رواية ياخاطفي وين القي عزتي في زمان المذلة -87
بآسل أبتسم: جزآك الله خير واللي وعدت فيه بيوصلك اليوم
..:مآتقصر أي خدمه حنآ حآضرين
باسل:أهم شي وثقت بالمحكمه
..:قلت لك زوجتك يعني زوجتك أتحدى أي احد يقول غير هذآ الكلام
بآسل أرتآح من كلامه اللي سلل الرآحه الى دآخله المتشتت: زين يالله مع السلامه بيننآ أتصال
بعد هذآ ألاتصال ... تذكر هنآدي بدون أي شعور منه أتصل على رقمهآ بعد الرنه الثالثه وصله صوتهآ المنغمس بالنوم
بآسل: سلآم
هنآدي بصوت شبيه بالهمس:وعليكم السلام
باسل غمض عيونه وهو يتخيل شكلهآ النآعس:كيفك حبيبي
هنآدي:هآآه مييين؟
باسل ابتسم:بسولك حبيبك
هنادي وهي منغمسه ومآتحس بأي شي يدور حولها:بعدين انا اتصل عليك بكمل نومي
باسل:أوكِ حبي أنتظر أتصالك ..أحلام سعيده
قفل الخط وتنهد ..أمآ هي أكملت أحلامهآ وأمنيآتهآ في عالم الخيآل بعد سآعآت شآقه ومتعبه لهآ نفسيا وجسديآ
بعد المغرب
الكل صاحي ومجتمعين بالصاله عدآ هنآدي اللي نايمه بعمق
شوق :زي ماقلت لك فهد رفض قال هو حجز الفستان وراح يوصل قريب
سحر ميلت فمها:اخاف ذوقه مش ولابد
شوق تتخصر:وربي ذوقه رهيب مافي منه اثنين عنده ذوق يجنن
سحر :على مسؤليتك
شوق رفعت حاجبه:على مسؤليتي اصلا مافي شي حلو كلها قديمه ومكرره جربي البسي من مصمم مالت عليك
سحر تضحك:طيب طيب ماقلنا شي وي اكلتينا
رغد جآت وجلست جنب شهد وطبعت بوسه على خدهآ: وحشتيني انتي والبيبي القميل دآ
شهد بزعل: مره وآحشينك وينك حتى مسج ماترسلين على طول الوقت بغرفتك حابسه نفسك قال أيش وحشتوني يالنصابه
رغد مسكت شخمهآ بقوه: الحين أنا نصابه يالبكاشه
شهد تضحك:اكـــذب بس فكي خشمي وجع
رغد بعناد:قولي توبه
شهد :والله توبه خلاص فكيني
رغد تضحك: جربي تقولي نصابه شوفي ايش بيصير فيك
شهد ابتسمت:اممم طيب ايش رايك تودين مشاري مع يوسف عشان بيطهره
رغد فتحت عيونها على الاخير:متى ؟
شهد: بكره المغرب هاه ايش رايك
رغد شوي وتبكي:حرام الصغيرون بيموت والله خلوه لما يكبر شوي
شهد بعناد: لا احسن لما يكون صغير
رغد حطته بحضنها:ياروحي بكره بيعورونك المجرمين
شهد فطست ضحك:هاه بتروحين معه امه رفضت وخواته يقولون مايتحملون يشوفون الدم عاد انتي دكتوره
رغد :انا مو دكتوره لسى قدامي مشوار طويل خلاص بوديه الله يعين
شهد: اوكِ بقول ليوسف انك تروحين معه انا مافيني اروح صراحه اعرف نفسي راح ابكي
رغد:خلي قلبك قوي ويش تبكين عشان طهور لاتصيرين مخفه
شوق شهقت:حرام عليك أيش قوي قلبك هذآ ولدهآ قطعه من روحها
رغد :ياشيخه ليش قلت لهآ ارميه في النار انتي الثانيه
سمر وقفت في الوسط:كأني أشم ريحة حريقه
شوق نقزت: يؤؤؤه العشاء انحرق "راحت تجري للمطبخ "
سمر تضحك:شفتوآ كنتوآ بتسوون هوشه لولا فزعتي لكم
رغد دفتهآ مع راسهآ:روقينآ قومي جيبي لي عصير فرآوله
سمر تتخصر:بقوم بس اخر الشهر بخذ منك 200 ريال قيمة مشاويرك اللي تمشوريني اياها روحي جيبي حطي هاتي
رغد:200 بس ابشري ماطلبتي شي بس قومي هاتي لي العصير
سمر لحقت شوق للمطبخ
سحر بتأفف:بنآت ايش أسوي في الشبكه ابوي جاء وقال أهل معاذ وآفقوآ احس مافي وقت مره اسوي اي شي
رغد: مو لازم ياختي بكره العصر روحي أحجزي في مشغل وانتهينآ الفستآن ماقصر فهد بيجيبه لك
شهد:رغد صادقه خليك على نعومتك وربي تجنني ماتحتاجي شي
سحرتلمس وجههآ:كأن وجهي مسمر
رغد وشهد :هههههههههههههههههههههههه
سحر عصبت:ايوه اضحكوآ مالت عليكم وأنا اقول عندي خوات يساعدوني
شهد: وربي ملكة جمال مآتحتجي اي شي هو يحصل وحده ببياضك ونعومتك فديتك انتي
رغد تلمس شعرهآ:والا نعومة شعرك والله غير ينصرع عندك
سحر كشرت: أكذبي علي أنتي وهي على مين تلعبون ؟
شهد:فاكره أنا كيف قابلت يوسف هنآ في المجلس
سحر تنهدت:ايوه افتكر
رغد :ياماما خليك كيوت بعدين قدآمك العرس سوي اللي برآسك
سحر اقتنعت:خلاص شوركم وهداية الله
شهد تركز نظرهآ على سحر:شوفي تحتاجين شوية سمكره يعني حمام بخار على قناع يطلف بشرتك المرهق عشان الشمس يعني الثلاثاء الله يعينك خذي أجازة وروحي من الصباح للمشغل عشان تصير زي الورده
رغد تحمست:ايوه صح
سحر شوي وتبكي:يعني بكره اروح أحجز والاثنين راحه والثلاثاء كرف والآربعاء قلق والخميس يؤؤؤ الله يستر منه وربي لما اتذكر ان مابقى وقت انرعب
شهد تغمز لها: عاآآآآدي بعدين تتعودين وتنبسطين اخر انبساطه
رغد:يوووه توي تذكرت لازم اشتري فستآن البسه ياررربي بلشه
شهد:شوفي بعطيك فلوس تجيبين لي معك مابحالي أروح
رغد تتخصر:أشتغل عندك مره ودي ولدي ومره اشتري لي فستان
شهد ضحكت:هههههههه مالت عليك بدل ماتريحيني تبين تشقيني
شوق دخلت الصاله على كلمتهم:خير ويش سالفة الشقاء
شهد:ابيها تجيب لي فستآن النذله ذي وتتمنن علي
شوق ابتسمت:لالا رغوده ماتسويها
رغد تطل بشهد بنص عين وابتسمت:امري لله بجيبلك على ذوقي بس أذا مآعجبك ياويلك
شهد ضحكت:افا عليك ناسيه ان ذوقي وذوقك وآحد
رغد تميل فمهآ:مآنسيت بس اعرفك مايعجبك شي
شهد:والله بسكت واحط لساني بحلقي انتي بس فكيني من روحة السوق
طلعت هنآدي من الغرفه ويادوب تقدر تمشي تحس بألم فظيع في رجولهآ وظهرها ..شافتهم بالصاله مشت للحمآم تغسل وتتوضى حتى تصلي الصلوات اللي فاتتهآ
سمر كانت شايله صينيه فيهآ كاسات عصير على عددهم:ايش فيهآ هنادي كأنهآ معصبه
شوق:توهآ صاحيه من النوم تتوقعين كيف بيكون مزاجها
شهد تمد يدهآ للعصير:هاتي وربي جوعانه وهذا النتفه بس يبي يرضع
سحر تضحك:الحين صار نتفه شوفيه يهبل ويش زينه
شهد تقلب عيونها بغرور:هو مو نتفه قلتها من ورى قلبي
رغد تنزله عن رجولهاوتحطه على الارض:الله يعينك مابغى ينام
شهد تطالعه بحب:فديته هو نايم زي القمر بسم الله عليه
سمر توزع على البقيه وتطالع مشاري من بعيد:سبحان الله زيك تمنيت يكون بنت مو ولد
سحر شرقت بالعصير:كـح كـح
شوق بسرعه دقتها على ظهرها:عافيه ..بشويش وانتي تشربي يالمشفوحه
سحر تطالع سمر بعيون ناريه:خير انتي تبين بنت المفروض تكونين ميته على ان البيت يصير فيه ولد مافي الأ ابوي الله يخليه لنا
سمر:البنات هم زينه الحياه
سحر:بالله نطقينا بسكاتك
جات هنادي بعد ماصلت وجلست على الأرض جنب سحر وتحس بصدآع فظيع ضلت ساكته تستمع لسوالف خوآتهآ وتجهيزاتهم لملكة سحر
شوق حطت يدها على كتف هنادي:شو هنوده ليش ساكته
هنادي بدون نفس ردت:تعبانه ومصدعه ..في بندول ؟
سحر:شوفي بدرج الكمودينه حقتي تلاقي علبه امس شريتها وانا راجعه من الجامعه
هنادي وقفت ورجعت للغرفه وبطريقها مرت المطبخ اخذت لها كأس مويه ..جلست على سريرها واخذت حبتين بندول حتى يخف الوجع ويختفي عنها ...ماحست ألا بجوالها يدق
هنادي : الوو
روان:السلام عليكم
هنادي رمت نفسها على مخدتها وغمضت عيونها:وعليكم السلام ياهلا
روآن: كيفك قلبي
هنادي :الحمدلله...انتي كيفك
روآن:بخير ..خير ليش زعلانه
هنادي :ابد مو زعلآنه ولاشي
روآن:بس صوتك تعبان
هنادي: مصدعه شوي
روآن:سلآمتك ألف سلآمه ماتشوفي شر في عدوينك يارب
هنادي:الله يسلمك
روآن:يعني بكره جايه والا بتغيبي
هنآدي:والله على حسب بس احتمال اجي
روآن:حاولي تجي
هنادي استغربت اصرارهآ:قلت بحاول من هنا لبكره يحلها الف حلال
روآن: يصير خير ..طمنيني عليك اوكِ
هنآدي:أن شاء الله
روآن:قدآمك العافيه ..مع السلامه
هنادي قفلت منها وهي مستغربه حيل من تصرفاتها واصرارهآ على علاقتهم ..دقايق وأتصل ابغض شخص لقلبهآ..قفلت جوالهآ عناد فيه وطلعت عند خواتها في الصاله
اليوم التالي لهذي الأحدآث
كانت تفكر فيه ..كرهت نفسهآ والايام اللي جمعتهم كآن فقير يشتغل في حديقة قصرهم الوآسعه ..حبته وأعجبت فيه وقت مراهقتهآ وصباها ...بعد تطور العلاقه بينهم أكتشف أبوهآ اللي صار وهددهآ بأنه راح يطرده من شغله عندهم لكن هو فضل كرامته على قلبه وحبه ..ترك المكآن اللي عاش فيه ابوه واهله في ملحق بسيط بزآوية الحديقه الواسعه ترك جده بأسره لأن كل مكآن فيها يذكره فيهآ بعيونها وكلمآتهآ وصدقها وأخلاصهآ له
صفاء( آآه ياعمر تخيلت عني بسهوله عشان فقرك وبساطة عيشتك وتركتني ..كنت مستعده اعيش معه على الحلوه والمره لكنك تخليت عني ...سنوآت طويله ارفض فيهآ كل من خطبني على أمل انك ترجع لي ...كملت حياتك بعيد عني وانا توقفت حياتي عندك ...كيف حقدر انساك وأكمل حياتي اللي ضاعت احلى أيامها عليك ..حتى الزوآج فرصه صارت قليله بالنسبه لي الناس بينظرون لي نظرة العانس اللي تجاوز عمرها الـ28..كيف بكمل حياتي بعد صدمتك لي..قوتي كلها تتلآشى اذا كان الامر متعلق فيك ..بس لازم انسى كل حاجه صارت معي واطوي صفحات الماضي وبدأ حياتي من أول وجديد)
رن جوالهآ ...تركت كوب القهوه اللي في يدها وردت
صفاء:أهلين يامنو ..وحشتيني
منال:وانتي أكثر ياصوفي ..كيفك ايش اخبارك؟
صفاء:الحمدلله بخير ..انتي كيفك وربي وحشآني مره
منال :هههه قريب حتشوفيني ..طمنيني كيف شغلك وامورك
صفاء ابتسمت:ماشي الحال على حطت يدك تعرفين السستم حقي شركه بعدين نادي وبعدين خرجات مع البنات ماتخفى عليك
منال ابتسمت:يابختك ماخذه كل حريتك
صفاء تنهدت:آآآآه يامنال من الفراغ اللي في حياتي مافي احد اجلس معها او اقضي وقتي الا في الخرجات ومع البنات او اسافر برى اتونس واغير جوي
منال:واللي راح تغيرلك حياتك كلها بأذن الله ايش تهديها
صفاء ضحكت:اهديها عيوني بس هي تقدر تبي الجد انا فقدت الامل بالمره
منال بنرة جد:صوفي حياتي انا متصله عليك في موضوع مهم
صفاء عدلت جلستها:ايش الموضوع حبيبي؟
منال:أحنا حابين نجي للجده نطلب يدك لأخوي نواف
صفاء أنصدمت سكن كل شي فيهآ حركآتهآ همسآتهآ وحتى أنفاسهآ:أيـــش؟
منال:صوفي حياتي اخوي دكتور في الجامعه انتي تعرفي أنه رافض فكرة الزوآج لكن من أول مآشافك حبك وارتاح لك وهو بنفسه طلبنا نخطبك له وأهلي موآفقين
صفاء بتردد:والنعم في أخوكِ بس أنتي تعرفي بابا مستحيل يزوج أحد من أولآد القبايل وانتي ادرى ليش؟
منال:ويش اللي يمنعه انتي فكري بالأول وأذا كنتِ موآفقه ابوي واعمامي واخوي بيجون ويخطبونك رسمي وبيقنعونه صدقيني ابوك بيوآفق مستحيل يدمر مستقبلك وحياتك
صفاء:عارفه دآ الشي بس مدري أيش أقولك الحين خليني أفكر واستخير واردلك خبر
منال:فكري زين ياصفاء اخوي شاريك
صفاء:الله يكتب اللي فيه الخير لنا
منال:أمين ..انتظر ردك
صفاء:قريب ان شاء الله وانا بكلم بابا واشوف رأيئه
منال:الله يوفقك يارب
صفاء:أمين
أنتهت المكالمه بينهم وتفكير صفاء أنحرف من مسآر الى مسآر مغآير تماما
{ بـآلمدينه حيث للقلوب خفآيآ وأسرآر}
بدت بعزف حزين على النآي الأليم قد تستطيع أن تُشفي بعض من الجَرِحْ العليل..او تُخفي منبع الدمع الكثيف..تراقصت أوتآرهآ طربا على انغآم متسلسله من الأهآت المُتعذبه بالكآد تخرج من صدرها العفيف ...تُزآحم أنفاسهآ التي بالكآد يُكتب لهآ الزفيرَ..في ضيقهآ وشغفهآ لموعد الرحيل ..يبقى الحنين هو لغة صمتهآ وروحهآ تُخرج أنفاسهآ النقيه بأنين
زحمة شعور ولخبطة بال وظنون
تاكل من الضيقة يدين الكفاية
كم للأمل في رمل الأحزان مدفون
وسيلتي فكري والأوجاع غاية!
كلي تسنبلت بيدك خذني بهون
جيت استريحك لا تجدد عنايه!
ماعاد باقي للبكا فيني جفون
ذبلت سنيني والهوى بحّ نايه
متناثره .. حلمي فقط اني آكون
بسمة رضا تحكي شفاتك .. روايه!
يا انت مدري يا انا عقل مجنون
من رتلك في آخر الليل آيه
من صبني في كاسة الجرح ليمون
او من رسم وجهي حزن بالمرايه
من مد غصني للشتا وانصرف دون
مايجمع اوراق الخريف / الحكاية
كذا تركني ضيم واحساس مغبون
عجزت لـ استر ضيقتي بالعباية
تعبت اقدّر ناس مايستحقون
وان جيت، مدري ! بس بي عقل تايه!
ياضيق بالي يالسهر .. بس ،، تكفون!
خلوني ارمي ضيق صدري ورايه
صبري نفذ ماعاد بي قوة متون
ما عاد بي حيل انتطر للنهاية
لا تسألوني ليه؟ او كيف , وشلون؟
كل الحكاية :مافهمت الحكاية !
شالت أغراضهآ اللي تحتآجهآ اليوم ولبست عبايتها السودآء نتنظر وصوله مع المرافق الخاص به ثواني بسيطه بعدهآ انطلقت نغمة جوالها ليتردد صدآها في غرفتها المتوجعه مثل قلب من تسكنهآ
شوق:هلا فهد
فهد:صباح الخير
شوق:صباح النور
فهد:هيا أنزلي أنا تحت
شوق وقفت:طيب الحين نازله دقايق بس
فهد: انتظرك لا تتأخري
قفلت منه وحطت جوالهآ في شنطتهآ وشالت اغراضهآ وطلعت في الصاله لقت شهد ومشاري في حضنهآ وعمهآ
ابو مها:وصل زوجك
شوق ابتسمت:أيه عمي ينتظرني تحت
ابو مها:خليه يطلع يفطر معي
شوق بنفس الأبتسامه:مستعجل والله تعرف تعبان ويبي يرتاح
شهد :بتجين في الليل
شوق: احتمال على حسب فهد
قاطعهم صوت الجرس...وراح ابو مهآ يفتح الباب ..دقايق ورجع لقى شوق تلبس القفازات وتعدل غطاها
ابو مها:يبه شوق هذآ وآحد يبي يشيل أغراضك
شوق :زين انا بعطيه اللي في يدي ..يالله مع السلامه
طلعت واعطت مرافق فهد اغراضهآ ..ونزلت بعده ..بعد مادخلت السياره
شوق:السلام عليكم
فهد:وعليكم السلام ورحمة الله وبركاته
شوق قربت منه اكثر وهمست:كيفك؟
فهد مسك يدها وضغط عليها وهو يهمس:مشتاق لك مووت
شوق بعدت يده عنها:خلاص وصلت الفكره
فهد :هههههههههههه ..تبين يسرع عشان نوصل الفندق
شوق ابتسمت لنفسها:لا والله مبسوطه كذا
فهد يقرص يدهآ:عارفك بكاشه
شوق:طيب قوله يسرع بوصل الفندق ههههه
فهد: عجل شوي المدآم تبي توصل بسرعه
..:حآضر طال عمرك
شوق همست:الله يصلحك فشلتني
فهد يرفع حآجبه ويميل فمه:وليش فشلتك انتي تأمرينه وهو ينفذ
شوق:خلاص يووه منك
فهد:مانتي راضيه تتعودين على هذا الوضع شنو اسوي لك
شوق:ماحب التأمر الزآيد يمدحون التوآضع
فهد ابتسم على كلامها:طيب تبين نفطر بمطعم معين
شوق: ماني مشتيه بس أذا انت تبي نروح
فهد:انا أكلت في الطياره
شوق:اجل نروح للفندق احسن طول الليل مآنمت والحين تعبانه وحآسه بفتور
فهد:شكلك ماترحمين نفسك وأنتي ببيت اهلك
شوق:لا والله مرتاحه عندهم وخواتي يساعدوني انا بس اطبخ والباقي هم يسوونه
..:وصلنآ طال عمرك
فهد يفتح الباب:نزل الأغراض وأرسلهآ للسويت حقنآ زين
..: ابشر
أشر لشوق اللي جآت جنبه ودخلوآ أفخم مرديآن بالمدينه...طلعوآ لجنآحهم اللي حجزه أمس بأسمه وجهزوه له...نزل ثوبه وطلع من شنطته اللي دآيم معه ومخصصه لسفرياته المفاجئه بجآمه قطن كُحلي والتيشرت حقهآ رمآدي بكتابات كُحليه ودخل يأخذ له شور ينشطه شوي ويريح أعصابه المتوتره من مشآكل الشغل ومشآكله مع أبوه اللي بدت للتو ...أما هي تجهزت من بيت أهلهآ ولبست بجآمه سآتآن وردي وبدي عاري مُموج بالأبيض لفت شعرهآ شينون بسيط ونزلت خصله على وجههآ وحطت قلوس وردي طلعت عطرها الهادي من شنطتهآ وتعطرت فيه ومشت للشبآك تتأمل الناس وهي على أرتفاع شاهق ...كآنت ماسكه الستاره بيدهآ ونصف شوآرع المدينه وأحيآئهآ ترآهآ صغيره الحجم بيضآء مزدحمه وتشكو كثافة سكآنيه
شوق( يازين المدينه ويازين من سكن فيهآ ..شوآرعهآ الوآسعه وبيوتهآ الصغيره وأهلها الطيبين ولدت هنا وتربيت هنآ وأبي أموت هنآ مابي أندفن الآ في البقيع عند أمي وأبوي ودي يدفنوني بنفس الأرض اللي ضمت أضلآع ابوي وأمي ...يارب مآ أموت ألا هنآ في مدينتي ومدينة رسولك مآبي أموت ألآ وأنآ قريبه من الحرم وأندفن قريب منه يــآآآآرب )
حست بيده البارده تحوطها ..ارتجفت من لمسته لها ولفت بسرعه عليه
فهد: وين وصلتي
شوق نزلت رآسهآ:قريب
فهد حط يده على دقنهآورفع راسها: وين بالتحديد
شوق ابتسمت بذبول:عندك
فهد مرر يده على خدها:عندي وألا عند مرضك
شوق ركزت بعيونه:الأثنين
قربها منه ومشى وهي جنبه تتبع خطوآته جلسها على طرف السرير وجلس جنبها..مسك يدها بقوه وجديه
فهد:شوق هذا أمر الله مانقدر نرده
شوق نزلت دمعتها وافجرت بالبكاء وضمته بقوه:ماني قادره اتحمل وربي ماني قادره..كل شي يخنقني يعذبني ماني قادره افضفض لأحد حتى لمها
فهد لف يديه عليها وهي تتمسك اكثر فيه وتبكي:انتي أمريني وأنا أنفذلك اللي تبين
شوق رفعت راسها:مابي أسوي العمليه مافي أمل اني أتحسن كل يوم أتدهور مابي ادويه ولاشي
فهد :ياحياتي انتي افهميني هذا فيه خطر عليك وعلى الجنين يعني تبين تجيبين طفل مشوه والا معاق
شوق زادت دموعها:خلني اسوي اللي أبي يافهد خلاص أنا أيامي معدوده
فهد رفع راسها لها وبحده: مابي اسمع هذا الكلآم الأعمار بيد الله
شوق اللي تتألم:ليش ماتبي تسمعه هذا الصدق اليوم بعيش بكره احتمال اموت
فهد ضغط على يدها بقوه:شوق خلاص تعوذي من الشيطان واستغفري ربك ماتدرين وين الخيره
شوق:انا مستحيل اسوي العمليه بعد ما أولد وقتها اسويها اذا ربي كتب لي عمر لكن الحين لا وألف لا
فهد بترجي:وصحتك اهم شي عندي صحتك
شوق:فهد افهمني الأمل مبتور من مرضي تعرف يعني أيش ورم خبيث
فهد:اليوم بوديك لدكتوره ثانيه
شوق:كلهم نفس الكلام رحت لدكتورتين
فهد مسح دموعها:طيب ياعمري اهدي الحين والله انا مشتاق لك ومابي اي شي يعكر علينا حياتنا واحنا مرتاحين مع بعض
شوق تشبثت فيه بقوه وكأنه حبل النجاة لها أرتمت بأحضانه مثل الطفل اليتيم الذي يحث عن ملجأ الأمان والحب له:فهد لاتتخلى عني انا محتاجتك كثير ابيك جنبي لاتتركني
فهد اللي يتعذب من دآخله بدون مايوضح لهآ اي شي من تأثره لأنها الأنسانه الوحيده اللي أذآهآ وبالمقابل حبته وأسعدت في حياته اللي كانت كلها الألآم وجراح ثُكلا:ماراح اتخلى عنك ابد
بعدت عنه ومسحت دموعها اللي سالت على خدودها الورديه..مسكها مع خشمها الاحمر الصغير
فهد:يالله عاد اضحكِ كذا تستقبليني بالنكد والدموع
شوق ابسمت من بين دموعها:مو قصدي والله
فهد باسها على خدها بشويش:بذمتك مآ أشتقتي لي وألا أخوآتك نسوك فهد وطوايفه
شوق استحت منه وحمرت خدودهآ:مايقدرون ينسوني حبيبي
فهد يغمض عيونه:آآآه ايوه ذآ الكلام اللي ابيه فديتك وفديت كلمة حبيبي منك
قامت من جنبه شهق:وين وين ؟
شوق تمد لسانه:بنام في الصاله
فهد طير عيونه فيهآ:خيــر مآسمعت ايش قلتي ..اقول تعالي بس
شوق تضحك:بغسل وجهي عن الدموع والا عاجبك شكلي وانا متنكده
فهد يخزها:متأكده بتغسلين وجهك بس
شوق:وأحتمال اتروش
فهد: لا بالله راحت علينا
سحبت الشبشب حقهآ ورمته عليه ومشت بسرعه للحمآم وانتم بكرامه وهو يضحك عليهآ ويغني بصوت عالي
بآلجآمعه
كآنت تمشي لوحدهآ بعد مآخلصت أول محاضراتهآ شآفت عبير ومعهآ صديقاتها اللي لهم سنوات طويله مع بعض لكن أبتعدوآ عنهآ من كلام عبير اللي قررت أنهآ تبعد أي شبهه عنهآ
ركزت نظرآتهآ على البقيه متجاهله عبير لكن حدث اللي كاكانت تتوقعه اعطوهآ ظهورهم وتركوهآ منصدمه من فعلتهم وبدآخلها كانت ناويه تسلم عليهم وتأخذ وتعطي بالكلام معهم
هنادي بكره وحقده متأجج دآخلها( طلعوآ حقيرات زيهآ فعلا ماعرفت أختار لي صديقات اكيد قايله لهم كلام عشان يطالعوني باحتقار ونظرات استهزاء ..هين ياعبير والله لا أرد لك الصاع صاعين احسن شي صار انهم بآنوآ على حقيقتهم الدنيئه)
أكلت في نفسهآ ونار الحقد والبغض تكبر أكثر وأكثر ...كل شي فقدته بلمح البصر صديقاتها وحياتها واستقلاليتها ..جلست على كرسي أنفرآدي وهي تتامل البنات وكثرتهم وانساجمهم بجو الجآمعه ..أمآ هي سرحت بعالم ثاني ..حياتها الجديده اللي ماتوقعت في يوم من الآيام يصير لها كذآ..زوآجها الفوجائي وتهديدات باسل لها..خيانة عبير ورضوخها لطلبات ماجد ..وحقارة ماجد اللي كذب عليها وسلمها بنفسه للموت بسهوله
هنادي( أكرهكم ..أكرهكم كلكم ...الله ياخذكم وأرتآح منكم الله ينتقم منكم اشوف فيكم يوم ياخونه الله حسيبكم ) حاربت دمعتها اللي أوشكت على النزول ودفنت حزنها بين أضلاعها وغطته بأشرعه من المشاعر المتبلده ..دق جوالها شافت رقمه واحتدت ملامحها وبانت تجاعيد وجهها من العصبيه والبغض
ردت بدون نفس وهي تتمنى انه قدآمهآ عشان تقتله بيدها وتبرد من النار اللي فيها:نـــعـــم
باسل :الله ينعم عليك
هنادي بصوت زآجر:خلصني ليش متصل؟
باسل: متصل اسمع اخبار زوجتي واشوف اذا نآقصها شي
هنادي بنبره حاقده:دآمك بعيد عني أنا بألف خير ومرتاحه ماينغص علي حياتي الا صوتك البغيض
باسل:افا ياهنودتي بدل ماتقولين مشتاقه لك وحشتني ..مافقدتني حبيبي ..تقولين هذا الكلام الله يسامحك
هنادي:الله لا يسامحك يالحقير بعقلك أنت تبيني اقولك كلام حلو من زينك عاد ياربي لك الحمد
باسل يضحك:على مهلك حاس انك بتنجلطي
هنادي تنرفزت وظغطها ارتفع:منك هو يجي من وراك خير
باسل ابتسم: انا متصل اقولك ان زواجنا تم اثباته بالمحكمه مبروك علي وعليك
هنادي حست بشي يخنقها بعد كلمته:الله ياخذك اخذ عزيز مقتدر
باسل: الله ياخذني ويجيبني لك ياااارب
هنادي بعصبيه: جرب تدق علي مره ثانيه وشوف ايش بيصير فيك
باسل:زوجتي وحلالي اتصل بالوقت اللي أبيه سمعتي
هنادي بسخريه:من زين هالحلال اكرررهك ما اطيقك ماحب اشوف وجهك النحس ولاصوتك اللي يجلطني
باسل ضحك:مصيرك ترضين بالامر الواقع وقرريب بعد
هنادي:اقول لاتتعب نفسك وترجع للمدينه لانك لو تموت ماراح تشوفني
باسل :ههههههههههه شكوى في قسم الشرطه ويجيبونك لي
هنادي نفخت عليه:وآآطي "سكرت جوالهآ وأحدآث تلك الليله لا تغادر خيالها ابدآ ..ابتدأ من خروج مع عبير مرورآ بماجد وأخيرا عند باسل اللي اعطهآ خيآرين لآثالث لهم ..قررت تكون قد أختيارهآ أفضل من أنهآ تبين لها ضعفهآ من البدآيه
هنآدي(اصبر ياباسل الكلب وشوف أنآ ويش بسوي فيك ان ماخليتك تعلن زوآجنآ غصب عنك ومن فوق خشمك بعدها يصير ألـــف خير بس أنفذ هذي الخطوه أنآ أوريك كيف تأخذني للمتعه بس)
كانت تتوعد وتحيك بعض من الأفكار حتى تنفذهآ ف القريب العاجل وتكون انتصرت عليه بأول محآولآتهآ ...قاطع انسجآمهآ بتفكيره بوسة روآن اللي طبعتهآ على خد هنآدي ولفت بسرعه على جهتهآ زي المقروصه من حركتهآ اللي ماتوقعتها
هنادي شهقت:روآآن
روآن ابتسمت: كيفك ياقمر وحشتيني
هنادي أخفت رعبها من حركتها اللي فاجئتهآ ورجعت طبيعيه بعد مارمت كل شي ورآهآ:الحمدلله بخير
روان تمرر يدها على خد هنآدي وتمسح أثر الروج اللي بقى بخدها:سوري خربت كشختك ببوستي
هنادي ابتسمت مجامله لهآ:عادي ياقلبي ..اخبارك أنتي
روآن: منيحه ..توي مخلصه محاضراتي أأووف تعب مره وشفتك هنا سرحآنه وجيتك
هنادي:ههههه كنت افكر بالمحاضره والمشروع اللي طلبوه منا
روان توقف:ياختي طنشيه ولاتعطيهم وجه يالله قومي نروح نشتري شي نأكله ميته جوع وكمان ندردش شوي دآم القروب مشغولن مع بعض
هنادي وقفت وشالت شنطتها:يالله مشينآ (ياربي انا ويش بلآني بذي البنت ياليتها قدي بعد لا بسنه ثالث كملت والله ..بس غريبه انها تتودد لي ومهتمه فيني كل هذآ الأهتمام حاسه ورآهآ شي يالله ياخبر اليوم بفلوس بكره يبقى ببلاش )
العصر في ابو رياض
لمت أغراضهآ وهي تبكي ومنهاره وأمهآ تهدي فيهآ..جآء هزآع وريآض يشيلون الشنط مع بعض الخدم اللي رحلتهم بعد يومين
ابو فهد جلس على الدرج بتعب:حسبي الله ونعم الوكيل فيك يافهد الله لايوفقك
ام رياض تمسح دموعهآ:حرآم عليك يارجال ..لاتدعي عليه
هزآع بحقد:اجل اللي سوآه فينآ قليل حنآ بعد البيت الكبير هذآ نستأجر شقه وعمي ابو رزان يسكن معنا قولي لي يمه كيف بنأخذ رآحتنآ
ندى:يبه انا مابي أعيش مع أعمآمي خلنا نروح ان شاء الله خرابه بس مانسكن معهم
ابو رياض عصبيه:نآقصك أنت ودلعك مايكفي اللي سوآه أخوك فينا الله لايوفقه بدنيته وأخرته قلب غضبان عليه ...وعلى سواته فينا انا واعمامك احمدي ربك لقينا لنا بيت يضفنا عن الشارع
رياض تنهد:آآآه يايبه ماني متخيل ان فهد يسوي فينا كلنا كذا ..حتى بيتنا اللي عشنا وتربينا فيه بينباع في مزاد علني ..كله بسببه
ام رياض بحده:رياض خلاص يكفي كل وآحد يدعي عليه من جهه
ابو رياض بعصبيه وقف:انتي يامره علامك كل كلمه وثانيه تدآفعين عنه عآجبك الوضع اللي وصلنا له
ام رياض: يابو رياض الدنيا يوم لك ويوم عليك هذي حوبته طول عمرك متبري منه جاء الوقت اللي تدفع فيه الثمن
ابو رياض صرخ عليها: أسكتي ..أنتي بعد تتشمتين فيني مآهقيتهآ منك
أم رياض: أنآ ما أتشمت أنا أقول الصدق ...اتق الله في نفسك وولدك مآصار فيك كذآ الا ذنبه اللي في رقبتك
ابو رياض:خذوآ أمكم من قدآمي
ندى تمسك يد أمهآ:أمشي يمه خلينآ ننزل بقية الأغراض
هزآع يطالع أمه بعيون تآيهه هو وريآض أمآ أبو ريآض ترك البيت وطلع برى كل شي في هذآ البيت يخنقه ويزيد ألم صدره المتزآحمه أنفاسه
هزآع:والحل الحين
رياض يشيل بعض الشنآط:شيل وأنت ساكت لآيرجع أبوي ويعصب علينا
هزآع:طيب زوجتك وعيالك
رياض:مع اهلها لما نستقر بجيبهآ عندنا أسم ان ابوهآ مآخسر كثير مثلنا
هزاع بتحطم:الله يسامحك يافهد هذي سوآه تسويهآ الله يسامحك
ندى وقفت عند الدرج:بدل مآتتحسب على اخوك تعال ساعدني
هزاع بحده: طيب لاتنفخين وجع
ندى: تعال خلصني بروح اشوف امي
تركت الأغراض على طرف الدرج ورجعت عند امها
بعد المغرب في المدينه
جآء يوسف عند شهد حتى يأخذ مشآري مع رغد ويودونه لعيآده خآصه
شهد بخوف:يوسف الله يخليك بشويش عليه هو صغير مايتحمل
يوسف ابتسم:لآتخافين ان شاء الله مايتعور
رغد اللي كآنت لآبسه عبايتهآ ومتحجبه:هذي خوآفه زياده عن اللزوم هو صغير مابيحس بألم كثير بس اعطينا الولد نوديه
بهذا الوقت دخلت شوق وفهد البيت وفتحت له المجلس
شوق :ارتاح هنآ بجيب لك القهوه
فهد:مآيحتاج بجلس أنتظرك هنآ أو انتظر يوسف
شوق تعدل طرحتهآ وتتغطى حتى لو يطلع يوسف صدفه بوجهها:طيب بروح للمطبخ واشوف خواتي وراجع لك
دخلت الصاله وشافت هنادي وسمر جالسين:اخبار الحلوين أيه
سمر: نبوس أيديك
هنادي:غريبه جايه وتاركه زوجك
شوق ضحكت:زوجي بالمجلس
هنادي بكره: ايه اقول مايفرط فيك فهيدآن
شوق نزلت عبايتهآ:وين زوج شهد شفنا سيارته تحت
سمر:جوآ عندهآ بالغرفه بيأخذ مشاري مع رغد ويطهرونه
شوق :الله يكون في العون شكل بيطفشنا اليوم بالبكآء ...الآ ماسويتوآ قهوه
هنادي بدون نفس تستند على الكنبه وتمدد رجولهآ:أضن عند شهد بالغرفه
دخلت رغد بتأخذ شنطتهآ شافت شوق وباستهآ على خدهآ:هلا والله متى وصلتي
شوق ابتسمت :من شوي "قاطعهم صوت الجرس "
رغد طلت في شوق:مين اللي جاي الحين
شوق تهز أكتآفهآ:الله أعلم ..بروح أشوف مين
أتجهت للباب بعد مآحطت الطرح على شعرهآ وسكرت الباب اللي يفصل المجلس وغرفة شهد عن بقية البيت فتحت الباب بهدوء وكآنت صدمه شلت كل حوآسهآ وأستيعآبها ..تفاجئت من وجود أشخآص مآتوقعتهآ بتآتآ
..:ايش فيك ياشوق بتخلينا مطولين برى
شوق اللي حست على نفسها وأستوعبت اللي يصير قدآمهآ:هــآه ..لا حياكم ..تفضلوآ زآرتنآ البركه
جدتهآ( أم أمهآ) سلمت عليهآ وباست راسهآ:كيفك ياشوق وكيف حال خوآتك
شوق تطالع في خالهآ اللي كآن ورى جدتهآ:كلنا بخير الله يسلمك ..تفضلي ياجدتي نورتي البيت
جدتهآ: من دريت أن شهد ولدت جيت ولو اني زعلانه عليكم لاتتصلون ونآسين جدتكم
شوق: منشغلين ياجدتي "فتحت الباب وقربت من المجلس وفتحت بابه على الأخير:حيآكم هنآ شهد عندهآ زوجهآ
خالهآ اللي ساعد جدتهآ بالدخول:كيفك ياشوق
شوق وعيونهآ على فهد اللي وقف على طول وألأف الأستفهامات تطري في باله:بخير انت بشرني عنك كيفك وايش مسوي
خالها: الحمدلله ماشي بدنيتي
جدتهآ وقفت على طول بتعدل نقابها:ياويلي من ذآ يابنت مدخلتنا على رجال مآنعرفه
شوق ارتبكت من نظرآت فهد اللي تحرقهآ ومن جدتهآ اللي تعرف طبعهآ خايفه انها تجرحه بكلمه او تصرف: هذآ زوجي فهد
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك