رواية ياحلمي اللي طول عمري اتبعك -8
قلت أحاول يمكن الحاله تزين
للأسف ماشفت من آخر عنايه
أي كلمة حب أولمسة حنين
أنجرح قلبي بمافيه الكفايه
وكل شي أصبح على وجهي يبين
ودي أرمي كل أحزاني ورايه
ودي أشكي بس أنا أشكي لمين
الفنان تركي..شي طبيعي
******************************************
في المطار..
وليد لابس تي شيرت خناقي بيج وفوقه جاكيت أيطالي بني وبنطلون جينز فاتح ودقنه طالع بشكل عشوائي مهمل بس طالع جنان عليه
يارآ:بابا وين بنسافر؟
وليد نزل عند رجولها:بنسافر أمريكا
يارآ:بابا شكلك حلو كذا كل يوم ألبس كذا
وليد:ولايهمك
يارآ:بابا ليه مانروح سوريا عند تيتا سعاد
وليد:نروح أول أمريكا عشان يشوفك الدكتور بعدين أوديك المكان اللي تبين
:على ركاب الرحله رقم 254 المتجهه بأذن الله لأمريكا التوجه للبوابه رقم 5
وليد مسك أيد بنته:يلا بابا مشينا
مسكتها ياسمين من أيدها الثانيه
وبعدها دقايق معدوده أتخذو مقاعدهم بالدرجه الأولى
وليد عالشباك وجمبه يارا وراهم ياسمين ولجين
وحلقت الطائره في سماء سعوديتنا الحبيبه بأتجاه امريكا وحلقو أبطالنا بآمنياتهم وآمالهم
************************************************** ******
البــــــ8ــــــارت
في الشرقيه..
دخلت حلا للبيت مترنحه دموعها تنساب بصمت أول ماشافها أبوها طار قلبه:حــــــــــــلا
حبيبتي ليه ماتردين على أتصالاتي
حلا:..
الأب:جيسي جف مي سم ووتر
حضنها أبوها بين أيديه لقاها ترتجف
جابت جيسي المويا وشربتها جلسها أبوها بحضنه وبدا تنفسها يصعب وشفايفها تزرق
الأب:جيسي تل سوراج ترن ذا كار
طارت جيسي للسايق يشغل السياره
بعد ربع ساعه كانت حلا مستلقيه عالسرير الأبيض وحولينها الممرضات يسعفونها بأبره تعلي ضغطها الهابط ومهدئات لحد ماتحسنت
الأب:بشري يادكتوره
:كل خير أن شاء الله بس باين أنا تعرضت لضغوطات نفسيه كتيره مشان هيك أنهارت عندا هبوط بالضغط وصدمي عصبيه
لازم تنتبه عليها ماشي
الأب:ماشي أقدر أشوفها
:أي بس ماتدايئها أنا هلا لح اكتب لها ع خروج
:يعطيك العافيه
دخل وكل لهفه على بنته لقاها مفتحه عيونها وتناظر السقف باس جبينها أنتبهت له
الأب:حمد الله على سلامتك ياقلب أبوك
حلا:الله يسلمك
الأب بعتب:حبيبتي ليش رحتي لها؟
حلا غرقت عيونها بالدمع:
لأن..لأني.. غ بيه
الأب:لاتقولين كذا
حلا:بس هذ الحق أبي ناس ماتبيني تخيل يبه طردتني
وأنهارت تبكي
الأب:وهي اللي جرحت شفتك صح؟هين يافوزيه
حلا:بابا سامحني سامحني
الأب:مسموحه أما فوزيه والله لاتندم
*******************************************
على أرض أمريكا..
وصلت الرحله وحطت بأرض أمريكا محمله بالركاب والأمنيات
وليد:الحمدلله عالسلامه
ياسمين:الله يسلمك
وليد:أها هذاك السايق أيلي اللي موصيه عمي عبدالكريم ياخذنا للفندق
قرب منه وليد:هاي أل
أيلي:سي السلام أليكم أيام مسلم
وليد:السلام عليكم
أيلي:وأليكم ال سلام ولكم تو أمريكا
وليد:ثانكس
أيلي:شال وي قو"هل نذهب"
وليد:شور"بالتأكيد"
..كل شي يصير بأمريكا بترجمه بالفصحى أسهل لي ولكم..
يارآ:الله يابابا أمريكا حلووه مره
ياسمين:أحلى هي ولا السعوديه؟
يارآ:الشرقيه أحلى من السعوديه وأمريكا
الكل:هههههه
ياراشهقت بقوة:هئئئئي ماما شوفي حرمه مولابسه عبايه شوفي رجولها باينه بابا عيب لاتطالعها ربي يزعل عليك
وليد:ههههههه
يارآ:ليش ياماما مالبست عبايه؟
ياسمين:حبيبتي هم مو مسلمين يعني مايصلون ويصومون ويحجون زينا عرفتي؟
يارا بأحباط:أيييه
أيلي:لقد وصلنا هذا هو الفندق
وليد:شكرآ لك أل يبدو جميلآ حقآ
أيلي:فندق "فور سيزون" من أحد أجمل فنادق نيويورك أتمنى لكم طيب الأقامه فيه وهذا رقم هاتفي أن أردت الذهاب لأي مكان أسكن بالقرب من هنا
وليد:ششكرآ لك..يلا رورو لجون أنزلو ها وش رايكم بالفندق؟
لجين:ذين
يارآ:يجنن يابابا
ياسمين:أدخلو داخل وأحكمو
************************************************** ***
في ينبع..
ماجد:آلو هلا عمي..بخير..تعال وجيب معك العيال كلهم..أيه عازمكم عالعشاء..أنتظركم..مع السلامه
"آآه الحين بس أقدر آخذ حقي منك ومن أهلك اللي يموتون بالعزايم غشوني فيك ياحقيره"
بعد 10 دقايق شاف سياراتهم جايه من بعيد وهو وقف سيارته بعيد وجاء يمشي بخطواته الواثقه وقف عند باب البيت يستقبلهم سلم عليهم ومشى قدامهم فتح الباب بالمفتاح بهدوء وكلهم ساكتين مستغربين مشى بخطوات سريعه وأحترق قلبه يوم شاف الجو اللي مهيئته بالبيت
أضاءة خافته..شموع..ورود منثوره على طاوله فيها كاسين عصير جن جنونه وهو يسمع أصوات ضحكاتها بمياعه قام يجري وفتح باب غرفة النوم بقوه
كانت أسيل بلبس فاضح ووضعيه مشينه ومعاها واحد
وأول ماشافت ماجد فزت:
م..م ا جد..
ماجد وعيونه يتطاير الشرار منها:لاتجيبين أسمي على لسانك يا حقيره يا....يا....خاينه أنتي طالق.طالق..طالق ساعتين لمي أغراضك لو جيت ولقيتك بخلي الشرطه تسحبك
دخل أبوها:أ س ي ل يابنت الـ..
وأنت ياف يصل ياحيوان ي..
وطاح الأب
أما أخوانها طاحو ضرب فيها وبفيصل ولد خالتها
طلع ماجد مايشوف من الغيض
وأتجه لصديقه الوفي كاتم همومه "البـــــحـــــــر"
بعد ماكره نفسه وكره جنس حواء بسبتها
في جده..
هدى متقطعه من البكي:
شلون يصير كل هذا ولايقول لنا
الأم:مدري يمكن ماحب يشغلنا
هدى:بس هذي يارا تعرفين شنو يعني يــــــــــــارآ؟هذي ضحكة بيتنا وروحه ليش خبى علينا يمكن مانشوفهأ مره ثانيه
الأم دمعت:
الله لايقوله أدعي لها بالعافيه لوصار لها شي بموت
رجاء تنرفزت:
أصلا كله مني أنا نحس على كل من حولي قبل ملكتي بأسبوعين ماتت وئام والحين باقي أسبوعين على زواجي.....ويارآ
صرخت هدى:لاتقــــــــــــولين
يارا بتعيش فاهمه..فاهمه ماراح تموت
وقامت تهز رجاء بقوه
دفتها رجاء وراح تجري لغرفتها
قفلت على نفسها وقفلت جوالها وغاصت بدوامه من البكاء واللوم بالرغم من أنها مالها ذنب وكل شي مقدر ومكتوب
************************************************** *****
في الشرقيه..
عبدالكريم:لاحول ولاقوة إلابالله
أم عبدالله:أخوه طلق مرته وهو بنته مريضه..آه اللهم لاأعتراض
حلا:الله يكون بعونهم أن شاء الله..عن أذنكم طالعه أذاكر
عبدالكريم:وش عندك بكرا؟
حلا:أدب وحديث
عبدالكريم:موفقه حبيبتي
حلا:الجميع أن شاء الله
أم عبدالله:وراها بنتك كل يوم تضعف زود أنسل حالها يايمه
عبدالكريم:كله من فويزه نكدت عليها وسمت بدنها بحكيها حسبي الله عليها
أم عبدالله:أنا مدري كيف أخذتها؟
عبدالكريم:أبوها الله يرحمه كان فراش عندي بشركتنا اللي بالرياض ويوم جاه ولد أهديته بيت ملك على قد حاله من فرحته سماه سعد على اسم الوالد الله يغفر له وأهداني بنته هالنسره وستحيت أرده كان رجال طيب
أم عبدالله:الطيب ماله نصيب يايمه بروح أصلي بداري وأسبح لين يذن العصر
عبدالكريم:مريانا
:يس مستر
عبدالكريم:خوذي ماما لغرفتها
طلعت أم عبدالله مع مريانا
وجلس عبدالكريم لوحده اللي سوته فوزيه فبنته حرق قلبه
بس شلون يأدبها ويوقفها عند حدها...
**********************************************
سما:صباح الخير للناس الغير
أبراهيم:صباح الورد لسما دنيتي
ناديه:حليب ولا عصير
سما:عصير
أبراهيم:وش عندك أختبار اليوم؟
سما:فيزياء وأدب
سيرين:صباااحو
:صباح الورد
سما:متى أمداك تزبطين كل ذا؟
سيرين:قل هو الله أحد..من جيب من المدرسه تحممت وتركت اللفافات بشعري
سما:وربي فايقه
سيرين:أناقتي قبل أي شي
هزت سما راسها بيأس
ناديه:كملو فطوركم بدون مناقر
سوزان ورزان:صباحكم أحنا
وقدمو وردتين لأمهم وأبوهم
أبراهيم:ياصباح الناس الرايقه فديت الحلوات أنا
ناديه:ساره تأخرت موبالعاده
نزلت ساره:لاتأخرت ولاشي صباح الجوري
كانت لابسه تننوره بني واسعه وبلوزه بيج ماسكه عليه فيها كتابات بني وشعرها مفلوت على أكتافها ولابسه طوق بيج
أبراهيم:صباح الورد
ناديه:حليب ولاعصير؟
ساره بارتباك:أبي نسكافيه بشوية حليب
أبراهيم:وصلوه للمكتب..ساره الحقيني
سارة:أن شاءالله
ناظرت ساره بأمها وقامت تلحق أبوها وتنحت عند باب المكتب اللي راح يشهد تحديد مصيرها
ابراهيم:سارونه أدخلي
دخلت ساره بهدوء غير معهود وجلست على الأنتريه الأسود الكبير ونزلت راسها
أبراهيم:آخ والله وكبرتي ياسارونه
دخلت الخدامه بكاسه النسكافيه وحطتها قدام ساره وطلعت
أبراهيم:سارونه توصلتي لقرار نهائي؟
مسكت ساره الكاسه وشدت عليها بقوه كأنها تلتمس منها القوه:أيه
أبراهيم:وش قرارك وترا مهما كان أنا راضي به
ساره بخجل:موافقه
وشردت من الباب بسرعه
أبراهيم:ههههههه
طلعت ساره وجهها أحمر وتحس بحراره بجسمها جلست تهوي نفسها وأخذت أغراضها وطلعت مع السايق يوصلها للجامعه
************************************************** **
في أمريكآ
تحديدآ بمركز هيوستن للأورام
الدكتور جيمس:
لقد أجريت جميع الفحوصات اللازمه ويجب أن نجري العمليه باسرع وقت ممكن لأن الورم قابل للأنتشار
وليد:في أي يوم تقترح أن تجري العمليه؟
الدكتور:بعد غد يبدو مناسبا ولكن يجب أن تبقى لدينا لحين موعد العملية
وليد:حسنا ولكن أريد نسخا من التقارير الخاصه بأبنتي لأستكمال علاجها في الوطن
الدكتور:لامشكله ياعزيزي
وليد:ماهي أحتمالات نجاح هذه العمليه؟
الدكتور:لاتخف ياعزيزي نسبة نجاحها %80
وليد:هل تعتبر خطرآ على حياة أبنتي؟؟
الدكتور:قلت لك لاتخف
*********************************************
بالشرقيه..
عبدالكريم:حي الله أم زياد تو مانور البيت والله
أم زياد:بوجودك يالغالي تسلم
عبدالكريم:وين زياد وسمير؟
أم زياد: سميرينزل الشنط مع سوراج وزياد بكرا يوصل عليه دوام
عبدالكريم:زين يعني بتطولين هالمره؟
أم زياد:ثلاث أسابيع ونرجع عاد بغيت تدور لنا بيت صغير حولكم
عبدالكريم:آفااااا بس يامناير وهالبيت شكبره من حقه أجل؟
أم زياد:بس ياخوي
عبدالكريم:لا بس ولاشي ولاعاد أسمع هالكلام كان تعزيني وجناحكم موجود توي مسوي له صيانه
أم زياد:مالي بعد حكيك حكي شورك وهداية الله..إلا بنتك وينها ياحبي لها مشتاقه أشوفها عاد تشبه لك ولا؟
عبدالكريم أبتسم بحب:لا هي أحلى بسم الله عليها يا مريانا
مريانا:يس سير
عبدالكريم: خلي حلا تنزل
مريانا:أوكي
وطلعت مريانا وبعدها بعشر دقايق نزلت حلا بتنوره جينز فاتح تحت الركبه وتي شيرت جابنيز أسود مزين بفراشات فضيه لامعه وعامله شعرها شينون ناعم ولامته ذيل حصان مع كم خصله عشوائيه على وجهها وماحطت أي نوع من الميك أب
حلا:السلام عليكم
الكل:وعليكم السلام
عبدالكريم:حلا سلمي على عمتك منيره
حلابعفويه:هذي عمتي منيره اللي دايم تعلمني عنها؟
عبدالكريم:أيه
سلمت حلا على عمتها بحراره
حلا:حي الله عمتي تو مانور البيت وتبارك
أم زياد:ههههه منور بوجودك ياعيون عمتك
دخل سمير ونطت حلا بتقوم مسكها أبوها وجلسها:
عادي هذا ولد عمتك هنا مايغطون عن بعض أوكي
حلا:أوكي
سمير:السلام عليكم
الكل:وعليكم السلام
سلم سمير على خاله وجلس
عبدالكريم:هذي بنتي حلا
سمير:كيفك حلا؟
حلا أحترقت من الأحراج:
ب..خ ي ر
سمير حب يزيد أحراجها:
وكيف أمتحاناتك؟
حلا ودها تزنطه:ز ي نه
سمير:أي سنه أنتي؟
حلا حبت تأدبه:بروح اجيب القهوه
سمير:هههههه أستحت
منيره قرصت ولدها مع فخذه:
بس عاد أحرجتها يالملقوف
سمير:آي يمه تحسسيني موشايف خير مع أني أدرس مع بنات بالجامعه
عبدالكريم:إلا شخبار الجامعه معك يابو البنات؟
سمير:ونااااسه البنات أغلبهم أجانب وخاقين عندي
عبدالكريم:هههه قصدت الدراسه مو البنات كيف الجامعه الأمريكيه وأهل الأمارات؟
سمير:كلهم زينين
أم زياد:أمي وينها؟
عبدالكريم:هذا وقت غفوتها بعد المغرب تصلي وتسبح وتغفي شوي
أم زياد:والله أشتقت لكم حيل وأشتقت لناديه وبناتها ياحبي لهم
عبدالكريم:على طاري بناتها سوير أنخطبت
أم زياد بفرح:صدق والله منو خطبها؟
عبدالكريم:بندر ولد صالح الـ..
أم زياد:صالح ولد خالتي موضي صح
عبدالكريم:صح
أرسلت حلا القهوه وطلعت للحديقه مع باب المطبخ الثاني وتسحبت لين طلعت لغرفتها
أحرجها سميروة الدب
صج قليل أدب@_^
************************************************** *
عمري ماتمنيت شي..
قد ماتمنيت أشوفك..
وأروي عيني من حلاك..
وتلمس كفوفي كفوفك..
لاتعيشني بخوف
تعتذرلي بالظروف
حتى أنا عندي ظروف
يمكن أصعب من ظرووفك..
ظلت رجاء معتزله العالم وحيده حتى دموعها ملت منها
جوالها مقفول من ثلاث أيام
أشتاقت لعمر كثير بس خايفه ليه ماتدري؟
بس الشوق جبرها تفتح جوالها تدور أخباره
لقت منه فوق 40 مس كول
ومسجات مضمونها
"حبيبتي ردي"
"طمنيني عليك"
"حرام اللي تسوينه فيني"
ورسالة وسائط مقطع صوتي لأغنية عمري ماتمنيت شي
لفناني المحبوب راشد الفارس يااافديته وه بس..
شوي ألا دق عليها روح الروح
الظاهر أستلم تقارير تسليم الرسايل
ردت بس ماتكلمت
عمر بصوت كسير:رجاء
رجاء:عيونها
عمر:حرام عليك ليه سويتي كذا فيني
رجاء بغصه:خايفه
عمر:من أيش تخافين أنا معك
رجاء:خايفه زواجي يكون شؤم ونفقد يارا زي ماملكتي كانت شؤم وفقدنا وئام"أنهارت تبكي"
عمر:رجو أستغفري ربك هذا قضاء وقدر أنتي أنسانه مؤمنه المفروض تفاءلين بالخير
رجاء بدت تهدى:_ _
عمر:خليك قويه وصابره وأدعي لها بدل الدموع اللي ماتفيد
رجاء:عمر
عمر:لبيه ياقلب عمر
رجاء:لبيت حاج أممم راح أأجل زواجنا الين بعد عملية يارا أبي أتطمن عليها
عمريصارخ:لا لا لا لا بس بقي 5 أيام وبتزيدينهم
رجاء:هههههههه
أجمل مافي الحب ينتشلنا من آلامنا ويحسسنا بطعم الحياه#
******************************************
في الرياض..
:رنااا
رنا:سمي يالغاليه
:دخلي الغسيل من برا في هوا قوي
رنا:أن شاء الله
طلعت رنا لحوشهم تلم الغسيل كان الجو غبار مره صاير لونه أحمر صرخت رنا:جنا وريما برا يماااه
نط أخوها عبدالعزيز 16سنه:خلاص أنا بدخلهم كح كح
رنا:تلثم أنت بروحك معك ربو
طلع عزوز يدور خواته ورنا تجمع الغسيل بسرعه وترميه داخل الصاله وتفكيرها عند خواتها وعزوز
دخل عزوز وعيونه حمر ومتقطع من الكحه ومعاه جنا وريما يبكون خايفات
عزوز:ال ظ اهر ب ت ممطر
طالعت رنا السحب السوده تتشابك بسرعه
رنا:يمكن أدخلو الله يستر مايجينا ماجا جدة
دخلو كلهم داخل البيت خايفين وقامو يبكون من أصوات الرعد المخيفه دقايق ألا نزلت الأمطار بغزاره طلع الأب على أصوات بكيهم وحاول يلمهم ويهديهم
وكأنه يبثهم الأمان بحضنه
لكن هيهات والرعد يهز الكون والبرق يخطف الأنظار ويفرض وجوده بالسماء وزخات المطر تتزايد ويرتد صداها بكل شي ترتطم فيه..
جنا:يبه ب ن غ رق ززي جدة؟
ريما:بنموت يبه؟
مارد عليهم إلا بكلمتين:أذكرو الله
قطعت الكهربا وصرخو بخوف وقامت رنا تعزمت راحت تجيب شموع وتولعهم يمكن تحسسهم بالدفا والأمان
حطتهم عالطاوله
بس تفاجأو بالمويا تداهمهم داخل البيت بغزاره
كلهم أرتعبو منها وأقترح عليهم الأب يدخلون غرفة أمهم عالسرير الكبير على أمل أن المويا ماتزيد عن هالحد..
#طبعآ هذا مجرد تصور خيالي لأنو ماعندي تصور كافي لأحداث الرياض"
************************************************** *
البــــــ9ــــــارت
:رنــــــــــــااا..رنــــــــــــااا
جلست تناظر من حولها دموعها تنزل لاأراديا جلست تتحسس قلبها
فتح أبوها الباب خايف قرب منها ولمها لصدره:حبيبتي فيك شي؟
حلا:رنا يبه رنــــــــــــا!!
وأنهارت تبكي
فتح أبوها الأبجوره وشاف وجهها الشاحب وعيونها الباكيه
دخلت جدتها:علامك يابنتي؟
قامت لحضن جدتها:رنا ياجدتي
الجده:علامها رنا من هي ؟
حلا:يبه لازم أروح الرياض الحين الحيــــــــــــن!
الاب:وش تبين هناك؟
حلا:أبي أشوف رنا بتطمن عليها
الأب:طيب كلمي خالتك تطمنك عنها
حلا وكأنها تذكرت:صح جبتها هم جيراننا أنا شفيني صرت ثولا
الأب:بس ياحلوة الساعه 3 الفجر
حلا:وش يصبرني الحين اوووف
ضلت حلا رايحه راجعه بالغرفه
الأب:حلا خل ننزل الصاله أشربي شي يهديك لاتستخفين من التوتر
حلا:زين يلا نزلنا
نزلو الصاله وكان سمير فاتح لاب توبه وشابك عالنت
طبعآ حلا بحالة توتر تمنع عنها الأحساس جابت لهم جيسي كاسات عصير وكروسان
وكان الكلام معدوم بينهم والصمت سيد الموقف
شهق سمير بقوه وكلهم أنتبهو له
عبدالكريم:سمير علامك؟
سمير وصار وجهه أحمر ودمعت عيونه:ز ز ي اد..زياد أخوي
عبدالكريم:وش فيه؟
لف سمير شاشة الاب توب ناحية خاله
"هل سوف تتكرر كارثة جدة على الرياض؟"
وكان فيه صور بالموضوع
حلا صرخت بقوة:لاااااا
لااااا رنا..سمر..س عد لااا
مسكها أبوها وجلسها حاول يهديها
مسك سمير جواله وهو يبكي:
آ لو آلو زيـ ــ ـــ ـــ ـــاد
أنت حي..أنت عايش..وينك
وأنهار يبكي..ززين أنتظرك بكرا
وقفل الخط ومسح دموعه
عبدالكريم:وينه زياد؟
سمير:راح يزور عمي بالخرج
أم عبدالله:ياربي لك الحمد أذكرو الله ياعيال
:لاإله إلا الله
حلا:لازم أدق على سمر الحين
وقامت تجيب جوالها ودقت على خالتها سمر بس مافي رد
تنهدت وحذفت الجوال
****
في أمريكآ
كان وليد على أعصابه اليوم عملية بنته ماقدر ينام طول الليل يصلي ويدعي لها
سلم على يمينه وشماله
ألتفت شاف ياسمين وراة عالكنبه تقرأ قرأن قفلته باسته وأبتسمت لوليد كأنها تطمنه
رد لها الأبتسامه:باقي 5ساعات
ياسمين:ربك يسهلها يابو يارآ
وليد:آمين..بروح أطلب لنا فطور لجونه صحت؟
ياسمين:لسه نايمه
طلبو لهم فطور وأفطرو وريحو شوي وتجهزو عشان يروحون عند يارآ
أتصل وليد بأيلي وجاء أخذهم المركز كان بعيد شويه عنهم
لجين:ماما سمس هلوه
ياسمين:هههه يعني مانطقتي ألين شفتي الشمس ياخوافه
كان منظر شروق الشمس روعه وكان فيه شوي غيم بالسماء كان الجو خيال يبعث الأمل بالنفس
دقايق بسيطه وصلو المركز عالساعه6
وراحو لغرفة يارا يشوفونها ويهيئونها نفسيآ للعمليه بعد ساعتين
حتى الدكتور أبراهيم أتصل يتطمن عليهم..
*******************************************
في الشرقيه..
:بس ياسارونتي هذا حقه الشرعي مقدر أمنعه
ساره:خايفه ..وقامت تبكي
ناديه:ياحبيبتي عادي وش يخوفك أبوك معك وماراح تجلسين أكثر من 5دقايق
الأب:بعدين لازم تشوفين شكل اللي خطبك ويشوفك عشان لاتندمون بعدين
ساره وكأنها أقتنعت:طيب بس ماراح أجلس أكثر من 5دقايق
أبتسم أبوها براحه وباس راسها:الله يبارك لك ياقلب أبوك
نادية:وعشان تراجعين أحساسك إذا مرتاحه له أو لأ!
أبراهيم:وش رايكم نخلي الشوفه بكرا بعد المغرب؟
شهقت سارة بقوه وشردت برا الغرفه
ناديه&أبراهيم:ههههههه
ناديه:ماعليك برهومي أنا بسنعها لك
أبراهيم:عيدي عيدي ماسمعت
ناديه:بسنعها لك
أبراهيم:لا اللي قبلها
ناديه بأستهبال:ماقلت شي
أبراهيم:لاوالله
ناديه:ههههههه
وشردت برا الغرفه
************************************************** **********
في جدة..
الكل كان على أعصابه وشادين حيلهم بالدعوات
رجاء كعادتها خوفها مبالغ فيه وحساسه بزياده رحت تحبس عمرها عشان ماتسمع خبر مايسرها
سعود طلع من البيت وراح يتصدق عن يارا بمبالغ ماليه بسيطه على أسر محتاجه..
ناصر ظل ملازم للمسجد من صلاة الفجر يبتهل ويقرا قرأن
أم ماجد تستغفر وتسبح وعينها عالتلفون لأن وليد قال بعد العمليه بيخبرهم..
هدى..هدى وينها؟
جالسه عالمرجيحه الي تحبها يارا وجالسه تبكي وتمتم بدعوات ل يارآ
"يارب ياكريم ترد لنا يارا بالسلامه"
مابقى كثير على وقت العمليه
مع مراعاة فرق التوقيت
لأنه الحين بالسعوديه 12باليل
**********************************************
في الشرقية..
حلا:أخيرآ رديتي بغيتي تموتيني من الخوف
سمر:من معاي؟
حلا:مو وقتك يالخبله أنا حلا رنا كويسه فيها شي؟
سمر:حــــــــــــلا! وينك يالدبه
حلا تبكي:سمر تكفين ردي علي رنا حيه ولاماتت؟
سمر:ممم أدعي لها هي طيبه الحين بس بلعت ماء واجد وصل للرئه بيسحبونه وأن شاءالله ماعليها شر لاتخافين
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك