رواية ما كل جرح يطيب من عذر حبك كل يوم يكبر بقلبي -13
مسح بندر دموعه و هو يحس إنه بينهار في اي لحظه
رائد بهدوء: فين كنت ؟
بندر: في جده
رائد: عند مين ؟
بندر: آإمم ناصر
رائد بصدمة: ناصر ؟ ليش هو معاك !!
بندر: ايه معاي
رائد بستغراب: وينكم من اول لحد يجي يمر علينا ولا شيء انت و عذرناك و عيال عمك الباقيين فينهم اجل يزيد فينه ؟
بندر بقهر: فينهم يعني كلهم في جده يزيد زواجه كان قبل اسبوعين !!
رائد من الصدمة جلس ع الكنبه: زواجه قبل اسبوعين و ليش ما قال لي ؟؟
بندر بسخريه: يعني انت مو انقطعت عن كل بعد طلاقك يا رائد و يزيد بعد المشكله إلي سارت مع ابوي راح مع ناصر لجده زي ما مشيت انا معاهم
رائد بتوتر: معليش بندر انا مو فاهم شيء لمــ,,,,,
و قطع كلامه دخول ابوه و صوته الحاااد
ابو رائد بحده: بـــــــنــــدر .. !!
بندر بتوتر وهو يروح و يسلم على يد و راس ابوه: هلآ ابوي
ابو رائد بضغب: لا هلآ و لا مسهله !! خير ان شاء الله وش جايبك انت انا مو قايل لا عاد تطب هذا البيت و لا اعرفك ولا تعرفني !!!
بندر بحزن: يبه انت ما نسيت الموضوع إلا الان يبه مر على الموضوع 8 سنين حرام عليك هذا انا رجعت قبل كم سنه بالشهاده و عندي شركتي ابوي حرام عليك خلاص ارضى تكفى
و نزلت دموعه
ابو رائد بقوه قدر ما يقدر حاول يتماسك ولا يبين لولده انه اتأثر بكلامه: اطلع برا
بندر بترجي: ابوي
ابو رائد بصراخ: براااااااا اقول لك برااااااااااااااا
بندر مشي لحد ما وصل عند ابوه و سلم على راسه مرا ثانيه: ابشر ابوي بس اتمنى انك تسامحني
و خرج من المجلس و بسرعه راح ع سيارته و مشي باقصى سرعه .,
..
في اجواء ثانيه فيها صوت المطربه طاغي ع المكان .,
و الفرحه في وجووه الجميع
تولين بفرح: يلآ رنوود ما بقي كثير ع زفتكِ
ريناد بخوف: ليش كم الساعه ؟
تولين: اللحين 11 ونص تقريباً 12 ونص نزفك يعني ما بقي كثير
ريناد بستغراب: وليش تزفوني 12 ونص مو كأنه بدري ؟
تولين: لا حبيبتي مو بدري و بعدين خييير نسيتي الفقره الخاصه انا ما بسويها إلى و انتي موجوده ياعنوني
ريناد ببتسامه: ياقلبي عليكِ يا تولين تسلمي
تولين بغمزه: ولو كم رنود عندي انا بس
ريناد: إلا اقول وينها لين ما جات مو كأنها اتأخرت هذا و إحنـ,,,,
و ما كملت ملتها إلا و لين داخله عليكم
لين ببتسامه صفرا: اهلين رنود " و تلتفت ع تولين " و يَ اهلين بتونه
ريناد بخوف وهي تقوم بصعوبه بسبب فستانها لجهه لين: لين بسم الله عليكِ ياقلبي اشبه وجههك مصفر كذا و نحفانه اش ساير ؟!.
لين بهدوء: ولا شيء ياقلبي و اش فيكِ خفتي كذا مافي حاجه لا تشغلي بالك
ريناد وربي اني مو مقتنعه من هرجك يا لين وحاسه بيسير فيك شيء ربي يستر: طيب بس لا تجهدي نفسكِ عشاني الله يخليكِ يا لين
لين وهي تبوس خد ريناد: من عنوني يا عنوني انتي
تولين ببتسامه: اقول لينوه لا يفوتكِ اليوم عندي فقره خااصه مسويتها لريناد و : بضحكة " ههههه بس هيا اساساً إلي قالت لي اسويها بس انا ضفت لها كم شيء هي ما تعرفه
لين: حركآإآإت وربي ان شاء الله تطلع زي ما تبغينها
تولين من قلب: يااااارب
ريناد بخوف: اقول لين ؟
لين ببتسامه: اش فيكِ انتي بتموتين من الخوف يختي ؟ هلا اش عندكِ
ريناد بتوتر: فيه نااس كثير تحت ؟
لين ببتسامه: طبعاً يا حبيبتي فيه نااس كثير هذا زواجكِ كيف يعني ما تبغي امك تفرح فيكِ كثير و تعزم ناس كثير ؟
ريناد بخوف: إلا بس وربي اني خاايخه
تولين بنص عين: ترا مو جاااي عبد الله اللحين ؟
ريناد بخجل: وجع تولينوه
تولين & لين: هههههههههههههههههههههههه
..
نرجع لابها - مجلس الرجال } .,
رائد بفشله: معليش اعذرنا يا عماد علي سار
عماد بهدوء: لا ماعليك ما حصل إلا كل خير ان شاء الله
ابو رائد ببرود: روح ادخل المجلس الثاني زوجتك تنتظرك
رائد بهدوء: طيب
وراح رائد من عندهم و بقي في المجلس عماد و ابو رائد
ابو رائد بخجل: الحمد لله إنه الرجال راحوا قبل ما يجي بندر و اعذرني يا عماد على إلي سار
عماد بهدوء وهو يقوم و يروح عند ابو رائد: ابو رائد
ابو رائد بهدوء: سم
عماد: سم الله عدوك بس ابي اقول لك شغله
ابو رائد بهتمام: اتفضل
عماد: ................................................
..
في المجلس الثاني .,
كنت جالسه ع الكنبه و رسيل جالسه ع الكنبه الثانيه حسيت إنه طول و ماجاء استغربت كثير صراحه
يعني له ساعه ونص من يوم ما جاء ابو رائد و قالت لي خالتي ادخل المجلس عشان رائد دقايق و يجي بس غريــ,,,
ما كلمت جملتي إلا بلي يدخل ويقول بصوت جهوري
رائد: الـسـلآم عـلـيـكـم
رسيل ببتسامه: وعليكم السلآم اهلين رائد
رائد بنص عين: انتي وش مجلسكِ هينا
رسيل بضحكة: بتفرج عليكم عشان استفيد لجاني الخطيب
رائد: هههههههههههههههه قومي اقول
رسيل: اوكي يلآ وسون " و بغمزه " خوذي راحتك
وخرجت
" كان نفسي اقتلها وجع ما تستحي ع وجهها ذي الرسيل وي مافي في المجلس غير انا وهو ياويلي "
رائد بهدوء: كيفكِ يا وسن ؟
وسن برتباك: بخير الحمد لله ., و انت كيفك ؟!.
رائد: عساه دوم ., بخير
" جلست اطالع فيها جد حلوة ماشاء الله عليها فستانها كان وردي و سكري مرا رايق و نعوم و حسيت من وجهها انها طيبه و عقد نياتها ارتحت لها الحمد لله هذا و انا ع اساس إني بتزوجها عشان تهتم ببنتي بس وشكلي بروح فيها معاها خخخ ^^ "
قمت من مكاني وجلست جمبها و مسكت يدها: ماشاء الله تبارك الله جميله ياوسن
وسن " وي بموت من الخجل حسيت إني بغوض في هدومي " تسلم من ذوقك
و قضوا يوم ملكتهم من اروع ما يكون رائد يتغزل في وسن و يتكلم في كل شيء يخطر ع باله ^^
و وسن تستحي ساعات و ماترد عليه بس ارتاحت له كثير ., و هذا اهم شيء .,
..
في الزوآإج - قاعة الرجال } .,
عبد الله: اقول إياد
إياد بضحكة: هااا
عبد الله بقهر: هويت في بير يا ولد ., وينهم ما يزفون اختك للحين يلآ بدخل انا
إياد بتريقه: بدري يا الحبيب بدري لسا قدامك مشوار
عبد الله: افففففففففف
إياد: هههه وش فيك مستعجل كذا ياخي اصبر الساعه دوبها 12 ونص يمكن تدخل الساعه 2 او 2 ونص كذا
عبد الله بقق عيونه: نعم وش 2 و لا 2 ونص ؟؟!. صاحي انت
إياد: هههههههههه اي والله تولين تقول كذا لسا عبال ما يزفونها و تجلس معاهم بعدين انت تدخل عشان التصوير
عبد الله:يووه ياربي وش يصبرني
في قاعه الحريم - غرفة العروسه
تولين بعد ماغيرت فستانها و لبست لبس خاص بالفقره إلي بتسويها: يلا ريناد زفتكِ
ريناد بخوف: لا خلاص من لازم زفته
تولين بضحكة: اقول اهجدي يلآ بس
" جات ام إياد و مسكت ريناد و قرأت عليها و بعدها وصلتها للباب إلي بتخرج منو على القاعه انفتح الباب و بدأه المسيقى و خرجت ريناد كانت مرا حلوة فستانها ابيض توب ضيق من فوق و يبدأ يوسع من تحت و فيه نفشه تسريحتها كانت كل شعرها مرفوع على فوق وفيه تاج صغير حلو و خصل بسيطه نازله و الطرحه مثبته من تحت و طويله و مسكتها كانت ورد جوري مسويه بطريقه حلوة و مكياجها كان ثقيل بس حلو كثير "
ريناد: " اول ما دخلت انبهرت من الكوشه صراحه وعرفت إنها ذوق تولين لانها قالت لي اناب سوي لكِ الكوشه مرا كانت جونان و القاعه ككل كانت حلوة حاولت اثبت نظري ع الكوشه و ما اطالع في الناس عشان لا ارتبك و اتوتر و بعدها اطيح على وجههي خخخ كنت راسمه ابتسامه حلوة ع ثغري تدل ع فرحتي "
و بعدها وصلت للكوشه و جلست عليها و شفت وجييه صاحبات ماما و اقاربي يبتسمون لي وسرت ابادلهم الإبتسامه
فجأة كذا وقفت الموسيقى و بدأت المطربه تتكلم .,
المطربه: هذا العرض إهداء من اخت العروسه للعروسه
بدأ الدق المصري يشتغل ., و إضائه القاعه تتسكر و يتوجه النور الابيض للباب إلي بتخرج منه تولين
و دخلت تولين من نفس الباب إلي دخلت منو ريناد بس دخلت وهي ترقص مصري و النور الابيض مصوب عليها
وصلت لين الكوشه وهي ترقص مصري بكل براعه و إتقان و بعدها شالوا عنها النور الابيض و سارت القاعه كلها انوار ملونه
و بعدها جو 6 خادمات من حقين الفندق لابسين تنانير سودة قصيره و بلايز بيضه ربع كم ماسكين معاهم تباسي فيها عصيرات كوكتيل مشكله و بدأو يوقفوا صفه ثلاثه من جمبها اليمين و ثلاثه من جمبها اليسار يهزوا وسطهم بس ^^ و تولين وسطهم تهز و تطالع في ريناد و تبتسم لها
و الحضور مبسوط برقص تولين و يصفقوا و يشجعوها بكل حماس
" كانت تولين لابسه بلوزه بني قصه الصدر مليانه تراتر و من تحت شفافه شوي و التنوره فوق الركبه بشويه بس و عليها حزام بني عريض ضيق كله تراتر كمان مساعدها بقوه في الرقص ^^ "
خلصت الموسيقى المصريه و وقفت تولين و الحضور يصفق لها بكل قوه و حماس و ريناد مبسوطه كثير عليها
راحت تولين جهه ريناد و سلمت عليها
و بعدها بدأو الحضور يقوموا و يسلموا ع ريناد و بعد كذا بربع ساعه قالت المطربه للحضور يتوجهوا لصاله البوفيه
تولين ببتسامه: يلآ ريناد إياد كسر جوالي دق روحي بسرعه لغرفه التصوير
ريناد بتوتر: طيب
لين ببتسامه: تعالي انا اوصلكِ
ريناد: لا شكلكِ تعبانه لين ما ابغى اتعبكِ زياده
لين و هي تمسكها مع يدها: لا تعب ولا حاجه امشي بس
راحوا لين و ريناد لغرفه التصوير و تولين راحت تكلم خالتها .,
..
قبل ما تدخل ريناد غرفه التصوير
لين بتعب: ريناد يلآ انا برجع و انتي شوفي الغرفه ع يدك اليسار
ريناد بخوف: لين متأكدة مافيكِ شيء ؟
لين ببتسامه: ايوا يلآ روحي يمكن ابوك ولا اخوكي يجوا يبغوا يسلموا عليكِ ولا حاجه
ريناد: طيب
و راحت لين من عندها
و كملت ريناد باقي الممر لين وصلت للغرفه و دخلت شافت امها و ابوها و اخوانها و اختها العائله الكريمه كلها خخخخخ :p
سلموا عليها و نزلت لها ريناد كم دمعه و بعدها خرجوا اهلها و دخل عليها عبادي
عبد الله وهو يبوس خدها: مبروك ياقلبي " ويمهمس لها في اذنها " وحشتيني مووت حرام عليكِ اسبوعين يا الظالمه ما اكلمكِ
ريناد بخجل: الله يبارك فيك " و بدلع " عادي عشان تشتاق ليا
عبادي و هو يبوس خدها بقوه: انا من غير شيء مشتاااق
استحت ريناد مووت ولا جاوبت عليه
و بعدها بدأو تصويرهم و عبد الله مبسوط بالمرا ., و ريناد مبسوطه بس الخجل مقيدها ., ^^
خلصوا تصويرهم و بعدها خرجوا من القاعه و اخوها إياد هو إلي يسوق بهم السياره و 3 من اصحاب عبادي بسياراتهم وراه يدقوا بواري خخخخ مسوين لهم موكب هع ., ^^
..
بعد ما فضيت القاعه من اغلب المعازيم
تولين بتعب: وينها لين ؟
إيمان بتعب اكثر: والله مادري يابنتي دوري عليها بسرعه بس عمك يستنانا برا
تولين بستغراب: غريبه فين راحت طيب دقايق اشوفها و اجي
راحت تولين تدور ع لين في الغرف الموجودة في القاعه و ما لقتها و شافت وحدة من عاملات الفندق
تولين بتوتر: لو سمحتي ما شفتي البنت لابسه فستان بني طويل ماره من هينا او شيء ؟
العامله بتذكر: إلا راحت ع اخر غرفه في الممر
تولين بمتنان: شكرا
و راحت بسرعه تشوف فين اختفت لين
دخلت ع الغرفه و انصدمت من منظر لين كانت ممدده ع الكنبه و وجهها اصفر
تولين بخوف: بسم الله لين اشبك يابنت ليييييييييييييين ردي ؟؟.
لين بتعب وهي يادوب تفتح عيونها: تولين بموت !!
..
إنتهى البارت ^^
توقعآإتكم
- بندر فين بيروح بعد ما طرده ابوه مرا ثانيه ؟ و ابو رائد تتوقعوا بيرجع في قراره و يخلي بندر يرجع ولا لأ ؟!.
- عماد تتوقعوا اش بيقول لابو رائد ؟!.
- وسن & رائد ؟!.
- عبد الله & ريناد ؟!.
- مزون & معاذ ؟!. , و تتوقعوا اش بتسوي مزون لو عرفت إنه معاذ زواجه بعد اسبوعين ؟!.
- ام خالد اش بتسوي عشان زواج معاذ ؟!. تتوقعوا تخرب الزواج ولا عادي ؟!.
- لين اش فيها ؟ و تتوقعوا بيسير فيها شيء ؟ ولا مجرد تعب بسيط ؟!.
.. { الـبـإآرت الـ 22 } ..
تغيَّر شي .. لكن .. صآر فاضي هالمكـآن
يعني إنتَ شفت قلبي طحت مِنْ عيني وعينـه
كان لكـ قلبي مدينه ولآحظ إني قلت : ((كآن))
يعني إنتَ الحين وآحد ((خآرج حـدود المدينه))
ليه مستغرب كلامي وليـه أعطيـكـ الأمـآن
وليه تَكْذِب في كلامكـ العـذر وينـكـ ووينـه
ما ألومكـ كان قلبـكـ ثـآرت أموآجـه وخـآن
الخطــأ منَّي لأني صرت فـي بحـركـ سفينـه
والسؤآل اللَّي كتمته ومآ نِطَـق فيـه اللسـآن
كيف إيدكـ إطعنتني وآنا أحْسِبْهَـا أمينـه ..؟
جرحي مآ يرضيه قلبكـ لو يجـي كلِّـه حنـآن
لو تبــوس الجرح فيني ولـو تقبلهـآ إيدينـه
يُوم أحبكـ قلت كلمه : ( يكرَم المرء أو يُهآن )
وإنتَ قلبي مآ كرمته ومآ قدرت إنِّـك تهينـه
( عزِّتـي ) .. ما هي جديدهـ آنا شامخ من زمآن
إغسل إيدكـ من رجوعي وروح يا إبن اللذينه
طآب خآطر قلبي منِّكـ وهذي الفرقـى رهـآن
وحتَّى لو قلبي يحبـكـ ربِّـي بفرآقـك يعينـه
تدري لمآ قلت أحبكـ قلت ومآ عنـدي ضمـآن
وإختيآري كآن خآطىء تجربه بالحيـل شينـه
كنت تخطي وكنت أسآمح مرَّهـ مرتين وثمـآن
أدمح الزله عشآنكـ وأكتـم أنفـآس الغبينـه
كنت أحبكـ وكنت أعزك والغلآ فينـي جبـآن
أخاف تزعل لو ألومكـ ضعت مآ بينـكـ وبينـه
في عيون النآس عآدي بس في عيني جنـآن
وكآن قلبي من يشوفكـ تفضحه نظـرة حنينـه
مآني أوَّل من يحب ومنتَ آخر شخص خـآن
المحبه في زمآنكـ بحـــرهآ من غيـر مينـه
الفشل .. كآن النتيجه وأعتقـد آن الأوآن
أبني مستقبل حيآتي وأنسى قصتنـآ الحزينـه
وخطوتي الأولى غيابكـ ورآح أطبقهآ عشـآن
يبكي قلبكـ لآ فقدني والندم .. يملـي سنينـه
جآي تسأل عن مكآنكـ !! هو بقى فيني مكآن ؟؟
الله يرحمهآ المشآعر اللي كآنت لـكـ رهينـه
قلت لكـ قلبي ( مدينـه ) فيهآ لكـ حشمه وشآن
لكن إنتَ الحين أغرب شخص في هذي المدينه
..
بعد ما فضيت القاعه من اغلب المعازيم
تولين بتعب: وينها لين ؟
إيمان بتعب اكثر: والله مادري يابنتي دوري عليها بسرعه بس عمك يستنانا برا
تولين بستغراب: غريبه فين راحت طيب دقايق اشوفها و اجي
راحت تولين تدور ع لين في الغرف الموجودة في القاعه و ما لقتها و شافت وحدة من عاملات الفندق
تولين بتوتر: لو سمحتي ما شفتي البنت إلي لابسه فستان بني طويل ماره من هينا او شيء ؟
العامله بتذكر: إلا راحت ع اخر غرفه في الممر
تولين بمتنان: شكرا
و راحت بسرعه تشوف فين اختفت لين
دخلت ع الغرفه و انصدمت من منظر لين كانت ممدده ع الكنبه و وجهها اصفر
تولين بخوف: بسم الله لين اشبك يابنت ليييييييييييييين ردي ؟؟.
لين بتعب وهي يادوب تفتح عيونها: تولين بموت !!
تولين بخوف: لا لين الله يخليكِ لا تقولين هذا الكلام دقيقه بس ادق ع محمد دقيقه الله يخليك
ودقت ع محمد بسرعه ورد عليها وهو مستغرب
محمد بستغراب: هلا تولين
تولين وهي تبكي: محمد بسرعه تعال القاعه بسرعه
محمد بخوف: بسم الله اشبك ؟؟
تولين بخوف: لين مادري اش فيها تعبانه و شكله بيغمى عليها تعاااال بسرعه الله يخليك محمد
محمد بتوتر: طيب جاااااي جااااااااااي
و سكر السماعه بسرعه بدون ما يسمع ردها
تولين و هي تحاول بكل جهدها توقف لين و تمشيها معاها
تولين ببكى: لين بسم الله عليك استحملي بس شويه لين اوصلك للمدخل
و جلست تولين لين نص الممر وشافتها إيمان و بسرعه راحت لعندهم
إيمان بخوف: بس الله اشبها لين
تولين ببكى: مادري خالتي مادري بسرعه فين عبايتها اللحين محمد جاااي
لبسوا لين عبايتها وهي مو حاسه بشيء
و وصل محمد بسرعه و دق ع تولين و خرجت له بسرعه و ودوها ع المستشفى ., !!!
..
..
في فندق فخم - شقه 404 } .,
" ياربي بمووت خوف هذا دخل الغرفه و لعاد خرج مالت عليه مخليني في الصاله لوحدي و هذا اول يوم لنا اوفففففف يحـ,.,., "
ما كملت جملتي إلا وهو قدامي
عبد الله ببتسامه: قومي ادخلي الغرفه خذي لكِ شاور و ريحي
ريناد بتوتر: طيب
مرت من جمبه بسرعه و دخلت ع الغرفه و شفت مدخل بسيط و باب و عرفت إنه الحمام " اكرمكم الله "
و دخلت له بسرعه و انا لسا ما فتحت فستاني حتى ., !
جلست في الحمام نص ساعه تقريباً انبسطت في المويه الباره و نسيت نفسي خخخ
بعدها خرجت و انا لافه المنشفه ع جسمي و ماشوفت احد في الغرفة
لبست لي قميس احمر حلو مع الروب
و حطيت ميك اب بسيط مرا بس قلوس و بلشر خفيف و كحل
و لبست شبشب احمر نعووم في البدايه استحيت اخرج للصاله بس بعدها خرجت و شفته جاالس ع الكنبه و شكله طفشااان
ريناد بتوتر: سوري اتأخرت
عبادي بخبث: لا عاادي خذي راحتك يلآ تعالي العشاء
دخلنا ع غرفه فيها طاوله و دولاب فيه تحف و اشياء حلوة
عبادي وهو يوخر لي الكرسي: اجلسي ياحلوة
ريناد بخجل: شكرا
اتعشينا و عبادي قد مايقدر احسه يحاول يبعد عني التوتر بس يهرج في كل شيء يخطر ع باله و جالس يضحك اغلب الوقت خخخ
و انا مسكينه كل ماضحك ضحكت معاه وربي ضحكته تجنن ماشاء الله
قطع كلامي و افكاري في عقلي يوم قال لي
عبادي بغمزه: يلآ ياحلو تعالي
قمت وربي وانا متوتره كثير
دخلنا ع الغرفه لسا دوبي امشي معاه فجأة الانوار تسكرت وربي خفت مووت
ريناد بخوف: بسم الله عبادي فينك
و ماحسيت إلي بلي يحضني من ورا و يبوس رقبتي: هينا ياقلبي
ريناد بخجل: عبادي ظلام ما اشوف شيء
عبادي: هههههههههههههههههههههه
وراح من وراي و شغل الابجوره
و رجع لي و كمل إلي كان يسويه ~.~
..
" جالسين ع اعصابنا محمد احسه متوتر مووت استغربت ياربي اش فيها لين ؟ لايكون فيها شيء و ماقالوا لي لأ لأ ان شاء الله مافي شيء بس هذا وسواس اي مافي شيء ان شاء الله ياربي طول الدكتور له ساعه و نص وهو ماخرج مستحيل يكون هذا مجرد تعب او شيء كذا اففففففففف احس اني بموت اشبهم اتأخرو "
التفتت ع محمد الواقف جمبي ويهز رجوله دلاله التوتر " قلت بصوت خايف ": محمد ما كأنهم اتأخرو ؟!.
محمد بتوتر: لا ان شاء الله مو ساير إلا كـ,,,
ما كمل محمد جملته إلا الدكتور خارج
رحت له بدون شعور و بكل خوف قلت له: هاا بشر دكتور
الدكتور بهدوء: انتي بتقربي لها إيه ؟
تولين بخوف: اختها
و على كلمتي تكلم محمد بتوتر: وش فيها البنت يادكتور ؟!.
الدكتور بهدوء: انتَ اخوها ؟!. ولا زوجها ؟
محمد بقهر: اخوها ولو سمحت تكلم وش فيها
الدكتور: ماشي تحالوا عندي في المكتب
تولين ببكى: ياولي يا محمد شكله فيها شيء ولا ماينادينا عنده في المكتب اكييد في شيء !!!
و سرت ابكي
محمد بهدوء وهو يحاول يهديني: ان شاء الله مابها إلا العافيه يلآ تعالي نشوف الدكتور
هزيت له راسي و رحنا دخلنا عند الدكتور
الدكتور: معاك الدكتور مصطفى
محمد بتوتر: اهلين فيك يادكتور , ممكن تقول لنا وش فيها اختي ؟
الدكتور مصطفى: قبل ما اقول اي حاجه هيا البنت متعرضه لشيء يضايقها في الايام إلي فاتت ؟!.
محمد بتوتر وهو يطالع في تولين: والله ماعرف
تولين وهي تقاطقعه: اي يادكتور كان عندها ظروف عائليه و متضايقه كثير منها
" كذبت عليه بصراحه ماكان ودي اقول له عشان خطيبها هي زعلانه و لا الاشياء إلي مرت عليها "
الدكتور مصطفى: عشان كذا
تولين بخوف: طيب اش فيها ؟!.
الدكتور مصطفى: انتو مؤمنين بقضاء الله وقدره البنت جاها السكر نتيجه حزن شديد و كمان معاها سوء تغذيه و فقر دم شديد
تولين بصدمه: ايييييييش ؟!.
الدكتور بهدوء: زي ماسمعتي ورجاءً لا تعرضوها لإنفعالات او اي شيء يضايقها
محمد بحزن: ونعم بالله بس ليش السكر مرا وحده لسا البنت دوبها صغيره ؟!.
الدكتور: اللهم لا اعتراض يا اخ الحمد لله سكر ولا شيء ثاني
محمد بهدوء: طيب مشكور دكتور
الدكتور: وزي ماقلت لكم لحد يضايقها و يسبب لها حزن او اتفعال او اي شيء ثاني
تولين وهي تبكي: طيب
خرجنا انا و محمد من عند الدكتور و على طول على غرفه لين
وربي اول ماشفتها نايمه و التعب و الحزن باين على وجهها جلست اصيح من قلبي لسا البنت صغيره عمرها ماجاء 20 سنه وربي حرام اللهم لا اعتراض آإآه ياربي الله يصبرك يالين لا عرفتي بالموضوع بس انا ماحسكت وربي لوريه بندر هذا هييين كذا كل هذا إلي يسير بلين من سببه هو السبب هو مافي غيره وربي لوريه اذا ماعلمته كيف يسوي كذا بلين ما اكون انا تولين !!!
..
صباح يوم جديد - في بيت ام خالد } .,
ام خالد ببرود: اقول مزينه مافي شيء بالطريق ؟
مزون بقهر: ماما لا تقولين لي مزينه اففف ياربي اسمي مزون , و بعدين لا مافي ولا شيء
ام خالد بقهر: إلا مزينه ونص كمان انتي ليش كذا بارده و غبيه روحي عند اي دكتور شوي لك صرفه
مزون ببكى: اففف يا ماما يعني انتي ماتعرفين اني روحت و سويت كشف حتى معاذ خليته يروح معااي و قالوا مافي شيء وش اسوي بعمري يعني انا
ام خالد بقهر: تدرين شيء ؟!.
مزون بخوف: اييييش ؟
ام خالد: معاذ زواجه بعد اسبوع و 3 ايام
مزون بصدمة وهي تقوم واقفه: نعم ايش ؟!. زوااجه " و بصراخ " فيييين يحسب نفسه ذا يتزوج ع كيفه و ليش ماقال لي هااا ليش ماقال لي
و سرت اصييييح بقوه
ام خالد بلا مبالاه: ولا كمان تعرفين مين بياخذ ؟!.
مزون ببكى و صراخ: ميييين كمااان ميييين لا يكون مصيبه !!!
ام خالد: اي مصيبه بياخذ تولين
" زي الصدمة نزلت علي معاذ بياخذ تولين !! بياخذ إلي اغتصبها قبل اربع سنين مانسي الهرجه ولا شيء يعني مخطط للموضوع من قبل "
مزون بقهر: والله ما اخليهم يتهنون وربي ما حخليهم
ام خالد بشر: خربي عليهم طيب ولا تخلينها تجيب له الولد ولا تخلين معاذ يحبها
مزون بسخريه: اشك اصلاً انها بتحبه
ام خالد بستغراب: وليش ان شاء الله ؟!.
مزون بخبث: كذا بس لكن ولا يهمكِ ماما الموضوع هذا خليه معاايا وربي مابسيبهم فحاالهم يشوف معاذ انا يستغفلني و يخبي علي موضوع زي كذا
ام خالد ببرود: نشوف وش بتسوين طيب
..
ابها - بيت ابو رائد } .,
ام رائد ببكى: يعني جاء ولا خليتني اشوفه ليش كذا يامحسن ليشش ؟!.
ابو رائد بقهر: بس اسكتي من زينه عشان تشوفيه إلي يعصي امر ابوه هذا مايستحق يكون معاه او يشوفه
ام رائد بحده: وليشش اصلاً انت السبب إلي خلاك تتبرأ من بندر مو مقنع ولا يدخل الراس اساساً حرام عليك يامحسن 7 سنين ما حن قلبك ع ولدك ماتمنيت تحضنه و تساله وش مسوي اليوم و ....
و ماكملت كلامها لانها سارت تصيح بقوه
ابو رائد بضعف: بس خلاص اسكتي
ام رائد بحزن: طيب رجع ولدي
ابو رائد: زين يسير خير
ام رائد بفرحه: جد محسن بترجعه ؟!.
ابو رائد بحزن: إيه برجعه و كمان لخاطر عماد و الكلام إلي قاله لي
ام رائد بحب: يعطيه العافيه عماد ع الكلام إلي قاله و خلاك تفهر زين
ابو رائد: و كمان لخاطر رسيل سمعت كلامكم اول يوم انكم في الصاله
ام رائد بهدوء: زين انو كل هذا اثر فيك الحمد لله
..
المغرب - المستشفى } .,
لين ببرود: الله يسلمكِ يارب
تولين بطيبه: لين ياقلبي كولي الله يسعدكِ انتي من يوم ماصحيتي ما اكلتي ولا حاجه
لين بحزن: مالي نفس تولين
تولين بهدوء: ليش ياعيوني ماسمعتي الدكتور اش قال لازم تاكلي كويس يلآ عشاني
لين ببكى: مين له نفس ياكل وهو سامع هذا الكلام باللهي عليكِ يَ تولين ؟ صدمه لي وربي صدمه معايا السكر و فقر دام شديد و سوء تغذيه مرا وحده ترا وربي قلبي مايستحمل كل هذا
" وسارت تبكي بقوه "
تولين ودموعها نزلوا: معليش ياقلبي اللهم لا اعتراض هذا قدر ربي خلاص حبيبي مسحي دموعك
لين: فينهم لينا ليش ماجات ماتدري إني في المستشفى بابا فينو و ماما كمان اشبهم مايجون لي يكرهوني صح تولين يكرهوني انا ادري وربي ادري بس على الاقل قولي لهم يجون لا يتكلموت بس يجون ابغا اشوفهم الله يخليكِ تولين الله يخليكِ آإهئ آإآإههئ
تولين ببكى: خلاص يالين ابوك اليوم الظهر عرف انك في المستشفى وربي جاء على طول و جلس ساعتين و مشى عشان عنده شغل ضروري و لينا مادري انك في المستشفى اساساً و امك ماعرف اذا تدري ولا لأ بس ولا يهمكِ لا تبكين ياقلبي اللحين ادق ع محمد اخليه يجي و يجيب امك ولا يهمك
" و سارت تهديها "
لين بعد ما هدأت: يلآ طيب دقي
تولين: طيب
و دقت على محمد و قالت له يجي هو و امه و ابوه كمان
تولين: خلاص ارتحتي ياقلبي يلآ كلي الله يخليكِ يا لين وربي بعديت تتعبين
لين برتباك: بندر يدري ؟
تولين بعصبيه: عسى ما بندر و التبن ان شاء الله !! هذا لا تجيبين اسمه على لسانكِ سامعه هذا ساس المصايب ذي كلها هو سبب كل شيء لا تطرين اسمه على بالك ولا تفكرين فيه ساامعه يالين
لين ببكى: طيب بس قولي ليا يدري ولا لأ ؟!.
تولين بحدة: لأ مادري ولا بنخليه يدري حتى !! , و يلآ كلي الآكل برد
لين: طيب
..
في شقه بندر & ناصر } .,
ناصر بود: خلاص يابندر لا تشغل بالك الله يخليك ان شاء الله عمي بيغير رأيه و يرجع كل شيء زي ماكان
بندر ببرود: ما اتوقع جيب و طردني ولا عبرني حتى ولا حسيت انه مشتاق لي اساساً
ناصر بهدوء: لا اكيد انه مشتاق لك بس مايبي يبين لك و صدقني انا عندي احساس انه بيسامحك و بترجعون زي ماكنتو و احسن كمان
بندر بهدوء: يارت وربي تعـ,,,,
ناصر بستغراب: غريبه مين يدق ذا الوقت ؟!.
بندر بستغراب: ذا محمد اخو لين " و بخوف " لا يكون فيها شيء
و رد بسرعه
بندر: الو
محمد: السلآم عليكم
بندر: و عليكم السلآم
محمد: كيف حالك بندر ؟ و كيف صحتك ؟!.
بندر: الحمد لله بخير , و انت بشرني عنك ؟!.
محمد: الحمد لله , بندر
بندر بخوف: هلا
محمد بحزن: اتصلت عليك ابغلك انه لين في المستشفى من اليوم الفجر
بندر بصدمه: كيف لين بالمستشفى ؟!. خير ان شاء الله في اي مستشفى هي اللحين انا جااي
محمد بهدوء: مستشفى الـ,,,
بندر بعجله: طيب سلآم
و سكر من محمد بسرعه و راح جهه الدولاب و اخذ مفاتيحه و طنش ناصر إلي من اول يسأله اش فيه و خرج من الشقه رايح ع المستشفى بسرعهـ.,
..
عسير - شقه يزيد & لينا } .,
يزيد بصراخ: ارخي الصوت و عمى ان شاء الله
لينا بقهر: وربي الصوت مرخي اش فيك انت تراك ازعجتني
يزيد ببرود: والله انا سامع الصوت و مو عاجبني ارخيه بسرعه لايجيك كف يعدل وجهك بسرعه
" رخيت الصوت و انا بموت قهر نايان متى ارجع جده متى بس متى !! وربي لاطلب الطلاق هذي عيشه لا تطاق جاب لي الهم ذا الرجال معاد فيني حيل استحمله اكثر من كذا "
يزيد بسخريه: في اش تفكر ست الحسن و الجمال ؟!.
لينا بهدوء: اقول يزيد
يزيد بستغراب: خيييييييييييييير
لينا ببرود: انت ماطفششت مني ؟!.
يزيد: ههههههههههههههههههههه حلوة لا ماطفششت عندكِ شيء ؟!.
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك