رواية طبع الحياة حزن وفرح وطبع الورود شوك وزهور -14
أم حسين : لا انتم أكيد تمزحون
الجوهره : والله ياليت
أم حسين : جد هالكلام ..؟
لمياء تصارخ مقهوره : ايوه يمه ايوه صح ولدك الرجال الطول والعرض
يضرب بنت يضرررررب بنت بنت يمه بنت
أم حسين : خلاص يا لمياء خلاص يابنيتي انا راح اتفاهم معه
الجوهره : وش راح تسوين ..؟
أم حسين : أنا اعرف كيف اتفاهم معه تراي اعرف هو مايحبها بس ولدي وأعرفه مايقدر يفارقها
لمياء : وش دراك يمه ..؟
أم حسين : لاحظي عليه كيف اذا جلس معنا وهي مو فيه كيف ينهبل لين تجي او يروح لها
لمياء : اجل انتي ناويه انك تـ ................
أم حسين تقاطعها : ايوه وربي لأخليه يندم
:
:
:
قامت يارا الصباح ودخلت الحمام وهي تحس بجسمها رايح فيها
يارا تشوف وجهها في المرايه وهي مقهورة وعيونها تدمع
يارا .. ليش يا طلال ليش تسوي فيني كذا انا يارا انا اللي احبك
أنا يارا ........ عصبت ... انا يارا اللي رضيت اهين نفسي
انا اللي رضيت انك تضربني ولا أخذت حقي منك
بس انا أوريك وربي لأوريك يارا الثانية وأنت ورني طلال الثاني
طلعت يارا من الحمام
وراحت صلت الفجر والظهر والعصر
خلصت وراحت لبست لها بنطلون جينز وبلوزه حلوه وناعمة
فكت شعرها ونزلت لها خصلة علشان تغطي الندم اللي في وجهها
حطت قلوس وطلعت ...
بس مهما حطت الحزن والهم والتعب كان باين في وجهها
طلعت وشافت طلال كان جالس في الصالة
راحت للمطبخ واخذت لها عصير وراحت تجلس في الصالة
طلال .. تنرفز منها ورفع عالتلفزيون وجلس يناظر ومسفطها على جنب
يارا .. عرفت انه تنرفز منها جلست تلعب برجولها وتحركها يمين ويسار وتقلب في المجلات
أنا بنــت الأصوـوـول ومـنـسبي من طييب " الأنسآإآب ~"
أنــــــــــا ماعآد لي في دنيتي بالهم والتعكيير
طلال مقهور : وعليكم السلام يا انسه
يارا تبغى ترد اعتبارها : ماقلت السلام علشان ترد !!
طلال : داري انك قليلة الادب ماقلتي السلام فحبيت اذكرك عساك تتأدبين
يارا وقفت وبصراخ : اسمع ياطلال صح امس ضربتني بس صدقني راح اخليك تندم
واليوم تقول اني قليلة ادب يعني تسب ابويه وامي اللي ربوني
بس تخسى الا انت انا اادب منك واسواك واسوا عشره من اشكالك وامسك لسانك قبل لا يوصل كل شي تسويه لأهلي وذاك الوقت راح يعلمونك الرجولة كيف تمد يدك على بنت وتطول لسانك عليها
طلال قام وهو معصب : يارااااااااااااااااااااا
يارا جلست وهي خايفه وحطت رجل على رجل ورجعت تشرب من العصير وسفهته
طلال قرب منها ومسك كوب العصير وكسره : اسمعي ترا سكت لك كثير وربي لالحين اجرم فيك واعلمك كيف الوحده تتعامل مع زوجها
يارا والعبره خانقتها : وليش ماتتعلم قبل لا تعلمني كيف الرجال يتعاملون مع زوجاتهم
ولا كل شي بنت بنت ..؟!
طلال : لا ترادديني ثاني مره
يارا : هذا مو مرادد هذا اسمه اخذ حقي
طلال رفع يده يبغى يعطيها كف بس وقفه صوت الباب
طلال : هلآ والله حياك يمه .
أم حسين بكل هيبة : وين يارا ..؟
طلال : سمي ...؟
أم حسين : من قال هاه سمع ناد لي يارا
طلال : ابشري يمه
جت يارا : ياهلآ ياخاله
أم حسين قامت لها والابتسامه على وجهها : هلآ والله وغلآ هلآ ببنتي بنور عيني
يارا جلست : هلآ فيك يمه
أم حسين : فديت هالكلمه منك ياروح أمك
يارا بحزن : الله يخليك ياخاله
قامت يارا تبغى تضيف أم حسين
أم حسين : يارا تعالي
يارا جلست : نعم
أم حسين : أرفعي شعرك من وجهك
يارا : لييييييييش
أم حسين : بس قلت أرفعية
يارا تناظر في طلال وهي ترفعه : وش فيه ياخاله ..؟
أم حسين مصدومة : انا اللي وش فيني ولا وجهك ..؟
طلال : .........................
يارا : .......................
أم حسين وقفت بكل هيبة : طلال قول لي وش هاللي في وجه يارا ..؟
طلال : سلامتك يمه
أم حسين : الله لا يسلم شيطانك هذي هي سلوم الرجال يارجااااااااال ..؟
طلال : ........................
أم حسين : احد معاه وحده مثل هذي ويسوي فيها كذا .. طلع لها اللي في قلبك ترا موب عيب
ترا هذي زوجتك فاهم وش يعني زوجتك .. بس الشرهه موب عليك عاللي يعطيك جوهره مثل هذي ولا أنت قدها لانها أغلى منك ..... قومي معي يا يارا
طلال : على وييييييييييييييين ..؟؟؟؟؟
يارا تناظر في طلال بحزن
أم حسين : مال أحد كلمه من بعدي فاهم ..؟
طلال : كيفك
أم حسين مقهوره : يا يارا جيبي اغراضك وامشي معي
هذآ ه? آللي ?پيه..آني آرحل من حيآ?گ..
?آشعل عي?ني پـ ليــه..!
پس خلـآص..!!
هذآ ه? آللي قدر?ه ?قدرگ رپي عليه...؟
پذم?گ هذآ گلـآم ..؟
يارا بكل حزن : حاضر يمه
:
:
:
الجوهره وتوها راجعه من السوق
الجوهره : انا الحين وصلت البيت بس انت متى ترجع للرياض ..؟
ناصر : اووخص يا اختي صرتي تحبيني ..؟
الجوهره : ههههههههههههههههههههه ياحبي لهبالك بـس
ناصر : اها وانا الغلطان يعني تحبين هبالي بس صاحب الهبال ماطقيتي له خبر
الجوهره : ههههههههههههههههههههه احب الهبال وصاحبه فديت قلبك يا اخوي
ناصر : يالله ياقلبي انا الحين باقفل
الجوهره : اوكي في حفظ الرحمن
وهي نازله من السيارة ومساعد طالع من باب القصر
الجوهره .. وه يازينك ياشيخ
مساعد .. احلى صباح وربي
ركب مساعد السيارة وهو مبتسم
ودخلت الجوهره القصر وهي مبسوطة
:
:
:
مشاعل : واااو وناسه راجعين لأبها
خالد : مالت عليك أحد في كندا ووده يرجع للسعودية
مشاعل : تلايط يا أخي العزيز انا فرحانه لأني راح اقابل يارا
خالد : هههههههههههههههههههههه الله يرجك ناسية انها متزوجة وبالرياض ..؟
مشاعل : أي والله بس معليش راح نجلس يومين في الرياض
أبو خالد : يالله يا أولاد هذا النداء الأخير عالرحله
~{ .. لو آدري انك مرآفقني لحـآجة لأعطيك حـآجتك وآقول [ فـآرقني ] ..~
في الطيارة المقلعة من كندآ .. للرياض
:
مشاعل : ياليل المصالة أنا في كل جحر في كندا أشوف هالجني معي ..؟
خالد : نعم ..؟
مشاعل : هاه لا أبد سلامتك
خالد : هع اختي انجنت الحمدلله
عبدالعزيز .. ملامحها تذبح وناسه معي في نفس الرحلة خخ
:
:
:
غيداء : يارا عندنا .. ونااسه
يارا تبتسم بحزن : الله يسلمك
لمياء : يرو أمي تقول رحلتك لأبها بكره
يارا : يووه نسيت ........ بس مع مين أروح ..؟
غيداء : بلا ذكاء زايد أكيد راح يكون مع طلول
يارا بحزن : لا
لمياء : غيداء اطلعي برا شوي
غيداء باستغراب : طيب
لمياء : يارا وش فيك كذا حزينة ..؟
يارا : مافيني شي
لمياء : اممممم تحبينه ..؟
ؤيحّ ــدثونني عّنـِـكْ فأبكِـِـيّ ,’~
لآأآحـــد أَحبـــّك مثلي !
يارا تركت دموعها تتكلم
لمياء : بعد كل اللي سواه فيك ..؟
يارا : شسووي يالمياء علشان كذا دائما البنت مسكينة قلبها يمشي على كيفه
بس الرجال يمّشي قلبه على كيفه
لمياء : مو معقوول يا يارا اكيد شفتي في طلال شي حببك فيه
يارا : لا صدقيني معقوول ومعقووول ولو ماكان معقول ماكان قدر طلال يمد يده علي
لمياء : امسحيها في وجهي يالغالية
سكتهم صراخ أبو حسين
أبو حسين بصراخ : شوف اذا أنت تبغى البنت بس علشان تهينها وتتسلى فيها فطلقها ولا وربي لاوريك شغلك
طلال معصب : لولا ديونك وشغلك أنت وأبوها كان انا وهي محنا في الهم اللي حنا فيه
أم حسين تسكته : أسمع ياطلال مو معقول 3 شهور ماقدرت تتأقلم معها ولا تحبها
ولا تحمل ابوك وأبوها غلطتك لو كان اللي يكون مافي أي مبرر أنك تضربها
طلال : والحل هي صايرة طويلة لسان ولا صارت تسمع كلامي افهموووني
أبو حسين بصراخ : لا تظلم البنت شوف رغم اللي تسويه معها كيف هي قمة الادب والاحترام معك
وشوف اذا منت تتحمل المسؤولية طلق البنت احسن لك ولها
طلال معصب : طلاق منيب مطلق
أم حسين : اجل مستانس انك محصل مين تذله وتهينه
أبو حسين : تعالي معي يا أم حسين
طلعوا لغرفة لمياء وتركوا طلال
:
:
:
محمد : خلاص ياخي لا تسافر كلها بعد يومين وبأتزوج
ناصر : أي والله معك حق
محمد : بعدي والله اجل يالله روح جيب ثوبي من عند الخياط
ناصر : ههههههههههههههههه ابوك يالمصلحجيه وأنا اقول هالطلب موب لوجه الله
محمد : ههههههههههههههههههههه
ناصر : ابشر بسعدك نص ساعة وهو عندك مع أني ما ادل أبها بس ازهلها
محمد : اجل يبي لك 3 ساعات ونص
ناصر : ههههههههههههههههه ولا يهمك الا ان ثيابك توصلك
طلع ناصر ومحمد رجع يكمل شغله
:
:
:
حسين : اجل مسافر بكره ..؟
هيثم : ايوه تامرني بشي ..؟
حسين : تسلم بس طلال عنده شوي شغل مايقدر يسافر بكره مع أختك
فقلت تأخذها أنت معك واذا خلص طلال شغله نجي سوا
هيثم : ايوه عادي
حسين : خلاص عطها خبر
هيثم : اوكي .. انا استأذن
حسين : أذنك معك يالغالي
:
:
:
ودي أرحـل عـن حيـاتك بس مدري ويــن أروح ؟!!
وين أودي خطـوتـي وإنـت جهـاتي الأربعـة!!!!!
أبو حسين : شوفي إن قلتي أيوه مستعد أدرسك على حسابي وارسل لك كل شهر مالا يقل عن 3000
وإن قلتي لا الله يوفقك وفي وجهي من طلال ما دام راسي يشم الهواء ..
يارا بحزن : تسلم ياخالي وما تقصر
أم حسين : ودك تفكرين ..؟
يارا بحزن : لا ياخالتي أنا أقول أيوه مو علشان لا دراسة ولا شي أبويه مستعد يوفر لي كل شي
بس ياخالي صدقني ما عاد انا قادرة أتحمل أعذرووني بس وربي موقادرة
أبو حسين بقهر من طلال : اللي تبغينه يابنيتي بيصير وداري أن ابوك مايقصر عليك بشي
بس أنا أحبك وما اعتبرك الا وحده من بناتي
يارا تبكي : تسلم ياخالي ماتقصر وربي يشهد إن ما شفت منكم الا كل خير
أم حسين باستها وطلعت هي وأبو حسين ويارا نامت
:
:
:
~{ .. لو آدري انك مرآفقني لحـآجة لأعطيك حـآجتك وآقول [ فـآرقني ] ..~
الكل كان نايم قامت مشاعل تبغى تروح لدورة المياه
وصلت كانت بتدخل حصلتها مشغولة وهي راجعه
عبدالعزيز : تفضلي أختي
مشاعل قلبها قام يطربق : شكرا
عبدالعزيز : العفو
دخلت مشاعل وغسلت وجهها ورتبت نفسها .. وطلعت
خالد : وين كنتي ..؟
مشاعل : ابد بس كنت اساعدهم في تجهيز العشاء
خالد : هههههههههههههههههههههه بايخة
مشاعل : اقول مالبايخ الا انت يعني وين راح اكون فيه غير في دوره المياه ..؟
خالد : اجلسي اجلسي واصه خخ
مشاعل تبغى تكمل محاشر مع خالد بس سكتتها نظرات عبدالعزيز
:
:
:
ناصر : ايوه يمين ولا يسار ههههههههه
عبدالرحمن : لا أمش يمين وتشوف المحل على يسارك
ناصر : خلاص حصلته نتقابل عند محمد اوكي ..؟
عبدالرحمن : خلاص تم
قفل ناصر
ناصر لفت إنتباهة شي في سيارة محمد
لف عالمرتبه يبغى يشووفه كان سلسال ذهب لأسيل مكتوب عليه اسمها
وهو جالس يناظره ويتأمله .................................................. .........
الٍمَُوٍتْ مَآ هًوٍ لْا تٍكفْنت { بٍتْرٍآبٍ }
الٍمًوٍتْ لٍاصٍرْتٍ أٍنْتٍ { مَآعًآدٍ هَُوٍبْ أٍنتٍ }
ناصر ماكان يسمع الا صياح الرجال من حوله وصوت الإسعافات والشرطة
:
:
:
أسيل : دحووم ماخلصت الكوفي حقي
عبدالرحمن : أسولة والله مشغول بعدين محمد ينتظرني
أسيل : طيب
وهم في طريقهم للسيارة
الظابط : الو السلام عليكم
عبدالرحمن : هلآ
الظابط : تعرف صاحب هالجوال ياخووي ..؟
عبدالرحمن شد على يد أسيل : أي نعم يا اخوي مين معي ..؟
الظابط : معك الظابط سالم القحطاني وصاحب الجوال صار عليه حادث
عبدالرحمن مرعوب : وكيف حالته ..؟
الظابط : والله رجال الإسعاف يقولون حرجه بس ياليت تلحقنا عالمستشفى
عبدالرحمن قفل على طول وسحب أسيل وركب السيارة
اسيل مفجوعة : ووش فيه ..؟
عبدالرحمن : ............
أسيل : عبدالرحمن أهلي فيهم شي ..؟
عبدالرحمن : لالا ريحييني
أسيل : اجل مين ترا خووفتني
عبدالرحمن : ناصر ناصر خلاص اسكتي
أسيل تبكي ناصر لا ياربي ياربي ارحمه برحمتك ياربي احفظه وعافه وأعف عنه
يارب يارب وزاد بكأها .. بس عبدالرحمن ما حس فيها
:
:
:
هـنـاك كنتـي سـاكتـه و هـنـاك كنتـي ’ تـضحـكيـن ،
و هـنـاك لا مـنـا لـعـبـنـا .. ما تـجـيـن إلا | وراي | ... !
مـا كـنت سـاعتـها أخـاف إلا مـن انـك [ تـزعـليـن ]
ولا شي يـهمـّك وقـتـها إلا انـّي اظهـر لك , رضـاي ‘ ... !
طلال .. كان جالس يفكر في يارا ويشوف كل شي في البيت يذكره فيها
صح اشتقت لها بس ليش كيف اشتاق وأنا اصلا ما احب
معقول أحبها .. ايوه احبها ليش اكابر وش نفعني عنادي فيه
ليش لييييييييش
:
:
:
أَشًتّقـ‘ـتً لَكٍ يَآخُوٍيَ ودِيَ أشُوّفِكً
أَشًتّقـ‘ـتً لَكٍ يَآخُوٍي وَيِنٌ ألآقِيّكٌ ..؟!
أبرار : وحشني عزوز يمه
أم حسام : يرجع لنا بالسلامه إن شاء الله
أسماء : عاد أنتي مسويه لي متعلقه فيه بقووه
أم حسام : أسماء وش فيك على أختك ..؟
أسماء : ياربي كل شي أبرار أبرار
أبرار : اقول روحي ياماما ألعبي بعيد لولا الغيره ماكبرت الصغيره
أسماء : شفتي يمه ولا قلتي لها شي ..؟
أم حسام : لأنك أنتي اللي بديتي يالله قومي وريحيني
أسماء قامت وهي زعلانة
:
:
:
الجوهره : يعني خلاص مصره ..؟
لمياء : هذا اخر كلام قالته الا اذا غيرته مدري
ندى : ياحياتي يا هم بس بيني وبينكم ما احد يصبر على طلول الله يهديه
الجوهره : لو انا بدالها كان قلت لأخويه يكسر راسه
لمياء : ههههههههههههههههه
غيداء : وبعدين هيثم ياحبي له مسالم من حاله في باله
ندى : حضرة محامي الدفاع لو سمحت اقضب لسانك
الكل : هههههههههههههههههه
:
:
:
طلال : مو مهم رأيها يبه
أبو حسين : اجل راي مين غيرها مهم ..؟
طلال : يبه أنا ابغاها ما ابغى اطلقها
أبو حسين : أسمع طلاق وبتطلق وغير هالكلام ما ابغى اسمع
طلال : يبه حرام عليكم حرااااااااااام
أبو حسين : الحرام أنك تهنيها وتسوي فيها اللي سويته
أم حسين : تنادي يارا
يارا ماكانت تدري ان طلال موجود
يارا : نعم خالتي !
أم حسين : أجلسي يمه
يارا شافت طلال وأنصدمت وفي نفس الوقت خآفت
بالأمـس قلنا عسى لو نلتقي { لحـظه
واليوم قلنا ياعسى طالت أمانينا
ليـت الزمن ماجمع مابينا ليلهـ ..!
{ حتى منع عننا حرقة تجافينا
يارا .. شوفتك تعذبني وتجرحني ليش جيت ليش
طلال .. وين الإبتسامه والنور والفرح اللي كان واضح على وجهك يا يارا أنا آسف
يارا وطلال : .........................
أبو حسين : تبغين تكملين حياتك معه وأنا أبوك ..؟
يارا خايفه تتخذ قرار غلط : ...........................
أبو حسين : ايوه ولا لا ..؟
يارا تحرك راسها بمعني لا
أبو حسين : سمعت رأيها ياطلال وأنت عليك الباقي
طلال وعيونه تدمع والكل أستغرب
طلال : يارا أنتي ا ا أنتي .............................. طـــــآلـــق
وعلى طول خرج من البيت
ويارا طلعت الغرفه وجلست تبكي
:
:
:
يـامرض ..!
قوم عن جسـدهـ وتعال اسكن بجسمي
محمد : ياربي ياربي صبرك
عبدالرحمن : نبغى أحد يطمننا
أسيل جالسه تبكي لحالها
طلع الدكتور
الكل قام لعنده
عبدالرحمن : طمننا يادكتور وش صار ..؟
الدكتور : انتوا اهله ..؟
محمد : ايوه حنا اهله
الدكتور : لا هو إن شاء الله بخير بس فيه كسر برجله اليمين
وفيه جروح بسيطة تعاملنا معها وجروح غزيرة عملنا لها خياطه وإن شاء الله مافيه الا العافية
وبكرة إن شاء الله نشرف عالحالة ونقرر متى الخروج عشلان اذا كان فيه مضاعفات
عبدالرحمن مبسوط : مشكور يادكتور ماتقصر
محمد : الله يعطيك العافية
الدكتور : ولو وأجبنا يقوم بالسلامة إن شاء الله
أسيل كانت مبسوطة والدنيا مو سايعتها
:
:
:
طبع الحياة حزن وفرح .. وطبع الورود شوك وزهور ..~
اليوم الثآني ..
:
ناصر : يتألم وما يتمنى إلا بشخص وآحد يكون جنبه
أسيل : مانامت تفكر في نآصر وتدعي له يرجع بالسلآمه
طلال : يلوم نفسه ويلعن اليوم اللي غلط فيه على يارا
يارا : الحزن مازال ساكنها والدموع رفيقتها .. وتستعد للرجوع لأهلها
عبدالعزيز : وده يوصل وما وده .. علشآن مشآعل
مشاعل : تذبحها نظرات عبدالعزيز لها وفي نفس الوقت تتنرفز منها
هيثم : مقهور على أخته و حآقد على طلآل
:
:
:
هيثم : الو
يارا : هلآ
هيثم : جاهزة ..؟
يارا : أيوه
هيثم : يالله أجل أنا تحت أنتظرك
يارا : طيب
لآ شِفُتنِيّ ضَآيِقّ وَأهِل الدِمُعّ وأبَكِيّ بإقًتِنآعّ
لاُتـُ ح ـزُنك ًعيَنيْ يآ أخوٌيِ ولاتشُرهً عٌلى دٌمـ ع ًـآتها
هيثم : ماعليك يا يارا وبعدين يقدر يرجعك
يارا : بس انا ما ابغى أرجع
هيثم : هالمره بكيفك ولا أحد راح يغصبك بعد هالمره وراسي يشم الهواء وأنا اخوك
يارا لفت وجهها عالشباك وجلست تبكي بصمـــت
:
:
:
لو يعرف الورد من جبتـہ عشانـہ
گان قبل اشريـہ يسبقنيے عليگ
ألف بسمـ اللہ علىے مترف زمانـہ
المرض مثل مثل غيرـہ يبيگ
والمرض معذور .. لو انيے فيے مگانـہ
گان اخليے گل هالعالمـ واجيگ
ناصر .. وه فديت قلبها أنا ترسل لي ورد
ليتني كل يوم أتعب
عبدالرحمن :مساء الخييير
محمد : ياشينك ياخي لا صرت تتغلا
ناصر : مساءالنور ياهلا ههههههههههههههههه
عبدالرحمن : اخبارك ..؟
ناصر : الله يسلمك انا تمام
محمد : ايه داريين أنك أكبر نصاب خلقه ربي
ناصر يرميه بعلبة الفاين : ترا لو ما ثيابك ماكنت أنا هنا الحين لكن الشرهه عاللي يجلس يساعدك مالت
الكل : هههههههههههههههههه
عبدالرحمن : ياخي ماعليك كأنك ماتعرف ذا المصفوق
ناصر : دامك تعرف انه مصفوق مستشفى النفيه الله لا يهينك
محمد : افا هذا العشم فيييييكم ..؟
ناصر : هههههههههههههههههه
عبدالرحمن : مشكلتنا نحبك ولا بالله قول لي مين اللي يحب واحد مثلك
محمد : اقول الشرهه مو عليكم عاللي يجي معك وعاللي يزورك
كملوا الشباب ضحك وسوالف لين صلاة العصر وبعدها مشوا
:
:
:
أغراب ع دروب الهنا ضاعت خطاوينا
أغراب بليل الهواء .. ضاعت أمانينا
وإفترقنا
بلا بــسمه
بلا دمعــه
ولا بكلمة عتـاب
.. أغراب ..
وصلت الطيارة من كندا للمغرب للإمارات للرياض
مشاعل .. تنآظر في عين عبدالعزيز وعبدالعزيز نفس الشي
حست مشاعل على نفسها ونزلت راسها وشلت شنطتها ومشت
مشاعل .. تمشي خطوتين وتلتفت وراها ما تبغى تفقد عبدالعزيز أو تضيعه
عبدالعزيز .. عيونه عليها ويتبعها مثل المجنون ولا هو داري وين تروح
أفــــتـــرقـــوا ..
عبدالعزيز جلس في المطار وحاط يده على راسه معقول حبيتها
لا مستحيل بس جذبتني بأسلوبها بحركاتها بضحكتها ببسمتها
معقول 3 أسابيع وهي في وجهي في كل مكان وما افقدها .. يلعن أبو الصدف ما تخلف الا الجروح
:
مشاعل تلتفت يمين ويسار وهي في السيارة ماراح أشوفه ماراح أشوفه
بس يمكن يكون ياقي ورانا وتلتفت ورا وقدام صايره مثل المجنونة
فقدت الأمل ونزلت دمعهتا غصباً عنها .. يلعن أبو الصدف ما تخلف الا الجروح
:
:
:
أم سعود : الله يسلمكم والله حنا اللي شرفنا نسبكم
أم حسام : الله يسلمك يالغالية
:
لمياء : يالله يا يابريبر مو حلوه بحق الحرمة تجلس تحت
أبرار : بنات خايفه
ملاك : هيه ترا ان مانزلتي بأنزل ولا بيحدني الا مجلس عمي
أبرار : انزلي علشان احش رجوولك
البنات : ههههههههههههههههه
أبرار نزلت وهي لابسه تنورة شانيل أبيض وبلوزه ناعمة أحمر
وفاكه شعرها وحاطه كحل وقلوس خفيف
طالعه مره جذاااااابه وكيوت
أبرار كانت ميته خوف وخجل
أم سعود : ماشاء الله بسم الله على قلبك الله يحفظك
أبرار بخجل : الله يسلمك
جلست أبرار شوي وناداها حسام وعمها منشان توقع
أبرار العبره خانقتها : لآزم ..؟
عمها : ههههههههههههههههه اذا تبغين تعرسين
حسام : يالله ياعيوني لا تخافين
وقعت أبرار وملكت بس مافي حفلة ولا شي بس زواج
دخلت أبرار للمجلس تمسكت في حسام
حسام : ياحياتي يابرو ماعليك انا معك
أبرار بهمس : لا تتركني تكفى تكفى
حسام : انا باتركك وبيدخل معك غيري
أبرار مستغربه : ميييييين
عبدالعزيز من وراها : انا يعني مين غيري
أبرار : .............................
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك