رواية ياخاطفي وين القي عزتي في زمان المذلة -55
مشاري باسها وراح على الـ Tv لفت على رغد وغمزة لها عشان تلحقها بالغرفه .. دخلت غرفتهآ هي ورغد اللي دخلت وراها وقفلت الباب
رغد بخوف : خير ويش فيك ؟
شهد تجلس على السرير : آآه يارغد اشوف كوابيس كثيره خصوصا بميشو
رغد جلست جنبها ومسكت يدها : وساوس شياطين تعوذي من الشيطآن
شهد : في اشياء كثيره تغيرت حتى يوسف ماصار زي أول مايضمني ولايقولي كلام حب زي أول احس فيه شي مومرتاحه ابدآ يا رغوده
رغد : ياعمري هذي مجرد وسوسه شيطان لاتخليها تسيطر عليك
شهد حطت راسها على كتف رغد : كمان انا تعبانه احس بدوخه تخيلي اليوم الصباح لما صحيت طحت جاتني الدوخه فجأه
رغد بخوف : لايكون فقر دم
شهد : مدري والله بس خايفه مره
رغد توقف : امشي تروح عياده تسوين تحليل .. ليش ساكته على نفسك
شهد : مايحتاج والله
رغد بأصرار : قومي بلا كسل زآيد .. لبسوآ عبايتهم ورآحوآ لأقرب عيآده منهم
:::
:::
بالرياض
شآف أخوه عند اسطبل الخيول ومشى له وهو يصرخ
باسل : حركآآت صرنآ نطلع من عند الحريم
فهد ضحك : ويش تقصد ياولد ؟
باسل يغمز له : اللي فهمت يالحبيب .. هاه كيف قلبك الحين
فهد : الحمدلله بخير .. وينك أنت مختفي
باسل : أشوفك ساحب علي ورحت ادشر
فهد : ماهي بعيده عنك ..
باسل : اقول فهيدان ركبت معي وحده اسمها هنادي تحسبني السواق من ذي ؟
فهد أنفجر ضحك : هنآآدي.. ركبت معك
باسل : ايه وتكلمني هندي كآن نفسي اقولها اني مو سواق بس ماخلت لي فرصه
فهد ميت ضحك : ههههههههههه الله عليك ياهنادي
باسل رفع حاجبه وقال بحده : ماقلت من ذي ؟
فهد : أخت شوق
باسل بصدمه شهق : أخت شوق ؟
فهد عقد حوآجبه : ايه اختها ليه ؟
باسل : لا بس مجرد استفسار .. قهرتني تحسبني السواق ( طلعت اخت شوق .. انا اشوف الجمال اللي فيها يالبى قلبها بس كيكه مستحيل افرط فيهآ .. انتي اللي جيتي برجلك ياهنآدي )
فهد : بسول وين وصلت ؟
باسل : معك
فهد : والله شكلك رحت بعيد
باسل : اقول بروح غرفتي تعبان من السفر وزادت علي اخت زوجتك خلتني الف الرياض لف تصور كم مرة وقفت بالمحطه
فهد : كم ؟
باسل : خمس مرات .. اعبي بنزين من كثر ما الف وماتفهم
فهد : ههههههههه كم المبلغ
باسل : المساله مو كم المسئله اني تعبان وانسان جاي من سفر
فهد : تعيش وتأكل غيرها
باسل :مع اي احد ايه بس معها هي لالالالا.... انا رايح انآم توصي شي
فهد ميت ضحك على اخوه اللي الطفش مبين عليه : سلامتك ..
بعد مآراح باسل للمحلق الخاص فيه دق جوآله
فهد : الو
الدكتور : السلآم عليكم
فهد : وعليكم السلام
الدكتور : الاستاذ فهد الجابر
فهد : ايوه ..خير ؟
الدكتور : لو سمحت لازم تجينا للمستشفى ضروري
فهد : ليش في شي ؟
الدكتور : افضل لما تجي نتكلم
فهد : متى ؟
الدكتور : لو تقدر الحين
فهد : اوك نص ساعه واكون عندكم مع السلامه .. طلع لجناحه ولبس ثوبه والشماغ ومشى بأقصى سرعته للمستشفى اللي طلبوه
أمــآ بالبيت
نزلت من غرفتها شافتها جالسه بصالة الدور العلوي
رزان : وين فهودي ؟
شوق بنظرات ناريه : ولك عين تسأليني ؟
رزان تجلس وتحط يدها على بطنها : ايوه اسئلك منو انتي عشان ما اسئلك
شوق : صدق انك وقحه
رزان : انتي اللي وقحه لو ان بمكانك كان رجعت مع اهلي وما جلست عند ناس مايبوني
شوق تقلب عيونها : تكلمي عن نفسك لو سمحتي .. انا جالسه ببيت زوجي
رزان ضحكت بسخريه : زوجك اللي راح يطلقك بعد كم يوم ؟
شوق فتحت عيونها على الاخير : ايش تقولين انتي ... انجنيتي !!
رزان : ياحبيبتي عمي حلف على فهد عشان يطلقك وصايره مشاكل كبيره بسبب دخولك عايلتنا اللي طول عمرها عاشت بسمعه مثل الذهب بالاخير تجين وتخربين سمعتنا بحقارتك وتلوثك
شوق ولعت من القهر : انكتمي ولاتتكلمي عني
رزان تحط رجل على رجل : انتي اللي جايبه لنفسك الكلام افهمي كلنا مانبيك وكل العايله دروآ انك بنت شوارع
وقفت شوق وصرخت عليها : بــــــــس انا مليت منك ومن قذارتك .. ياأما تعرفي حدودك معي والا بقول لفهد عن خيانتك له
حست كأن أحد صفعها كف على وجهها وقفت بذهول وعيونهآ على شوق : ايش قلتي ؟
شوق حطت يدهآ على خصرها : شوفي انتي ايش تساوي من ورآه .. انا عارفه كل شي عنك يا تتعدلي معي والا بقوله وانتي عارفه شنو راح يسوي فيك " مشت لغرفتها وقبل تدخل لفت عليهآ " .. وتذكري اني أنــآ بس اللي بقلب فهد .. دخلت غرفتهآ وبدآخلها احساس بالانتصار ولو انه لايذكر قدآم كلامها اللي جرحها وأدمى قلبها وأثار بنفسهآ الخوف من موآجهة اهله
أمــآ رزآن خافت من تهديداتها لها لكن براكين غضبها كانت جآمحه .. استجمعت كل حقدها وكرهها لها .. وبدات تراجع مخططاتها .. سمعت صوت خطوات فهد وبسرعه دخلت غرفتها
رجع من المستشفى وكل الكون ضايق فيه مايدري ايش يقول او ايش يسوي صدمته اكبر من الكلام .. خوفه من الفقدان يسترجع فيه ايام ماضيه .. قرب من باب غرفتها وفتحه بهدوء شافها تنهي صلاتها .. لمحته في أخر الغرفه
شوق : تعال اجلس ليش واقف
فهد ابتسم : تعالي ابيك بموضوع .. قربت منه وعلى وجهها علامات استفهام تذكرت كلام رزان اللي زاد توترها خصوصا ملامح فهد اللي شكت فيها
شوق : خير يافهد ايش صاير ؟
مسك يدها وجلسها على الكرسي وجلس قبالها : قولي لي بأيش تحسين ؟
شوق عقدت حواجبها مافهمت سؤاله : ايش تقصد ؟
فهد : ويش تحسين فيه الحين ؟
شوق تعلقت عيونها فيه ماتدري كيف تجاوبه : ولاشي
فهد ابتسم : ايش كنتي تقولين لي العصر ؟
شوق نزلت راسها وميلت فمها : قلت تسامحني على ...
فهد قاطعها : أنآ مسامحك .. رفعت راسها بلمح البصر وفتحت عيونها على الاخير مستغربة تغيره وكلامه
شوق بخوف : فهد فيك شي ؟
فهد مسك يدها : لا مافيني شي ... دخل قسم الملابس وبدل ملابسه وراح على السرير يرتاح
أمآ هي تركته وراحت للغرفه اللي فيها هنادي
شوق : سلام
هنادي : وعليكم السلام .. بدري توك تتذكرين عندك اخت
شوق ضحكت : زعلتي ؟
هنادي : ساحبه علي سيفون انتي وجهك
شوق : حرام عليك . طيب ليش ماتطلعين في الصالون او تنزلين تتمشين بالحديقه عندك مزرعه ايش كبرها
هنادي كشرت : يقولون الجنه بدون ناس ماتنداس .. صح بيتكم كبير ومزرعتكم حلوه بس احسها كئيبه ما احس بالسعاده والفرح هنا يمكن عشان اخواتي مو معي
شوق ضمتها : اكيد عشان ذا الشي .. بس بيتنا حلو مافيه شي
هنادي : صدقيني يا شوق انا مستغربه كيف عايشين هنا احس بضيقه فظيعه عندي شقتنا اللي بالعماره تسوى الدنيا ومافيها يكفي الراحه اللي نحسها فيها
شوق كشرت وحطت يدها على خصرها : بسرعه مليتي منا ؟
هنادي : والله طفشت الله يصلح فهد اللي طلب ابوي اجلس هنا ... بعدين احس مضايقتكم ماحد قادر ياخذ راحته لا زوجك ولا انا
شوق : عيب عليك تقولين كذا ... والله وجودك غير الروتين هنا
هنادي عدلت جلستها : انا راحمتك عشان شي واحد بس
شوق بحماس : اللي هو ؟
هنادي : كيف مستحمل رزانوه ياهي تغث ياشيخه تجيب الجلطه ما الوم فهد يوم جاته جلطه كله منها اضن
شوق تغير وجهها وانصبغ بكل الالوان : عيب تقولين كذا استحي
هنادي ميلت فمها : ماقلت الا الصدق .. المهم بكره خلينا نطلع من هنا نروح لنا مشوار ترى طفشت والا برجع المدينه ابرك لي
شوق ضحكت : أمرك اي اوامر ثانيه ؟
هنادي : لا سلامتك ويالله طسي بافتح المسن اسولف
شوق : تصبحين على خير
هنادي : وانتي من اهل الخير
:::
بالمدينه
رجعت بيتها على طول فرحتها ماتنوصف بالخبر اللي زفوه لها .. دخلت ومالقته غيرت ملابسها ولبست قميص ابيض ورفعت شعرها بشكل عشوآئي وتكحلت وكانت بقمه النعومه .. جلست تنتظر وصوله بفارغ الصبر والفرحه طآغيه على كيانها سمعت دق الباب راحا له واخذت الاغراض من جلالي اللي وصته يروح يجيبها .. دخل غرفتها ورتبت كل شي لجيته ورد وجآتوه والاضاءه ... طلعت للصاله وشافت الساعه وكانت 12:30 سمعت صوت خطواته وقفت وعلى وجهها ابتسامة رضا .. قربت منه
شهد : مساء الخير .. قربت من خده تبي تطبع بوسه لكنه بعد عنها .. استغربت
شهد : يوسف حبيبي ايــ..
قاطعه بحده : ويش تبين ياشهد ؟
أستغربت لهجته الحاده : يوسف ايش فيك ؟
يوسف لف عليها وطالع فيها من فوق لتحت : وتسأليني كمآن
شهد انهلبت من تلميحاته : ليش تقولي كذا ..انا ماسويت شي
يوسف : والله .. على بالك بتضحكين عليا بحركاتك الماصخه " مسك قميصهآ " وبشكلك هذآ رآح تغريني وتخليني انسى سوآيآك
شهد بصدمه : أي سوآيآ اللي جالس تتكلم عنها ؟
يوسف يبعد عنها : ياخساره .. طحتي من عيني وماعاد لك مكان بقلبي
حست بكلماته هذي كانها سكين تطعن قلبها وتخرب عليها فرحتها صرخت عليه مو مستوعبه اللي يقوله : انت ايش تقول ؟
يوسف : فيصل اللي كنتِ تحبينه ومانسيته
شهد تعلقت عيونها فيه قالت بصدمه : فـــيـــصل ؟!!
يوسف لف عليها وبصراخ قال : ايه فيصل اللي من حبك له ربيتي ولده بعد مارماه وتخلى عنه
شهد ماقدرت تستوعب كلامه : ولده ؟
يوسف مسكها مع يدها وهزه : ايه مشاري ... لاتكملي مسرحيتك السخيفه وتقولي ماتدرين
شهد بصدمه : مستحيل مشاري مو ولده مشاري ماله اهل
يوسف بصوت حاد : ليش كذبتي علي ليش ؟.. انا الغبي اللي صدقتك وخليتك تلعبين لعبتك
شهد ودموعها تجمعت بعينها : يوسف والله اني احبك ربي يشهد علي وفيصل ما اعرفه صدقني
يوسف : اتني كذابه .. انا مستحيل اصدقك بعد اليوم " طالعه بعيون كلها حقد وشر " والا اقولك انا ماعدت ابيك عفتك كرهتك صرت اشوفك شيطان
نزلت دموعها على خدها : كيف تقول عني كذآ .. ليش ماتصدقني وربي اني احبك
يوسف اعطآهآ ظهره : كذآآبـــه انتي ماتعرفين تحبين
مسكت يده وهي تبكي بحده : ليش ماتصدقني ؟
يوسف صرخ عليها : أصدقك !!.. وانتي كنتِ تعرفين عيال قبلي
شهد : من قال لك .. اللي قالك كذآآب
يوسف صفعها كف قال وهو يصر على اسنانه : انتي الكذابه مو هو
شهد : انت ماتدري عن شي .. مآتدري مين كان ورى كل ذا اسئل عبدالله صديقك هو يقولك على كل شي
يوسف :عبدالله ؟ّ.. تبيني اسئل عبدالله عن حقارة زوجتي
شهد : انا ماني حقيره .. اذا انت تشك فيني ليش تزوجتني
يوسف : كنت منخدع فيك .. منخدع من برائتك ونظراتك الكذابه كنت مغفل يوم صدقتك كنت أهبل اركض وراك وحبيتك بجنون لكن طلعتي ماتستاهلين
شهد جلست على الكنبه تبكي بأنهيار تآم بعد فتره من بكاها : وديني بيت اهلي مابي اجلس عندك دقيقه زياده
يوسف : ابركهآ من ساعه وعلى فكره ورقة طلاقك بتوصلك بس بالوقت اللي انآ اختاره ..طلع برآ البيت ينتظرهآ بالسياره .. دخلت الغرفه واخذت الملابس والاغراض اللي تحتاجها وطلعت معه يوصلها لبيت اهلها في اخر الليل
طول الطرق كانت تبكي وتشهق اما هو كان كاره وجودها وحتى صوتها صدمته فيها غير معقوله هزت اعماقه خصوصا انه يحبها ويعشقها
يوسف : انزلي لبيت اهلك
شهد صرخت عليه : خساره انك زوج واب دآم الشك بعروقك
يوسف : انتي السبب حتى ولده دخلتيه بيتي
ماقدرت تتحمل كلامه اكثر نزلت وسكرت الباب بقوه ودخلت بيت اهلها في حالة شبه انهيار
:::
:::
كآن يتقلب على سريره .. يتأملهآ وهي نايمه بهدوء وسكينه جنبه .. عينه مافارقتها ولا ثانيه النوم مجافيه والكلام يتردد براسه .. قام نزل لمكتبه حتى يتسلى شوي ومايزعج شوق بنومهآ
{فــهـــد}
آآه ياربي هي كآنت تنتظر هذآ الخبر من زمآن كآنت تحلم فيه من بدآية زوآجنآ ودآيم تقوله لي .. ياربي ويش اسوي اقولها او اخبي عنهآ بس اذا سكت راح اخسرهآ ويمكن للابد .. لاتكون اناني يافهد لازم تسوي اللي عليك وأكثر وتوقف جنب شوق ...آآآه ياشوق كيف غيرتي حيآتي كلهآ .. كل همي الحين انتي أنتي وبس أخآف تكون هذي الضربه القاضيه لك ومآعآد ترجعين لي ياررب كون بعوني وعونهآ
جلس يقلب بأورآق شغله والمستندآت حس أنه تآيه مو قادر يركز بشي معين .. ترك كل شي من يده وقرر انه يرجع لغرفتهم .. كآن يخطي أخر الدرجآت لما سمع صوت صرآخهآ وبكآء .. ارتجف من صرختهآ اللي ارعبته .. ركض بأقصى سرعته للغرفه وفتح الباب .. شآفه وآقفه جنب السرير وحآطه يدهآ اسفل بطنهآ وتصرخ وتبكي بشكل غريب
فهــد : شـــووووق .. شـــوق
مدت يدهآ له وهي تشوفه يقرب منهآ والمسآفه كبيره بينهم قالت بصوت يرتجف : لاتخليهم يأخذونه .. لاآآآآ
ركض وحضنهآ لصدره بقوه زآدت نبضآت قلبه وصارت ترتجف اطافه من البروده اللي سرت بأطرافه
تمسكت فيه اكثر وهي تضمه بقوه وتبكي : بيآخذونه مني ... والله بيأخذوه
فهد : بسم الله عليك ويش بيأخذون
شوق ارتعشت شفايفهآ : آآآه بطني ... بــــــــطـــــني آآآهـ
فهد بعدهآ شوي وشآف وجههآ المصفر : يالله بوديك المستشفى
شوق تتمسك بيده وضغط عليهآ صارت تبكي بصمت : نفس الكآبووس والله نفسه
جلسه على السرير ولف يده عليهآ : أي كآبوس حبيبتي ؟!
شوق رفعت راسها وحطت عيونهآ بعيونه : الكآبوس اللي كآن يجيني من خمس سنين
عقد حوآجبه بأستغراب مو فاهم اي شي من اللي تقوله كأنهآ تهذي بكلام غريب
حط كفوفه على خدهآ وقرب وجهه منهآ : قولي ياعمري ايش شفتي ؟!
نزلت دموعها على خدهآ حطت راسها على صدره : اشوف وآحد غريب ما اعرفه يفتح بطني وكأني كنت .. كنت " وسكتت "
فهد : كنت ويش ؟.
شوق : كنت حآمل بعدين أشوفك انت بعيد بعيد مرآآ عني وتبي تساعدني بس في نآس يمنعونك فجأه أصحى في مكآن ظلام واكون وحيده فيه وفي طفل جنبي يسألني وين بابا وأنآ ابكي ما ادري ايش ارد عليه .. بعدهآ يرجع نفس الحلم من البدآيه وكأنهم بيقتلوني ويأخذون الجنين مني وصحيت مفجوعه
مسح على شعرهآ وزآد بضمته لهآ : أضغآث أحلام لا تفكرين فيهآ
شوق : بس تكرر كثير يافهد كثير
مسك كفهآ وباسها : دآمي معك لاتخآفين
شوق غمضت عيونهآ وقالت : فهد انت عندك كلام بتقوله بس ماأنت قادر
فهد : لا ابدا ماعندي شي
شوق : لاتحآول تنكر أنآ حاسه فيك حآسه باللي بقلبك قوله وريحني
فهد بآسهآ على جبينهآ : أنتي تعبانه الحين .. يالله ارجعي نآمي
شوق : ماراح ارجع انام قلبي مقبوض
فهد : وين أيمآنك ياشوق انتي تقولي كذآ .. يالله ياحبي نآمي
شوق نزلت راسها وسحبت الشرشف : تعال جنبي خآآيفه
فهد أبتسم : ابشري بس ذآ اللي تبينه ... أنسدح جنبهآ وأخذهآ بحضنه ومآحس بنفسه الا وهو بسآبع نومه
:::
:::
بهذآ الوقت في المدينه
طــــــــــــن طـــــن طــــــــــــن طــــــن ...طـــــــــــــن طــــــن
صحوآ والرعب بعيونهم .. صوت الجرس اثار الفزع والخوف فيهم
سحر تمسك سمر : مين جاي اخر الليل ؟
رغد بخوف : اللهم اجعله خير
ابو مها فتح الباب بسرعه وشاف شهد اللي امتلى خوف عليهآ
ابو مهآ بصدمه : شــــــهــــــــــد !!!
شهــد بأنهيآآر : أبوووووووي .. ورمت نفسهآ بحضنه وقامت تبكي بشكل هستيري
ابو مها دخلها للصاله : يبه شهد ويش فيك جايه بأخر الليل
رغد تضمها : شهد ايش فيك تبكين ؟!
شهد بكلام مقطع من شدة البكاء : يـــ...ــو...ســ..
ابو مها بخوف : زوجك علامه ؟!
شهد تنزل طرحتها : يصرخ علي ويتكلم بشي ما اعرفه يقول بيطلقني
كلهم بصوت واحد شهقوا : طــــلاق ...؟!
شهد تمسح دموعها بعشوآئيه : أيـــه
اب مها وقف قبالها : وليش يطلقك .. ويش مسويه انتي ؟
شهد رجعت تبكي : والله ماسويت شي .. ما ادري ليه قال كذا
ابو مها : لاتكونين مزعلته
شهد : شلون ازعله يابوي .. انا مقدر ازعله ابد بس مدري ايش فيه !!
ابو مها يحاول يوقفها : قومي يابنتي ارتاحي وغسلي وجهك وادعي ربك اكيد معصب وحط حرته فيك
شهد اكتفت بالبكاء بدون اي كلام ..
ابو مها : يبه رغد خذيها للغرفه خليها ترتاح
رغد : طيب .." مسكت يدها " يالله شهوده اذكري ربك وتعالي غسلي وجهك
سمر تهمس : سحوره ايش فيهم خواتنا كل يوم وحده جايتنا زعلانه من زوجها
سحر بنفس الهمس : الله اعلم بس شكل الزواج مصيبه ويقولون احلى شي الزواج
سمر : اممممم شكلي بعنس ابرك من اني كل يوم راجعه بيت اهلي
سحر : امشي نرجع نكمل نومنا ..ماعندهم سالفه
سمر : يابرودك .. دفتها حتى يدخلون غرفتهم
بغرفة رغد
رغد جابت لها كاسة مويه وشربتها : بالعافيه حبيبتي
شهد : الله يعافيك ..." شافت مشاري نايم في سريره ونزلت دمعتها بدون شعور "
رغد :لالا ... في شي غير اللي قلتيه لأبوي
شهد ضمت رجولها لحضنها وحطت راسها على ركبها : كسر فرحتي ... كنت بقوله بس ما أعطآني فرصه هاجمني على طول ... ماقدرت ادافع عن نفسي
رغد جلست قبالها : ليش ؟
رفعت راسها والغصه تسبق كلماتها : الماضي يلاحقنا ..
رغد فتحت عيونها عالاخير : أي ماضي ؟!
شهد : فيصل ... دخل حياتي انا تبت وماسويت شي كله بسبب فاتن هي اللي ورطتني والحين بتنهدم حياتي عشان هذا السبب
رغد عدلت جلستها : فيصل ماغيره ؟!
شهد رجعت تبكي : أيه ماغيره .. انا مافهمت يوسف يقول انتي لسى تحبيه ومربيه ولده من كثر حبك له .. شك بحبي وأخلاصي له أنا مافي احد بقلبي غيره والله مافي احد بقلبي غيره نسيت عمري من عرفته وتزوجته
رغد ضمت كفوفها : ياعمري انتي ... صدقيني بيندم ويعرف الحقيقه وبيرجع يترجاك بس اصبري عليه
شهد : رغد لايطلع هذا الكلام ابدا حتى لأبوي
رغد : تطمني والله مايطلع .. بس هدي نفسك وارتاحي
شهد : مدري ليش نحب ونتعذب ... ليش قلوبنا تنكوي بنار الحب
رغد ضمتها : هذآ الحب لابد نتذوق حلاوته ومرارته
شهد رفعت راسها : مشآري ...كيف يقول انه ولد فيصل؟!
رغد : اكيد معصب ومايدري ايش يقول
بمكآن ثاني بنفس المدينه
{يوسف }
لــــــــــــيـــــــش !!.. ياشهد ليش ؟!!.. كذآ تطعنيني ما أستآهل منك هذآ الجزاء والله مآ أستآهله ... مو ذنبي اني حبيتك بجنون خدعتيني واعتبرتيني مغفل أوهمتيني بقصة مشاري حتى ما اعرف حقيقته .. حتى ما أعرف انه ولد الانسان اللي حبيتيه وماقدرتي تنسينه طول عمرك ..آآه ياصدمتي فيك ياشهد " ضرب الدركسون بيده وصار يصرخ " ..ليـش ياشهد ليـــش ؟!!
وقف على جنب الطريق وصدره يرتفع وينخفض بسرعه بدت انفاسه تضيق وترجع له الأزمه الربويه كحه والم يختنق بصدره ...صوتهآ وصورتهآ مرسومه بخياله حآول يأخذ اكبر قدر من الأوكسجين .. مد يده لدرج السياره الصغير وحاول يوصل لدوآه البسيط اللي يخفف عنه الم ومعاناه كآن يعانيهآ منذ الصغر .. اخذ منه رشــــفـــــه .. رشـــفـــتـــيـــن .. وثـــــــلآث
سكنت الاختناقات .. هدأت وانتظمت أنفاسه .. رجعت نبضآته طبيعيه .. غمض عيونه بألم وقلبه يحترق من الالم والعذاب
رجع للبيت بسرعه .. دخل غرفة النوم بيرتاح حتى ينسى اللي مر فيه لكن تفاجئ لما شاف تجهيزآتهآ انتبه لورقه بيضاء على السرير .. مشى لها وفتحهآ حس انه تهور باللي سوآه لكن غيرته ورجولته ماسمحت له انه يكتم اللي فيه اكثر من كذا ...جلس على الارض والورقه بيده مصدوم من اللي قراه
:::
:::
صبآح اليوم اللي بعده
صحت من النوم والتعب والارهاق باين عليها تحس تعبها كل يوم عن يوم يزيد اكثر .. غسلت وجهها وصلت وراحت لغرفة اختها
شوق : صباح الخير
هنآدي كآنت توها طالعه من الحمام وانتم بكرامه : صباح النور
شوق : ننزل نفطر ؟
هنادي : اكيد صحيت من الجوع
شوق تضحك : وانا اقول غريبه صاحيه بدري .. يالله ننزل
دخلوا غرفة الطعام وشافوا رزآن جالسه تفطر
شوق : صباح الخير
رزآن بدون ماترفع راسها : صباح النور
هنادي : ميري .. ميرري
شوق تلف عليها : ايش تبي ؟
هنادي تتامل السفره : ماتحسين ان في شي اساسي ناقص
شوق باستغراب : لا
هنادي : ميرررررررررررري
ميري جآت : يــس
هنادي : وين النسكافيه اللي دايم اوصيك عليها
ميري : الحين سوي
هنادي : طيب بس بسرعه رجاء
...: أحـــــم يآولـــــد .. شوق .. رزآن
طلعوآ له بسرعه من سمعوآ صوته ينآديهم
شوق : امر حبيبي
رزآن : مو قلت بتروح الشركه
فهد : أتصل علي خآلد ووليد وريآن وآصلين الرياض .. ابيكم تجهزون لنا مقبلات على الغداء
شوق : انت طالب الغدآء من برى
فهد : ايه بس الباقي عليكم .. وروني شطآرتكم
رزآن بدلع ماصخ : بس انآ ما أتحمل اي مجهود نآسي اني دخلت بالسابع
فهد يلف : انا اعطيتكم الخبر تصرفي منك لهآ ..
طلع وتركهم يتفآهمون مع بعضهم
رزآن ترجع لصاله الأكل : سوري أنآ حرمه حآمل
شوق بدون نفس : ارتآحي لا تكلفين على عمرك بكره لو يصير فيك تنقين علينا
دخلت للصاله : هنودتي قومي معي المطبخ خلينا نبدأ بشغلنا
هنآدي : اوك حياتو الحين نروح .. مسكت يد شوق ومشوآ للدرج حتى ينزلون للمطبخ
رزآن بصوت شبه مسموع : الله يأخذك انتي وأختك بيوم وآحد
هنآدي تصارخ : اللهم امين على أعدآئنآ واللي ناوين لنا الشر
شوق ترفع يدهآ : امين يارب العالمين
العصر
بعد مآ وصلوآ قروب فهد القديم .. وتغدوآ طلعت هنآدي للحديقه عند الخيول تتمشى لانهآ تحس بضيقه خانقتهآ .. فتحت الحآجز عن الخيل .. وأخذت المشط حتى تنظفهآ وتتسلى
شغلت جوالهآ على شعر تعشقه أحساسه يطربهآ ويحلق فيهآ الى عآلم أخر ... يتحدث عن مآيجول في قلبهآ الصغير .. يعآنق حلمهآ الوردي اللطيف .. تخجل من البوح به وتخآف من ظلام مستقبلهآ الدآمس .. سمعته بكل حوآسهآ وأحسآسيسهآ التي انصاغت له
رحلت ومقصدي كله.. عشان انسا?
نسيت?؟ لا حشى واللي خلق راسي تناسيت?
تناسيت? نعم لكن بقت في داخلي ذكرا?
بقى في داخلي زول? بقى في داخلي بيت?
ألا يا?يف أنا بآسلى ليالي غربتي واسلا?؟
مدام اني ليا جيت لمرآية غرفتي جيت? ..
أشوف? في وسط عيني وأغمضها عشان امحي?
واشووف? داخل جفوني إذا غمّضت [ ضمّيت? ] .. ..
[أضمّ?] واشت?ي طيف? على طيف? بدون إدرا?
وانا في غربتي ليت? تحس بحالتي ليت?
ورى عوج الضلوع ألقى بقايا ضحكت? والقا?
وأسافر ل? وانا حيّ? واسافر ل? وانا ميت?
نقشت [أسم? ] على عرق الخفوق اللي فقد يمنا?
واذا مرّ النفس صدري تذكرت? وحيّيت? .. ..
شهور مرّت وانا قلبي يعيش بضيعته بحما?
بدون أسباب لاتسأل ليا منّي تمنيت?
أهذري بك واغني بك (أنا اهوا? أنا أهوا?)
وأمرّ? تايهٍ .. واذكر? لامني تعديت?
حبيبي طالب? ت?فى سألت? بالذي سوا?
وش اللي يمنع عيوني ليا جيت? وراعيت?؟
تحا?منا على الفرقى بدون اسباب يامقسا?
تخالفنا .. تعدينا الحدود .. ورحت خليت? ..
?ذا مامن سبب يشرح نهاية قصتي ويا?
ت?برت .. وت?برت .. وتحديت .. وتحديت? ..!!
تفارقنا ودمعات [ القهر ] تخشع على فرقا?
وبلاي اني من دموع الوداع المرّ واسيت?
حبيبي والفضا كله مساحات وسما وافلا?
يضيق وغيبت? قشرا .. وانا جيت? وناجيت?
مدام ان الغياب اللي يداعب غربتي فتا?
أمانه لاتجاهلني .. وانا للوصل ناديت?
صحيح اني تجاهلت? وخليت? عشان [ انسا? ]
ولكن والذي سوى عروقي .. بس تناسيت?
تناسيتك نعم لكن بقت في داخلي ذكرا?
بقى في داخلي [ حب? ] .. بقى في داخلي بيت? .
طلعت تنهيده بدون ماتحس فيهآ .. شكآهآ قلبهآ الرقيق وأعترف بهآ بينهآ وبين أنفاسهآ ..قالتهآ بكل أحسآسهآ ونطق بهآ لسآنهآ ...
هنآدي : آآه يــآمآجد ويش بعد تبي تسويه فيني .. مآكفآك أن قلبي تعلق فيك .. ويش الجرح اللي بتهدينيآآآه
حست بنغمة جوالهآ تنبهآ برقم حآفظته عن ظهر قلب كأنه سمع تأوهآتهآ ومشكآهآ
ردت بثقه وهي تحارب قلبهآ الضعيف اللي فرح بأتصآله أظهرت عكس أحاسيسهآ قالت بحده : نـــعـــم
مآجد : ســـلآم ياهاني شخبارك ؟
هنآدي : وبعدين معك أنت متى بتحل عني ؟
مآجد : هههههههه مشاء الله سمعت انك تغيرين جو بالرياض
هنآدي بحده : ويش خص أمك فيني انت اروح وين ماروح مانت ولي أمري
مآجد بنبره ساخره : ههه ههه وآثقه انتي مره .. حبيت اذكرك بالانسان اللي يستنة رجعتك بفارغ فآآآرغ فــــــــــــآآآرغ الصبر
هنآدي سرى الخوف بقلبهآ : ويش قاعد تقول انت ؟!.. الظآهر منت صاحي
ماجد بنفس النبره : لا نـــآيـــم
هنادي بحسم : مآآجدوه .. ويش تبي خلصني
مآجد : ابيك !!
هنآدي : لاحول ولاقوة الا بالله .. اسمع لاعاد تتعب عمرك وتتصل علي فاهم
ماجد : اقول هنآدي .. قصر أختك اللي سآكنته يجنن ودي تنفتح البوآبه حتى أدوس المكآن اللي انتي فيه
أنشلت من الصدمه ماقدرت ترد بكلمه وحده او حتى تستفسر منه
كمل كلامه : ترآني هنآ بالريآآآآآآآآآآآآآض ...
هنآدي ردت بقوه : يعني ارقص اذا انت بالرياض
مآجد : هههههه لا لا بس اعرفي اني ورآك ورآك وأنآ اللي بأخذك واربي هالجنون اللي فيك
هنادي انهبلت منه : انت المجنون اللي تحتآج لعلاج مو أنآ " قفلت الجوال على طول " وطلعت لغرفتهآ بسرعه
شوق : هنوده وين رآيحه
هنآدي : غرفتي برتاح شوي تعبانه
شوق : الف سلآمه عليك .. انتي فيك شي مو طبيعي
هنآدي : أشتقت لخوآتي .. شوقه ابي ارجع المدينه بسرعه ماقدر اصبر اكثر
شوق ابتسمت : تعالي في حضني من زمآن ما حضنتك ... جريت لهآ بسرعه وضمتها
{هنآدي }
يآآآآه من زمان ماحسيت بهذآ الحنان .. من فارقتنا شوق فارقني هالشعور .. آآآآه ياشوق انتي الام اللي ربتنآ وتحآولين تبعدين الهم عنآ بأي طريق لكن الهم مآسك فينآ .. تنهدت تنهيدة قهر + تعب + ألم
مشاعرهآ متضاربه ماتنوصف أبد ... فاقده أشياء كثيره وتحس بضيقه فظيعه تأسر كيآنهآ .. وحزن يتجدد ويهآجمهآ من وحين لحين
...: شوق أنآ تعبانه كثير
شوق تمسح على ظهرها : ويش اللي يتعبك ياروحي ؟
هنآدي ترفع رآسهآ : كل شي
شوق : انتي في شي معكر حياتك .. لما تفضفضي راح ترتاح كثير
هنآدي : بيجي وقت اقولك كل شي بس الحين بروح غرفتي بنام
شوق تطالع الساعه اللي كانت قريب اذان المغرب : طيب صلي المغرب ونامي
هنادي : طيب عن اذنك
شوق مستغربه من تهربها : تفضلي ...
بملحق باسل
خالد : هههههههه ياعيني عليك يافهد
باسل : والله ماعنده سالفه بس جالس في بيته ماكأن عنده أخ يبعد عنه خطوتين
وليد : بالله ايش يبغى فيك ... خليه باللي فيه
فهد : اقول خالد كيف بنتك ؟
خالد : الحمدلله بخير .. سمعت انت قريب بتصير أب
فهد ابتسم : ان شاء الله
وليد : يارب يكونوآ اثنين " ويغمز لفهد "
فهد ضحك : كل شي بيد الله
خالد فتح عيونه : بسم الله ماشاء الله فهد متغير
باسل يطالع بفهد بتفحص : ويش متغير فيه
خالد : احسه التزم شوي ..
باسل : هههههههههههههههههه يارب دوم
وليد : امين الله يسمع منك
فهد بحده : انت جاي تتفقدني والا تزورني
خالد وليد بصوت واحد : زياره
فهد : اجل يقولون يابخت من زار وخفف
باسل : هههههههههههه قويه يافهد مرآآآ قويه
خالد ينزل راسه : مقبوله منك يابو خالد
فهد فتح عيونه عالاخير : ويش ابو خالد
خالد عقد حواجبه : اذا جاك ولد تسميه خالد على اسمي
فهد : صبرا جميل والله المستعان .. الله يجيب الخير
وليد : ههههههه والله ياخالد نرفزت الرجال لاتنسى انه معه القلب اخاف ينجلط بسببك
باسل : اذا ما انجلط من زوجاته ماهو منجلط منا تطمنوا
الكل : هههههههههههههههههههههه
فهد : بس شغلتك الضحك .. الله يصلحكم
وليد : لا متغير وبقوه بعد
سمعوآ اذآن المغرب
فهد : قوموآ توضوآ حتى نروح للمسجد بدل الجلسه اللي بدون فايده
يتبع ,,,,
👈👈👈
اللهم لك الحمد حتى ترضى وإذا رضيت وبعد الرضى ,,, اضف تعليقك