رواية اسمحيلي من النظره الأولى اوصلك احساسي -11
مطر لا هاي اختك مخبله وشايفه حالها وايد
وانا هب مجبور اسوي الي تباه
اسمح لي يانواف
نواف ابد براحتك وصدقني الف بنت تتمناك والله يوفقك
مطر لا تزعل مني نواف وانا اخوك بس اختك نرفزتني وايد وانا لأني حابك وحاب اهلك قلت
نصير نسايب بس الظاهر ماشي فايده
نواف صدقني ماني زعلان منك وهذا قرارك
والي يريحك
مطر على العموم الزواج قسمه ونصيب
اشوفك على خير
نواف لا تقطع علينا خلنا نسمع صوتك
مطر اكيد يالله فمان الله
..............
عماد داخل الشقه
مها مها وينك
دخل غرفة النوم وكانت ظلمه بس الأبجور
الي جنب السرير تشتغل
تفاجأ بمها تحضنه من وراى ظهره
عماد وقف مكانه ولا تحرك
مها حبيبي انا اسفه اني طولت صوتي عليك
وزعلتك بس والله اغير ومقدر اشوفك
تكلم احد ثاني وبحاول اخفف من الغيره
بحاول بس انت ارفق علي ولا تعصب
بسرعه علي لازم تتفهمني والله اخاف احد ياخذك مني انا بدونك اموت
عماد حط يده على يدها
انتي ساكنه في قلبي وعقلي واستحاله
افكر بوحده ثانيه انا اخترتك من دون البنات
وحبيتك وبعطيك عمري وقلبي
مسك يدها وسحبها لجهته وصارت مقايلته
ولما شافها تنح فتح فمه وعض على شفته
اشوف هالزين وتبيني ازعل يابنت الذينه
وباسها بقوه على شفايفها وشالها لسرير
^___________*
....................
في بيت ابراهيم
ابراهيم داخل معصب وينادي طلال
طلالوه وينك
موضي خير يابو طلال شصاير
ابراهيم من وين يجي الخير وولدك طلالوه
موجود فشلني الله يفشله هذا اخرتها لما
عطيته الحريه في ادارة المدرسه صار
يلعب على كيفه
موضي فهمني السالفة الله يهداك
طلال نازل من الدرج وكاشخ ناوي
على طلعه خاصه له ومر على الصاله
السلام عليكم
ابراهيم تعال ياستاذ اقدر اعرف على أي اساس
تفصل بنت اختي حبيبه من المدرسه
طلال قلة ادبها علي اولا وثانيا البنات
مارتاحو لها وبس
ابراهيم ياسلام عليك وتقوم تفصلها بدون ماترجع لي هاا
اسمع طلالوه انا لو مابنت الحلال المساعده
بلغنتي قبل لا تقول لحبيبه كان خليت عقابك
اكبر انا قلت لها تشق الورقه الي ارسلتها
حضرتك لهم ولا تخبر حبيبه وياليت من
اليوم ورايح ماتدخل في شؤن الأداره
الداخليه انت الي عليك الأمور الثانيه
سامع وبعدين انا ماسمعت الا المدح لها من اولياء الأمور وهذا انا اقولك لا تفصل احد
من الموظفين الا لما ترجع لي سامع
طلال يبه انت اسمعني قالت لي كلام
ابراهيم مايهمني شقالت لك وانا واثق
من بنت اختي والله ياطليل اذا تعديك حدودك
معاها ياويلك
طلال ومن متى صارت بنت اختك الا
الحين توقف معاها ضد اولدك وحده
لا راحت ولا جات
وتفاجأ بالكف القوي على وجه
موضي ابراهيم تعوذ من ابليس
ابراهيم والله اذا تكلمت بالغلط عن
بنت اختي لا تلوم الا نفسك
تركهم وصعد غرفته
طلال انا يضربني عشان وحده
مثل هذي زين يصير خير يابراهيم
موضي وقص في السانك ياقليل الأدب
هذا ابوك والمفروض تروح وطيح
على راسه عشان يسامحك ياولدي
بنت عمتك يتيمه وابوك حاب يصلح الي
صار من السنين الي راحت واقل شي
يساعد اخته وبناتها عشان عمتك الي
من تشوفك تهلي فيك وتحبك
طلال والله عشان عمتي ولا اهي
...انا طالع تامرين بشي
موضي تروح تراضي ابوك الحين
طلال مو الحين يمه خليها بكره ان شالله
موضي الله يهداك بس ولا تتأخر مثل
عوايدك ارجع من وقت
..............
ليال لأ ليه
امون بصراحه ليال انا خايفه ان اخوك للحين
يحب البنت ذيك وماعندي استعداد انجرح
ليال والله يامون انه حلف لي انه نساها
ولا يفكر فيها وبالعكس اهو بنفسه طلب
مني اسألك اذا انتي توافقين عليه
امون ليال مدري خليني افكر ممكن
ليال اخذي راحتك حبيبتي وانا اتمناك
لبسام من زمان بس هذا زواج وقسمه ونصيب
سكرت
بسام واقف جنبها افهم من كلامك ارفضتني
ليال قالت بتفكر لأنها خايفه انك للحين تحب
ذيك
بسام وانتي ماتعرفين تسترين على اخوك
لازم تفضحيني قدام ربعك كل واحد يغلط
بس شقول
ليال قالت بتفكر اصبر عليها
بسام يعين الله
..............
فطوم الحين انتي من كل عقلك رفضتي
مو هذا الي تحبينه وكنتي بتموتين عشانه
امون فطوم فهميني لو ماكنت ادري عن
سالفته كان قلت لك انا الحين اسعد وحده
بس اخاف انه للحين مانساها
فطوم انتي فكري واستخيري والله ينور
قلبك
امون امين معاك عن جد كسر خاطري
مطر ومدري كيف ردة فعله اذا نواف قال
له عن شرطك مو هينه
فطوم والله كل وحده لازم تخاف على نفسها
خاصه اذا كان راعي سفرات ماتدرين شيسوي
هناك وانا مو ناقصه احمل امراض لطول
عمري والله اني اسمع واقرا قصص تشيب
الراس يعني الوحده تحافظ على نفسها
عشان زوجها وهو ينقل امراض لها وتروح فيها
امون صادقه بس بعد ابي اعرف ردة فعله
شرايك اروح اخذ الخبر من نواف
فطوم انا مايهمني رده
امون بس انا يهمني بروح اشوف
ثاني يوم المغرب
في الشقه مها تقفل باب الشقه بنروح مع عماد
وكان ينتظرها في السياره توها بتنزل
ام محمد طالعه من شقتها
هلا مها شلونك
مها بدون نفس تمام(اذا انتي بعيده عني)
عن اذنك مستعجله
ام محمد اذا ماكلف عليكم يابنتي توصلونا
الصيدليه مع بنتي
مها لا ماراح انوصلكم بس خلاص صايره
نشبه في حلقنا ماعندكم اهل وبعدين لو سمحتي لا تزوريني مع بناتك وفيه مثل ينقال
اذا صاحبك عسل وانتي عارفه الباقي
واتركتها ونزلت
اطلعت هنادي من الشقه بعد ماسمعتها
انتي شلون تسمحين لها تكلمك كذا
ام محمد معليه يابنتي خليها تتهنا الحين
فيه وشهر بس وبتسمعين الأخبار العدله
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
فطوم واي وناسه
امون خير شفيك فرحانه
فطوم ماتصدقين الحين قالت لي حبيبه
ان ليال انخطبت وملكتها الأسبوع الجاي
امون ماشالله ومن بتاخذ
فطوم ماراح تصدقين بس صج نصيبك
تاخذينه حتى لو كنتي ماتبينه
امون فطيم منهو
فطوم بندر ال.. اخو صديقتك طرفه
امون حلفي قويه ليال رضت ماصدق
فطوم قلت لك نصيبك يصيبك لو بعد مليون سنه
بروح ابارك لها
امون وباركي لها عني
أرجعت تقرا المجله الي كانت في يدها
وجاتها رساله في جوالها
افتحت تقراها
(مساء الخير واسف اني ارسلت لك بس لأني
حاس انك بتظلميني انا انسان قلبي فاضي
وحاب انك تملينه لي فكري ولا تستعجلين
بسام)
امون مصدومه ومتفاجأه
وزادت حيرتها اكثر تصدقه وتصدق كلامه
ولا تصدق كلامها
؟؟؟؟؟؟؟؟؟؟؟؟؟
بعد ماتفق بندر مع سعود ابو ليال على
الملكه راحو البنات لها عشان يسألونها
متى تجهز لها
ليال ببرود ومن قال بروح سوق وبتجهز
شوشه من كل عقلك تتكلمين
فطوم تمزحين اكيد
ليال والله ماامزح انا مابي حفله ولا شي
يملك ويتوكل على الله
حبيبه ومن متى صارت الملكه كذا مو لازم
يدخل ويشوفك ويلبسك الشبكه
مها اكيد يعني لازم تتجهزين
ليال اهم عندهم الواحد اذا ملك مايشوف
حرمته الا يوم الزواج وهذا الي مريحني
شوشه ياسلام يعني مافيه فترة خطوبه
وتجلسين معاه بروحكم
وتغمز لها
ليال لا الحمدلله الله رحمني
فطوم لويل ليكون انتي مغصوبه عليه
اسلوبك يقول كذا
ليال لا شفيكم بس انتو تعرفوني انا وحده
مو رومانسيه ولا احب هالحركات
حبيبه في هذي صادقه بس عاد مو كذا
حرام عليك خليه يشوفك ويجلس معاك
ليال شفيكم انا قلت لبسام يقوله ابيها
عائليه وفي بيتنا ريحو نفسكم
البنات خلوها على راحتها بس لما امها
اطلبت خطوبه لبنتها عشان تفرح فيها بندر
ماقصر حجز قاعة افراح وكل شي
اهو تكفل فيه ولما درو البنات انه فيه
خطوبه كبيره ومعازيم كثير والأخت ليال
مافكرت تروح سوق تشتري لها شي
اهم من نفسهم راحو وشرو لها فستان
واحجزو مشغل وكل شي لها
............
لولا الأمل مابقى بالدنبا رجاوي
لولا الأمل محد بالدنيا سلا
لولا لأمل ماسفرت سود الهقاوي
لولا الأمل ماكان للعله مداوي
لاولا لأمل مارفرف الطير وعلى
لولا الأمل ماكان للعثرى تقاوي
لولا لأمل ماقيل للفرحه هلا بك
ياكود لحظات الأمل تمحي البلاوي
واليل لا طول مادام البلى
واشرق شعاع النور والغيم انجلى
%%%%%%%%
الأحداث القادمه
ليال انت ماتستحي احنا في مكان عمل....
حبيبه لو سمحت لاتتصل على هالرقم......
فطوم يعني اتوكل على الله....
مها مدري شعندكم على ....
شوشه اهو الي تحرش فيني
وللحديث بقيه
الفصل السادس عشر
اليوم ملكة ليال وبندر
في غرفة العروس
مها ليال يجيك تكيف من هنا
ليال ايه يجي
حبيبه ماشالله عليك يالويل صايره
حلوه بالمكياج
ليال ماعلقت بس كان تفكيرها
(ارتبطت فيه خلاص مافيه مفر واحد
عاداته غير عني كيف بقدر اعيش معاه بس معليه لأخليك تندم على
اليوم الي فكرت تاخذني فيه)
مها هي ليال وين سرحتي اكيد في
حبيب القلب اجل لو شافك الحين
شبتسوين
ليال من قال حبيب قلبي وبعدين
من قال بيشوفني ماتدرين ان عاداتهم
مايشفون حريمهم وامه او اخته
اهي الي تلبس الشبكه
حبيبه يمكن اهم غير لا تعقدينها
ليال لا مو غير وهذا الي مريحني كثير
مها مدري احس انك تكرهينه وانك
مغصوبه عليه
ليال حبت تغير الموضوع
وين باقي البنات للحين ماوصلو
حبيبه توهم مخلصين من المشغل
وبيروحون يجيبون مسكة الورد من
المحل
ليال سامحوني تعبتكم معاي وان شالله اردها لكم في الأفراح
مها كم ليال عندنا تستاهلين كل خير
يمه ياحلاتك وباستها على خدها
........
في المشغل
فطوم يالله شوشه نواف وصل
شوشه انا ابي افهم ليه مارحنا
مع امون لما جاه ابوك ياخذها
فطوم لا حول بنعيد السالفة قلت
لك امون بترجع البيت وتلبس وتجي
مع امي يالله خلينا نطلع ماتعرفين
نواف مايرضه نتأخر عليه
شوشه طيب روحي وانا بكلم السواق
فطوم لا حبيبتي بتروحين معاي
لأني بروح اجيب مسكة الورد وانتي
بتنزلين المحل وتجيبينها لأنى فستاني
فيه ذيل طويل وانتي ضيق
شوشه ياسلام انزل وانا متزينه
خلي اخوك ينزل
فطوم طيب بقوله خلينا نطلع
اطلعو واركبو السياره
نواف لا تكفون كان نمتو بعد داخل
اصلا انا ماوراي شغل على حسابكم
جالس
كان يتكلم بصوت عالي
فطوم الله يهداك نواف ماتأخرنا
على مالبسنا عباياتنا وطلعنا
حرك السياره
فطوم الله يعافيك ودنا محل الورد
بنجيب مسكة الورد للعروس
نواف بعد محل ثاني والله ماتنعطين وجه يافطيم
راحو عند المحل ووقف
نواف نزلي جيبيها خلصي
فطوم امسك هذا الفاتوره روح جيبها
الله يعافيك
نواف ماني نازل روحي انتي واذا
ماتبين امشي احسن
فطوم نواف فستاني طويل ومااقدر
نواف اقول احرك ابرك لي
شوشه لحظه فطوم عطيني الفاتوره
خذتها وانزلت المحل
شوشه لو سمحت جايه اخذ مسكة الورد وهذا الفاتوره
صاحب المحل اوكيه لحظه وحده
دخل يجيبها من داخل
شوشه كانت واقفه تنتظر ولا اسمعت
الا احد يكلمها
الشاب الله على هالريحه ادوخ اكيد
مثل راعيتها
شوشه ماعطته وجه وابعدت عنه
قرب عندها
اقول ياحلو اخذي هذا رقمي دقي علي متى ماخلصتي من حفلتك
شوشه انت ماتستحي يالله انقلع اشوف
الشاب شدعوه كلها رقم اخذيه بنتسلى
بس فيه يد ثانيه انمدت وخذته
نواف الظاهر انت ماتستحي ولا متربي وجالس تغازل فيها
الشاب اوكيه السموحه اذا اهي اختك
او زوجتك وهذا اهي ماصار لها شي
نواف شكلك حاب تتنوم في المستشفى وبعدين الشرطه
الشاب قلنا سوري وطلع من المحل
نواف ماشالله مالوم الولد الي خق عليك الحين ينقال انتي مغطيه وجهك
ترا تعبتي روحك يوم تغطيتي
شوشه بكل براءه وانا شعلي
انا واقفه بكل احترامي اهو الي
تحرش فيني
صاحب المحل
تفضلي يانسه وهذا الورده عشانك
نواف عصب اقول روحي السياره
احسن لك وانت عطني الورد
شوشه بعد ماركبت
فطوم شصاير سوذالك شي الولد
شوشه يمه اخوك يخوف شكله يضرب صج فطوم
فطوم توها بتتكلم بس نواف ركب السياره ورمى الورد في حضن فطوم
ووصلهم الصاله وكان يسوق بسرعه
جنونيه
لحد ماوصلهم الصاله وانزلو وراحو
غرفة العروس
مها خير ليه تاخرتو
شوشه لو تدرين ليه تأخرنا
فطوم ماعليك منها زحمة سيارات
شوشه تناظرها ايه صج زحمه
مها والله كلامك غير ونظرة عيونك
تقول كلام
فطوم شفيك مها خلصنا
حبيبه جايه من برا
ليال حبيبتي خوات رجلك بيسلمون عليك
ليال تضايقت بس ماحبت تبين لهم
ادخلو خوات بندر
مزنه وطرفه وبدور وسلمو عليها
طرفه الله يبارك لكم وماتصدقين
شقد فرحة لما قال بندر انه بيخطبك
تستاهلين
ليال(استاهل اخوك الله يعين)
مزنه اخوي مزيون ويستاهل الزين
بدور شفيك ياعروس خايفه ولا مستحيه
شوشه الأثنين تدرون الوحده في
هاليوم اكيد بتخاف وتستحي
وسألو مجرب وتأشر على مها
مها يوووووووه والله تقولون داخله
فلم مرعب الله يعينها
وبدخلت شهد وامون
شهد بنات ماشبعتو سلام من حرمة اخوكم امكم تسأل عنكم
طرفه الحين بنروح بس بنات ماعرفتكم انتو تعرفون بدور بس
هذي مزنه اختي الكبيره
امون ناظرتها لأنها اعرفت من ليال
انها اخت بندر
(الله عليك يابسام من نظره حبيتها مالومك مرسومه رسم معقوله نسيتها
يارب ساعدني)
كملو البنات الحفله وكانو مقضينها
رقص ووناسه وعلى الساعه 11
ادخلت ليال بزفه رتبوها لها ربعها
وكانت تمشى على الممر وربعها
يحاولون فيها تبتسم عشان التصوير
اوصلت واجلست في الكوشه
وبعدها جاو حريم اخوان بندر
وامه وجدته وسلمو عليها
ليال(الله يعدي اليله على خير وبعدين
صارت الساعه 12 متى بتلبسني امه
الشبكه وتريحني عشان اروح)
بس تفاجأت بزفه من الطقاقه
والحريم تغطو وكانت تبي تعرف السالفة ومن بيدخل وربعها اختفو
وشافت بندر داخل وامه وخواته
من حوله زافينه وينثرون عليه
ورد وفلوس بالهبل
ليال ظلت تبحلق فيه ماصدقت وانصدمت وكانت تبي تصيح وصل
بندر عندها ومد يده لها وسلم عليها
وباس جبينها ووقف جنبها
وخواته يصورون بالكاميراه
اجلسو على الكرسي وليال منزله
عيونها اما بندر فكان يناظر فيها
من فوق لتحت لأنه على كثر ماتكلم
معاها ماتوقع تكون بالحلاوه هذي
همس لها
بندر يعني كنتي خاشه تحت الغطى
ملاك احمد ربي انك صرتي لي
بعد اغنيتين قام معاها لجهة الطاوله
الي فيها الشبكه والكيك ولبسها
الشبكه قطعه قطعه وكل مالمسها بيده
ليال كانت تحس بكهرب في جسمها
بعدين مسك السكين وحط يدها معاه
وقطعو الكيك وعطاها في فمها
وهي بالموت عطته وشربها العصير
ولما جات تشربه امسكت الكاس وكانت منزله رأسها مستحيه وصارت ترفع الكاس وترفع ماوصلت لفمه ووقفت ابتسم بندر
ومسك يدها وكمل معاها وشرب
البنات ماتو ضحك لأنه شكلها عصب
وكان بندر طويل كثير بالنسبه لها
بعد ماخلصو طلب بندر يروح
معاها الغرفه يبي يجلس معاها
وتسكر الباب عليهم واصوات الطق
عاليه
ليال جاتها رجفه لما شافت نفسها
بروحها معاه
بندر مسك يدها ليال بسم الله عليك
لا تخافين تراني مو وحش ولا عاضك
ليال .......
بندر ظغط على يدها
ماشالله عليك ياليال اثرك مغطيه
غزال قمر الله يحفضك لي
شفيك ساكته على كثر ماسمعت صوتك الحين ابي اسمعه
وانا اشوف وجهك وتعابيره
طيب ان شالله اعجبتك الخطوبه
ليال مايهمني الي سويته من الأساس
بندر سمعي انا ادري انك زعلانه مني بس ابيك تعرفين السبب الي
خلاني اسوي كذا
ليال ماابقى اعرف والي لازم تعرفه
اني اكرهك واحقد عليك من قلبي
بندر انتي عرفي السبب والله بيقنعك
سمعي
ليال مايهمني اعرف ولازم تعرف
اني من الأساس رافضه فكرة الزواج
من واحد مثلك حتى اخوي لما بقى اختك حاولت اقنعه مايفكر فيها
لأنها مو من ثوبه وانت بعد مو من
ثوبي طلقني طلقني وريحني
بندر تنرفز وقف واخذ نفس عميق
ورجع قبالها وكان قريب منها كثير
وحط ايدينه على الكرسي الي جالسه
ليال فيه
انتي الحين معصبه يعني مايفيد الكلام معاك وطلاق ماني مطلق
لحد مالبدوي يكسر راسك سامعه
ليال ماجبته من بعيد مالت عليك
بندر اجل انتظري الي بيجيك مني
عدل وقفته وسحبها من يدها
وخلاها قباله وبكل قوه باسها وعض
شفتها بقوه ورماها على الكرسي
وطلع من الغرفه
ليال وهي تمسح محل البوسه وخربت الروج في فمها
زين لأخليك تندم طول عمرك
انك فكرة تاخذني
........................
يتبع ,,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك