رواية ياخاطفي وين القي عزتي في زمان المذلة -64
رغد ضحكت كآنت ردة فعل عكسيه وغير متوقعه منهآ .. عقدت شهد حوآجبه مستغربه منهآ
شهد : حشى أنجنيتي
رغد من بين ضحكآتكهآ نزلت دمعه على خدهآ بهدوء ورقه : مــعــذوره "شهقت وخبت وجههآ " لـــو أنــ..ــجـنـ...ـيــت
شهد بردت ملامحهآ وعضت شفايفهآ قآمت وجلست جنبهآ وحضنتهآ :لاتتعبين عمرك ..مآمليتي من التعب والحزن
رغد بعدت يديهآ عن وجههآ ودموعهآ منتشره على خدودهآ: تعبت والله العظيم تعبت ... ليش الفرح مآيجينآ حيآتي كومــة أحزآن ومصايب
شهد تحآول تخفف عنهآ : هذآ قدرك لازم تتعايشين مع الوضع
رغد بنبره طويله : مـــــآآقـــــدرت
شهد : كذآ ماتقدرين تكملين حيآتك الأمل حلو خلي عندك أمل كبير
رغد مسكت يد شهد بترجي : قوليلي ويش سويت أنآ عشآن يصير فيني كذآ ... ليه عشنآ بدون أمهآت وقلتنآ الحب ...أنآ تهت بالعتمه ياشهد مآلقيت بدنيتي غير الغرابــه والجروح
شهد ضمتهآ لصدرهآ مآقدرت تتكلم أكثر كلام رغد يذكرهآ بأشياء تتمنى تنسآهآ ... كلهم كسيرين مآ جبرتهم السنين والأيآم بمرورهآ
بغرفه ثآنيه
كآنت عيونهآ على التلفزيون وذهنهآ شآرد لأبعد مدى .. بيدهآ ورقه قطعهآ وخلتهآ شرآئح صغيره جدآ
سمر : ريومه ليش مسويه بالورقه كذآ
ريم طنشتهآ وماردت عليهآ .. دخل أبو مهآ وسلم عليهم .. جلس معهم بالغرفه
هنآدي : كيفك يابو مهآ
ابو مهآ : الحمدلله بخير .. وين شهد ورغد ؟
مهآ: بغرفتهم يبه ..
ابو مهآ : أقول يابوك ترى شوق بيجون خلال هالاسبوع
كلهم : صــــدق
ابو مهآ : ايه كلمتهآ وكلمت فهد .. يقولون بيجون بس يتعافي زوجهآ
هنآدي بفرحه : وآآآآآآو ونــآسه
أبو مهآ أنتبه لريم لان الزعل باين عليهآ : ريم علامك مكشره يابنتي
ريم ابتسمت لأبوهآ : طفشانه ... تعشيت يبه وألا أحط لك عشاء
ابو مهآ : ياليت تحطين شي خفيف توي حسيت بالجوع
ريم توقف : يخسي الجوع الحين أسوي الأكله اللي تحبهآ .. طلعت ورآحت للمطبخ
ابو ها بحزن : مسكينه ذي البنت مآتهنت بحيآتهآ
مهآ : هذا أمر الله يابوي .. مآتدري يمكن خيره لهآ
أبو مهآ : وشهد ليه مآتبي ترجع لبيتهآ كل يوم جايتنآ مايصير كذآ
مهآ : ويش نسوي عنيده واللي برآسهآ تسويه ترى بنآتك يبه جننوآ الرجال عقلهم
ابو مهآ يضحك : وانتي بعد ليه ماتروحين بيتك
مهآ : تدري ان بندر عنده أنتدآب لتبوك كلها اسبوع وبرجع لبيتي
سمر : الله يصبرنآ اسبوع والله طويل
سحر : هههههههه تبين الفكه سمور
سمر بتأفف : تبون الصدق أيه أزعجتنآ حتى النوم تحاسبنآ عليه مآصآرت
مهآ تقرصهآ : كل هذا بقلبك علي أهب عليك
أبو مهآ : الله يوفقكم ويبلغني فيكم قبل مآ أموت وأتطمن على كل وحده مع زوجهآ
مهآ من قلبهآ : آمين ولك طولة العمر
ابو مهآ : اقول يابنآت أنتبهوآ لريم انآ ملاحظ انهآ تعبانه كلموهآ
مهآ : وأنت بعد يبه لآزم تكلمهآ هي تسمع كلامك حنآ ماتترك لنا فرصه نكلمهآ
ابو مهآ : يصير خير لي جلسه معهآ هي وشهد
:::
:::
بمكآن مجهول وسط المدينه
...: بشر ويش صآر على أتفاقنآ
...: كل خير بأذن الله ... بس مآ تنسى وعدك لي
...: افا عليك انآ عند كلمتي بس تنفذ شرطي مآ يصير الآ اللي يرضيك
...: زين .. بس عندس سؤال ويش تبي منهآ بالضبط
...: شي خآص انت عليك تنفذ وأنآ علي الباقي
...: بس أنآ أخاف عليهآ ...ويش يضمن لي أنك مآ تأذيهآ
...: لاتفتح أبواب انت موبقدهآ كل اللي ابيه تنفذ هآلشرط وبــس ولا تكثر أسئلتك
...: بكيفك .. انا مآ وافقت الا عشان مصلحتي أولا وأخيرآ
...: أممم طيب ماقلت ويش خطتك ؟!
...: شوف خطتي تنفع وألا مآتنفع
::
اليوم اللي بعــده
بآلرياض
ببيت ابو رياض
كآنوآ على طآولة الغداء يتغدون
ام رياض : يابو رياض مادريت ان فهد بآلمستشفى
ابو رياض رفع راسه وبنظره حاده : ألا دريت
هزآع بخوف : علامه يمه لايكون فيه شي ؟
ام رياض وعيونها على زوجها : تعب شوي روح يمه زور اخوك مايصير تتركونه ماحد يروح له
ابو رياض بحده : وين يروح ؟
ام رياض : يزور اخوه
ابو رياض بتهديد وبنبره مخيفه : لو تروح مآتلوم ألا نفسك سمعت
هزآع تاهت نظرآته بن أمه وأبوه وألتزم الصمت
ام رياض : حرآم عليك ياصالح مايجوز اللي تسويه هذي فيها صلة رحم
ابو رياض : أنآ مآعندي ولد اسمه فهد سمعتي ولاعاد تجيبين لي سيرته فاهمه
ام رياض بحده : كيف تقول ماعندك ولد هذا من صلبك والا نسيت
أبو رياض اعطهآ نظره شرآريه : ماتفهمين يامره .. قلت لك لاتجيبين سيرة
ندى وقفت : الحمدلله
هزآع وقف معهآ : انا طالع توصون شي
ابو رياض : وين بتروح ؟
هزآع : العيال رايحين كوفي ودقوآ علي بروح عندهم
أبو ريآض : الله معك وانتي ياندى ما تغديتي كملي غدآك
ندى : الحمدلله شبعت .. بطلع اخذ لي غفوه .. مشت بسرعه وهي طالعه مع الدرج
( آآآآهـ يبه صدمتني فيك .. كل يوم دآئرة صدمتي تتوسع اكثر بأقرب الناس لي )
أمـــآ بالنسبه لهزآع ركب سيآرته وأتصل على فهد
هزآع : السلآم عليكم
فهد : وعليكم السلآم يآهلآ بهزآع
هزآع : كيفك ؟
فهد : الحمدلله بخير أنت كيفك
هزآع : بخير .. كيف صحتك
فهد : الحمدلله تمآم
هزآع : وينك بالمستشفى ؟!
فهد : لآ طلعت الصبح .. في بيتي الحين
هزآع : اللي بمزرعتك
فهد استغراب سؤاله : ايه اللي بمزرعتي .. ليه تسأل ؟
هزآع : لأني بجيك محتآج شي أجيبه معي ؟
فهد : سلآمتك .. انتظرك
هزآع : زين أنآ بالطريق .. سلام
قفل الجوال منه وطالع شوق بنظرآت مستغربه
شوق : خير فهودي ويش في ؟
فهد : هزآع بيجي
شوق أبتسمت : صدق أجل بنزل المطبخ اسوي حلى سريع على بال مايوصل
فهد : غريبه أول مره هزآع يكلمني ويجيني
شوق توقف : حبيبي أنتم أخوآن ومهما صار تبقى الاخوه أقوى رآبطه
فهد يهز كتوفه : بس أول مره يسويهآ
شوق : يالله قوم خذ شور عشآن تتنشط وأنآ بروح اسوي حلى
فهد : طيب
بعد نص سآعه ونزل ينتظر وصول أخوه .. وهو كآشخ وأبعد شحوب المرض والالم عنه وبدأ يسترجع صحته
شآفته وآقف عند البآب الزجآجي اللي يودي للمزرعه وجآت ورآهآ
شوق : أيش تشوف ؟
فهد وعيونه مركزهآ على الخيل : أشوف الخيول
شوق شبكت يدهآ بيده : حلو منظرهآ
فهد لف عليها : اي والله صدقتي
سمعوآ صوت بوري برى الفيلآ وطلعت شوق الدور الثاني وتركت فهد يستقبل أخوه
فهد : هلا هزآع نورت المزرعه بجيتك
هزآع يسلم عليه : منوره فيك .. الحمدلله وجهك يبشر بالخير
فهد : تفضل أرتآح
هزآع جلس يسولف مع فهد ويسأله عن صحته بعدهآ
فهد : أحس عندك شي بتقوله
هزآع : لآ أبد بس جآي اتطمن عليك واشوف أخبآرك بعد اللي صار
فهد : الحمدلله زي ماتشوفني بخير ونآوي بكره اسافر للمدينه
هزآع ابتسم : ايه دآر الحبايب
فهد ضحك : يووه نسيت ان زوجتك هنآك
هزآع يغمز له : ويش رايك اخليك مرسال الحب
فهد أنطلقت ضحكآته : على اخر عمري اصير مرسال لك
هزآع : ترآني أخوك ماني غريب
:::
:::
:::
بآلمدينه
بعد صلآة العشاء
هنآدي : رآيحه يعني رآيح ويش خصك أنتي
مهآ عصبت : هنآديوه استحي على وجهك أنآ أختك وفي مكآن أمك
هنآدي : على عيني وراسي بس بروح تكفين مهآوي وآفقي
مهآ بحده : لا يعني لا
هنآدي عصبت وقامت تصارخ : والله بروح طقت روحي من الجلسه في البيت
رغد جآت من الغرفه : ايش فيك تصارخين ماتعرفين تسكتين
هنآدي : أنآ بروح للنور وهي رآفضه
رغد جات برآسه فكره : طيب أنآ بعد بروح النور خلاص مهآوي بأخذهآ معي
هنآدي : أنآ عازمه عبير على العشاء فيه
رغد بحمآس : اعزميني معكم عشان اخلي مهاوي توافق
هنآدي : بعزمك
رغد : خلاص تم روحي البسي وكلمي عبير ... ربع ساعه ونروح بس اصلي والبس
هنآدي تناقز : أوكيشن
مهآ بهمس : أنتبهي لهآ ترآهآ متهوره
رغد : اوكي بروح اقول لشهد عشان تغير جو معي ومنهآتشتري ملآبس بدل اللي صاروآ ضيقين عليهآ
مهآ : طيب بس مو تتأخرون
رغد : اوك ... مشت لغرفتهآ وقالت لشهد تروح معهآ عشان يتمشون
شهد : اوكي بروح على قولتك ماعندي ملابس بطني صارت كبيره لازم البس شي وآسع
رغد : معك عشر دقآيق عشآن تتجهزين
شهد : اوك دقايق وأكون جآهزه
بآلسياره
هنآدي تهمس لعبير : شلتي الفلآش
عبير : ايه حطيته بالمكآن اللي وريتك امس
هنآدي : ايه مستحيل يخطر على بال احد
عبير : خلاص اسكتي لاتسمعنآ رغد وألا شهد
شهد بشك : ويش فيكم تتهآمسون انتي وهي ورآكم بلوى
عبير تضحك عشان تبعد الشك عنهم : أبد مآ ورآنآ الا كل خير
رغد : أتركيهم مسوين نفسهم مهمآت وعندهم أسرآر والله مآعندهم الا الفشل
هنآدي تفتح باب السياره : اقول ترآنآ وصلنآ يالله انزلوآ
رغد : مو تنسين العشاء عليك
هنآدي : والله فهمت انك جلده ولا رآح تدفعين قرش
شهد نزلت : طيب وين بتروحون الحين ؟
عبير : أنآ وهنآدي بنتمشى وانتي ورغد روحوآ خلصوآ اغراضكم واذا خلصتوى نتقابل في المطعم فوق
رغد : اول مره احسك تفكيرين صح
عبير تدقهآ : والله أني أحسن منك بس امشي
هنآدي قرصت عبير وعيونهآ على الشخص اللي نزل من سيآرته وأبتسم لهآ
عبير : ايش فيك تقرصين ؟
هنآدي : شوفي من هنآ
مشوآ كلهم وعبير تلتفت تدور الشخص الي تقصده هنآدي .. شهقت : مصيــبــه
هنآدي تضغط عليهآ عشان تسكت : شفتي الحظ الردي كيف مآيفارقنآ
عبير بخوف : شفت وبصمت أن حظنآ ردي
هنآدي : لاتلفين له عشان مايحس أننآ خايفات
بعد مآلفوآ في المجمع وتعبوآ كآن هو ورآهم ومآغاب عنهم لحظة وحده
هنآدي بقهر : صدق أنه حمآر وغبي يبي اقلته الحمدلله ان شهد ورغد رآحوآ لوحدهم
عبير : أوووش ترآه قريب منى الله يأخذه
هنآدي أمشي نروح بزآويى نشوف يلحقنآ الغبي ذا أو لا
مشوآ بسرعه ورآحوآ لمكآن شبه معزول ولحقهم .. بعدهآ عصبت هنآدي وماقدرت تتحمل
هنآدي : نعم ياوآطي ويش تبي
مآجد يضحك : أبي موعد يآ هآنم
هنآدي وصل ضغطهآ مليون : أنآ مآشفت أحقر منك
مآجد : وأنآ ماشفت احلى منك
مدت يدهآ بتضربه كف لكنه مسك يدهآ بقوه ونزلهآ : وصلت فيك الجرآءه تمدين يدك عليآ
هنآدي تصر على أسنآنهآ : أترك يدي قبل أجمع عليك خلق الله
مآجد : اذا منتي قد الكف ليه تمدين يدك ؟!.. شفتي أنك ضعيفه
هنآدي تحآول تفلت يدهآ منه : قلت لك بعد عني
مآجد يضحك بخبث : مابي أبعد كيفي
دفته عبير وسحبت يد هنآدي منه : اتركنآ بحالنآ
مآجد حط عينه بعينهآ : أيش دخلك أنتي
كآنت اول مره تشوفه من قريب وتركز في ملامحه توهآ تأكدت بجآذبيته وجمآله ... أنلجمت عن الكلام وهو يتكلم مع هنآدي بنبره تهديد حآده
:::
:::
:::
بعد يومين من هذي الأحدآث
وصلوآ شوق وفهد للمدينه وهم بالطريق لبيت ابو مهآ
شوق : من جد بتسافر لجده ؟
فهد : ايه بجلس هنآ اليوم وبكره بروح جده يومين أو ثلاث بالكثير وأنتي انبسطي مع اهلك أكيد مشتآقه لهم
شوق : أي والله ميته من شوق لهم بس كيف بتروح لجده وحدك
فهد : بروح اشوف بآسل المختفي ...وأزور أصحابي هنآك
شوق : اللي يريحك
فهد : يالله وصلنآ لأهلك ... نزلوآ ودخلوآ العمآره
شوق تغمض عيونهآ ماهي مصدقه انهآ رجعت للبيت اللي عآشت فيه سنين وسنين
فهد : مآقدر عرفت هذآ البيت الا منك
شوق لفت عليه وهي تمشي بالدرج : أيش قصدك ؟
فهد لف يده على خصرهآ وعلى شفاته أبتسآمه خبيثه : أمممم تذكري كيف جبتيني هنآ
شوق جمدت ملامحهآ وتغير لون وجههآ : مو وقته هذآ الكلام اللي يغث
فهد ضحك : أنتي اللي مىفهمتي وقلت ألمح لك
شوق وصلت لشقتهم : طيب خلاص وصلت المعلومه ..."دقت الجرس وبعده فتحت الباب وهي تنآدي "... يــــآآبــــــــــنــــــآآآآآت
سحر فزت من مكآنهآ : كانه صوت شوق .. وركضت للصاله وشآفتهآ تنزل عبايتهآ صرخت بأعلى صوتهآ
شــــــــــــــــووووووق
لفت شوق وكلهآ وله وأشتيآق لأخوآتهآ ولضمتهآ لهم ...فتحت يديهآ وجريت لهآ سحر وضموآ بعض
شوق حابسه دموعهآ: مشتآقه لك مووت
سحر بدت تبكي : انا اللي مشتآقه لك أكثر
طلعت مهآ من المطبخ وبعدت بنتهآ عنها ورآحت لشوق وضمتهآ بكل قوتهآ وقآموآ يبكون مع بعض
شوق تمسح دموعهآ : نسيت زوجي عند الباب كله منكم
مهآ : دخليه المجلس ابوي الحين يجي
شوق تمسح وجههآ : طيب ... نآدوآ البقيه على بال ارجع
مشت للباب ولقت فهد وآقف على جنب ومتكي
شوق : أسفه نسيت انك واقف على الباب
فهد دخل وقال لها : من لقى احبابه نسى اصحابه ... فتحت له المجلس ودخلت معه
فهد قرب منها وشآف دمعه على خدها : ويش حآجة الدموع الحين ؟
شوق كآنت كآبته نفسهآ وأنفجرت بالبكاء : مشتآقه لهم مآني مصدقه أني هنآ
فهد حط يديه على خصرهآ ومسح دموعهآ : على بالي بتفرحين مو تبكين
أحتد بكآهآ أكثر وصآرت تشهق ورمت نفسها بحضنه حضنهآ بقوه لصدره وهو يقول : خلاص حبيبتي يكفي بكآء ... بعدهآ شوي ومسح دموعهآ بأطرآف اصابعه وبآسهآ على جبينهآ ... يالله قلبي روحي عند أخوآتك انا بنتظر عمك هنآ
شوق تهدي نفسهآ : أذا بغيت شي نآدني
ورآحت عندهم بالصاله ... أول من أستقبلهآ بالأحضآن هنآدي اللي أنفجرت بالبكاء لأنهآ محتآجه لهآ كثير ... أمآ شهد خلتهم لمآ ينتهون من سلآمهم خوفآ من أي ضربه ممكن تجيهآ بدون قصد منهم
شوق بصدمه : شهد أنتي حآمل ؟!
شهد ابتسمت لهآ ونزلت دموعهآ ضمتهآ شوق بقوه ومرت فتره وهي حآضنتهآ وشهد تبكي
شهد : اشتقت لك مرآآ
شوق جلست وكلهم جلسوآ حولهآ : والله أنآ اللي بموت من شوقي لكم
سحر كآنت تشهق من حدت بكآهآ .. قالت لهآ شوق : خلآص ياسحوره مآصآرت
مهآ : بشرينآ عن اخبارك ... اليوم السوالف لك وحدك
شوق ابتسمت : من عيوني بقولكم كل شي
^^^
^^
أخيرآ رجعت شوق للمدينه وشآفت أخوآتهآ ياترى ويش بيصير من احدآث في مدينتنآ ؟!
هنآدي & مآجد وبدآية أحدآث مثيره مآهي مسيرة هذه الأحدآث ؟
شهد& يوسف .. بترجع له او تبقى في بيت عمهآ ؟
عبدالله هل من الممكن أن يحاول الأقترآب من رغد ...والأهم من هذآ هل سيتزوجهآ أم ستصدمه ؟!
ريم وحيآتهآ المتوقفه حاليا .. هل ستعود الى زوجهآ او يكون فرآق نهآئي ؟
الاشخاص الغريبين وخطتهم التي تحآك .. تحآك لمّــن ؟!
فهد وسفرته الى جده كيف سيعود منهآ ..؟!.. أختفاء باسل مآهي الغايه منه ؟!
هل ستظهر شخصيآت جديده في روآيتنآ أم تبقى على حالهآ مع ابطآلهآ ؟!
والى أي مسآر ستنحرف سفينتنآ ؟!.
البآآرت السآدس والثلآثون
أذكرٍ . . ‘
إنّيْ كنُتٍ ( جُنبكّ )
وٍأذكرٍكّ عنّي | لهَيْتِ . . !
وٍأذكرٍ . . ‘
إنّيْ قلتٍ : أحٍ'ـَـًبّكٍ ‘
بَسُ مَآ أذكرٍ | وٍفيَتْ . . !
بَسُ مَآ أذكرٍ | وٍفيَتْ . . !
بَسُ مَآ أذكرٍ | وٍفيَتْ . . !
وصلوآ لبيت شهد وشآفوآ سيآرآت كثيره برى البيت وبسرعه دخلوا عندها
شهد والتعب باين عليها : اخيرا جيتوا تعالوا على المطبخ
هنادي تهمس : في أحد
شهد : أيه غدير ومريم وخالتي وام محمد
هنادي كشرت : بسرعه دبري شي البسه جايه ببجامتي
شهد وصلتها لغرفة النوم : شوفي اللي يعجبك بالدولاب والبسيه .. طلعت وخلتها تلبس وراحت للمطبخ عشان تحضر بعض الاشياء
قفلت الغرفه على نفسهآ وفتحت دولاب شهد وبعد تفكير طويل أختآرت بدي موف غآمق مع بنطلون جينز فآتح استشورت شعرهآ بسرعه وحطت روج ولبست سآعه لقتهآ على التسريحه وتعطرت .. بعدهآ أتجهت للمطبخ
هنآدي : ويش رآيكم احس كبير عليآ
رغد : بالعكس مره حلو ومقاسه منآسب
شهد ابتسمت : أموت على النعومه .. طالعه كيوت مرآآآ
رغد تمد لهآ الصينيه : يآلله ودي الشآي عند أم يوسف وبنآتهآ
هنآدي بحده : مستحيل تبوني انا اروح .. حدي أغسل وانظف غير كذآ لا تحلمون
شهد بترجي : هنوده شآيفه حوستنآ كيف الله يخليك وديه تأخرنآ فيه
هنآدي بأستسلآم وبدون نفس : هآتوآ الصينيه الله يكون بعوني .. أخذتهآ ومشت لغرفة الضيوف ... سمت بالله قبل ماتدخل وأخذت نفسه طويل
هنآدي ( وين جرآئتك ياهنآدي ... ترآك محتآجتهآ الحين .. ) اصطنعت ابتسآمه هآديه ودخلت
هنآدي : السلآم عليكم
وقفوآ كلهم وردوآ السلآم مرت عليهم وحده وحده عشآن تسلم .. جلست بكل ثقه وجراءه
ام يوسف : كيفك يابنتي
هنآدي : بخير عسآك بخير .. أنتي ياخالتي كيف صحتك
ام يوسف : الحمدلله بخير .. كيف أخوآتك
هنآدي : كلهم بصحه وعآفيه .. بعد السؤال عن الحال والاحآديث الرسميه دخلت غدير
غدير : أهلين هنوده .. أخبارك
هنآدي : بخير انتي كيفك صايره ماتنشافين أبد
غدير : لاهيه بدنيتي ... صارت هنآدي تضيفهم بعدهآ استأذنت ورآحت للمطبخ
ام يوسف تهمس : مشاء الله عليهآ مملوحه
ام محمد : اي والله ياخالتي ملامحهآ ناعمه مره
غدير بلقافه : ليش تتهآمسون عنهآ اكيد ببالكم شي
ام يوسف ابتسمت : ياليت يصير اللي ببالي
مريم بشك : كأن فهمت اللي براسك يمه
ام يوسف : أووش لآحد يسمعكم بالبيت نتفاهم
بآلمطبخ
دخلت متوتره وأخذت لها كأسة مويه تشربها
هنآدي بتأفف : اعوذ بالله أكلتني بعيونهآ
رغد وبيدهآ صحون : مين هذي ؟
هنآدي بصوت وآطي : أم زوجك ياحظي وربي أكلتني بعيونهآ اخترعت كذبه عشآن اجي هنآ واغتك من نظرآتهآ
شهد ابتسمت : أكيد ملاحظة شي مشاءالله عندهآ قوة انتباه فظيعه
هنادي : على ويش ياحظي مافي شي يجذبهآ فيني
رغد تدقهآ بكتفهآ : ماتدرين عن تفكير الحريم " طلت بشهد وضحكوآ "
هنآدي عقدت حوآجبهآ مافهمت قصدهآ قالت بحده : إتلهوآ باللي انتم فيه أبرك
{هــنــآدي }
ويش تقصد رغد بكلامهآ ؟.. معقوله اللي في بالي يكون صح .. لالا اعوذ بالله ان شاء اله تكون افكاري كلها خطاء وماتصدق حسبي الله عليك يارغد شوشتيني .. انا خلقه ما احب اهل مآجد بأستثناء غدير تدخل القلب وتنحب أمــآ البقيه ينحط عليهم أكس بالخط العريض " سكتت شوي وبعدهآ تصادمت افكارهآ " يعني يمكن مــآجــد ... لآآآآ يارب مايصير بكون تحت رحمته هو بدون شي حاقد ويدور أي زله علي ... أنتحر لو يصير اللي في بالي ... آآآه يارب سترك يارب استر علي واجعل كيد الكائدين في نحورهم .. يآآآرب
شهد : هنوده وين رحتي؟
رغد تضحك : تفكر بكلامي والله شكل الفكره عجبتهآ
هنادي عصبت : هيه هيه انتبهي لكلامك
شهد استغربت ثوران هنادي بالسرعه هذي : ماقالت شي يستاهل كل هذا التعصيب
هنادي تحط اصباعه على راس رغد : شيلي الافكار الغبيه هذي من راسك
رغد تدفها : اقول طسي عند الحريم وفكينا الشرهه علي اكلم وحدها عقلها ضارب
هنادي زآدت اعصابها: ليش شايفتني مجنونه قدامك
رغد بدت تعصب منها صرت على اسنانها وهي متمالكه نفسها : هنادي أوت بليز ترى افوت لك بمزآجي
انقهرت من رغد واسلوبهآ معهآ دايم بالأخير يطلعونهآ الغلطآنــه .. رجعت عندهم بالغرفه
ام يوسف : تعالي حبيبتي ارتآحي
هنادي : مرتاحه ياخالتي .. تبين اجيب لك شي
ام يوسف : لا ياحبيبتي مابي الا راحتك ... حمرت خدودهآ من كلام ام يوسف
:::
:::
ببيت أبو مهآ
كانوآ يتآبعون فلم ملوآ من جلستهم والطفش اللي طآغي عليهم
سمر : ايش رايكم نطلب ابوي نروح المزرعه نغير جو
ريم عبجتهآ الفكره :والله فكره ونقول لعمآتي وبناتهم عشان نتونس
سحر بتأفف : بالحر هذا نروح المزرعه تبونا نصير فحم
سمر : يابنت كلها يومين ونرجع
ريم بهدوء : سحورتي ايش فيك زعلانه .. لك يومين واخلاقك بطرف خشمك
سحر ردت بدون نفس : متضايقه
سمر : وأيش مضايقك
سحر طلت فيهم وبنظره حاره : كل شي مضايقني حتى الهواء اللي أتنفسه
ريم استغربت كلامها سحر بحياتها ماكان كلامها فض بالصوره هذي .. مطت كلمتها : ختى الهواء اللي تتنفسيه
سحر : أوووف .. الحين ليش تكلموني شايفيني متضايقه اتركوني بحالي
سمر : احنا نبي نخليك نروقين
سحر كشرت بوجه سمر : شكرا أحد شكيت لكم الحال
سمر وريم : لا
سحر : طيب خلاص بطلوآ لقافه ... قامت والضيقه باينه عليهآ ورآحت لغرفتهآ وسكرت الباب بقوه
ريم : أكيد صاير معهآ مشكله
سمر قلبت عيونهآ : بسلآمتهآ تحل مشآكلها بنفسهآ بعرف شايفه نفسهآ علينآ ليه ؟!
ريم بحده : سمر مايصير تقولي كذآ على أختك
سمر رفعت حآجبهآ بحده : لاتكوني عميآء وماتشوفين طريقة كلامهآ وتأففهآ
ريم : ماعليش لآزم نتحمل بعض كل انسآن تمر عليه فتره يتضايق فيهآ
سمر رجعت تتابع التلفزيون : طيب قفلي على الموضوع بتفرج على الفلم
{ريـــم }
البيت صآير مشآكل × مشآكل .. ما أدري أيش صاير فينآ كل يوم طالعه مشكله جديده تخربطنآ ماعدنآ نتحمل بعض كل وحده فينآ عندهآ ألف هم وألف مشكله .. وأعصابنآ مشدوده ..نفسي نرجع زي مآ كنآ قبل مهآ تتزوج وشوق وشهد... كآنت مشآكلنا بسيطه وسطحيه ومانستغنى عن بعض ابدآ ونحل مشآكلنآ مع بعض .. الحين كل وحده همهآ الوحيد نفسهآ تباعدنآ وتفرقنآ .. ماحد يسأل بأحد ولا يهتم لأمره .. وين علاقة الأخوه اللي كآنت بيننآ كنا يد وحده ..بس ياريم لآحظي قلتي كآن وكآن فعل مآضي ..الدنيآ تصفعنآ من كل النوآحي مافي أحد مرتآح ... يآترى ويش بقى لي أنآ برجع لسيف وأكمل حيآتي أو أحمل لقب مطلقه... حيآتي كآنت وهم تخيلته وعشت فيه لكن فقت منه على صدمه زلزلت كيآني.. ماني مرتآحه في حيآتي ظنيت اذا جيت عند أهلي برتآح لكن للأسف عذآبي يزيد وأنآ اشوف كل يوم نبعد أكثر عن بعض ... يـــآرب لاتفرقنــآ ودخــل الفرح علينآ تعبنآ من الألــم والــهــمــوم
:::
:::
بــعـــد مآ أنتهت العزيمه في بيت شهد كآنت الساعه تقريبا 1 نص الليل
يوسف : عسى ماتعبتي حبيبتي
شهد جلست جنبه وبيدهآ كأسة عصير : شوي مو مره بس أهلك وخوآتي مآ قصروآ
يوسف : الحمدلله .. اللي يهمني أنك بخير
شهد تعبت كثير بيومهآ في التجهيز والترتيب : انا بروح أنــآم أحس جسمي مكسر
يوسف : أجلسي خلينآ نسهر .. وربي مشتآق لك اليوم كنتِ منشغله عني
شهد كشرت : بس فيني نوم
يوسف ضحك : يعني مآ تقدرين تتحملين وتسهرين
شهد بوزت : مــره .. مآكرفت مثلي اليوم
يوسف بآسهآ على خدهآ : يعطيك العافيه حبيبتي مآقصرتي .. روحي نآمي
شهد: خلاص بطلت بسهر معك ... بس حط على mbc2
يوسف : ابشري .. الحين أحط لك " أنسجم مع الفلم مره .. حس بشي على كتفه لف وشاف شهد نآيمه ورآسهآ على كتفه .. ابتسم وشآلهآ وحطهآ على السرير لحفهآ ونآم جنبهآ
:::
:::
:::
اليوم اللي بعده الظهر
صحت من نومهآ وأخذت نفس طويل من زمآن مآنآمت زي هذي النومــه المريحه .. تعب المرض اهلكهآ بالأضافه الى تعب السفر .. قامت تروشت بسرعه ولبست بنطلون بني وبلوزه أورنج عاريه وتحت الصدر حزآم بني متوسط الحجم .. جعدت شعرهآ الطويل ورفعته من قدآم ونزلت خصلات بسيطه على وجههآ وبقية الشعر حطته على جنب .. أضافة لمسه خفيفه من الميك أب تعطرت ومشت له وقفت عنده تتأمل ملامحه الحآده حتى في منآمه .. حوآجبه المرسومه ورموشه السوداء الكثيفه .. وأثرالشلخ اللي بخده معطيه ملح جمالي أكثر بالأضافه الى الدقن الامآراتيه اللي معطيته هيبه ملكيه .. مررت يدهآ على خده بخفه
شوق بهمس : فهودي .. فهــودي ..تحرك بعد سكونه وعقد حوآجبه وهو يهمهم
شوق طبعة بوسه على جبينه : يالله حبيبي قوم صرنآ الظهر
فهد بصوت مبحوح : تعبآآآآن .. خلينى اكمل نومي
شوق حطت يدهآ على خده : فهودي يالله قوم خل الكسل عنك أبي افطر معك
فهد فتح عيونه ومدد يديه قالت بصوت كسول : كم الساعه
شوق : 2 وربع يالله أصحى حبيبي .. أنا بنزل أسوي لنآ أكل
فهد بتهديد : ياويلك تدخلين المطبخ والا تتحركين كثير شفتي الدكتور ايش قال
شوق ابتسمت له وقالت بغنج : خآيف علي
فهد وهو منسدح ضمهآ لصدره : أذا مآ أخاف عليك أخآف على مين
شوق مسكته مع خشمه : طيب قوم لا تضيع الموضوع
فهد ضحك : ذكيه أسم الله عليك
شوق بآسته وبعدت بسرعه عنه ورآحت عند الباب : أستنآآك معك ربع ساعه وياويلك لو ما نزلت
فهد يبعد الشرشف عنه أخذ منشفته ومشى بأتجآه قسم الحمآم وانتم بكرآمه : 10 دقايق وأنآ قدآمك
نزلت قبله وفتحت ستآير البيت حتى تدخل أشعة الشمس ... تحس بروحهآ ترجع لهآ والتفاؤل يملي حيآتهآ وقفة فهد معهآ وبحالتهآ النفسيه اللي كآنت تعبانه أيآم العمليه خلتهآ تحب الحيآه وتقبل عليهآ بحيويه وتنسى المحطة اللي كآنت فيهآ .. حست بألم خفيف طبعآ كآن بالنسبه لهآ شي طبيعي بعد العمليه الصعبه اللي خضعت لهآ والألم اللي عآنتهآ ... رآحت لغرفه الطعآم وجلست تنتظر وصول فهد ..
ميري : مدآم يبي شآي والآ كوفي
شوق : لآ كوفي
ميري : ايش يبي سندويش
..: سندويش بيض وبدل الكفي سوي لهآ حليب .. وأنتي يآمدآم ناسيه نظآم أكلك
شوق بزعل : مليت من البيض .. أبي أغير
فهد جلس وطآلعهآ بنظره حآده : شوق تقيدي بجدول الأكل والا بيروح تعبنآ على الفاضي
شوق : بس نفسي أغير بيض جبن حليب .. كأني طفل حرآآم ابي شي مقلي مشوي
فهد أخذ كآس شاي وقال لميري بحده : لاتسمعين كلامهآ والآ بعاقبكم اللي بالورقه مع ليزآ هو اللي يتنفذ أوكِ ميري
ميري : أوكِ سير
شوق كشرت : هين يافيد كذا تسوي فيني .. يهون عليك اكون مشتهيه شي وما أكله
فهد بدون مايطالع فيها : صحتك أهم ... كلمتي ما اكررها جربي بس تخالفين أوآمري وشوفي أيش العقاب اللي ينتظرك
شوق بأستسلام : أمرك في شي بعد
فهد وهو كآتم ضحكته من نبرة صوتها عرف انها زعلت: سلامتك
كانوا يفطرون فجأه دق جوال فهد .. وكآن المتصل أبوه عرف ان المشاكل على الأبوآب قرر انه يرد عليه
فهد : هــلآ .. وعليكم السلآم .. خير في شي ؟!... اليوم !... طيب طيب بنجي مع السلامه
شوق : مين ؟!
فهد : أبوي يقول لازم نجيه البيت
شوق بتردد : انا مابروح
فهد : بس لازم تروحين تسلمين على خالتي وماتبيني اني في شي صار
شوق : خايفه من أهلك ... سالفه رزآن ماراح تعدي على خير
فهد انسدت نفسه عن الأكل : شوق خليك صريحه معي ... كنت ِ
شوق قاطعته : اذا بخصوص رزان ارجوك لا تسألني
فهد تأكدت شكوكه : يعني كنتِ عــآرفه وسآكته
شوق رفعت عيونهآ له : تتوقع بتصدقني لو قلت لك ؟.. اكيد لا راح تفسرها انها غيرة حريم وكره وبيطلع لها اكثر من تفسير ماراح تصدق ان اخوك وزوجتك يكونوا مع بعض وراح تطلعني غلطانه .. عشان كذا فضلت السكوت
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك