رواية ياخاطفي وين القي عزتي في زمان المذلة -6
رغد : تدرين شهد بقولك شي بس لاتقولين لاحد
شهد : ويش هو ...؟؟
رغد : مو مره طلبنا طلبيه من مطعم .. يوم جات مهاوي اخر مره
شهد : ايـــه اذكـــر .. بس ليش ؟؟
رغد : المهم اللي وصل الطلب واحد سعودي
شهد : طيب ويش الجديد بالموضوع
رغد : الجديد ياطويله العمر ... انه هوعبدالله اللي ساعدني يوم طحت
شهد : طيب ويش دخل ذا بذا
رغد : ماله دخل ... بس انا ... خلاص قولك انسي السالفه
شهد : لالا ماني بناسيه .. كملي
رغد : طيب لاتضحكين .. وقدري مشاعري الجياشه
شهد طلعته بنظره غريبه : لاتقولين حبيتيه ؟؟!!!
رغد تحط يده على فمها وتضحك : خخخخخ ... تعجبيني بذكائك
شهد : الحمدلله والشكر ... جرى لعقلك شي .. الظاهر انه ملحوووس
رغد تتخصر : وليش ملحوووس ... ؟؟
شهد : تحبين لك واحد فقير .. ويوصل طلبات بمطعم ... اشهد بالله انك مانتي بعقلك
رغد : والله مدري عنك انتي وافكارك الغريبه ... انا ماقلت احبه يعني احبه .. بس شخصيته جذابه وشهم ورجال ماعليه كلام ... وكمان ملامحها تجنن .. يعني الغنى مو كل شي
شهد : ياماما لما تحبين ... حبي واحد يناسبك وتناسبيه .. مو واحد مادري من وين طالع لك
رغد : والله ياقلبي انا حبيته لذاته مو لفلوسه
شهد: الله واكبر ... حبيتيه يعني طاح الفاس بالراس ... وين كلامك اول .. وين احلامك ... وفارس احلامك اللي تبينه يجيك على لكززسه الابيض ... كل شي تغير ..
رغد : تفكيري الراسمالي ... تركته عرفت ان الواحد مايدور الا على جوهر الانسان مو على مادته ... ومركزه
شهد انقهرت : احسن انتي اللي خسرانه بالاخير ... خليه يجيك على سيارته حقت توصيل الطلبات .. وياخذك على عشته
رغد : صدق انك غريبه ... نشوف بكره مين المقرود اللي بيتزوجك .. انا بطلع اروح الموعد
شهد : طيب .. طيب بروح معك ..
:::
:::
:::
يوسف : يالله بنمشي اكيد رجعت تعبانه وبتنام
عبدالله: لا تتحرك عندي احساس يقول انها بتطلع
يوسف: ذبحتنا الاحاسيس .. بتسنى خمس دقائق فقط لاغير
عبدالله" ويش الحنه هذي قلت لك اصبر
يوسف: نصبر امرنا لله
عبدالله طلعت عيونها : شوف شوف .. قلت لك بتطلع
يوسف : بس معها اللي دايم نشوفها
عبدالله: يمكن توائمها
يوسف يقزها : وه وه وه شف جسمها كيف ..... يؤؤؤؤؤؤؤ تحطيم
عبدالله : ياعينك ذي اللي يبي لها طز
يوسف : بنسكت ... عشان نلحقهم كالعاده ... لو اني ماجرك واستفدت
عبدالله : تراني خويك ... لاتنسى
يوسف : بلاك ماتدري ويش مصبرني عليك
عبدالله : ويش قل ؟؟
يوسف : اني احبك .. ياخي احبـــــــــــــــــك
عبدالله : لايطق لك عرق بس
يوسف : مشوا خلنا نمشي وراهم ... واخذوا طريقهم
:::
:::
:::
...: بشر ويش اخر الاخبار
...: كل شي مثل ماتامر ياطويل العمر
...: يعني جبت لي كل شي ... طلبته
...: ايه .. وكله كاتبه بالملف هذا
...: مشكور ... الحين شوف شغلك
...: مع السلامه ....
(( الحين كل شي قدامي ... ماناقص الا اكلم الوالد ... واقول له كل شي وهو يتصرف
يعني ما اشيل هم ...ابـــــداً))
:::
:::
:::
شهد : هيه انت ماتشوف طريقك اعمى
الولد : قلنا اسفين والصدمه بدفع لك قيمه تصليحها
رغد : لالا مانبي لا تصليح ولا شي
شهد : بس ثانيه مره لاتسرع كنا بنموت وانت السبب
الولد : المشكله انك قمر ... وحنا مانزعل من قمر ....
فتحت باب السياره ونزلت ... وهي معصبه من وقاحته وقاحة اللي معه
شهد : ياتحترم نفسك وتنقلع يابتشوف اللي مايسرك ... وراح اوقفك عندك حدك
الولد بكل جراءه وثقه مسك يده ومتطمن لانهم بنات ومع سواقهم
الولد : ويش رايك تاخذين الرقم
شهد تدفه : هـــيـــه من تحسب نفسك ... وبعدين معاك انت ياوقح
اللي معاه : وي وي ... ياقلبي على المعصب فديته انا
رغد : خلاص ادخلي خلينا نمشي
الولد: والله ماتمشون الا والرقم معك .... حلفت انا
شهد : اقول اتكلم عربي والا انجليزي انا ... ماتفهم يابن الناس
اللي معاه : طيب هدي اعصابك ... حنا غلطانين والغلط راكبنا من ساسنا الى راسنا
ونبي نصلح غلطنا
رغد : مشطورين بس اتركونا قلنا لكم مانبي شي
فجأءه جاء يوسف ومعه عبدالله
يوسف : خير انت وياه .. ويش تبون
الولد: ومين حضرت جنابك .. ويش لك دخل
عبدالله : مالك خص مين احنا .. وجه كلامه لشهد .. روحي سيارتك .. وتيسري
شهد : ومين انت ... احد طلب فزعتك ؟؟!!
رغد : شهد ... خلاص اركبي
عبدالله كان وده يصفقها كف يعلمها كيف تحترم الناس .. لكنه فضل السكوت
شهد : اوكي ... بركب ... وبخلي هالناس الهمج .. تتصرف مع بعضها
يوسف : ياخت انتي ماتحسين انك طولتيها وهي قصيره ...
شهد : لا تعال اضربني احسن
يوسف : والله يبي لك احد يعلمك كيف تتكلمين
شهد : تراك تجاوزت حدودك ... انتبه
عبدالله: يوسف هد اعصابك .. وانتم خلاص تيسروا
يوسف : ماتشوفها ياعبدالله ماتعرف الاحترام
شهد : انا اعرفه قبل لاتعرفه انت ...
يوسف : اقول امش خلها تحل مشاكلها بنفسها ... الشرهه على اللي بيساعدها
عبدالله يطالع برغد اللي متخذه موقف الحياد .. ونفسه يكلمها لكن شهد رمت عليهم كلام قوي شوي
عبدالله : يالله ..نمشي
تركوهم مع العيال ومشوا ...
الولد : يؤؤؤ شكلك شرانيه
شهد : يالله مابقى الا المبزره يجون يتكلمون .. ركبت السياره وخلت جلالي يمشي
رغد : ويش اللي سويته .. هذا جزاهم انهم بيساعدونا
شهد : محد طلبهم ليش الملقفه
رغد : بس هذاك عبدالله ...
شهد : اللي كلمتيني عنه بالبيت
رغد بزعل : ايـــه هو ...فشلتيني عنده
شهد مستغربه : كيف شافنا ونزل
رغد : مدري
شهد تفكر : لايكون يراقبك ... ساعدك عند الصيدليه .. والحين يفزع لنا ... مستحيل تكون صدف
رغد وليش اساءت الظن ... يمكن صدف
شهد : ما اظن ...
رغد : انتي دايم كذا ... مستعجله بكل شي ...
:::
:::
:::
ويش بيكون موقف عبدالله ويوسف ؟؟
شوق ... بتكشف لنا سرها الغامض ... او بتحتفظ فيه ؟؟
سحر ويش قالت لريم ...؟؟
فهد ... ليش الغموض لازال يدور حوله ؟؟
ليان ودانا ... معقوله يكرهون ندى ... او ايش السبب اللي خلى ليان تطنشها ؟؟
ندى ... في شي جديد بيطري عليها ... لكن ايش هو ؟؟
هنادي ... وعبير .. ويش اتفقوا عليه ... ؟
الـــــبـــــآرت الــــســــآدس
؛؛؛
؛؛
؛
أنآ في دآخلي بنيه ~
[ قويه مآهي بشويه ]
بريئه , طيبه وحبيّبه ~
بس مآني على النيــه ~
صغيرهـ يمكن بعمري ~ لكني بعقلي ياكبري
وآسآوي منهم ميه ~
قويه مآني بشويه ..
:::
:::
:::
بـــــالـــــمـــديـــنـــــه
هديل : الوووووو
سحر: هلا والله بهدوله ...
هديل : هلا فيك ... شخبارك ..وكيف البنات
سحر: الحمدلله تمام ... انتي كيفك وكيف عمتي ان شاء الله تمام
هديل: كلنا ميه الميه .... عندكم مشوار اليوم
سحر: لا ليه ....؟؟؟
هديل: عشان بجي انام عندكم ..
سحر بفرحه : بذمتك ... بتجين وتنامين
هديل والله .. بس اسمعي سووا لي حلى تراني ميته ابي حلى
سحر: مايصير خاطرك الا طيب .. نسوي لك حلى .. بس ويش تبين أي واحد
هديل : اممممممممم ... ايه قولي لريم تسوي حلى التويكس ... آآآآآآه مشتهيته
سحر: ههههههههههه .. طيب رغم انك بتطفرينا بس يالله نسوي لك
هديل : يــالله بس بروح اتجهز باي
سحر: باياااااااااات .... طلعت للصاله على طول
سحر : حزروا مين بتجي تنام عندنا
سمر وهنادي : اكيد هديل
سحر تضحك : يـــــــــــس يــــــــــس ... ريم تقولك سوي حلى التويكس
ريم : تدرين عاد مخططه اسويه من الصباح ... الحين بروح اسويه ... وياويل
اللي تتلقف وتاخذ لها قطعه ... اقطعها اربا اربا
البنات : هههههههههههههههههههههههههههههههههههههههههه
هنادي : انتي سويه اللحين وبعدين يصير خير
:::
:::
:::
وليد : هابشروا ... ويش رايكم بالمحل ؟؟
فهد : والله حلووو .,... كبير وموقعه زين .. وبالراشد .. يعني مواصفات مغريه بصراحه
ريان : انا مع فهد ... لكن اهم شي الديكور الحين
رامي: اجل دام اننا جالسين يومين ..خلونا نروح محلات الديكوريشن .. نزبط امورنا
الكل : اوكــــــــــــــي
:::
:::
:::
يوسف : عبدالله .. شيل البنت ذي من راسك .. مافي امل تجتمع معها
عبدالله: وليه التحطيم ... ان شاء الله نجتمع ..
يوسف : ماضنتي .. دام ذيك المتوحشه معاها ... احلم انك حتى تشوفها من بعيد لبعيد
عبدالله: وانا ويش لي بالمتوحشه ... علي من رغودتي ام العيون الساحره
يوسف : شوف ياعبود ... من اليوم احلم اني اروح معك لمكان يخص هالبنت
مابي صراحه اكل لي اهانه من بنات .. كرامتي اهم من كل شي
عبدالله: ياشيخ لا تصير حساس مررره... بعدين ترى البنت كانت معصبه
يوسف عصب : معصبه بالطقاق بس مو تحط حرتها فيني ... يمين بالله كان ودي اكفخها
عبدالله: ههههههههههههه ... علامك حاقد عليها كذا
يوسف : مغروره ومتكبره الله يعين اهلها عليها
عبدالله : خلاص حقك علي انا السبب ... والسموحه يالحبيب
يوسف : عشانك بس بنسى ..لمعزتك عندي
عبدالله: تسلم يايوسف ...
:::
:::
:::
شوق : بنات دقوا على خلود تجي ... اليوم الاربعاء ... تتونس معانا
سمر : الحين بروح ادق عليها ... وركض على التلفون ...تكلم خلود
رغد تجلس وتبعد العكاز عنها : طفشت من التجبيره ... بروح بكره للدكتور ينزلها
هنادي : بس ماصار لك اسبوعين ...كيف تتجبر رجلك بعدين
رغد بتملل: اوووف ... وربي زهقت والعكاز مأساه ثانيه
شوق : احتسبي الاجر ... يمكن هذا تكفير لذنوبك
رغد : يمكن ... الله يسمع منك
جات شهد .. وجلست وهي كارهه عمرها
سحر: سلامات .. ويش فيك قالبه خلقتك
شهد: سحر اتقي شري تراني واصله حدي... طنشتها سحر وراحت تساعد ريم بالمطبخ
شوق : ليش ويش فيك ؟؟
شهد : مافيني شي
رغد : لالا اكيد شي مضايقك اعرفك زين
شهد : فاتن لها يومين ماترد على جوالها
رغد : مو قالت بتروح جده ...
شهد : لا ماقالت لي ... بس غريبه ماترد علي
شوق : يمكن عندها ظروف ...
شهد : يمكن ....((تغير الموضوع )).... مين بيجينا؟؟؟!!!
هنادي : هديل وخلود ...
شهد : ياليل البزارين ... اكيد البيت كله بتصير فيه رجه
سمر : ماتبين رجه روحي نامي ... تفكينا من شرك انتي وهديل
شهد : يؤؤؤ نسيت ان هديل بتجي ... بس بقعد لها
رغد : شهد تكفين مانبي مهاوشات ... ليش كل مانجتمع لازم نتهاوش .. وربي ماصارت
شوق : هديل ما تخطي على احد ...
شهد : قصدك اني انا اللي ابداء المشاكل صــــــــح
شوق : ايه صح .. ولاتزعلين من الحق
شهد : طيب اكرمينا بسكوتك ... يكون احسن
وقفت شوق .. واعطتها نظره .. لكن ماهزت شهد نهائيا ....وراحت للغرفه
:::
:::
:::
...: يبه .. قولي ويش رايك
...: رائي .. انك تخير عن هالبنت ... حنا مانعرفهم ولا ندري عنهم شي
...: يبه تكفى .. اذا ما تزوجتها ماراح اتزوج غيرها
...: اذكر الله ياولدي ... ويش هالكلام اللي ماله داعي ..
...: يبه انت تدري ... لي اكثر من شهر وانا اكلمك بالموضوع .. بس الظاهر كل كلامي راح ادراج الرياح
...: طيب طيب خلني افكر ... واشوف
...: يبه ابي الجواب الاكيد ... مابي تماطل فيني
...: قلت يصير خير ...
...: ان شاء الله خير
:::
:::
:::
فهد : هههههههههههههههههههههههههههههههههههه الله يرجك
وليد : شفت كيف امي فري
فهد : مررررررررررره فري بتزوجك الشغاله ههههههههههههه
وليد : وربي من عقلها تقول اتزوجها
فهد: طيب انت خل خواتك يدورن امك ماراح تلاقي عروس مناسبه لانها كبيره بسنها وماتشوف على حد كلامك
ريان : واي مساعده اكلم لك الوالده تساعدكم
وليد : بكلم خواتي واشوف ... الا تعالوا ايش رايكم نروح الحرم نصلي العشاء
الكل : اوكي
:::
:::
:::
هديل : واخباركم ... وحشتوووووووووووووووني
البنات : الحمدلله
خلود : شوق وين الحلى اللي وعدتيني فيه
ريم : انا اليوم مسويه حلى ... شوق ماخذه اجازة خخخخخخخخ
خلود: اهم شي موجود .. فزي حطي
ريم : اوكي .. بس قومي ساعديني
هنادي : لالا انا اليوم بساعدك
شوق : حركاااااااااااات ...تطورات هنوده تدخل المطبخ
هنادي: بجرب حظي فيه
هديل : انتبهي بس لاتحرقينا
هنادي : على بالك رفله مثلك .... وراحت للمطبخ
ريم: طلعي صحون الحلى والملاعق الصغيره
هنادي: طيب عادي ملاعق الرز اكبر .. احسن من الشوكات
ريم : لاياشيخه اقول روحي استريحي ازين لك ولي
هنادي : طيب بطلع اللي تقولين
سحر: هاتي لي بودرة الشوكولاته .. بزين فيها الحلى
هنادي : طيب
ريم : اعطيني السكين ..
هنادي : امرك
سحر: حطي الصينيه على الطاوله عشان ارتب الحلى فيها
هنادي : حاضر
ريم : وين الحلى هيا تعالي حطيه سحوره
سحر: طيب هنادي بـــاللــــ.....
هنادي تحط يدها على راسها : بس بس .. جننتوني طلبات طلبات بروح الصاله
سحر وريم : ههههههههههههههههههههههههههههههه
بالصاله
شوق : ليه رجعتي ويدك فاضيه
هنادي : ماعاد بدخل المطبخ .. هاتي...جيبي.... اعطيني خلاص صدع راسي من دقيقتين
البنات : هههههههههههههههههههههههههههههههههه
رغد : احد قالك روحي انتي اللي مسويه بتدخلين المطبخ..
هنادي : توبه ماعاد اعودها
سحر : ياحي اله من جانا نورتوا بيتنا
خلود : منور باصحابه ياقلبي
هديل : ماحنا اغراب .. بس وين الحلى تراني جوعانه
ريم : جيت وهو معي ... يالله سمر صبي القهوة عشان تعدل الكيف
هديل : يالله يالله بســــــــــررررررررعـــــــــــــــــــــه
نتكلم عن هديل
(( بنت طيوبه مرره .. بس بنفس الوقت شرانيه .. ماتحب احد يفرض سيطرته عليها ومتمرده... سمينه شوي .. وملامحها ناعمه وعاديه ... لكن رجتها وشقاوتها هي اللي تحبب الناس فيها .. ))
خلود
(( بنت ناعمه مرره .. وحساسه .. وكيوت .. رومنسيه بس واقعيه ... لكن بنفس الوقت حقوده ... وماتاذي الا اللي ياذيها ))
:::
:::
:::
...: هههههههه وااااااو ماتخيلت ان الحفلات المختلطه كذا .... جد اوكي بحاول احضر
... مدري على حسب الظروف .... اوعدك .. بس لازم تكون معاي اخاف ... اوكي من عيوني ... باي
...: هاه .. ويش قالت لك البنت
...: قالت بتحاول .. وان شاء الله تقدر
...: تمـــــــــــــــــــام انت كذا بتخليني اسيطر عليها .. واعلمها وين يوديها غرورها
...: المشكله انك حطتيها براسك
...: قلتها انت حطيتها براسي ... راح اخلي مصيرها مصير اختها
...: اخــــــــــــتـــــــــــــــــــهـــــــــــــــ ـــــــا ؟؟!!!
...: خلاص خلاص ... انا رايحه ... مع السلامه
...: براحتك .. مع السلامه
:::
:::
:::
شهد : هــــــــــــــــــــــآآآآآآآي
هديل : وعليكم السلام
شهد بنظرات ناريه : السلام عليكم ...
الكل : وعليكم السلام
شهد : متى بتتعشون .؟.؟
هنادي : بنروح انا وسمر نجيب عشاء
شهد : من أي مطعم
سحر: انتي بس حددي أي مطعم تبين
شهد : ابي مقبلات نفسي فيها
شوق والبنات يبون بروست ... ومعاه فطاير ... ويش رايك
شهد : قلت ابي مقبلات .... وبروح الركن الشامي مع جلالي ... تبون والا لا
خلود : خلاص يا شوق .. نجيب مقبلات
هنادي : لا نجيك .. بروست ... مو على كيف شهد
شهد : اقول هنادي بليززز شت يور ماوث ...
هنادي : لا ياختي قومي صفقيني ...
شهد تلبس عباتها : انا رايحه ... ومابي اتاخر .. باي
شوق : شهد شــــــــــــــــــهـــــــــــــــــــــد ..... لحقتها عند الباب
شوق : ليش فشلتينا عن هديل وخلود
شهد : مافشلتكم ... تبون اطلبوا لكم
شوق خلاص خلاص بنجيب من مطعم ذا اللي رجيتينا فيه .. وراحت للغرفه
شوق : بنات بلاش بروست .. خلونا نجيب مقبلات
هديل : اللي يريحك ..
هنادي : يعني هذي لازم تنفذ كلامها ... متسلطه ومتجبره هالشهد
شوق : هنادي خلاص اجلسي وماله داعي تروحين ... تعرفين شهد راح تتهاوشون
هنادي تجلس ماني رايحه مع وحده حقيره مثلها
رغد: انا اروح معاها ... افضل ورداء للمشاكل ..
شوق : بس رجلك .. ماتتحملين
رغد : لا ماعليك .. بس يالله اكتبوا طلباتكم
:::
:::
:::
ندى : اخبار كم ...
ليان : الحمدلله
دانا : ويش اخر اخبارك ندووو
ندى : ماشي حالي ...الا ويش رايكم نطلع
دانا وليان : ويـــــــــــــــــــــــن ؟؟
ندى : أي مكان .. المملكه ... الفيصليه ... أي شي
دانا : موافقه
ليان : انا مابي اروح
ندى : وليـــــــــــــــــش ؟؟؟ ويش الطاري
ليان : والا اقولك ... بروح منها ادور لي عدسه .. طفشت من اللي عندي
ندى : هيا طيب ..
بعد مالبسوا واتكشخوا .. راحو الفيصليه .. كان شكلهم ملفت مررره عباتهم مطرزه .. ومخصره .. ولثمه دلع ... يعني ما كانهم متحجبات ابد
دانا : لحظة بدخل هذا المحل
ندى وليان : لــــيـــش ؟؟
دانا : بشتري نظاره شمسيه ... للمدرسه طفشت من الشمس
ليان : بس ترى غاليه وانتي مامعك ميزانيه
دانا بنظره احتقار : ليش قالوا لك رصيد مصفر والا ايش ...
طنشتهم ودخلت المحل .. وهم يستنوها برا
ليان : نفسيه .. من جد الناس نفسيات
ندى : ترى كلامك كان قوي شوي عليها .. انتي عارفه ان عمك مايقصر عليها
ليان : وانتي عارفه انهم ما يعطونها قرش الا بطلعو الروح
ندى : ليان بسئل ... انتي ليش شايفه نفسك على الكل .. حتى علي انا ؟؟
ليان تعدل لثمتها : ماني شايفه نفسي على احد ... بس ياحبي هذي يسمونها ثقه
ندى : امحق ثقه ... امشي شوفيها جات
دانا : يالله
ندى : اشتريتي ... ؟؟
دانا : يـــــــــــــــــــــــــــــس
ندى : وكيف شكلها
دانا : تشوفيها بالســــــكووووول
ندى : اوكي ... تبون شي بارد
دانا وليان يطالعون بعض : لا
ندى تهز اكتافها : اوكي .. بروح اخذ لي مــــــــــــــوكـــــــــــــــا .. وخلتهم لحالهم
ليان : دنـــو زعلتي مني ؟؟
دانا : ويش رايك ... ما قلبتها بعقلك ووزنتيها شوي ؟؟
ليان : آيــــآم ســـــــــــــــوري .. ماكنت اقصد صدقيني
دانا : مصدقتك .... لو مانت اعرف ويش اللي بداخل ان ماصدقتك ..
ليان : اصــــلا انــــتــــ...... وانقطع كلامها
دانا تطالعها : ايش فيك سكتي ؟؟
ليان عيونها متعلقه بشخص : شوفي .. شوفي الولد ... يخقق
دانا : أي واحد ... كلهم عيال ياقلبي
ليان : وه بس ابو سكسوكــــــه
دانا : وي وي وي ... مشاء الله .... عذاب يابنت
ليان : ســـــــــــيــــــــــــــــــو
دانا تضحك : انتبهي بس لا يعطي بوكس
ليان : تشوفين ... ان ماجاء يركض وراي ... تعرفيني
دانا : نشووووف .... ابذلي قصار جهدك خخخخخخخخخخ
ليان تغمز لها .. وراحت بطريقها ...ورجعت ندى
ندى : وين وين ليان
دانا ابتسمت من تحت لثمتها .: راحت تشوف شي وترجع
ندى : اهــــــــــآ طيب خلينا نجلس .. على ماتجي
دانا : يالله ماورانا شي
:::
:::
:::
شهد : بتنزلين معي والا لا
رغد : تخيلي شكلي بعكازي نازله وربي نكته
شهد : بروح اعطيه الطلب وارجع نكمل سوالف
رغد : اوكي
دخلت شهد المطعم ... خافت لان الانظار كلها توجهت لها .. قامت تاكل بنفسها وتمنت انها لو مادخلت من الاساس .. اعطتهم الطلب وجري على السياره
رغد: علامك كأن احد يطاردك
شهد : اعوذ بالله عيون الرجال زي الرصاص ... حشى عمرها ماشافو بنت
رغد : طيب طالعتي شكلك قبل تدخلين
شهد: شكلي مافيه شي
رغد : ايه مررة مستتره.. والقفازات .. والستر كامل
شهد : شوفي نفسك حياتي
رغد : الحمدلله عبايتي لا مطرزة ولا مخصره ونقابي ويش حلاته .. مو لثمه
شهد : اهم شي عاجبني ... ومو لازم يعجب احد
رغد : حنا نصحنا ك لكن انتي .. عنيده .. والعذاب عليك مو علينا
شهد : جزاك الله خير ومشكوره ماقصرتي ... بس اسكتي تكفين
رغد : بنسكت الله يعينا عليك بس ... دق جوالها ... وماردت
رغد: ليش ماتردين
شهد : رقم غريب
رغد : اهـــــــــــــــــــا ... طيب ماتاخروا شوي
شهد : لالا بدري اصلا زحمه
رغد : طيب حطي الشعر اللي بجوالك مرره يعجبني
شهد : أي واحد ياكثرها الاشعار
رغد : هذا حق الانصراف
شهد : ههههههههههههه ... طيب الحين اشغله
ليه أحبك وأدري إني في بحر غدْرك غريـق ..؟
وليه أتصفّح حياتـك؟ دام عذّبنـي الغـلاف ..؟
إن عشقتك صدقيني كني عاشقْ لـي حريـق !!
الحَطبْ عمري ..{ وناركْ بس تاكلْ ما تخـاف }
قلبي إختـارك وجيتـك / طايـرٍ حـرٌ طليـق
ما ملا غيرك عيونه .. وياما , في دنياه شاف
إحتمَل قلبي وجودك وإحترى يصبح عشيـق
ما لقا فيك المزايا وإسمحي لـه " الإنصـراف "
رغد: واااااااااااااو .. يجنن
شهد : اقول شوفي واحد جايب الطلب افتحي الباب خذي منه ... فتحت رغد الباب
وانت منصدمه ..
رغد بشهقه : عـــــــــبــــــــــــدالـــــــــــــلــــــــــ ــــه ؟؟؟!!!
عبدالله مارد عليها واعطاها الطلب ... واخر كيس مد يده لها وعيونه متعلقه فيها
كانت مرتبكه مرررره .. وماتدري ويش تسوي ... ومن الربشه مسكت يد عبدالله بالغلط
اما عنده حس ان كهرباء لسعته او زلزال .. زلزل كيانه .. لمستها حتى لو بالغلط حركت فيه اشياء كانت خامده .... رجع بسرعه للمطعم ...وحاس ان الدنيا تدور فيه
اما عند رغد ... فهي لازالت ماهي مصدقه انه يشتغل بالمطعم بالاول كانت عندها اوهام
انه مجرد صدفه اوشي من هالقبيل
شهد : وين وصلتي ؟؟
رغد : معاك ....ويش كنتي تقولين
شهد : ايه بالمرره معي ... من شفتي القروي حقك ... مدري علامك
رغد : شهد ماني بناقصه كلامك السم هذا اسكتي
شهد : والله مدري على ويش عاجبك .. الولد وين وانتي وين ...
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك