رواية ياخاطفي وين القي عزتي في زمان المذلة -96
تحذير عبير لهنادي هل سيكون في صالحها ام ضدها؟
باسل وتقدمه خطوة الى الأمآم هل يبعد هنادي عن الأحدآث؟
شوق وحكايتها الأليمه هل ستكون نهايتها الموت ؟
مجهولي الهويه وحبكتهم المريبه ضد فهد ما سببها ؟والآهم من هؤلآء؟
صفاء الغائبه عن الاحداث كيف ستكون عودتها ؟
بأنتظآر تعليقاتكم
كونوآ بخير جميعا
سبحانك اللهم وبحمدك أشهد أن لا إله إلا أنت أستغفرك وأتوب أليك
البارت الثامن والأربعون
َحبّـكْ ب َ قلبـيْ لـو كَتبتـهْ بَ الأقـلامْ ,’
. . . . . . . . . . تبقـىْ ملاحـمْ تنتسـب ْلـ لأساطـيـر
كَلمـهْ وَ ارددهـا علـى ْ مـرّ الأعـوامْ ,’
. . . . . . . . . . انّـك ْحبيبـيْ دايمـاً غيـر ْxغيـر
وَ ارجعْ وَ اقولكْ ( ياحبيبيْ) . . وَ كَلْ عـآمْ ,’
. . . . . . . . . . تحيا وَ تبقىْ في ضلوعيْ علـىْ خيـر . .
دخلت الغرفه بدلت ملابسها وراحت لغرفة شوق ومها حتى تختلي بنفسها ..رمت نفسها على السرير وملايين الأفكار تستحوذ على تفكيرها تاره ترميها على شاطئ الأمل وتاره تدخل الخوف الى نفسها متذبذبة الحال والتفكير... سكنهآ الصدآع من شدة التوتر وأنشغالها بالتفكير ..شعرت بتشنج عضلآتهآ وتسارع انفاسهآ ونبضآتهآ لآ تجد من تشكو إليه علتها ...مآحست بنفسها الا بصوت الأنسانه اللي حبتها كثير
روآن بهمس سآححر: آآآآآآآآه ياقلبي
هنادي غمضت عيونها وابتسمت بذبول:سلامتك من الآهـ...كيفك
روان: بعد ماسمعت صوتك صرت بألف خير
هنادي:عساه دوم ياقلبي ...ويش تسوين؟
روان: لآجديد يذكر ولآ قديم يُعاد ..ألا أني بمطعم
هنادي: ليش ماقلتي لي كان رحت معك
روان بشهقه: ياحياتي انتي وربي طلعتي جات فجأه .. ايش فيه صوتك مرآ مو عآجبني
هنادي بتوتر:ولاشي بس ضايق خلقي شوي
روان: عساه عدوينك ..قولي لحبيبتك رونا حتى ترتاحي
هنادي:مابي اضيق لك خلقك ساعه واروق ان شاء الله
روان بشك: هنو لاتخبي علي
هنادي تضحك: شي سخيف مايحتاج تقلقين ..كنت ابي اسمع صوتك غلاي يالله اتركك الحين
روان:لما ارجع البيت حدق عليك حتى لو الوقت متأخر
هنادي: أوكِ
بعد مآ قفلت من روآن طلعت من الغرفه ومرت من جنب غرفة رغد سمعت صدى بكآئها قربت من الباب أكثر وتأكدت أنها تبكي وقفت دقايق قبل تدخل عليها وبدآخلها شعور يمنعها ..ضغطت على نفسهآ ودقت الباب بشويش ..مآ جآهآ أي رد أختفى صوت رغد الباكي
رغد: تفضل
فتحت الباب وتفاجئت بظلام الغرفه عدآ الأبجوره القريبه من سريرهآ..قالت بنبره حنونه: ايش فيك تبكين ؟
رغد رجعت كأنهآ طبيعيه:أنآ ابكي ؟..شكلك تتوهمين
هنادي جلست على طرف سريرهآ:لآ مآ أتوهم..سمعتك تبكين بس انتي مآتبين تعترفين
رغد بشك:هنآدي نظفي أذنك زين مآكنت أبكي ..حتى خلصت المذاكره وبنآم بكره وراي دوام طويل
هنادي حطت يدها على راسها بشك: معقوله ؟!..اجل مين اللي يبكي ؟
رغد بخوف: بسم الله لآيكون سامعه شي ماهو زين
هنادي أنتفضت :يمه لآتقولين كذا ترى اخاف ..على قولك يمكن أتوهم ..سوري اذا نكدت عليك..تصبحين على خير
رغد : تلآقين الخير ..وانتي نامي الساعه صارت قريب وحده
هنادي قبل تسكر الباب: أيوه بنام .."طلعت وقلت الباب ورآهآ
تنهدت بتعب وأرهاق:الحمدلله ماحست بشي وألا ماتطلع الا لما تعرف السالفه
رجعت انسدحت وعقلها وقلبها في مكان ثاني
( ياترى عبدالله ويش يسوي الحين ... زوجته ولدت وألا لا ..مشتاقه له كثير رغم كل اللي سوآه آآآآخ يآحبي الأول مهمآ حاولت أبعد وأقسى يرجعني له الحنين..يمكن لو اتزوج أنساه بس مستحيل انساه اذا كل هالفتره اللي عدت وانا أكابر واكذب على نفسي واقول نسيته وهو عايش بقلبي )
غمضت عيونها تبي تهرب الى عالم الاحلام عسى أن تجد ضالتها هناك
دخلت الغرفه وشآفت سحر وريم جالسين جنب بعض ...الغرفه هاديه والأضائه خآفته ..وسمر منغمسه بنومها ..انسدحت وغطت نفسها ببطانيتها
سحر بصوت واطي:هنوده تعالي سولفي معنا
كانت كاتمه انفاسه واحزانها خشية ان تسيطر نفوذها عليها:ابي انام روحوا بالصاله خذوا راحتكم
ريم تغمز لسحر وبصوت قريب للهمس: خلنا نطلع عشان اقولك السالفه كامله
سحر تدفها على قدام: يالله طيب..احلام سعيده هنو
طلعوا وسكروا الباب...هنا ذرفت دمعتها بصمت ولهب انفاسها يكاد ان يحرق قلبها وأحشائهآ
أستسلمت لواقعهآ المرير ولكن لم تسلم من وسآوس الشيطآن التي كانت اقرب الى تفكيرها
قبل تنام وصلها مسج كآن محتوآه
آسآلكْ وَ لآ آسآلكْ ..
تتذكَرْ خآلدْعبدالرحمنْ وشْ يقولْ ..
كَآنْ يدندنْ علىآ معزوفتهْ ..
وَ يقولْ ..
[ منْ هوْ انا بدنيـتكْ ] ..!؟
يآ خآلدْ آبيْ آدندنهآ علىآ الحآنيْ ..
وَ آبرسلهآ علىآ منْ سكَنْ وجدآنيْ ..
..............جآوبينيْ ..
..............جآوبينيْ ..
..............جآوبينيْ ..
[ منْ هوْ آنآ بدنيـتكْ ] ..!؟
بدون أي شعور ردت على مسجه وأغلقت جوالها ..بعد هذي الحركه قدرت تنام براحه
:::
:::
فتحت عيونها بهدوء ... حست بحركه خفيفه بأحشآئها ابتسمت بحب ..حلم عمرهآ اقترب أن يتحقق
ردت بنفسهآ (يارب تمم لي على خير وأرزقني بطفل يكون من عبادك الصالحين )بعدت الشرشف عنها ونزلت رجوله بشويش لبست الشبشب بهدوء أخذت مصحفها وسجادتها وطلعت من جنآحهم كله...توضت وصلت ركعتين بخشوع بعد انتهائها من الصلاه فتحت المصحف وبدت تقرأ بخشوع وترتيل سورة الرحمن ..استرجعت الأجوآء اللي كانت عايشتها انتهت من حزبها على وقت دخول صلاة الفجر بتوقيت الرياض ...صلت الفجر ونزلت تجهز الفطور لفهد قبل يروح للشركه
ميري كانت تحاول تمنعها:ماما خلاص ارتاحي احنا سوي
شوق:ماعليه ياميري انا ابي اسوي الفطور
ليزا بأصرار:نو ماما روح انت صح بابا فهد
شوق أبتسمت : طيب
طلعت للغرفه وفتحت الباب بشويش ..قربت من الستاير وبعدتها منظر شروق الشمس يأسر العين ...تأملته لمدة دقايق وبعدها قربت من جهة فهد
شوق بهمس: فهد ...قوم حبيبي
فهد بتضجر:قفلي الضوء بنام
شوق:قوم حبي كذا راح تتأخر على شغلك كافي امس مارحت له
فهد فتحت عيونه ببطئ:يآآآلله كم الساعه؟
شوق: صارت سته ونص يالله حبي قوم
ارتكز على ديكور السرير: يسعد صباحك
شوق بأبتسآمه:صباحك احلى ياعيوني يالله حبي قوم بيطلع وقت الصلاة وانت ماصليت
فهد يقوم: يالله بروح أخذ شور وأصلي
شوق:وانا بجهزلك ملابسك على بال تخلص
فهد يتمغط: زين ..مشى بأتجآه دورة المياه الجانبيه ..تركها تجهز له ثوبه وشماغه وباقي كمالياته
بعد ربع ساعه نزلوآ مع بعض
فهد: شوق لاتنسي الدوآء خذيه بموعده
شوق :بعد الفطور أخذ من الأدويه
فهد بتهديد:لآترهقي نفسك وألا بيصير شي مآيعجبك
شوق حطت يدها على فهمها حتى تكبت ضحكتهآ:أن شاء الله
فهد لف على جهتها ومد لها يده طل فيها بنص عين:أحسك تأخذيني على قد عقلي
شوق : لآ والله لاتظلمني ..بس ضحكني شكلك وأنت توصيني انت مصدق أني بأذي نفسي انا حريصه أكثر منك
فهد تنهد: الله كريم ..يالله نفطر تأخرت على شغلي
شوق تشبث يدهآ بيده: يالله
جلسوآ حول الطاوله وبدأوآ يفطرون
شوق تلعب بصحنها ماهي مشتهيه تأكل:فهد
فهد: هلآ
شوق: سمعتك وأنت نآيم تردد أسم صفاء على لسانك
فهد عقد حوآجبه بأستغراب بنفس الوقت صدمه:صــفــآء؟!
شوق رفعت راسها:ايوه صفاء مو هي اللي انخطبت وكذآ
فهد :اي هي نفسها ..أنتي متأكده أني نطقت أسمها
شوق بتضايق:أيوه متأكده ..يمكن شفتها بالحلم ..جايز كل شي يصير
فهد هز كتوفه بستغراب: يمكن
شوق بتغير الموضوع: مآقلت لك اني أحس بالجنين يتحرك
فهد قطب بحوآجبه: صدق
شوق ابتسمت:اي والله اليوم رفسني لما قال بس
فهد:طول هالمده كان هاجد ..ويش عنده اليوم
شوق تضحك:والله بيعذبني طالع على أبوه
فهد كشر: رجعنا لنفس الموآل
شوق ميلت فمهآ ورفع حاجبها الأيمن:يؤؤؤؤ لآيكون بتنكر انك ماعذبتني
فهد ضيق عيونه بزعل:لا ماني نآكر هالشيء ..وبعد انتي ماقصرتي فيني يعني رجعتي حقك
شوق تاشر عليه بالسكين:بالعكس ما أخذت لو جزء بسيط من حقي
فهد :يكفي العز اللي أنتي عايشه فيه
شوق تهز كتوفهآ بسخريه:أنت أكثر وآحد تعرف ان هالعز كله مآيهمني والفلوس مآتقوم ولآ تقعد عندي
فهد بتفاجئ:عجيب كلامك
شوق ابتسمت:كأن بتصير هوشه مالها لزوم ..على العموم نقفل هالسيرة لآنهآ تضيق خلقي وتذكرني بأشياء كئيبه مآودي أذكرها
فهد فتح الجريده: محد قالك تجبين هالسيره تحملي الحين
شوق كملت فطورها بهدوء وطنشته ..بدت تتوتر حطت حرتها كلها بصحنها وعصيرها ..بعد مآ شبعت وقفت بتطلع لغرفتها حتى تأخذ أدويتها ..أول مآوقفت ومشت خطوتين حست بألم فظيع صرخت وقبل تطيح مسكهآ بحركه سريعه منه ..أستندت عليه وتكت بظهرها على بطنه اللي لصق فيهآ
كآنت بعيونه لمعة خوف عليها سألهآ بنبره متخوفه: ويش تحسين فيه؟
شوق ضغطت على ذراعه بقوه وهي تتحمل الآلم اللي ببطنهآ:ألم خفيف الحين يروح
فهد :أتصل على الدكتور يجي
شوق :لالا الحين اخذ الدواء ويهدأ ...بدت حركآت الجنين تزيد ..حس فيهآ لأنه لف يده على بطنها ومآسكهآ بيده الثانيه
فهد ركز نظره على بطنها الكبير: هذآ اللي يألمك
شوق هزت راسها بالأيجاب وعلى شفاتها ابتسامه بسيطه تخفي ورآها الألم :أيه ..بطلع للغرفه أرتاح لاتخاف علي
فهد مسك يدها:بوصلك لحد الغرفه
شوق ابتسمت: انا اطلع لحالي روح الشركه وراك طريق طويل
فهد بأصرار:قلت أوصلك يعني أوصلك
جهزت الفطور للكل ..مشت لغرفتهم جذبها كلام هنآدي قربت أكثر منها أستغربت من همهمآتهآ بأسم بآسل وكلامها الغير مفهوم
ريم :هنادي ..هنآدي قومي حبيبتي
هنادي تلف على جنبها منغمسه بنومهآ العميق ..حطت يدها على خدهآ وبصوت أعلى صحتهآ مره ثانيه
هنادي: ريم خليني نايمه
ريم: يالله ياحلوه الساعه صارت سته وأنتي بعدك نايمه
هنادي فتحت عيونها بكسل:صحي سمر قبلي بعدين انا أصحى
ريم تخصرت: مآ الومك تبين تكملين حلمك بباسل
هنادي غطت نفسهآ بالبطآنيه متجآهله كلآم ريم ... بعد ثوآني استوعبت اللي قالته وجلست بسرعه ودقات قلبها أسرع مآتكون وعلى وجههآ ملامح خوف مختلطه ببعض الصدمه:بــآسل ؟!
ريم بضحكه ساخره:ايوه بآسل ..من هذآ أعترفي يالله ؟
هنادي بخوف وأرتباك نآبع من داخلها:مآ أعرف أحد اسمه باسل
ريم:والله مدري عنك ياهنو لك ساعه ترددين أسمه على لسانك
هنادي بعدت البطانيه عنهآ ووقفت عدلت بجآمتهآ المعفوسه:أحلام يابنت الحلال يعني الواحد مايحلم ابدآ
ريم تبعد البطانيه عن سمر وصرخت:قوووووومي
سمر فزت من مكآنهآ وحطت يدها على قلبها مفجوعه:بسم الله الرحمن الرحيم "بصوت باكي" تدرين بطريقة هذي ممكن تسببين لي سكته قلبيه
ريم تشدهآ مع يدهآ: بلا سكته بلا صدمه قومي غسلي تأخرتي عن المدرسه اكيد اليوم بيعاقبونك
هنآدي تسبقهآ على الحمام وانتم بكرامه:ياويلك ترجيني عندك ثلاث حمامات روحي لوآحد منهم
سمر قآمت أخذت منشفتهآ وراحت سبقت هنادي اللي لقت أبوها بالصاله وجلست تسولف معه
بعد ساعه
سحر :يالله ياهنآدي بسرعه
هنآدي تأخذ شنطتهآ:طيب انزلوآ شوي وألحقكم
سحر وريم وسمر نزلوآ قبل هنادي اللي نست جوالهآ ورجعت تأخذه ...شآفته مقفل
هنآدي( يؤؤؤؤؤ من البارح مقفل كله بسبب العله باسل ..لا بعد وانا نايمه أنطق أسمه والله من صدمة اللي صار ) لبست عبايتهآ بسرعه ونزلت لخواتها
بالسياره
ريم :سحر متى تطلعين اليوم
سحر : أتأخر اليوم يمكن على العصر ارجع
ريم:خساره كآن نفسي اروح عند شهد
هنادي بلقافه: خلاص نروح بدون سحر هي تنام وانا وانت وسمر نروح نتونس عند شهد
سحر :لا تكفون خلون لما افضى
هنادي: متى تفضين انتي ورغد ؟!..بنروح لشهد يعني بنروح
سمر بحماس:اشوى قلتوا من بدري
ريم:مو على كل حال نروح ممكن اتعب ومانروح
هنادي :لا ان شاء الله تفائلي بالخير .."رن جوال هنادي وردت"هلا رونتي صباح الخير
روان بحده:كذا تعملي فيني طول الليل اتصل وجوالك مغلق المصيبه قولت لك بتصل
هنادي شهقت:سوري ياروحي وربي نمت وخلص الشحن
روان :وينك ؟
هنادي: توي طالعه من البيت ربع ساعه وأوصل
روان بتأفف: لي فتره جالسه لحالي
هنادي تستبهل:يابختك بيتكم قريب من الجامعه مو حنا نجي من اقصى المدينه
روان ضحكت: لاتتاخرين وخلي سواقكم يسرع شوي ..سيآآ
هنادي:سيآآ "دخلت جوالها في الشنطه"
سحر بنبرة شك:هذ روآن اللي متعرفه عليها ؟
هنادي هزت راسها بالأيجاب:ليش تسألين؟
سحر :شوفي هنو انا خايفه عليك ترى البنت سمعتها مش ولابد واضنك عارفه هالشي؟
هنادي عقدت حواجبها وبهجوم:ايش فيكم علي البنت ..خلوقه وتهبل ماشفت عليها شي يخليني اتركها
سحر بتهديد:احسن لك ولنا تتركيها والا بقول لعمي هو يتصرف
هنادي بعصبيه: بزر عندك تهدديني؟ قولي شي يخلني اقتنع أني اتركها
سحر بقهر:روحي شوففي سمعتها كيف طايحه بالارض وحضرتك مرتزه بينهم كأنهم صديقاتك من زمان ..هي وشلتها الصايعه
هنادي فتحت عيونها على كبرها:صايعين بعينك
سمر نزلت من السياره:يالله صباح خير..على طول مهاوشه
ريم تهديهم:خلاص يابنات لاتخربون مزاجنا من الصبح
سحر تلف على جهة ريم: تخيلي ياريم مصاحبه لك شله حقيره
هنادي بنرفزه: ويش اللي خلاك تحكمين عليهم وانتي ماتعرفينهم ..نصيحه لك ياسحر لاتحكمين على احد ألا لما تعاشرينه
سحر: طيب وعلياء؟
هنادي بتأفف:ويش فيها علياء؟
سحر نزلت الغطاء عن وجهها ورفعت حاجبها بسخره: لا تقولين ماتسمعينهم ينادوها علي ..وبعد الدخان اللي بكل زاويه تلاقينها تشفط منه زي المحششين
هنادي بصدمه ونبره طويله:عــلــيــاء؟
سحر بشوية حده:أيه علي ماغيره ..وتراها مسترجله صراحه مدري عيونك وينها كل هذا وماتشوفين
هنادي بأنزعآج:يووه خلاص غيري الموضوع "رن جوالي هنادي للمره الثاني ..طلعته وشافت المتصل"
هنادي(ناقصتك انت الثاني ..اعطته مشغول وحطت جوالها سايلنت )
ريم بلقافه: ردي والا كلام سحر ماعجبك مس هنوده
هنادي انفجرت بوجهها:ويش خصك أنتي ..أرد ما ارد شي راجع لي بعدين لاتفكرون تغيروني وتمشوني على كيفكم
سحر بعصبيه:حنآ خايفين عليك ونبي مصلحتك
ريم تمسك سحر: طنشيها كل واحد عقله براسه يعرف خلاصه
سحر بتأفف: انا ليش حارقه عمري عليك
هنادي خمست بيدها ولفت على الشباك تتأمل سور الجامعه الطويل ..دقايق ووصلوآ للبوابه كل وحده نزلت وراحت لحالها ومزاجها متعكر ومعصبه على الأخير
شآفت علياء وأيه وآقفين على جنب يأشرون لها طلت فيهم بعد تردد أتجهت لهم
علياء:صباحوو
هنادي ابتسمت:صباح الأنوار ..كيفكم
أية : الحمدلله بخير
علياء تطالعها بتفحص:يـــوووه ايش فيك معصبه وزعلانه
هنادي :ماني رايقه من صحيت
أيه لفت يدهآ على كتف هنآدي: لو تشوفك روآن متضايقه ومكشره كذآ بتقوم القيامه
هنادي أبتمست:عادي طبعي مزآجيه يعني طبعي يمر يوم اجي ماني رايقه
علياء ابتسمت وغمزت لها:روآن مآعندهآ ..توك ياهنو مآعرفتيها زين
سمعت أسمهآ لما قربت منهم ضمت هنآدي من ورى ولفت يدها على خصرها وباستها بسرعه على خدها
روآن:وحشتيني
هنادي حمرت خدودهآ:وانتي أكثر
روان وقفت جنبها بتخصر:كأني سمعت أسمي أيش كنتوا تقولوآ عني
أيه بضحكه: كل خير ياحلوه
روان :سبوني صح هنو
هنادي:يخسون يسبونك وانا موجوده
روان ضمتها: هذآ العشم ياقلبي
أنتبهت لسحر اللي تفصلها عنها مسافه شاسعه تطالعها بعصبيه وقهر
هنادي : يالله بروح لقاعتي
روآن لفت يدها حول خصر هنادي:اليوم محاضراتي كلها معآك بنفس المبنى
هنادي بفرحه :جد اجل يالله نمشي
مروآ من جنب سحر اللي مشت ورى هنادي وبصوت حاد : بــنــت
هنادي وروان لفوآ بنفس اللحظة
هنادي: نعم
سحرتطالع روان بأحتقار:يعني كلامي ماهمك
هنادي تصر على اسنانها: طبعا ماهمني وخليك في حالك رجاء ..حتى ما تسمعين كلام يزعلك
سحر مشت وقالت بنبره حاقده: يصير خير ..كلامنا مو هنا في البيت
تركتها مع روان ومشت لمبنى الطب حتى تهدي نفسها قبل تبدأ محاضراتها
روان بأستفسار: ايش فيها اختك ؟
هنادي بتأفف: تهاوشت معها في السياره
روان: هذي كذا شايفه نفسها على طول
هنادي طلت بروان بأستغراب: بالعكس طيوبه وعلى نيتها بس تعرفين لازم يصير سوء تفاهم
روان بأستغراب: مدري عنها صراحه قريبتك هذي ما ارتحت لها من زمان حتى لما جيت شبكتها حسيت انها متعجرفه
هنادي ابتسمت: والله أنها عكس اللي قلتيه ..خلينا نمشي لاتأخذنا السوالف
طلعت من البيت مآشيه بأتجآه المستشفى ..غمضت عيونها المنتفخه من بكائها طول الليل ..لفت تتأمل الشارع والزحمه تنهدت وهي تحس بثقل على صدرها ...انفاسها قصيره ضيقه
( يارررب أبدل حزني وهمي ..فرح وسعاده تملئ قلبي )
اتصلت على شهد حتى تنسيها أي شي يغمها أو يتعبها ..ثواني وجائها صوت شهد
شهد: ياحلو صباحي اذا فيك أتصبح
رغد ابتسمت غصب عنها على كلامها:الله الله غزل من الصبح ..ويش الطاري
شهد زمت شفايفها بهدها ضحكة:حرام أتغزل فيك
رغد: لا ماهو حرام بس وين زوجك ماتتغزلين فيه
شهد تخفض صوتها:بيني وبينك مليت من شوفته وكلامي المعسول معه ودي اسبه واتضارب معه كنوع من الأكشن ...رغد انفجرت ضحك على تفكيرها
شهد تبعد جوالها عن اذنها:اعوذ بالله فجرتي أذني بضحكتك ..طول عمرك دفشه
رغد :ياويلي على تفكيرك يا شهد
شهد كشرت:الحق علي اللي اعترفلك باللي في قلبي
رغد:أمحق اعتراف والله
شهد لفت الموضوع على طول: انتِ رايحه المستشفى
رغد بطفش:أيوه بس الطريق زحمه يبيلنا نص ساعه عشان نوصل
شهد: الله يعينك..تصدقين من يوم جبت ميشو وانا ما افضى حتى دراستي ناسيتها ولاعند نية اكملها
رغد: انتي تفكيرك أهبل السنه الجايه غصب عنك تكملين دراستك أقل شي تكون معك شهادة الجامعه
شهد :ويش ابي فيها يعني اعلقها بالمطبخ ..انا تزوجت وصرت أم وراي مسؤلية بيت وزوج وولد ..كلهم بذمتي
رغد:الله يأم ذمه...انتي صايره تقهريني بتفكيرك المتخلف هذا ..واذا تزوجت يعني تعتكفين ببيتك
شهد تضحك:الله يرزقك بزوج ياشيخه عشان اشوف كلامك وقتها
رغد: والله لو اجيب درزن بزران بكمل دراستي ..حبيبتي محد بينفعني الا شهادتي
شهد بصوت ساخر: ماشاء الله على تفكيرك يا دكتوره رغد ..اهنيك صراحه
رغد عبست: تتريقين انتي وجهك
شهد:هههههههه ايش تبيني اقول ..ياحياتي على يوسف ماهو مخليني محتاجه شي حاطني بعيونه اروح اتعب نفسي بنفسي لييييييييييه؟
رغد: كش عليك وعلى غبائك
شهد: أملي وطموحي فيك أنتي يابعد عمري
رغد: صدعتي راسي بكثرة هرجك ..الحين ما أستوعب شي
شهد: طيب لاعاد تتصلين علي ..حتى لو تحكك يديك
رغد أخذت نفس طويل:تدرين عاد شايله هم دكتور وليد
شهد :يوووه هذا ماخلصتي منه لسى
رغد شوي وتبكي:ياهو قارفني بعيشتي تخيلي ياشهد الطلاب صاروا يحكون علي يقولون اني اركض وراها خصوصا بعد ما طلعت بنفس القروب اللي هو راح له ..جاب لي الأكتئاب وفوق هذا كله حاطني زيرو على الشمال ..وبكل برود يجي يسالني ليه مستواكِ نزل
شهد انقهرت: آآخ لو أنا مكآنك يارغد قسم بالله اتوطى فيه
رغد: ياما فكرت اقتله واخلص منه حتى غطى تغطيت وبرضوا معه ماينفع
شهد تصبرها: ويش تسوين خلاص اصبري عليه درجاتك بيده وانتي محتاجته لانه يعرف بهذا المجال اكثر منك واولا واخير بيفيدك رغم تعكيساته معك
رغد: الله كريم ..يالله حبي بوسيلي ميشو ونفسك
شهد بتفرفش عليها:مايصير أخلي يوسف يبوسني
رغد :ههههههههههههه لعيونك يصير
فجأه دخل يوسف وبآسها بقوه على خدهآ وطلع صوت ...رغد صارت تضحك بهستريا
شهد: شفتي كيف وصلت بوستكِ بسرعة البرق
رغد: اهم شي وصلت بالسلامه
يوسف يرفع صوته:مآنبوس إلآ الحلوين
رغد تضحك:قولي له القرد بعينه أمه غزآل
شهد صرخت عليها:أورررريك يآ لئيمه يالله أنقلعي لدوامك ..أكرهك
رغد:ههههههههه وأنـــــــآ أحببببك مووت
شهد: يابعد دنيتي أنتي ...الله يحفظ ويخليك لي "لفت بعيونها على يوسف اللي يميل فمه بغيره وآضحه" في نآس ماهو عاجبهم الوضع
رغد: ياويلك منه ..روحي له لآ يدعي علي ..مع السلامه
شهد تطالع يوسف بنظرآت خبيثه : مع السلامه يانبضي "قالتهآ بمده "
رغد:هههههههههههه خبيثه "قفلت الخط وهي تدعي لها بقلبها "
يوسف يقلد نبرة شهد: مع السلامه يانبضي
شهد:أيه نبضي وقلبي وروحي وكل شي فيني
يوسف كشر: مآبقى لي حته
شهد :كلها تفدآك يانظر عيني
بعد أنتهى دوآمهآ
لبست عبايتها وتغطت بعد ماودعت البنات ..دخلت السياره
هنادي: جلالي وين ريم ؟
جلالي: من زمان في روح بيت
هنادي: أهآآآ..وسمر رجعت والا نمرها؟
جلالي: لا في رجع مع بابا انا في يجي هنا عشان انتي
هنادي: طيب وقف عند أي مطعم خذي غداء لنفرين عشان بروح بيت صديقتي
جلالي لف علها بأستغراب:انتي كثير روح هناك
هنادي اول مره تنفخ عليه: ويش دخلك انت ؟
جلالي: خلاص خلاص الحين جيب غداء
رن جوال هنادي وردت: هلا
باسل: سلام
هنادي بنبره رايقه وهاديه:وعليكم السلام؟
باسل:كأنك بالسياره
هنادي بصوت اقرب للهمس: ايوه جايه عندك ..بس بجيب غداء معاي
باسل: لا..لاتجبين
هنادي :ليه؟
باسل: توي اكلت نواشف
هنادي: زين اجل حتى انا شبعانه شوي واوصل باي "رجعت جوالها بالشنطه "جلالي روح على طول للبيت لاتمر المطعم
جلالي: طيب
ربع ساعه ووصلت لشقتهم ..رمت نفسها جنبها على الكنب بتعب
باسل يتفحصها:ياساتر كل هذا تعب
هنادي ميلت راسها بأتجآهه:ايه تعبانه وهلكانه "وقفت نزلت عبايتها ورمت الجاكيت القطن اللي لابسته فوق بدي أبيض حفر بكوله مفتوحه بأزارير ..رفعت شعرها بشكل غجري مشت للمطبخ تشرب شي بارد يبرد عليها من سخونة الجو ..رجعت عنده وبيدها كأس مويه بآرد تتباع الأخبار معه ببرود
جآء موعد نشرة الأخبار الرياضيه تعدلت زين وبحماس حتى تعرف أخر الأخبار الرياضيه كون ميولها رياضي ..لف عيونه يتأملها وهي مو حاسه عليه او حاسه بنظراته اللي تتفحص ملامحها البريئه بدقه متناهيه ..ضيق عيونه يبي يتأكد من اللي يشوفه بوجهها وتحت دقنها ..قرب منها ولمس خدها بشويش
بحركه سريعه بعدت عنه تقشعر ووقف شعر جسمها من لمسته لخدها بيده البارده
حط يده تحت دقنها وقرب وجهها منه اكثر
باسل بأستفسآر ونظره حاده جدا:أيش هذآ اللي بدقنك ورقبتك؟
هنادي خافت من نظراته اللي أول مره يطالعها فيها: ويش؟
باسل حط اصباعه على المكان ومسح برآسه أصباعه شوي من الروج الموجود على خدها ودقنها ورقبتها وحط أصباعه قدام وجهها..بنبره حارقه:هـــذآآآ أيـــش ؟
هنادي مدت يدها بتمسح لكن وقفتها مسكته لذراعه وعيونه ترمقها بنظرات ناريه:ايش فيك ماتردين ..ترى اتكلم عربي
هنادي بأرتباك :روج
باسل:أدري انه روج ...بس كيف وصل لهذي المنطقه ؟
هنادي بلعت ريقها وهي ترتجف خوف منه:صديقتي سلمت علي وأنا خارجه أكيد روجها طبع على خدي
بآسل بشك وآضح:متأكده؟
هنادي تمسح خدها بقوه ولآزالت ترتجف: أيــــووووه
رفع وجههآ بقوه وفتح أزارير بلوزتهآ وأنصدم طلعت عيونه من مكآنهآ ..دفته بقوه وقآمت من جنبه
بآسل وعلامآت الصدمه مرتسمه على وجهه..وصوت عالي محتد: أجل هذآ سلآم جديد مآ عرفناه لسى
هنادي تقفل ازاريرهآ بربكه سحبت الجآكيت من على الكنب بتلبسه لكن مسكها مع ذرآعه بقوها وعيونه يتطآير منهآ الشر
بآسل:أنـتـي يآهنآدي أنـــــتـــــــي ؟!!!!...مآتوقعتك تسوينهآ
هنادي تحاول تحرر يدهآ منه ردت عليه بنفس حدته:ليش مكبر الموضوع مآصار ألآ شي عادي
بآسل انصدم من ردهآ:أيــــــش؟..هذآ عادي عندك
هنآدي فلتت يدهآ بقوه : أيه عادي
بآسل صرخ عليهآ:عآدي لو أنه أنآ ..مو بنت
هنادي تتخصر: وي فرقت الحين انت وألا هي ...المهم أنا ويش أبغى
بآسل بدون مآحس صفعهآ كف بأقوى مآيملك: المهم انتي ويش تبين .."بعد بلوزتهآ عن رقبتهآ وبصوت ساخر" مسكينه هذي البنت خرمآآآنه موووت
هنادي عصبت وانفجرت بوجهه: توصل فيك تمد يدك علي
بآسل مسكهآ مع شعرهآ بقوه:وأكسر لك رآسك ..شوفي من اليوم لو حسيت مجرد أحساس انك تمشين مع البنت هذي اللي مدري من وين طالعه بأتصرف معك تصرف ثآني ...اذا تبين شي قوليلي أقوم بآلوآجب مو تروحين لي مع أسفل خلق الله
هنادي تتوجع من شده لشعرهآ تغمض عيونهآ بقوه وتصرخ عليه: أتركني ..أتركني
دفهآ عنه وأرتكز على عكآزه:روحي غسلي القرف اللي أنتي فيه
نزلت دموعهآ وصارت تشهق بقوه صرخت عليه بأعلى صوتهآ: أكــــرهــــك يآلمنحط
لف عليها وزم شفايفه بتعجب:ألحين أنآ منحط ..أجل انت وسوآتك هذي ويش تكونين
هنادي سكتت وجلست على طرف الكنبه خبت وجهها بين كفوفها:أنقلع عني
بآسل رمى جآكيتها اللي بيده عليهآ وبنبره تهديد:أسمعي يابنت أبوكِ هذي البنت تتركنهآ من هذي اللحظة وألا بربيك على يدي
هنادي بدون شعور ردت عليه: تخسي تربيني أنت وأشكالك
أنقهر من ردهآ مسكهآ بقوه وسحبهآ معه
بالرياض
طلع من الشركه وهو رآجع أتصل على صفاء
صفاء: أهليييين فهد
فهد: هلا فيك ..كيف حالك
صفاء: الحمدلله بخير
فهد: كيفك بعد الخطوبه
صفاء انحرجت: يؤؤؤ يعني لازم تحرجني
فهد:هههههههههه الله على الزمن صفاء تنحرج
صفاء: شايفني وقحه يعني
فهد:حشآك والله ..وأخبار الوالد واخوكِ
صفاء: كلهم بخير الحمدلله ..مشغولين معي بتجهزات الزواج
فهد: الله يتمم لك على خير
صفاء :ايش عندك متصل مو عادتك
فهد: موضوع شغل خاص
صفاء: اها .. أنا أخذت اجازة وأحتمال اقدم استقالتي بتفرغ لحياتي
فهد ابتسم: بس أجليها شوي لما يصير اللي نبي لعلمك ترى محتاجك كثير ابيك تعطيني كل المعلومات اللي جبتيها من النمسا اخر مره
صفاء فهمت عليه: أوووووه ..قصدك على موضوع الشنطة
فهد: ايوووه وصلنا خير ..هالموضوع مآ أنام بسببه وانتي تعرفين انها صفقه رابحه لا محال وفاهمه قصدي
صفاء: اكيد فاهمه عليك ..لاتخاف اذا قدرت اجي الرياض حجي عشان هدآ الشي
فهد: أوكِ بس الملفات هي اللي ابيك ترسلينها لي بأسرع وقت
صفاء: اوكِ لما أفضى ح رسلها بآلفاكس
فهد: أنتظرهآ ..مع السلامه
صفاء: باي
وصل للمزرعته ..توجه بسرعه لمكتبه فتح خزنته المعدنه خبى الأورآق دآخلهآ بعد مآ تأكد من قفلهآ طلع لجنآحه فتح الباب بشويش ..شآفهآ جالسه على الكرسي الهزآز وتشتغل بآلكروشيه ..أول مآ أنتبهت له تركت الصوف والسنآره اللي بيدهآ ووقفت بصعوبه ..قرب بسرعه لهآ وسآعدهآ
فهد :مسآء الخير
شوق ابتسمت له:مسآء الأنوار
فهد أشر على الصوف:ويش جالسه تسوين
شوق تضحك: خلهآ مفاجئه أحسن
فهد:لآ والله مآ اقدر أصبر وأنآ أشوف الصوف والخرابيط هذي ..قوليلي وش هذي
شوق وسعت عيونها شوي وضحكت:قلت لك مفاجئه بعد مآ أنتهي منهآ أقولك ويش هي؟
فهد ميل فمه وكشر:مصَّره؟
شوق قرصته على خده بشويش:أيه مصره حيل
فهد مشى عند الدولاب:برآحتك ..مآعآد أتلقف وأسئلك عن شي أذا كل مآ سألتك ماتقولين لي
شوق حطت يديهآ على بطنهآ بطريقه تضحك:شوفوآ الرجال ..ضربني وبكى سبقني وأشتكى
فهد بجديه: طيب يآ اشتكى ومشكتى ...بروح أخذ شور قولي لهم يطلعون لي الغدآء هنآ مالي خلق انزل تحت
شوق: أوكِ بكلم ليزآ حتى أنا ماني قادره أنزل احس بثقل
أخذ منشفته وبجآمته القطنيه ودخل يتروش ...بعد مآ كلمت ليزآ شآفت جوالها على الكمودينه ..طروآ علي بالهآ اخوتهآ
شوق: لآ الحين جايين من الدوآم ونايمين العصر أكلمهم ....يــآآآآه مشتآقه لهم مررره
نزلت عيونها لبطنها حجمهآ في أزديآد متضآعف لمسته بشوش يألمهآ مره ماتقدر تضغط عليه حتى بشويش ..جهزت الطاوله اللي بتحط عليها الغدآء وجلست تنتظر ميري توصله لهم ..طلع بعد الشور الدافي اللي أخذه
شوق: أحسك تعبان
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك