رواية ياخاطفي وين القي عزتي في زمان المذلة -7
كانت مرتبكه مرررره .. وماتدري ويش تسوي ... ومن الربشه مسكت يد عبدالله بالغلط
اما عنده حس ان كهرباء لسعته او زلزال .. زلزل كيانه .. لمستها حتى لو بالغلط حركت فيه اشياء كانت خامده .... رجع بسرعه للمطعم ...وحاس ان الدنيا تدور فيه
اما عند رغد ... فهي لازالت ماهي مصدقه انه يشتغل بالمطعم بالاول كانت عندها اوهام
انه مجرد صدفه اوشي من هالقبيل
شهد : وين وصلتي ؟؟
رغد : معاك ....ويش كنتي تقولين
شهد : ايه بالمرره معي ... من شفتي القروي حقك ... مدري علامك
رغد : شهد ماني بناقصه كلامك السم هذا اسكتي
شهد : والله مدري على ويش عاجبك .. الولد وين وانتي وين ...
:::
:::
:::
هنادي : ايووه ..هلا عبوووره
عبير ويش اخبارك يام صلوح
هنادي : لالالالا ... بتجبين اخرتنا انتي لاتلمحين لشي
عبير: ههههههه طيب .. هاه بكره نروح
هنادي : شكلك انبسطتي يا بنت من اول مره
عبير : مررره انبسطت .. واي على الوناسه بس ... مو حبسة البيت
هنادي: بكره بروح .. تروحين
عبير: اكيد .. من اليوم ورايح رجلي على رجلك
هنادي : طيب شوفي طلعي لأمك سالفه .. ونروح بكره من بعد صلاة العصر
عبير : طيب اوكي .. بس وبنات عماتك اللي عندكم
هنادي : هم بيروحون الظهر .. عندهم عزيمه مدري وين
عبير : اهــــــــــــــــــــــــــآ ..
هنادي : اكلمك بعدين ... باي
عبير : بــــــــآآآآآآآآآآآآآآآآآآآآآآآآآآي
بعد ماحطوا العشاء واخذتهم السوالف الى ساعات الصباح الاولى ... كل وحده اتجهت لغرفتها ...وبالها مشغول وتفكيرها ليس محدود ...
:::
:::
:::
يـــــــــــــوم الــــــــــــــــــخـــــمــيــس الــــســـاعـــه 3 الـــظـــهـــر
ريم : اجلسي شوي تكفين
هديل : مقدر والله مين يساعد امي بالعزيمه .. لازم اكون معاها
سحر : عاد زورينا مو تقطعين
هديل : ان شاء الله
خلود : وانتم كمان تعالوا عندنا
البنات : ان شاء الله
البنات : مــــــــــــــــــــع الـــــــــســـــــــلامـــــــــــــــه
بالصاله
ابو مها : اقول يا شوق .. ماكلمتك مهاوي
شوق : الا يا عمي كلمتني .. وه يبخير والاسبوع الجاي راح تجي
ابومها : توصل بالسلامه ... ورغد بعدها نايمه
سمر : لا تذاكر تقول عندها اختبار السبت
شوق : وانت ياعمي كيف مكتبك ... ان شاء الله الشغل ماشي
ابو مها : الحمدلله على كل شي ... تعرفين بس جالس بهالمكتب .. وانتظر احد يجيني
ريم: طيب يبه ليش اخترت عقار غير عنه
ابومها : والله وانا ابوك .. ماعرف لشي غيره
شوق : الله كريم ياعمي الله كريم
ابومها : انا الحين بطلع المزرعه .. ابو الخير اتصل علي
البنات : لـــــــــــيــــــــــــش ؟؟!!!
ابو مها : يقول في اشياء ناقصه والمويه مدري علامها بروح اشوف
شوق : بترجع بالليل ؟؟
ابو مها : ما اضن يمكن انام هناك
هنادي : توصل بالسلامه يبه
شوق : الله الله بالبيت والبنات حطيهم بعيونك
شوق : لاتوصي ياعمي ... انت تطمن
ابو مها : يالله مع السلامه ... واي تحتاجونه بخلي بطاقه الصراف مع جلالي
شوق : ان شاء الله مانحتاج شي .. كل شي موجود
ابو مها : الله يوفقك يابنتي ويرزقك باللي يستر عليك
تغير وجهها .. وماقدرت تأمن بعد دعاء عمها .. حست ان الكلام يخونها ويرفض انها تنطقه ... ففضلت الصمت على الكلام
:::
:::
:::
ريان : انا طفشت مافي شي عجبكم ...
وليد : خلاص نسوي ديكور كلاسيك احسن شي
فهد : سووا اللي تبون ... انا لازم ارجع جده اليوم
رامي : وليش ؟؟... باقي اجراءت ماخلصناها
فهد : عند ارتباطات ... لازم ارجع
وليد : بكيفك ... احنا بنجلس لما نخلص كل شي
فهد : طيب .. انا بكلم الخطوط بحجز على اول رحله لجده
مسك الجوال .. وحجز له رحله الساعه 9 بالليل ..
ريان : والله لو تأجل كل شي ... وتجلس معنا شوي
فهد: اذا خلصت شغلي وانتم باقي مارجعتو ... ارجع هنا
رامي : لو مافتحنا فرع احسن ... كان خلينا شغلنا بس بجده
وليد : لا بالعكس نوسع فكرتنا
فهد : المهم اتفقتوا مع الشركه عشان تجيب الالكترونيات
ريان : ارسلت لهم ايميل .. وقالوا انهم بحاولون ويعطونا خبر
فهد : كويس
:::
:::
:::
...:يبه ويش قلت
...: انا موافق بس لازم ام تروح تشوف البنت
...: يبه لاتشوف ولاشي البنت انا ابيها
...: ياولدي مايصير الكلام اللي تقوله نروح نخطب على عمانا
...: يبه انت سألت عن اهلها وعرفت انهم ناس طيبين .. وماعليهم كلام
...: ايه سالنا ... بس هذا مايمنع ان امك وخواتك يزورونهم هذي الاصول
...: الاصول انهم يروحون بعد ما يوافقون
...: طيب طيب انا بكلم ابوها .. واحدد معه موعد ..
...: الله يخليك لي يارب .. ولا يحرمني منك
...: ايه لايحرمك مني عشان وافقت
...: لا يبه مو هذا القصد ..
:::
:::
:::
هنادي : الــــووو ... عبيررر .. انا طالعه تجهزي
عبير : انا جاهز وكل شي معي ...
هنادي : طيب قابليني بالحوش يالله
عبير : اوكي يالله سيوووو
نزلت الحوش وقابلت عبير .. وراحوا بالسياره
شوق : هنادي وين ؟؟
سحر : راحت هي وعبير .. مدري ايش يجيبون
شوق : والله البنت ذي فيها شي
ريم : احساسي نفس احساسك .. احس وراها بلوى
شوق : بس تجي انا اوريكم فيها
جات رغد وجلست ... والكل مستغرب انها مكشره .. وماتتكلم زي دايم .. ومبين انها متضايقه
ريم : رورو .... ليش مكشره .. اضحكي للدنيا الدنيا تضحك لك
سحر تغني اغنيه نجوى كرم : اضحك للدنيا ياحبيبي الدنيا تضحكلك
ريم : ماعاش من زعلك ياغالي ولاعاش من يشغلك ليالي
شوق : استغفر الله ...
سحر: ههههههههه سوري شوق .. ماكنا نقصد بس تحمست حبتين
رغد : طيب لاعاد تتحمسين
شوق وريم وسحر : ههههههههههههههههههههههههههههههه
رغد ياربي اروح عند شهد ماتتكلم اجي هنا يرتفع ضغطي
شوق : روقي ياقلبي روقي
هنادي : كيف شعري مو باين
عبير : لا ... وانــــــــــــا
هنادي : نــــــــــووو ... بس لا تنسي الصوت مو تخربينها زي المره اللي فاتت
عبير : هههههههههههههه كنت خايفه المره اللي فاتت .. اما الحين راح الخوف
هنادي ... ويش سرها هي وعبير ؟؟
رغـــد ليش متضايقه ؟
فهد .. ويش وراه .. وليش رجع جده .. معقوله في شي مانعرفه ؟؟
شوق ... وسرها اللي لازال مستور.. معقوله بنكشف ؟؟
ليان ... ودانا .... ويش حكايتهم ؟؟
البارت السابع .. بيكون بارت مفاجأت .. وراحت تنكشف فيه بعض الاسرار
لكن اسرار مين ... وكيف .. وليش ؟؟؟
الــــــبـــــآرت الـــــســـــآبـــــع
يُوم صَارت مابين القلْب والهَامه ....’،
وش أبِي بـِ الحيَاة اليـَااا انْحَنَىَ راسِي ..؟
رجع من السفر ... وكمل كل الشغل ...
فهد : سلطان ... وين مستندات المناقصه اللي ربحناها
سلطان : موجوده عندي ... اجيبها لك
فهد: ياليت ... وبعد لاتنسى الملفات اللي قلت لك الصباح عليها
سلطان : حاضر .. كلها عندي على المكتب ثواني اجيبها لك
طلع سلطان وترك فهد .. يوقع بعض الاوراق
فهد : غيبه هالشركه اول مره اسمع فيها ... يبي لي اسئل سلطان
دخل سلطان وحامل بين يده الملفات
فهد : سلطان مو هذي شركه جديده
سلطان : ايه .. يقولون بتعاملون معانا ... بس انا ما اعطيتهم رد .. الى ما تشوفها يا
طويل العمر
فهد : مدري بس خبرهم اننا رفضنا عرضهم ... لان دخلني الشك صراحه
سلطان : وانا ماحبيت مديرها ..
فهد : خلاص الغي العقد ... وخبرهم عن قراري
سلطان : تأمر ياطويل العمر ... الا بغيت اقولك شي ياستاذ فهد
فهد : قول ويش عندك ؟؟
سلطان : ودي اخذ اجازة وازور الاهل .. من زمان عنهم
فهد ابتسم له : طيب ... حط المده اللي تبي وانا موافق ...
سلطان : مشكور وجزاك الله خير
فهد : بس قبل لا تروح كل المستندات والاشياء المهمه اعطنياها يمكن احتاجها
سلطان : حـــــآضـــــــر
:::
:::
:::
عبير : هههههههههههههههه وربي انهم نكته
هنادي : زبطيها اليوم كنتي بتوهقينا مع فارس
عبير : ونــــــــــــآســـــــــــــــــــه ... بس تدرين احس ان رائد مو مرتاح لنا
هنادي : حتى انا اصلا نظراته مريبه
عبير : لا يامريبه ... متاثره بالنحووو مررره
جلالي : هنوده ... خلاص انت متى يترك هذا كوره
هنادي : انا اسمي هاني .. سمعت مو هنادي
جلالي : ههههههههههه تيب تيب هاني ..
عبير : وانا عاصم .. مو تنسى
جلالي : لالا انا ماينسى ... هاني وعاصم
هنادي : افففففف .. ريحتي معفنه من الغبار
عبير : اول ما أجي جرررري على الحمام .. باخذ لي شور منعش
هنادي : مين يصدق لي سنه ... وانا على هالحال .. ومحد حس فيني
عبير : عسى ما ننكشف ادعي ربك
هنادي : ياررب ... بس انا خايفه دايم اتحلم اني انكشف
عبير : هذا حديث نفس لانك دايم تفكرين بهالموضوع
هنادي : الله اعلم .. بس فـــلــــه صح
عبير : أم الفله انتي ... افكارك صحيح انها هدامه بس خطيره
هنادي : الحمدلله لا اجسام تدل على اننا بنات ... ولا اصواتنا .. خشنات
عبير بحزن : نكسر الخاطر ... دايم اتحطم يوم يقول ابوي تعلمي الانوثه
هنادي : ياشيخه خلينا نعيش حياتنا ... وبعدها نتعلم الانوثه على قولتهم
عبير :على قولتك ... يالله وصلنا
هنادي ترفع يدها : اللهم اجعل من بين ايدهم سدا ومن خلفهم سدا
عبير : اللهم امـــــــــــيـــــــــــــــن ... آآآآآمــــــيــــن
هنادي : توكلنا على ربنا فهو حسبي ونعم الوكيل
عبير : الله يسعدك يا شوق اللي تحفظينا ادعيه
هنادي : يالله انزلي ... ونزلوا ودخلوا ومحد حس فيهم ابدا ..
:::
:::
:::
تهاني : يـــمــــه ... يـــمــــه
امها : هــــلآ يأمي .. ويش تبين ؟؟!!!
تهاني : يمه دق ابو منذر وقال انه اخذ اجازة وبيجينا
امها بفرحه : صدق ... متى كلمك
تهاني : توه يمه يقول يوم الاثنين بيوصل
امها : اليوم ويش ؟
تهاني : اليوم الجمعه ..
امها : زين .. قومي خلينا نرتب قسمهم .. عشان بكره نرتب المطبخ وباقي البيت
تهاني: انتي ارتاحي انا بروح ارتبه بساعه وانا مخلصه
امها : الله يوفقك يابنيتي .. واشوفك ببيت زوجك
تهاني تضحك : ياررررب
امها : عجبتك الدعوه .. قمي يالله رتبي قومي
تهاني : طيب ياقميل لاتعصب ... والا يشوفك ابوي معصب ويضحك عليك
امها : انا بكل احوالي اعجب ابوك عشره 30 سنه
تهاني : ايه مرررررررررررره تعجبينه واللي يسمع مناقرتكم كل يوم يقول عبله ولقت عنترها
امها : ويش الخرابيط اللي تقولينها .. يوم اني بنت بسنك
تهاني : يــــــــــــــــمـــــــــــــــــــــه .. والله حفظتها كنتي ازين بنت بالقبيله .. وابوي ميت عليك... وجاب اهله من ديرتهم لديرتكم .. وخطبك .. وعمك وابوك رفضوا بس نخوهم مدري مين .. وبعد مشاورات وعلوم رجال وافقوا .. ...
امها : هههههههههههه ... عشان تعرفين ان امك ماهي بهينه .. وكانوا يكتبون فيني الشعر بزيني
تهاني : وينه زينك يمه ... يقولون البنت مثل امها .. وانا قدامك لازين ولا هم يحزنون
امها : انتي .. اصلا مابك شي مثلي .. طالعه على اهل ابوك ..
تهاني : يعني انتي اللي حسنتي نسل ابوي
امها : ايه وانا امك
تهاني : مير صدقك ... ماشفتي خواتك وجدتي الله يرحمها والله الزين شرق وهم غرب
امها : اقول عطيتك وجه .. قومي شوفي شغلك
تهاني : اجل يمه لا تمدحين اهلك وهم خرطي ... وهربت عشان امها ماتهاوشها
:::
:::
:::
..بـــالـــريــــآض ..
ندى : واللي امس يلاحقنا .. واعطاك الرقم .. ويش كان يبي
ليان : واحد يغازل .. يعني حرام المغازل
دانا : يمكن شافنا وعجبناه وركض ورانا
ندى : طيب ليش تاخذين الرقم وتكلمينه .. بعدين يحسبك ميته عليه
ليان بغرور: ما شفتيه يوم يترجاني عند السياره اعطيه بس نظره
ندى : شافك لاينه له ..
دانا : بصراحه الولد .. عــــــــــــــــذآآآآآآآآآآآآب
ليان : وصوته ... وـآآآآآآآآآآآو .. وكلامه يذوب
ندى : يعني كلمتيه
ليان : ايه ... كلمته تسليه ياحبيبتي
ندى : متى تتركين حركاتك ؟؟!!
ليان : ندو ... البنات كلهم يسوون كذا يتسلوون
ندى : لا مو كلهم ..
ليان : انتي الى متى عايشه في حدودك الغبيه ... اطلعي شوفي العالم كيف
ندى : ويش تبيني اسوي مثلا
دانا : سوي زينا .... فليها ياخالتي
:::
:::
:::
بغرفه شهد ورغد
شهد : رورو ... بالله انك متضايقه عشان هذاك القروي
رغد : اي قروي
شهد : عبدالله ... !!
رغد : لا متضايقه ولا شي ... بس مزاجي متعكر اليوم
شهد : روقي يابنت الناس ...
رغد تطالعه بنظرات غريبه (( نشوف اخرتها معاك يا شهد ... لوين بتوصلين ))
شهد : علامك تطالعيني كذا .. كأني مجرمه
رغد : انا .. حرام عليك ... اتامل وجهك
شهد : لاتغيرين الموضوع
رغد : ويش اغير .. بعدين ترى مليت من الغرفه خلينا نطلع على التلفزيون
شهد : طيب باخذ الاب توب واجي
راحوا للغرفه اللي يجتمعون فيها
سمر : بنات وحده تفهميني المعادلات ... وربي تعبت ولاني فاهمه شي
سحر : اعطيني كتابك اشوف... يمكن اعرفها وافهمك ..
شوق : بنات بروح اخذ شور انتبهوا للعشاء تراه على النار لاينحرق
ريم : اوكي انا انتبه له
رغد : انتم لسى ماخلصتم اختبارات
هنادي : ماتعرفين الدوافير هذول ... باختبار وبدون اختبار ماسكين الكتاب
سحر : قل اعوذ برب الفلق ... ياحبيبتي حـــــنـــــا علمي .. مو زيك ادبي
ريم : ايه متعوده على الدلع كل خمس حصص درس ... مو حنا كيمياء فيزياء احياء رياضيات ..و....و.....
هنادي : احد ضربكم على يدكم وقال ادخلوا علمي
شهد : له مستقبل مو زي الادبي بتجلسين بالبيت
هنادي : ههههههههههههههه ... شهد تتكلم عن المستقبل
شهد : ايه ليكون مو لايق علي
هنادي : ابد مو لايق ...
شهد : لاتحطميني ... خليني احس ان عندي رائي والناس توافقيني فيه
سحر : طيب ليش مو دايم تقولين رايك وحنا نسمعه
شهد تشغل نفسها بالاب توب : بصراحه ... انا عارفه ان محد يتقبل كلامي بهذا البيت
واخر وحده تفكرون فيها .. طبعا انا .. فليش اتعب عمري واتكلم دام كلامي ماله فايده
رغد : مين قال ان هالكلام صحيح ؟؟ غلطانه .. انتي تدرين ويش قد يهمنا رايك !!
شهد : لاتكذبين علي ولا اكذب عليك ... الحقيقه هي اللي قلتها .. وقفت وراحت للغرفه
سمر : اول مره احزن على شهد ... احس في كلام بقلبها تبي تقوله
ريم : واضح ... ماتوقعت انها كذا ...يعني في امل يكون عندها احساس
هنادي عصبت : انتي ويش احساس .. تراها بشر مثلا .. بس تعرفين طبعا ما تبين اللي فيها
رغد : هدوء ... خلاص حصل خير ..." مسكت عكازها" ... بروح اشوفها
:::
:::
:::
ابو مها : الـــــووو .... هــــــلا وعلــيــــكـــم السلام ..ايه انا محمد القايد .... حيــآآك الله
البيت بيتكم ... انا بانتظارك ... الله يسلمك ... مع السلامه
شوق : عمي انت وصلت
ابو مها : ايه يابنتي ... حطي العشاء
شوق : امرك ياعمي ... عمي مين بيجينا
ابو مها : ايه ذكرتيني ... بكره المغرب بيجوني رجال .. زبطي يابنتي القهوة وكل شي
شوق : من عيوني ياعمي ... ان شاء الله بسوي لك كل شي
ابو مها : وين البنات .. ماعاد اشوفهن .. كبروا البنات وصارت كل وحده مشغوله بنفسها
شوق : معاك حق ياعمي ... كبروا بعد ماكانوا صغار .. كل صغير لازم يكبر
ابو مها : اجلسي ياشوق ابي اكلمك ... مد لها 500 ريال
شوق : ليش ياعمي هالفلوس
ابو مها : خذيها وانا ابوك ... انا سمعت كل شي قالته شهد ... ما ابيها تحس اني مقصر عليها
شوق : ويش الكلام اللي تقوله عمي .. انت ما عمرك قصرت علينا ... "وبخجل ".. وكلام شهد ... كانت معصبه يوم قالته وانت تعرفها ماتحب تطلب الا نلبيه لها
ابو مها : لا يابنتي ... كل شي تبونه انتي وخواتك ما بيه يكون بخاطركم ... انتم امانه الغالي
وبحطكم بعيوني .. وربي يقدرني واسوي لكم كل اللي تبون
شوق تبوس يده : الله يخليك لنا ياعمي ولا يحرمنا منك .. ومن طيبة قلبك
:::
:::
:::
شهد: ههههههههههههههه ياعمري انا .. فديتك
...: يالبى ضحكتك بس... تدوخني
شهد : بس ضحكتي تدوخك ...
...: كلك على بعضك تدوخيني ... جننتيني ياشهد .. ويش اقول بس لي الله حبك يعذبني
شهد : انت ماتدري ويش سويت فيني ...خليت الدنيا بعيني حلوه .. واحلى شي اني حبيتك
...: يعني انتي تحبيني
شهد : افا عليك يا فيصل ... وتشك بحبي لك كم شهر مع بعض وما تدري اني احبك
فيصل : حسيتك تلمحين بس ماتوقعت انه بجد تحبيني
شهد : والله احبــــــــــــــكـ......
فتحت عليها الباب بقوووه
رغد : شـــــــــــهـــــــــــــد .. مين تكلمين
شهد ارتبكت : ما اكلم احد وقبل تقفل الجوال .... سحبت رغد منها الجوال
رغد : الووووووووو .... الــــــــــــــــــــــــــووووو ...ياكلب رد .. لكن مارد عليها
رغد رمت الجوال وقفلت باب الغرفه
رغد : انتي يا شهد ... انتي تسوين كذا .. ما توقعتها تجي منك ابدا
شهد وقفت : انتي ... مافهمتي شي ... خليني افهمك
رغد : تفهميني ... ويش تفهميني هـــاه ... تفهميني انك نزلتي للقذاره .. نزلتي للوحل
شهد : رغد ... خليني اشرح لك
رغد : لاتشرحين لي ولا اشرحلك ... انا ماهي اول مره اسمعك ...لكن قلت يمكن ضنيت فيك ضن السوء لكن ما توقعت انك كذا ... حسافه طحتي من عيني
شهد تمسك يد رغد : رورو ... بليزز خلينا نتكلم
رغد تسحب يدها بقوه : نتكلم ... انتي ماخليتي مكان للكلام ... كل شي فيك غلط ..
شهد : ليش طيب عصبتي ... كل شي بالتفاهم يصير
رغد : طيب بس تقولين لي كل شي ... وياويلك يا شهد لو تكذبين علي .. قسم باللع اقول لابوي
شهد : لا والله اقولك كل شي
رغد : اوكي ... هيا قولي وانا اسمعك
دق جوال هنادي .. كانت على فراشها .. لا شافت الرقم ارتبكت ...
هنادي (( ويش هالورطه ... ويش اسوي كيف اكلمه هنا .. مالي الا اقفله اريح راسي
وافتك من اسئلت ريم وسحر اللي ما تنتهي .. ومن نظرات سمر اللي تخوف ))
قفلت الجوال .. ورجعت انسدحت ...
ريم : مين يا هنو؟؟!!
هنادي : تهاني بس اعطيتها مشغول .. نعسانه مره وهي تطول اذا كلمتني
سحر : حطي سايلنت ... لاني ابي انام مابي شي يعكر علي
هنادي : طيب الحين احطه
سمر : بلا قرقره ... اسكتوا الساعه 12 ابي انام عشان اصحى الصباح بدري
ريم : بس بكره الجمعه
سحر : ليش مافيك نوم انتي
ريم : لا والله مافيني نوم بس بحاول يمكن انام
سحر : طيب اذا ماجاك نوم .. بشويش امشي لا تزعجينا
ريم : ماني بزاعجتك .. بس نامي
ناموا الكل .. وما بقى الا شوق صاحيه ... بعد ماصلت صلاة الليل وقراءة قران .. راحت للصاله... وتفقدت المطبخ كالعاده لايكون في مفتوح .. ومرت على البنات وشافتهم كلهم نايمين
راحت لغرفتها ونست تقفل باب غرفتها ... وقالت اذكار النوم .. ونامت ..
فهد : يا ليزا ... تعالي خذي فنجان القهوه
ليزا : تيب ... ما يبغى شي ثاني
فهد : لا روحي نامي ... وقفلي باب المكتب وراك
ليزا : حاضر ..
رجع على ورى ومسك راسه .. الصداع بيفجر راسه ومشاكل شغله كلها فوق راسه رفع شعره عن وجهه ... ووقف وراح لغرفته اخذ له شور ولبس شورت وجلس على سريره
شاف البوم الصور على الطاوله .. اتجه له ...واخذ يقلب فيه .. صوره وهو صغير وباليخت
.. صوره وهو مع جده .. صور بالخارج .. صور مع امه .. وصورته وهو يوشم على عضلة
يده .. وبجنبه ريان ووليد وخالد .. وكلهم نفس الوشم بنفس المكان اعلى اليد وقريب من الكتف ... كانت فكرة وليد عشان يميزون قروبهم عن باقي القروبات ...كان بعمر 23 لما وشم
على يده ... استرجع الذكرى .. واسترجع الالم معها ... الم الوشم لكنه تحمله وهو يستمتع
بمنظر الدم اللي بيده ويستمتع بالالم اللي يحس فيه اكثر ...وقف قبال المرايا .. وطالع بشكله
جماله كل يوم يزداد .. وشغله كل يوم يتوسع اكثر من اللي قبله .. كل شي بحياته ناجح .. الا شي واحد .. مو قادر يتخطاه .. يحسه اكبر عتبات حياته ..
فهد (( ماهو من طبعي اليأس والفشل ... ماهو فهد الجابر اللي يستسلم .. انا كل شي يوقف
بطريقي..اسحقه .. وانهيه من الوجود ... ))
اتجه لسريره .. ونام ...بسلام
صحــــى كل البيت على صراخها ... وبكاها اللي كان بشكل هستيري ومزري للغايه
ابو مها : شووق ... شوق ويش فيك ..
رغد : يبه قوم نوديها المستشفى .... كانت تستفرغ .. والسرير كله دم
شهد : الدم هذا من ويش .... شووق ردي علينا ...
كانت تحارب الموت ... ما بينها وبين الموت الا خطوه .. تمسكت بالحياه لاخر نفس
شوق والتعب كاسيها : ابـــــــــــــــي ... ابــ.. مــ...ـــويــــــ.....ـــه
راحت سحر جري تجيب لها مويه .. وعمها مايدري ايش يسوي لها
رغد : نوديك للمستشفى
شوق : لا ... ابي انام ... تعبانه .. وقامت تبكي وصوت بكاها يقطع القلب ...
شهد : قومي خذي شور ... واحنا نغير السرير ..
سندتها ريم وسحر بعد ماشربوها مويه لانها كانت ترجف بقوه وما تقدر تمسك شي .. ووصلوها للحمام << وانتم بكرامه ...
ريم : لاتقفلين الباب ...
شوق : تيب .. سحر .. وصليني للبانيو
سحر ودموعها على خدها : هيا يالله ...
مسكت يدها ووصلتها للبانيو .. وساعدتها بنزع ملابسها ... واستنتها الى ماخلصت عشان توصلها لسريرها .... بعد ما وصلت للسرير .. كانت ترجف كأنها بردانه
سمر : شوق .... انتي بردانه
شوق كانت تهذي وتتكلم كلام مو مفهوم لان حرارتها ارتفعت ... راح عمها جاب لها دكتور
د: يابو مها لازم ننقلها المستشفى حرارتها مرتفعه مررره
ابو مها : طيب والحل يادكتور
د: انا اعطيتها مهدي ...لان نفسيتها مرره تعبانه
ابو مها : وتحتاج تروح المستشفى
د: ايوه لازم .. على الاقل 6 ساعات نراقب حالتها ...
ابو مها : اجل توكلنا على الله الحين ناخذها للمستشفى
بعدها بنص ساعه اخذها عمها وسحر لاقرب مستشفى ...
يــــــوم الـــجــــمــــــعــــه
بعد صلاة الجمعه ... الكل مجتمعين على طاولة الغداء
ابو رياض : انا رايح لجده
ام رياض : وليش يابو رياض ؟؟
ابو رياض: بحاول اقنع فهد ... يجي ويسكنا معنا
رياض : بس هو رافض الفكره من اساسها يبه
ابو رياض : مو بكيفه ... انا قلت يجي يعني يجي .. مو انا اللي كلمتي تنزل الارض
ندى : طيب يبه انت ليش .. طلقة ام فهد الله يرحمها
ابوها طلعت عيونه قدام وخافت منه ... تكهرب الجو ...
فزاع : ندى تعالي ابيك بموضوع
ندى تركت كل شي وراحت لغرفتها
ام رياض : هدي اعصابك يابو رياض تعرف ندى جاهله .. وماتدري عن شي
ابو رياض : خير خير .. ماحصل الا كل خير
رياض : يبه خلني انا اروح لفهد بالاول امهد له الموضوع واحاول اقنعه .. ومايصير زي المره اللي قبل .. تتهاوشون ويترك البيت
ابو رياض : اجل روح .. وحاول تقنعه باي وسيله ..
رياض : ابشر على خشمي ..
بـــــغـــــرفـــــــة نـــــــدى
ندى شوي وتبكي : والله ماكان قصدي ياهزاع .. احلف لك
هزاع : والله عارف ياندو ... بس انتي تعرفين ان امي وابوي مقفلين هالموضوع من زمان
ومحد يعرف السبب الا هم الاثنين .. انتبهي المرة الجايه تجيبين السيره ذي .. ترى المره هذي سلمتي .. والمره الجايه ماتدرين ويش بتكون ردة فعل ابوي
ندى : ودي .. ودي اعرف ويش السر اللي مايبون احد يعرفه ... سالت امي وهاوشتني
وابوي تغير وجهه .. في سالفه كبيررره
هزاع : انتي ماتتركين اللقافه .. قلنا لك شيلي الموضوع من راسك
ندى : ياربي ليش كلكم علي ... خلاص طيب بشيله
هزاع : والله اني عارفك زين ... ماترتاحين الا وتعرفين السالفه .. بس لاعرفتيها قوليها لي
ندى : خليني اعرفها .. وما لك الا اللي تجي وتقولك
هزاع : هذي ندوو اللي اعرفها ... خخخخخخخخخخخخخخ يالله بروح اخذ لي قيلوله
كانت نايمه على السرير الابيض .. والمغذي بيدها .. تحاول تفتح عيونها .. وتحس بثقل فظيع
حاولت مرات ومرات وبالاخير نجحت ... لكن كل شي كانه سراب .. ماتدرك اللي حولها
سحر تمسك يد اختها : شووقه ... صحيتي
شوق بتعب واضح : انا وين ؟؟
سحر : بالمستشفى حبيبتي ..لا تتكلمين ارتاحي
شوق : آآآآآه ... راســي يــألــــمــنــي مـــررره ..
سحر : سلامتك .. تبيني انادي النيرس
شوق : لا بس ابي اطلع من هنا .. ما احب المستشفيات
سحر : الدكتور قال لازم تجلسين تحت المراقبه لو 6 ساعات
شوق : من متى وانا هنا
سحر : من الساعه 5 الفجر
شوق استغربت : من 5 ... الحين كم الساعه ؟؟
سحر : 3 الظهر ... طولتي وانتي نايمه
شوق : ماحسيت فيكم ... ولا حسيت يوم جبتوني هنا
سحر : ايوه حبيبتي .. الدكتور اعطاك مهدئ ونمتي
شوق : قولي لعمي خلاص ابي ارجع البيت .. ريحة المستشفى تمرضني
سحر : الحين اورح له واشوف ...
بعد ماطلعت شافت عمها طالع من غرفة الدكتور .. وكلمته
عمها : بروح اشوف الدكتور ... اذا وافق يطلعها نطلعها
سحر : حاول معاه ياعمي هي ما تطيق المستشفيات
عمها : روحي لها وانا بروح للدكتور
سحر : طيب بروح لها ...
:::
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك