــــــــاااانــــــــــــــي..
اماني جفلت من صرخته..
جمال:علم يوصلك ويتعدااك..حريمي وبناتي ياويلك ان قربتي منهم..
اماني جلست على الارض اول ماطلع ..خذت نفس عميق وهي تحاول ..تحاول ماتصيح..
$$$$$$$$$
سوااله خياطه..وهو الحين منصدمم باللي صار..ناصر اخوي اللي ابديه على نفسي..كان ممكن يذبحني ..لف على عبدالاله اللي دخل..
فواز:لوسمحت عبدالاله اللي سمعته اليوم مايطلع برااا
عبدالاله:وش اللي سمعته..
فواز كان هلكان والتعب هاده:كل شئ..
عبدالاله:بس لازم جدي يعرف..انا بدق اقوله..
$$$$$$$$$$$$$
دخ لبيت بنته بعد الخبر اللي سمعه بالجوال ..معقوله بوفواز..زوج اماني..
الجد:نــــــــــــــــــــــــــدى..نـــــــــــــ ــــــــــــدى..
لاكنه مالقى رد..توجهه لعند الغرف سمع صوت بكي
سعد:يباااه هذا صوت ندى تصيح..
وفتح الغرفه اللي يجي منها الصوت ..شافوا ندى حاضنه يوسف ولدها تصيح..
رفعت راسها وطالعتهم:لحقوااا علي يوسف ماااااااااااايتحرك..
$$$$$$$$$$$
قام فواز لاكن عبدالالع رجعه..
عبدالاله:لاتقوم ارتاح..
فواز:انت ...شفيك..ابروح لامي..
عبدالاله:انا بروح اشوفها..انت مو مطلعينك من المشفى اليوم..
فواز:من قالك بقعد..
عبدلاله:عشان خاطري..
فواز:انا مب جالس هنا..بس يخلص المغذي بطلع..استسلم عبدالاله وقام بيطلع ..وهو يمشي الا شافه جده وسعد..
عبدالاله:جدي شفيكم..
الجد:هااه..انا جايب يوسف ولد عمتك..مرره تعبان..
عبدالاله:لييه شصار..
الجد قال لعبدالاله سالفته..
الجد:انت وش فيك هنا..انت ماعندك دوام اليوم..بعدين انت كنت عن فوازوه وينه الخايس..
عبدالاله تبلعم:هاااه..اي..فواز..طااح..وسووا له خياطه..
الجد:هذا جزاه ..جزاه ماحافظ على اخوانه ..ويضربهم..
عبدالاله سكتت ماقدر يرد جده ..او حتى يقوله ..انه السبب في اللي صار لفواز..ناصر..
$$$$$$$$$$
مهند:متردد..انزل ولا..
علي:مهند..ماعهدتك كذا..امك داخل..روح احضنها اشكي لها..مهند امك لها سنين ننتظركم..مهند:طيب.."رجع طالع علي"..بتمرني..
علي:انشاء الله..لاتنسى كلم نواف..انا قايل له بيجيك..واحد..
نزل مهند وكان يخفي الخوف والتوتر..طق الجرس..
فتح له نواف..
نواف:ايوووه
مهند:السلام عليكم..
نواف:وعليكم السلام..ياهلا..
مهند:ممكن نواف..
نواف مبتسم:معاااك نواف..
ممهند:ماعرفتيني..
نواف:انت اللي جااي من طرف علي..
مهند:اييه..
نوف:حيااك اخوي تفضل..
دخل مهند وجلس بالمجلس ..لحظات..
مهند:نواااف ..انا..انا مهند..
نواف مستغرب مين مهند..فهى الاخ مايعرف او تناسى ..
مهند:مهند ولد رحاب وسامي ..اختك..امي هي رحاب اختك..نواف بفرح وقف:قسم والله..
مهند:والله
نواف قام حضنه:مهند وين رحاب تشوفك دقايق اصبر..
كان مضطرب مو عارف شيسوي دخل داخل يركض .
نواف:رحـــــــــــــــــاب..رحــــــــــــــــــــ ــــاب..رحـــــــــــــاب..يام مهند..
اخر كلمه قالها وهو يطالعها ..
رحاب :هلا نواف ..شفيك تصارخ..
نواف:عندي لك مفاجاءه..مررره رااااح تعجبك..
ام وليد:وش هي
نواف:قلت رحــــــــــــــــــــــاب..
في هاللحظه كل البنات وقفوا على الدرج "لينا -وردوه -رهف-صابرين-نسرين-طيف-البندري"
نواف رجع للمجلس وسط دهشه الكل..
نواف:مهند تعال..
مهند جره نواف معااه..كان مهند بداخله شوق..للكائن اللي انوخذ منه ..دخل للصاله..
نواف بفرحه:هـــــــذااا مهند..يارحــــــاب..مهند ولد ســـــــــامي..
رحاب من الفرحه ماقدرت توقف ودمعتها وقفت بعينها..
مهند هنا شافها ..شاف امه..اللي انوخذت منهم من عشرين سنه..
قرب منها ودقات قلبه يحس كل اللي حوله يسمعونها..
ركض لها مهند وحضنها وهو يصيح كانت قدام ضخامته صغيره..
مهند بوهن شوق:يمه..يمه..
رحاب تصيح وتتمسك فيه باقوى ماعندها..
امه رجعت له امه اللي دووم يحلم فيها..
لينا اللي على الدرج..ثاني مرره تشوف دموعه..جلست وهي تحاول تضبط نفسها..
عبدالاله دخل:فواز..
فواز لف عليه:نعم..
عبدالاله:لازم اقولك شئ..عن يوسف..
فواز خاف عليه وطالعه بتوجس ووجهه قلقان ..
عبدالاله:جدي جااابه للمستشفى..
فواز:انت اللي قلت له..
عبدالاله:ر وربي مو انا..اللي تزوجته اختك..طلع يعرف جدي قعرف منه..وراح لبيتكم..وتفاجاء..بيوسف مغمي عليه..وامك عنده..تصيح..شالوه..وخبرتهم..امك انك انت متهاوش مع ناصر ..ويوسف بالمستشفى وحالته ماتطمن..
فواز:ايــــــــــــش..."قالها بصرخه ..ومن بعدها جلس من ام ضرب براسه "
عبدالاله مسكه:فواز..
فواز:..
عبدالاله:فواز حسيت لازم اقولك..
فواز بعصبيه:جدي وينه "كان عارف ان جده بيعصب عليه"
عبدالاله:هنا بالمستشفى..
فواز ماسمع وش بقيه كلاااام عبدالاله وطلع مرع ..ماهمه جده..ولاحاجه بيروح لاخوه..يدور على غرفته..سال السستر...قالوا له رقم الغرفه وشافه..يتمنى الموت ولايشوفه كاا ..جسمه مره اصفر والاجهزه على كل انحاء جسمه..تقريبا..قرب منه..وجلس على ركبه عنده..مسك يده البارده..ومسح على شعره..
فواز:يوسف..يوسف..سامحني ..سامحني..سامح اخوك..ماقدر يخبي يوسف اذا تسمعني جاوبني يوسف..
يوسف حس باخوه سنده اللي تحمل الآلآم عشانه ..فتح عينه..يبي يشوفه يبي يحتمي فيه..مايبي يفضح عمره اكثر..يبي يطلع مع اخوه..معااه يحس بالامان..طاحت دموعه..
يوسف من تحت الاكسجين:...فـــ....ـو...از..
فواز:ياعيون فواز..تكفى يوسف لاتصيح..يوف خلااااااص ..عشاني ..يوسف..يوسف..
يوسف كان يصيح وهو يحاول يحضن اخوه..شال الكمامات من وجهه..
يوسف:طلعني..من هنا..
فواز رجع الاكسجين على يوسف..وهو يرجعه على سريره..تعذب..
ماكان عارف وش يسوي لاخوه..طول عمره مخبي ..وبعدها يجي يوم كل شئ يطلع للناس..
فواز:اهدى يوسف..كل شئ للحين بامان..
هل ياترى كل شئ بامان..
$$$$$$$$
مقتطفات من البارت القادم
*فـــــــــــوازوووووووه وينك فيه..
*معاك انا ياوليدي وين ماتروح..
*ابوي ماااات من زمااان..ومحد بمقامه..فاااااااهمــــين..
*وين كنت لاخر الليل هااااه..
*اول ليله هااه ولدي مب متعود ينام في مكان غير عندي فااهمه..واذا كان هالزواج بيغير شئ فطز فيه..
هنا ينتهي البارت العاشر الجزء الثاني اتمنى انه نال على اعجابكم
توقعاتكم
ودي
صرخه وفا
ولهانه لشوفته
البارت 11
الجزء الاولــــــــــ
الجد:شلوووون..ولد بنتي ناصر...بس ياجمال انت متاكد..انه ناصر ..ناصر..لالامشكور..ماقصرت ..طلبتك ياجمال لحد يعرف..مشكور ماقصرت..
قام الجد مغتاض حفيدي سكير حفيدي انا..مسك الجوال ودق..
الجد:فوااااااازووووووه..وينك فيه..
فواز:هلاجدي ..انا ..لييه ...
الجد:تعاااااالي بسرعه ..قبل لااجيك اكسر راسك..
فواز:وش سويت..
الجد:ويـــــــــــــــــــــــــن..انت ..ياللي ماتستحي كذا الامانه تسوي فيها كذاااا..
فواز خلاص حس انه انهار نفسيا :جدي موفاهمك..
الجد:وين انت
فواز:اناعند يوسف..
الجد:ايــــــــــــــش.."وسكر الجوال"
$$$$$$$$$
مهند حاط راسه على رجلها :كم مررره تمنيت هاللحظه تمنيت نجتمع كلنا ..انا وانتي وولايف ..وابوي "نزلت دموعه من جديد"بس وينه راااح وخلاني..انا محتاجه الحين اكثر من قبل..
ام مهند:خلاص ياعين امك خلاص..
مهند:يمااه..خلاص انا لقيتك..خلاص خلينا نرجع مع بعض..
ام مهند:معاااك انا ياوليدي وين ماتروح..
مهند ابتسم ورجع راسه على رجلها ..وهي تمسح على شعره..شكالها عن غربته..عن احزانه عن اعمامه ..عن جرحه ..عن اخته عن ذكرياته..
$$$$$$$$$$$
*فـوووووووووووووووااااااااااز
لف فواز على الباب يشوف جده قرب منه بيسلم عليه لاكن صدمه الكف اللي منه طاح على الارض..
رفع راسه وهو يحبس آه بقلبه..
فواز:شسويت..
الجد:شسويت خنت امانه كانت بين يدينك..ضيعت اخوانك..
فواز:جدي طلبتك فهمني انا مو فاهم شئ..
*انا بفهمــــــــــك..ياقليل الادب والتربيه..
ماامداه يلف راسه على ابوه..الاانهال عليه باالضرب والس والشتم ولاراعى خاطريوسف اللييحاول يتخلص من الاجهزه من حوله ويروح لاخوه..
بهذي اللحظه دخل عبدالاله وبعد فواز عن بوفواز..
عبدالاله:بوفواز اهدى..
بوفواز:منيين بهدااا وهالكلب..فاضحني منييين..
<<طبعا للان الكل يظن ان بوفواز هو الرجل الخلوق ...الي ماكو مثله..<<
الجد:ليييه..مانتبهت عليهم..هااه..انت تعرف ابوك..وسفراته نصور هذا هو سكير خمير..
بوفواز هنا شهق:شـــــــــــــنــــــــــــو؟!
وجاء بيهجم على فواز لان بالنسبه لبو فواز هذا عااااااااار..لانه مايماشئ الا الهاي هاي..
لاكن عبدالاله سحبه..وطالع بفواز اللي وجهه كله دم وثوبه بعد..لان جرحه اللي خيطوه انفك..
فواز طالع ابوه بالم:مافكرت بنفسك ليييه عيالك صارلهم كذاا..
بوفواز:من اهمــــــــــاااااالك..
فواز:لا..انا ماعمري اهملتهم..اعطيهم اللي يبون واكثر..صرت لهم ثنينهم الابو..اللي ماقدرت تصيره لهم..
كف جاه هالمره ..مو من ابوه من جده..
الجد:هذا ابوكم تفهم..تفهم..
فواز بتعب:هذي الحقيقه..لاتـ..
قاطعه بوفواز:انت تاكل تبن..موانت اللي تحاسبني فااااااااهم..
فواز يحس انه بادي يضعف:اجل من بيحاسبك..
عبدالاله قرب من فواز اللي متمسك بالسرير ودمه بدا يقطر على الارض ..كفايه اللي خسره من دم مسكه..
عبدالاله:فوااز..تعاااال معااااي..
بوفوازعصب:على وين تاخذه..
الجد:مابعد نكمل كلامنا معاااه..
عبدالاله توه بيتكلم الا طااااح فواز من بين يده ..
صرخ..
فـــــــــــــــــــــــــــــوووووووووووووووووووو وووووووووووووووووووووووووووووووووووووااااااااااااا اااااااااااااااااااااااااااز..
ركض له خايف عليه..بعد ماخلص نفسه من الاجهزه ..ركض له متناسي آلام جسمه ..سحب راسه لحضنه..
يوسف:فــواااااز..فـواااااز..رد علي ..الله يخليك لاتخليني ..فــواااااز..قولي انك ماااااراح تخليني..
الجد واقف يطالع بيده اول مره من سنين يرفعها على حفيد من احفاده ..دم فواز على كف يده..
بوفواز انسحب كانه غريب عن هالاثنين..فواز الللي مغمى عليه ويوسف المنهار نفسيا وبدنيا..
عبدالاله طلع ونادى الممرضات اللي شالوا فواز ..وودوه غرفه ثانيه..بوسط صرخات يوسف اللي اغمي عليه والجد المصدوم..
$$$$$$$$$$$$$$
دار مع صدقانه وشرب سكر..وبعد مامل قالهم رجعوني للبيت ..وصلوه للباب ..ونزل وهو يترنح..تقريبا شوي صاحي..فتح الباب ودخل وهو متمسك بمقبض الباب عن يطيح..
ناصر:ويـــــــــن..هــم..ذيـــــاـــي..مايـــــصــ دقـــــون..يـــــجي الليــل..عـــــشان..ينامــــــــــون..يمااااااااه. .يمــــــــاااااااااااااااه..ياماميتو..
رما نفسه على ارض بالصاله..وناام..نومه واحد مشتاق للنوم..
ام فواز...سمعت صوت وطلعت ماشافت احد..فرجعت لغرفتها وكلام ناصر ينعاد على مخها..
<<ناصر بدمعه:يمااه ولدك مستغلنا بكل حاجه ..كم مرررره ضربنا مانتكلم ويوم اليوم تكلمت معاااه بهداوه ..شوفي شسوى ..انتى ماتشوفينه من وراك شيسوي حطمنا يماااه ..حتى قداام ربعي مفشلني ..ماتمنيت تشوفين اللي سواااه اليوم..بس غصب عني..يمااه ..بكل شئ يمن علينا..حتى بالمصروف اللي ناخذه..كاننا بنحطه بحراام..
<<
معقوله يافواز تطلع كذا..تخدع امك..انا مو مصدقه..بس جاء بعينها شكله وهو يضرب ناصر..وبكي ناصر..وخلاها صادق بنظرها..
$$$$$$$$$$$
جابر:لينا..
لينا:..
جابر:لينا..
لينا:..
جابر:لينااا
سلاف:لينا عمك يكلمك ..
لينا:مالي خلق شئ..سكتواا عني..
سلاف لفت عليها وصرخت:لـــــــينـــــا..شـهالكــــــلااااام..عيـــ ب..عليك..
جابر بحزم:ســــــلاف..خــــــــلاص..
سلاف:ماتشوفهاااا...شايفه نفسها مدري على شنو..هاااااه..هذاا عمك بمقااام ابوك احترميه..
لينا:ابوي ماااات من زماااان..ومحد بمقامه ..فاااهمين..
كف جاء على خد لينا..
وبسرعه ماتوقعوها انحرفت السياره على جنب..ولف جابر والشرر يتطاير من عينه..وجر سولاف من يدها..
جابر بصرااخ:كــــــــــــــــم مـــــــــــــــــــررررره..قايـــــــــــل لـــــــــــــــــك..ماتـــــــــــرفعييــــــــــ ـن..يـــــــــدك..على اي وحـــــــــدهـ..منـــــــهـــم..
سولاف تصر على اسنانها:لازم اعلمهم الادب..
جابر:هم متعلماااااااات الادب ..واللي بيعلــــــــم مايضرب فااااااااهمه
سولاف:هم بناااااااتي واناااا حررره فيهم...بنااااتي انااااااا.."وطالعته بنظره صدمته"
جابر صرخ:مو بنــــــــاتــــــــــك..لحاااااالــك..فااااهــــم ـــه..ولالاء..وان شفتك..اوسمعت انك..رافعه يدينك وربي راااح يحصل شئ موزيـــــــــــــــــن..فااااااااااهمـــــــــــــ ــه..
وفتح باب السياره ونزل وهو يرقع الباب ..متوتر..متوتر..متوتر..متوتر..كلمه اخوه منصور الله يرحمه للحين بباله..
"منصور:الله ماعطاني الا هالبنتين..بس هم مثل العسل على قلبي..بعمري مابسمح لحد..ينزل دمعاتهم..تدري...بناتي هم حياتي..واللي يجرحهم يجرحني...لاتضايقواا انا اللي متضايق..موهم انا.."
رفع راسه لفوق..يااااارب..
في السياره كانت لينا تصيح ..وتطلق شهقات مكتومه بين حين وآخر..ورهف تهديها..وطيف..تناظرهم بصمت..
اما سلاف فمنقهره من جابر كيف يصرخ عليها..قدام بناتها..
طيف :ماما..
هنا نفتح الباب ودخل جابر..شغل السياره ومشى من دون اي كلمه..
اول ماوصلواا البيت نزلوا لاكن هو ظل..
طيف:بابا مااااااراح تنزل.
جابر:لاء
طيف نزلت وهي تشوف السياره تمشي قدام عينها..
$$$$$$$$$$$$
فتح عينه وهو يحس بالم بانحاء جسمه وعقله..يسترجع اللي صارله ..
تلفت مالقى حد حوله..قام من السريروهو يتمسك بالجدار..طالع براا الغرفه..
لفت نظره جده اللي جالس ومعااه...سعد وعبدالاله كلهم وقفواا وجاء له عبدالاله..
عبدالاله:فواز على وين..المفروض ماتطلع..
فواز بتعب:مالك شغل فيني..
ورااح يمشي وصل لبوابه المستشفى..اخذ جواله واتصل على صديقه امير..
فواز:الو..امير..
امير وهو فيه النوم:هممم..فواز هلا..
فواز:ابيك تجيني عند مستشفى الـ".."..اذا ماعليك امر..
امير:افا عليك احين جايك مسافه الطريق..
جلس فواز على الكراسي اللي براا..وهو ماسك الصيحه..مايبي..دموعه تنزل قدام قدام احد..يبي يختلي بنفسه..
$$$$$$$$
طالع بالساعه 12 ونص والسيد ماشرف ..وش اللي اخره..فجاءه دخل عليه..
بوخالد:عبدالاله..تو الناس..
عبدالاله:السلام عليكم..
بوخالد:وين كنت لآخر الليل هاااه..
عبدالاله:كنت بالمستشفى..
بوخالد:مو انت عطله اليوم..هاااه..عبدالاله..انا حاس ان وراك بلاوي..بس تراني ساكت وربي لوسمحت انك مسوي شئ من وراي ياويلك فااااهم..
$$$$$$$$$$$$$
نزل من سياره وهو تعبان..حيييل..بس معليه يستحمل..سلم عليه..وفتح باب البيت ودخل وهو يجر رجلينه جر...لفت نظره رجيل بالصاله..ودخل وطالع في الارض شافه ناصر ..تنهد..
فواز:الله يهديك ياناصر..
وجاء مسكه ووقفه عشان امه ماتشوفه كان بالياله يمشي وفواز يصبر نفسه على البلوى اللي اخوه حط نفسه فيها..
بنفس اللحظه دخل بوفواز البيت..وشاف فواز وهو يطلع ناصر على غرفته..قال بخاطره..هذا هو شايل اخوه ويمثل علينا بالمستشفى يعني..
عند فواز بعد ماحط ناصر بفراشه راااح للباب ثم لف على اخوه..
فواز:مدري وش اللي قصرت فيه والله مدري..
طلع وهو يجر اذيال الخيبه..توجهه برجله لغرفه امه..قرب منها ..بيرتمي باحضانها وبيشتكي لها همه..
ام فواز قامت:ماتوقعتك كذااا...
كانت تحاول تخفي صدمتها من شكله وباقي آثار الدم اللي مالي ثوبه ووجهه..
فواز يطالع امه منصدم شفيها بعد امه عليه..
ام فواز:اخوك خليصك تسوي فيه كذااا..خيبت املي فيك الصرااحه ..طلعت نسخه ابوك الثانيه..
فواز حس انه بنفس موقف جده وابوه:شسويت..
ام فواز:من وراي سوالفك الشينه..هاااه..لو ماتكلم اخوك..اليوم كان ماعرفت لك..ماقول بس حسبي الله ونعم الوكيل فيك..حسبي الله ونعم الوكيل فيك..
فواز طاح من قسوه امه الغير معهوده:يمااااه تكفين..الا انتي ...الاانتي...
ام فواز صدت عنه:اطلع عني يافواز..
فواز طالع في امه منصدم..وانسحب بهدوء من عندها ..طلع برااا الغرفه..
بوفواز:فــــــــــــــــــــــوااااااااااااااااااا از..
فواز اول ماسمع صوت ابوه ..ارتعد جسمه..
بوفواز:على بالك مرت علي كذبتك بالمستشفى..
فوازطالعه وش بقى بعد..
بوفواز:تمثيلياتك فاشله..مثل كل افعالك..
فواز:..
بوفواز:ماتقولي ليييه..لييه..مودي يوسفوووه..للمستشفى...
فواز:احين جااي لي بنص الليل تناقشني بموضوع زي كذااا يباااه..خبرتك تفكر قبل كل شئ..وين اخترب تفكيرك..
*فوازوووه احترم ابوك..
لف على امه شفيها امي متغيره مرره تدافع عنه..
فواز بعصبيه مايدري ليه كلهم ضده:وانا شسويت الحين هاااه..ماظن سويت حاجه..فاهمين..فاهمين..
كف انطبع على وجهه فواز..وياكثر الكفوف اللي خذاها اليوم ..
فواز طالعها مكسور قلبه وراح مسرع عى غرفته ..تسند على الجداربظهره..وترك دموعه الحريه في انها تبلل اوجانهوتختلط بدمه..تحولت دموعه الى صيحات مكتومه الي شهقات حاو يكتمها لاكن ترك العنان لها..وكان يشهق ويصرخ ..
فواز:والله حافظت عليهم وماضيعتهم..
ورما بجسمه على الارض ..وهو يسحب انفاسه بضعف..حس بسكون يكتسحه وهو يغمض عيونه..يبي يرتاااح وقلبه يتمنى الموت ..خلااااااااص ..تعب..
$$$$$$$$$
سعد:خلاااص يبااااه..قوم روح ارتاح تاخر الوقت مررره..
الجد:انشاء الله..الله يقومه بالسلامه..
سعد:آمييين يلااا يباااااه..
$$$$$$$$$$$$$$$$$$
فتح عيونه وطالع الساعه..انصدم 8قام بسرعه وراح على الحمام توضاء وصلى..استغفر الله شلون مااقوم اصلي..ياربي..
طالع بغرفه ولده..قام رااح له بيصحيه ..عشان يوديه المدرسه ..
خالد:حمودي بابا يلااا قوم ..حمودي..
محمد:خلووود..ابي اناام..
خالد تنهد رجعنا لخويلد..خلوووود..الله يعين بس..
خالد:حموووودي.."هز كتفه"..يلا حموووودي قوووووم عشان تشوف وش شريت لك امس..انا بروح اسوي الفطور قوم طيب بابا..
محمد:...
راااح خالد للمطبخ ركب الماي على النار..وراح للثلاجه طلع..مستلزمات فطور ولده ..اللي للحين ماتعود على رمضان..طلع جبن وجام وزيتون..الخ..
بعد ماحط الاغراض بالطاوله ..راح لغرفه محمد..شافه ماقاام
خالد:حمووووووودي..شقلت لك انا..
محمد شال الحاف عليه:هاااااه..قمت..
خالد راح لدولابه:يلااا روح غسل ..وانا بجهز اغرضك..
محمد:طيب..
راح محمد يغسل..
وهو على الفطور..
خالد:حمودي اليوم بيجيك واحد ياخذك من المدره طيب
محمد:لييييه..وانت..
خالد:انا لازم مااطلع اليوم من الشركه بيجيك وياخذك لعندي طيب..
محمد:طيب..
خالد:حمودي..
محمد:نعم..
خالد:وين تبي تروح اليوم بعد الدوام..
محمد:ماابي اروح مكان..
خالد:ليييه..
محمد:باااااااس..
خالد سكت وهو يطالع بولده اللي مو عارف يتعامل معه..
$$$$$$$$$$$$$
بوخالد:شخبارك بنو..من زمان ماجلست معك..
البندري:بخير يبه
صالح وفهد هنا التقت نظراتهم ..شاكين انها بخير..
البندري:شفيكم
فهد:مافينا شئ "ووقف"انا انتظرك برااا..
البندري:طيب البس عباتي والحقك..
بوخالد:البندري..في الطلعه انا بجي اخذك..
البندري:لييه يبااه..
بوخالد:بتفطر انا وانتي وورده في مطعم..
*احلى ياكشخه بالمطعم هاااه ونحنا مالنا نصيب..
لفوا على عبدالاله الي دخل وجلس على االكنبه..
بوخالد:وين السلاااااام..
عبدالاله انحرج وقام حب راس ابوه:شخبارك يبه..
بوخالد:الحمدلله..
صالح:يباااه ..في واحد من ربعي..يبي يتوظف عندنا بالشركه..
نروح لعند فهد ..طلع الا شاف على سيارته باقه ورد..
طالع بالورود ثم تلفت يطالع مالقى احد طالع ساعته من يرسل ورد هالوقت لا وبعد بصباح رمضان..شال الباقه اللي كلها ورد جوري..
شاف الباقه ..وعليها البطاقه..مسكها وحط الباقه على السياره..
هنا ينتهي البارت 11 الجزء الاول
ودي
البارت 11
"الجزء الثاني."
مسك البطاقه..
فهد:لاتصدق عمرك ..الباقه مو لخشتك..الباقه للقمر اللي بيركب معك..
تلفت حوله ورجع يقراء..
فهد:اما انت شبي بك اعطيك باقه حلوه بتنظلم الباقه..وليد..
فتح عيونه..وتلفت حوله يدور على وليد...
البندري سحبت من البطاقه:من منو؟,,,من العشيقه"وقرت اول مقطع"هههههههههههههههههههههههه فهد خخخخخ شنواا هذاا
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك