رواية ما كل جرح يطيب من عذر حبك كل يوم يكبر بقلبي -14
يزيد ببرود: والله انا سامع الصوت و مو عاجبني ارخيه بسرعه لايجيك كف يعدل وجهك بسرعه
" رخيت الصوت و انا بموت قهر نايان متى ارجع جده متى بس متى !! وربي لاطلب الطلاق هذي عيشه لا تطاق جاب لي الهم ذا الرجال معاد فيني حيل استحمله اكثر من كذا "
يزيد بسخريه: في اش تفكر ست الحسن و الجمال ؟!.
لينا بهدوء: اقول يزيد
يزيد بستغراب: خيييييييييييييير
لينا ببرود: انت ماطفششت مني ؟!.
يزيد: ههههههههههههههههههههه حلوة لا ماطفششت عندكِ شيء ؟!.
لينا: لا طبعاً ماعندي شيء بس انا طفششت صراحه انت ماتبي تطلقني ؟
يزيد بخبث: لأ لين انا اطفشش ذيك الساعه اطلق مو بكيفكِ !! و ترا اذا يعني تفكرين من هينا ولا من هينا إني برجعكِ جده فأحلمي على قدك ياماما طيب
لينا: اففففففففف منك و من ذي العيششه
و راحت ع الغرفه و لحقها يزيد
يزيد وهو يمسكها من معصمها و يشدها له و يهمس في اذنها: طفشاانه ؟
لينا ببرود: كثير
يزيد بهمس: اللحين يروح الطفشش ~.~
ليا بتوتر: لأ يزيد لا تـ,,,
و ما اعطاها مجال تكمل باقي كلامها .,
..
مطار جده } .,
ريناد بخوف: عبادي انا حاسه انه اهلي فيهم شيء صوت تولين يوم كلمتني ما عجبني
عبد الله بهدوء: مافيهم شيء ان شاء الله بس انتي لا توسوسين
ريناد: طيب
عبادي وهو يغمز لها: بس فكري في رحلتنا وكيف نقضي شهر عسلنا القميل ياقميل
ابتسمت ريناد بخجل و هي تضرب كتفه ع خفيف .,
..
المستشفى - غرفه لين } .,
تولين بقهر وحده: و انت ليش تقول له باللهي عليك هاا ؟!.
محمد ببرود: خلاص ياخي قلت له و السلام انتهى الموضوع
تولين بقهر: هيا اللحين لو تدري لين اش تسوي وربي لتزعل
محمد: و انا اش دراني انها بتزعل
تولين: اففففففففففف , وين امك و ابوك ؟!.
محمد: اللحين جايين ,
دق دق دق ~> صوت الباب
تولين: اتفضلوا
دخلوا ابو محمد و ام محمد و معاهم إكليل إلي جابها فارس و صادف إنها جات معاهم في نفس الوقت .,
إكليل وهي تسلم ع لين: الحمد لله ع سلامتكِ ياقلبي ماتشوفين شر يارب
لين ببتسامه: الشر مايجيكِ يارب
ام محمد ببرود: سلامتك
لين بحزن: الله يسلمك ماما
ابو محمد وهو يروح عند لين و يبوس خدها و بحنيه: سلآمتكِ يا بابا
" استغرت ذي الحنيه من وين جايه له " و بسخريه " هه صح وانا وش دراني انه مايعامل عياله كذا اظن بس انا إلي يعاملني بطرف خشمه و ببرود "
لين بهدوء: الله يسلمك بابا
ام محمد ببرود: يلآ ماتشوفين شر يا لين " و تلتفت لسعود " انا رايحه وحده من صاحباتي عندها حفله عازمتنا عليها
ابو محمد ببرود: زين روحي
خرجت ام محمد و نظرات عيالها البارده و الغير مبالايه تطالع فيها عكس نظرات تولين إلي الصدمه باينه فيها
" يا ساتر يارب في ام زي كذا بنتها مريضه و يارت شيء مرض عادي سخونه ولا زكمه إلا سكر و فقر دم شديد , تجي تقول لها بطرف خشمها و ببرود كمان سلامتكِ ؟ جد ناس مافي في قلبهم رحمه حسبي الله على ابليس بس " و بسخريه " هه و لا كمان ابو محمد يقول لها زين روحي و نعم الاب وربي شيء غريييييب !! "
ابو محمد ببرود: كيف حالك يَ تولين ؟!.
تولين بهدوء: بخير
ابو محمد وهو يوقف و يكلم لين: يلآ يَ بابا انا بروح و انتي ان شاء الله بكرا تخرجين و ترجعين البيت
لين بحزن: طيب
خرج ابو محمد و بقي إكليل و تولين و محمد
من يوم ماخرجوا ابو محمد و ام محمد حل الصمت ع المكان .,
ما غير من نظرات الحب بين محمد & إكليل
تولين بهدوء: امم لين بقول لكِ شيء بس لا تزعلين الله يخليكِ !!
لين بسخريه: عادي قولي ما اظن شيء بيزعلني كثر جيت ماما و بابا البارده وإلي مالها داعي ذي لو انهم في البيت احسن ياريت ما قلت لكم خليهم يجون 5 دقايق ع بعضها ماجلسوا
تولين بتوتر: لا انا كنت بقول انه بنـ,,,,
دق دق دق ~> قطع عليها كلامها صوت الباب
محمد بهدوء: انا و إكليل بنخرج
تولين هزت رأسها بتفهم
خرجوا إكليل و محمد و دخل بندر !!
بندر بخجل: السلآم عليكم
لين بدون نفس: و عليكم السلآم , انتَ مين قال لك تعال ؟!.
بندر بهدوء: محد قال لي تعال انا جيت بنفسي
لين ببرود: طيب اش تبغى ؟!.
بندر و هو يتقدم لجهه السرير و يحط بوكيه الورد فوق الطاوله الصغيره: ما ابغى شيء بس بشوفك و اتكلم معاك
و طالع في تولين
ممكن تخلينا لوحدنا شوي
تولين بحده: 10 دقايق و بعدها برجع ادخل
و خرجت بسرعه و ما اعطت مجال لبندر انه يقول شيء
لين ببرود: وهذي تولين خرجت خير وش عندك ؟!.
بندر بهدوء: اول شيء سلآمتكِ ماتشوفين شر , بس قولي لي قبل كل شيء ليش انتي في المستشفى !!؟
لين بسخريه: يعني جاي لي المستشفى وانت ماتعرف وش فيني ؟!.
بندر بحده: اش فيك يَ لين !!
لين ببكى: معاايا السكر ارتحت
بندر بصدمه: ايش السكر !!
..
.. { الـبـإآرت الـ 23 } .,
واضـح كلآامـي و أدري فيـك فـآهمــني
لآا عـاد تنشـــد علـى قلبــي و أفعـآآآلـه
أرجــوك كـآفـي دخيـلك روح و فـآرقنــي
حيـرآآن قلبي معـآك وحـالتـه حالــــه
مـآا كـآان لـه دآعي تحرجــني و تـلآاحقــني !!
داريـت حبـل آلوصـّل و إنقطعـت حبـآلــه
لآا قلـتـلك " لأ " يعـني لآا تنـآقشنـــي
أنـــآا آآآخـر إنسـآان يتراجع عـن أقوالــه
إحفـظ كـرآآمـة غـلآااااك ولآا تنـاظــرني
لـو صـار قلبـك ذهـب [ مـآا أقبـل وصـالــه ]
صبـرت يـامـآا و كـآان آلصـّبر جـآآآرحــني
" أضحـــك و عيــني تصـب آلدّمـع همـّـآآآلــــه "
نـآآاديـت و غـير آلصدى مـآا أظـّن سـآامعـني
عـانيــت لجـلك و قلبـك [ مـو علـى بـآآآآلـــه !! ]
وآلحــين لمـآا نسيتـك قلـت : وآآآحشـني ؟؟
تســأل عـن أخبـآار قلـبي و آخـر أعمـآالـــــه ~
لآآ والله طيّــب و فيـك آلخ ـيـر ~{ فـــآاقــــدنـــــي ؟
|[تعـّبـت نفسـك / و قلبـك تــارك أشغـــالــه ~
لآا تحلــف إنـي علـى بـالـك و ذآآكـــرني
آلح ُـب صعبـه علـى قلبــك وأمثـــالــه
وإنّ كـآان فعـلا ً بوجهـك دمّ " فـــآآآرقـني "
ولآا تقـول صدفـه لقيتــك هـذي مـو حـالــه
..
المستشفى - غرفة لين } .,
بندر بصدمه: ايش السكر !!
لين ببكى: ايه السكر و ازيدك من الشعر بيت كمان سوء تغذيه و فقر دم حااد و السبب كله وراء ذا انت مافي غيرك يا سيد بندر
بندر بحزن: والله يا لين انـ,,
لين ببرود: لا تقول شيء ما ابغى اسمع منك و لا حااجه .,
بندر بهدوء: طيب لين نقدم الزواج ؟
لين بسخريه: طيب الحكمه ؟ السبب ف تقديمه ؟
بندر بتوتر: يعني عشان حالتكِ و كمان انا لاسباب خاصه ابغى اقدمه
لين بنظره: إلا صح انتَ ابوك ليش متبري منك ؟
" صدمتني !! ماتوقعت انها بتسأل عن هذا الشيء ابداً ابداً , ابوها يدري بالسبب معقول ماقال لها "
بندر بتوتر: شيء خاص
لين ببرود: كيف يعني شيء خاص بندر لو سمحت قول لي السبب !!
بندر بهدوء: عادي عشان رحت درست برا و هو مايبغى هذا الشيء و مادخلت التخصص إلي هو يشوف انه له مستقبل زين لي و " بسخريه " هذا إلي انا اعرفه مادري اذا متبري مني لشيء ثاني ما اعرفه كمان
لين بستغراب: تضحك علي انت متبري منك على شان سبب زي كذا ؟!.
بندر بهدوء: إيه وربي عشان كذا " و بتردد " و يمكن عشان طريقتي في الكلام معاه يعني شيء زي كذا
لين ببرود: طيب و لو سمحت لا تقدم الزواج ولا شيء خليه على موعده إلي اتفقنا عليه
بندر بسخريه: اصلاً لعلمك بس احنا لا اتفقنا على موعد زواج ولا هم يحزنون !!
لين ببرود: اي والله صح اتذكرت طيب اش رأيك مانسوي زواج اصلاً احسن لي ولك
بندر: ليش انا مستعد اسوي لك احسن زواج بس ماتقولين لي مابي زواج انا ابغى و ابغاك تفرحين
لين ببكى: مرا ايت فرح ذا إلي بيجي منك
بندر بحزن: والله يالين اني ماتمنيت في يوم من الايام اشوفك كذا و لا حتى اخليك تحسي بذا الاحساس
لين بقهر: بس خلاص لاتفتح لي جروحي انت من يوم مادخلت حياتي ماشفت معاك يوم واحد حلو !!
بندر سكت صادقه وربي من يوم ما اتفقت مع لينا على تخريب علاقتها مع نايف ماشافت ولا يوم حلو .,
في وسط افكاري دخلت عليا تولين ذي البنت ياعليها اسلوب قوي بجد شكلها ماتخاف من احد والله اعلم
تولين بحده: معليش يا استاذ بندر اظن اخذت حقك و زياده اتفضل " و اشرت له ع الباب "
بندر ببرود: مو انتي إلي تطرديني و بعدين وش فيك علي
تولين بقهر: لا تخليني ارفع صوتي عليك تكفى انت كل مصايب لين جايه من راسك "و بخبث " انت و الست لينا و لا انا غلطانه
بندر بتوتر " بسم الله ذي وش دراها ! ": اكيد غلطانه
تولين ببرود: اي طبعاً غلطانه هو في احد يبي يفضح نفسه يعني باللهي عليك ؟ يكون في علمك بس يابندر اني وربي ادري عن الشيء إلي سويته مع لينا ولا مستحيل نايف يطلق لين بدون سبب
بندر بقهر: بس اسكتي مابغى اسمع منك شيء
تولين وهي تتجاهل كلامه: عموماً اتمنى إلي فات ينتهي و لا يرجع و لين تعوضها ع كل شيء سار لها بسببك
بندر بهدوء: اكيد لين انا من اول حاطها في عيوني بس هي إلي مو راضيه تتقبلني
تولين: اكيد ما بتتقبلك و انت سبب تعاستها !!
بندر وهو يروح لجهه الباب: عموماً انا اسف و طالع في لين انا بحدد الزواج مع ابوك بعد شهر
و ما اعطاها فرصه تتكلم و خرج
لين ببكى: حرام عليك تولين اش ذا الكلام
تولين بقهر: بس انتي اسكتي طيبتك ذي موديتك في داهيه يا ماما ذا سبب البلا في حياتك
لين: ادري وربي ادري بس خلاص هو زوجي اللحين و اعتذر مني كثير و باين انه ندمان
تولين وهي تتنهد: حصل خير بس خليه عشان يعرف انه الله حق و لا عاد يسوي فيك شيء
لين بقهر: مو مسوي شيء اساساً , واللحين انا ابغى اعرف شيء واحد !!
تولين بستغراب: طيب بس اعصابك اشبك مقهورة كذا
لين ببرود: اش إلي عرفتيه عن سبب طلاقي من نايف
تولين بضحكة: ولا حاجه , بس تتذكري يوم اقول لكِ انه اكييد لينا و راء كل شيء , عادي قلت له هذا الكلام لاني احسن انه متفق مع لينا او شيء زي كذا انتي ماشفتي وجهه كيف اتوتر ؟!.
لين بهدوء: إلا بس خلاص تولين مابغى انبش بشيء راح !! و لينا الله يستر عليها اتزوجت و السلام
تولين: طيب ولا يهمكِ
..
{ بـنـدر .,
" خرجت من عندها ورحت لغرفه الدكتور المشرف ع حالتها بسرعه بعد ماسألت محمد وين غرفته لانو كلامها مو مقنعي ابغى اتأكد من كل شيء بنفسي , شفت غرفة الدكتور مصطفى قدامي دقيت الباب و اذن لي بالدخول ., "
بندر: السلآم عليكم
د. مصطفى: وعليكم السلآم
بندر بهدوء: معاك بندر زوج لين
د. مصطفى بهدوء: إيه اتفضل اجلس , بأيش اساعدك ؟
بندر بتوتر: ابغى اعرف سبب السكر ؟
د. مصطفى: حزن شديد , تعرف انت السكر ممكن يجي من 3 اشياء وراثه او حزن شديد او فرح مفرط كلها تؤدي إلي حدوث مرض السكر , و السبب في السكر عند زوجتك حزن شديد " بناات ترا انا قلت ذا الكلام من معلوماتي خخخ , يمكن في اسباب كثيره ثاانيه انا ماعرفها ^^ , و الله يبعد عننا و عنكم مرض السكر يارب ., "
بندر بحزن: طيب مشكور دكتور
د. مصطفى: العفو
خرجت من عنده بسرعه مابغى اجلس ولا ثانيه وحده حتى ., وربي الذنب مقطعني لو ادري انه بيسير ذا كله والله والله ولا افكر إني اخرب عليها شيء او حاجه لكن وش اسوي بذا القلب إلي يبيها و يحبها !!
..
بعد مرور 5 اشهر .. .,
تولين } .,
إتغيرت اشياء كثيره في حياتي اولها و اكبر غلطه سويتها زواجي من معاذ !
حياتي معاه عاديه جداً و ممله كثير ., اصلاً هو طول الوقت عند مزون لاني انكد عليه من يوم مايجي عندي واساساً انا شايفه هو مو مهتم بدايه زواجنا الـ 3 شهور الاولى بس جد كان يحاول يرضيني بكل الطرق لكن انا كنت مو راضيه و لحد اللحين مو راضيه , بس وربي ساعات احزن عليه بس من يوم ما اتذكر الماضي يروح هذا الشعور , و كمان احس اني ساعات يعجبني و نفسي اعطيه الحب و الحنان بس اتذكر كمان انه متزوج مزون و هي تكفيه ابطل و اشيل الفكره كلياً من راسي , انا انتظر يمر سنه ع زواجي و بعدها بنفك و بعيش حياتي بخير !
..
لين } .,
5 شهور 3 شهور منها من اروع و احلى شهور عمري ياناس ماعمري فرحت و انبسطت و حسيت بالحياه حلوة زي اللحين بندر هذا شيء اساسي في حياتي هذا الرجال لو مااخذته يمكن انا عايشه بقهر و ضيق و ذكرى اشياء سيئه سارت لي بندر عوضني عن كل شيء حصل منه او من شخص غيره والله العظيم إني ماتوقعت ف يوم بحبه او حياتي معاه بتمشي مزبوط بعد كل إلي جاني منه لكن سبحانه يغير و لا يتغير !
..
لينا } .,
آإه ابكي ندم والله ندم ماعمري إتحسفت على شيء كثر طلاق يزيد لي طلقني قبل شهرين ! بعد ماكرهني عيشتي و خلاني اتعلق فيه ولو شويه لانه اساساً ماكان يحبني بس تجيه اوقات يعاملني باحسن مايكون بس خلاص انتهى كل شيء هذا جزاتي تطلقت اعتذرت من تولين و ماسامحتني مع إنو تولين المفروض تسامحني عادي ماسويت لها شيء انا بس برضوا عاذرتها لانها تعرف انا اش سويت في لين و حتى لين اعتذرت منها بس ماسامحتني و انا عاذرتهم من حقهم وربي إلي جاهم مني مو قليل .,
..
رينإآد } .,
حياتي من عبادي حلوة يسعده ربي و انا اللحين حامل في شهري الرابع و هو بيطير من الفرحه إنه بيسير له بيبي
..
رسييل } .,
حياتي عااديه جداً مافيها ولا شيء غييير إنو ناصر رجع ! وخطبني مرا ثانيه من ابوي معد ماسامحه بس انا رفضت ماعرف ليش صراحه ؟ بس خليه يسير يتأدب يمكن لو رجع مرا ثانيه قال لابوي انه يبيني ارجع له حرجع لاني وربي احبه مرا اممم وبس هذا الي سار لي في الـ 5 شهور إلي فاتت .,
..
وسن } .,
الحمد لله مرتاحه في حياتي مع رائد و جوانا حصلت لنا كم مشكله بسبب رائد لانه شكاك شويه بس كلها تعدي بسرعه يعني بس المشكله تجلس في وقتها بعدها نرجع سمن ع عسسل .,
..
شقه معاذ & تولين } .,
اوففف ياني اكره هذي الشقه كره العمى توقعت لاتزوجتها بقدر عليها بقدر انسيها الماضي و اخليها تحبني و إذا ماحبتني عادي بس نعيش حياتنا زي اي زوجين فيها احترام و تفاهم و هدوء بس تولين ابداً ماعندها هذا الشيء وربي إني تعبت منها زياده ع تعب مزون كمان يَ ربي الصبر بس
شفتها خارجه من الغرفه لابسه بيجامه برموده لونها وردي و ابيض و رافعه شعرها ببكله بعشوائيه و شكلها حلو وناعم كثير
تولين بفجعه: بسم الله اش جابك
معاذ ببرود: مو بيتي انا حر ادخل متى ماابغى
تولين بسخريه: ماقلت شيء انا بس في العاده هذا الوقت تكون عند مزون
معاذ بصبر: طيب وجيت فين المشكله ؟
تولين بدون مبالاه وهي تروح للمطبخ: ابد ولا شيء
معاذ وهو يتنهد: آإآإآه ياربي
دخلت المطبخ و سويت لي كوفي و خرجت
جلست ع الكنبه المقابله له في الصاله
تولين بهدوء: ابغى اسافر ؟
معاذ بنظره: وين ؟
تولين وهي تتجاهل نظرته: آإمممم من زمان نفسي اروح سوريا
معاذ بسخريه: سوريآإ ؟ وديتك احسن منها اظن
تولين بحده: والله عاد ابغى سوريا
معاذ بهدوء: مو مشكله بس تعرفي طبعاً مزون بتكون معانا
تولين بدون مبالاه: عااادي بس ماتجلس معايا في نفس الشقه
معاذ بحزن: تولين ترا تعبتيني وربي
تولين هزتني كلمته اول مرا اشوفه حزين كذا اصلاً اول مرا اسمع هذي النبره منه وربي احس قلبي بيتقطع عليه ادري تعبان مني وربي ادري وجعتني الكلمه كثير و بدون سابق إنذار تجمعت الدموع ف عيني
تولين بنبره حزن بسيطه: اسفه
معاذ بضيق: كيف يعني اسفه ؟ تولين ارحميني وربي مخليك ع راحتك 5 شهور وش بعدها كمان ؟ تعرفين هذا إلي تسوينه تقصير قوي في حقي
تولين بتوتر كلامه جاء ع الوتر الحساس: معليش معاذ بس اعتقد إنت تعرف ليش انا وافقت عليك وليش اساساً إحنا متزوجين
معاذ بهدوء: ادري وربي ادري بس برضوا انا تعبت ع الاقل خلي حياتنا تكون طبيعيه زي اي اثنين متزوجين ماطلبت منك كثير انا
تولين بضيق: طيب انا عندي حل
معاذ: قولي
تولين بتردد: انا مستعده اعاملك زي اي زوجين و حياتنا تكون هادئه و مافيها مشاكل ان شاء الله و نبدأها من سفرتنا لسوريإآ بس مزون ماتروح معانا ابغى احس إنك زوجي لوحدي مايشاركني فيك احد " و بحزن " و بعدين مزون ليش تروح معانا هي مو حامل و في الرابع يمكن الطياره تأثر عليها خليها عند امها
معاذ ببتسامه صفرا: اوكي انا موافق ع كل شيء بس نفذي إلي تقولي عليه لا تخلينه بس كلام
تولين بهدوء: انا قول و فعل لا تخاف , بس في شيء ثاني كمان !
معاذ: اش هو ؟!.
تولين بتردد: بعد سنه من زواجنا بزبط رجاءً طلقني
معاذ بهدوء: طيب
تولين بشك: متأكد ؟
معاذ وهو يقوم من الكنبه: ايوا , و يلآ انا خارج اسوي حجوزات السفر
تولين وانا امشي معاه لحد الباب: طيب
قبل ما اخرج بستها ع خدها و همست لها: محلوه اليوم
و خرجت ماودي تعصب ولا تسوي لي هرجه
سكرت الباب وراه و انا مستحيه من حركته في العاده لو كان بيتجرأ معايا على طول اوخر عنه لين طفش و سار مايسوي شيء اساساً
مسكت خدي مكان بوسته: الله يوفقنا ع الاقل لين اكمل السنه هذي ع خييير !
..
بيت ابو محمد } .,
ام محمد بصراخ: هذا إلي ناقص والله تاخذ بنت إيمانوه
ابو محمد ببرود: حدك عاد يَ مرام
محمد بضيق: ابويه اش فيها باللهي يعني إذا اخذت إكليل انا ابغاها و غيرها مو اخذ !
ابو محمد وهو يقوم من الكنبه رايح ع غرفته فوق: اليوم المغرب اروح اخطبها لك رسمي من ابوها و " بنظره لمرام " وانتي تروحي مع ولدكِ و مشاكل مابغى لا يسير شيء مو طيب
و طلع .,
ام محمد بقهر: كذا يَ محمد كذاا تااخذ إكليل من زينها و من زين اخلاقها عااد خذ ندى والله احسن منها " ندى هذي بنت صاحبتها ~.~ "
محمد بهدوء: معليش امي انا مابغى غير إكليل
ام محمد بعصبيه: اوففف منك ياشيخ
وراحت هي الثانيه كمان
محمد بسخريه: والله شيء هي إلي بتتزوج ولا انا يعني !!
..
فوق في غرفة لينا } .,
جالسة ع السرير تتذكر موقف طلاقها من يزيد آإه توجعها هذي الذكرى كثييير ندمت مرا لو يرجع الزمن لورا كان عدلت كل اخطائي بس فييين يرجع فيييين !!
قبل شهريييين .,
عسييير شقه يزيد & لينآإ } .,
يزيد ببرود: يلآ لينا جهزي شنطتكِ بنرجع جده
لينا بفرح: والله جد حنرجع ؟!.
يزيد وهو يمشي للباب: ايه وبسرعه جهزي الشنط نص ساعه وراجع لا تتاخرين
لينا: طيب
خرج يزيد من البيت و انبسطت كثييير اللحين برجع لبيتنا بوريه الويل بوريه كيف العذاب إلي وراني هو هينا وربي كله لطلعه من عيونه انا يضربني و يهزأني هيييين
هذي كانت افكاري مادريت بلي رايح عشانه ><
رجع يزيد بعد ساعه ونص .,
لينا بخوف: اووف اخيراً جيت فين كنت من اول خفت إنك رجعت و سيبتني هينا ؟!.
يزيد بسخريه: والله بتتمنين يَ لينا إني سبتك هينا ولا سويت الشيء إلي رحت عشانه !!
لينا بشك: ليش وش مسوي ؟!.
يزيد ببرود: اقول يلآ امشي ولا وصلنا جده قلت لكِ كل شيء ان شاء الله امشي بس
لينا بقهر: طيب لا تنافخ
مشيت وراه ورحنا لحد السياره القيت نظره اخييره ع شوارع عسيير و من يوم ماخرجنا قلت في بالي خلاص وهذي الجنوب وبح طوينا صفحتها جاء وقت الجد في رجعتنا لجده يَ يزيدوه الزفت !!
السايره سرعتها 130 و المسجل شغال ع اغنيه راكان - اخباري
لينا " اش فيه هذا حاط لنا ذي الاغنيه كلماتها مادري كيف مو حلوة و تحزن !! "
يبي يعرف وش اخباري وكيف احوالي من دونه
قولوله دنيتي احلى وعندي من يعوضونه
وهو بنسبه لي لاشي ولا يعني بحياتي شي
يواصلني يصد عني ماتوقف دنيتي تمشي
قولوله شو اللي جابه ورده لي وعنابه
حنين وشوقنا لاول ولا قسوة احبابه
ترى يا كم قلنا له معانا يوثق احباله
ولاكنه ركب راسه وطاح بشر اعماله
قولوله روح ياقلبي بعيد ويكفي تلعبي
انا ربي عطاني انسان يموت يموت في حبي
خلاص احنا تعلمنا ومن ماضيك عزلنا
ولاتنفعك اخباري ولا موضوعك يهمنا
..
لينا بضيق: اش الاغنيه ذي
يزيد بسخريه: اشبها مو عاجبتكِ ؟!.
لينا بقهر: تنرفز مرا و كلماتها مو حلوة و صوت الرجال مو حلو كمان !!
يزيد بنظره: تشوفين يَ ست لينووه إذا ماخليت ذي الاغنيه في رأسك ماكون يزيد
لينا بقهر: اسكت بس مابغى اسمع لا صوتك ولا صوت الاغنيه ذي
و بعدها طول طريق السياره كنا ساكتييين ., و ذي الاغنيه شغااله لحد ماوصلنا جده !!
كرهتها من قلب .,
و صلنا لجده وانا بطير من الفرحه اخيراً بيتنا بس غريبه اش موديه لبيتنا ؟!.
بس برضوا احسن اروح بيتنا احسن من بيته !!
يزيد ببتسامه: انزلي لينا
لينا " بسم الله وش فيه يبتسم كذا اول مرا اشوف إبتسامه زي كذا طالعه من قلبه شكلها ": طيب
خرجت من السايره و يارت ابداً ماخرجت ياريت جلست في السايره و سمعت الاغنيه إلي يحبها ولا نزلت و سمعت ذي الكلمه منه ياااااريت !!!
دخلنا بيتنا في الصالة اول مادخلت شوفت امي و الدموع في عيونها استغربت بسم الله اش فيها !!
إلتفتت ع يزيد و شفت إبتسامه باارده ع شفايفه .,
ابو سعود ببرود: اعطيها ورقتها
لينا بصدمة: ابويه ايت ورقة واش الهرجه ؟!.
يزيد ببرود: خذي لينا ذي ورقة طلاقكِ !!
إنتِ طــــإآلـــق , طـــآإلــق , طـــآإلـــق .,
..
ابها - بيت ابو رائد } .,
رسيل ببرود: خلآص طيب ابوي انا موافقه !!
او رائد بجديه: انتي متأكدة يَ بنتي ترا نااصر هذي المره الالف إلي يجي يقول لي ابي رسيل بس ترا بترجعون تكتبون إكتابكم من جديد !
رسيل بسغراب: ليش هو مو متزوجني اساساً مو اختفى ذيك الفتره ؟
ابو رائد بتوتر: إلا بس قبل مايروح انا خليته يطلقكِ
رسيل بهدوء: الله يهديك يَ ابوي
ابو رائد بندم: معليش يا بنتي
رسيل ببتسامه: لا مو انت إلي تعتذر يَ ابوي خلاص هذا الكلام زماان وسار له كثيييير فوق 8 سنين إنساه .,
ابو رائد ببتسامه: الله يكملكِ بعقلكِ يا بنتي ^^
رسيل بهدوء: امين ابوي بس انا عندي شروط
ابو رائد: طيب يابنتي ولا يهمك شروطك كلها قوليها لناصر و ان شاء الله مو رافضها
رسيل ببرود: اتمنى كذا .,
..
إنتهى البارت الـ 23 ^^
.. { الـبـإآرت الـ 24 } .,
أحبـك قلتهـا بقلبـي .. وباحساسـي وبلسانـي
كثير قلـوب ترجيهـا .. ولكـن لا يهمّونـك
(أحبك) ما أبي غيرك .. ولـو غيـرك ترجّانـي
أنا شاريك ما بيعـك إذا غيـري يسومونـك
أموت اشتاق لك كلي .. أبيـك تـزور أعيانـي
خفوقي يا غلا ينزف وله واشواق مـن دونـك
أطير من الفرح لا من لفـى صوتـك وحيّانـي
أحس اني أهم الناس لا من قلت : شلونـك ؟
ألوم النفس لا قلت : بكيت ومـا أحـد جانـي
أنا وش عاد يضحكنـي اذا العالـم يبكّونـك ؟
إلى منّك تضايقت .. أنا المسـؤول والجانـي
أنا المفروض ما أرضـى أخلّيهـم يزعلونـك
(أحبك) زود عن روحي عن اعمامي عن اخواني
وباقي الناس يا عمري .. تـرى والله يفدونـك
عليم الله لا قلت : ( أحبك ) .. زالت احزانـي
واذا قلت : ( أحبك موت ) صحت وقلت : مجنونك
غدير الحب في قلبك .. حنان ولهفـة اروانـي
أذوب بهمسة ٍ عذرا .. وأثبت إني مفتونك
أنا في دنيتي تايه .. ولا ادري ويـن عنوانـي
ويوم اني عرفتك صار عنواني هو : عيونك
أغار من امك وعمك .. وهذا وذاك .. والثاني
أغار من اصغر اخوانك ولا ودّي يشوفونك
منى عيني أضمّك لي وامســّــح ذيـك الاوجانـي
عيوني لو طلبتها .. لقيت الكـل .. هنّانـي
ترى روحي مع عيوني مناهم بس .. يرضونك
..
يزيد ببرود: خذي لينا ذي ورقة طلاقكِ !!
إنتِ طــــإآلـــق , طـــآإلــق , طـــآإلـــق .,
و خرج من باب البيت بكل بسااطه ولا إلتفت لي ولا لدموعي ماسمعت بعدها غييير صوت بكاء امي و ابويه لمني من اكتافي و قال لي معوضه خير يَ بنتي و بعدها اختفى من الصدمة ماعرف فييين راح اصلاً !!
بعد ماضمتني امي و بدأت تصيييح استوعبت الموضوع و بكيت بكيت بكيت لين حسيت روحي بتطلع !!
..
فقت من الذكرى هذي ع نغمة البلاك بيري
يبي يعرف وش اخباري وكيف احوالي من دونه
قولوله دنيتي احلى وعندي من يعوضونه
وهو بنسبه لي لاشي ولا يعني بحياتي شي
يواصلني يصد عني ماتوقف دنيتي تمشي
لينا " كلماتها ع الجرح وربي ع الجرح انا متأكدة لو بسأل يزيد عن اخباره بيقول لي هذا الكلام قال لي في السياره إني بحب هذي الأغنيه و هذا انا جد حبيتها وكل ما اسمعها اجلس ابكي من كل قلبي وربي ندماانه و متحسفه بس هذا جزااتي و ربي جزاااتي , شوف لييين مبسوطه الله يهنيها وانا هذي اخرتي خربت حيااتي بس هذا إلي استفدته من حياتي كلها !! "
..
بيت عمآإد & رينآإ } .,
رينا بخوف: عماد
عماد بستغراب: يَ عيونه اش فيك ؟
رينا بدموع: إحنا مو لنا اكثر من سنه متزوجين ؟
عماد بستغراب اكثر: إيه فين المشكله !!
رينا بتوتر: امممم لا خلاص ولا شيء
عماد ببتسامه: رينو لا يكون تفكري ف العيال بس ؟
رينا بخوف: بسم الله كيف عرفت ؟
عماد بحب وهو يحضنها: قلبي قاالي و العيال لاتحقين عليهم " غمز لها " خلينا نتهنى بس .,
..
لييين بضيق: بندر مابغى !!
بندر بقهر: اش مابغى ذي باللهي عليكِ !! لييين اقوول امشي بسرعه
لييين وهي تمد لسانها: مابغى
بندر بضحكه: ياربي والله بتجيبين اجلي انتي اقوول امشي خذي الابره بسرعه
لييين بضيق: ليش طيب انا مابغى مو لازم
بندر بحزن: لين والله بتتعبين بعدين امشي الله يخليك
قمت من مكان ورحت لين حده و اعطاني الابره و دموعي نزلوا
بندر: هههههههههههه ليين حرام عليك ليش تبكين باللهي اللحين هاا ؟ لكِ 5 شهور تاخذينها وش الدموع ذي
لين بدموع: تعور
بندر بحب وهو يحضنها و يبوس خدها: سلامتك يَ بابا خلاص
لين بقهر: تتريق عليا انت
بندر: ههههههههههه لا وربي
لين: ماالت عليك
بندر بخبث: اخصاان الجنه
لين: هههههههههههههههههههههههههههههه حفضتها ماشاء الله
بندر: ايه وربي من كثر ماتقولينها
لين: ههههه ياحوبي لك يَ شيخ
بندر هو يقومها: اقووول امشي لا اتهوور هينا بس ^_*
لين بحياء: وجعع للشيطان
..
بعد مرور اسبوعين } .,
وآإآإآه الهواء هينا يرد الروح وربي , مطر هتان و جو جونآإن بجد و المكان هدووء مافي لا صوت ولا شيء
احلى شيء صراحه احب الهدوء يحسسني براحه ولا احلى
جالسة اشوف من البلكونه شوارع دمشق هادئه و مافيها احد خلاص الناس تنام بعد صلاة العشاء مو زيينا وي الناس بعد صلاة العشاء تبدأ خرجاتها و رجتها خخخخخخخ
جالسة اقول ذا الكلام ف عقلي و ماحسيت إلى بلي يمسك خصري بهدوء و يبوسني ع خدي
إرتحت من لمسته كثير لنا اسبوعين سواء ف سوريا حياتي ولا احلى معاذ محترمني كثير وربي و معطيني كل الحب و الحنان إلي احس إني فقدته من زمان
تولين بخجل: معاذ اشبك مارحت لبست لك كوت " جاكيت " الجو باارد
معاذ بحب: فين ابرد و انا حاضنك يَ قلبي
تولين سكتت من الخجل مرا معاذ كلامه رايق و حلو ودي وربي اعيش معاه مرتااحه بس ابداً ماقدر
لحد يقول لي حقد و قلبك قاسي و ماعرف ايش ؟ يعني المفروض 6 سنين اكون نااسيه الماضي وخلاص ماتذكروا
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك