رواية غفلتي دفعتني حياتي -4
بعد ساعة رجعوا للشقة.... طياري نواف راح لغرفة البنات اللي جالسة فيها جوانا.... أما سالم جلس جنب عبير يتابع التلفزيون.... وعبير تتأكد من الأغراض اللي شرتهم....
رجعوا للرياض وفرحت أم سعود بوجود جوانا معها.... دخلت جوانا لجناحها القديم وأنفطر قلبها.... ذكريات كثيرة لها مع سعود.... جلست ع الكنبة ونزلت دموعها....
شافها نواف وقرب وقال: ماما لماذا تبكين... هل أشتقتي لوالدي
جوانا وهي تمسح دموعها: نعم... لقد أشتقت له كثيرا
نواف: متى سيعود
جوانا: عزيزي والدك لن يعود
نواف: لماذا
جوانا: لقد ذهب إلى الجنة ولن يعود... - سكتت شوي وبعدها قالت: صغيري نواف
نواف: نعم أمي
جوانا: أريدك أن تعرف أنا سعود ليس والدك... وأنما سالم هو أبيك
نواف: سالم هو عمي
جوانا: لا السيد سالم هو أبيك يا صغيري
نواف: وأين أمي
جوانا: تسكن أمك في مدينة بعيدة
نواف: وهل سأراها
جوانا: بطبع... أسأل والدك وسيأخذك إليها
بعد شهر بدت الدراسة ونواف يروح المدرسه وبحضور أبوه.... لكن بعد فترة بدا يتعود ع الحياة عند أهله.... لاحظت جوانا أنا نواف مبسوط في بيت أبوه.... لأن في بنات يلعب معهم وأبوه دايما يأخذهم للحديقة أو الملاهي.... فقررت جوانا ترجع لألمانيا لأن مالها أي صلة بها العايلة بعد وفاة سعود....
يوم سفرها مع وليد.... نواف كان يصيح وهي تضمه وتودعه.... بعدها تعود نواف ع الحياة بدون جوانا وفي بيت أبوه....
يتبع..................
طلعت رنا { 7 سنوات } من الغرفة وهي تصيح.... من بعد كاس المويه الباردة اللي كبه نواف { 12 سنه } عليها وهي نايمة.... راحت لأمها في المطبخ وتشتكي من نواف....
أما نواف بعد الضحك على شكل رنا.... جلس تحت يتابع التلفزيون.... ومعه ريم { 16 سنه } اللي تكتب درس النحو اللي فاتها....
ريم: يا الغبي يا نويف... ليه تكب موية على ناانه والله بتعصب عليك أمي
نواف: أمك هي قالت رح صحي رنووه و....
سكته كف من عبير.... وقالت بعصبية: وما قلت لك كب عليها موية بادرة يا قليل الحياء
ناظرها نواف وقال: بس أنـ...
ما عطته مجال يتكلم وضربته بالملعقة الخشبية اللي بيدها.... وهو يحاول يحمي وجهه ويصيح.... ابتسمت رنا من ورا أمها وهي مبسوطة.... أما ريم ما تقدر تقول شي لأن أمها بتهزئها.... شالت كتبها وأغراضها وراحت فوق....
مسكت عبير نواف من شعره حتى ما يقدر يقاومها.... طلعته برة التهوية ودفته وقالت: خلك هنا عشان تتأدب يا ولد الكافرة
نواف ضرب الباب بعد ما سكرته عبير وقال: خالتي... فتحي الباب، آخر مرة والله... فتحي الباب
لما شاف ما فيه أمل تفتح الباب.... جلس ع الدرج وضم رجلينه لصدره.... عطس بسبب نسمة باردة هبت عليه.... أرتجف جسمه لأنه نسى جاكيته داخل.... دخل سالم واستغرب لما شاف ولده جالس ع الدرج ويفرك يدينه من البرد....
قرب منه وقال: نواف... وش تسوي هنا
وقف نواف: بابا
ضم ولده لما شافه يصيح وقال: نواف وش تسوي ف البرد
نواف ودموعه تنزل: خالتي طلعتني برة
فصخ سالم جاكيته ولبسه ولده: ليه وش مسوي بعد
نواف: خالتي قالت لي أصحي رنوه... وأنا كبيت عليها موية عشان تصحى
تنهد سالم: وما لقيت الا الموية ولا تبي تلعب وبس... كان تركتها الين تجي أمها تصحيها
نواف: والله آخر مرة، والله ما أسوي شي ثاني... بس ما أبي أجلس هنا برد... وأخاف يجي الكلب يعضني
وقف سالم: ما فيه كلاب هنا... ويللا تعال داخل
دخل نواف مع أبوه.... جت عبير وقالت: وليه تدخله إن شاء الله... أنت ما تدري أنه كب موية باردة على نانه
سالم متعود على سلطتها: أدري هو قالي... وأنا أقولك أقفلي عليه غرفته بس لا تطلعينه بالبرد
ناظرت عبير بنواف اللي واقف ورا أبوه وخايف.... وقالت: يللا تعال قدامي... يللا تحرك
راح نواف فوق وعبير تدفه بقرف لغرفته وقالت: ومالك عشاء اليوم
سكرت الباب وقفلته وعلقت المفتاح مع باقي المفاتيح.... بعد العشاء جلست ريم مع أمها وأختها وسالم.... ناظرت الخدامة وهي تشيل أطباق العشاء وتذكرت نواف.... " مسكين.. أكيد جوعان "....
ناظرت أمها وزوجها يتابعون التلفزيون.... رنا تلون بدفتر التلوين وقفت وراحت المطبخ.... حطت أكل لنواف بصحن وراحت فوق.... خذت مفتاح غرفة نواف وراحت له....
فتحت الباب وشافت نواف جالس ع المكتب.... التفت نواف لما انفتح باب غرفته.... وقال: ريم
حطت ريم الصينية مع العصير وقالت: إذا خلصت حط الصينية تحت السرير... وإذا جيت بكرة من المدرسة عطهم الخدامة
طلعت ريم وقفلت الباب ورجعت المفتاح مكانه.... ف الليل الكل نايم الا سالم.... جلس وناظر بعبير النايمة وتذكر ولده.... قام ولبس الروب الدافي فوق بيجامته وطلع....
راح لغرفة نواف ما هان عليه ولده ينام بدون عشاء.... فتح الباب وشاف نواف يدفي نفسه والغطا ع الأرض.... غطا ولده ومسح ظهره وهو يفكر.... " آآآه الله يصبرني أجمع الملايين حتى ترتاح يا نواف.. وارتاح أنا معك "....
استغرب من ريحة الأكل اللي مالية الغرفة.... وقف وحس بحديد تحت رجله.... أخذها الا هي ملعقة ناظر تحت السرير وسحب الصينية.... وابتسم لما شاف الأكل مع كاس فاضي.... " أكيد هذي ريم.. ما هان عليها تترك نواف جوعان.. يحليلها دوم تتمرد على أمها ".... شال الصينية ونزلها تحت....
في العطلة الصيفية....
دق مساعد أخو عبير عليها....
عبير: الوو
مساعد: مرحبا عبوره
عبير: مرحبتين... كيفك مساعد
مساعد: نحمده على كل حال... ها جهزتوا لشاليهات
عبير: شكلنا مو رايحين
مساعد: لا يا شيخه وش المانع
عبير: سالم يقول أنه تعبان
مساعد: هه مو علي أنا تعبان... يللا طلعي شطارتك وخليه يجي
عبير: تأمر أمر
طبعا وافق سالم يروح بعد تهديد عبير له.... طول الطريق للشرقية ريم مركبه السماعات بأذنها ومندمجة مع الأغاني.... نواف ورنا ساكتين لأن القيم بوي عامل عمايله.... سالم يقاوم الألم اللي يعصر بطنه وهو يسوق.... أما عبير تناظر الشارع وهي مبسوطة....
وصلوا لشاليهات المطلوبة.... نزلت ريم من السيارة وعلى طول عند بنات خالاتها.... نواف ورنا عند البحر على طول مع أغلب العيال....
بعد ما نزل سالم الأغراض من سيارته.... جلس ع الكرسي شوي لأن بطنه يمغصه.... مر من جنبه ولد وسأله عن المكان اللي ينامون فيه الرجال.... أشر الولد بيده ووقف سالم وأخذ الكيس اللي فيها حليب وسفن أب.... وراح لغرفة فاضية ورمى نفسه ع السرير ونام....
بعد السباحة واللعب بالبحر مع الأولاد.... طلع حتى يلبس ملابسه ويأكل شي.... بس مستحيل يروح عند عبير.... قرب من عند الرجال وما شاف أبوه.... راح لعند البنات.... وقال: ريم... ريم
قالت وحده: يا عيني ع العيون الزرقاء
قالت ثانية: والله من شافك ما صدق أنك سعودي
قالت ثالثة: اسكتوا تراه خطيبي
نواف متعود ع التعليقات بحكم ملامحة الأوروبية.... سكت وما قال شي....
ريم: ههههه حسبي الله على شيطانكم... - التفتت لنواف وقالت: ها نواف وش بغيت
نواف: وين أبوي... راح وتركني
أشرت ريم بيدها: هناك... نايم بوحدة من الغرف
راح نواف ودور أبوه في الغرف.... وشافه نايم بالسرير.... راح جنبه وصحاه: بااابا... باااابا
فتح سالم عيونه وشاف نواف جاي له بملابس السباحة.... وقال: نواف ايش هذا
نواف: ما أدري وين ملابسي
سالم: ملابسك ف السيارة
نواف: طيب بابا أنا جوعان
سالم: رح لعبير تعطيك اللي تبيه
نواف: منيب رايح...عشان ما تصرخ علي وتفشلني
سالم: نواف السيارة فيها بطاطسات وحلويات... رح أكلهم على ما يجهزون العشاء
نواف: بابا... ليه أنت نايم
سالم بتعب: نواف وبعدين معك... أنا تعبان بطني يألمني وأبغى ارتاح
دمعت عيون نواف وقال: بتروح الجنة مع بابا سعود وتتركني صح
استغرب سالم وطار أبو الألم: ايش
نزلت دموع نواف وقال: بتروح الجنة مع بابا سعود وتتركني
جلس سالم وضم ولده وقال: منيب رايح مكان... بتم معك على طول إن شاء الله
ناظر نواف أبوه وقال: صحيح
سالم: إيوه... يللا قم البس ملابسك
طلع نواف أما سالم ظل يفكر بولده الين غالبه النوم ونام.... صحى سالم لما حس بحد يفحص حرارته.... فتح عيونه وسحب نفسه لما شاف أم مساعد....
أم مساعد: خلك نايم ارتاح يا ولدي
سالم: عمتي... وش فيك صاير شي
أم مساعد: ما فينا الا الخير... أنت وش فيك نايم الحين
سالم: تعبان شوي
أم مساعد: ويوم أنك تعبان ليه جيت
سالم: عشان العيال ينبسطون
أم مساعد: شكلك تعبان مرة... أروح أنادي مساعد يشوفك
سالم: ماله داعي
أم مساعد: ليه خايف من مساعد... تراه دكتور شاطر
سالم: لا مو خايف... بس ماله داعي
ما عطته فرصه وطلعت تنادي مساعد.... دخل مساعد واستغرب لما شاف سالم يضغط على بطنه" الظاهر أنه ما كذب على عبير "....
مساعد: سالم
التفت سالم: هلا
مساعد: يوم أنك مريض ليه جيت
سالم بتعب: أخاف إذا ما جيت ترميني بالسجن أنت وأختك
مساعد: عبير قالت لي أنك قلت لها أنك تعبان... وفي فرق بين التعبان والمريض
سكت سالم وما رد....
مساعد: وش تحس فيه
سالم: بطني يمغصني ومو قادر أنام
مساعد: بروح أجيب لك مهدئ عشان ترتاح وتنام
صحى سالم لما حس بأنفاس بوجهه.... فتح عيونه وشاف ملامح زوجته منيرة لكن أصغر.... مسح شعر ولده" ما هقيت أنا حالي ينقلب كذا ".... ناظر ساعته كان وقت الفجر.... حس إنا الألم خف قام وطلع للبحر.... كان الجو معتدل عشان كذا سحب كرسي وجلس وهو يناظر البحر.... مع صوت الأمواج مرت عليه ذكريات كثيرة في بريطانيا.... " آآآه كل ها التعاسة بسبب وصخ دنيا.. وش ها الغفلة اللي دفعتني حياتي ".... قام لما حس بالتعب....
دخل غرفته وبعد ما صلى الفجر.... تمدد على صدره وأخذ بوكه.... ناظر صورته مع أخوانه فواز وسعود.... نزلت دمعته لما تذكر أخوه سعود " وينك يا سعود.. فقدت اتصالك وكلامك اللي يصبرني ويخفف عني.. رحمة الله عليك يخوي "....
مسح دمعته وفكر بأخوه فواز.... نفسه يفضفض له لكن علاقته فيه مو مثل سعود.... عشان كذا دفن همه بصدره....
صحى سالم وحس نفسه مخنوق.... بردان لكن جسمه متعرق.... مد يده للجوال ودق على عبير.... جت عبير معصبة لأنه قطع عليها سوالفها.... استغربت لما شافته يحاول يدفي نفسه....
عبير بدون نفس: خير وش تبي
سالم بصوت مخنوق: طفي المكيف
عبير بعصبية: الحين تعالي وحالتك حالة وف الآخر طفي المكيف... - التفتت بتطلع: جد ما عندك سالفة
بعد سالم الغطا عنه ووقف وراح لها بصعوبة.... تقدم سالم لها ومسك ذراعها وقال بصوت واطي: تعبان يا عبير... وبردان
استغربت عبير لما حست بحرارة يده.... التفتت له وحطت يدها بجبهته وقالت: سالم... جسمك حار حرارتك مرتفعه... لازم تتروش
بعد دقايق طلع سالم من الحمام والفوطة على شعره.... تمدد ع السرير وهو يحس نفسه أحسن.... عبير بعد ما حطت عليه الغطا.... طفت الأنوار وفتحت الباب....
قال سالم: عبير... وين رايحه
عبير: بجلس مع أهلي ولا تبيني أقابل وجهك
سالم: خليك معي شوي
عبير: إذا تبيني دق علي... أما جلسة منيب جالسة معك
سكرت الباب وما أهتمت وراحت جلست مع خواتها.... بعد ساعتين صحى سالم وصلى العشاء وهو جالس.... لما خلص جلس بطرف سريره يعاتب نفسه.... رن جواله واستغرب لما شاف رقم أخوه فواز....
سالم: الوو
فواز: السلام عليكم
سالم: وعليكم السلام... وش أخبارك
فواز: تمام... سالم وش فيه صوتك متغير
سالم: تعبان شوي
فواز: لا تكذب يا سالم... قلي أنا أخوك لمتى بتظل ساكت
استغرب سالم: على ايش ساكت
فواز: مدري عنك... - قال يشجعة يتكلم: من جيت بيت أبوي وقلت أنك تبي تتزوج عبير وأنا حاس فيك... بس لما سألت سعود الله يرحمه قالي أنه كلمك... وأنا أرتحت أنك لقيت من يسمعك... والحين من توفى سعود وأنا أحس أنك بمصيبة... ومحتاج من يسمعك ويخفف عنك
سالم: لااا الظاهر أنك تتوهم... ما عندي مصيبة ولا شي مايحتاج تشغل نفسك فيني
فواز: بس يا سالم أنا مـ..
قاطعه سالم: فواز قلت لك ما فيني شي و...
قطع كلمته لما دخلت رنا ووجهها مخطوف.... قالت بروعة: بابا نواف غرق
فتح سالم عيونه: ايش
رنا: نواف غرق بالبحر... هناك الناس متجمعين عليه
وقف سالم وقال: فواز أكلمك بعدين... مع السلامة
راح ورا بنته وشاف الرجال متجمعين ومعهم أمن الشاطئ.... أنقبض قلبه نواف ولده قطعه منه غرق.... قرب منهم بخطوات ثقيلة وهو يدعي ربه يرءف بحالة....
جلس نواف بعد ما سوو له اللازم.... وقف وهو يسمع الأمن ينبهون الرجال على عيالهم.... بعد عنهم وشاف أبوه جاي له....
راح له ووقف قباله وقال: بابا
نزل سالم بعد ما ردت فيه الروح لما شاف ولده.... نزل لمستواه وضمه والكل يناظرهم.... مسك كتوفه وقال: نواف صار لك شي
نواف: لا بس دخل مويه كثير بطني... - ناظر أبوه وقال: بابا أبغى ماما جوانا
وقف سالم ومسك يد ولده ورجعوا للغرفة.... جلس سالم بطرف السرير وقال: نواف ألبس ملابسك... ولا تقرب من البحر مرة ثانية
نواف: طيب... - راح عند شنطته وأخذ ملابس ووقف عند الزاوية.... ناظر ظهر أبوه وقال: بابا لا تناظر
سالم وهو حاط يده على جبهته بتعب: ما راح أناظر ألبس
لبس نواف ملابسه وقرب من أبوه وقال: بابا أبغى أروح لماما جوانا... أنت وعدتني
تمدد سالم ع السرير وسند ظهره ع القاعدة وقال: وأنا عند وعدي... بس مو الحين ألين تكبر شوي
نواف: متى
غفت عين سالم وما رد.... قرب نواف منه وهزه: بااابا... باابا أصحى
تمدد سالم ع السرير عدل: همم
نواف: بابا متى أروح لماما
سالم: بعدين يا نواف... بعدين
كملوا 5 أيام ف الشاليهات وبعدها رجعوا للرياض.... دخلوا البيت والكل منهد حيله.... أجلت عبير كل شي لبكرة من التعب.... نامت بعد تروشت بنتها رنا أما ريم كبيرة وتعتمد على نفسها.... نواف مو مهتم دخل غرفته ونام....
فتح نواف عيونه لما شاف عبير واقفه على راسه....
عبير: أيا القذر... نمت بدون ما تتروش من البحر
نواف مقهور: ما لك دخل فيني أنتي مو أمي
عبير: بعد لسانه طويل... لكن قالوها الحب على بذره... أكيد طالع على أمك يا ولد الكافرة... - صرخت: قم تروش يللا... لا بارك الله فيك من ولد
تنهد سالم اللي كان مار وسمع صراخ عبير على ولده.... لكن ما بيده شي، دخل غرفته وجلس على طرف السرير.... ناظر الورقة اللي ملصقتها عبير على مراية الأوظة.... ورقة تدينه بـ 10 ملايين ريال.... حاطتها له بوجهه عشان ما يفكر يسوي شي الا ويسحب حساب السجن....
وقف ولبس ثوبه بيروح لبيت أمه يغير جو.... بعد ما جهز نزل تحت وشاف نواف جاي له ولابس بدلة خضرا مع بنطلون جنيز....
نواف: بابا أبغى أروح بيت عمي فواز
سالم: وش عندك هناك
نواف: رائد ولد عمي عنده سيكل وأنا أبي ألعب معه
قفزت رنا: وأنا أبي أروح بيت عمي
عبير: نااانه ما تبين تروحين بيت هنوو
رنا: لا ماما أبغى ألعب مع رغوده
سالم: بتروحين بيت صاحبتك
عبير: إيوه عازمتني على قهوة أنا وريم
سالم: أجل قوموا معي أوصلكم في طريقي
عبير: بعد شوي بروح مع السواق
سالم: اوكيه... أنا طالع نواف نااانه يللا
طلع سالم مع عياله وصلهم بيت أخوه ومشى.... وكالعادة قبل ما يروح لبيت أمه لازم يمر على بيت ولد عمه.... دق الجرس وفتح زياد الباب....
زياد: سالم... - سلم عليه: يا هلا والله وأنا أقول من جا
سالم: هلا فيك... عسى ما أزعجتك
زياد: لا أزعاج ولا شي... حياك تفضل
سالم: دام فضلك بس أبغى آخذ أسومة معي
زياد: يا رجال تفضل على ما تجهز البنت... لأنها تتروش
سالم: اوكيه
طلعت أسماء { 9 سنوات } من الغرفة وشعرها مبلول.... نزلت تحت وشافت أمها بالرضاعة جالسة بالصالة....
أسماء: ماما سوي لي شعري... الحين بابا سالم يجي
أمها حنان: يللا تعالي يا بنتي
جلست أسماء مقابل امها.... سوت شعرها إثنين ولبستها شرايط موف على لون فستانها.... ناظرتها حنان، تجنن ها البنت مع شعرها الكستنائي....
ركضت أسماء ع المجلس.... دخلت وقالت: باابا
ابتسم سالم لما شاف بنته جايه له.... ضمها وقال: شلونك أسومة
أسماء: بخير
بعد دقايق ركبوا السيارة.... بعد مسافة التفتت أسماء لأبوها....
أسماء: بابا
سالم: نعم بابا
أسماء: ليه أنت ما تبيني
استغرب سالم وقال: افااا أسومة أنا ما أبيك
أسماء: ليه نواف عندك وبسمة عند ماما... وأنا بيت بابا زياد
توهق سالم وما عرف يرد.... بس قال: ليه تسألين... ما يحبونك أخوانك
أسماء: الا يحبوني... بس متى نسكن كلنا في بيت واحد... ليه تركت ماما لحالها في لندن
وقف سالم سيارته بعد ما صلوا لبيت أمه.... التفت لأسماء وحط يده على كتفها.... وقال: أسومه... أنا أحبك وأحب أمك وأخوانك... بس عندي مشكلة عشان كذا خليت أمك في لندن... وإن شاء الله إذا انتهت المشكلة كلنا بنعيش في بيتي مع بعض
ناظرته أسماء وقالت: وعد بابا
ابتسم سالم: وعد
نزلت أسماء ودقت الجرس.... فتح عمها عمر الباب....
عمر: أسوووومة
ضمته أسماء: اهلين عمي شخبارك
خربط شعرها: عال العال... شلونك أنتي
أسماء: بخير... عمي جدتي داخل
عمر: إيوه مع عماتك... أقول أسومه من جابك
أسماء: بابا سالم
عمر: وينه
التفتت أسماء ورا: ف السيارة... ويمكن بيمشي
عمر: أجل خل الحق عليه
نزلت أسماء وسند سالم راسه بالسيارة وتنهد.... عياله كانوا صغار وما يفهمون بس الحين بنته فهمت.... ضاق خلقه على حالة فكر وفكر وقرر يقول لفواز كل شي.... التفت لما شاف عمر يناديه من عند النافذة....
عمر: ياهووو... وش فيك ما نزلت
ابتسم سالم مجاملة: لأني بمشي
عمر: لا يا شيخ بدون ما تسلم على أمي... أقول قم بس خالاتي جايات عندنا
سالم" يا ذا النشبة ": اوكيه نازل
دخل سالم وسلم على أمه وخالاته.... وكلهم يسألونه عن أحواله.... بعد ساعة وقف سالم وقال: يللا أنا ماشي
أم سالم: أجلس يا يمه... تعشى معنا
سالم: لا يمه أنا مشغول... يللا أسومة
أخته وعد: خلها نبي نلعب
أسماء: إيوه بابا ما أبي أروح البيت... أبي أجلس مع عمه
صرخ سالم: أسماااء
خافت أسماء ووقفت.... قال سالم بحدة: يللا البيت
طلع سالم ضايق خلقه.... وأسماء تبكي الين وصلها لبيت ولد عمه.... وراح لبيت أخوه صفط السيارة ونزل.... وقف عند الباب ومد يده يدق الجرس.... بس تراجع لأنه تردد يقوله ولا لا.... ظل 5 دقايق واقف عند بيت أخوه.... التفت لما سمع صوت أخوه فواز: سالم
وصل فواز بيته واستغرب لما شاف سالم واقف عند الباب.... ومبين أنه متردد يدخل...." لو أنه جاي يأخذ عياله كان دق الجرس على طول ".... نزل من سيارته وراح له....
فواز: سالم
التفت سالم وقال بإرتباك: هلا فواز
فواز: هلا فيك... حياك تفضل
سالم: لا... أنا جاي أخذ نواف ورنا
فواز: إذا جاي تاخذهم على قولتك... ليه صار لك فتره واقف
سكت سالم وما عرف يرد....
فواز: وتقول ما فيني شي، تكلم يخوي أرمي همك علي... أحسك بتنفجر من داخلك
ناظره سالم: وبتسمعني
ابتسم فواز: أكيد... تعال معي المجلس وقلي وش السالفة
دخلوا البيت وعلى طول جوا عيالهم وسلموا عليهم.... دخلوا المجلس....
جلس سالم وبعد فتره قال: هذي السالفة صار لي من سنين يوم إني........ - ناظر أخوه وقال: ومن ذاك اليوم وعبير تهددني... وكاسرة هيبتي قدام عيالي... - نزل عينه وقال: صدقني ما أنام إلا ودمعتي على خدي
فواز وكأنه ما يدري عن ذي السالفة: وش اقترح عليك سعود الله يرحمه
سالم: قالي أجمع الملايين حتى ارتاح... وهذا أنا اجمع اللي أقدر عليه
فواز: أسمعني يخوي... لا تحرق أعصابك إذا صرخت عليك عبير... خلك هادي قطعة ثلج، أتركها تصرخ لين تتعب... ما أبيك تنقهر على شي لأن ما بيدك شي... أتركها على راحتها تطلع وتسافر على كيفها... أهم شي تجمع الفلوس وإن شاء الله يطلع النصاب... وأنا بساعدك باللي أقدر عليه
سالم بسرعة: لا يا فواز... لا تخليني أندم إني قلت لك
فواز: ليه وش فيك
سالم: أنا ما قلت لك ها المصيبة عشان تساعدني بفلوسك... يكفيني أنك تدري وأقدر أفضفض لك... بس تكفى ما أبي فلوسك
سايرة فواز: خلاص على راحتك... بس متى ما تضايقت تعال لي... وما أوصيك بالدعاء لأن بفضل الله بيطلع النصاب
سالم: إن شاء الله... مشكور فواز ما قصرت
فواز: ولو أنت أخوي وحيدي... من لي غيرك
سالم: تسلم
يتبع.........
طلع نواف من الحمام وهو لاف الفوطة على خصره.... ريم ( 21 سنة ) اللي كانت رايحة غرفتها.... استحت لما شافت نواف لأنها عارفة أنه مو أخوها.... ابتسم نواف لما شاف ريم مستحية" الحمد لله والشكر.. تستحي من أخوها ".... هو ما يدري أنهم مو أخوان.... فكان إيزي عنده....
دخل غرفته ولبس ملابسه ووقف عند المرايا وناظر نفسه.... أخذ فرشاة الشعر وبدا يسرح شعره على ورا.... ابتسم وهو يناظر شواربه.... أخيرا نبتوا لأن عمره 17 سنة وشورابه خفيفة....
فتحت رنا ( 12 سنة ) الباب وشافت نواف يناظر نفسه وهو مبتسم.... قالت: تصدق... ناقصك حلق وعقد وتصير بنت
التفت لها نواف وقرب وبعيونه الشر.... خافت رنا لما شافته وسكرت الباب وركضت.... فتح نواف الباب وشافها واقفة عند بداية الدرج....
نواف: رنووه أن شفتك داخلة غرفتي... بكسر رجلك فاهمة
رنا: ما تقدر... - تذكرت وقالت: ترا حطوا العشا
نواف: أبوي تحت
رنا: أبوي طالع... للحين ما جا
رجع نواف غرفته وقف عند المرايا وسكر أزرار بدلته.... أخذ عطر هيوقو وعطر نفسه.... لبس قبعته وفتح بوكه ورفع العشرة الوحيدة اللي عنده....
نواف: ايش أسوي بعشرة ريال... ما تسوي... - سكت لما رن جواله.....
نواف: هلا بو الخل
ـ :........
نواف: اوكيه ع الساعة 9 أنا انتظركم... بااااي
سكر الخط" آآف مو مكفي سيارة ما عندي.. بعد مفلس ".... حط جواله وبوكه بجيبه وطلع.... نزل تحت وشاف عبير جالسة حول الطاولة وجنبها ريم ومقابلتهم رنا.... جلس بمكانه المعروف جنب رنا ومكان أبوه خالي....
أخذ الملقعة وبدا ياكل صحن اللازانيا اللي قباله.... شرب العصير والتفت لريم....
نواف: وين أبوي
ريم: قال أنه بعد شوي بيجي
نواف: وليه ما انتظرتوه
عبير: مو لازم
ناظرها نواف لثواني وقال بتردد: خالتي
عبير اللي تناظر التلفزيون.... قالت من غير ما تناظره: خير
نواف: أأ.. أبغى فلوس
التفتت له عبير وهي مستغربة: ايش
نواف: قولي لأبوي أبغى فلوس
عبير: وليه ما تقوله أنت
نواف: لأنه ما راح يعطيني قولي له أنتي
ريم: نواف... أنا أعطيك بس سلف
نواف: لا ما يصير الرجال ما يأخذ فلوس من أخته
ابتسمت ريم وهي مو مصدقة إنا نواف يظنها أخته: وأنا بعطيك إياهم عطية... قلت لك سلف
نواف: لا مابي... ها خالتي بتقولين له
عبير: منيب قايلة له... وش بتسوي يا ولد الكافرة
عصب نواف: ترا طفشتيني ولد الكافرة ولد الكافرة... ليه أنتي شفتيها ولا عشتي معها عشان تقولين عنها كافرة
عبير مبسوطة: لا... بس حظها الردي اللي حطها عند أبوك... ولما شافت ما عنده شخصية... رمتك عليه وتزوجت بدون ما تتطلق هههههه
أنقهر نواف: لو أمي يهودية ولا مسيحية ربها يجازيها... وإذا منتي طايقتني قولي لأبوي يعطيني جواز سفري... وأروح ألمانيا حتى ترتاحين مني
ريم ورنا متعودين ع النقاش الحاد بين أمهم ونواف.... فكانوا ياكلون بصمت....
عبير: بعد بتروح لكافرة ثانية... والله حالة
وقف نواف وقال: لو سمحتي الا طاري أمي جوانا لا يجي على لسانك... وبعدين هي مسلمة ما يجوز تقولين عنها كافرة... وهذا وأنتي الدارسة والمتعلمة تقولين عنها كذا... ما ينشره الباقي
أنقهرت عبير وقالت: نويف أطلع عن وجهي... لأخلي أبوك يتصرف معك
عرف نواف أنه بينضرب إذا رد عليها.... مشى عنهم وهو يسب ويلعن بالألماني.... دخل الحمام وغسل يدينه وفمه وطلع وراح وجلس عند الباب الرئيسي.... خلاص مهو بطالع مع ربعه بيروح بيت جده أحسن....
أخذ جزمته ولبسها وقال: عيشه تقصر العمر
أبو نواف اللي توه داخل: ليه وش فيك
التفت نواف لأبوه من غير ما ينطق بكلمة....
أبو نواف: وش فيك... متهاوش مع خالتك
هز نواف راسه ووقف.... قال أبو نواف: طيب تعال المكتب
دخلوا لمكتب أبو نواف.... جلس أبو نواف ع الكنب وقال: ايش فيك مع عبير
ما رد نواف وهو يناظر أبوه لأنه بعيد عنه بعد الشمس عن الأرض....
أبو نواف: الظاهر أكلم الطاولة أنا... نواف وش فيك
رنا اللي عند الباب: يبغى فلوس
الأثنين التفتوا لها.... نواف شد قبضة يده.... أما أبو نواف قال: ايش
رنا: نواف يبغى فلوس وقال لأمي تقولك عشان تعطيه
استغرب أبو نواف من تصرف ولده.... أما نواف نفسه يحرقها....
أبو نواف: نااانه خلينا لحالنا شوي
طلعت رنا وقال أبو نواف: نواف... تعال أجلس جنبي
قرب نواف وجلس بعيد عن أبوه بمسافة.... قرب أبو نواف من ولده وحط يده على كتفه.... وقال: نواف يوم أنك تبي فلوس ليه ما تقولي... ليه تبي عبير تتوسط لك عندي
تنهد نواف: يبه لما كنت صغير وتبي فلوس... أكيد تقول لجدي لكنه ما يعطيك... فبتروح عند جدتي عشان تقوله صح
ابتسم أبو نواف: بس أنا غير... هذي أمي مو مرت أبوي
نواف: وأنا أبغى أمي
تنهد أبو نواف: رجعنا لها السالفة
نواف: إيوه نرجع لها... منت راضي تأخذني لها أجل عطني صورة... إذا أنت تزوجتها في لندن أكيد عندك صورة
أبو نواف وهو يفتح بوكه: قلت لك أمك خذت كل صورها معها... وإذا تبي تشوفها ناظر وجهك لأنك نسخة ثانية منها... - مد المئتين وقال: وإذا تبي شي قلي أنا فاهم
نواف أخذ المئتين وكان بيقول: أبي أروح عند أمي جوانا... - لكن دخلت عبير وما قال شي.... وقف وطلع بدون ما ينطق بكلمة....
بس عبير قالت: عرفت كيف تستخدم لسانك
فهم نواف قصدها لكن ما يقدر يقول شي.... طلع من البيت وراح لربعه اللي توهم جايين ياخذونه.... مشوا للمجمع وبعد ما خذوا لهم كم جولة قرروا يروحون لأقرب كوفي....
بنت كانت تمشي مع صديقتها وشكلهم يغري الشباب اللي يلحقونهم.... وهم مبسوطات بلفت الإنتباه هذا.... شافت نواف يمشي مع ثلاث شباب.... مرة من جنبه وقالت بصوت كله غنج: العدسات الملونة للبنات يا بابا
التفت نواف وما خلاها بخاطره: أمي بريطانية يا بنت أبوك
البنت وهي تكلم صديقتها: وااو أمه بريطانية
صديقتها: وأنا أقول ها الحلا أوروبي
هذي آخر كلمه سمعها نواف من البنت....
بندر: من قدك البنات يتغزلون فيك
نواف بطفش: واللي يعافيك
بندر: أنا لو بيدي كان لبست عدسات زرقاء
رائد ولد عم نواف: اسكت واللي يرحم والديك
خالد: أنت ما تشوف وجهك
بندر: ليه وش فيها خشتي
رائد: سلامتك بس ناظر خشة نويف وخشتك وتعرف الفرق
خالد: ناظر نويف... اللي يشوفه يظن أنه أجنبي بها البدلة... بس أنت لو تسوي عمليات تجميل... بتظل سعودي
نواف: يعني أنا أمريكي... آآآه أبغى أعدل رأسي
رائد: تبي تعميرة... أنا أعرف مكان...
قاطعه نواف: أي تعميرة... أبغى أشرب قهوة
بندر: هذا احنا وصلنا
بعد يومين....
طلع نواف من المدرسة وتوهق.... لأنه العادة يرجع البيت مع رائد.... بس رائد غايب اليوم ويستحي يطلب من ربعه.... رجع البيت مشي وهو مقهور من أبوه اللي مو حاس يشتري له سيارة.... دخل البيت معصب ومر الصالة وهو يمشي بسرعة....
نواف: ما أبغى غدا لاحد يصحيني
راح غرفته ورمى كتبه ع المكتب.... جلس ع السرير وهو يفكر بطريقة يقدر يحصل فلوس فيها.... إذا أبوه مو شاري له سيارة فبيأجر له وحده مستعملة.... نام وفي باله ألف فكرة....
في المغرب....
أبو نواف: وكم تبغين
عبير: 500 ريال
أبو نواف: كثير 500... تكفيك ميتين
عبير: لا والله... صديقتي والد وش أسوي بميتين... قلت لك 500 ريال وما أبي أقل منها
دخل يده بيجيبه وقال: البوك فوق... بروح أجيبهم لك
راح أبو نواف فوق واستغرب لما شاف باب غرفته مفتوح شوي.... دخل وانفجع لما شاف بوكه بيد ولده....
نواف بعد تفكير قرر أنه يسرق.... ما فيه أحسن من ها الحل.... دخل غرفة أبوه وعلى طول عند الأوظة اللي عليها البوك مع المفاتيح.... التفت لما شاف أبوه دخل....
قال بهمس: يبه
قرب أبو نواف وقال: نواف... ايش هذا
يتبع ,,,,
👇👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك