رواية ياخاطفي وين القي عزتي في زمان المذلة -86
فهد بشموخ:أنا ماطعنتك ولآ كنت السبب بأفلآسك
رياض وقف وتردد صوته الرجولي الممزوج بخشونه:لاتكذب يافهد كل اورآقك انكشفت
فهد رفع أصباعه السبابه:أحترم نفسك ترآك في بيتي انا مآ أكذب انا شريت كل نسبكم في الشركه نسبة أبوي وكل أعمآمي وصارت 90% من الشركه ملك لي وحدي والعشره الباقيه ملك لآبوي ماحبيت أخذهآ وأدمره مره وحده
هزآع وقف جنب ابوه اللي بدأ يرتجف: انت طول عمرك حاقد علي
فهد رد عليه:أنت اللي متبري مني ..مارميت نفسي عليك والحمدلله ربي أكرمني من فضله ورزقه ومثل ماتشوفني من أكبر رجال الأعمال
رياض بنبرة لوم: كيف هان عليك تسوي بأهلك كذآ كيف؟!
فهد رفع صوته وصرخ عليه:أهلي ؟..اي أهل الله يسلمك أنآ مالي أهل الآ جدي الله يرحمه أمآ غيره ماتربطني فيهم ألا أوراق نسب فقط لاغير
ابورياض:طول عمرك أبليس ومستحيل تتعدل وتصير أدمي
فهد بحده:مابي أغلط عليك لأنك أبوي بالأسم فقط ووآجب علي أحترمك ..هي كلمه مااكررهاالــ 10% الباقيه اذا تبيهآ خير وبركه ماتبيهآ بكره 5 ملايين برصيدك تدبر فيهآ حالك أنت والعائله وتتنآزل لي عن الشركه بكبرهآ
رياض :منآك يافهد اللي تحلم فيه لآيمكن يصير
فهد ضحك بسخريه:اصلا الشركه مآهمتني أبدآ وانت يارياض تدري قد أيش أملاكي وشركآتي بالخليج جت على شركه مثل شركتكم اللي تعتبر اصغر من أني ادفع فيهآ 5 ملايين
هزآع:أجل ردهآ لأبوي
فهد مشى وجلس:أنآ ماشريتهآ ألا لآني نآويه كلكم تصيرون تحت رحمتي
ابو رياض جلس الكرس مصدوم من كلام فهد:أنآ قايل أنك عديم فايده مايجي من ورآك الآ البلآوي
فهد حط رجل على رجل:عندي عرض ينآسبكم وينآسبني
رياض جلس جنب ابوه وضغط على يده حتى يتمالك نفسه:ويش هذآ العرض
فهد يرفع حاجبه وعلى شفايفه ابتسآمه نصر وخُبث:تشتغلون عندي ورآتبكم كل شهر يوصلكم ولكم نسبه 10 % من الأربآح ...أيش قلتوآ؟
وقف ابوه وأعصابه هايجه:ويش تقول ياولد أكيد أنخبلت ومنت دآري ويش تقول
فهد وقف : هذآ اللي عندي وغيره مآ أقبل
ابو رياض: رآح أبيع كل شي حتى اشتري الشركه منك
فهد ابتسم :ادفع 25 مليون وتأخذهآ باللي فيها
رياض شهق: ياولد الـ... استغفر الله العظيم منك صدق ابو يوم قال انك شيطان بهيئة أدمي
فهد لف واعطاهم ظهره:وقتي مايسمح اضيعه اكثر ماضاع
تركهم في الصاله وطلع لجنآحه ..سمع صوت فرآمل سياره تحركت بسرعه جنونيه ...فتح الستاره ورآقبهم لين طلعوآ خارج حدود مزرعته الوآسعه
نزل ملابسه ودخل يأخذ له شور يبرد عليه بعد يوم كان شاق ومتعب بالنسبه له
::
::
المغرب
كآنت بالعياده ..اخذت ورقة تحليل الدم نفس نتيجة اللي قبله طلعت من العياده وركبت السياره ...بدون ماتحس رفعت جوالها وكتبت له مسج وارسلته له ...دقايق ودق عليها
شوق: هلا فهد
فهد بصدمه: أيش قصة المسج ؟
شوق غمضت عيونها:حللت مرتين ونفس النتيجه
فهد شوي ويبكي:شوق أنتي مستوعبه ايش يعني .... ؟
شوق تبكي:وانت مستوعب اني حامل
فهد ضاقت انفاسه بصدره حس انه يختنق وصوت انينها بضعفه اكثر:والحل؟
شوق اللي كانت تبكي من اليوم اللي قبله لكنها تكتم كل شي في قلبها عن اهلها خوف انها تعذبهم معها:مدري والله مدري
فهد:انا بجي للمدينه بكره
شوق:لاتتعب نفسك انا بموت عاجل او أجل
فهد بصوت حاد:لاتقولين كذآ بعيد الشر عنك
شوق:فهد انا قربت من البيت اذا دخلت غرفتي اتصل عليك
فهد تنهد:استناك لاتتاخرين
شوق مسحت دموعها من تحت نقابها:مع السلامه ...انتظرت شوي لين خفت معالم البكاء المرتسمه على تجاعيد وجهها واحمرار عيناها ...نزلت من السياره وطلعت للبيت من حسن حظها ماصادفت أحد غسلت وجهها وغيرت ملابسها
طلعت ولقت عمهآ جالس بالصاله ودلة القهوه قدامه وجات بعدها سحر وشهد جلسوآ معهم
شوق طلت في عمها:عمي بطلبك طلب
ابو مها صحى على كلمتها من سرحانه وتفكيره العميق بقطعة قلبه واحب بناته لروحه:امريني يالغاليه
شوق: ابي تتصل على اهل خطيب سحر وتخلي موعد الملكه والشبكه بيوم الخميس
شهد وسحر بأستغراب:ليش
شوق اللي توترت وصارت تفرك يديها ببعض:عشان فهد بيجي المدينه ونسافر مع بعض برى المملكه مطولين برى يمكن ثلاث شهور
ابو مها لف على سحر:يبه سحر ويش رايك مانبي عزيمه ولاشي يكفي يجي المأذون يملك لكم وانتي تشوفين زوجك
سحر نزلت راسها: اللي تشوفه يايبه المهم عندي تكون شوق معي
شوق ضمتها لصدرها:ياعمري ياسحر الحمدلله شهد الحين بخير وتقدر تتحرك صح شهد
شهد ابتسمت:ايوه خلونا نفرح ونغير جونا شوي
ابو مها:الله يوفقك يابنتي ويكتب لك السعاده
سحر حمرت خدودها استأذنت وراحت لغرفتها بسرعه وهي تفكر برد اهل معاذ
امآ أبو مها راح لوآحد من اصحابه حتى يفتك من البيت اللي يسبب له الأكتئاب
شهد :شوقه ليش طلبتي يقدمون الملكه
شوق ابتسمت:عشان بسافر وأنآ حابه اكون مع سحر تعرفين هي صغيره ومحتاجتنا جنبها
شهد تفكر: معك حق
شوق طلت في شهد اللي تعدل شرشف ولدهآ وتحطه جنبهآ وتبتسم بين كل لحظة ولحظة ...قطعت انسجام شهد بكلماتها
..:شهد اذا صار لي شي لآسمح الله لآ أوصيك بخواتي حطيهم بعيونك كوني لهم الأم ترآهم يتيمآت محتاجات قلب حنون وحضن دآفي ... كوني قريبه لقلوبهم وأكسبيهم
شهد ركزت بشوق وعيونها وبريقهآ الدآمع ..انقبض قلبهآ من كلمآتهآ وهي تستمع لها بهدوء تآم
شوق:محد يضمن عمره وحياته ... وصيتي لك خوآتي وبنات عمي لاتقصرين معهم بشي
شهد بنبره قريبه للبكاء:ليش تقولين هذآ الكلام احنآ تربينآ على يدك وانتي ا شاء الله ربي يطول بعمرك وتكوني معنآ
شوق ابتسمت لهآ وبدآخلها غصه موجعه تُشرَّحِهآ اجزآء متجزئه لم يتبقى منهآ شيء يُذكر:مدري جاء ببالي اوصيك عليهم تعرفين انا بعيده عنكم
شهد ما أقتنعت:شوق لاتلفين وتدورين علي انتي فيك شي اعترفي
شوق :ايش بيكون فيني ..كل اللي فيني خوفي عليكم مو أكثر
شهد ضمتهآ بقوه:الله يخليك لنا بجد انتي أمي واختي وكل دنيتي
شوق زآدت بضغطهآ ولمت شهد لحضنهآ أكثر وغمضت عيونها تشم ريحتهآ وعطرهآ الهادي وكأنهآ تودعهآ بهذي الضمه التي تحمل أجمل معآني الأخوه والحب بينهم ..حاربت دمعتهآ التي اوشكت على الهطول وبعد صرآع دآمي قدرت تسيطر على نفسهآ
شهد بعدت عنها وابتسمت باستها بخفه على خدهآ ..قاطعهم صوت جوال شوق وبنفس الوقت جوال شهد
شوق وقفت: هذا فهد بروح اكلمه بغرفتي
شهد ضحكت: هههههههههه حتى انا يوسف متصل
شوق ابتسمت وراحت بسرعه للغرفه وقفلت الباب على نفسهآ وردت:هلا فهد
فهد بخوف: وينك خفت عليك قلتي بتدقين ومادقيتي
شوق انسدحت على السرير:كنت عند عمي اطلبه يقدم ملكة سحر
فهد:ماشاء الله سحر انخطبت
شوق بتعب:ايوه انخطبت من بكره بوديها السوق تشتري فستآن للملكه
فهد بنبرة حب: لاتشتري ولاشي فستآنهآ بيوصلهآ لحدهآ انا بطلبه لهآ من باريس
شوق بأعتراض: لا يافهد مايحتاج بشتري لها شي بسيط وهادي مامعنا وقت
فهد بأصرار: ماراح يطول نهائيا بعدين مابيك تتعبين ناسيه انك مريضه وفوق هذآ حامل ارتاحي بسريرك وكل شي بيوصلكم من تجهيزات الشبكه
فهد بحده: انتهى ...قوليلي ايش قالت لك الدكتوره بالتفصيل
قامت تقوله كلام الدكتوره وبين كل لحظة ولحظة تأخذ نفس من بين شهقاتها وتكمل له الكلام
هنآدي & باسل
كآنت نايمه كل جسمهآ يألمهآ وأوجآعه مستقره في مفاصلهآ ... ماحست بنفسهآ من التعب ..أمآ هو أنتظرهآ لين تنآم ولف على جهتهآ يتأملهآ ..ملآمحهآ بريئه جدآ وطفوليه ممزوجه بقليل من الحده والشرآسه يحبهآ بكل حالاتهآ شخصيتها تجذبه ويخليه يتمتع بالنظر لها يكفيه أحسآسه انهآ طفله بين أحضانه والأجمل انه متفرد بهآ وحده.
يتأمل كل تفاصيلهآ خشمهآ الصغير المسلول ورموشهآ الشبيه بالأشواك لكثافتهآ وأسودآدهآ وحِدتَهآ ...جمالهآ الطفولي وملامحهآ الساكنه يعشقهآ عشقاً ابديآ
{باسل}
سبحان اللي صورك... جمالك مآمر علي كثر مآشفت اشكال وألوآن مالفتني غيرك ببسآطتك وروحك الحلوه وبرآئتك اللي تأسر القلب وتخليه متيم ولهآن...قلبتي حياتي وكيآني من عرفتك ...يأطهر وأجمل قلب عرفته في دنيتي ...مستحيل أسمح لأي أحد يقرب منك أو يمسك لو بكلمه بأمحيه عن الكون كله لجل عيونك اللي تعذبني .
طبع بوسه خفيفه على طرف خشمهآ الأحمر من كثر البكآء مسك يدهآ ورفعها بشويش لمستوآه وحطهأ على خده بهدوء وهي يستمتع بملمسهآ الناعم ...ضمهآ لصدره وأستسلم لعالم الأحلام بقرب الأنسآنه اللي قدرت تسرق قلبه بغمضة عين وبدون أحسآس وآعي منه
بعد ساعات طويله صحت من النوم ..صحت من الآلم اللي ينهش بطنهآ بدون رحمه فتحت عيونهآ ببطئ وأستوعبت المكآن اللي هي متوآجده فيه حست بثقل على كتفهآ بعدته عنهآ وهي تتألم ..ماقدرت تتحمل أكثر وقامت تبكي صرخت عليه
هنادي :قووووم انت ياغبي قووووم
قام مرعوب أول مره يصحى على صوت صرآخ: خير ويش صاير
هنادي اللي تبكي وتشهق شوي وتقتله:اعطيني مسكن بموت من الألم
باسل جلس وبعد الشرشف عنهآ: ويش يوجعك
هنادي صرخت بوجهه:تستهبل انت اعطيني مسكن وخلصني
فتح الدرج اللي جنبه وطلع بنآدول مد لها كوب مويه وحبتين بندول ..أخذتهآ منه بسرعه وبلعتهآ ..اخذت جوالها وشافت مكالمات كثيره من ابوهآ ورغد وشوق لكن تجاهلتهآ انتبهت للساعه اللي صارت 2 في الليل
هنادي نفخت عليه:قوم رجعني البيت بكره وراي جامعه
باسل طل فيها:بتروحين الجامعه وانتي تعبانه
هنادي: تعبي كله بسببك ياوآطي قوووم تحرك رجعني اعطيتك وجه انا
باسل بحده:طيب لاتنفخين علي وجع
هنادي: يوجع بطنك الله يفكني منك بموتك
باسل قام لبس ثوبه ورمى عليها عبايتها:البسيهآ فوق بجامتك ذي
هنادي ضغطت على نفسهآ ووقفت غصب عنها وهي تتحمل الوجع اللي تحس فيه اخذت كيس وحطت فيه لبسهآ اللي جات فيه الصباح اخذت شنطتها وطلعت ورآه متجهين للسياره
قرب السياره من باب العماره فتحت الباب ودخلت: بسرعه وصلني
باسل:ترى هذي يسمونهآ سياره ماهي طياره قدامنا نص ساعه مشوار ناسيه ان بيتكم بجنوب المدينه
هنادي بدون نفس ردت عليه واخلاقها واصله معها:لاتتفلسف علي عارفه المدينه من قبل أشوف وجهك المنحوس
باسل مد لها نسخه من المفاتيح اللي معه:هذي مفاتيح البيت اذا اتصلت عليك وقلت روحي له تروحين غصب عنك
هنادي سحبتها وشالتها بشنطتها: يصير خير
باسل:الصباح مسافر لجده
هنادي :عساك ماترجع
باسل عصب عليها: ماتعرفين تقولين كلمه حلوه
هنادي من بين اسنانها: من زينك اقولك كلام حلو كل على بعضك ما اشوفك
باسل انقهر منها وسكت لآنه مايبي يتناقر معها وهو خلقه معصب منها ...فجأه وقف قدآم باب بيتهم وهي سرحآنه مآ أنتبهت لوصولهم
باسل: خير ماتبين تنزلين بيتكم
هنآدي صحت على صوته من سرحانها:شنو ..وصلنآ
باسل: الله بالخير يالله انزلي انا مسافر
هنادي سحبت شنطتهآ والكيس: درب يسد مايرد
باسل: مع السلامه يازوجتي العزيزه
هنادي نزلت وقبل تسكر الباب بنبرة حقد:عسآك تحت تريله ..طبعت الباب بكل قوتهآ وطلعت جري لبيتهم ..فتحت الباب بشويش ومشت للغرفه بهدوء ..دخلت على أطراف أصابيعها سحبت لهآ ملابس ومنشفه وقبل تطلع شافت شوق قدآمهآ
شوق طلعت قبل هنآدي وانتظرت خروجهآ من الغرفه..لما حست بوجودهآ:كل هذآ عند صديقتك
هنادي بأرتباك:والله رآحت علي نومه أنآ وهي
لفت على هنآدي وكآنت مصدعه من قوة الآلم اللي تحس فيه:طيب نآمي ورآك جآمعه ماقدرت أنآم لين اشوفك بغرفتك
هنآدي ابتسمت لهآ:الله يسعدك ياررب ..يالله بروح اخذ شور وانآم قبل الفجر
شوق ابتسمت لهآ رغم أوجآعهآ:تصبحين على خير حبيبتي
دخلت غرفتهآ وأنسدحت على سريرهآ بتعب من عرفت نتيجة التحليل والأرق + الأرهآق هم أصدقآئهآ الوحيدين ...نامت بهدوء بعد صراع حاد مع النوم
بالغرفه عند شهد
شهد: اممم لا رغد مآلآحظت عليها شي ..ليش صاير شي؟
يوسف : لالا مافي شي تطمني بس من زمان عن اخبارها وحبيت اسئلك
شهد بحب: ياعمري انت تطمنا كلنا بخير
يوسف : المهم عندي انتي ومشاري قطعتين من قلبي بعيده عني
شهد ضحكت:فديتك أنآ بجد مشتاق لنا
يوسف :يووووه مشتآق وبس اقول خلاص كافي جلسه عند أهلك ارجعي للبيت
شهد بصوت متغنج:نوو ابي ارتاح خواتي مدلعيني اخر دلع بعدين من يطبخ ويغسل ويهتم بميشو غيري والله أفطس
يوسف: اجيب لك شغاله ويش تبين بعد
شهد بأعتراض: أنا أدخل شغاله بيتي أعوذ بالله ماتسمع بالقصص اللي تصير من ورآهم لآ قلبي ماني عاجزه اهنيك واهتم فيك انت وميشو
يوسف يضحك: علينا ياقلبي
شهد:ترى من جدي اتكلم الشغآله مستحيل تدخل البيت ريح راسك
يوسف :الله يريحك ياشيخه كذآ ابصم اني متزوج أجمل وأسنع وأحلى بنت في الدنيا
شهد حمرت خدودهآ:وآآآآآي على كلامك يذوبني
يوسف يغمض عيونه:والله ماني قادر على بُعدك ذبحتيني بغلآك
شهد بخبث:بشوف قدري وغلاي عندك
يوسف:غلآكِ متمكن بروحي وحبك سكن الفؤآد
شهد :وآآآآآآآآآو كلامك يجنن..أحسن من مليون شاعر
يوسف: خليتيني شاعر يابنت القايد
شهد ضحكت بدلع وصوتهآ النآعم يتردد بالغرفه: أحبك يامعذبني
يوسف:لالالالالالا بكره جآيك يعني جايك اكثر من اربع ايام ماشفتك
شهد:زين تعال الصباح محد في الا شوق
يوسف ابتسم:زين خلاص بكره بعد 8 بجي
شهد :ياخبيث عارف ان بعد 8 كلهم في الدوآمآت
بغرفة يوسف اللي يشاركه فيهآ ماجد ماهو قادر ينام ويوسف يكلم زوجته ومسبب له ازعآج وكل كلمه يسمعهآ يتذكر هنآدي واللي سوآه فيهآ وقلبه يتقطع أكثر وأكثر
ماجد بحده: هيه أنت ازعجتني بنآم ياخي دور لك مكان تتكلم فيه اعوذ بالله قلق
يوسف يرمي عليه المخده: انطم انت وخلك بفرآشك
ماجد لف على جهته: ماني قادر انام من رجتك اطلع برا الغرفه والا انزل بيتك
يوسف يكشر ويقلد صوته: يالله بس اسكت عني واخمد
ماجد بتأفف: الله يفكني منك يارب ترجع زوجتك وترحمني من القلق اللي عايش فيه
شهد اللي كانت على الطرف الأخر ميته ضحك على مآجد وتأفف:خلاص حبيبي قفل خله ينام يحزن
يوسف يطالع بماجد اللي اعطاه ظهره:هذا يحزن هذا يقلب الدنيا علي وعليك ويطلع منها مثل الشعره من العجين
شهد :خلاص قلبي انت نام الحين وخله ينام يصير اشوفك الصباح اوك حبي
يوسف : اوك ياعمري ..تصبحين على خير
شهد: وانت بخير يالحب
قفلت منه وباست مشاري على جبينه ونآمت حتى تصحي قبل يجي وتجهز لهم الفطور
:::
:::
صباح اليوم التالي
وصلوآ كل وحده من أخوآتهآ لمكان دوآمهآ ..بقت هي وسحر في نفس الجآمعه ..نزلوآ من السياره
سحر عن البوآبه:يالله هنو رايحه مبنى الطب تبي شي
هنادي ابتسمت لها وباين عليها الأرتباك:سلامتك اشوفك بعدين بيننا فوون
سحر تأشر بيدهآ: باي حبي
رآحت هنآدي قسم دورآت الميآه زبطت شكلهآ ولبست بلوزه دآنتيل أسود برقبه فيهآ بروش فضي على جنب حتى تخفي أي علامآت وجروح في رقبتهآ وصدرهآ ..مع تنوره جينز رمآدي و فلآت أسود بتقليمآت رمآديه جعدت شعرهآ حتى تخبي وجههآ فيه وقصتهآ حطتهآ على جنب ..تعطرت ومشت في الساحآت الوآسعه متجهه للمبنى اللي تدرس فيه ..سمعت صوت روآهآ ينآديهآ ..لفت بسرعه خلفهآ وشافت البنت اللي قآبلتهآ قبل يومين
..: صباح الخير
هنادي عقدت حوآجبه مستغربه من تصرفات هذي البنت:أهلين صباح النور
..: كيفك ياقمر
هنآدي ابتسمت لها: بخير..انتي كيفك؟
..:من شوفتك اليوم صرت بألف خير
هنآدي خجلت من كلامها:تسلمي ياذوق
ابتسمت لهآ البنت برقه وعذوبه:عآدي أمشي معك لين يصير وقت محآضرتك حابه أتكلم معآك ماصدقت عيوني أول ماشوفتك نآزله مع الدرج
هنآدي تملكهآ الأستغراب:تفضلي
..:ممكن اعرف أسمك
هنآدي: هنآدي القايد وأنتي
..:أنآ روآن
هنآدي :تشرفنآ ياروآن ...سنه كم
روآن:ثاالث تخصص انقلش
هنآدي ابتسم: زيي أنآ تخصصي أنقلش
روآن بفرحه: صدق والله حلوو جمعنآ شي مشترك
هنادي جلست على طرف الرصيف:يامحآسن الصدف
روان:من شوفتك حبيتك خصوصا بعد ذآك اليوم لما حصلتك تبكي
هنادي تغير وجههآ: حصل خير
روآن: أنتي عندك احد ميت كل مره أشوفك لابسه أسود
هنادي ابتسمت:لا الحمدلله بس انا احب اللون الاسود اعشقه
روآن: غريبه ..ممكن رقمك عشآن وقت البريك أكلمك نتقابل ابي أعرفك على شلتي
هنآدي:اكيد ..يالله سجلي رقمي
بعد مآ أعطتها الرقم وسجلت بعد رقمهآ أستأذنت ورآحت لقاعتها وكلها أستغراب من هذي البنت وتصرفاتها الغريبه معها وكلامها الاغرب
هنادي(بالعكس افرحي ياهنادي الحين ماعندك احد تمشي معه عبير الحقيره تركتيها وانتهى كل شي بينكم..لازم تكوني لنفسك صدآقات من جديد والأهم يكونوآ احسن من عبير وتضيعي معهم وقتك وتنسجمعي بصداقاتك الجديده)
دخلت القاعه متجآهله كل اللي فيهآ عدت محاضراتها بسرعه وخلصت بدري من دوآمهآ ..نزلت للساحه تمشي ..حست بجوالها يدق
هنادي:هلا روآن ..فينك انتي ..زين انا جايه للمطعم
دقايق وكآنت عند المطعم الخاص بالجامعه حتى تشتري مشروب بارد يبرد عليها حرارة الجو ..شافت روآن تأشر لها ..ومشت لطاولتهم
هنادي بحياء:السلام عليكم
الكل:وعليكم السلام
روآن وقفت جنب هنادي ومسكت يدها:صبايا هذي هنادي اللي قولت لكم عنها
..:مشاء الله مُزه ياروآن
هنادي استحت وحست بالاحراج: كيفكم
الكل:بخير
روان:هنادي بعرفك عليهم هذي أيه وريناد وعلياء وبدور وهيام
هنادي صافحتهم كلهم:فرصه سعيده اللي اتعرفت عليكم
أيه:واحنا اسعد ياقمر "سحبت كرسي قريب منها" تفضلي ياقلبي ارتاحي
هنادي ابتسمت لها: شكرا
جلست روان على كرسيها:كيف محاضراتك ياهنوده
هنادي:الحمدلله ماشي حالها
أيه:انا زيك في سنه أولى
هنادي:اي كلاس
ايه:كلاس مس هبه
هنادي:يوووه انا عند مس أمينه
روان:شكلو أيه بتسرق هنوده مني
هنادي طلت في روان مستغربه من كلمتها:شلون تسرقك مني؟
سمعت صوت ورآهآ: هنــآآدي حياتي ليش ماتردي على جوالك
هنادي لفت وشافت سحر:هلا سحر ..ما انتبهت له سوري
سحرطلت في البنات اللي أول مره تشوف هنادي جالسه معهم:طيب بتخرجي اليوم بدري والا لا لان جدولك اليوم قصير
هنادي:شوي وبكلم السواق انتي بتخرجي معي
سحر:لا اليوم أتأخر احتمال ارجع 3 الظهر خبري شوق لاتقلق عندي تشريح في المختبر
هنادي :اوك حبيبي الله يوفقك
سحر باستها على خدها: انتبهي لنفسك حياتي
هنادي ودعت وجلست على الكرسي
ريناد:ماشاء الله باين علاقتكم قويه مره صديقتك هذي؟
هنادي:لا أختي
روآن شهقت وطلت في سحر اللي طلعت مع الباب:هذيك اختك مره مافي شبه بينكم
هنادي اتبسمت: مو اختي اختي ..هي اصلا بنت عمي بس عايشين في بيت واحد من يوم توفت امهآ وامي
ايه حزنت على هنادي ولمست يدها:سوري قلبو ماقصدي نذكرك بشيء حزين
هنادي ابتسمت:لاعادي
روان:يابختها اذا انتم عايشين في بيت واحد وتشوف كل يوم
هنادي ضحكت:غريب كلامك ياروان انتي شكلك ماعندك اخوات
روان:ايوه انا وحيدة بابا واعمامي كلهم في جده واحنا لوحدنا في المدينه انا وبابا
هنادي:طيب فين امك ؟
روان:ماما اجنبيه رجعت لفرنسا بعد ماطلقها بابا
هنادي: سوري
روان:عادي قلبي كلهم يعرفوآ دآ الشي
هنادي وقفت:طيب انا استأذن جلستكم حلوه وماتنمل بس مضطره ارجع البيت
روان تعلقت عيونها في هنادي:بدري هنادي خليك معانا شوي
هنادي:اعذريني ياقلبي بجد ميته تعب بأتصل على السواق
بدور:سلامتك قلبي ماتشوفي شر
هنادي ابتسمت:الله يسلمك ..يالله في أمآن الله
روان:حتصل المغرب اتطمن عليك
هنادي ضحكت:اوكِ باي
الكل :باي
بعد ما ابتعدت عنهم راحت تنتظر جلالي اللي كلمته وكان قريب منها وعلى طول اتجه للجامعه يأخذها
روان طلت في شلتها وابتسمت ابتسامه غريبه:ايش رايكم فيها
علياء:الله وكيلك ياشيخه ماتطيحي الا وآقفه البنت عذآآآب
ريناد:شوفتوا عيونها تهبل ماعمري شفت عيون حاده زيها
أيه: وألا بياضها تجنن بسم الله عليها
روآن رجعت على ورى: يجنن الأسود عليها قال ايش لونهآ المفضل ماتدري انو يخليها زي القشطه
بدور ضحكت:روآآآن وربي طحتي ومحد سمى عليك
روان :حبيتها والله حبيتها من شوفتها دخلت قلبي حاسه انها بتكون اعز صديقه ليا
علياء: يمكن ليش لا
صحت على صوت جوالهآ سحبته بتكآسل لها وردت بصوت كله نوم:ألووو
فهد: صباح الخير ياوجه الخير
شوق ابتسمت لآ أرآديا من سمعت صوته:صباح النور
فهد:لسى نآيمه؟
شوق تفتح عيونها بكسل:ايوه
فهد: متى ناويه تصحي
شوق بتعب:احس بتعب وخمول في جسمي أبي أكمل نومي حتى العصر
فهد ضحك:ياجعل كل التعب في عدوينك يارررب
شوق: فديتك أنت ...متى بتجي المدينه
فهد يفكر:أحتمال اليوم في الليل او بكره اذا طرآ لي شغل مفاجئ
شوق تذكرت: فهودي ايش صار على أهلك
فهد:ولآشي زي ماهم كل شي خسروه أحتمال حتى بيتهم يبيعونه
شوق فتحت عيونه من الصدمه:ايش يبيعون بيتهم فهد الله يخليك لآ تسمح لهم يبيعون البيت
فهد: هم أحرآر بمالهم وممتلكآتهم أنا يعتبروني عدوهم الوحيد
شوق تحاول تقنعه:حبيبي اذا أذيت أهلك كيف تبي ربي يوفقك في حياتك وشغلك
فهد:شوق انا مآسويت لهم شي وأفلآسهم مالي يد فيه ليش الكل متهمني
شوق:عارفه ياعمري أنآ أكثر وحده فاهمتك في الدينآ بس ابيك تساعد أهلك أتقرب من أبوك خله يحبك مهمآ صار هو أب تعرف أيش معنى أب انت لو صرت أب بتفهم معنى كلآمي مافي أب بالكون كله يكره ولده اللي من صُلبه
فهد توتر من كلامها:يصير خير انا كنت متصل أتطمن عليك وأشوف محتاجه شي
شوق: محتاجه شوفتك ووجودك جنبي
فهد: هآنت كلها يوم بالكثير وأكون جنبك ..اهتمي بنفسك وحافظي على موآعيد الأدويه
شوق:أن شاء الله
فهد تنهد:على فكره ترى كلمت محل أزيآء وطلبت لك ولأختك فسآتين
شوق :ليش كفلت على نفسك وربي ماله دآعي
فهد: يوم الثلاثآء يكون عندكم في المدينه لأن في طلبيه جايه للمدينه من نفس المحل
شوق بحب: ماتقصر حبيبي الله يخليك لي
فهد ارتاح من نبرتها: امين ..يالله بقفل الحين أذا بغيتي شي أجيبه لك كلميني او أرسلي مسج أذا مارديت ممكن اكون في أجتماع
شوق ابتسمت في دآخله على تغيره الجذري معهآ:من عيوني مع السلامه
فهد: مع السلامه
قفلت الخط منه وقآمت تغسل وجههآ وتفطر عشآن موعد الدوآء وتبدأ تسوي الغدآء لأخوآتهآ
دخلت المطبخ وصارت تحوس فيه..في عز أنسجآمهآ سمعت صوت الباب ينفتح ..رجعت للصاله وشآفت هنآدي دآخله البيت مرهقه وتعبانه
شوق:هنودتي سلآمتك فيك شي ؟
هنآدي: لآ حبيبتي مافيني شي بس اليوم محآضراتي قصيره ورجعت لآني نعسانه ماقدرت استنى سحر لآنهآ تتأخر أحتمال مآترجع ألا الساعه ثلاثه
شوق ابتسمت: الله يوفقها ..تجين تفطرين معآي
هنادي رمت عبايتهآ وشنطتهآ على الكنب:ايه يالله حدي جوعآنه بعدهآ بحط راسي وأنآم
جات شهد وحطت الصينيه على الطاوله: هنوده غريبه رآجعه بدري
هنادي اللي كآنت تصب لنفسهآ حليب:خلصت بدري ورجعت
شوق:شهد عندك أحد بالغرفه ؟
شهد ضحكت: يس زوجي في
هنآدي :يووه صح شفت سيارته تحت كنت بسأل شوق بس نسيت
شوق ابتسمت:غريبه مالكم حس
شهد تضحك:يعني لازم نسوي رجه أحنآ ناس عايشين على الهدوء والرومنسيه
هنادي تمد لسانهآ:كثري منهآ
سمعوآ صوت مشاري يبكي بحده ..وبانت تجاعيد ملامح شهد
شوق شرت بالعصير اللي تشربه وهي تضحك: كـح كـح
هنادي:عآفيه
شوق نزلت الكوب وانفجرت بالضحك:ارجعي لولدك يأم رومنسيه
شهد بقهر: كله منكم صكيتونآ عين
هنادي : من حلايا هالوجه أنتي وزوجك
طنشتهم شهد ورجعت للغرفه كآن الباب شبه مفتوح قبل تدخل حست بهدوء مشاري وتوقفه عن البكاء ..قربت من الباب وشآفت يوسف شآيله بحضنه ويغني له ..دخلت وسكرت الباب
شهد : ياعيني وتغني له كمآن
يوسف بتأفف: ولدك هذآ بس يبكي مايعرف يسكت
شهد جلست جنبه وطلت في مشاري:ياحبيبي يجنن بسكوته
يوسف بأبتسامة صافيه:ايش رايك تأخذيه أحسه بيطيح مني
شهد تميل فمهآ: تعلم تشيله وتسكته وألا تبي كل شي علي
يوسف:والله هذآ ولدك
شهد تتخصر: لآيكون جبته من الشارع ترآه ولدك كمآن
يوسف ضحك:أدري أنه ولدي أجل ولد البقال
شهد:الحمدلله انك تدري "أنطلقت صرآخت مشآري في الغرفه "
يوسف يمد لهآ مشاري بأنزعآج: خذيه مايعرف يهجد
شهد تربعت على السرير وحطته بحضنهآ:يانآسو أكيد حبيبي جوعآن ..بدت ترضعه وتطل بيوسف اللي يضحك على شكلهآ
شهد: وجع ايش فيك تقز
يوسف:عاجبني شكلك انتي وميشو
شهد : تدري تمنيت اجيب بنت يقولون البنت صديقة أمهآ
يوسف:حتى الولد صديق أبوه
شهد فتح عيونها على الأخير:الله يستر شكلك بتتعآون علي أنت وولدك
يوسف يضحك:خلآص المره الجآيه بنت ولآيهمك
شهد ضربت على يده وكشرت: مجنون
يوسف ارتفع صوت ضحكه :مجنون حبك يآسبايب جنوني
شهد انقهرت منه وطنشته وركزت بولدهآ مآحست على بيده حول رقبتهآ :أيش ذآ
يوسف يبعد شعرهآ ويقفل السلسال:هديتي لك ياعمري
شهد رفعت السلسال تتأمل: وآآآآو مرره حلو يابعد روحي انت
يوسف بآسهآ على خدها:تستآهلين أكثر لو بيدي أهديك عمري وقلبي ودمي
شهد:الله يخليك لي
يوسف من قلب :أمـيــن
في المستشفى
خلصوآ من التدريب الأول وأخذوآ بريك ربع سآعه
أروى : أوووف بجد اليوم تعب مره
رغد :آآآآه تونآ في البدآيه تحسبين أننآ بنرتآح
اسيل ترمي الكتاب على الطاوله:اكيد ماراح نرتاح طول العمر آآخ لو سمعت كلام أخوآني وتركت العناد
رغد ضحكت:ماينفع كلمة ياليت
اروى حطت راسها على الطاوله: بأخذلي غفوه ..صحوني مو تنسون
رغد :يابختك تقدرين تنآمين مو أنآ
أروى:قولي مشاء الله والله من الكرف اللي نكرفه
رغد ضربتهآ على راسهآ: نامي ويش وراك مآتنآمين
أسيل جلست جنب رغد: وانتي يالحلوه لاتقولين عآد اليوم مآ أنتبهتي لدكتور وليد ياربي شوي واقوله استح على وجهك عيب
رغد :ايوه اليوم انتبهت له كل ماطليت فيه وجات عيني في عينه قام غيرها قهرني احس الكل ملاحظ
اسيل :ايوه من الحين اقولك باين ان ورآه شي
رغد بتأفف:لويفكني من نظرآته بجد اتضايق منها مره وباقي القروب مره ملاحظين بعدين ايش بيقولون بتطلع اشاعات علي
اروى وهي تحارب نعاسها:شوفي مالك ألا تروحين وتعطينه على راسه قولي له لاتطالعني كذآ
رغد بخوف:لآلآ تبينه يحط حرته فيني خلقه أخاف منه ياشيخه يروح بستين دآهيه والله ولاهمني مصيره بيمل
اسيل:يالله نشوف أخرتهآ معه أيش تكون
رغد:اذا طنشته بيمل اتوقع انه مقهور من تصرفنا معه اول مره عشان كذآ حط عينه علي لاني رديت عليه بالكلام
اروى بترجي:أوووش بنآآم شوي
رغد: نآمي نآمت عليك طوفه
أسيل:قومي نتمشى عشآن مانزعجهآ ونشتري شي نأكله
رغد تأشر لأروى:ترى بنسكر عليك الباب مو تخآفين يا صغيرونه
أروى ابتسمت:سكريه يختي ههههههههههه
طلعوآ وتركوآ أروى لحاله في الغرفه المخصصه لطلاب الطب
بـجـده
كآن بمكتبه يرآجع الأورآق وبعض المستندآت المهمه الوآجب عليه أنجآزهآ بسرعه بعد مآخلص شغله طلع جوآله وأتصل على الشخص الذي يريده
بآسل:بشر عسى كل شي رسمي وتمآم
على الطرف الأخر:أبشرك كل شي رسمي في رسمي صآرت زوجتك بموجب الشرع والقانون
بآسل أبتسم: جزآك الله خير واللي وعدت فيه بيوصلك اليوم
..:مآتقصر أي خدمه حنآ حآضرين
باسل:أهم شي وثقت بالمحكمه
..:قلت لك زوجتك يعني زوجتك أتحدى أي احد يقول غير هذآ الكلام
بآسل أرتآح من كلامه اللي سلل الرآحه الى دآخله المتشتت: زين يالله مع السلامه بيننآ أتصال
بعد هذآ ألاتصال ... تذكر هنآدي بدون أي شعور منه أتصل على رقمهآ بعد الرنه الثالثه وصله صوتهآ المنغمس بالنوم
بآسل: سلآم
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك